ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News

ಹಿಮಾಚಲ ಪ್ರದೇಶ ವೋಟು: ಬಿಜೆಪಿರ್ದ್ 62 , ಕಾಂಗ್ರೆಸರ್ದ್ 46 ಕ್ಷೇತ್ರೊಗು ಅಭ್ಯರ್ಥಿಲೆನ ಘೋಷಣೆ

Oct 19, 2022

ಹಿಮಾಚಲ ಪ್ರದೇಶ: ದುಂಬು ಬರ್ಪಿನ ಹಿಮಾಚಲ ಪ್ರದೇಶ ವಿಧಾನಸಭಾ ವೋಟುಗು ಭಾರತೀಯ ಜನತಾ ಪಕ್ಷ ಬೊಕ್ಕ ಕಾಂಗ್ರೆಸ್ ತನ್ನ ಅಭ್ಯರ್ಥಿಲೆನ ಪಟ್ಟಿನ್ ಕೊರ್ತ್ಂಡ್. ಬಿಜೆಪಿರ್ದ್ 62 ಜನ ಅಂಚನೆ ಕಾಂಗ್ರೆಸ್‌ರ್ದ್ 46 ತಾನೊಲೆಗ್ ಟಿಕೆಟ್ ಕೊರಿಯರೆ ಪಕ್ಷ ನಿರ್ಧಾರ ಮಲ್ತ್‌ದ್ಂಡ್.

ಬಿಜೆಪಿದ ಮುಖ್ಯಮಂತ್ರಿ ಜೈರಾಮ್ ಠಾಕೂರ್ ಸೆರಾಜ್ ಕ್ಷೇತ್ರರ್ದ್, ಶಾಸಕೆರ್ ಅನಿಲ್ ಶರ್ಮಾ ಮಂಡಿರ್ದ್ ಬೊಕ್ಕ ಸತ್ಪಾಲ್ ಸಿಂಗ್ ಸತ್ತಿ ಉನಾರ್ದ್ ಅಂಚನೆ ಬಿಜೆಪಿ ಹೈಕಮಾಂಡ್ ಪರಿಶಿಷ್ಟ ಪಂಗಡದ ಎಡ್ಮ ಅಭ್ಯರ್ಥಿಲೆನ್ ಆಯ್ಕೆ ಮಲ್ತ್‌ದಿತ್ತ್‌ದ್, ಪರಿಶಿಷ್ಟ ಪಂಗಡಗ್ ಮೂಜಿ ತಾನ ಮಾತ್ರ ಕೊರ್ತೆರ್. ಪಕ್ಷ ಪೊಂಜೊವುಲೆಗ್ಲಾ ಐನ್ ಟಿಕೆಟ್ ಕೊರ್ತುಂಡು. ಕಾಂಗ್ರೆಸ್‌ರ್ದ್ 19 ಹಾಲಿ ಶಾಸಕೆರ್ ಪಾಲ್ ಪಡೆಯರೆ ಉಲ್ಲೆರ್. ನವೆಂಬರ್ 12 ಕ್ಕ್ ಹಿಮಾಚಲ ಪ್ರದೇಶಡ್ ಸುರುತ್ತ ಹಂತೊದ ವಿಧಾನಸಭೆ ವೋಟು ನಡಪರೆ ಉಂಡು.

ಕಾಂಗ್ರೆಸ್ ಪಕ್ಷದ ಪೊಸ ಅಧ್ಯಕ್ಷೆರಾದ್ ಮಲ್ಲಿಕಾರ್ಜುನ ಖರ್ಗೆ ಆಯ್ಕೆ

Oct 19, 2022

ಅಖಿಲ ಭಾರತ ಕಾಂಗ್ರೆಸ್ ಸಮಿತಿದ ಪೊಸ ಅಧ್ಯಕ್ಷೆರಾದ್ ಪಕ್ಷದ ಪೆರಿಯ ಮುಖಂಡೆರ್ ಕರ್ನಾಟಕದ ಮಲ್ಲಿಕಾರ್ಜುನ್ ಖರ್ಗೆ ಆಯ್ಕೆಯಾತೆರ್.

ಸುಮಾರ್ 8 ಸಾರರ್ದ್‌ಲ ಮಸ್ತ್ ವೋಟುನ್ ಪಡೆಯೊನುನ ಮುಖೇನ ಖರ್ಗೆ ಆಯ್ಕೆಯಾತೆರ್. 24 ವರ್ಷರ್ದ್ ಬೊಕ್ಕ ಗಾಂಧಿ ಕುಟುಂಬದ ಜನ ಆಯಿನ ಮಲ್ಲಿಕಾರ್ಜುನ್ ಖರ್ಗೆ ರಾಷ್ಟ್ರೀಯ ಕಾಂಗ್ರೇಸ್‌ದ ಅಧ್ಯಕ್ಷೆರಾತೆರ್.

ನ.11ಕ್ಕ್ ಬೆಂಗ್ಲೂರುಡು ಕೆಂಪೇಗೌಡೆರ್ನ 108 ಅಡಿ ಎತ್ತರದ ಮೂರ್ತಿ ಉದಿಪನೊಗು ಬರ್ರೆ ಉಲ್ಲೆರ್ ಪ್ರಧಾನಿ ನರೇಂದ್ರ ಮೋದಿ

Oct 19, 2022

ಪ್ರಧಾನಿ ನರೇಂದ್ರ ಮೋದಿ ನವೆಂಬರ್ 11ಕ್ಕ್ ಬೆಂಗ್ಲೂರುಗು ಬರೊಂದುಲ್ಲೆರ್.

ಆರ್ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ 2ನೇ ಟರ್ಮಿನಲ್‌ನ್ ಉದಿಪನ ಮಲ್ಪರೆ ಅಂಚೆನೆ ವಿಮಾನ ನಿಲ್ದಾಣದ ಜಾಗೆಡ್ ನಿರ್ಮಾಣ ಆತಿನ ಕೆಂಪೇಗೌಡೆರ್‍ನ 108 ಅಡಿ ಎತ್ತರದ ಕಂಚಿದ ಮೂರ್ತಿನ್ ಉದಿಪನ ಮಲ್ಪರೆ ಉಲ್ಲೆರ್ ಪಂದ್ ಉನ್ನತ ಶಿಕ್ಷಣ ಸಚಿವೆರ್ ಡಾ.ಸಿ.ಎನ್.ಅಶ್ವಥ ನಾರಾಯಣ್ ಪಂಡೆರ್.

ತುಳು ಭಾಷೆಗ್ ಅಧಿಕೃತ ತಾನೊ ತಿಕ್ಕರೆ ಆನ್‌ಲೈನ್ ಮನವಿ

Oct 18, 2022

ತುಳು ಭಾಷೆಗ್ ಅಧಿಕೃತ ತಾನೊ ತಿಕ್ಕರೆ change.org ಪನ್ಪಿನ ವೆಬ್‌ಸೈಟ್ ಮುಖೇನ ಆನ್‌ಲೈನ್ ಮನವಿ ಪಾಡುನ ಅಭಿಯಾನ ನಡತೊಂದು ಉಂಡು.

ತುಳು ಬೊಕ್ಕ ಕೊಡವ ಭಾಷೆನ್ ಸಂವಿಧಾನದ ಅರ್ಟಿಕಲ್ 345,346,347 ಪ್ರಕಾರ ಕರ್ನಾಟಕದ ನಿರ್ದಿಷ್ಟ ಜಾಗೆಡ್ ಅಧಿಕೃತ ಮಲ್ಪೊಡು ಪಂದ್ ಈ ಅಭಿಯಾನ ನಡತೊಂದು ಉಂಡು. ಮಾತೆರ್‍ಲಾ ಈ ಅಭಿಯಾನೊಡು ಪಾಲ್ ಪಡೆಯೊಡು ಪಂದ್ ಸಾಮಾಜಿಕ ಕಾಯಕರ್ತೆ ಪ್ರತೀಕ್ ಪೊನ್ನನ್ನ ತೆರಿಪಾದೆರ್.
https://www.change.org/p/official-language-status-to-tulu-and-kodava-language

ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

ನವೆಂಬರ್ 11 ಕ್ಕ್ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ರಡ್ಡನೇ ಟರ್ಮಿನಲ್ ಉದಿಪನ

Oct 18, 2022

ಬೆಂಗ್ಲೂರ್: ಪ್ರಧಾನಿ ನರೇಂದ್ರ ಮೋದಿ ಮೇರ್ ನವೆಂಬರ್ 11ಕ್ಕ್ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಡ್ ರಡ್ಡನೇ ಟರ್ಮಿನಲ್ ಉದಿಪನ ಮಲ್ಪರೆ ಉಲ್ಲೆರ್.

ಪೊಸ ಟೆಕ್ನಾಲಜಿ ಗಲಸೊಂದು ಈ ಟರ್ಮಿನಲ್‌ನ್ ತಯಾರ್ ಮಲ್ತ್‌ದೆರ್. ಉಂದೆರ್‍ದ್ ಎಚ್ಚದ ಪ್ರಯಾಣಿಕೆರೆಗ್ ಎಡ್ಡೆ ರೀತಿಡ್ ಸೌಲಭ್ಯ ತಿಕ್ಕರೆ ಉಂಡು.

ತುಡರ್ ಪರ್ಬಗ್ ತನ್ನ ಬೇಲೆದಕ್ಲೆಗ್ ಕಾರ್, ಬೈಕ್ ಗಿಫ್ಟ್ ಕೊರಿನ ಬಂಗಾರ್‌ದ ಅಂಗಡಿದ ಧಣಿ

Oct 17, 2022

ಚೆನ್ನೈ: ಎಚ್ಚದ ಕಂಪೆನಿಲೆಡ್ ತುಡರ್ ಪರ್ಬಗ್ ಕಾಸ್‌ದ ರೂಪಡ್ ಬೋನಸ್ ಕೊರ್ಪೆರ್. ಆಂಡ ಚೆನ್ನೈದ ಚಲಾನಿ ಜ್ಯುವೆಲರ್ಸ್ ಮಾಲೀಕೆರ್ ಸಿಬ್ಬಂದಿನಕ್ಲೆಗ್ ಕಾರ್ ಬೊಕ್ಕ ಬೈಕ್ ಕೊರ್ದು ಸರ್‌ಪ್ರೈಸ್ ಕೊರ್ತೆರ್. ಉಂದೆಕ್ಕಾದ್ 1.2 ಕೋಟಿ ಖರ್ಚು ಮಲ್ತ್‌ದೆರ್.

“ಯನ್ನ ಬಂಗಾರ್‌ದ ಅಂಗಡಿದ ಬೇಲೆದಕುಲು ಯನ್ನ ಕುಟುಂಬ ಇತ್ತಿಲೆಕ್ಕ. ಯನ್ನ ಕಷ್ಟ ಸುಖಟ್ಟ್ ಪಾಲ್ ಪಡೆತೊನ್ವೆರ್. ಇಂಚಾದ್ 10 ಜನಕ್ಕ್ ಕಾರ್ ಬೊಕ್ಕ 20 ಜನಕ್ಕ್ ಬೈಕ್‌ನ್ ಉಡುಗಿರ ಕೊರ್ತೆ. ಉಂದೆರ್ದ್ ಯಂಕ್ ಕುಷಿ ಉಂಡು” ಪಂದ್ ಮಾಲೀಕೆರ್ ಪಂಡೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

ರಾಹುಲ್ “ಭಾರತ್ ಜೋಡೋ ಯಾತ್ರೆ” ಉಂತಾವೊಡು ಪಂಡೆರ್ ಕಾಂಗ್ರೆಸ್ ಸಂಸದೆರ್

Oct 17, 2022

ಗೋವಾ: ದುಂಬು ಬರ್ಪಿನ ದಿನಟ್ಟ್ ಗುಜರಾತ್ ಬೊಕ್ಕ ಹಿಮಾಚಲ ಪ್ರದೇಶದ ವೋಟುದ ಪ್ರಚಾರಡ್ ಬೇಲೆ ಮಲ್ಪೊಡು ಅಂಚಾದ್ ಕಾಂಗ್ರೆಸ್ ನಾಯಕೆರ್ ರಾಹುಲ್ ಗಾಂಧಿ ಭಾರತ್ ಜೋಡೋ ಯಾತ್ರೆನ್ ಉಂತಾವೊಡ್ ಪಂದ್ ಗೋವಾದ ಮಾಜಿ ಸಿಎಂ ಅಂಚನೆ ಕಾಂಗ್ರೆಸ್ ಸಂಸದೆರ್ ಫ್ರಾನ್ಸಿಸ್ಕೊ ಸರ್ಡಿನಾ ಪಂಡೆರ್.

ಸುದ್ದಿಗಾರೆರ್‍ನೊಟ್ಟುಗು ಸೋಮಾರ ಪಾತೆರ್ದಿನ ಆರ್ ಬಿಜೆಪಿನ್ ಸೋಪಾಯರೆ ಕಾಂಗ್ರೆಸ್‌ರ್ದ್ ಮಾತ್ರ ಸಾಧ್ಯ. ಇಂಚಾದ್ ಹಿಮಾಚಲ ಪ್ರದೇಶ ಬೊಕ್ಕ ಗುಜರಾತ್‌ಡ್ ವೋಟುದ ಪ್ರಚಾರ ಅಗತ್ಯ ಉಂಡು. ಭಾರತ್ ಜೋಡೋ ಯಾತ್ರೆ ಉಂತಾದ್ ಈ 2 ರಾಜ್ಯಲೆಗ್ ಪೋದು ರಾಹುಲ್ ಗಾಂಧಿ ವೋಟುದ ಪ್ರಚಾರ ಮಲ್ಪೊಡು ಪಂದ್ ಪಂಡೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

ಕರ್ನಾಟಕಡ್ ಪರಿಸರ ಸ್ನೇಹಿ ಪಟಾಕಿಗ್ ಮಾತ್ರ ಅವಕಾಶ; ಮಾಲಿನ್ಯ ನಿಯಂತ್ರಣ ಮಂಡಳಿ

Oct 17, 2022

ಬೆಂಗ್ಲೂರ್: ತುಡರ್ ಪರ್ಬಗ್ ನನ ಕೆಲ ದಿನ ಮಾತ್ರ ಇತ್ತಿನೆಡ್ದಾವರ ಮಾಲಿನ್ಯ ಎಚ್ಚ ಆವಂದಿಲೆಕ್ಕ ಪರಿಸರ ಮಾಲಿನ್ಯ ಮಂಡಳಿರ್ದ್ ಅಗತ್ಯ ಕ್ರಮ ದೆತೊನ್ಯರೆ ದುಂಬು ಬತ್ತ್‌ದೆರ್.

ಈ ವರ್ಷ ಗ್ರೀನ್ ಪಟಾಕಿ ಮಾತ್ರ ಪುಡಪೊಡು ಅವೆನ್ ಬುಡ್ದ್ ಬೇತೆ ಪಟಾಕಿನ್ ಪುಡಾಂಡ ಪೊಲೀಸ್ ಇಲಾಖೆ, ಅಗ್ನಿ ಶಾಮಕ ಇಲಾಖೆ, ಶಿಕ್ಷಣ ಇಲಾಖೆಗ್ ಸರಿಯಾಯಿನ ಕ್ರಮ ದೆತೊನ್ಯರೆ ಸೂಚಿಸಾದೆರ್. ಕತ್ತಲೆಗ್ 8-10 ಗಂಟೆ ಮುಟ್ಟ ಮಾತ್ರ ಪಟಾಕಿನ್ ಪುಡಪೊಲಿ.

Only environment friendly crackers and fireworks allowed in Karnataka- Pollution control board

Bangalore: With the diwali festival fast approaching steps are afoot to minimise pollution. The pollution control department has announced that only green crackers and fireworks will be allowed and the police department, education department and the fire safety department have been given given notice in this regard.
Fireworks can be burst in the evening time only.

ಬೆನ್ನಿದಕ್ಲೆನ ಅಕೌಂಟ್ ಗ್ 12ನೇ ಕಂತ್‌ದ ಪಿಎಂ ಕಿಸಾನ್ ಸಮ್ಮಾನ್ ದ ದುಡ್ಡು ಬುಡುಗಡೆ

Oct 17, 2022

ಪ್ರಧಾನಿ ನರೇಂದ್ರ ಮೋದಿ ಮೇರ್ ಇನಿ ದೇಶದ ಕೋಟ್ಯಾಂತರ ಬೆನ್ಪಿ ಬೆನ್ಪುನಕ್ಲೆನ ಬ್ಯಾಂಕ್ ಖಾತೆಗ್ ಪಿಎಂ ಕಿಸಾನ್ ಸಮ್ಮಾನ್ ನಿಧಿತ್ತ 12ನೇ ಕಂತ್‌ದ 2000 ರೂ.ನ್ ಪಾಡ್ದೆರ್.

ಪಿಎಂ ಕಿಸಾನ್ ಸಮ್ಮಾನ್ ಸಮ್ಮೇಳನಡ್ ಬರೋಬ್ಬರಿ 16 ಸಾರ ಕೋಟಿ ರೂ.ನ್ ರೈತೆರ್‍ನ ಖಾತೆಗ್ ಪಾಡ್ದೆರ್. ಪಿಎಂ ಕಿಸಾನ್ ಯೋಜನೆದಡಿಟ್ಟ್ ವಾರ್ಷಿಕ 6 ಸಾರ ರೂ.ನ್ ತಲಾ 2 ಸಾರ ಲೆಕ್ಕ 3 ಕಂತ್‌ದ್ ಪಾಡ್ದೆರ್. ಕುಡ್ಲಗ್ 28 ಕೋ.ರೂ. ಬೊಕ್ಕ ಒಡಿಪು ಜಿಲ್ಲೆಗ್ 28.12 ಕೋ.ರೂ. ಪಾಡ್ದೆರ್.