September 2021

ತುಳುವೆರೆoಕುಲು ಬೆಂಗ್ಳೂರು ವತಿರ್ದ್ ಆಟಿದ ನೆಂಪು ಲೇಸ್

ಬೆಂಗ್ಳೂರು : ಕರಿನ ತಾರೀಖ್ 28/8/2021ನೆ ಶನಿವಾರದಾನಿ ಉಡುಪಿ ಪೇಜಾವರ ಗೌಕ್ಷೇಜ ಮಠತ ಪೀಠದೀಷೆರಾಯಿನ ಪರಮಪೂಜ್ಯ ಶ್ರೀ ಶ್ರೀ ಶ್ರೀ ವಿಶ್ವ ಪ್ರಸನ್ನ ಸ್ವಾಮಿಜಿಲೆನ ದಿವ್ಯ ಸಾನಿಧ್ಯೋಡು ಜೂಮ್ ಚಾವಡಿಡ್ ಆಟಿದ ನೆಂಪು ನಡತುಂಡು. ದೇಶ ವಿದೇಶ ವಿವಿದ ಸಂಘ ಸಂಸ್ಥೆಲೆನ ಪ್ರಮುಖೇರ್ ಪಾಲ್ ಪಡೆಯಿನ ಲೇಸ್ ನ್ ಪೂಜ್ಯ ಸ್ವಾಮೀಜಿಲು ಉದಿಪನ ಮಲ್ತ್ ಆಶೀರ್ವಚನ ಕೊರಿಯೆರ್.

ತುಳುವಪ್ಪೆನ ಸೇವೆಗಾದ್ ಲೋಕದ ತುಲು ಬಂದುಲೆನ್ ಒಟ್ಟು ಮಲ್ಪುನ ತುಳುವೆರೆoಕುಲು ಬೆಂಗ್ಳೂರು ಸಂಘದ ಪ್ರಯತ್ನೊನು ಕೊಂಡಾಡಿಯೆರ್ ಅಂಚನೇ ಅಪ್ಪೆ ಭಾಸೆದ ಮಿತ್ತ್ ಮೋಕೆ ದೀದ್ ನಮ್ಮ ಭಾಷೆ, ಸಂಸ್ಕೃತಿ, ಆಚಾರ-ವಿಚಾರನ್ ಒರಿಪಾವರೆಗಾದ್ ಪೊರ್ಮ್ಬಾಟ ಮಲ್ತೊಂದು ಉಪ್ಪುನ ಪರವೂರು ಪರದೇಶದ ಬಂಧುಲೆನ್ ಕೊಂಡಾಡಿಯೆರ್.

ತುಳುವೆರೆoಕುಲು ಗುರ್ಕಾರ್ಲಾಯಿನ ಶ್ರೀ. ವೈ ಜಯಂತ್ ರಾವ್ ಮಾತೆರೆನ್ಲ ಮೋಕೆಡ್ ಎದುಕೊಂಡೆರ್. ಮುಖ್ಯ ಸಂಪನ್ಮೂಲ ಬಿನ್ನೆರ್ ಆದ್ ಪಾಲ್ ಪಡೆಯಿನ ತುಳು-ಕನ್ನಡ ವಿದ್ವಾಂಸೆರ್
ಶ್ರೀ ಕುದಿ ವಸಂತ ಶೆಟ್ಟಿ ಆಟಿ ವೈಶಿಷ್ಟ್ಯ ದ ಸಮಗ್ರ ಪೊಲಬುನು ಮನಸ್ಗ್ ಮುಟ್ಟುಲಕ ತೆರಿಪಾಯೆರ್. ನನೊರಿ ಪೆರಿಯ ತುಳು-ಕನ್ನಡ ವಿದ್ವಾಂಸೆರ್, ಜಾನಪದ ಸಂಶೋಧಕೆರಾಯಿನ ಶ್ರೀ ಕೆ.ಎಲ್ ಕುಂಡತ್ತಾಯೆರ್ ತುಳುನಾಡ್ಡ ಕೃಷಿಕೆರೆನ ಆಚಾರ ವಿಚಾರದ ಬಗೆಟ್ ವಿಶೇಷ ಮಾಹಿತಿಲೆನ್ ಕೊರಿಯೆರ್.

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಗುರ್ಕಾರ್ಲಾಯಿನ ಶ್ರೀ ದಯಾನಂದ ಜಿ ಕತ್ತಲ್ಸರ್ ಲೇಸ್ದ ಗುರ್ಕಾರ್ಮೆ ವಹಿಸಾದ್ ತುಲು ಭಾಷೆನ್ ರಾಜ್ಯದ ಅಧಿಕೃತ ಭಾಷೆ ಮಲ್ಪರೆಗಾದ್, 8ನೆ ಪರಿಚ್ಛೇದಗ್ ಸೇರ್ಸಾವರೆಗಾದ್ , ತುಳು ಭವನ ನಿರ್ಮಾಣಗಾದ್ ಮಾತೆರ್ನಲ ಸಾಕಾರ ಕೇನೊಂದು ಸೇರ್ದಿನ ಮಾತಾ ಬಂಧುಲೇನ ತುಲು ಸೇವೆನ್, ತುಲು ಪರ ಕಾಳಜಿನ್ ಕೊಂಡಾಡಿಯೆರ್ ಅಂಚನೇ ತುಳುವೆರೆoಕುಲು ಕೂಟದ ಶ್ರೀ ಮಟ್ಟಿ ರಾಮಚಂದ್ರರಾವ್ ಮೆರೆನ ಕಲ್ಪನಾ ಗುಚ್ಛರ್ದ್ ಮೂಡುದು ಬೈದಿನ ತುಳುವೆರೆoಕುಲುದ ಪೊಸ ಲೋಗೋ ನು ಬುಡುಗಡೆ ಮಲ್ತೆರ್.
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರಾಯಿನ ಶ್ರೀಮತಿ ಕಾಂತಿ ಶೆಟ್ಟಿ, ನಿಟ್ಟೆ ಶಶಿಧರ್ ಶೆಟ್ಟಿ, ಮಾಜಿ ಸದಸ್ಯ ಪುರುಷೋತ್ತಮ್ ಕೊಂಡಾಟದ ಮದಿಪು ಕೊರಿಯೆರ್. ತಾರ ಗಾಯಕೆರಾಯಿನ ಶ್ರೀ ರಮೇಶ್ ಚಂದ್ರೆರ್ನ ಮುತಾಲಿಕೆಡ್ “ತುಳು ಭಾವಗೀತೆ ಗಾನ ವೈಭವ” ನಡತುಂಡು. ತಾರ ಗಾಯಕಿ ಸುಪ್ರಿಯ ರಘುನಂದನ್,ಕಡಲ್ಡುದಲ್ ಸುಧಾಕರ್ ಶೆಟ್ಟಿ , ಇಂದಿರಾ ಸಿ. ಎಸ್, ವಂದನಾ ಮೂರ್ತಿ ಈ ಗಾನವೈಭವಡ್ ಪಾಲ್ ಪಡೆದ್ ತುಳುನಾಡ್ದ ಪುಗರ್ತೆದ ಕವಿ ವಿದ್ವಾಂಸೆರ್ನ ಪದಕ್ ಪೊರ್ಲ ಸೊರ ಕೊರಿಯೆರ್. ಸಂಗೀತ ಸಂಯೋಜಕಿ ಪುಗರ್ತೆದ ಸಂಗೀತ ಕಲಾವಿದೆ ಶ್ರೀ ಪ್ರಮೋದ್ ಸಪ್ರೇ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಬೆಂಗ್ಳೂರುದ ಪ್ರಮುಖ ಸಂಘ ಸಂಸ್ಥೆದ ಪ್ರಮುಖೆರ್, ದೇಶ-ವಿದೇಶದ ತುಳು ಸಂಘಟನೆದ ಪ್ರಮುಖೆರ್ ಲೇಸ್ ಡ್ ಪಾಲ್ ಪಡೆದ್ ಖುಷಿ ಪಡೆಯೆರ್.ತುಳುವೆರೆoಕುಲು ಬೆಂಗ್ಳೂರು ಸಂಘದ ಪಿ.ಎಲ್ ವಿಷ್ಣುಮೂರ್ತಿ , ಜಲಜಾ ಶೇಖರ್ , ಜೈಕುಮಾರ್ ಕುಲಶೇಖರ್, ಗೋಪಾಲಕೃಷ್ಣ ಕೆ , ಚಂದ್ರಹಾಸ ಎಸ್, ಪಿಸಿ ರಾವ್ , ಚಾರ್ಲ್ಸ್ ಗೋಮ್ಸ್,ನಾಗರಾಜಾ ಉಪಾಧ್ಯಾಯ, ವಾಮನ ಬೆಂಗ್ರೆ, ವೀಣಾ ರಾವ್,ಡಾ | ಕೆ. ಎನ್ ಅಡಿಗ, ಶ್ರೀಮತಿ ರೂಪ ಶಾಸ್ತ್ರಿ, ಮಟ್ಟಿ ರಾಮಚಂದ್ರರಾವ್ ,