ರಪಕ್ಕ ಸುದ್ದಿ Flash News

ರಾಜ್ಯ ವಿಧಾನಸಭೆ ವೋಟುದ ನಿಲೆಟ್ ಇನಿರ್ದ್ ನೀತಿ ಸಂಹಿತೆ ಜಾರಿ, ಒಯಿಕ್ಕ್ ಅನ್ವಯ ?

ಕರ್ನಾಟಕ ವಿಧಾನಸಭೆ ವೋಟು ಮೇ 10 ಕ್ಕ್ ನಡಪರೆ ಇತ್ತ್‌ದ್ 224 ಕ್ಷೇತ್ರಲೆಡ್ ಒಂಜೇ ಹಂತೊಡು ವೋಟು ನಡಪರೆ ಉಂಡು. ಇಂಚಾದ್ ಇನಿರ್ದ್ ಮಾತ ವಿಷಯದ ಮಿತ್ತ್ ಚುನಾವಣಾ ಆಯೋಗ ಕಣ್ಣ್ ದೀದಿತ್ತ್‌ದ್, ಚುನಾವಣಾ ಅಕ್ರಮ ತಡಪುನಲ್ಪ ಕ್ರಮ ವಹಿಸರೆ ಉಂಡು. ಇನಿರ್ದ್ ರಾಜ್ಯದ ಮಾತ ಚೆಕ್ ಪೋಸ್ಟ್‌ಲೆಡ್ ಗಾಡಿದ ತಪಾಸಣೆ ನಡಪರೆ ಉಂಡು.

ನೀತಿ ಸಂಹಿತೆ ಒಯಿಕ್ಕ್ ಅನ್ವಯ ಆಪುಂಡು?

•  ವಿಧಾನಸೌಧ ಸೇರ್ದ್ ಸರ್ಕಾರಿ ಕಟ್ವಾನೊಡು ಸಭೆ ಮಲ್ಪುಲೆಕ್ಕ ಇಜ್ಜಿ.
• ಸರ್ಕಾರಿ ಕಾರ್ಯಕ್ರಮಲೆಗ್ ಸಂಬಂಧಪಟ್ಟಿನ ಫ್ಲೆಕ್ಸ್ ಪಾಡುಲೆಕ್ಕ ಇಜ್ಜಿ, ಸೌಲಭ್ಯನ್ ಪಡೆಯುಲೆಕ್ಕ ಇಜ್ಜಿ.
• ಸರ್ಕಾರಿ ಘೋಷಣೆ ಪಾಡುಲೆಕ್ಕ ಇಜ್ಜಿ, ಸೈನ್ ಪಾಡಿಯರೆ ಇಜ್ಜಿ.
• ನಾಯಕೆರ್ ಸರ್ಕಾರಿ ಕಾರ್‌ನ್ ಬುಡ್ದ್ ಖಾಸಗಿ ಕಾರ್‌ಡ್ ಪೋವೊಡು. ಆಂಡ ಸರ್ಕಾರಿ ಕಾರ್‌ನ್ ಚುನಾವಣಾ ಕಾರ್ಯಕ್ರಮದ ನಿರ್ವಹಣೆಗಾದ್ ಅಧಿಕಾರಿಲು ಗಳಸೊಲಿ.
• ಸಿಎಂ, ಸಚಿವೆರ್, ವಿಪಕ್ಷ ನಾಯಕೆರೆಗ್ ಭದ್ರತೆ ಇಪ್ಪುಂಡು.