2022

ಒಡಿಪು ಜಿಲ್ಲಾ ಬಿಲ್ಲವ ಯುವ ವೇದಿಕೆ (ರಿ) ಮುತಾಲಿಕೆಡ್ ಗುರು ಸಂದೇಶ ಜಾಥಾ

Sep 9, 2022

ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ 168ನೇ ಪುಟ್ಟಿನ ದಿನಾಚರಣೆದ ಲೆಕ್ಕೊಡು ಒಡಿಪು ಜಿಲ್ಲಾ ಬಿಲ್ಲವ ಯುವ ವೇದಿಕೆದ ಮುತಾಲಿಕೆಡ್ ಸಮಾಜದ ಬೇತೆ ಬೇತೆ ಬಿಲ್ಲವ ಸಂಘಟನೆದ ಸಾಕಾರಡ್ ಸೆ. 11 ತಾರೀಕ್ ಗ್ ಐತಾರ ಮಧ್ಯಾಹ್ನ 2 ಗಂಟೆಗ್ ಗುರು ಸಂದೇಶದ ಗಾಡಿದ ಜಾಥಾ ನಡಪರೆ ಉಂಡು.

ಬನ್ನಂಜೆ ಬಿಲ್ಲವ ಸೇವಾ ಸಂಘಡ್ ಬೇತೆ ಬೇತೆ ಬಿಲ್ಲವ ಸಂಘ ಸಂಸ್ಥೆಲು, ನಾರಾಯಾಣ ಗುರುಕ್ಲೆನ ಅಭಿಮಾನಿಲು ಬೊಕ್ಕ ಗರೋಡಿ ಪ್ರಮುಖೆರ್‍ನ ಉಪಸ್ಥಿತಿಟ್ ನಾರಾಯಣ ಗುರುಕ್ಲೆಗ್ ಗುರುಮಂದಿರಡ್ ಪ್ರಾರ್ಥನೆ ಮಲ್ತ್‌ದ್ ಆಯಿಬೊಕ್ಕ ಪುಗರ್ತೆದ ಉಧ್ಯಮಿಲು ಸಮಾಜದ ಪೆರಿಯೆರ್ ಆಯಿನ ವಿಶ್ವನಾಥ ಸನಿಲ್ ಗುರು ಸಂದೇಶದ ಜಾಥಾಗ್ ಚಾಲನೆ ಕೊರಿಯರೆ ಉಲ್ಲೆರ್. ಈ ಜಾಥಾ ಬನ್ನಂಜೆರ್‍ದ್ ಪಿದಡ್ದ್ ಕಿದಿಯೂರು, ಕಲ್ಮಾಡಿ ಮಲ್ಪೆ ಸರ್ಕಲ್ ಗ್ ಸುತ್ತು ಪಾಡ್ದ್ ಕೊಡವೂರು ಗರಡಿಮಜಲ್ ಮಾರ್ಗ ಆದ್ ಬನ್ನಂಜೆಡ್ ಬಯ್ಯ 5.30 ಗ್ ಗುರುಪೂಜೆದೊಟ್ಟುಗ್ ಲೇಸ್ ಗ್ ಮುಗಿತಲದ ಚುಕ್ಕಿನ್ ಪಾಡಿಯರೆ ಉಲ್ಲೆರ್.

ಹುಷಾರ್ ದಾಂತಿನ ಕುಟುಂಬೊಗು ಪಣವುದ ಸಕಾಯ ಮಲ್ತಿನ ಉದ್ಯಮಿ ರಾಜಶೇಖರ ಕೋಟ್ಯಾನ್

Sep 9, 2022

ಕಿನ್ನಿಗೋಳಿ: ಕಿಡ್ನಿ ಬೊಕ್ಕ ತಿಗಲೆ ಬೇನೆದ ಕಾಯಿಲೆ ಉಪ್ಪುನ ಶಿಮಂತೂರು ಗ್ರಾಮದ ಕುಬೆವೂರು ನಿವಾಸಿ ಬೇಬಿ .ಕೆ ಸುವರ್ಣ ಮೇರ್ನ ಇಲ್ಲಡೆ ರಾಷ್ಟ್ರೀಯ ಬಿಲ್ಲವ ಮಹಾಮಂಡಲದ ಗುರ್ಕಾರೆ, ಕೋಟಿ ಚೆನ್ನಯ ಫೌಂಡೇಶನ್ ದ ಮುಖ್ಯಸ್ಥೆರ್ ಡಾ.ರಾಜಶೇಖರ ಕೋಟ್ಯಾನ್ ಮೇರ್ ಸುಕ್ರಾರದಾನಿ ಭೇಟಿ ಕೊರ್ದು ಪಣವುದ ಸಕಾಯೊನು ಮಲ್ತ್ ದ್ ಕಷ್ಟಸುಖ ಕೇಂಡೆರ್.

ಕುಟುಂಬೊಗು ನನ ದುಂಬಗ್ ಲ ಪಣವುದ ಸಕಾಯ ಕೊರ್ಪೆ ಪಂಡೆರ್. ಈ ಪೊರ್ತುಡು ಕಾಂಗ್ರೆಸ್ ಹಿಂದುಳಿದ ವರ್ಗದ ರಾಜ್ಯ ಪ್ರಧಾನ ಕಾರ್ಯದರ್ಶಿ(ಒಬಿಸಿ) ಗುರುರಾಜ್ ಎಸ್ ಪೂಜಾರಿ, ಕಿಲ್ಪಾಡಿ ಗ್ರಾಮಪಂಚಾಯತ್ ಉಪಾಧ್ಯಕ್ಷೆರ್ ಗೋಪಿನಾಥ್ ಪಡಂಗ, ಕಾಂಗ್ರೆಸ್ ಜಿಲ್ಲಾ ಕಾರ್ಯದರ್ಶಿ ಧನಂಜಯ ಮಟ್ಟು ಮೊಕುಲು ಮಾತ ಇತ್ತೆರ್.

ಬ್ಯಾಂಕ್ ಗ್ರಾಹಕೆರೆಗ್ ಆವೊಂದಿಪ್ಪುನ ಅನ್ಯಾಯ!

Sep 9, 2022

ಗ್ರಾಹಕೆರ್ ತಿಂಗೊಲ್ಡ್ 5 ರ್‍ದ್ ಎಚ್ಚ ಸರ್ತಿ ಕಾಸ್ ಡ್ರಾ ಮಲ್ತ್ಂಡ, ಬೊಕ್ಕದ ಒಂಜೊಂಜಿ ವಿತ್‌ಡ್ರಾಗ್‌ಲ GST ಸೇರ್‍ದ್ 118 ರೂ. ಕಾಸ್ ಆಪುಂಡ್. ಚೆಕ್ ಬುಕ್ ಬೊಡಾಂಡ GST ಕಾಸ್ ಸೇರ್‍ದ್ 148 ರೂ. ಕಾಸ್ ಕಟ್ಟೊಡ್. ಒಂಜಿ ತಿಂಗೊಲ್ಡ್ 10 ಸರ್ತಿ ಕಾಸ್ ಡ್ರಾ ಮಲ್ತ್ಂಡ, 590 ರೂ. (5*118 ರೂ.) ಕಾಸ್ ಕಟ್ಟ್ ಆಪುಂಡು. ಮೊಬೈಲ್ ನಂಬರ್, ಪಾಸ್‌ಬುಕ್ ಬದಲ್ ಮಲ್ತ್ಂಡಲ 50-100 ರೂ. ಕಾಸ್ ಆಪುಂಡು. ಬ್ಯಾಂಕ್ ಬೇತೆ ಬೇತೆ ರೀತಿಡ್ ಕಾಸ್ ಕಟ್ಟ್‌ನೊಟ್ಟುಗ್ ಜಿಎಸ್‌ಟಿದ ಕಾಸ್ ಲ ಕಟ್ಟೊಡು. ಅತ್ತಂದೆ ಸಂಸ್ಥೆ ಸಂಘದ ಪದಾಧಿಕಾರಿಲೆನ ಪುದರ್ ದೆಪ್ಪೊಡ್ ಇಜ್ಜಿಂಡ ಸೇರ್ಸಾಯರೆಲ ಕಾಸ್ ಕಟ್ಟೊಡಾಯಿನ ಪರಿಸ್ಥಿತಿ ಮಾತ ಬ್ಯಾಂಕ್‌ಡ್‌ಲ ನಿರ್ಮಾಣ ಆತ್ಂಡ್.

ಶತಾಯುಷಿ ಡ್ರೈವರ್, ಬ್ರಿಟಿಷೆರ್‍ನ ಕಾಲದ ಕಂಟ್ರಾಕ್ಟರ್, ಕುಳೂರು ಸಂಕ ನಿರ್ಮಾಣ ಮಲ್ತಿನ 108 ವರ್ಷದ ಮೈಕಲ್ ಡಿಸೋಜ ತೀರ್ ಪೋಯೆರ್

Sep 9, 2022

ಒಡಿಪು: ತನ್ನ ಎಲ್ಯ ಪ್ರಾಯಡೇ ಲೈಸನ್ಸ್ ಇತ್ತಿನ ನಿವೃತ್ತ ಯೋಧೆರ್, ಬ್ರಟಿಷೆರ್‍ನ ಕಾಲದ ಗುತ್ತಿಗೆದಾರೆರ್ 108 ವರ್ಷದ ಮೈಕಲ್ ಡಿಸೋಜ ತೀರ್ ಪೋಯೆರ್.

ಕುಡ್ಲದ ಲೇಡಿಹಿಲ್‌ದ ಮೈಕಲ್ ಡಿಸೋಜ ಮೆರೆಗ್ ಹುಷಾರ್ ಇಜ್ಜಂದೆ ಆತಿನೆಡ್ದಾವರ ತೀರ್ ಪೋಯೆರ್. ಮೇರ್ ಕುಡ್ಲದ ಕುಳೂರ್ ಸಂಕನ್‌ಲ ನಿರ್ಮಾಣ ಮಲ್ತ್‌ದಿತ್ತೆರ್.

ಸೆ.30ಗ್ ಕಟೀಲ್‌ಡ್ 58ನೇ ವರ್ಷದ ನವರಾತ್ರಿ ಮೆರವಣಿಗೆ

Sep 9, 2022

ಕಟೀಲ್ ದ ನವರಾತ್ರಿ ಮೆರವಣಿಗೆ ಸೇವಾ ಸಮಿತಿ ಕೊಡೆತ್ತೂರು ಬೊಕ್ಕ ಊರುದ ಪತ್ತು ಸಮಸ್ತೆರ್‍ನ ಒಟ್ಟು ಸೇರಿಗೆಡ್ ಸೆಪ್ಟೆಂಬರ್ 30 ತಾರೀಕ್‌ಗ್ ಸುಕ್ರಾರದಾನಿ 58ನೇ ವರ್ಷದ ನವರಾತ್ರಿ ಮೆರವಣಿಗೆ ನಡಪರೆ ಉಂಡು.

ನವರಾತ್ರಿ ಲಲಿತಾ ಪಂಚಮಿದ ವಿಶೇಷ ದಿನತ್ತಾನಿ ನಡಪುನ ಈ ಮೆರವಣಿಗೆ ಕೊಡೆತ್ತೂರು ಮಲ್ಲಿಗೆಯಂಗಡಿದ ಮೂಡುಮನೆರ್‍ದ್ ರಾತ್ರೆ 8 ಗಂಟೆಗ್ ಸರಿಯಾದ್ ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ಅಪ್ಪೆನ ದೇವಲ್ಯ ಮುಟ್ಟ ಮೆರವಣಿಗೆ ಭಾರೀ ಗೌಜಿಡ್ ನಡಪರೆ ಉಂಡು. ಮಾತ ಭಕ್ತಾದಿಮಾನಿಲು ಎಚ್ಚ ಸಂಖ್ಯೆಡ್ ಪಾಲ್ ಪಡೆಯೊಡ್ ಪಂದ್ ನವರಾತ್ರಿ ಮೆರವಣಿಗೆ ಸೇವಾ ಸಮಿತಿ ಕೊಡೆತ್ತೂರ್‌ದ ಅಧ್ಯಕ್ಷೆರ್, ಪ್ರಧಾನ ಕಾರ್ಯದರ್ಶಿಲು ಅಂಚನೆ ಸರ್ವಸದಸ್ಯೆರ್ ಲೆಪ್ಪೊಲೆಡ್ ತೆರಿಪಾದೆರ್.

ರಾಜ್ ಸೌಂಡ್ಸ್ & ಲೈಟ್ಸ್ ಪಿಚ್ಚರ್ ಗ್ 100 ದಿನತ್ತ ಗೌಜಿ

Sep 9, 2022

ಕುಡ್ಲ: ಯುವ ನಿರ್ದೇಶಕೆ ರಾಹುಲ್ ಅಮೀನ್ ನಿರ್ದೇಶನ ಮಲ್ತಿನ ತುಳು ಪಿಚ್ಚರ್ “ರಾಜ್ ಸೌಂಡ್ಸ್ & ಲೈಟ್ಸ್ ” ಬುಡುಗಡೆ ಆದ್ 100 ದಿನತ್ತ ಗೌಜಿದ ಲೇಸ್ ಸೆ. 8 ಗುರುವಾರ ಕುಡ್ಲದ ಕುದ್ಮುಲ್ ರಂಗರಾವ್ ಪುರಭವನೊಡು ನಡತ್ಂಡ್.

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆರ್ ದಯಾನಂದ ಕತ್ತಲ್‌ಸಾರ್ ಅಂಚನೆ ಮಿತ್ತ ಚಾವಡಿಡ್ ಇತ್ತಿನ ಬಿನ್ನೆರ್ ತುಡರ್ ಅರ್ಲಾದ್ ಲೇಸ್ ನ್ ಉದಿಪನ ಮಲ್ತೆರ್. ಆಯಿಬೊಕ್ಕ ಪಿಚ್ಚರ್ ಬುಡುಗಡೆ ಆನಗಲ ತುಳುನಾಡ ಕೊಡಿನ್ ಯೆಂಚ ರಾಪಾಯೆರ ಅಂಚನೆ 100 ದಿನತ್ತ ಗೌಜಿಡ್‌ಲ ನಮ್ಮ ತುಳುನಾಡ್‌ದ ಕೊಡಿನ್ ರಾಪಾದ್ ಲೇಸ್ ನನಾತ್ ಪೊರ್ಲು ಆಪಿಲೆಕ ಮಲ್ತೆರ್.

ಬತ್ತಿನ ಬಿನ್ನೆರ್ ತುಳುವಪ್ಪೆನ ಭಾವಚಿತ್ರೊಗು ಪುರ್ಪ ಪಾಡ್ದ್ ಕೈ ಮುಗಿಯೆರ್. ಈ ಪೊರ್ತುಡು ತುಳು ಸಿನಿಮಾದ ಪೋಷಕೆರ್, ರಾಜಕೀಯ ನಾಯಕೆರ್ ಆಯಿನ ಸತೀಶ್ ಕುಂಪಲ ಪಾತೆರ್ದ್, ತುಳುವೆರ್ ಈ ಪಿಚ್ಚರ್‌ನ್ ಇಡೀ ತುಳುನಾಡ್ ಡ್ ಭಾರಿ ಎತ್ತರೊಗು ಕೊನೊತೆರ್. ಅಂಚನೆ ತುಳುವೆರ್‍ನ ಪ್ರೀತಿನ್ಲ ಈ ಪಿಚ್ಚರ್ ಗೆಂದ್‌ದ್ಂಡ್ ಪಂಡೆರ್. ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಪದುಕೆರ್, ಅಳುಪ ವಂಶಸ್ಥೆರ್ ಡಾ. ಆಕಾಶ್ ರಾಜ್ ಜೈನ್ ಪಾತೆರ್ದ್, ತುಳು ಲಿಪಿಕ್ಕ್ ಪ್ರಧ್ಯಾನ್ಯತೆ ಕೊರಿನ ಸುರುತ್ತ ಪಿಚ್ಚರ್ ಉಂದು. ಮಾತ ತುಳು ಸಂಘಟನೆದಕ್ಲೆಗ್ ಮುಲ್ಪ ಒಂಜೇ ಸರ್ತಿ ಮಾನಾದಿಗೆ ಮಲ್ತೆರ್. ಉಂದೆನ್ ಇಡೇ ಮುಟ್ಟ ಏರ್‌ಲ ಮಲ್ತಿಜೆರ್ ಪಂದ್ ಪಂಡೆರ್.

ತೆಲಿಕೆದ ಬೊಳ್ಳಿ ಡಾ. ದೇವದಾಸ್ ಕಾಪಿಕಾಡ್ ಪಾತೆರ್ದ್, ರಾಜ್ ಸೌಂಡ್ಸ್ & ಲೈಟ್ಸ್ ದ ಕಲಾವಿದೆರೆಗ್ ಹೃದಯವಂತ ನಿರ್ಮಾಪಕೆರ್ ತಿಕ್ಕ್‌ದೆರ್. ಮಾತ ಜವನ್ಯೆರ್ ಸೇರ್ದ್ ಒಂಜಿ ಎಡ್ಡೆ ಸಿನಿಮಾ ಮಲ್ತ್‌ದ್ ಅವ್ ಇನಿ 100 ದಿನತ್ತ ಸಂಭ್ರಮಡ್ ಉಂಡು. ಜೋಕ್ಲೆನ ಶ್ರಮಕ್ಕ್ ಈ ಪಿಚ್ಚರೇ ಸಾಕ್ಷಿ ಪಂಡೆರ್. ಎಜೆ ಆಸ್ಪತ್ರೆದ ಎಂಡಿ ಪ್ರಶಾಂತ್ ಮಾರ್ಲ ಪಾತೆರ್ದ್ , ಈ ಪಿಚ್ಚರ್ ಡ್ ಅಕ್ಟಿಂಗ್ ಮಾತ್ರ ಎಡ್ಡೆ ಇಪ್ಪುನ ಅತ್ತಂದೆ ಉಂದೆತ್ತ ಕಥೆಲ ಭಾರೀ ಪೊರ್ಲು ಉಂಡು. ಈಡೇ ಮುಟ್ಟ ತುಳು ಚಿತ್ರರಂಗಡ್ ಏರ್ಲಾ ಮಲ್ಪಂದಿನ ಮಾರ್ಕೆಟ್ ಈ ಪಿಚ್ಚರ್ ಡ್ ಮಲ್ತ್‌ದೆರ್ ಪಂದ್ ಪಂಡೆರ್.

ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಪಣವುದ ಗುರ್ಕಾರೆ ಪದ್ಮರಾಜ್ ಕುದ್ರೋಳಿ ಪಾತೆರ್ದ್, ಈ ಪಿಚ್ಚರ್ ದ ಟೀಮ್‌ ಸ್ಪಿರಿಟ್ ತೂನಗ ಮಸ್ತ್ ಕುಷಿಯಾಪುಂಡು. ಒವ್ವೆ ರೀತಿದ ಸ್ವಾರ್ಥದಾಂತೆ ಜವನೆರ್ ಬೆನೊಂದುಲ್ಲೆರ್. ನಿಕ್ಲೆನ ಈ ಲವಲವಿಕೆದ ಕೂಟ ಏಪಲ ಇಂಚನೆ ಉಪ್ಪೊಡು ಪಂದ್ ಎಡ್ಡೆಪ್ಪು ಬಯಕಿಯೆರ್.

ಈ ಲೇಸ್ ಡ್ ನಿರ್ಮಾಪಕೆರ್ , ಕರ್ನಾಟಕ ಜಾನಪದ ಪರಿಷತ್ ದಕ ಅಧ್ಯಕ್ಷೆರ್ ಪ್ರಕಾಶ್ ಪಾಂಡೇಶ್ವರ, ಉದ್ಯಮಿ ಫ್ರಾಂಕ್ ಫರ್ನಾಂಡಿಸ್, ವಿಜಯಕುಮಾರ್ ಕೊಡಿಯಾಲ್ ಬೈಲ್, ಕಿಶೋರ್ ಡಿ. ಶೆಟ್ಟಿ, ನಮ್ಮ ಕುಡ್ಲ ವಾಹಿನಿದ ಲೀಲಾಕ್ಷ ಕರ್ಕೇರ, ದೈಜಿ ವರ್ಲ್ಡ್ ದ ವಾಲ್ಟರ್ ನಂದಳಿಕೆ, ಮೈಮ್ ರಾಮ್ ದಾಸ್, ವಿಸ್ಮಯ , ದೇವದಾಸ್ ಪಾಂಡೇಶ್ವರ, ಶಾಸಕೆರ್ ವೇದವ್ಯಾಸ್ ಕಾಮತ್, ನಾಯಕೆ ನಟೆ ವಿನೀತ್ ಕುಮಾರ್, ನಿರ್ಮಾಪಕೆ ಧನರಾಜ್, ರವಿರಾಜ್, ವಿಖ್ಯಾತ್ ಶೆಟ್ಟಿ, ರವಿ ರೈ ಕಳಸ, ಸಾಯಿಕೃಷ್ಣ, ಮನೋಹರ್ ಶೆಟ್ಟಿ, ತಮ್ಮ ಲಕ್ಷ್ಮಣ, ಅಭಿಲಾಷ್ ಶೆಟ್ಟಿ ಕಟೀಲ್ ಸೇರಿನಂಚನೆ ಮಸ್ತ್ ಬಿನ್ನೆರ್ ಲೇಸ್‌ಡ್ ಪಾಲ್ ಪಡೆದಿತ್ತೆರ್.

ಈ ಪೊರ್ತುಡು ತುಳು ಪೋಷಕ ಸಂಘಟನೆಲು ಅಂಚೆನೆ ತುಳು ಮಾಧ್ಯಮದ ಪ್ರತಿನಿಧಿಕುಲಾಯಿನ ರೋಶನ್ , ಉದಯ ಪೂಜಾರಿ, ಲಕ್ಷ್ಮೀಶ್, ಪವನ್ ರಾಜ್ ಬಂಗೇರ, ಮೊಕ್ಲೆನ್ ಮಾತ ಮಾನಾದಿಗೆ ಮಲ್ತೆರ್.

Raj Sounds and lights Tulu movie celebrates 100 days show

Manglore: Raj Sounds and lights movie directed by Rahul Amin celebrated its 100 days show on September 8 th at Town hall.

Dayanand Kattalsar president Tulu Sahitya Academy inaugurated the celebration. The Tulunadu flag was hoisted which added to the beauty of the celebration.

Satish Kampala, Dr Akash Raj Jain spoke accolades of the movie for encouraging Tulu language and it’s script.

Dr Devdas Kapikad, Prashant Marla MD AJ hospital, Padmaraj Kudroli also spoke well of the movie and the hard work that has gone in to make this movie. A host of dignitaries were also in attendance at the program.

ಕೆಎಸ್‌ಆರ್‌ಟಿಸಿ ಬಸ್‌ಟ್ ಪ್ರಯಾಣಿಕೆನ್ ನೂಕ್‌ದ್ ಪಾಡ್ದಿನ ಘಟನೆ: ಕಂಡೆಕ್ಟರ್‌ನ್ ಬೇಲೆರ್‍ದ್ ದೆತ್ತ್ ಪಾಡ್ದಿನ ಅಧಿಕಾರಿಲು

Sep 9, 2022

ಕಡಬ: ಈಶ್ವರಮಂಗಲಡ್ ಪ್ರಯಾಣಿಕನ್ ಕಂಡೆಕ್ಟರ್ ಕಾರ್‌ಡ್ ನೂಕ್‌ದ್ ಮಾರ್ಗಗ್ ಪಾಡ್ದಿನ ಘಟನೆಗ್ ಸಂಬಂಧಿಸಾದ್ ಉಂದೆನ್ ತೂಯಿನ ಅಧಿಕಾರಿಲು ಬಸ್ ಕಂಡೆಕ್ಟರ್‌ನ್ ಬೇಲೆರ್‍ದ್ ದೆತ್ತ್ ಪಾಡ್ದೆರ್.

ಈ ಬಗೆಟ್ ಕೆಎಸ್‌ಆರ್‌ಟಿಸಿ ವಿಭಾಗೀಯ ನಿಯಂತ್ರಣಾಧಿಕಾರಿ ಜಯಕರ್ ಶೆಟ್ಟಿ ಈ ಆದೇಶನ್ ಮಲ್ತ್‌ದೆರ್.

The KSRTC bus conductor who allegedly pushed out a passanger removed from service

Kadaba:In the incident relating to the conductor of a KSRTC bus pushing out a passanger to the road from the bus; the conductor was removed from service.

An order to this effect was given by KSRTC zonal officer Jayakar Shetty.