ರಪಕ್ಕ ಸುದ್ದಿ Flash News

ಕೇಸರಿ ಪ್ರೇಂಡ್ಸ್ (ರಿ.) ಗಣೇಶಪುರ ವತಿರ್ದ್ ದೈ ನಡ್ಪಿನ ಲೇಸ್

ಕುಡ್ಲ, ಜುಲೈ 19: ಕೇಸರಿ ಪ್ರೇಂಡ್ಸ್.ರಿ.ಗಣೇಶಪುರ ವತಿರ್ದ್ ಗಣೇಶಪುರ ಸುತ್ತಮುತ್ತಲ ಪರಿಸರಡ್ ದೈ ನಡ್ಪಿನ ಲೇಸ್ ನಡತ್oಡ್.

ಈ ಪೊರ್ತುಡು ಸಂಸ್ಥೆದ ಗೌರವಧ್ಯಕ್ಷರಾಯಿನ ಗಿರೀಶ್ ನಾಯಕ್ ಗುರ್ಕಾರ್ಲಾಯಿನ ಪುನೀತ್ ಶೆಟ್ಟಿ, ಉಪಾಧ್ಯಕ್ಷರಾಯಿನ ಪ್ರಸನ್ನ ಕುಮಾರ್, ಪ್ರಧಾನ ಕಾರ್ಯದರ್ಶಿ ರಾಕೇಶ್ ಆಂಚನ್, ಕಾರ್ಯದರ್ಶಿ ದುರ್ಗಾಪ್ರಸಾದ್ ಶೆಟ್ಟಿಗಾರ್, ಖಚಾಂಚಿ ಕೃಷ್ಣ ಕುಮಾರ್, ಕರುಣಾಕರ್ ಪೂಜಾರಿ, ಆಶೋಕ್ ಶೆಟ್ಟಿಗಾರ್, ಸಂದೀಪ್ ಕಾಟಿಪಳ್ಳ, ದೀಕ್ಷಿತ್ ಕುಲಾಲ್ ಪಾಲ್ ಪಡೆದಿತ್ತೆರ್.

ಟೋಕಿಯೋ ಒಲಂಪಿಕ್ಸ್ : ಕೊಡಗುದ ಅಂಕಿತಾ ವನಿತಾ ಹಾಕಿ ಕೋಚ್ ಆದ್ ಆಯ್ಕೆ

ಮಡಿಕೇರಿ, ಜುಲೈ 19: ಹಾಕಿ ನಾಡು ಕೊಡಗು ಕುಡೋರ ಸುದ್ದಿ ಡ್ ಉಂಡು . ಇತ್ತೇ ಟೋಕಿಯೊ ಒಲಿಂಪಿಕ್ಸ್‌ಗ್ ಸಂಬಂಧ ಪಟ್ಟಿನoಚಿನ ಸಂಗತಿಯಾಯೀನೇರ್ದಾವರ ಸುದ್ದಿದ ಮಹತ್ವ ಜಾಸ್ತಿ ಆತುಂಡು .

ಮಡಿಕೇರಿದ ಸುಂಟಿಕೊಪ್ಪ ಕೈತಲ್ ದ ಕಂಬಿಬಾಣೆದ ಹೊನ್ನಂಪಾಡಿ ಅಂಕಿತಾ ಸುರೇಶ್‌ ಟೋಕಿಯೊ ಒಲಿಂಪಿಕ್ಸ್‌ಡ್ ಭಾರತದ ವನಿತಾ ಹಾಕಿ ತಂಡದ ಕೋಚ್‌ ಆದ್ ಕಾರ್ಯ ಮಲ್ಪರೆ ಉಲ್ಲೆರ್ .

ಇತ್ತೇ ಅಂಕಿತಾ ಮೇರ್ ಉಪ್ಪುನ ಭಾರತದ ವನಿತಾ ಹಾಕಿ ಕೂಟ ಟೋಕಿಯೊ ಮುಟ್ಟುದುಂಡು . ಮೆರ್ನ ಕೋಚಿಂಗ್‌ಡ್ ಭಾರತ ಮಹಿಳಾ ಹಾಕಿ ಕೂಟಗ್ ಬಂಗಾರ್ದ ಪದಕ ಬರಡ್ ಪನ್ಪಿನವು ಕೊಡಗುದ ಕ್ರೀಡಾಭಿಮಾನಿಲೆನ ಆಶಯ .

ಹಾವಂಜೆ ಗ್ರಾಮ ವಿಕಾಸ ಸಮಿತಿ ವತಿರ್ದ್ ಬೆನ್ನಿ

ಹಾವಂಜೆ, ಜುಲೈ 19: ಹಾವಂಜೆ ಗ್ರಾಮ ವಿಕಾಸ ಸಮಿತಿ ಹಾವಂಜೆದ ಸದಸ್ಯೆರ್ ಕುಕ್ಕೆಹಳ್ಳಿ ಮಹಾಲಿಂಗೇಶ್ವರ ದೇವಸ್ಥಾನದ ಕೈತಲ್ ಉಪ್ಪುನ ಸುಮಾರ್ 20 ವರ್ಷರ್ದ್ ಪಡಿಲ್ ಬೂರ್ದಿನ 5 ಎಕರೆ ಕೃಷಿ ಭೂಮಿ ಸಾವಯವ ಭತ್ತದ ಬುಳೆ ಮಳ್ತೊಂದು ಉಲ್ಲೆರ್ ,ಕೃಷಿತ ನಾಟಿ ಬೇಲೆ ತಾರೀಖ್  18/07/2021 ನೇ ಐತಾರದಾನಿ ನಡತುಂಡು.

ಬತ್ತಿನ ಬುಳೆತ ಬೈ ನ್ ಗೋ ಶಾಲೆಗ್ ದಾನ ಮಲ್ಪುನ ಸದುದ್ದೇಶ ಉಂಡು ಪಂದ್ ಸಮಿತಿದ ಗುರ್ಕಾರ್ಲಾಯಿನ ಸತ್ಯ ನಾರಾಯಣ ಆಚಾರ್ಯ ಪಂಡೆರ್.

ಈ ಪೊರ್ತುಡು ಚೇತನ್ ಪೂಜಾರಿ ಅಂಗಡಿಬೆಟ್ಟು,
ಸಂತೋಷ್ ಜತ್ತನ್ ಬಬ್ಬುಜೆಡ್ಡು,ಕೃಷಿ ಪ್ರಮುಖ್ ಬೊಕ್ಕ ಸಹ ಪ್ರಮುಖ್ ಅಂಚನೇ ಮಾತಾ ಸದಸ್ಯೆರ್ ಪಾಲ್ ಪಡೆದಿತ್ತೆರ್.

ಎಸೆಸೆಲ್ಸಿ ಪರೀಕ್ಷೆಗ್ ಕುಡ್ಲಡ್ ಮಾತಾ ತಯಾರಿ

ಕುಡ್ಲ, ಜುಲೈ 28: ಎಸೆಸೆಲ್ಸಿ ಪರೀಕ್ಷೆಗ್ ದ.ಕ. ಜಿಲ್ಲೆಡ್ ಸಕಲ ಸಿದ್ಧತೆನ್ ಮಲ್ದೆರ್ ಇತ್ತೇ , 9 ಜನ ಕೊರೋನ ಸೋಂಕಿತ ಜೋಕುಲು ನೋಂದಾವಣೆ ಮಲ್ದೆರ್ ಅಕ್ಲೆಗ್ ಕೋವಿಡ್ ಕೇರ್ ಸೆಂಟರ್‌ಡ್ ಸಕಲ ವ್ಯವಸ್ಥೆದೊಟ್ಟುಗು ಪರೀಕ್ಷೆಗ್ ತಯಾರಿ ಮಲ್ದೆರ್ .

ಸಂಸದ ನಳಿನ್ ಕುಮಾರ್ ಕಟೀಲ್ ಗುರ್ಕಾರ್ಮೆಡ್ ದ.ಕ. ಜಿಲ್ಲಾ ಪಂಚಾಯತ್‌ದ ನೇತ್ರಾವತಿ ಸಭಾಂಗಣಡ್ ಕೋಡೆ ದ.ಕ. ಜಿಲ್ಲಾ ಅಭಿವೃದ್ಧಿ ಸಮನ್ವಯ ಬೊಕ್ಕ ಉಸ್ತುವಾರಿ (ದಿಶಾ) ಸಮಿತಿ ಸಭೆಟ್ ಡಿಡಿಪಿಐ ಮಲ್ಲೇಸ್ವಾಮಿ ಈ ಮಾಹಿತಿ ಕೊರಿಯೆರ್ .

ದ.ಕ. ಜಿಲ್ಲೆಡ್ ಈ ಸಲ 179 ಪರೀಕ್ಷಾ ಕೇಂದ್ರಡ್ 29351 ರೆಗ್ಯುಲರ್, 694 ಖಾಸಗಿ, 2050 ಶಾಲಾ ಪುನರಾವರ್ತಿತ ಅಭ್ಯರ್ಥಿಲು , 538 ಖಾಸಗಿ ಪುನರಾವರ್ತಿತ ಸೇರಿನಂಚ ಒಟ್ಟು 32636 ಜೋಕುಲು ಎಸೆಸೆಲ್ಸಿ ಪರೀಕ್ಷೆ ಬರೆಯರೆ ಉಲ್ಲೆರ್ .

ಕೋವಿಡ್ ಮಾರ್ಗಸೂಚಿ ಪಾಲಿಸಾದ್ ನಮಾಜ್ ಮಲ್ಪರೆ ಮಾಣಿ ಉಸ್ತಾದ್ ಕರೆ

ಕುಡ್ಲ, ಜುಲೈ 18: ಸರಕಾರದ ಕೋವಿಡ್ ಮಾರ್ಗಸೂಚಿನ್ ಪಾಲಿಸಾವುನ ಮುಖೇನ ಈದ್ ನಮಾಝ್ ಬೊಕ್ಕ ಖುತ್ಬಾನ್ ಆನಿ ಕಾಂಡೆ ಆಯಿನಾತ್ ಬೇಗ ಮಲ್ಪರೆ ಮಾತಾ ಮೊಹಲ್ಲಾಡ್ ಪ್ರಯತ್ನ ಮಲ್ಪೊಡು ಪಂದ್ ಒಡಿಪು, ಚಿಕ್ಕಮಗಳೂರು, ಹಾಸನ, ಸಂಯುಕ್ತ ಜಮಾಅತ್ ಬೊಕ್ಕ ದ.ಕ. ಜಿಲ್ಲೆದ ಬೇತೆ ಬೇತೆ ಮೊಹಲ್ಲಾದ ಖಾಝಿ ಝೈನುಲ್ ಉಲಮಾ ಎಂ. ಅಬ್ದುಲ್ ಹಮೀದ್ ಮುಸ್ಲಿಯಾರ್ ಮಾಣಿ ತೆರಿಪಾದೆರ್ .