ದೇಶಡ್ ನಡಪಿನ ಸುದ್ದಿ | National News

ರಾಮಮಂದಿರ ನಿರ್ಮಾಣಗ್ ಇದ ಮುಟ್ಟ ಆಯಿನ ಕರ್ಚಿ 800 ಕೋಟಿ ರೂ.

ಲಕ್ನೋ: ಅಯೋಧ್ಯೆ ರಾಮಮಂದಿರದ ಬೇಲೆ ಶೇ.70% ಆತ್ಂಡ್. ಮೂಜಿ ಹಂತೊಡು ಮಂದಿರ ನಿರ್ಮಾಣದ ಬೇಲೆ ನಡತೊಂದು ಉಂಡು. ಇದ ಮುಟ್ಟ 800 ಕೋಟಿ ರೂಪಾಯಿ ಕರ್ಚಿ ಆತ್ಂಡ್.

ಸುರುತ್ತ ಪಂತೆದ ಬೇಲೆ ಅಗಸ್ಟ್ 2023 ಡಿಸೆಂಬರ್ ಗ್ ಮುಗಿಯರೆ ಉಂಡು. ರಡ್ಡನೇ ಪಂತೆದ ಬೇಲೆ 2024 ಅಂಚನೆ ಮೂಜನೇ ಹಂತದ ಬೇಲೆ 2025 ಟ್ಟ್ ಮುಗಿಯರೆ ಉಂಡು. ಈ ದೇವಲ್ಯ ನಿರ್ಮಾಣಗ್ ಒಟ್ಟು ಕಾಸ್ 1800 ಕೋಟಿ ರೂಪಾಯಿ ಪಂದ್ ಅಂದಾಜಿ ಮಲ್ತ್‌ದೆರ್.

800 crores spent to date on the construction of Rama Mandir

Lucknow: The construction of the Rama Mandir at Ayodhya is now 70%complete. The work is in progress in three stages.Nearly 800 crore rupees has been spent on its construction to date.

The first stage of work will be over by 2023 August.The second stage of work is expected to be over by 2023 end and the third stage by the year 2025.The total cost on the construction of the temple is said to be estimated at 1800 crore rupees.

ಅಯೋಧ್ಯೆ ರಾಮಮಂದಿರಡ್ ನಿರ್ಮಾಣ ಆವೊಂದು ಉಂಡು 6 ಮಾಮಲ್ಲ ದ್ವಾರ

ಅಯೋಧ್ಯೆ ರಾಮಮಂದಿರಡ್ 6 ಮಾಮಲ್ಲ ದ್ವಾರ ನಿರ್ಮಾಣ ಆಯರೆ ಉಂಡು. ಮಾತ ದ್ವಾರಗ್‌ಲ ರಾಮಾಯಣಗ್ ಸಂಬಂಧಪಟ್ಟಿನ ಪುದರ್‌ನ್ ದೀಯರೆ ಉಲ್ಲೆರ್.

ಲಖನೌ, ಗೋರಖ್‌ಪುರ, ರಾಯ್ ಬರೇಲಿ, ಗೊಂಡಾ, ಪ್ರಯಾಗ್‌ರಾಜ್ ಬೊಕ್ಕ ವಾರಣಾಸಿರ್ದ್ ಬರ್ಪಿನ ಭಕ್ತೆರ್ ಈ ದ್ವಾರದ ಮುಖೇನನೇ ಅಯೋಧ್ಯೆ ರಾಮಮಂದಿರಗ್ ಬರೊಡು.

ಇನಿರ್ದ್ ದಿಲ್ಲಿಡ್ ವಿಧಾನಸಭೆ ಅಧಿವೇಶನ

ದಿಲ್ಲಿ: ದಿಲ್ಲಿ ವಿಧಾನಸಭೆ ಅಧಿವೇಶನ ಇನಿರ್ದ್ ಸುರು ಆಯರೆ ಉಂಡು. ಇಂಚಿಪ್ಪಗ್ ನಡತಿನ ಮೇಯರ್ ವೋಟುದ ವಿಷಯದ ಬಗೆಟ್ಟ್ ಚರ್ಚೆ ನಡಪುನ ಸಾಧ್ಯತೆ ಉಂಡು.

7ನೇ ಅಧಿವೇಶನ ಇನಿ ಕಾಂಡೆ 11 ಕ್ಕ್ ಸುರು ಆದ್ ಜನವರಿ 18 ಮುಟ್ಟ ನಡಪರೆ ಉಂಡು. ದಿಲ್ಲಿದ ಮಹಾನಗರ ಪಾಲಿಕೆದ ಮೇಯರ್ ವೋಟುಡು ಆಮ್ ಆದ್ಮಿ ಪಕ್ಷ ಬೊಕ್ಕ ಭಾರತೀಯ ಜನತಾ ಪಕ್ಷ ಎದುರಾಯಿ ಬೊಕ್ಕ ಸುರುತ್ತ ಸರ್ತಿ ಅಧಿವೇಶನನ್ ಮಲ್ತೊಂದುಲ್ಲೆರ್.

ನೇಪಾಳಡ್ ವಿಮಾನ ಬೂರ್ದಿನ ಘಟನೆ; ತೀರ್ ಪೋಯಿನಕ್ಲೆನ ಸಂಖ್ಯೆ 68

ಕಠ್ಮಂಡು: ನೇಪಾಳಡ್ ವಿಮಾನ ಬೂರ್ದಿನ ಘಟನೆಡ್ ನಾಲ್ ಭಾರತೀಯೆರ್ ಸೇರ್ದ್ ಒಟ್ಟು ತೀರ್ ಪೋಯಿನಕ್ಲೆನ 68 ಕ್ಕ್ ಏರಿಕೆ ಆತ್ಂಡ್.

ತೀರ್ ಪೋತಿನಕ್ಲೆಗ್ ಸಂತಾಪ ಸೂಚಿಸಾಯರೆ ಜನವರಿ 16 ಕ್ಕ್ ನೇಪಾಳಡ್ ರಾಷ್ಟ್ರೀಯ ಶೋಕದಿನ ಆಚರಣೆ ಮಲ್ತೊಂದುಲ್ಲೆರ್. ಜ.15 ಕ್ಕ್ ಮಧ್ಯಾಹ್ನ ಈ ಘಟನೆ ನಡತ್ಂಡ್. ಯೇತಿ ಏರ್‌ಲೈನ್ಸ್ ಪನ್ಪಿನ ಇಮಾನಡ್ 72 ಪ್ರಯಾಣಿಕೆರ್ ಇತ್ತೆರ್. ಘಟನೆಗ್ ಸರಿಯಾಯಿನ ಕಾರಣ ತೆರಿದ್ ಬೈದಿಜಿ.

ದಕ್ಷಿಣ ಅಮೆರಿಕಾಡ್ ಸುಂಟರಗಾಳಿ; ಭಾರೀ ನಷ್ಟ

ದಕ್ಷಿಣ ಅಮೆರಿಕಾದ ಅಲಬಾಮಾ ಬೊಕ್ಕ ಜಾರ್ಜಿಯಾ ರಾಜ್ಯಡ್ ಸುಂಟರಗಾಳಿ ಬತ್ತ್‌ದ್ ಭಾರೀ ನಷ್ಟ ಆತ್ಂಡ್.

ಗಾಳಿದ ಬಿರ್ಸ್‌ಗ್ ಕಟ್ವಾನೊಲು ಬೊಕ್ಕ ಮರಕ್ಕುಲು ಬೂರ್ದ್ಂಡ್. ಅತ್ತಂದೆ 9 ಜನ ತೀರ್ ಪೋದಿತ್ತ್‌ದ್, ನೂದೆಡ್ದ್ ಎಚ್ಚದ ಜನಕ್ಲೆಗ್ ಪೆಟ್ಟಾತ್ಂಡ್. ಮಸ್ತ್ ಕಡೆಟ್ಟ್ ಕರೆಂಟ್ ಪೋದಿತ್ತ್‌ದ್ ಜನಕುಲು ಕತ್ತಲೆಡ್ ಜೀವನ ಮಲ್ತೊಂದುಲ್ಲೆರ್.

ಹುಷಾರ್‌ದಾಂತೆ ತೀರ್ ಪೋಯೆರ್ ಕ್ರಿಕೆಟರ್ ಸಿದ್ದಾರ್ಥ್ ಶರ್ಮಾ

ಶಿಮ್ಲಾ: ಹಿಮಾಚಲ ಪ್ರದೇಶ ರಾಜ್ಯನ್ ಗುರ್ತಿಸಾವೊಂದಿತ್ತಿನ 28 ವರ್ಷದ ಕ್ರಿಕೆಟರ್ ಸಿದ್ದಾರ್ಥ್ ಶರ್ಮಾ ಹುಷಾರ್‌ದಾಂತೆ ತೀರ್ ಪೋಯೆರ್.

ಹಿಮಾಚಲ ಪ್ರದೇಶ ಕೂಟ ಗುಜರಾತ್ ಪರ ರಣಜಿ ಪಂತೊನು ಗೊಬ್ಬರೆ ಪ್ರವಾಸಡ್ ಇತ್ತ್ಂಡ್. ಈ ಪೊರ್ತುಡು ಸಿದ್ದಾರ್ಥ್ ಶರ್ಮಾ ಆರೋಗ್ಯಡ್ ಏರುಪೇರು ತೋಜಿದ್ ಬೈದ್ಂಡ್. ಅಪಗನೆ ಅಲ್ಪದ ಆಸ್ಪತ್ರೆಗ್ ಸೇರ್ಸಾದಿತ್ತೆರ್. 2 ವಾರರ್ದ್ ವೆಂಟಿಲೇಟರ್‌ಡ್ ಚಿಕಿತ್ಸೆ ಪಡೆಯೊಂದು ಇತ್ತ್ಂಡಲ ಚಿಕಿತ್ಸೆ ಸಮ ಆವಂದೆ ತೀರ್ ಪೋಯೆರ್.

ಪೊಸ ಬಜೆಟ್ ಡ್ ಪಿಎಂ ಕಿಸಾನ್ ಯೋಜನೆದ ಕಂತ್ ಎಚ್ಚ ಆಪಿನ ಸಾಧ್ಯತೆ

ದೇಶಡ್ ದುಂಬು ಬರ್ಪಿನ ಕೇಂದ್ರ ಬಜೆಟ್2023 ಟ್ಟ್ ಬೆನ್ಪಿ ಬೆನ್ಪುನಕ್ಲೆಗ್ ಎಡ್ಡೆ ಸುದ್ದಿ ಕೇಂದ್ ಬರಿಯರೆ ಉಂಡು.

ಫೆಬ್ರವರಿ 1, 2023 ಕ್ಕ್ ದೇಶದ ಪಣವುದ ಸಚಿವೆರ್ ನಿರ್ಮಲಾ ಸೀತಾರಾಮನ್ ಮೇರ್ 2023-24 ತ್ತ ಕೇಂದ್ರ ಬಜೆಟ್ ಡ್ ಮಂಡನೆ ಮಲ್ಪರೆ ಉಲ್ಲೆರ್. ಈ ಸರ್ತಿದ ಬಜೆಟ್‌ಡ್ ಕೇಂದ್ರ ಸರ್ಕಾರ ಬೆನ್ನಿಬೆನ್ಪುನಕ್ಲೆಗ್ ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆದ ಕಂತ್ ಎಚ್ಚ ಮಲ್ಪರೆ ಪಣವುದ ಸಚಿವೆರ್ ಘೋಷಣೆ ಮಲ್ಪುನ ಸಾಧ್ಯತೆ ಉಂಡು.