2022

ಬೆಳುವಾಯಿ ಗ್ರಾಮ ಪಂಚಾಯತ್ ವ್ಯಾಪ್ತಿದ ಮಾರ್ಗದ ಅಭಿವೃದ್ಧಿ ಕಾಮಗಾರಿಗ್ ಕೆಸರ್ ಕಲ್ಲ್ ಲೇಸ್

ಬೆಳುವಾಯಿ ಗ್ರಾಮ ಪಂಚಾಯತ್ ವ್ಯಾಪ್ತಿದ ಕಾನರ್ದ್ ಕಡಲಕೆರೆ ಬೈಪಾಸ್ ಜಂಕ್ಷನ್ ಮುಟ್ಟ 1 ಕೋಟಿ ರೂಪಾಯಿ ಕರ್ಚಿಡ್ ನಿರ್ಮಾಣ ಆಯರೆ ಇಪ್ಪುನ ಮಾರ್ಗದ ಅಭಿವೃದ್ಧಿ ಕಾಮಗಾರಿಗ್ ಶಾಸಕೆರ್ ಉಮಾನಾಥ್ ಕೋಟ್ಯಾನ್ ಕೆಸರ್ ಕಲ್ಲ್ ಪಡಿಯೆರ್.

ಈ ಪೊರ್ತುಡು ಸ್ಥಾಯಿ ಸಮಿತಿದ ಅಧ್ಯಕ್ಷೆರ್ ನಾಗರಾಜ್ ಪೂಜಾರಿ, ಸೌಮ್ಯ ಸಂದೀಪ್ ಶೆಟ್ಟಿ, ಪ್ರಭಾಕರ್ ಕುಲಾಲ್, ಶಶಿಧರ್ ಅಂಚನ್, ಭರತ್ ಶೆಟ್ಟಿ, ಬೆಳುವಾಯಿ ಗ್ರಾಮ ಪಂಚಾಯತ್ ಸದಸ್ಯೆರ್, ರಾಜೇಶ್ ಮಲ್ಯ, ಪುರಸಭೆ ನಾಮ ನಿರ್ದೇಶಿತ ಸದಸ್ಯೆರ್ ಬೊಕ್ಕ ಕೈತಲ್ ದ ಜಯರಾಮ್ ರಾವ್ ಇತ್ತೆರ್.
✍️ಜಗದೀಶ್ ಪೂಜಾರಿ
ಬೆದ್ರ

ಕಡಲ್ ದ ಮಿತ್ತ್ ಬರಿಯೆರೆ ಉಂಡು ಸೋಲಾರ್ ಪಾರ್ಕ್

ಕರೆಂಟ್ ಉತ್ಪಾದನೆಗಾದ್ ಕಡಲ್ ದ ಮಿತ್ತ್ ಸೋಲಾರ್ ಪಾರ್ಕ್ ನಿರ್ಮಾಣ ಮಲ್ಪುನ ಯೋಜನೆನ್ ಆಯಿನಾತ್ ಬೇಗಡೇ ಉದಿಪನ ಮಲ್ಪೆರೆ ಉಂಡು ಪಂದ್ ಕೇಂದ್ರ ಇಂಧನ ಖಾತೆದ ರಾಜ್ಯ ಸಚಿವೆರ್ ಕೃಷ್ಣನ್ ಪಾಲ್ ಗುರ್ಜಾಲ್ ಪಂಡೆರ್.

ತುಮಕೂರುಡ್ ನಿರ್ಮಾಣ ಆತಿನ ಸೌರಪಾರ್ಕ್ ರ್ದ್ ಕರೆಂಟ್ ತಿಕುನೆತೊಟ್ಟಿಗೆ ರೈತೆರೆಗ್ ಮಸ್ತ್ ಆದಾಯಲ ತಿಕೊಂದು ಉಂಡು. ಇಂಧನ ವ್ಯವಸ್ಥೆನ್ ಗಟ್ಟಿ ಮಲ್ಪುನ ದಿಟ್ಟಿಡ್ ಕೇಂದ್ರ ಸರ್ಕಾರ ಸುಮಾರ್ ಯೋಜನೆಲೆನ್ ರಚನೆ ಮಲ್ತೊಂದುಂಡು ಪಂದ್ ಪಂಡೆರ್.

Solar park to come up on the sea to generate electricity !!

A floating solar park is being proposed on the sea ; which will come up shortly said central power minister for state Krishnan Pal Gurjal.

The solar plant set up at Tumkur is generating electricity which has helped farmers and is also bringing them an additional income.The centre has come up with many schemes to ease out and develop the power situation.

ಡಿ.25: ಮುಲ್ಕಿಡ್ ಯುವವಾಹಿನಿ ಸಮಾವೇಶ

ಯುವವಾಹಿನಿ (ರಿ.) ಕೇಂದ್ರ ಸಮಿತಿ ಕುಡ್ಲ, ಮುಲ್ಕಿ ಘಟಕದ ಮುತಾಲಿಕೆಡ್ 35 ನೇ ವಾರ್ಷಿಕ ಸಮಾವೇಶ ಬೊಕ್ಕ ಪದಗ್ರಹಣ ಲೇಸ್-2022 ಡಿ.25 ಐತಾರ ಮುಲ್ಕಿ ವಿಜಯಾ ಕಾಲೇಜ್ ದ ಅರ್ಪಣಾ ಸಭಾಂಗಣಡ್ ಬೊಲ್ಪುಗು 9:30 ರ್ದ್ ಮಧ್ಯಾಹ್ನ 2 ಮುಟ್ಟ ನಡಪರೆ ಉಂಡು.

ಅಂಚೆನೆ ಬೊಕ್ಕ ಸಭಾ ಲೇಸ್, ಸಾಧನಶ್ರೀ ಪ್ರಶಸ್ತಿ ಪುರಸ್ಕಾರ, ಯುವ ಸಾಧನಾ ಪುರಸ್ಕಾರ, ಗೌರವ ಅಭಿನಂದನೆ ನಡಪುಂಡು ಪಂದ್ ಯುವವಾಹಿನಿ (ರಿ.) ಮುಲ್ಕಿ ಘಟಕ ತೆರಿಪಾದ್ಂಡ್.

ಇನಿ ಬಂಗಾರ್, ಬೊಳ್ಳಿ ಬಿಲೆ ಒಂತೆ ಕಮ್ಮಿ!

ಬೊಂಬೈ: ದೇಶಡ್ ರಡ್ಡ್ ದಿರ್ನದಿಂಚ ಬಂಗಾರ್ ಬೊಕ್ಕ ಬೊಳ್ಳಿದ ಬಿಲೆ ಕಮ್ಮಿ ಆವೊಂದು ಉಂಡು. ಇನಿಲ ಕಡಿಮೆ ಆತ್ಂಡ್.

1 ಕಿಲೋ ಗ್ರಾಂ ಬೊಳ್ಳಿದ ಬಿಲೆ 1,000 ರೂಪಾಯಿ, 22 ಕ್ಯಾರೆಟ್​​ದ 10 ಗ್ರಾಂ ಬಂಗಾರ್ ದ ಬಿಲೆ 290 ರೂ. ಕಡಿಮೆ ಆತ್ಂಡ್.22 ಕ್ಯಾರೆಟ್ 10 ಗ್ರಾಂ ಬಂಗಾರದ ಬಿಲೆ ಇತ್ತೆ 49,700 ರೂಪಾಯಿ ಆತ್ಂಡ್. 24 ಕ್ಯಾರೆಟ್ ಬಂಗಾರ್ ದ ಬಿಲೆ 310 ರೂಪಾಯಿ, ಪಂಡ 24 ಕ್ಯಾರೆಟ್ 10 ಗ್ರಾಂ ಬಂಗಾರ್ ದ ಬಿಲೆ 54,220 ರೂಪಾಯಿ ಆತ್ಂಡ್. ಒಂದು ಕೆಜಿ ಬೊಳ್ಳಿದ ಬಿಲೆ 1,000 ರೂಪಾಯಿ ಕಡಿಮೆ ಆತ್ಂಡ್. ಇತ್ತೆ ಕಿಲೋ ಬೊಳ್ಳಿದ ಬಿಲೆ 69,500 ರೂಪಾಯಿ ಆತ್ಂಡ್.