ದೇಶಡ್ ನಡಪಿನ ಸುದ್ದಿ | National News

ಸರ್ಕಾರಿ ವೈದ್ಯೆರೆಗ್ 3 ಸರ್ತಿ ಬಯೋ ಮೆಟ್ರಿಕ್ ಹಾಜರಿ ಕಡ್ಡಾಯ; ಸುಧಾಕರ್

ಮೈಸೂರ್: ಸರ್ಕಾರಿ ವೈದ್ಯೆರ್ ಅಕ್ಲೆನ ಬೇಲೆದ ಪೊರ್ತುಡು ಖಾಸಗಿ ಆಸ್ಪತ್ರೆ ಅತ್ತ್ಂಡ ಕ್ಲಿನಿಕ್ ಲೆಡ್ ಬೇಲೆ ಮಲ್ತೊಂದು ಉಲ್ಲೆರ್. ಅಂಚಿತ್ನಕ್ಲೆನ ವಿರುದ್ಧ ಸರಿಯಾಯಿನ ಕ್ರಮ ದೆತೊನ್ಯರೆ ಉಂಡು ಅಂಚನೆ ಬಯೋಮೆಟ್ರಿಕ್ ಹಾಜರಿದ ಪದ್ದತಿನ್ ಜಾರಿ ಮಲ್ಪರೆ ನಿರ್ಧಾರ ಮಲ್ತ್‌ದ ಪಂದ್ ಆರೋಗ್ಯ ಸಚಿವೆರ್ ಡಾ.ಕೆ. ಸುಧಾಕರ್ ಪಂಡೆರ್.

ಸುದ್ದಿಗಾರೆರ್‍ನೊಟ್ಟುಗು ಪಾತೆರ್ದಿನ ಆರ್, ವೈದ್ಯೆರ್ ನಕುಲು ಅಕ್ಲೆನ ಬೇಲೆದ ಪೊರ್ತುಡು ಖಾಸಗಿ ಕ್ಲಿನಿಕ್‌ಡ್ ಬೇಲೆ ಮಲ್ತೊಂದಿಪ್ಪುನ ದೂರು ಕೇಂದ್ ಬೈದ್ಂಡ್ ಉಂದೆನ್ ಉಂತಾಯರೆ ಕಾಂಡೆ, ಮಧ್ಯಾಹ್ನ ಬೊಕ್ಕ ಬಯ್ಯ ಮೂಜಿ ಸರ್ತಿ ಬಯೋಮೆಟ್ರಿಕ್ ಹಾಜರಿ ಪಾಡುನವ್ ಕಡ್ಡಾಯ ಪಂದ್ ಪಂಡೆರ್.