2023

24 sitting MLA’s will not be given ticket this time !! ಬಿಜೆಪಿದ 24 ಶಾಸಕೆರೆಗ್ ಈ ಸರ್ತಿ ಟಿಕೆಟ್ ಇಜ್ಜಿ!

ಬಿಜೆಪಿ ಈ ಸರ್ತಿ ತನ್ನ 24 ಹಾಲಿ ಶಾಸಕೆರೆಗ್ ಟಿಕೆಟ್ ಕೊರಂದಿಲೆಕ ಆಲೋಚನೆ ಮಲ್ದ್ಂಡ್.

ಈ ಬಗೆಟ್ ಪೆರಿಯ ಶಾಸಕೆರಾದಿತ್ತಿನ ಬಿ.ಎಸ್ ಯಡಿಯೂರಪ್ಪ, ಎಸ್ ಎ ರವೀಂದ್ರನಾಥ, ಹಾಲಾಡಿ ಶ್ರೀನಿವಾಸ ಶೆಟ್ಟಿ ವೋಟುದ ರಾಜಕೀಯಗ್ ನಿವೃತ್ತಿ ಪಂತೆರ್. ಕೆ.ಎಸ್ ಈಶ್ವರಪ್ಪ ಮೆರೆನ ಬದಲ್ ಮೆರೆನ ಮಗೆ ಕಾಂತೇಶ್ ಮೆರೆಗ್ ಟಿಕೆಟ್ ಕೊರ್ಪಿನ ಅಂದಾಜಿ ಉಂಡು. ಈ ಬಗೆಟ್ ಪಕ್ಷದ ನಿರ್ಧಾರರ್ದ್ ಶಾಸಕೆರೆಗ್ ನಿರಾಶೆ ಆತ್ಂಡ್. ಬಿಜೆಪಿ ತನ್ನ ಸುರುತ್ತ ಪಟ್ಟಿಡ್ 85 ಹಾಲಿ ಶಾಸಕೆರ್ ಬೊಕ್ಕ ಪೊಸಬೆರ್ನ ಪುದರ್ ನ್ ನನದ ನಾಲ್ ದಿನಟ್ ಬುಡುಗಡೆ ಮಲ್ಪುನ ಅಂದಾಜಿ ಉಂಡು.

24 sitting MLA’s will not be given ticket this time !!

Senior MLA’s B S Yedurappa, S A Ravindranath, Haladi Srinivasa Shetty have announced their retirement.Kantesh son of sitting MLA K S Eshwarappa may be given the ticket. In its first list the BJP will give out the names of 85 candidates said sources.

A huge Asteroid to come near to Earth!! ಭೂಮಿಗ್ ಬರ್ರೆ ಉಂಡು ಮಲ್ಲ ಧೂಮಕೇತು!

ಸೌರವ್ಯೂಹರ್ದ್ ಭಾರಿ ಬಿರ್ಸ್ಡ್ ಬರೊಂದು ಇಪ್ಪುನ 150 ಅಡಿ ಉದ್ದದ ಧೂಮಕೇತು(ಕ್ಷುದ್ರಗ್ರಹ) ಎಪ್ರಿಲ್ 6 ಕ್ಕ್ ಭೂಮಿಗ್ ಬರ್ಪಿನ ಅಂದಾಜಿ ಉಂಡು ಪಂದ್ ಅಮೆರಿಕದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ನಾಸಾ ಪಂತ್ಂಡ್.

ಈ ತಿಂಗೊಲ್ಡ್ ಒಟ್ಟು 5 ಕ್ಷುದ್ರಗ್ರಹಕ್ಕುಲು ಭೂಮಿಗ್ ಬರ್ಪುನ ಅಂದಾಜಿ ಉಂಡು. ನೆಟ್ಟ್ 2 ಭೂಮಿದ ಕೈತಲ್ ಡೇ ಪೋವೆರೆ ಉಂಡು ಪಂದ್ ನಾಸಾದ ಜೆಟ್ ಪ್ರಪಲ್ಷನ್ ಪ್ರಯೋಗಾಲಯ ತೆರಿಪಾದ್ಂಡ್. ಆಂಡ ಕ್ಷುದ್ರಗ್ರಹ ಬರ್ಪುರ್ನೆದಾವೆರ ಭೂಮಿಗ್ ಒವ್ವೇ ತೊಂದರೆ ಆಪುಜಿ ಪಂದ್ ವರದಿ ತೆರಿಪಾದ್ಂಡ್.

A huge Asteroid to come near to Earth!!

A huge Asteroid from the solar system about 150 feet long will come near to Earth on the 6 th of April said sources from NASA.

About five asteroids are to come down in April.Of these two are likely to come very near to Earth.But it will not cause any harm said reports.

IPL – Delhi take on Gujarat ಐಪಿಎಲ್: ಇನಿ ಡೆಲ್ಲಿ-ಗುಜರಾತ್ ಪಂತೊ

ಐಪಿಎಲ್ ದ 7 ನೇ ಲೀಗ್ ಪಂತೊಡು ಡೆಲ್ಲಿ ಕ್ಯಾಪಿಟಲ್ಸ್ ದ ಎದುರು ಹಾಲಿ ಚಾಂಪಿಯನ್ ಗುಜರಾತ್ ಜೈಂಟ್ಸ್ ಗೊಬ್ಬರೆ ಉಂಡು.

ಡೆಲ್ಲಿದ ಅರುಣ್ ಜೇಟ್ಲಿ ಕ್ರೀಡಾಂಗಣಡ್ ಈ ಪಂತೊ ನಡಪರೆ ಉಂಡು. ಸುರುತ್ತ ಪಂತೊನ್ ಸೋತಿನ ಡೆಲ್ಲಿ ಕಮ್ ಬ್ಯಾಕ್ ನಿರೀಕ್ಷೆಡ್ ಉಂಡು. ತವರ್ ಡ್ ಡೆಲ್ಲಿ ಕೂಟ ಬ್ಯಾಟಿಂಗ್ ವಿಭಾಗಡ್ ಗೊಬ್ಬರೆ ಉಂಡು. ಚೆನೈದ ಎದುರು ಸುರುತ್ತ ಪಂತೊ ಗೆಂದಿನ ಗುಜರಾತ್ ಗೆಂದುನ ಕನ ದೀವೊಂದುಂಡು.

IPL – Delhi take on Gujarat

In the 7 th edition of the IPL premier league Delhi take on Gujrat Gaints.

Namo Moyar global foundation – organise a program to collect funds ನಮೊ ಮೋಯರ್ ಗ್ಲೋಬಲ್ ಫೌಂಡೇಶನ್ ಮುತಾಲಿಕೆಡ್ ನಿಧಿ ಸಂಗ್ರಹ ಲೇಸ್

ಬೊಂಬೈ: ದಕ್ಷಿಣ ಕನ್ನಡ ಬೊಕ್ಕ ಕಾಸ್ರೋಡು ಜಿಲ್ಲೆದ ಕರಾವಳಿ ಕನ್ನಡಿಗೆರಾಯಿನ ಮೋಯಾ ಸಮಾಜದ ಸಂಘಟನೆ ಆಯಿನ ನಮೊ ಮೋಯರ್ ಗ್ಲೋಬಲ್ ಫೌಂಡೇಶನ್ ಬೊಕ್ಕ ವಿ ಆರ್ ಮ್ಯೂಸಿಕ್ ಫಾರ್ ಎ ಕಾಸ್ ನೆತ್ತ ಒಟ್ಟುಸೇರಿಗೆಡ್ ‘ಸಾಝ್’ ಸಂಗೀತ ನಿಧಿ ಸಂಗ್ರಹ ಲೇಸ್ ಎ.2 ಕ್ಕ್ ಬಯ್ಯಗ್ ಪೊವಾಯಿದ ಗೋಪಾಲ್ ಶರ್ಮ ಇಂಟರ್ ನ್ಯಾಷನಲ್ ಸ್ಕೂಲ್ ಆಡಿಟೋರಿಯಂಡ್ ನಡತ್ಂಡ್.

ಈ ಸಭಾಲೇಸ್ ನ್ ಉದಿಪನ ಮಲ್ತ್ ದ್ ಮಲ್ಲ ಬಿನ್ನೆರಾದ್ ಬತ್ತಿನ ಭವಾನಿ ಗ್ರೂಪ್ ಆಫ್ ಕಂಪನೀಸ್ ಬೊಕ್ಕ ಭವಾನಿ ಫೌಂಡೇಶನ್ ದ ಅಧ್ಯಕ್ಷೆರ್, ಕೆ.ಡಿ ಶೆಟ್ಟಿ ಮೇರ್ ಪಾತೆರ್ದ್, ನಮೊ ಮೋಯರ್ ಗ್ಲೋಬಲ್ ಫೌಂಡೇಶನ್ ಒಂತೆ ಅವಧಿಡ್ ಮಲ್ತಿನ ಸಾಧನೆ ಬಗೆಟ್ ತೆರಿದ್ ಸಂತೋಷ ಆಂಡ್. ಈ ಸಂಸ್ಥೆ ಕೇವಲ ತನ್ನ ಸಮಾಜನ್ ಮಾತ್ರ ಗಮನಡ್ ದೀವಂದೆ ದೇಶದ ಬೇತೆ ಕಡೆಟ್ಲಾ ಅಸಾಯಕೆರಾಯಿನ ಬೇತೆ ಸಮುದಾಯದ ಜನಕುಲೆಗ್ ಸಹಕಾರ ಮಲ್ತೊಂದು ಇತ್ತೆರ್. ನೆಕ್ಕ್ ಎಡ್ಡೆ ಭವಿಷ್ಯ ಉಂಡು. ಒಗ್ಗಟ್ಟ್ ನ್ ಕಾಪಾಡುನೆತ್ತೊಟ್ಟಿಗೆ ಈ ಸಂಸ್ಥೆನ್ ಉನ್ನತ ಮಟ್ಟಗ್ ಏರಾವೊಲೆಕ್ಕ ಅವೊಡು ಪಂದ್ ಪಂಡೆರ್.

ಫೌಂಡೇಶನ್ ದ ಅಧ್ಯಕ್ಷೆರ್ ರವಿ ಉಚ್ಚಿಲ್ ಪಾತೆರ್ದ್, ಕರಿನ ಪತ್ತ್ ತಿಂಗೊಲ್ಡ್ ನಮ್ಮ ಸಂಸ್ಥೆ 45 ಕಾರ್ಯಚಟುವಟಿಕೆಲೆನ್ ನಡಪಾದ್ಂಡ್. ಮಹಾರಾಷ್ಟ್ರದ ಹಳ್ಳಿ ಪ್ರದೇಶಗ್ ಭೇಟಿ ಕೊರ್ದು, ಅಲ್ಪದ ಜನ ಸಾಮಾನ್ಯರ್ ಅನುಭವಿಸಾವುನ ಕಷ್ಟಲೆನ್ ತೆರಿದ್ ನಮರ್ದ್ ಆಪಿನ ಸಕಾಯನ್ ಮಲ್ದ. ಮಾತೆರ್ನಲ ಸಕಾಯರ್ದ್ ಸತ್ಯದ ತಾದಿಡ್ ದುಂಬುವರಿವೊಂದು ಸಮಾಜ ಸೇವೆಡ್ ನಮೊ ಮೋಯರ್ ಗ್ಲೋಬಲ್ ಫೌಂಡೇಶನ್ ಯಶಸ್ಸ್ ನ್ ತೂವೊಂದು ಉಂಡು ಪಂದ್ ಪಂಡೆರ್.

ಗೌರವ ಬಿನ್ನೆರಾದ್ ಉಪಸ್ಥಿತಿಡ್ ಇತ್ತ್ ದ್ ತನ್ನ ಅಭಿಪ್ರಾಯನ್ ತೆರಿಪಾಯಿನ ಆದಿತ್ಯ ಬಿರ್ಲಾ ಸನ್ ಲೈಫ್ ಇನ್ಶುರೆನ್ಸ್ ಕಂಪನಿ ನೆತ್ತ ತಂತ್ರಜ್ಞಾನ ಸೇವೆದ ಮುಖ್ಯಸ್ಥೆರ್ ಮೋಹನ್ ಶೆಟ್ಟಿ ಮೇರ್ ಪಾತೆರ್ದ್, ನಮೊ ಮೋಯರ್ ಗ್ಲೋಬಲ್ ಫೌಂಡೇಶನ್ ಜನ ಸಾಮಾನ್ಯರೆನ ಸೇವೆ ನಿಜಕ್ಲಾ ಅಭಿನಂದನೆ ಆಯಿನವು ಪಂದ್ ಪಂಡೆರ್. ಈ ಸಂಸ್ಥೆ ಎಡ್ಡೆ ಬೇಲೆ ಮಲ್ತೊಂದು ಉಂಡು. ಮಾತೆರ್ಲಾ ಸಹಕಾರ ಮಲ್ಪೊಡು. ಮಾತ್ರ ಅತ್ತಂದೆ ಯಾನ್ ಎನ್ನ ಸಂಪರ್ಕಡ್ ಇಪ್ಪುನಕುಲು ಸಹಕಾರ ಮಲ್ಪುಲೆಕ್ಕ ಪ್ರಯತ್ನ ಮಲ್ಪುವೇ ಪಂದ್ ಪಂಡೆರ್.

ಲೇಸ್ ಗ್ ಇಸೇಸ ಬಿನ್ನೆರಾದ್ ಬತ್ತಿನ ನವೀನ್ ಶೆಟ್ಟಿ ಮೇರ್ ಪಾತೆರ್ದ್, ಪೊಸ ರಾಜಕೀಯ ಪಕ್ಷಲೆನ್ ಪುಟ್ಟುದು ಪಾಡುನೆರ್ದ್, ಇಂಚಿನ ಫೌಂಡೇಶನ್ ನ್ ಸ್ಥಾಪನೆ ಮಲ್ತ್ಂಡ ಅವು ಮಸ್ತ್ ಜನಕ್ ಪ್ರಯೋಜನ ಆವು ಪಂದ್ ಎಡ್ಡೆಪ್ಪು ಬಯಕಿಯೆರ್.

ಜೀವನ್ ಜ್ಯೋತಿ ಟ್ರಸ್ಟ್ ದ ಸಂಸ್ಥಾಪಕೆರ್ ಹರಕ್ಚಂದ್ ಸಾವ್ಲಾ ಮೇರ್ ಲೇಸ್ ಗ್ ಬತ್ತ್ ದ್ ಎಡ್ಡೆಪ್ಪು ಬಯಕಿಯೆರ್.

ಈ ಪೊರ್ತುಡು ಚಾವಡಿಡ್ ಫೌಂಡೇಶನ್ ಮುಖ್ಯ ಸಲಹೆಗಾರೆರ್ ಈಶ್ವರ್ ಕೆ. ಐಲ್, ದಿನೇಶ್ ಶೆಟ್ಟಿ, ಕರ್ನೂರು ಮೋಹನ್ ರೈ, ಗೌರವ ಕಾರ್ಯದರ್ಶಿ ರಾಧೇಶ್ ಉಚ್ಚಿಲ್ ಇತ್ತೆರ್.

ಈ ಲೇಸ್ ಡ್ ಜೈಹಿಂದ್ ಸ್ಫೋರ್ಟ್ಸ್ ಕ್ಲಬ್ ದ ಅಧ್ಯಕ್ಷೆರ್ ಪುರುಷೋತ್ತಮ ಕೆ. ಐಲ್, ವಿಕ್ರೋಲಿ ಕನ್ನಡ ಸಂಘದ ನಿಕಟಪೂರ್ವ ಅಧ್ಯಕ್ಷೆರ್ ಸತೀಶ್ ಐಲ್, ಮೀರಾ ಶೆಟ್ಟಿ ಬೊಕ್ಕ ಸಮಾಜದ ಗಣ್ಯೆರ್ ಪಾಲ್ ಪಡೆದಿತ್ತೆರ್.

ಫೌಂಡೇಶನ್ ಗೌರವ ಕೋಶಾಧಿಕಾರಿ ಯಶವಂತ್ ಎನ್ ಐಲ್, ಉಪಾಧ್ಯಕ್ಷೆರ್ ರವೀಂದ್ರ ಬತ್ತೇರಿ, ಶ್ವೇತಾ ಉಚ್ಚಿಲ್, ಕುಮಾರಯ್ಯ ಐಲ್, ಜತೆ ಕೋಶಾಧಿಕಾರಿ ಧನ್ಯಶ್ರೀ ಐಲ್, ರೂಪಾ ಉಚ್ಚಿಲ್, ಜಂಟಿ ಕಾರ್ಯದರ್ಶಿ ಸುಷ್ಮಾ ಕುಂಬ್ಳೆ, ಸ್ವಪ್ನ ಉಚ್ಚಿಲ್, ಸಲಹೆಗಾರೆರ್ ಮೀರಾ ಶೆಟ್ಟಿ, ನಮೊ ಮೋಯರ್ ಗ್ಲೋಬಲ್ ಫೌಂಡೇಶನ್ ಸಮಿತಿದ ಮಾತ ಸದಸ್ಯೆರ್ ಲೇಸ್ ದ ಯಶಸ್ಸಿಗ್ ಸಹಕಾರ ಮಲ್ತೆರ್.

ಲೇಸ್ ನ್ ಜಯಂತಿ ಸತೀಶ್ ಐಲ್, ಸ್ವೇತಾ ರೋಹಿತ್ ಉಚ್ಚಿಲ್, ಸ್ವಪ್ನ ಉಚ್ಚಿಲ್, ಸುರೇಖಾ ಪೂಜಾರಿ ಸುಧಾರಿಕೆ ಮಲ್ತೆರ್.

ಮೆಲೋಡಿಯಸ್ ಬೊಕ್ಕ ವಿ ಆರ್ ಮ್ಯೂಸಿಕ್ ಕೂಟದ ಗಾಯಕೆರ್ ಸಂಗೀತದ ಮುಕೇನ ಜನಕ್ಲೆನ್ ಕುಷಿ ಮಲ್ತೆರ್ . ಸಮಾಜದ ಪ್ರತಿಭಾವಂತೆರ್ ನೆಟ್ಟ್ ಪಾಲ್ ಪಡೆದ್ ಮನರಂಜಿಸಾಯೆರ್.

Namo Moyar global foundation – organise a program to collect funds

Mumbai: The Namo Moyar global foundation and We are Musical for a cause organised a musical event ” Saaz” on April 2 nd to collect funds at Gopal Sharma international school Auditorium.

K D Shetty of Bavani group of companies was the guest of honour who said that the world done by the Moyar global foundation was exemplary who were working relentlessly for the upliftment of the society.

The president of the foundation Ravi Uchil that they had organised 45 programs in rural areas of Maharashtra and responded to their needs and necessities.

The evening was attended by members of the foundation and other dignitaries who applauded the work of the organisation. The musical entertainment program was well taken by all .

Vigneshwara friends celebrate Ugadi with grandeur ಬಾರಿ ಗೌಜಿಡ್ ನಡತ್ಂಡ್ ವಿಘ್ನೇಶ್ವರ ಫ್ರೆಂಡ್ಸ್ ಮುತಾಲಿಕೆಡ್ ಯುಗಾದಿ ಪರ್ಬ

ವಿಘ್ನೇಶ್ವರ ಫ್ರೆಂಡ್ಸ್ ವತಿರ್ದ್ ರಾಘು ಸಿ ಪೂಜಾರಿ ಮಾರ್ನಾಡ್ರೆನ ಮಾನಾದಿಗೆದ ಗುರ್ಕಾರ್ಮೆಡ್, ಯುಗಾದಿ ಪರ್ಬ-2023 ಇಂಚೊಗು ನಡತ್ಂಡ್.

ಈ ಲೇಸ್ ಡ್ ಉಮೇಶ್ ಕೋಟ್ಯಾನ್ ವಾಮದಪದವು ಕೂಟದ ವತಿರ್ದ್ ಸ್ವರ ಝೇಂಕಾರ, ಊರುದ ಬೊಕ್ಕ ಬೆದ್ರದ ಕಲಾವಿದೆರೆಗ್ ಬಲ್ಮನ , ನಾಟ್ಯ ಸೌಂದರ್ಯ, ಗತವೈಭವ ಕೂಟ ಮುಲ್ಕಿ ಮೊಕ್ಲೆರ್ದ್ ಕಾರ್ನಿಕದ ಗತವೈಭವ, ಬೊಕ್ಕ ಸಾಧಕೆರೆಗ್, ಮಾಜಿ ಸೈನಿಕೆರೆಗ್ ತಮ್ಮನ, ಕಲ್ಪುನ ಜೋಕುಲೆಗ್ ಪನವುದ ಸಕಾಯ, ನವಚೇತನ ಕೂಟರ್ದ್ ಬಡಪತ್ತ್ ದ ಕುಟುಂಬಗ್ ಪನವುದ ಬೆರಿಸಾಯ ಮಲ್ತೆರ್.

ಶಾಸಕೆರ್ ಉಮಾನಾಥ ಕೋಟ್ಯಾನ್, ತನ್ನ ಕಾಲದ ಸಾಧನೆನ್ ಜನಕುಲೆನ ದುಂಬು ದೀದ್, ಯುಗಾದಿ ಬೊಕ್ಕ ವಿಘ್ನೇಶ್ವರ ಫ್ರೆಂಡ್ಸ್ ಸಂಸ್ಥೆದ ಬಗೆಟ್ ಎಡ್ಡೆಪ್ಪುದ ಪಾತೆರ ಪಾತೆರಿಯೆರ್.

ಬೊಕ್ಕ ಸತ್ಯಜಿತ್ ಸುರತ್ಕಲ್ ಮೇರ್ ಯುಗಾದಿ, ಸಂಸ್ಕಾರ ಸಂಸ್ಕೃತಿ, ಆಚಾರ ಇಚಾರದ ಬಗ್ಗೆ ಬಾರಿ ಪೊರ್ಲುಡು ತೆರಿಪಾದ್ ಕೊರಿಯೆರ್. ಉಂದು ಅತ್ತಂದೆ ತುಲು ಲಿಪಿಟ್ ಮೆನ್ಕೊಂದು ಇತ್ತಿನ ದಿ. ಗಣೇಶ್ ಕುಕ್ಕುದಪಲ್ಕೆ ಮಿತ್ತರ್ಮೆದ ಚಾವಡಿಡ್, ಊರುದಕ್ಲು ತುಲು ಲಿಪಿ ಕಲ್ಪೊಡು ಪನ್ಪಿ ದಿಟ್ಟಿಡ್ ಜೈ ತುಲುನಾಡ್ ದ ಸಂಘಟನೆದ ಸುಮಂತ್ ಬೈದೆರೆನ ಉಪಸ್ಥಿತಿಡ್ ಸೇರ್ದಿನ ಗಣ್ಯೆರ್, ಜನಕುಲೆಗ್ ತುಲು ಲಿಪಿ ಮಸ್ತಿರೆನ್ ಕೊರಿಯೆರ್. ಅವೆರ್ದ್ ಬೊಕ್ಕ ಗಣೇಶ್ ಕುಕ್ಕದಪಲ್ಕೆ ಬೊಕ್ಕ ಹರೀಶ ಭಟ್ ಪನ್ಪಿ ಇರ್ವೆರ್ ಕರಿದ್ ಪೊತಿನ ಸದಸ್ಯೆರೆನ ನೆಂಪು ಮಲ್ತೆರ್.

ವಿಘ್ನೇಶ್ವರ ಫ್ರೆಂಡ್ಸ್ ಅಧ್ಯಕ್ಷೆರ್ ಹರೀಶ್ ಮೆರೆನ ಗುರ್ಕಾರ್ಮೆಡ್ ನಡತಿನ ಮಿತ್ತರ್ಮೆದ ಚಾವಡಿಡ್ ಭಾಸ್ಕರ ಎಸ್ ಕೋಟ್ಯಾನ್, ಕೇಶವ ಬಂಗೇರ, ಜಯಪ್ರಕಾಶ್, ರಾಜೇಶ್ ಬಲ್ಲಾಳ್, ಮೇಘರಾಣಿ, ಸಿ ಎಸ್ ಕಲ್ಯಾಣಿ, ದೀಕ್ಷಿತಾ ಪ್ರಸಾದ್, ವಂದನಾ ರೈ, ಅನಂತ ಭಟ್, ಜನಾರ್ಧನ ರಾವ್, ಲವೇಶ್ ಕೋಟ್ಯಾನ್ ಇತ್ತೆರ್.

ಸುರುರ್ದ್ ಅಕೇರಿ ಮುಟ್ಟ ತುಲುಟೆ ನಡತಿನ ಈ ಲೇಸ್ ಡ್ ರಾಮ್ ಕುಮಾರ್ ಮಾರ್ನಾಡ್ ಬತ್ತಿನ ಮಾತ ಬಿನ್ನೆರೆನ್ ಎದ್ಕೊಂದು ಬಾರಿ ಪೊರ್ಲುಡು ಸುಧಾರಿಕೆ ಮಲ್ತೆರ್. ಕಡೆಕಾದ್ ಲೇಸ್ ಪೊರ್ಲು ಆವರೆ ಬೆನ್ತಿನ ವಿಘ್ನೇಶ್ವರ ಫ್ರೆಂಡ್ಸ್ ಬೊಕ್ಕ ಮಹಿಳಾ ಮಂಡಳಿದ ಸದಸ್ಯರೆನ ಬೇಲೆನ್ ಪುಗರಿಯೆರ್.‌

ವರದಿ: ಮಾರ್ನಾಡ್ ರಾವಿನ್ ಪೂಜಾರಿ

Vigneshwara friends celebrate Ugadi with grandeur

Vigneshwara friends under the leadership of Raghu C Pujari celebrated Ugadhi 2023 in pomp and grandeur.

The program included “Swara Jankara ” a musical medley, classical dance performance , ” Gatha Vaibhava” a historical show, honouring of achievers and soldiers, students scholarship distribution and aid rendered to the downtrodden of the society.

MLA Umanath Kotian conveyed his best wishes to the association. Satyajit Suratkal gave a talk on the cultural significance of Ugadhi.Sumanth of Jai Tulunadu organization arranged for a Tulu teacher to teach Tulu script to the public.

The whole program was conducted in Tulu language.

The first list of candidates for the upcoming Vidhana Sabha elections from the BJP to be released on April 8 th ಬಿಜೆಪಿದ ಸುರುತ್ತ ಪಟ್ಟಿ ಎಪ್ರಿಲ್ 8 ಗ್ ಬುಡುಗಡೆ

ವಿಧಾನಸಭೆ ವೋಟುಗು ಬಿಜೆಪಿ ಅಭ್ಯರ್ಥಿಲೆನ ಸುರುತ್ತ ಪಟ್ಟಿ ಎಪ್ರಿಲ್ 8 ಗ್ ಬುಡುಗಡೆ ಆಪುಂಡು ಪಂದ್ ಕೇಂದ್ರ ಸಚಿವೆರ್ ಪ್ರಹ್ಲಾದ್ ಜೋಶಿ ಪಂಡೆರ್.

ಬೆಳಗಾವಿಡ್ ಪಕ್ಷದ ನಾಯಕೆರೆನೊಟ್ಟಿಗೆ ಸಭೆ ನಡಪಾಯಿನ ಬೊಕ್ಕ ಪಾತೆರ್ದ್ ಮೇರ್, ಟಿಕೆಟ್ ತಿಕಿನ‌ ನಾಯಕೆರ್ ತಿಕ್ಕಂದಿನ ನಾಯಕೆರೆನೊಟ್ಟಿಗೆ ಬೇಲೆ ಮಲ್ಪೊಡು. ಟಿಕೆಟ್ ತಿಕ್ಕಂದಿನಕ್ಲೆಗ್ ಪಕ್ಷ ಮಲ್ಲ ಜಬದಾರಿನ್ ಕೊರ್ಪುಂಡು ಪಂದ್ ಪಂಡೆರ್.

Nandalike Inchara Seva Balaga – 15,000 rupees aid given ನಂದಳಿಕೆ ಇಂಚರ ಸೇವಾ ಬಳಗರ್ದ್ ಬಡಪತ್ತ್ ದ ಕುಟುಂಬಗ್ 15 ಸಾರ ರೂ. ಪನವುದ ಸಕಾಯ

ಇಂಚರ ಸೇವಾ ಬಳಗ ನಂದಳಿಕೆ ನೆತ್ತ ಮುತಾಲಿಕೆಡ್ ಒಂಜಿ ಬಡಪತ್ತ್ ದ ಕುಟುಂಬಗ್ 15 ಸಾರ ರೂ. ದ ಪನವುದ ಸಕಾಯನ್ ಮಲ್ತೆರ್.

ಸುರತ್ಕಲ್ ತಂಡಂಬೈಲ್ ನಿವಾಸಿ ವಿಶ್ವನಾಥ್ ಮೆರೆಗ್ ಲ ಬೈಕ್ ಆಕ್ಸಿಡೆಂಟ್ ಡ್ ಮಸ್ತ್ ಪೆಟ್ಟಾದ್ ಮುಕ್ಕ ಶ್ರೀನಿವಾಸ್ ಆಸ್ಪತ್ರೆಡ್ ಚಿಕಿತ್ಸೆ ಪಡೆವೊಂದು ಉಲ್ಲೆರ್. ಮೆರೆನ ಚಿಕಿತ್ಸೆಗ್ 4.5 ಲಕ್ಷ ರೂ. ಅವಶ್ಯಕತೆ ಉಂಡು ಪಂದ್ ವೈದ್ಯೆರ್ ತೆರಿಪಾದೆರ್. ಮೇರ್ ಇಂಚರ ಸೇವಾ ಬಳಗ ನಂದಳಿಕೆ ಕೂಟಗ್ ಸಕಾಯ ಮಲ್ಪರೆ ಬಿನ್ನಾಪು ಮಲ್ತ್ ದ್ ಇತ್ತೆರ್. ಈ ಬಿನ್ನಾಪುಗ್ ಸ್ವಂದಿಸಾದ್ ಈ ಕೂಟದಕುಲ 15 ಸಾರ ರೂ.ದ ಚೆಕ್ಕ್ ನ್ ಸರ್ವಜ್ಞ ತಂತ್ರಿ ಮೆರೆನ ಮುಖೇನ ಕೊರಿಯೆರ್.

ಈ ಪೊರ್ತುಡು ಕೂಟದ ಗೌರವಾಧ್ಯಕ್ಷೆರ್ ಶೈಲೇಶ್ ಕೋಟ್ಯಾನ್ ಸೂಡ, ಅಧ್ಯಕ್ಷೆರ್ ದೀಕ್ಷಿತ್ ದೇವಾಡಿಗ ನಂದಳಿಕೆ, ಉಪಾಧ್ಯಕ್ಷೆರ್ ಸಂಯುಕ್ತ ಬಿ ಪರ್ಕಳ ಬೊಕ್ಕ ಕೂಟದ ಸದಸ್ಯೆರ್ ಕಿರಣ್ ಬೋಳ, ಸುದೇಶ್ ಸೂಡ, ವಿನಯ್ ಕುಲಾಲ್ ಮಡಂತ್ಯಾರ್, ಹರಿಪ್ರಸಾದ್ ನಂದಳಿಕೆ, ರಕ್ಷಿತ್ ಬಂಗೇರ ಅಂಡಿಂಜೆ, ಕೃಷ್ಣ ಸುವರ್ಣ ವೇಣೂರು, ಮಂಜುನಾಥ್ ಗೋಳಿಕಟ್ಟೆ, ಸಂತೋಷ್ ಪೂಜಾರಿ ಹೊಕ್ಕಾಡಿಗೋಳಿ ಇತ್ತೆರ್.

Nandalike Inchara Seva Balaga – 15,000 rupees aid given

An aid of rupees 15,000 was given to a downtrodden family in need under the patronage of Inchara Seva Balaga Nandalike.

Vishwanath from Suratkal had met with an accident and his family was in dire need of funds.A cheque of 15,000 rupees was handed over to the family by Sarvajna Tantri on behalf of the association.Other members and office bearers were present on the occasion.