ಕಾರ್ಲ ಎಪಿಎಂಸಿ ವತಿರ್ದ್ ನೂರಾಳ್ ಬೆಟ್ಟು ಗ್ರಾಮದ ಕೆರೆ ಇಲ್ಲದ ಕೈತಲ್ ಬೆನ್ನಿ ಮಲ್ಪುನಕ್ಲೆಗ್ ಸಾಕಾರ ಆಯರೇ ಮಾರ್ಗದ ಕಾಂಕ್ರೀಟಿಕರಣ.
ಕಾರ್ಲ: ಎಪಿಎಂಸಿ ವತಿರ್ದ್ ನೂರಾಳ್ ಬೆಟ್ಟು ಗ್ರಾಮದ ಕೆರೆ ಇಲ್ಲದ ಕೈತಲ್ ಬೆನ್ನಿ ಮಲ್ಪುನ ಜನಕ್ಲೆಗ್ ಅನುಕೂಲ ಆಯೆರೆ ಈ ಜಾಗೆದ ಎಪಿಎಂಸಿ ಸದಸ್ಯೆರ್ ಬೊಕ್ಕ ಸದಸ್ಯೆರಾಯಿನ ಮಾಪಾಲು ಜಯವರ್ಮ ಜೈನ್ ಮೆರ್ನ ಶಿಫಾರಸ್ ದ ಪ್ರಕಾರ ರೂ. 3 ಲಕ್ಷ ಪಣವುಡು ಮಾರ್ಗದ ಕಾಂಕ್ರಿಟೀಕರಣ ಮಲ್ತೆರ್ .
ಕಾರ್ಲ ; ಇಂಚೋಗು ತೆಡಿಲ್ ಆಕ್ ದ್ ದೇವೆರೆ ಪಾದೋ ಸೇರಿನ ನೂರಾಳ್ ಬೆಟ್ಟು ಗ್ರಾಮದ ಜಾಣ ಇಲ್ಲದ ಜಿಗಿತ್ ಜೈನ್ ಮೆರೆನ ಇಲ್ಲಗ್ ಇಂಧನ ಬೊಕ್ಕ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೇರಾಯಿನ ವಿ ಸುನಿಲ್ ಕುಮಾರ್ ಭೇಟಿ ಕೊರ್ದು ಪ್ರಾಕೃತಿಕ ವಿಕೋಪ ಪರಿಹಾರ ನಿಧಿತಡಿ ಸರ್ಕಾರದ ಅನುದಾನ ರೂ.5 ಲಕ್ಷದ ಚೆಕ್ ಕೊರಿಯೆರ್ ಬೊಕ್ಕ ಮೃತೆರ್ನ ಇಲ್ಲದಕ್ಲೆಗ್ ಸಾಂತ್ವನ ಪಂಡೆರ್.
ಈ ಪೊರ್ತುಡು ಈದು ಗ್ರಾ.ಪಂ ಗುರ್ಕಾರ್ಲಾಯಿನ ಶ್ರೀಮತಿ ಜಯಂತಿ, ನಿಕಟ ಪೂರ್ವ ಗುರ್ಕಾರ್ಲಾಯಿನ ಬೊಕ್ಕ ಹಾಲಿ ಸದಸ್ಯೆರಾಯಿನ ಪುರುಷೋತ್ತಮ ಎಚ್, ತಹಸೀಲ್ದಾರ್ ಪ್ರದೀಪ್ ಹರ್ಡೆಕರ್, ಗ್ರಾಮಾಂತರ ಠಾಣಾಧಿಕಾರಿ ತೇಜಸ್ವಿ, ಕಂದಾಯ ನಿರೀಕ್ಷಕೇರಾಯಿನ ಶಿವಪ್ರಸಾದ್, ಗ್ರಾಮ ಕರಣಿಕರಾದ ಬಾಲಕೃಷ್ಣ ಪಾಲ್ ಪಡೆದಿತ್ತೆರ್.
ಕುಡ್ಲ : 2009ಟ್ಟ್ ತೆರೆ ತೊಜೀದ್ ಸಿನಿ ಜಗತ್ ಭಾರಿ ಸಂಚಲನ ಮೂಡಾಯಿನ ಹಾಲಿವುಡ್ ಸಿನಿಮಾ ‘ಅವತಾರ್’ದ ರಡ್ಡನೇ ಭಾಗ 160 ಭಾಷೆಡ್ ಉಂದುವೇ ವರ್ಷ (2022) ಡಿಸೆಂಬರ್ 16ಕ್ಕ್ ಬುಡುಗಡೆ ಆಯರೇ ಉಂಡು ಪಂದ್ ಎಂದು ಚಿತ್ರದ ನಿರ್ದೇಶಕ ಜೇಮ್ಸ್ ಕ್ಯಾಮೆರಾನ್ ಪಂಡೆರ್ .
ಈ ಚಿತ್ರಗ್ ಅವತಾರ್: ದಿ ವೇ ಆಫ್ ವಾಟರ್’ ಪಂದ್ ಪುದರ್ ದೀತೆರ್ ಪಂದ್ ಜೇಮ್ಸ್ ಕ್ಯಾಮೆರಾನ್ ಚಿತ್ರದ ಬಗ್ಗೆ ಮಾಹಿತಿ ಕೊರ್ತೆರ್.
2009ಟ್ಟ್ ಬುಡುಗಡೆ ಆಯಿನ ಅವತಾರ್, ಜಾಗತಿಕವಾದ್ ಅಂದಾಜು ರೂ.21 ಸಾವಿರ ಕೋಟಿ ಗಳಿಕೆ ತೊಜಿನ ಸಿನಿಮಾ ಪಂದ್ ಪುದರ್ ಪಡೆತುಂಡು .
ಕೊಚ್ಚಿ: ದೇಶಡ್ ಜನಕುಲು ಬೆಚ್ಚದ ತಾಪಗ್ ತತ್ತರಿಸಾದ್ ಪೋತೆರ್ . ಈ ಪೈಕಿ ಕೂಲಿ ಕಾರ್ಮಿಕೆರ್ನ ಬಂಗ ಕೇನುನ ಬೊರ್ಚಿ . ಕೇರಳಡ್ ದೊಂಬುದ ಪೆಟ್ಟ್ ಗ್ ಬೇಲೆದಾಯೆನ ಬೆರಿ ಪೊತ್ತುದು ತಾಪಕ್ಕೆ ಕಾರ್ಮಿಕನೊಬ್ಬನ ಪೋಯಿನ ಆಘಾತಕಾರಿ ಘಟನೆ ವರದಿ ಆತುಂಡು .
ಎರ್ನಾಕುಲಂ ಜಿಲ್ಲೆಡ್ ಈ ಘಟನೆ ನಡತ್oಡ್ , ಮುಲ್ಪದ ಪಲ್ಲಂತುರುತ್ ಪನ್ಪಿನ ಜಾಗೆಡ್ ವೆಲ್ಡಿಂಗ್ ಬೇಲೆ ಮಲ್ತೊಂದು ಇತ್ತಿನ ಜವಣ್ಯನ ಬೆರಿತ ಪಿದಾಯಿದ ಚರ್ಮ ದೊಂಬುದ ಪೆಟ್ಟ್ ಗ್ ಪೊತ್ತುದು ಪೋತುಂಡು.
ಒರಿಯಗೊರಿ ಆಕೋನುನನೇ ಮುಲ್ಪದ ಇಸೇಸತೆ : ಉಂದು ಉಳ್ಳಾಕುಲು ದೈವದ ನೇಮೋಚ್ಚಯದ ಇಸೇಸತೆ
ಕುಡ್ಲದ ಸುಳ್ಯ ತಾಲೂಕುದ ಮಂಡೆಗೋಲು ಗ್ರಾಮದ ಜನಕುಲು ಪಿರಾಕ್ ರ್ದೇ ಮಂಡೆಗೋಲು ಮಹಾ ವಿಷ್ಣುಮೂರ್ತಿ ದೇವಸ್ಥಾನಡ್ ಉಳ್ಳಾಕುಲು ದೈವದ ನೇಮೋಚ್ಚಯನ್ ನಡಪಾವೊಂದು ಬೈದೆರ್. ಒರಿಯಗೊರಿ ಆಕೊನುನ ಮುಲ್ಪದ ಆರಾಧನಾ ಕ್ರಮ.
ಉಂದು ದಕ್ಷಿಣ ಕನ್ನಡ ಜಿಲ್ಲೆದ ಸುಳ್ಯ ತಾಲೂಕುದ ಮಂಡೆಗೋಲು ಪರಿಸರದ ಜನ ಆಚರಣೆ ಮಲ್ತೊಂದು ಬೈದಿನ ಒಂಜಿ ವಿಶಿಷ್ಟ ರೀತಿದ ಕ್ರಮ . ಅಂಚನೆ ಈ ಆಚರಣೆ ರಕ್ತಪಾತಗೋಸ್ಕರ ಅತ್ತ್ . ನಾಡ್ ಡ್ ಸಂಘರ್ಷನ್ ಉಂತಾವುನವು
ಈ ಆರಾಧನೆದ ಮುಖ್ಯ ಉದ್ದೇಶ.
ಉಳ್ಳಾಕುಲು ದೈವದ ನೇಮೋಚ್ಚಯದ ಬಗ್ಗೆ ಗ್ರಾಮಸ್ಥೆರ್ ಪಂಡಿನ ಪ್ರಕಾರ
ಒರಿಯಗೊರಿ ಪೆಟ್ಟ್ ಮಲ್ಪುನೆನ್ ತೂನಗ ಅಕ್ಲೆನ ನಡುಟು ಬಾರಿ ಕೋಪ ತೊಡಗಿಕೊಂಡಿರುವುದನ್ನು ಉಂಡು ಪನ್ಪಿನ ರೀತಿಡ್ ಲಡಾಯಿ ಮಲ್ಪುವೆರ್ ನೆಕ್ಕ್ ಅಡ್ಡಣಪೆಟ್ಟು ಪನ್ಪಿನ ವಿಶಿಷ್ಟ ಆಚರಣೆನ್ ಸುರುತ ಸಲ ತೂಪಿನಕುಲು ಎನ್ನುವೆರ್ ಆಂಡ , ಈ ಆಚರಣೆ ವೈಷಮ್ಯನ್ ಮೀರ್ದ್ ಶಾಂತಿ ಕಾಪುನ ನೆಲೆತ್ತು ಮಲ್ಪುನ ಒಂಜಿ ರೀತಿದ ವಿಶಿಷ್ಟ ಪೆಟ್ಟ್ .
ಉಂದು ತುಳುನಾಡ್ ದ ಭೂತಾರಾಧನೆಡ್ ಬರ್ಪಿನ ಒಂಜಿ ವಿಶಿಷ್ಟ ಆಚರಣೆ. ದಕ್ಷಿಣ ಕನ್ನಡ ಜಿಲ್ಲೆದ ಸುಳ್ಯ ತಾಲೂಕುದ ಮಂಡೆಗೋಲು ಮಹಾ ವಿಷ್ಣುಮೂರ್ತಿ ದೇವಸ್ಥಾನಡ್ ನಡಪುನ ಉಳ್ಳಾಕುಲು ದೈವದ ನೇಮೋಚ್ಚಯಡ್ ತೋಜಿದ್ ಬರ್ಪಿನ ಒಂಜಿ ರೋಮಾಂಚಕ ದೃಶ್ಯ ಉಂದು . ಪಿರಾಕ್ ಡ್ ಈ ಜಾಗೆನ್ ಬಳ್ಳಾಲೆರ್ ಆಳೊಂದು ಇತ್ತಿನ ಪೊರ್ತುಡು ಮುಲ್ಪದ ಮೆಗ್ಗೆ ಪಲಯೆಡ ಜಾಗದ ವಿಷಯಗ್ ಸಂಬಂಧಿ ಲಡಾಯಿ ಆಯಿನ ಒಂಜಿ ಇಚಾರ ಒಂಜಿ ಘಟಗ್ ಬತ್ತ್ ದ್ ಉಳ್ಳಾಲೆರ್ ದೇವೆರೆನ್ ಸಾಕ್ಷಿಯಾದ್ ದೀಯೊಂದು , ನ್ಯಾಯ ಧರ್ಮಗೋಸ್ಕರ ಅಣ್ಣ ಮೆಗ್ಗೆ ನಕ್ಲೆನ ನಡುಟು ಪಂಥಗೋಸ್ಕರ ಯುದ್ದ ಮಲ್ಪುವೆರ್ .
ಯುದ್ದ ಎಲ್ಲೆ ಮೀರ್ದ್ ರಕ್ತಪಾತ ಆಪಿನ ಪೊರ್ತುಡು ಸ್ವತಃ ದೈವನೇ ಬತ್ತ್ ದ್ ಅಣ್ಣ ಮೆಗ್ಗೆ ನಕ್ಲೆನ ನಡುಟು ಲಡಾಯಿ ಉಂತಾವೆರ್ ನಾಡ್ ಡ್ ಸಂಘರ್ಷ ಆಪಿನೆನ್ ಉಂತಾವುನ ನೆಲೆಟ್ಟ್ ಉಂದು ಆರಾಧನಾ ಪದ್ಧತಿಯಾದ್ ಪಿರಾಕ್ರ್ದ್ ಆಚರಣೆ ಮಲ್ತೊಂದು ಬೈದೆರ್ , ಅಡ್ಡನ ಪೆಟ್ಟ್ ಪನ್ಪಿನ ಮುಖೇನ ಪುದರ್ ಪಡೆತುಂಡು.
ಅಡ್ಡನ ಪೆಟ್ಟ್ ಡ್ ಮುಲ್ಪದ ನಾಲ್ ಊರುನು ಪ್ರತಿನಿಧಿಸಾವುನ ನಾಲ್ ಜನ ಪೆಟ್ಟ್ ಮಲ್ಪುನವು ನೆತ್ತ ಸಂಪ್ರದಾಯ.
ಬೆಂಗ್ಳೂರುದ ಪ್ರಮುಖ ತುಳು ಸಂಘಟನೆ, ಕರಿನ ಸರ್ತಿದ “ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ” ಪ್ರತಿಷ್ಠಿತ ಸಂಘಟನಾ ಪ್ರಶಸ್ತಿ ಪಡೆಯಿನ “ತುಳುವೆರೆಂಕುಲು ಬೆಂಗಳೂರು (ರಿ.)” 30 ನೇ ವರ್ಷಾಚರಣೆದ ಒರುಟ್ಟು ರಾಜಬೂಡು ಬೆಂಗಳೂರುಡು “ಬೆಂಗ್ಳೂರು ತುಳು ಪರ್ಬ -2022” ನ್ ಅಟ್ಟಣೆ ಮಲ್ದೆರ್. ಉಂದೇ ಬರ್ಪಿನ ಮೇ 15 ಐತಾರ ಕಾಂಡೆ 9.30 ಡ್ಡ್ ರಾತ್ರೆ 8.30 ಮುಟ್ಟ ಬೆಂಗಳೂರುದ “ರವೀಂದ್ರ ಕಲಾ ಕ್ಷೇತ್ರ”ಡ್ ಈ ಲೇಸ್ ನಡಪೆರುಂಡು.
ಡಾ. ಹೇಮಾವತಿ ಹೆಗ್ಗಡೆ ಧರ್ಮಸ್ಥಳ ಲೇಸ್ ನ್ ಉದಿಪನ ಮಲ್ಪೆರುಲ್ಲೆರ್. ಕನ್ನಡ ಬೊಕ ಸಂಸ್ಕೃತಿ ಇಲಾಖೆದ ಮಂತ್ರಿಲು ಶ್ರೀ ವಿ. ಸುನೀಲ್ ಕುಮಾರ್, ಶ್ರೀ ಡಿ.ಸುರೇಂದ್ರ ಕುಮಾರ್, ಮಾಜಿ ಲೋಕಾಯುಕ್ತೆ ಜಸ್ಟಿಸ್ ಸಂತೋಷ್ ಹೆಗ್ಡೆರ್, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲು ಶ್ರೀ ದಯಾನಂದ ಕತ್ತಲ್ ಸಾರ್, ತುಳು-ಕನ್ನಡ ಅಂತಾರಾಷ್ಟ್ರೀಯ ಸಾಂಸ್ಕೃತಿಕ ಸಂಘಟಕೆರಾಯಿನ ದುಬೈ ಕರ್ನಾಟಕ ಸಂಘದ ಗುರ್ಕಾರ್ಲು ಶ್ರೀ ಸರ್ವೋತ್ತಮ ಶೆಟ್ಟಿ, ಪ್ರೊ.ಕಬಡ್ಡಿ ಬೊಳ್ಳಿಲು ಶ್ರೀ ಪ್ರಶಾಂತ್ ರೈ ಕೈಕಾರ ಬೊಕ ಶ್ರೀ ಸಚಿನ್ ಸುವರ್ಣ ಅಂಚನೇ ಹಲವಾರ್ ಗಣ್ಯಾತಿಗಣ್ಯೆರ್ ಮುಖ್ಯ ಬಿನ್ನೆರಾದ್ ಲೇಸ್ ಡ್ ಪಾಲ್ ಪಡೆವೆರುಲ್ಲೆರ್.
ಅಂಚೆನೇ ದೇಶ ವಿದೇಶೊಡು ಇಪ್ಪುನ ಸಾಂಸ್ಕೃತಿಕ, ಕ್ರೀಡೆ, ಸಿನೆಮಾ, ರಾಜಕೀಯ, ಸಾಮಾಜಿಕ ಕ್ಷೇತ್ರದ ಸಾಧಕ ಗಣ್ಯೆರ್ ; ಬೆಂಗಳೂರುದ ವಿವಿಧ ತುಳು – ಕನ್ನಡ ಸಂಘಟನೆದಕುಲು ಈವೊಂಜಿ ತುಳು ಸಾಂಸ್ಕೃತಿಕ ಪರ್ಬೊಡು ಪಾಲ್ ಪಡೆವೆರುಲ್ಲೆರ್.
ಈ ಲೇಸ್ ಡ್ ಸಾಂಪ್ರದಾಯಿಕ ಬಿಸು ಆಚರಣೆ ನಡಪೆರುಂಡು. ತುಳು ಸಮುದಾಯೊಗು ಪೆರ್ಮೆ ದಿಂಜಾದಿನ ವಿಶೇಷ ಸಾಧಕೆರೆಗ್ ಪ್ರತಿಷ್ಠಿತ ವಾರ್ಷಿಕ “ಬಲಿಯೇಂದ್ರ ಪುರಸ್ಕಾರ” ; ಅಂಚನೇ ವಿವಿಧ ಕ್ಷೇತ್ರದ ಯುವ ಸಾಧಕೆರೆಗ್ ಲೇಸ್ ದ ಚಾವಡಿಡ್ ವಿಶೇಷ ಮಾನಾದಿಗೆ ನಡಪೆರುಂಡು.
ಪುಗಾರ್ತೆದ ಕಲಾ ತಂಡೊಲೆಡ್ದ್ ; ತಾರಾ ಕಲಾವಿದೆರೆಡ್ಡ್ ವೈವಿಧ್ಯಮಯ ತುಳು ಸಾಂಸ್ಕೃತಿಕ ಮನೋರಂಜನೆಲು ನಡಪೆರುಂಡು. ಡಾ. ಹೇಮಾವತಿ ಹೆಗ್ಗಡೆ ಧರ್ಮಸ್ಥಳ ಮೇರ್ ಬರೆದ್ ನಿರ್ದೇಶನ ಮಲ್ದಿನ ಹಾಸ್ಯಮಯ ತುಳು ನಾಟಕ “ಕೃಷ್ಣ ಸಂದಾನೋ” ನಡಪೆರುಂಡು.
ನಮ್ಮ ಭಾಷೆ, ಸಂಸ್ಕೃತಿ, ಕಲೆ, ಕ್ರೀಡೆ, ಸಾಹಿತ್ಯ, ಆಚಾರ ವಿಚಾರೊಲೆನ ಬುಳೆಚಿಲ್ಗಾದ್; ಪೊಸ ಪೀಳಿಗೆಗ್ ಪೊಲಬು ಮಲ್ಪೆರೆಗಾದ್ ತನ್ಕುಲು ಮಾತೆರ್ಲಾ ಹೆಚ್ಚಿನ ಸಂಖ್ಯೆಡ್ ಬತ್ತ್ ದ್ “ಬೆಂಗ್ಳೂರು ತುಳು ಪರ್ಬ -2022” ಡ್ ಪಾಲ್ ಪಡೇದ್ ಲೇಸ್ ದ ಪೊರ್ಲಪೊಲಿ ಎಚ್ಚಾವೊಡುಂದು ಅರ್ತಿ ಪಿರ್ತಿದ ಬಿನ್ನಯೋ.
ಮಾತೆರೆನ್ಲಾ ಮೋಕೆಡ್ ಎದುಕೊನುನಾ…
ವೈ. ಜಯಂತ್ ರಾವ್ ಗುರ್ಕಾರ್ಲು
ಪಳ್ಳಿ ವಿಶ್ವನಾಥ ಶೆಟ್ಟಿ ಮುಖ್ಯ ಕಾರ್ಯಂತೆರ್
ಪದಾಧಿಕಾರಿನಕುಲು,
ಸರ್ವ ಸದಸ್ಯೆರ್
ತುಳುವೆರೆಂಕುಲು ಬೆಂಗ್ಳೂರು (ರಿ.)
ಕಾರ್ಲ: ಕಾರ್ಲದ ಜನಕ್ಲೆಗ್ ದಿನನಿತ್ಯ ಗಲಸುನ ವಸ್ತುಲೆಗ್ ಬಾರಿ ಕಮ್ಮಿ ಪೊರ್ತುಡು ಪುದರ್ ಪಡೆಯಿನ ಪುದರ್ “ಕಾರ್ಲಾ ಸೂಪರ್ ಮಾರ್ಕೆಟ್”.ಇನಿರ್ದ್ ತನ್ನ ಗ್ರಾಹಕೆರೆಗಾದ್ ಭಾರೀ ರಿಯಾಯಿತಿ ಕೊರ್ತೆರ್.
ಟೈಡ್, ಏರಿಯಲ್ ದೆತೊoಡ ವಾಷಿಂಗ್ ಮೆಷಿನ್ ಗೆಂದುನ ಅವಕಾಶ. ರೆಡ್ ಲೇಬಲ್ ಟೀ, ವಿಮ್ ಕಂಫರ್ಟ್, ಸರ್ಫ್ ಕ್ಸೆಲ್ ಮ್ಯಾಟಿಕ್ಸ್ ಪೌಡರ್ ನ್ ದೆತೊoಡ ರೂ. 50 ತಿಕ್ಕುಂಡು . ಆತೆ ಅತ್ತoದೆ ಪ್ರತಿ ಖರೀದಿದ ಮಿತ್ತ್ 3% ರಾಯಲ್ಟಿ ಅಂಕ ಬೊಕ್ಕ ನನಾತ್ ಕೊಡುಗೆ ಉಂಡು.
ಒಡಿಪು : ಬಿಲ್ಲವ ಸಮಾಜ ಸೇವಾ ಸಂಘ (ರಿ.) ಮುದರಂಗಡಿಡ್ ತಾರಿಕ್ 08-05-2022ನೇ ಐತಾರ ಬ್ರಹ್ಮಶ್ರೀ ನಾರಾಯಣ ಗುರುಮಂದಿರದ ಕೈತಲ್, ಪೊಸ ಸಮುದಾಯ ಭವನದ ಉದಿಪನದ ಲೇಸ್ ನಡಪರೆ ಆಯರೇ ಉಂಡು.
ಈ ನೆಲೆಟ್ಟ್ ತಾರಿಕ್ 04-05-2022ನೇ ಬುಧಾರದಾನಿ ಬಯ್ಯಗ್ 5:00 ಗಂಟೆರ್ದ್ ವಾಸ್ತು ಹೋಮ, ಸುದರ್ಶನ ಹೋಮ ನಡಪರೆ ಉಂಡು.
ತಾರಿಕ್ 05-05-2022ನೇ ಗುರುವಾರ ಕಾಂಡೆ 9:00 ಗಂಟೆರ್ದ್ ಗಣಪತಿ ಹೋಮ, ಗುರುಪೂಜೆ, ತಾರಿಕ್ : 08-05-2022ನೇ ಐತಾರ
ಕಾಂಡೆ 10:00 ಗಂಟೆಗ್ ಸಭಾ ಕಾರ್ಯಕ್ರಮ,
ಮಧ್ಯಾಹ್ನ ಗಂಟೆ 1:00ಕ್ ಅನ್ನಸಂತರ್ಪಣೆ
ಬಯ್ಯಗ್ 7:00 ಗಂಟೆರ್ದ್ ಸಾಂಸ್ಕೃತಿಕ ಲೇಸ್,
ರಾತ್ರಿ 8:00 ಗಂಟೆಗ್ ಸಂಘದ ಸದಸ್ಯೆರೆರ್ದ್ ರಮಾನಂದ ನಾಯಕ್, ಜೋಡುರಸ್ತೆ ರಚನೆ ಮಲ್ತಿನ ತುಳು ಹಾಸ್ಯಮಯ ಸಾಂಸಾರಿಕ ನಾಟಕ “ವಠಾರ” ನಡಪರೆ ಉಂಡು.
ಮೈಸೂರು : ಇತ್ತೆದ ಕಾಲಡ್ ಸರಕಾರಿ ಬೇಲೆ ಪಡೆಯೊಡಾoಡ ಬಾರಿ ಬಂಗ ಬರೊಡು . ಭ್ರಷ್ಟಾಚಾರ, ಲಂಚತಾರಡ್ ಅರ್ಹ ಜನಕ್ಲೆಗ್ ಬೇಲೆ ತಿಕ್ಕುನ ಕಮ್ಮಿ ಇಂಚಿನ ಪೊರ್ತುಡು ಕಾಲಿ 14 ವರ್ಷ ಆಯಿನ ಪೊಣ್ಣಗ್ ಆರ್ ಎಫ್ ಒ ಹುದ್ದೆ ಕೊರ್ತೆರ್ .
ಮಂಡ್ಯ ದ ಬೇವಕಲ್ ಗ್ರಾಮದ ಐಶ್ವರ್ಯ ಪನ್ಪಿನ 14 ವರ್ಷದ ಪೊಣ್ಣಗ್ ವಲಯ ಅರಣ್ಯಾಧಿಕಾರಿ ಹುದ್ದೆ ತಿಕ್ಕ್ ದುಂಡು . ಈ ಅಪರೂಪದ ಘಟನೆ ಕರ್ನಾಟಕ ರಾಜ್ಯದ ಪುದರ್ ಪೋಯಿನ ನಾಗರಹೊಳೆ ಅಭಯಾರಣ್ಯಡ್ ಎಲು ತ ಕಾನ್ಸರ್ ಉಪ್ಪುನ ೧೪ ವರ್ಷದ ಪೊಣ್ಣಗ್ ಒಂಜಿ ದಿನತ ಮಟ್ಟಗ್ ಆರ್ಎಫ್ಒ ಆಗಿ ಅಧಿಕಾರ ಕೊರ್ತೆರ್ .
ಹಿರಿಯಡ್ಕ : ಹಿಂದು ಜಾಗರಣ ವೇದಿಕೆ ಹಿರಿಯಡಕ ವಲಯ,ಶ್ರೀ ಶನೇಶ್ವರ ಸೇವಾ ಸಮಿತಿ ಹಿರಿಯಡಕ ವತಿರ್ದ್ ”ಹಿಂದೂ ಧಾರ್ಮಿಕ ಲೇಸ್
ಏಪ್ರಿಲ್ 30 ತಾರಿಕ್ ಶನಿಯಾರ ದಾನಿ ಶ್ರೀ ಶ್ರೀ ಶ್ರೀ ಈಶಪ್ರೀಯ ತೀರ್ಥ ಸ್ವಾಮೀಜಿ ಅದಮಾರು ಮಠ ಮೆರ್ನ ದಿವ್ಯ ಉಪಸ್ಥಿತಿಡ್ ನವಗ್ರಹ ಪೂರ್ವಕ ಶ್ರೀ ಶನಿಶಾಂತಿ ಮಹಾಯಾಗ,ಸ್ಥಳ ಶ್ರೀ ಕ್ಷೇತ್ರ ವೀರಭದ್ರ ದೇವಸ್ಥಾನ ದ ಎದುರು ಹಿರಿಯಡ್ಕಡ್ ನಡಪರೇ ಉಂಡು.
ಕಾಂಡೆ 7.30 ಕ್ ಗಣಹೋಮ,
8.00 ಕ್ಕೆ ಶನೇಶ್ವರ ಯಾಗ,
11.00 ಗಂಟೆಗೆ ಪ್ರಸಾದ ವಿತರಣೆ,11.30 ಕ್ ಧಾರ್ಮಿಕ ಲೇಸ್ ಅಂಚನೆ
ಯುವ ವಾಗ್ಮಿ ಕುಮಾರಿ ಹಾರಿಕಾ ಮಂಜುನಾಥ್ ಮೆರೆರ್ದ್ ದಿಕ್ಸೂಚಿ ಭಾಷಣ,
ಮದ್ಯಾಹ್ನ 1 ಗಂಟೆಗ್ ಮಹಾ ಅನ್ನ ಸಂತರ್ಪಣೆ,ಮದ್ಯಾಹ್ನ 2 ಗಂಟೆರ್ದ್ ಜಗದೀಶ್ ಪುತ್ತೂರು ಮೆರೆರ್ದ್ “ಸಂಗೀತಾ ಗಾನ ಸಂಬ್ರಮ” ನಡಪರೇ ಉಂಡು.
