ದೇಶಡ್ ನಡಪಿನ ಸುದ್ದಿ | National News

ಪಾಸ್‌ಪೋರ್ಟ್ ರ್‍ಯಾಂಕಿಂಗ್‌ಡ್ ಭಾರತಗ್ 85ನೇ ತಾನ

ಇಸ್ಲಾಮಾಬಾದ್: 2022 ನೇ ವರ್ಷದ ಪಾಸ್‌ಪೋರ್ಟ್ ರ್‍ಯಾಂಕಿಂಗ್ ಪಟ್ಟಿಡ್ ಭಾರತ 85ನೇ ತಾನೊ ಪಡೆತ್ಂಡ್.

ಪಾಸ್‌ಪೋರ್ಟ್ ರ್‍ಯಾಂಕಿಂಗ್‌ಡ್ ಭಾರತ 2019, 2020, 2021 ಬೊಕ್ಕ 2022 ನೇ ಸಾಲ್‌ಡ್ ಕ್ರಮವಾದ್ 82, 84, 83 ಬೊಕ್ಕ 85ನೇ ತಾನೊ ಪಡೆದಿತ್ತ್ಂಡ್. ಜಗತ್ತ್‌ದ ಬೇತೆ ಬೇತೆ ಜಾಗೆಡ್ ವೀಸಾ ದಾಂತೆ ಪ್ರವೇಶಗ್ ಅನುಮತಿ ಕೊರ್ಪಿನ ಪಾಸ್‌ಪೋರ್ಟ್‌ಲೆನ್ ತೂದು ಹೆನ್ಲಿ ಪಾಸ್‌ಪೋರ್ಟ್ ರ್‍ಯಾಂಕಿಂಗ್‌ ಪಟ್ಟಿನ್ ಬುಡುಗಡೆ ಮಲ್ತ್‌ದ್ಂಡ್.

ಭಾರತದ ಕಂಪೆನಿದ ತೆಮ್ಮದ ಸಿರಪ್ ಗಲಸಂದಿಲೆಕ್ಕ WHO ಸೂಚನೆ

ದಿಲ್ಲಿ: ಭಾರತದ ಔಷಧೀಯ ಸಂಸ್ಥೆ ಮರಿಯನ್ ಬಯೋಟೆಕ್ ತಯಾರ್ ಮಲ್ತಿನ ರಡ್ಡ್ ತರತ್ತ ತೆಮ್ಮದ ಸಿರಪ್‌ನ್ ಗಲಸರೆ ಬಲ್ಲಿ ಪಂದ್ ವಿಶ್ವ ಆರೋಗ್ಯ ಸಂಸ್ಥೆ ಸೂಚನೆ ಕೊರ್ತ್ಂಡ್.

ಇಂಚಿಪ್ಪಗ್ ಮರಿಯನ್ ಬಯೋಟೆಕ್ ತಯಾರ್ ಮಲ್ತಿನ ಅಬ್ರೊನಾಲ್ ಬೊಕ್ಕ ಡಾಕ್-1 ಮ್ಯಾಕ್ಸ್ ತೆಮ್ಮದ ಸಿರಪ್ ದೆತೊಂದು ಉಜ್ಬೇಕಿಸ್ತಾನಡ್ 18 ಜೋಕುಲು ತೀರ್ ಪೋತೆರ್. ಈ ಸಿರಪ್‌ಡ್ ಎಥಿಲೀನ್ ಗ್ಲೈಕೋಲ್ ವಿಷಕಾರಿ ರಾಸಾಯನಿಕ ಪತ್ತೆಯಾತ್ಂಡ್.

WHO bans cold and cough syrup manufactured by Indian company

Delhi: Cold and cough syrup manufactured by the Indian pharmaceutical company Marian Biotech has been banned by WHO.

18 children have died in Uzbekistan after consuming Abronal and Daak-1 manufactured by Marian Biotech. A toxic substance Ethiline Glycol has been found in these syrup.

ಮಸ್ಕತ್ : ಬ್ಯಾಡ್ಮಿಂಟನ್ ಗೊಬ್ಬುನಗ ತಿಗಲೆ ಬೇನೆಡ್ ತೀರ್ ಪೋಯಿನ ಭಾರತದ ಆಟಗಾರೆ

ಒಮಾನ್ : ಬ್ಯಾಡ್ಮಿಂಟನ್ ಗೊಬ್ಬೊಂದಿಪ್ಪುನ ಪೊರ್ತುಡು ಭಾರತದ ಒರಿ ಆಟಗಾರಗ್ ತಿಗಲೆ ಬೇನೆ ಆದ್ ತಿರ್ತ್ ಬೂರ್ದ್ ತೀರ್ ಪೋಯಿನ ಘಟನೆ ಮಸ್ಕತ್‌ಡ್ ನಡತ್ಂಡ್.

ಬ್ಯಾಡ್ಮಿಂಟನ್ ಕೋರ್ಟುಡು ನಾಲ್ ಜನ ಗೊಬ್ಬೊಂದಿತ್ತೆರ್. ಅಪಗ ಒರಾನೆ ಒರಿ ತಿರ್ತ್ ಬೂರ್ದೆರ್. ಬೊಕ್ಕ ಆರ್ ತೀರ್ ಪೋತೆರ್.

ಇಂಡೋನೇಷ್ಯಾಡ್ ಭೂಕಂಪ: ಜರಿದ್ ಬೂರ್ದುಂಡು ಮಸ್ತ್ ಇಲ್ಲ್‌ಲು

ಜಕಾರ್ತ: ಪೂರ್ವ ಇಂಡೋನೇಷ್ಯಾದ ಕಮ್ಮಿ ಜನಸಂಖ್ಯೆ ಇಪ್ಪುನ ದ್ವೀಪಡ್ ಇನಿ ಭೂಕಂಪ ಆದಿತ್ತ್‌ದ್, ಮಸ್ತ್ ಕಟ್ವಾನೊಲು ಜರಿದ್ ಬೂರಿನ ಘಟನೆ ಇನಿ ನಡತ್ಂಡ್.

ತನಿಂಬಾರ್ ಸ್ವೀಡ್ ರಡ್ಡ್ ಶಾಲೆದ ಕಟ್ವಾನೊಲು ಬೊಕ್ಕ 15 ಇಲ್ಲ್‌ಲು ಜರಿದ್ ಬೂರ್ದುಂಡು. ಆಂಡ ಏರೆಗ್ಲಾ ಪೆಟ್ಟ್ ಆತಿಜಿ.

3-5 ಸೆಕೆಂಡ್‌ದ ಕಾಲ ಭೂಮಿ ನಡ್ ಗಿನ ಅನುಭವ ಆತಿನೆಡ್ದಾವರ ಅಪಗನೆ ಅಲ್ಪದ ಜನಕುಲು ಇಲ್ಲ್, ಕಟ್ವಾನೊರ್ದ್ ಪಿದಯಿ ಬಲ್ತ್‌ದೆರ್ ಪಂದ್ ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಏಜೆನ್ಸಿದ ವಕ್ತಾರೆರ್ ಅಬ್ದುಲ್ ಮುಹಾರಿ ತೆರಿಪಾದೆರ್.

2024 ಜನವರಿ 1 ಕ್ಕ್ ಅಯೋಧ್ಯೆ ರಾಮ ಮಂದಿರ ಉದಿಪನ

ತ್ರಿಪುರಾ: 2024ನೇ ಇಸ್ವಿದ ಜನವರಿ 1 ಕ್ಕ್ ಅಯೋಧ್ಯೆ ಶ್ರೀ ರಾಮ ಮಂದಿರ ಉದಿಪನ ಆಯರೆ ಉಂಡು ಪಂದ್ ಕೇಂದ್ರ ಗೃಹ ಸಚಿವೆರ್ ಅಮಿತಾ ಶಾ ಘೋಷಣೆ ಮಲ್ತ್‌ದೆರ್.

ತ್ರಿಪುರಾಡ್ ನಡತಿನ ಸಭೆಟ್ಟ್ ಪಾಲ್ ಪಡೆದ್ ಪಾತೆರಿನ ಆರ್, ಈ ವರ್ಷದ ಉಲಯಿ ರಾಮ ಮಂದಿರ ನಿರ್ಮಾಣದ ಬೇಲೆ ಮುಗಿಯರೆ ಉಂಡು. ಜನವರಿ 1 ಕ್ಕ್ ದೇವಲ್ಯದ ಉದಿಪನ ನಡಪರೆ ಉಂಡು ಪಂದ್ ಪಂಡೆರ್.

ರಾಹುಲ್ ಗಾಂಧಿ ಮೇರ್ ರಾಮ ಮಂದಿರದ ಬಗೆಟ್ ಅಪಗಪಗ ಬೊಡ್ಚಾಂದಿನೆನ್ ಪಾತೆರೊಂದು ಇಪ್ಪೆರ್. ರಾಮ ಮಂದಿರ ನಿರ್ಮಾಣ ಮಲ್ತ್‌ದೆರ್ ಆಂಡ ಏಪ ಅಯಿತ್ತ ಬೇಲೆ ಮುಗಿಯುಂಡು ಪಂದ್ ಸರ್ಕಾರ ಪನೊಂದಿಜ್ಜಿ ಪಂದ್ ಪನೊಂದಿತ್ತೆರ್. ಆಂಡ ಇತ್ತೆ ರಾಹುಲ್ ಗಾಂಧಿಗ್ ಯಾನ್ ಪನ್ಪೆ. 2024 ತ್ತ ಜನವರಿ 1 ಕ್ಕ್ ಅಯೋಧ್ಯೆ ರಾಮ ಮಂದಿರದ ಬೇಲೆ ಮುಗಿದ್ ಉದಿಪನ ಆಯರೆ ಉಂಡು ಪಂದ್ ಶಾ ಪಂಡೆರ್.