ರಪಕ್ಕ ಸುದ್ದಿ Flash News

ಎ. 29ಗ್ ಅರ್ಕುಳಡ್ ಶ್ರೀ ರಾಮ ದರ್ಶನ – ಶ್ರೀನಿವಾಸ ಕಲ್ಯಾಣ ಯಕ್ಷಗಾನ ಬಯಲಾಟ

ಬಂಟ್ವಾಳ : ಪುಗರ್ತೆ ದ ವೈದ್ಯರ್ ಡಾ.ರವೀಶ್ ತುಂಗಾ ಬೊಕ್ಕ ಡಾ.ಸುಚಿತ್ರ ಮುತಾಲಿಕೆಡ್ ಅರ್ಕುಳ ಪರಂಗಿಪೇಟೆ ಉದಿಪನ ಆಯರೆ ಉಪ್ಪುನ ಮಾಮಲ್ಲ ಮನಸ್ವಿನಿ ಆಸ್ಪತ್ರೆದ ಕೈತಾಲ್ ಶನಿವಾರ ಬಯ್ಯಗ್ ಕಟೀಲು ಶ್ರೀ ದುರ್ಗಾ ಪರಮೇಶ್ವರಿ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿ ಮೊಕಲೆರ್ದ್  ರಾಮ ದರ್ಶನ – ಶ್ರೀನಿವಾಸ ಕಲ್ಯಾಣ ಪನ್ಪುನ ಯಕ್ಷಗಾನ ಬಯಲಾಟ ನಡಪರೆ ಉಂಡು. ಉಂದೆತ್ತ ಸಲುವಾದ್ ಬಯ್ಯ 5.45ಕ್ಕ್ ಶ್ರೀ ದೇವಿಗ್ ಮಲ್ಲ ಪೂಜೆ ಬೊಕ್ಕ ಅನ್ನಪ್ರಸಾದ ಉಂಡು. ಊರುದ ಮಾತ ಜನ ಸೇರ್ದ್ ಪೊರ್ಲು ಮಲ್ತ್ ಕೊರೊಡು ಪಂದ್ ಬಿನ್ನಾಪು ಮಲ್ದೆರ್.

ವಾಣಿಜ್ಯ ವಿಭಾಗಡ್ ಆಳ್ವಾಸ್ ಕಾಲೇಜಿದ ಅನನ್ಯ ರಾಜ್ಯೋಡೇ ಪ್ರಥಮ

ಬೆಂಗ್ಲೂರ್: ಮಾರ್ಚ್‌ಡ್ ನಡತಿನ ದ್ವಿತೀಯ ಪಿಯುಸಿ ಪರೀಕ್ಷೆದ ಫಲಿತಾಂಶ ಪ್ರಕಟ ಆದಿತ್ತ್‌ದ್, ಉಂದುವೇ ಸುರುತ್ತ ಸರ್ತಿ ಶೇ 74.67 ಫಲಿತಾಂಶ ಬೈದ್ಂಡ್. ವಾಣಿಜ್ಯ ವಿಭಾಗಡ್ ಬೆದ್ರದ ಆಳ್ವಾಸ್ ಕಾಲೇಜಿದ ಅನನ್ಯ ರಾಜ್ಯಗ್ ಸುರುತ್ತ ತಾನೊ ಪಡೆತ್ತೆರ್.

ಮೇರ್ 600 ಕ್ಕ್ 600 ಮಾರ್ಕ್ಸ್ ಪಡೆದ್ ರಾಜ್ಯಗ್ ಟಾಪರ್ ಆತೆರ್.

ಕುಡ್ಲ ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಯು.ಟಿ ಖಾದರ್ ನಾಮಪತ್ರ ಸಲ್ಲಿಕೆ

ಉಳ್ಳಾಲ: ಕುಡ್ಲ ವಿಧಾನಸಭಾ ಕ್ಷೇತ್ರರ್ದ್ ಕಾಂಗ್ರೆಸ್ ಅಭ್ಯರ್ಥಿಯಾದ್ ವಿಧಾನಸಭೆ ವಿಪಕ್ಷ ಉಪನಾಯಕೆರ್, ಶಾಸಕೆರ್ ಯು.ಟಿ.ಖಾದರ್ ಮೇರ್ ಇನಿ ನಾಮಪತ್ರ ಸಂದಾಯೆರ್.

ಭಾರೀ ಮೆರವಣಿಗೆಡ್ ಬತ್ತಿನ ಆರ್, ಉಳ್ಳಾಲ ನಗರಸಭೆ ಕಾರ್ಯಾಲಯಡ್ ಇಪ್ಪುನ ಕ್ಷೇತ್ರ ಚುನಾವಣಾಧಿಕಾರಿಗ್ ನಾಮಪತ್ರ ಸಂದಾಯೆರ್. ಉಂದೆರ್ದ್ ದುಂಬು ಉಳ್ಳಾಲ ಬೈಲ್ ಮೈದಾನಡ್ ಅಟ್ಟನೆ ಮಲ್ತಿನ ಕಾರ್ಯಕರ್ತೆರ್‍ನ ಬಹಿರಂಗ ಸಭೆನ್ ಉದ್ದೇಶಿಸಾದ್ ಪಾತೆರಿನ ಯು.ಟಿ.ಖಾದರ್ ಮೇರ್ ಉಂದು ಸತ್ಯ ಧರ್ಮದ, ಅನ್ಯಾಯದ ವಿರುದ್ದದ ನ್ಯಾಯದ ವೋಟು ಆತ್ಂಡ್. ಜನವಿರೋಧಿ, ತಾರತಮ್ಯ ಮಲ್ಪುನ ಸರ್ಕಾರನ್ ತಿರ್ತ್ ಜಪ್ಡಾವುನ ವೋಟು ಆತ್ಂಡ್. ನಿಕ್ಲೆನ ಮೋಕೆ, ವಿಶ್ವಾಸರ್ದ್ ಕುಡೋರ ಗೆಂದ್‌ದ್ ನಾನಾತ್ ಅಭಿವೃದ್ಧಿ ಕಾರ್ಯಲೆನ್ ಮಲ್ಪುವೆ ಪಂದ್ ಪಂಡೆರ್.

ಈ ಪೊರ್ತುಡು ವಿಧಾನ ಪರಿಷತ್ ಮಾಜಿ ಸದಸ್ಯೆರ್ ಐವನ್ ಡಿಸೋಜ, ಇಬ್ರಾಹಿಂ ಕೋಡಿಜಾಲ್, ಡಾ.ಕಣಚೂರು ಮೋನು, ಹರ್ಷರಾಜ್ ಮುದ್ಯ, ದಿನೇಶ್ ರೈ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಸದಾಶಿವ ಉಳ್ಳಾಲ್, ಮುಸ್ತಫಾ ಹರೇಕಳ ಲೇಸ್‌ಡ್ ಇತ್ತೆರ್.

UT Kadhar Congress candidate for Mangalore Vidhana Sabha constituency files nomination

Uallal: MLA and opposition leader UT Kadhar filed his nomination for Mangalore Vidhana Sabha constituency today.

Dr Y Bharat Shetty files nomination ಡಾ ವೈ. ಭರತ್ ಶೆಟ್ಟಿ ನಾಮಪತ್ರ ಸಂದಾಯೆರ್

ಕುಡ್ಲ ಉತ್ತರ ವಿಧಾನಸಭಾ ಕ್ಷೇತ್ರದ ಭಾರತೀಯ ಜನತಾ ಪಾರ್ಟಿದ ಅಭ್ಯರ್ಥಿಯಾದ್ ಡಾ ವೈ. ಭರತ್ ಶೆಟ್ಟಿ ಮೇರ್ ಇನಿ ಚುನಾವಣಾಧಿಕಾರಿಲೆಗ್ ನಾಮಪತ್ರ ಸಂದಾಯೆರ್.

ಈ ಪೊರ್ತುಡು ಬಿಜೆಪಿ ರಾಜ್ಯಾಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲ್, ಜಿಲ್ಲಾಧ್ಯಕ್ಷೆರ್ ಸುದರ್ಶನ್ ಬೆದ್ರ, ಮಾಜಿ ಸಚಿವೆರ್ ಕೃಷ್ಣ ಜೆ. ಪಾಲೆಮಾರ್ ಬೊಕ್ಕ ಮೇಯರ್ ಜಯಾನಂದ ಅಂಚನ್ ಇತ್ತೆರ್.

Dr Y Bharat Shetty files nomination

Dr Bharat Shetty candidate of BJP for Mangalore North constituency filed his nomination with the election officer today.

He was accompanied by BJP state president Nalin Kumar Kateel, district president of the BJP Sudarshan Bedra, former minister Krishna Palimar and Mangalore mayor Jayanand Anchan.

Clarify the stand about Tulunadu in the election manifesto; or we will build another party -Tuluvas put forth their demands ತುಳುನಾಡ್‌ ದ ವಿಚಾರೊಡು ಪ್ರಣಾಳಿಕೆಡ್ ಸ್ಪಷ್ಟವಾದ್ ಪನ್ಲೆ, ಇಜ್ಜಿಂಡ ಬೇತೆನೇ ಪಕ್ಷ ಕಟ್ಟುವ : ತುಳುವೆರ್‍ನ ಒತ್ತಾಯ

ತುಳುವೆರ್‍ನ ಬೇಡಿಕೆಗ್ ಇದ ಮುಟ್ಟ ವಾ ಪಕ್ಷಲ ಸ್ಪಂದನೆ ಕೊರ್ತಿಜಿ. ತುಳು ಭಾಷೆ ಅಂಚನೆ ತುಳುನಾಡ್‌ದ ಅಭಿವೃದ್ದಿ ಸಮಸ್ಯೆದ ಬಗೆಟ್ ಕರ್ನಾಟಕಡ್ ಒವ್ವೇ ಪಕ್ಷಲ ಇಡೆ ಮುಟ್ಟ ದಾಲ ಮಲ್ತ್‌ದಿಜಿ. ತುಳುವೆರ್‍ನ ಭಾಷೆರ್ದ್ ಪತ್ ದ್ ನೇತ್ರಾವತಿ ತುದೆ ಮುಟ್ಟ ಮಲ್ತಿನ ಮಾತ ಪೊರ್ಂಬಾಟನ್ ಒಂಜಿ ಕೆಬಿಕ್ಕ್ ಪಾಡ್ದ್ ನನೊಂಜಿ ಕೆಬಿಟ್ಟ್ ಬುಡ್ದು ಪಾಡ್ದೆರ್ ಪಂದ್ ಅಂತರಾಷ್ಟ್ರೀಯ ತುಳುನಾಡ ರಕ್ಷಣಾ ವೇದಿಕೆದ ಸ್ಥಾಪಕ ಅಧ್ಯಕ್ಷೆರ್ ಯೋಗೀಶ್ ಶೆಟ್ಟಿ ಜೆಪ್ಪು ಪಂಡೆರ್.

ಕುಡ್ಲಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್, ಕಾಲಿ ಒಂಜಿ ತುಳು ಸಾಹಿತ್ಯ ಅಕಾಡೆಮಿನ್ ಕೊರ್ದು ಉಂದೆನೇ ಮಲ್ಲ ಕೊಡುಗೆ ಪಂಡ್‌ದ್ ಪನ್ಪಿನ ರಾಜ್ಯ ಸರ್ಕಾರ ಬೊಡ್ಚಾಂದಿನೆಕ್ಕ್ ಕೋಟಿ ಕೋಟಿ ಕರ್ಚಿ ಮಲ್ಪುನಗ ತುಳು ಕಲ್ಪಾವುನ ಶಿಕ್ಷಕೆರೆಗ್ ತಿಂಗೊಲುಗು 3 ಸಾರ ಕಾಸ್‌ನ್‌ಲ ಕೊರಿಯರೆ ಸಾಧ್ಯ ಆಯಿಜಿ. ಉಂದೆನ್ ತೂನಗ ಮೊಕ್ಲೆಗ್ ತುಳುತ್ತ ಬಗೆಟ್ ಇಪ್ಪುನ ಕಾಳಜಿ ಏತ್ ಉಂಡು ಪಂದ್ ನಮ ತೆರಿಯೊನೊಲಿ.

ಮಸ್ತ್ ಸಮಯರ್ದ್ ಬೇಡಿಕೆನ್ ದೀವೊಂದು ಬತ್ತಿನ ವಿಷಯ ಪಂಡ ತುಳು ಭಾಷೆನ್ ರಾಜ್ಯದ ಅಧಿಕೃತ ಭಾಷೆಯಾದ್ ಘೋಷಣೆ ಮಲ್ಪುನವು, ತುಳು ಭಾಷೆನ್ 8ನೇ ಪರಿಚ್ಛೇದಗ್ ಸೇರ್ಸಾವುನವು, ಕುಡ್ಲಡ್ ಸರಕಾರಿ ವೈದ್ಯಕೀಯ ಕಾಲೇಜು, ತುಳುನಾಡ ಅಭಿವೃದ್ದಿ ಪ್ರಾಧಿಕಾರ, ಕಚೇರಿ, ಕೋರ್ಟುಲೆಡ್ ತುಳು ಭಾಷೆಗ್ ಮಾನ್ಯತೆ, ತುಳುನಾಡ್‌ಗ್ ಪ್ರತ್ಯೇಕ ಹೈಕೋರ್ಟು ಪೀಠ ಸ್ಥಾಪನೆ, ತುಳುನಾಡ್‌ದ ಜನಪದ ಕಲಾವಿದೆರೆಗ್ ಮಾಸಾಶನ, ತುಳುನಾಡ್‌ಡ್ ಜಾತಿ ಮತ ಭಾಷಾ ಸಾಮರಸ್ಯಗ್ ಒತ್ತು ಕೊರ್ಪುನವು, ತುಳುನಾಡು ಕೃಷಿ ಅಭಿವೃದ್ಧಿ ಮಂಡಳಿ, ತುಳುನಾಡ್‌ದ ಜಾಗೆದ ಪುದರ್ ಕುಡ ಪರಿಶೀಲನೆ, ತುಳುನಾಡ್‌ದ ದೈವಾರಾಧನೆದ ಬಗೆಟ್ ಜಾನಪದ ವಿಶ್ವವಿದ್ಯಾಲಯ, ತುಳುನಾಡ್ ದ ಕಲರಿ ಸಮರಕಲೆ ಪುನಶ್ಚೇತನಗ್ ಪ್ರತ್ಯೇಕ ಅಭಿವೃದ್ಧಿ ನಿಗಮ, ತುಳುನಾಡ್‌ಡ್ ಇಪ್ಪುನ 14 ಬುಡಕಟ್ಟು ಜನಾಂಗದಕ್ಲೆಗ್ ಪ್ರತ್ಯೇಕ ನಿಗಮ, ತುಳುನಾಡ್‌ದ ಕರಕುಶಲ ಕಾರ್ಮಿಕೆರ್‍ನ ಅಭಿವೃದ್ಧಿ ನಿಗಮ, ತುಳುನಾಡ್‌ಗ್ ಪ್ರತ್ಯೇಕವಾಯಿನ ಪ್ರವಾಸೋದ್ಯಮ ನಿಗಮ, ರೇಷನ್ ಅಂಗಡಿಲೆಡ್ ಉರ್ಪೆಲ್ ಅರಿ ವಿತರಣೆ, ತುಳುನಾಡ್‌ದ ಬೆನ್ನಿ ಬೆನ್ಪುನಕ್ಲೆಗ್ ವಿದರ್ಭ ಪ್ಯಾಕೇಜ್ ಮಾದರಿ ಪ್ಯಾಕೇಜ್, ಎತ್ತಿನಹೊಳೆ ನೇತ್ರಾವತಿ ತುದೆನ್ ತಿರ್ಗಾವುನೆನ್ ಕೈ ಬುಡ್ಪುನವು ಇಂಚಿತ್ತಿನ ಬೇಡಿಕೆನ್ ಮಸ್ತ್ ದಶಕರ್ದ್ ಕೇನೊಂದು ಬೈದೆರ್.

ಆಂಡ ಮಾತ ರಾಜ್ಯಗ್ ಪಕ್ಷಲು ಸುರುಕ್ಕಾದ್ ಕೇರಳ ಬೊಕ್ಕ ಕರ್ನಾಟಕಗ್ ತುಳುನಾಡ್‌ನ್ ಬುಡ್ದ್ ಕೊರ್ದಿತ್ತ್‌ದ್ ಅಯಿರ್ದ್ ಬೊಕ್ಕ ಜಾತಿ ಧರ್ಮದ ಪುದರ್‌ಡ್ ತುಳುನಾಡ್‌ನ್ ವಿಭಜನೆ ಮಲ್ತ್‌ದಿತ್ತ್‌ದ್, ನೇತ್ರಾವತಿ ನೀರ್‌ನ್ ಪಟ್ಟೊಂದು ವಿಭಜನೆ ಮಲ್ತ್‌ದಿತ್ತಿನವು ಮಾತ್ರ ತಳುವೆರೆಗ್ ರಾಜಕೀಯ ಪಕ್ಷಲು ಕೊರ್ತಿನ ಕೊಡುಗೆ. ಉಂದುವೇ ರೀತಿಡ್ ದುಂಬು ಪೋಂಡ ತುಳುವೆರ್ ಮಾತೆರ್ಲಾ ಒಟ್ಟು ಸೇರ್ದ್ ಪತ್ಯೇಕ ಪಕ್ಷನ್ ಮಲ್ಪುವ. ಇದ ಮುಟ್ಟ ಒಂಜಿ ರಡ್ಡ್ ಅಭ್ಯರ್ಥಿಲು ತುಳು ಪರವಾದ್ ಪಾತೆರ್ದೆರ್ ಬುಂಡ ಪವ್ವೇ ರಾಜಕೀಯ ಪಕ್ಷಲು ತನ್ನ ಚುನಾವಣಾ ಪ್ರಣಾಳಿಕೆಡ್ ತುಳುವೆರ್‍ನ ಸ್ಥಾನಮಾನದ ಬಗೆಟ್ ಪಾತೆರ್ದ್‌ಜೆರ್ ಪಂದ್ ಪಂಡೆರ್.

ಪತ್ರಿಕಾಗೋಷ್ಠಿಡ್ ಸಮಾಜ ಸೇವಕೆರ್ ಅಂಚನೆ ಧರ್ಮದರ್ಶಿ ಹರಿಕೃಷ್ಣ ಪುನರೂರು, ತುಳು ವರ್ಲ್ಡ್ ಅಧ್ಯಕ್ಷೆರ್. ಡಾ ರಾಜೇಶ್ ಆಳ್ವ ಬದಿಯಡ್ಕ, ತುಳುಪರ ಪೊರ್ಂಬಾಟಗಾರೆರ್ ರೋಶನ್ ರೊನಾಲ್ಡ್ ಸೇರಿನಂಚ ಮಸ್ತ್ ಜನ ಇತ್ತೆರ್.

ಮೊಬೈಲ್ ದಕದ ಡ್ ಪೋಂಡ ನನ ಚಿಂತೆ ಮಲ್ಪುನ ಅಗತ್ಯ ಇಜ್ಜಿ ಕುಡ್ಲ ಪೊಲೀಸೆರ್‍ನ ವಾಟ್ಸಾಪ್ ನಂಬರ್‌ಗ್ ಮೆಸೇಜ್ ಮಲ್ತ್ಂಡ ಆಂಡ್

ಕುಡ್ಲ: ಕೈ ತತ್ತ್ ಪೋಯಿನ ಮೊಬೈಲ್‌ನ್ ನಾಡ್ದ್ ಪತ್ತರೆ ಜನಸಾಮಾನ್ಯೆರೆಗ್ ಸಕಾಯ ಮಲ್ಪರೆ ಕುಡ್ಲ ಪೊಲೀಸೆರ್ ವಿಶೇಷ ಸಹಾಯವಾಣಿ ಸುರು ಮಲ್ತ್‌ದೆರ್.

ಇತ್ತೆ ಮೊಬೈಲ್ ಕಳೆಯೊಂಡ CEIR ಪೋರ್ಟಲ್ ಮುಕೇನ ಸುಲಭವಾದ್ ಪತ್ತೆ ಮಲ್ಪೊಲಿ. 200 ದೆರ್ದ್ ಮಸ್ತ್ ಮೊಬೈಲ್ ಫೋನ್‌ಲೆನ್ CEIR ಪೋರ್ಟಲ್ ಮುಕೇನ ಪತ್ತೆ ಮಲ್ತ್‌ದೆರ್.

ಉಂದೆನ್ ನನಾತ್ ಪರಿಣಾಮಕಾರಿಯಾದ್ ಗಲಸೊನ್ಯರೆ, ಜನಕ್ಲೆಗ್ ಸಹಾಯಗಾದ್ ವಾಟ್ಸಾಪ್ ನಂಬರ್ ಸೇವೆ ಕುಡ್ಲಡ್ ಸುರು ಮಲ್ತ್‌ದಿತ್ತ್‌ದ್ ಮೊಬೈಲ್ ಕಳೆಯೊಂಡಿನಕುಲು ಪೋರ್ಟಲ್‌ಡ್ ನೇರವಾದ್ ಮಾಹಿತಿ ಕೊರೊಲಿ.

ಮೊಬೈಲ್ ಕಳೆಯೊಂಡ 8277949183 ವಾಟ್ಸಾಪ್ ನಂಬರ್‌ಗ್ Hi ಮೆಸೇಜ್ ಮಲ್ತ್ಂಡ ಪೊಲೀಸ್‌ನಕುಲ್ ಲಿಂಕ್ ಕಡಪಾಡ್ ವಾ ರೀತಿಡ್ ಮಾಹಿತಿ ಅಪ್‌ಲೋಡ್ ಮಲ್ಪೊಡು ಪಂದ್ ತೆರಿಪಾವೆರ್. ಮೊಬೈಲ್ ಕಳೆಯೊಂಡಿನಕುಲು ಮೊಬೈಲ್‌ದ IMEI ಸಂಖ್ಯೆ ಅಗತ್ಯವಾದ್ ಪಾಡೊಡು.

Person arrested after 17 years on charges of theft and murder of a woman ಇಲ್ಲ್ ಪೊಗ್ಗುದು ಬಂಗಾರ್‌ ಕಂಡಿನ ಬೊಕ್ಕ ಪೊಂಜೊವುನು ಕೆರ್ತಿನ ಆರೋಪಿ 17 ವರ್ಷರ್ದ್ ಬೊಕ್ಕ ಅರೆಸ್ಟ್

ಕುಡ್ಲ: ಇಲ್ಲ್ ಪೊಗ್ಗುದು ಬಂಗಾರ್‌ ಕಂಡಿನ ಅಂಚೆನೆ ಪೊಂಜೊವುನು ಕೆರ್ತಿನ ಕೇಸ್‌ಗ್ ಸಂಬಂಧಿಸಾದ್ ಸಿಸಿಬಿ ಪೊಲೀಸೆರ್ ಆರೋಪಿನ್ ಕಮ್ಮಿಡ್ಲ 17 ವರ್ಷೊರ್ದು ಬೊಕ್ಕ ಅರೆಸ್ಟ್ ಮಲ್ತ್‌ದೆರ್.

ಮೈಸೂರ್‌ದ ಸಿದ್ದರಾಜು ಅಲಿಯಾಸ್ ರೌಡಿ ಸಿದ್ದ (52) ಅರೆಸ್ಟ್ ಆಯಿನ ಆರೋಪಿ.

ಎಪ್ರಿಲ್ 17 ಕ್ಕ್ ಸೋಮಾರ ಪತ್ರಿಕಾಗೋಷ್ಠಿಡ್ ಪೊಲೀಸ್ ಕಮಿಷನರ್ ಕುಲದೀಪ್ ಜೈನ್ ಪಾತೆರ್ದ್, ಆರೋಪಿನ ಮಿತ್ತ್ ಕಾವೂರು, ಮಣಿಪಾಲ, ಕಾರ್ಲ, ಶಿವಮೊಗ್ಗ, ಹಾಸನ, ಮೈಸೂರ್, ಮಂಡ್ಯ ಬೊಕ್ಕ ಚಿಕ್ಕಮಗಳೂರು ಠಾಣೆಡ್ 30 ರ್ದ್‌ಲ ಎಚ್ಚದ ಕೇಸ್ ದಾಖಲ್ ಆತ್ಂಡ್. 15,00,000 ಬಿಲೆತ್ತ 270 ಗ್ರಾಂ ಬಂಗಾರ್, ರಡ್ಡ್ ಚಕ್ರದ ಗಾಡಿ ಬೊಕ್ಕ ರಡ್ಡ್ ಮೊಬೈಲ್ ಫೋನ್‌ಲೆನ್ ಪೊಲೀಸೆರ್ ವಶಕ್ಕ್ ಪಡೆಯೊಂದೆರ್. ವಿಚಾರಣೆ ಮಲ್ಪುನ ಪೊರ್ತುಡು ಸಿದ್ದರಾಜು ತನ್ನ ಸಹಾಯಕೆ ಹಾಸನ ಮೂಲದ ಪುನೀತ್ ಪನ್ಪಿನಾಯನ ಸಕಾಯರ್ದ್ ಕಂಡೊಂದಿತ್ತೆ ಪಂದ್ ಗೊತ್ತಾತ್ಂಡ್.

2005 ಟ್ಟ್ ಆರೋಪಿ ಗಂಗಮ್ಮನ್ ಕೆರ್ದಿತ್ತೆ. ಆನಿ ಆಯನ್ ರೌಡಿ ಸಿದ್ದು ಪಂದ್ ಗುರ್ತಿಸಾದಿತ್ತೆರ್. 2006 ಟ್ಟ್ ಪೊಲೀಸೆರೆರ್ದ್ ತಪ್ಪಾದ್ ಪೋದಿತ್ತೆ. ಅಯಿರ್ದ್ ಬೊಕ್ಕ ಆಯನ ಮಿತ್ತ್ ವಾರೆಂಟ್ ಪಾಡ್ದಿತ್ತೆರ್ ಪಂದ್ ಪೊಲೀಸ್ ಕಮಿಷನರ್ ಪಂಡೆರ್.

ಪೊಲೀಸ್ ಕಮಿಷನರ್, ಸಿಸಿಬಿ ಎಸಿಪಿ ಪಿಎ ಹೆಗ್ಡೆ, ಇನ್ಸ್‌ಪೆಕ್ಟರ್ ಶ್ಯಾಮ್ ಸುಂದರ್ ಎಚ್‌ಎಂ, ಪಿಎಸ್‌ಐ ಸುದೀಪ್ ಎಂವಿ, ಎಎಸ್‌ಐ ಶಶಿಧರ್ ಶೆಟ್ಟಿ ಅರೆನ ಮುತಾಲಿಕೆಡ್ ಆರೋಪಿನ್ ಏ.16 ಕ್ಕ್ ಐತಾರ ಅರೆಸ್ಟ್ ಮಲ್ತ್‌ದೆರ್.

Person arrested after 17 years on charges of theft and murder of a woman

Manglore: The CCB police have arrested Sidda Raju alies Rowdy Siddu (52) on charges of theft and killing a woman after 17 years of the incident.

The Commissioner of police of Mangalore Kuldeep Jain spoke at a press conference and briefed about the matter and said that more than 30 cases were registered against him and cash , gold, mobile phone and a two wheeler were confiscated by the police . The accused had named one Puneet from Hassan who helped him in robbing the people.

He had entered the house of one Ganga Amma in 2005 robbed her jewellery and killed her. He had escaped from the police in 2006. A warrent had been issued against him.