September 2021

ಸರಕಾರಿ ಜಾಗೆಡ್ ಇತ್ತಿನ ದ್ವಾರ, ಪರಕೆದ ಡಬ್ಬಿ, ದೇವಸ್ದಾನ ಪಲ್ಲಿ ಚರ್ಚ್ ಗು ಉಂಡು ಕಂಟಕ !

ಸರಕಾರಿ ಜಾಗೆಡ್ ಇತ್ತಿನ ದ್ವಾರ, ದೇವಸ್ಧಾನ, ಪಲ್ಲಿ, ಚರ್ಚ್, ಪಾಗರ ಗೋಡೆಲೆನ್ ದೆಪ್ಪೊಡ್ ಪಂದ್ 2009ಡ್ ಸುಪ್ರಿಂ ಕೋರ್ಟ್ ಆದೇಶ ಕೊರ್ದಿತ್ತ್ಂಡ್. ಈತ್ ನೆಟ ಕೆಲವು ದೇವಸ್ಥಾನ ಸೇರಿನಂಚ ಪರಕೆದ ಡಬ್ಬಿಲೆನ್ ದೆತ್ತುದು ಆತ್‌ಂಡ್. ನನ ಒರಿದಿನ ದೇವಸ್ದಾನ, ಮಸೀದಿ, ಚರ್ಚ್ ಗು ಸೇರಿನ ಕಟ್ಟಾನೊಲ್ ಸರಕಾರಿ ಜಾಗೆಡ್ ಇತ್ತ್ಂಡ, ಮಾರ್ಗದ ಮಾರ್ಜಿನ್ ಡ್ ಇತ್ತ್ಂಡ, ಸಾರ್ವಜನಿಕೆರೆಗ್ ತೊಂದರೆ ಆಪಿಲೆಕ ಇತ್ತ್ಂಡ ಅಯಿನ್ ಆಯಿನಾತ್ ಬೇಗ ದೆಪ್ಪುನ ಬೇಲೆ ಆಪುಂಡು. ಈ ಬಗೆಟ್ ಡಿ.ಸಿ ಮುಕೇನ ಮೀಟಿಂಗ್ ನಡತೊಂದು ಇತ್ತುದ್, ದಕ್ಷಿಣ ಕನ್ನಡ ಜಿಲ್ಲೆಡ್ 1500 ದೆಡ್ದು ಮಿತ್ತ್ ಇಂಚಿನ ಕಟ್ಟಾನೊಲೆನ್ ಗುರ್ತ ಮಲ್ತಿತ್ತುದು ಪಟ್ಟಾ ಜಾಗೆಡ್ ಇತ್ತಿನ ಕಟ್ಟಾನೊಲೆನ್ ಅಂಚನೆ ಬುಡ್ಪೆರ್ ಬಾಕಿದೆನ್ ಪಿಡಬ್ಲೂಡಿ ಮಹಾನಗರ ಪಾಲಿಕೆ, ಪುರಸಭೆ, ನಗರಸಭೆ, ತಾಶೀಲ್ದರ್, ಡೆಪ್ತಿ ತಾಶೀಲ್ದಾರ್ ಅಕಲೆನ ಒಟ್ಟುಗು ಚರ್ಚೆ ಮಲ್ತ್ದ್ 2009ಗ್ ಡಿ.ಸಿ ಮುಕೇನ ಬೇಲೆನು ಮುಗಿತುದು ಮುಚ್ಚುನ ಬೇಲೆ ಬಾರಿ ಬೇಗಡ್ ಆವೊಂದುಂಡು.

2009ಡು ಸುಪ್ರೀಂ ಕೋರ್ಟ್ ಆದೇಶ ಮಲ್ತ್ದ್ ಇತ್ತ್ದ್. ಇತ್ತೆ ಅಯಿತ ಪ್ರಕ್ರಿಯೆನ್ ಹೈಕೋರ್ಟ್ ಮಲ್ತೊಂದು ಉಂಡು. ದಕ್ಷಿಣ ಕನ್ನಡ ಜಿಲ್ಲೆಡ್ ಒಟ್ಟು 1500 ಚಿಲ್ಲರೆ ಸರಕಾರಿ ಜಾಗೆಡ್ ಕಟ್ಟುದಿನ ದೇವಸ್ಧಾನ, ಚರ್ಚ್, ಪಲ್ಲಿದ  ಕಟ್ಟನೊಲ್ ಇತ್ತ್ ದು ಐಟು ನನ 920 ಕಟ್ಟನೊಲ್ ದೆಪ್ಪರ ಬಾಕಿ ಒರಿದುಂಡು. ಕೊರೋನ ಬರ್ಪಿನೆಡ್ದು ದುಂಬು ಈ ಫೈಲ್ ಕ್ಲೋಸ್ ಆಯೆರೆ ಇತ್ತ್ಂಡ್. ಆಂಡ ಕುಡ್ಲಡ್ ಕೊರೋನದ ಪ್ರಭಾವ ಜಾಸ್ತಿ ಇತ್ತಿನೆರ‍್ದಾವರ ಇಂದೆತ್ತ ಬೆಲೆ ಆಯೆರ ತಡ ಆಂಡ್. ಇತ್ತೆ ಆಯಿನಾತ್ ಬೇಗ ಡಿ.ಸಿ ಗ್ ಫೈಲ್ ಮಂಡನೆ ಮಲ್ತುದು ಬಾಕಿ ಕಟ್ವಾನೆಲೆದ ವಿಲೇವಾರಿದ ಬೇಲೆ  ಆಯಿನಾತ್ ಬೇಗ ಪೂರ್ತಿ ಮಲ್ಪುವ.

-ವಿನಯ್ ನಾಗರಾಜ್- ಅಧಿಕಾರಿ, ಕೋರ್ಟ್ ಆದೇಶದ ವಿಲೇವಾರಿ ಕೆಲಸ ಮಲ್ಪುನ

ಕುಡ್ಲ ತಾಲೂಕ್‌ಗ್ ಸಂಬoಧ ಪಟ್ಟುದು 363 ಕೇಸ್ ಉಂಡು. ಸಾರ್ವಜನಿಕೆರೆಗ್ ತೊಂದರೆ ಆವಂದಿಲೆಕ, ಇತ್ತ್ಂಡ ಆ ಕಟ್ವಾನೆಲೆದ ಸೊಲ್ಯೂಶನ್ ಬರೆದ್ ಪೈಲ್ ಮಂಡನೆ ಮಲ್ತುದು ಡಿ.ಸಿ ಮುಕೇನ ಆ ದ್ವಾರನು ಒರಿಪುನ ತೀರ್ಮಾನ ಆಪುಂಡು.

ಯಶಸ್ವಿ ರೈ- ಕೇಸ್ ವರ್ಕರ್