ಕುಡ್ಲ : ತುಮಕೂರು ಜಿಲ್ಲೆದ ಪಾವಗಡ ಪೇಂಟೆದ ಪಳವಳ್ಳಿ ಕಟ್ಟೆದ ಕೈತಲ್ ಖಾಸಗಿ ಬಸ್ ಪಲ್ಟಿಯಾಯಿನ ಪರಿಣಾಮ 8 ಜನ ತೀರ್ ಪೋತೆರ್ , 25ರ್ದ್ ಜಾಸ್ತಿ ಜನಕ್ ಗಾಯ ಆತುಂಡು.
ಶನಿವಾರ ಕಾಂಡೆ 9 ಗಂಟೆಗ್ ಅವಘಡ ಆತುಂಡು . ಪಾವಗಡ ಪಟ್ಟಣರ್ದ್ ವೈ.ಎನ್. ಹೊಸಕೋಟೆ ಗ್ರಾಮಗ್ ಪೋವೊಂದು ಇತ್ತಿನ ಖಾಸಗಿ ಬಸ್, ಚಾಲಕನ ನಿಯಂತ್ರಣ ತತ್ ದ್ ಪಲ್ಟಿ ಆತುಂಡು . ಗಾಯಾಆಯಿನಕ್ಲೆನ್ ಕೈತಲ್ದ ಆಸ್ಪತ್ರೆಗ್ ದಾಖಲ್ ಮಲ್ದೆರ್ .
ಕುಡ್ಲ : ಭಾರೀ ಸದ್ದು ಮಲ್ತೊಂದು ಉಪ್ಪುನ “ದಿ ಕಾಶ್ಮೀರ್ ಫೈಲ್ಸ್’ ಪಿಚ್ಚರ್ ನ್ ಧರ್ಮರ್ಥ ತೋಜಾವುನ ನೆಪಟ್ ಮೊಬೈಲ್ಗ್ ಲಿಂಕ್ ಕಡಪುರ್ದು ಡೋಂಗಿ ಮಲ್ಪುನ ಬಗ್ಗೆ ಬಗ್ಗೆ ಸೈಬರ್ ಭದ್ರತ ತಜ್ಞರು ಎಚ್ಚರಿಕೆ ಕೊರ್ತೆರ್ .
ವಂಚಕೆರ್ ಮೊಬೈಲ್ಗ್ ಲಿಂಕ್ ಕಡಪುಡುವೆರ್ .ಐತ ಒಟ್ಟುಗು “ದಿ ಕಾಶ್ಮೀರ್ ಫೈಲ್ಸ್’ ಸಿನೆಮಾನ್ ಧರ್ಮರ್ತ ತೂವೊಲಿ ಪಂದ್ ಬರೆದ್ ಉಪ್ಪುವೆರ್ ಆ ಲಿಂಕ್ ಕ್ಲಿಕ್ ಮಲ್ಪುನಗ ಮೊಬೈಲ್ ಫೋನ್ಗ್ ವೈರಸ್ ಲಾ ಡೌನ್ಲೋಡ್ ಆಪುಂಡು . ಉಂದೊಂಜಿ ಮಾಲ್ವೇರ್. ಈ ಮಾಲ್ವೇರ್ (ವೈರಸ್) ಮುಖೇನ ಮೊಬೈಲ್ ಸಂಖ್ಯೆಗ್ ಲಿಂಕ್ ಆಯಿನ ಬ್ಯಾಂಕ್ ಖಾತೆದ ವಿವರನ್ ದೆಪ್ಪುವೆರ್ ಐರ್ದ್ ಬೊಕ್ಕ ನಮ್ಮ ಬ್ಯಾಂಕ್ ರ್ದ್ ಕಾಸ್ ಕಂಡುವೆರ್. ಕುಡ್ಲಡ್ ಇಂಚಿನ ಘಟನೆ ನಡತಿನ ಬಗ್ಗೆ ಮಾಹಿತಿ ಬೈದುಂಡು.
ಕುಡ್ಲ, ಮಾ.19: ಹರೇಕಳ ಪಾವೂರ್ ದ ಅಂಬ್ಲಮೊಗರು ಶ್ರೀ ಅರ್ಧನಾರೀಶ್ವರ ದೇವಲ್ಯ ಸಂಪಿಗೆದಡಿಟ್ಟ್ ಪೊಸತ್ತಾದ್ ನಿರ್ಮಾಣ ಆಯಿನ ಶ್ರೀ ಅರ್ಧನಾರೀಶ್ವರ ದೇವೆರ್ನ ಪ್ರತಿಷ್ಠೆ ಅಷ್ಟಬಂಧ ಲೇಪನ, ಬ್ರಹ್ಮ ಕಲಶಾಭಿಷೇಕ ಉಚ್ಚಯನ್ ಬ್ರಹ್ಮಶ್ರೀ ನೀಲೇಶ್ವರ ಉಚ್ಚಿಲತ್ತಾಯ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ಬೊಕ್ಕ ಮಾಗಣೆದ ಕೂಡುಕಟ್ಟ್ ಯಜಮಾನತ್ವಡ್ ಎಪ್ರಿಲ್1- 6 ಮುಟ್ಟ ನಡಪರೆ ಉಂಡು.
ಮಾರ್ಚ್ 25 ತಾರೀಕ್ ಗ್ ಶುಕ್ರಾರದಾನಿ ಬಯ್ಯಗ್ 5 ಗಂಟೆಗ್ ಶ್ರೀ ಅರ್ಧನಾರೀಶ್ವರ ದೇವೆರ್ ಬೊಕ್ಕ ಪರಿವಾರ ದೇವೆರ್ನ ಪೊಸ ವಿಗ್ರಹ ಕುತ್ತಾರು ಶ್ರೀ ರಾಜರಾಜೇಶ್ವರಿ ದೇವಲ್ಯರ್ದ್ ಭವ್ಯವಾಯಿನ ಮೆರವಣಿಗೆದ ಮುಖೇನ ಸಂಪಿಗೆದಡಿ ಶ್ರೀ ಅರ್ಧನಾರೀಶ್ವರ ದೇವಲ್ಯಗ್ ಬರ್ರೆ ಉಂಡು. ದೇವೆರ್ನ ವಿಗ್ರಹದ ಬಾಬ್ತುನ್ ಊರುಕುಲೆರ್ದ್ ಹುಂಡಿ ಕಾಣಿಕೆ ಸಮರ್ಪಣೆ, ಬಯ್ಯಗ್ 6 ಗಂಟೆಗ್ ಪೊಸ ಮಹಾದ್ವಾರ ಉದಿಪನ.
ಮಾರ್ಚ್ 31 ತಾರೀಕ್ ಗುರುವಾರದಾನಿ ಕಾಂಡೆ 9.30-10.30 ಮುಟ್ಟ ಶ್ರೀ ಶ್ರೀಧರ್ ಭಟ್ ಇನೋಳಿ ಮೆರ್ನ ಮುತಾಲಿಕೆಡ್ ಉಗ್ರಾಣ ಮೂಹೂರ್ತ, ಬಯ್ಯಗ್ 3 ಗಂಟೆಗ್ ಪುದೆಕಾಣಿಕೆ ಮೆರವಣಿಗೆ – ಕುತ್ತಾರು ಶ್ರೀ ರಾಜರಾಜೇಶ್ವರಿ ದೇವಲ್ಯರ್ದ್ ಪಿದರ್ಡ್ ಅಂಬ್ಲಮೊಗರು, ಎಲಿಯಾರ್ ಪದವು, ನ್ಯೂಪಡ್ಪು, ಹರೇಕಳ ಶಾಲೆಯಾದ್ ಶ್ರೀ ಅರ್ಧನಾರೀಶ್ವರ ದೇವಲ್ಯ ಸಂಪಿಗೆದಡಿಗ್ ಬರ್ರೆ ಉಂಡು. ಬಯ್ಯಗ್ 6.30 ಗ್ ಕಡೆಂಜೆ ಶ್ರೀ ಜಗಜೀವನ ಶೆಟ್ಟಿ ಮೆರೆರ್ದ್ ಪೊಸ ಸಭಾಭವನ ಉದಿಪನ, ಸಭಾ ಕಾರ್ಯಕ್ರಮ ಬೊಕ್ಕ ನಾಟ್ಯನಿಲಯ ಉಳ್ಳಾಲ ವಿದುಷಿ ಶ್ರೀಮತಿ ಸುನೀತಾ ಜಯಂತ್ ಉಳ್ಳಾಲ ಮೆರ್ನ ಶಿಷ್ಯವೃಂದರ್ದ್ ಶಾಸ್ತ್ರೀಯ ಭರತನಾಟ್ಯ ಜಾನಪದ ನೃತ್ಯ ವೈವಿಧ್ಯ ಸಾಂಸ್ಕೃತಿಕ ಕಾರ್ಯಕ್ರಮ ನಡಪರೆ ಉಂಡು.
ಏಪ್ರಿಲ್ 3 ತಾರೀಕ್ ಗ್ ಕಾಂಡೆ 7 ಗಂಟೆಗ್ ಗಣಪತಿ ಹೋಮ, ಅಂಕುರ ಪೂಜೆ, ನವಗ್ರಹ ಶಾಂತಿ ಹೋಮ, ರಾತ್ರಿ 7 ಗಂಟೆಗ್ ಅಂಕುರ ಪೂಜೆ, ಮಂಟಪ ಸಂಸ್ಕಾರ, ದುರ್ಗಾ ನಮಸ್ಕಾರ ಪೂಜೆ. ಕಾಂಡೆ 11 ಗಂಟೆಗ್ ಧಾರ್ಮಿಕಾ ಸಭಾ ಕಾರ್ಯಕ್ರಮ, ಮಧ್ಯಾಹ್ನ 2 ಗಂಟೆಗ್ ಹರೇಕಳದ ಶ್ರೀ ರಾಮಕೃಷ್ಣ ಫ್ರೌಡ ಶಾಲೆರ್ದ್ ಸಾಂಸ್ಕೃತಿಕ ವೈವಿಧ್ಯ. ಬಯ್ಯಗ್ 6 ಗಂಟೆಗ್ ಶ್ರೀಮತಿ ರೇಷ್ಮಾ ನಿರ್ಮಲ್ ಭಟ್ ಬೊಕ್ಕ ಶಿಷ್ಯ ವೃಂದರ್ದ್ “ನೃತ್ಯ ಸಂಭ್ರಮ”, ರಾತ್ರಿ 8 ಗಂಟೆಗ್ ಆರ್ಯಭಟ ಪ್ರಶಸ್ತಿ ಪುರಸ್ಕೃತ ಶ್ರೀ ಜಗದೀಶ ಆಚಾರ್ಯ ಪುತ್ತೂರ್ ಬೊಕ್ಕ ಕೂಟರ್ದ್ ಸಂಗೀತ ಗಾನ ಸಂಭ್ರಮ, ರಾತ್ರಿ 10 ಗಂಟೆಗ್ ಕುಮಾರಿ ನೇಹಾ ಗಟ್ಟಿ ಮೆರೆರ್ದ್ “ನೃತ್ಯ ರೂಪಕ”.
ಏಪ್ರಿಲ್ 4 ತಾರೀಕ್ ಗ್ ಕಾಂಡೆ 7 ಗಂಟೆಗ್ ಗಣಪತಿ ಹೋಮ, ಅಂಕುರ ಪೂಜೆ, ತ್ರಿಕಾಲ ಪೂಜೆ, ಬಿಂಬ ಶುದ್ಧಿ, ಕಾಂಡೆ 8 ಗಂಟೆರ್ದ್ 12.30 ಮುಟ್ಟ ರುದ್ರಹೋಮ, ರಾತ್ರಿ 6 ಗಂಟೆಗ್ ನವಾವರಣ ಕೀರ್ತನೆದೊಟ್ಟುಗ್ ಶ್ರೀ ಚಕ್ರಪೂಜೆ, ಕಾಂಡೆ 11 ಗಂಟೆಗ್ ಧಾರ್ಮಿಕ ಸಭಾ ಕಾರ್ಯಕ್ರಮ, ಮಧ್ಯಾಹ್ನ 2 ಗಂಟೆಗ್ ವಿದ್ಯಾರತ್ನ ಆಂಗ್ಲ ಮಾಧ್ಯಮ ಶಾಲೆ ದೇರಳಕಟ್ಟೆ ಮುಲ್ಪದ ಜೋಕುಲೆರ್ದ್ “ನೃತ್ಯ ವೈವಿಧ್ಯ”, ರಾತ್ರಿ 9 ಗಂಟೆಗ್ ಸ್ಪರ್ಶ ಕಲಾವಿದೆರ್, ಪಾವೂರು ಹರೇಕಳ ಅಭಿನಯ ಮಲ್ತಿನ ಕುಸಲ್ ದ ಮುತ್ತು ಅರುಣ್ ಬಿ.ಸಿ.ರೋಡ್ ರಚನೆ ಮಲ್ತಿನ ರಿಕ್ಷಾ ಡ್ರೈವರ್ (ಎನ್ನ ಪೊಪ್ಪ) ಪನ್ಪಿನ ನಾಟಕ.
ಏಪ್ರಿಲ್ 5 ತಾರೀಕ್ ಗ್ ಅಂಗಾರದಾನಿ ಕಾಂಡೆ 7 ಗಂಟೆಗ್ ಗಣಹೋಮ, ಅಂಕುರ ಪೂಜೆ, ತ್ರಿಕಾಲ ಪೂಜೆ, ಕುಂಭೇಶ ಕರ್ಕರಿ ಕಲಶ ಪೂಜೆ, ಅಧಿವಾಸ ಹೋಮ, ಬಯ್ಯಗ್ 6 ಗಂಟೆಗ್ ಶಿರತ್ವತ ಹೋಮ, ಧ್ಯಾನ್ಯಾಧಿವಾಸ, ಬ್ರಹ್ಮಕಲಶ ಪೂಜೆ, ಪರಿಕಲಶ ಪೂಜೆ, ಕಲಶಾಧಿವಾಸ, ವಾಸ್ತು ಪೂಜೆ, ಕಾಂಡೆ 11 ಗಂಟೆಗ್ ಧಾರ್ಮಿಕ ಸಭಾ ಕಾರ್ಯಕ್ರಮ, ಬಯ್ಯಗ್ 7 ಗಂಟೆಗ್ ಶ್ರೀ ಸತೀಶ್ ಶೆಟ್ಟಿ ಪಟ್ಲ ಮುತಾಲಿಕೆದ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ಕೃಪಾಪೋಷಿತ ಯಕ್ಷಗಾನ ಕೂಟ ಪಾವಂಜೆ ಮೇಳರ್ದ್ ಆಟ.
ಏಪ್ರಿಲ್ 6 ತಾರೀಕ್ ಬುಧಾರದಾನಿ ಕಾಂಡೆ 6 ಗಂಟೆಗ್ 108 ತಾರಾಯಿದ ಗಣಯಾಗ, ಕಾಂಡೆ 9.36 ತ್ತ ವೃಷಭ ಲಗ್ನ ಸುಮುಹೂರ್ತಡ್ ಶ್ರೀ ಅರ್ಧನಾರೀಶ್ವರ ದೇವೆರ್ನ ಪ್ರತಿಷ್ಠೆ, ಅಷ್ಟಬಂಧ ಲೇಪನ, ಜೀವಾವಾಹನೆ, ಪರಿಕಲಶಾಭಿಷೇಕ, ಮಧ್ಯಾಹ್ನ 12 ಗಂಟೆಗ್ ಬ್ರಹ್ಮ ಕಲಶಾಭಿಷೇಕ, ಮಹಾಪೂಜೆ, ಮಾಗಣೆದ ಸಮ್ಮುಖಡ್ ದಿನನಿತ್ಯದ ನಿರ್ಣಯ, ಪ್ರಸಾದ ವಿತರಣೆ, ರಾತ್ರಿ 7 ಗಂಟೆಗ್ ಪೂಜೆ, ಶ್ರೀ ಭೂತ ಬಲಿ, ಸೇವಾಸುತ್ತುಲು, ದರ್ಶನ ಬಲಿ, ರಾಜಾಂಗಣ ಪ್ರಸಾದ ಮಂತ್ರಾಕ್ಷತೆ, ಮಧ್ಯಾಹ್ನ 3 ಗಂಟೆಗ್ ಧಾರ್ಮಿಕ ಸಭಾ ಕಾರ್ಯಕ್ರಮ, ಮಧ್ಯಾಹ್ನ 2 ಗಂಟೆಗ್ ಶಿವಶಕ್ತಿ ಮೆಲೋಡೀಸ್ ಹರೇಕಳ ಕೂಟರ್ದ್ ಭಕ್ತಿಧಾರೆ, ರಾತ್ರಿ 12 ಗಂಟೆಗ್ ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ನಿರ್ದೇಶನದ ಪೌರಾಣಿಕ ನಾಟಕ ಶಿವದೂತ ಗುಳಿಗ.
ಈ ಪುಣ್ಯ ಕಾರ್ಯಕ್ರಮಗ್ ಮಾತ ಭಕ್ತಾಧಿಲು ಶ್ರದ್ಧಾ ಭಕ್ತಿರ್ದ್ ಪಾಲ್ ಪಡೆದ್, ತನು-ಮನ-ಧನರ್ದ್ ಸಾಕಾರ ಮಲ್ತ್ ದ್, ಈ ಧಾರ್ಮಿಕ ಕಾರ್ಯಕ್ರಮಡ್ ಎಡ್ಡೆ ರೀತಿಡ್ ಮಲ್ತ್ ದ್, ದೇವೆರ್ನ ಗಂಧ ಪ್ರಸಾದನ್ ಸ್ವೀಕಾರಿಸಾದ್ ದೇವೆರ್ನ ಅನುಗ್ರಹನ್ ಪಾತ್ರರಾವೊಡ್ ಪಂದ್ ಅಧ್ಯಕ್ಷೆರ್ ಆಯಿನ ಪಿ. ರಾಜೀವ ಆಳ್ವ, ಸಂಪಿಗೆದಡಿ, ಗೌರವಾಧ್ಯಕ್ಷೆರ್ ಟಿ. ಆರ್.ಪೂಂಜ, ಕಾರ್ಯಾಧ್ಯಕ್ಷೆರ್ ಕೆ. ಮೋಹನ್ ದಾಸ್ ರೈ ದೆಬ್ಬೇಲಿಗುತ್ತು, ಪ್ರಧಾನ ಕಾರ್ಯದರ್ಶಿ ಕೆ. ರವೀಂದ್ರ ಶೆಟ್ಟಿ ಉಳಿದೊಟ್ಟು, ಕೋಶಾಧಿಕಾರಿ ಕೆ.ಬಾಬು ಆಳ್ವ ಸಂಪಿಗೆದಡಿ ಬಿನ್ನಾಪು ಮಲ್ತ್ ದೆರ್.
ಒಡಿಪು : ತಾರೀಖ್ 20-03-2022 ನೇ ಐತಾರ ದಾನಿ ಕಾಂಡೆ 10.30ಕ್ ಹಿರಿಯಡ್ಕದ ಮಾಧವಮಂಗಲ ಸಭಾಭವನ, ಅಂಜಾರು ಮುಲ್ಪ ನಡಪರೆ ಉಂಡು. ಅವ್ವೆ ದಿನ ನಾಡೋಜ ಡಾ| ಜಿ . ಶಂಕರ್ ಮೆರೆನ ಮಾರ್ಗದರ್ಶನಡ್ ನಡತೊಂದು ಉಪ್ಪುನ ಮೊಗವೀರ ಯುವ ಸಂಘಟನೆ (ರಿ.) ಒಡಿಪುದ ಪೊಸ ಪದುಕೆರ್ನ ಪದಪ್ರದಾನ ಲೇಸ್ ಬೊಕ್ಕ ಸದಸ್ಯತ್ವ ನೋಂದಣಿ ಅಭಿಯಾನ ನಡಪರೆ ಉಂಡು.
ಕುಡ್ಲ : ನಮ್ಮ ರಾಜಕಾರಣಿಲು ಸರ್ಕಾರದ ಕಾಸ್ ನ್ ಎಂಚ ಗಲಸೊಂದು ಉಲ್ಲೆರ್ ಪನ್ಪಿನೆಕ್ಕ್ ಸ್ಪಷ್ಟ ಉದಾರ್ಮೆ ನಮಡ ಉಂಡು , ನಂಕ್ ತೆರಿನಲಕ ದಕ್ಷಿಣ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವ ವಿ. ಸುನೀಲ್ ಕುಮಾರ್ ಮೆರ್ನ ತವರು ಕ್ಷೇತ್ರಡ್ ಕಾರ್ಲಾ ಉಚ್ಚಯ ನಡತೊಂದು ಉಂಡು. ನೆತ್ತ ಭಾಗವಾದ್ ಕಾರ್ಲಾದ ಪೌರ ಕಾರ್ಮಿಕೆರೆಗ್ ಹೆಲಿಕಾಪ್ಟರ್ ಡ್ ತಿರುಗಾಟ ಮಲ್ದೆರ್ . ನನೊಂಜಿ ಕಡೆಟ್ ನಮ್ಮ ತುಲುನಾಡ್ ದ ಅಪ್ಪೆ ಬಾಸೆ ಆಯಿನ ತುಳು ಭಾಸೆನ್ ಕಲ್ಪಾವುನ ಪಾಪದ ಕಲ್ಪಾರ್ಥಿಲೆಗ್ 2 ವರ್ಷರ್ದ್ ಸಂಬಳ ಕೊರಂದೆ ಬೆನ್ಪಾವೊಂದು ಉಲ್ಲೆರ್.
ಕಾರ್ಲಾದ ಪೌರ ಕಾರ್ಮಿಕಕೆರೆನ್ ಹೆಲಿಕಾಪ್ಟರ್ ಸುತ್ತಾಯಿನ ಬಗ್ಗೆ ಏರ್ಲ ಪಾತೆರುಜೆರ್ . ಆಂಡ ಬಂಜಿಗ್ ದಾಲ ದಾoತಿನಾಯೆಗ್ ಜುಟ್ಟುಗು ಮಲ್ಲಿಗೆ ಪೂ ಬೋಡ ಪನ್ಪಿ ಪಾತೆರದಲಕ ಪೌರ ಕಾರ್ಮಿಕೆರೆಗ್ ಅವ್ವೆತೋ ಸೌಲಭ್ಯಗದ ಕೊರತೆ ತೊಜೊಂದು ಉಂಡು . ಅಕ್ಲೆಗ್ ಶೂ ಇಜ್ಜಿ , ಕೈಕ್ ಕುಂಟು ಇಜ್ಜಿ . ಆರೋಗ್ಯ ಸಮಸ್ಯೆ ಬತ್ತ್oಡ ಸರಿಯಾಯಿನ ಹೆಲ್ತ್ ಇನ್ಸೂರೆನ್ಸ್ ಇಜ್ಜಿ . ಈ ಮಾತೆತ್ತ ನಡುಟು , ಒರಿ ಒರಿಯಗ್ ತಲಾ 2 ಸಾರ ರೂ. ಖರ್ಚು ಮಲ್ತ್ ಹೆಲಿಕಾಪ್ಟರ್ ಡ್ ತಿರ್ಗಾವುನ ಅಗತ್ಯ ಉಂಡಾ ಪನ್ಪಿ ಪ್ರಶ್ನೆ ಬುದ್ದಿ ಇತ್ತಿನಕುಲು ಕೇನುವೆರ್ . ಈ ನಡುಟು ತುಳು ಭಾಸೆ ಕಲ್ಪಾವುನ ಸುಮಾರರ್ 43 ಜನ ಕಲ್ಪಾರ್ಥಿಲೆಗ್ 30 ತಿಂಗೊಲುರ್ದು ಗೌರವ ಧನ ಕೊರ್ತುಜೆರ್ .
ಕುಡ್ಲ ಬೊಕ್ಕ ಒಡಿಪುದ 42 ಶಾಲೆಡ್ ತುಳು ಭಾಷೆನ್ ಮೂಜನೆ ಭಾಷೆಯಾದ್ ಕಲ್ಪಾವೊಂದು ಉಲ್ಲೆರ್ ನೆಕ್ಕ್ 43 ತುಳು ಕಲ್ಪಾರ್ತಿಲೆನ್ ನೇಮಕ ಮಲ್ದೆರ್ ಮೆಕ್ಲೆಗ್ ತಿಂಗೊಲ್ಗು ಜುಜುಬಿ 3 ಸಾರ ರೂ. ಗೌರವ ಧನ ಕೊರೊಂದು ಉಲ್ಲೆರ್ . ಆಂಡ ಈ ಕಲ್ಪಾರ್ತಿಲೆಗ್ ಕರಿನ 30 ತಿಂಗೊಲುರ್ದು ಆ ಕಾಸ್ಲಾ ಕೊರೊಂದು ಇಜ್ಜೆರ್.
ತುಳು ಕಲ್ಪಾವುನಕ್ಲೆನೆಟ್ಟ್ ಮಸ್ತ್ ಜನ ಬಾರಿ ಬಡತನದ ಕುಟುಂಬದಕುಲು ಅಂಗವಿಕಲೆರ್ಲಾ ಉಲ್ಲೆರ್ . ಜುಜುಬಿ 3 ಸಾರ ಪಣವುದ ಆಸೆಗ್ ತಮ್ಮ ಅಮೂಲ್ಯ ಪೊರ್ತುನು ತುಳು ಬಾಸೆ ಗಾದ್ ದೀತೆರ್ . ಆಂಡ ಸರಕಾರ ಮೆಕ್ಲೆಗ್ ಗೌರವ ಧನ ಕೊರೊಂದು ಇಜ್ಜಿ . ಉಸ್ತುವಾರಿ ಸಚಿವ ಸುನಿಲ್ ಕುಮಾರ್ ಮೇರ್ ತಂಕ್ ಆ ವಿಷಯ ಗೊತ್ತಿಜ್ಜಂದಿಲಕ ಉಲ್ಲೆರ್.
ಸುರತ್ಕಲ್ ಟೋಲ್ ಗೇಟ್ ನ್ ದೆಪ್ಪರೆ ಒತ್ತಾಯಿಸಾದ್ ಮಾರ್ಚ್ 15 ನೆಡ್ದ್ ಹೆಜಮಾಡಿ ಟೋಲ್ ಗೇಟ್ ರ್ದ್ ಸುರತ್ಕಲ್ ಟೋಲ್ ಗೇಟ್ ಮುಟ್ಟ ನಡಪರೆ ಇತ್ತಿನ ಮಾಮಲ್ಲ ಪಾದಯಾತ್ರೆನ್ ಜಿಲ್ಲಾಡಳಿತ ನಿಷೇಧಾಜ್ಞೆ ಪನ್ಪಿನ ಕಾನೂನ್ ದ ಅಸ್ತ್ರನ್ ಉಪಯೋಗಿಸಾದ್ ನಮ್ಮ ಹೋರಾಟನ್ ದುಂಬು ದೀಪುಲೆಕ್ಕ ಮಲ್ತಿನವ್ ನಮಕ್ಕ್ ಮಾತ್ರ ತೆರಿದ್ ಇಪ್ಪುನ ವಿಚಾರ.
ಉಂದೆನ್ ನಮಕ್ಕ್ ಆತ್ ಬೇಗಡ್ ಮದಪರೆ ಆಪುಜಿ. ಕಾರಣ ನಮ ಆ ಹೋರಾಟಗ್ ಪಟ್ಟಿನ ಶ್ರಮ ಆತ್ ಇತ್ ಅತ್ತ್. ನಮ್ಮ ಪ್ರಯತ್ನದ ಫಲವಾದ್ ಹೋರಾಟ ಎಡ್ಡೆ ರೀತಿಡ್ ಯಶಸ್ಸು ಕೊರ್ಪುಂಡ್ ಪನ್ಪಿನೆನ್ ತೂದ್ ಟೋಲ್ ಗೇಟ್ ಗುತ್ತಿಗೆದಾರೆರ್ ಮಲ್ತಿನ ಕಿತಾಪತಿಗ್ ನಮ್ಮ ಹೋರಾಟ ಬಲಿಯಾಂಡ್ ಪಂದ್ ಪನಿಯರೆ ಬೇಜಾರ್ ಆಪುಂಡ್. ಇಂಚಿನ ಪೊರ್ತುಡ್ ನಮ್ಮ ಹೋರಾಟ ಸಮಿತಿದ ನಾಯಕೆರ್ ಸರಿಯಾಯಿನ ನಿರ್ಧಾರ ದೆತೊನರೆ ಪಿರ ಪೋದಿಪ್ಪುನವ್ ನಮ್ಮ ಉಸ್ಸಾಹಗ್ ಒಂತೆ ಬೇಜಾರ್ ಆತಿನವ್ ಸತ್ಯ. ಇಂಚಿತ್ತಿನ ಸರ್ಕಾರದ ವ್ಯವಸ್ಥೆಡ್ ನಮ್ಮ ಬದುಕೊಂದುಲ್ಲ.
ಆಂಡ ನಮ್ಮ ಹೋರಾಟ ಇಡೇಗೆ ಮುಗಿಯುಜಿ. ಓಡೆ ಮುಟ್ಟ ಟೋಲ್ ಗೇಟ್ ದೆಪ್ಪುಜೆರ ಅಡೆ ಮುಟ್ಟ ನಮ್ಮ ಹೋರಾಟನ್ ಉಂತಾವುಜ. ಮಾರ್ಚ್ 22 ಕ್ಕ್ ನನಲ ಮಸ್ತ್ ಜನಕ್ಲೆನ್ ಸೆರ್ಸಾದ್ ಮಾಮಲ್ಲ ಪಾದಯಾತ್ರೆ ನಡಪರೆ ಉಂಡು. ಇತ್ತೆ ಉಂದು ನಮ್ಮ ಸ್ವಾಭಿಮಾನದ ಪ್ರಶ್ನೆಯಾತ್ಂಡ್. ಹೋರಾಟ ಮಲ್ಪುನಗನೆ ಅವೆನ್ ಕೇನಂದೆ ಟೋಲ್ ಗೇಟ್ ನ್ ಸರಿ ಮಲ್ಪುನ ಪ್ರಕ್ರಿಯೆ ನಡತ್ತೊಂದ್ ಇಪ್ಪುನನ್ ತೂದ್ ಆಶ್ಚರ್ಯ ಆಪುಂಡ್. ಇತ್ ಆಂಡಲಾ ಜಿಲ್ಲಾಡಳಿತ ಬೊಕ್ಕ ಜನಪ್ರತಿನಿಧಿಲು ಉಂದೆನ್ ತೂದ್ ಮನಿಪಂದೆ ಕುಲ್ದೆರ್.
ಅಕ್ಲೆನ ಷಡ್ಯಂತ್ರಗ್ ನಮ ಉತ್ತರ ಕೊರೊಡ್. ಆಯಿಕ್ ಇಪ್ಪುನವ್ ಒಂಜಿ ಸಾದಿ. ಮಾರ್ಚ್ 22 ಕ್ಕ್ ಮಾಮಲ್ಲ ಪಾದಯಾತ್ರೆನ್ ಮಲ್ಪುನವ್. ಆಯಿಕ್ಕಾದ್ ನಮ್ಮ ಜಿಲ್ಲಾ ಅಸೋಸಿಯೇಷನ್ ದ ಮಾತ ಸದಸ್ಯೆರ್ ಮಾರ್ಚ್ 22ಕ್ಕ್ ಅಂಗಾರದಾನಿ ಪಾದಯಾತ್ರೆಡ್ ಮಸ್ತ್ ಸಂಖ್ಯೆಡ್ ಸೇರ್ದ್ ಟೋಲ್ ಗೇಟ್ ನ್ ದೆಪ್ಪುನ ಕಾರ್ಯಡ್ ಸಾಕಾರ ಮಲ್ಪೊಡು ಪಂದ್ ಬಿನ್ನಾಪು.
ಎಂ.ದಿನೇಶ್ ಕುಂಪಲ
ಅಧ್ಯಕ್ಷೆರ್
ಒಡಿಪು : ಕೈತಲ್ ದ ವಿದ್ಯೋದಯ ಟ್ರಸ್ಟ್ನ ಅಂಗಸಂಸ್ಥೆಯಾಯಿನ ಶ್ರೀಅನಂತೇಶ್ವರ ಆಂಗ್ಲಮಾಧ್ಯಮ ಪ್ರೌಢ ಶಾಲೆದ 9ನೇ ತರಗತಿ ವಿದ್ಯಾರ್ಥಿನಿ ಪ್ರನುಷಾ ಮಹೇಶ್ ಮೇರ್ ಕರಿನ ವಾರ ಹೈದರಾಬಾದ್ಡ್ ನಡತಿನ ಕರಾಟೆ ಚಾಂಪಿಯನ್ ಶಿಪ್ಡ್ ಕೆಡೆಟ್ 14-15 ವಯೋಮಿತಿದ 47 ಕೆ.ಜಿ ವಿಭಾಗಡ್ ಕರ್ನಾಟಕ ರಾಜ್ಯನ್ ಪ್ರತಿನಿಧಿಸಾದ್ ಸುರುತ ಇನಾಮು ಪಡೆತೆರ್.
ಪ್ರನುಷಾ ರಾಷ್ಟ್ರ ಮಟ್ಟದ ಕರಾಟೆ ಪಂಥಡ್ ಕರ್ನಾಟಕನ್ ಪ್ರತಿನಿಧಿಸಾಯೆರೆ ಆಯ್ಕೆಯಾತೆರ್ . ಈ ಸಾಧನೆಗಾದ್ ಶಾಲಾ ಆಡಳಿತ ಮಂಡಳಿ, ಮುಖ್ಯಶಿಕ್ಷಕಿ ಬೊಕ್ಕ ಅಧ್ಯಾಪಕೆರ್ ಪ್ರನುಷಾಗ್ ಸೊಲ್ಮೆ ಸಂದೈತ ಮಲ್ದೆರ್.
State level karate competition- Pranusha wins the first place.
Udupi: Pranusha Mahesh a ninth std student of Sri Annantheswara English medium school represented the state at the Karate championships in Hyderabad and won the first place in the 14-15 years 47 kg catogery.
She will be participating in the national level and representing Karnataka.The school management and teachers have sent in their good wishes on her achievement.
.ಒಡಿಪು : ಒಡಿಪುದ ರಥಬೀದಿ ಗೆಳೆಯೆರ್ನ ಬಳಗ ಕುಡ್ಲ ಬೊಕ್ಕ ಒಡಿಪುದ ಕಾಲೇಜು ಜೋಕ್ಲೆಗಾದ್ ಅಟ್ಟನೆ ಮಲ್ತಿನ ಪಾ.ವೆಂ. ಆಚಾರ್ಯೆರ್ನ ತುಳು ಕವನ ವಾಚನ ವೀಡಿಯೋ ಪಂಥಡ್ ಹೆಬ್ರಿದ ಸರಕಾರಿ ಪ್ರಥಮ ದರ್ಜೆ ಕಾಲೇಜ್ ದ ಬಿಕಾಮ್ ವಿದ್ಯಾರ್ಥಿನಿ ಅಕ್ಷಿತಾ ಕೆ ಶೆಟ್ಟಿ ಸುರುತ ಇನಾಮು ಪಡೆತೆರ್.ಕಟಪಾಡಿದ ತೃಶಾ ವಿದ್ಯಾ ಕಾಲೇಜ್ ದ ಸುರುತ ಬಿಕಾಮ್ ವಿದ್ಯಾರ್ಥಿ ಅಖಿಲೇಶ್ ಪೂಜಾರಿ, ಅವ್ವೆ ಕಾಲೇಜ್ ದ ಸುರುತ ಬಿಕಾಮ್ ವಿದ್ಯಾರ್ಥಿನಿ ಅಂಕಿತಾ ರಡ್ಡನೆ ಇನಾಮು ಪಡೆತೆರ್.
Akshita Shetty bags the first place in P.M Acharya Tulu poetry recitation compitition.
Udupi: Rathabeedhi friends, Udupi and the college students of Udupi organised P.M.Acharya Tulu poetry recitation online.Akshitha Shetty B.Com student of Government College Hebri won the first place.
ಕುಡ್ಲದ ಅಡ್ಯಾರ್ ಮೂಡಡ್ಯಾರುಗುತ್ತು ಶ್ರೀ ಕಾಂತೇರಿ ಜುಮಾದಿ ಬಂಟ ದೈವ ಚಾವಡಿದ ಪುನರ್ ಪ್ರತಿಷ್ಠಾ ಬ್ರಹ್ಮಕಲಶೋತ್ಸವ ಮಾರ್ಚ್ 22-25 ಮುಟ್ಟ ಭಾರೀ ಗೌಜಿಡ್ ನಡಪರೆ ಉಂಡು.
ಮಾ. 22 ಅಂಗಾರೆ ಬಯ್ಯಗ್ 3 ಗಂಟೆಗ್ ಪುದೆ ಕಾಣಿಕೆದ ಸಮರ್ಪಣೆ ಅಂಚನೆ 23 ತಾರೀಕ್ ಗ್ ಕಾಂಡೆ 9.56 ಕ್ಕ್ ಬ್ರಹ್ಮಕಲಶ, ಮಧ್ಯಾಹ್ನ 1 ಗಂಟೆಗ್ ನುಪ್ಪು ಪುರ್ಸಾದ ಸೇವೆ, ರಾತ್ರೆ 8.30 ಗ್ ಕಟೀಲು ಶ್ರೀ ದುರ್ಗಾಪರಮೇಶ್ವರಿ ದಶಾವತಾರ ಯಕ್ಷಗಾನ ಮಂಡಳಿರ್ದ್ “ಶ್ರೀ ದೇವಿ ಮಹಾತ್ಮೆ” ಆಟ ನಡಪರೆ ಉಂಡು.
ಮಾ.24 ಗುರುವಾರ ಮಧ್ಯಾಹ್ನ 2 ಗಂಟೆಗ್ ಮೈಸಂದಾಯ ದೈವದ ನೇಮೋಚ್ಚಯ, ಬಯ್ಯಗ್ 4 ಗಂಟೆಗ್ ಶ್ರೀ ಜುಮಾದಿ ಬಂಟ ದೈವಲೆನ ನೇಮೋಚ್ಚಯ, ರಾತ್ರೆ 7.30 ಗ್ ಶ್ರೀ ವೈದ್ಯನಾಥ ದೈವದ ನೇಮ, 9 ಗಂಟೆಗ್ ನುಪ್ಪು ಪುರ್ಸಾದ ಸೇವೆ, 10 ಗಂಟೆಗ್ ಶ್ರೀ ಕಾಂತೇರಿ ಜುಮಾದಿ ಬಂಟ ದೈವಲೆನ ನೇಮೋಚ್ಚಯ ನಡಪರೆ ಉಂಡು.
ಮಾ. 25 ಸುಕ್ರಾರ ಬಯ್ಯ 6 ಗಂಟೆಗ್ ಪರಿವಾರ ದೈವೊಲೆನ ನೇಮೋಚ್ಚಯ ಬೊಕ್ಕ ನುಪ್ಪು ಪುರ್ಸಾದ ಸೇವೆ ಉಂಡು. ಮಾತ ಭಕ್ತಾಭಿಮಾನಿಲು ಬತ್ತ್ ದ್ ದೈವದ ಗಂಧ ಪ್ರಸಾದನ್ ಸ್ವೀಕಾರ ಮಲ್ಪೊಡು ಪಂದ್ ಮೂಡಡ್ಯಾರುಗುತ್ತುದ ಕುಟುಂಬದಕುಲು ಬೊಕ್ಕ ಅಡ್ಯಾರುಗುತ್ತುದ ಗ್ರಾಮಸ್ಥೆರ್ ಬಿನ್ನಾಪು ಮಲ್ತ್ ದೆರ್.
March 22-25: The re consecration of Mudadyaruguttu Sri Kanthery Jumadi Banta Daiva
The reconsecration of Mudadyarguttu Sri Kanthery Jumadi Banta of Adyar, Mangalore will be held with pomp from 22-25 of March.
The Hore Kanike will be offered to the temple on 22nd March.
The other holy rituals will be conducted from 23-25th.
The re consecration ceremony will be on 23rd morning at 9.56 a.m.
There will be an Yakshgana performance Devi Mahatmay in the evening.
The other rituals of the associated divinity will be on 24th and 25th.
The family of Mudadyarguttu have invited all devotees to come over offer prayers and seek blessings of the divine.
ಕುಡ್ಲ , : ಕುಡ್ಲದ ಏರ್ಪೋರ್ಟ್ಡ್ ಬಾಂಬ್ ದೀನ ಪ್ರಕರಣ ಬಗ್ಗೆ ರಡ್ಡ್ ವರ್ಷದ ವಿಚಾರಣೆರ್ದ್ ಬೊಕ್ಕ ಕುಡ್ಲದ ಕೋರ್ಟ್ ಇತ್ತೇ ಶಿಕ್ಷೆ ಪ್ರಕಟ ಮಲ್ದುಂಡು . ಕುಡ್ಲದ ನಾಲನೆ ಜಿಲ್ಲಾ ನ್ಯಾಯಾಲಯರ್ದ್ ತೀರ್ಪು ಪ್ರಕಟ ಆತುಂಡು , ಪ್ರಕರಣಡ್ ಪ್ರತ್ಯೇಕ ರಡ್ಡ್ ಶಿಕ್ಷೆ ಪ್ರಮಾಣನ್ ಕೋರ್ಟ್ ತನ್ನ ಕಡೆತ ತೀರ್ಪುಡು ಕೊರ್ತುಂಡು.
ಬಾಂಬರ್ ಆದಿತ್ಯರಾವ್ಗ್ ಒಂಜಿ ಸೆಕ್ಷನ್ದ ಡಿ 20 ವರ್ಷ ಜೈಲು ಬೊಕ್ಕ 10 ಸಾರ ರೂ. ದಂಡ ಪಾರ್ದೆರ್ ಕುಡೊಂಜಿ ಸೆಕ್ಷನ್ದಡಿ 5 ವರ್ಷ ಜೈಲು ಬೊಕ್ಕ 10 ಸಾರ ರೂ. ದಂಡ ಆದೇಶ ಕೊರ್ತೆರ್.
