ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News

ಪಿಎಫ್‌ಐ ಬೊಕ್ಕ ಆಯಿತ್ತ ಅಂಗ ಸಂಸ್ಥೆಲೆಗ್ 5 ವರ್ಷ ನಿಷೇಧ; ಪಿಎಫ್‌ಐ ಬ್ಯಾನ್‌ಗ್ ಕೇಂದ್ರ ಕೊರಿನ ಕಾರಣ ದಾದ ?

ದಿಲ್ಲಿ: ಕೇಂದ್ರ ಸರ್ಕಾರ ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ(ಪಿಎಫ್ಐ) ಅಂಚನೆ ಆಯಿತ್ತ ಸಹ ಸಂಘಟನೆದ ಮಿತ್ತ್ 5 ವರ್ಷದ ಕಾಲ ನಿಷೇಧ ಪಾಡ್‌ದ್ಂಡ್. ಈ ಆದೇಶನ್ ಇನಿ ಪಾಡ್ದಿತ್ತಿನ ಬೆರಿಟ್ಟೆ ಪಿಎಫ್‌ಐ ಬ್ಯಾನ್‌ಗ್ ಕೇಂದ್ರ ಸರ್ಕಾರ ಸರಿಯಾಯಿನ ಕಾರಣನ್ ಕೊರ್ತುಂಡು.

ಪಿಎಫ್‌ಐ ಸಂಘಟನೆ ಕಾನೂನು ಬಾಹಿರ ಚಟುವಟಿಕೆಡ್ ಪಾಲ್ ಪಡೆತ್ತ್ಂಡ್ ಪಂದ್ ಪಂಡಿನ ಕೇಂದ್ರ ಸರ್ಕಾರ, ಕಾನೂನುಬಾಹಿರ ಚಟುವಟಿಕೆದ ಕಾಯಿದೆದಡಿಟ್ಟ್ ಪಿಎಫ್‌ಐ ಸಂಘಟನೆದ ಮಿತ್ತ್ ನಿಷೇಧ ಪಾಡ್‌ದ್ಂಡ್.
2006ಟ್ಟ್ ಕೇರಳಡ್ ಪುಟ್ಟಿನ ಪಿಎಫ್‌ಐ ಸಂಘಟನೆ ಕಾನೂನು ಬಾಹಿರ ಚಟುವಟಿಕೆಡ್ ಪಾಲ್ ಪಡೆದಿತ್ತ್ಂಡ್. ಉಂದು ದೇಶದ ಭದ್ರತೆ ಅಂಚನೆ ಕೋಮು ಸೌಹಾರ್ದಗ್ ಮಾರಕವಾದ್ ನಡತ್ತೊಂದು ಬೈದ್ಂಡ್ ಪಂದ್ ಕೇಂದ್ರ ಸರಕಾರ ಆರೋಪ ಮಲ್ದ್ಂಡ್.

ಪಿಎಫ್‌ಐ ಅಂಚನೆ ಅಯಿತ್ತ ಸಹ ಸಂಘಟನೆಲುಲ ದೇಶದ್ರೋಹಿ ಚಟುವಟಿಕೆಡ್ ಪಾಲ್ ಪಡೆತ್ತ್ಂಡ್. ಆತೆ ಅತ್ತಂದೆ ಪಿಎಫ್‌ಐನ ಸಂಸ್ಥಾಪಕ ಸದಸ್ಯೆರ್ ನಿಷೇಧಿತ ಭಯೋತ್ಪಾದನಾ ಸಂಘಟನೆಯಾಯಿನ ಸ್ಟೂಡೆಂಟ್ಸ್ ಇಸ್ಲಾಮಿಕ್ ಮೂವ್‌ಮೆಂಟ್ ಆಫ್ ಇಂಡಿಯಾ ಸಂಘಟನೆದೊಟ್ಟುಗ್ ಪಿಎಫ್‌ಐಗ್ ನಂಟು ಇತ್ತ್ಂಡ್.

ಪಿಎಫ್‌ಐ ಸಂಘಟನೆಗ್ ಜಾಗತಿಕ ಉಗ್ರ ಸಂಘಟನೆಯಾಯಿನ ಇಸ್ಲಾಮಿಕ್ ಸ್ಟೇಟ್ ಆಫ್ ಇರಾಕ್ ದೊಟ್ಟುಗ್‌ಲ ನಂಟು ಇತ್ತ್ಂಡ್ ಪಂದ್ ಕೇಂದ್ರ ಸರ್ಕಾರ ತೆರಿಪಾದ್ಂಡ್. ಪಿಎಫ್‌ಐ ಸಂಘಟನೆ ಮೂಲಭೂತವಾಯಿನೆಕ್ಕ್ ಬೆರಿಬಲ ಕೊರೊಂದಿತ್ತ್ಂಡ್ ಅಂಚನೆ ದೇಶಡ್ ಅಭದ್ರತೆ ಸೃಷ್ಟಿಗ್ ಕಾರಣ ಆದಿತ್ತ್ಂಡ್ ಪಂದ್ ಕೇಂದ್ರ ಸರ್ಕಾರ ತೆರಿಪಾದ್ಂಡ್.

ಈ ಮಾತ ಕಾರಣರ್‍ದಾವರ ಪಿಎಫ್‌ಐ ಸಂಘಟನೆನ್ ನಿಷೇಧ ಮಲ್ತ್‌ದ್ಂಡ್ ಪಂದ್ ಕೇಂದ್ರ ಸರ್ಕಾರ ಸ್ಪಷ್ಟ ನೆ ಕೊರ್ತುಂಡು.