ತುಳು ಸುದ್ದಿ

ಇರುವೈಲು ಶಾಲೆದ ಪೊಸ ಕಟ್ಟಡದ ಶಿಲಾನ್ಯಾಸ ಬೊಕ್ಕ ಸಭಾ ಲೇಸ್

ಇರುವೈಲು ಶಾಲೆದ ಪೊಸ ಕಟ್ಟಡದ ಶಿಲಾನ್ಯಾಸ ಬೊಕ್ಕ ಸಭಾ ಲೇಸ್

ಬೆದ್ರ : ಸ. ಹಿ. ಪ್ರಾ ಶಾಲೆ ಇರುವೈಲ್ ಡ್ ನಡತಿನ ಪೊಸ ಕಟ್ಟಡದ ಶಿಲಾನ್ಯಾಸ, ಬೊಕ್ಕ ಸಭಾ ಲೇಸ್ ನ್ ಉದಿಪನ ಮಲ್ತ್ , ವಿಜ್ಞಾನ ಪತ್ರನ್ ಶಾಸಕ ಉಮಾನಾಥ್ ಕೋಟ್ಯಾನ್ ಬುಡುಗಡೆ ಮಲ್ತೆರ್ .ಐರ್ದ್ ಬೊಕ್ಕ ಪಾತೆರಿನ ಆರ್ ಒಂಜಿ ಕಾಲಘಟ್ಟಡ್ ಮಾತಾ ಕನ್ನಡ ಶಾಲೆ ಮುಚ್ಚಿದ್ ಪೊಪುಂಡ ಪನ್ಪಿ ಪೋಡಿಗೆ ಉಂಡು ಅಂಡ ಇತ್ತೆ ಪ್ರತಿಯೊಂಜಿ ಶಾಲೆಲಾ ಅಭಿವೃದ್ಧಿ ಆವೊಂದು ಉಂಡು ಕನ್ನಡ ಮಾಧ್ಯಮ ಶಾಲೆಡ್ ಜೋಕ್ಲೆನ ಸಂಖ್ಯೆ ಜಾಸ್ತಿ ಆತುಂಡು ಪಂದ್ ಪಂಡೆರ್.

ಪೊಸ ಕಟ್ಟಡ ನಿರ್ಮಾಣಗ್ , ತನ್ನೆರ್ದ್ ಆಪಿನಾತ್ ಶಾಲಾ ಕಟ್ಟಡ ನಿರ್ಮಾಣಗ್ ಸಹಕಾರ ಕೊರ್ಪೆ ಪಂದ್ ಭರವಸೆ ಕೊರಿಯೆರ್ .

ಈ ಪೊರ್ತುಡು ಶಿಕ್ಷಣ ಇಲಾಖೆಯ ಜಂಟಿ ನಿರ್ದೇಶಕ ಸಿಪ್ರಿಯನ್ ಮೊಂಟೆರೊ, ಎಸ್.ಡಿ.ಸಿ.ಸಿ ಬ್ಯಾಂಕ್ ದ ನಿವೃತ್ತ ವ್ಯವಸ್ಥಾಪನಾ ನಿರ್ದೇಶಕ ರಘರಾಮ್ ರಾವ್, ಮೂಡುಬಿದಿರೆ ಕ್ಷೇತ್ರ ಶಿಕ್ಷಣಾಧಿಕಾರಿ ದೇವರಾಜ್, ಶಾಲಾ ಸಂಸ್ಥಾಪಕ ಕುಟುಂಬದ ಸದಸ್ಯೆ ಅನುರಾಧ ಭಟ್, ಶತಮಾನೋತ್ಸವ ಸಮಿತಿದ ಗೌರವಾಧ್ಯಕ್ಷ ಬೊಕ್ಕ ಕರ್ನಾಟಕ ಉಚ್ಚ ನ್ಯಾಯಾಲಯದ ನಿರ್ದೇಶಿತ ಪೆರಿಯ ನ್ಯಾಯವಾದಿ ಐ ತಾರಾನಾಥ್ ಪೂಜಾರಿ, ಶಾಲಾ ಶತಮಾನೋತ್ಸವ ಸಮಿತಿದ ಗೌರವಾಧ್ಯಕ್ಷ ಬೊಕ್ಕ ಹೈಕಮಾಂಡ್ ವಕೀಲ ಐ ಚಂದ್ರಹಾಸ ಶೆಟ್ಟಿ, ನನೊಂಜಿ ಶಾಲಾ ಶತಮಾನೋತ್ಸವ ಗೌರವಾಧ್ಯಕ್ಷ ದಿವಾಕರ ಪ್ರಭು, ಶ್ರೀ ಕ್ಷೇತ್ರ ಇರುವೈಲ್ ದೇವಲ್ಯದ
ವ್ಯವಸ್ಥಾಪನ ಸಮಿತಿ ಗುರ್ಕಾರ್ಲಾಯಿನ ಐ. ಕುಮಾರ್ ಶೆಟ್ಟಿ, ಗ್ರಾ. ಪಂ ಗುರ್ಕಾರ್ಲಾಯಿನ ವಲೇರಿಯನ್ ಕುಟಿನ್ಹಾ, ಮಾಜಿ ತಾಲೂಕು ಪಂಚಾಯತ್ ಸದಸ್ಯ ರುಕ್ಕಯ್ಯ ಪೂಜಾರಿ ಅಳಿಯೂರು, ಉದ್ಯಮಿಲಾಯಿನ ಸತೀಶ್ಚಂದ್ರ ಸಾಲ್ಯಾನ್ ಪಾಣಿಲ, ಭುಜಂಗ ಆ‌ ಶೆಟ್ಟಿ ದೊಡ್ಡಗುತ್ತು, ಬಾರ್ದಿಲ ರೆಹಮಾನ್ ಮಸೀದಿ ಗುರ್ಕಾರ್ಲಾಯಿನ ಪಿ. ಎಂ ಆಲಿ, ಸದಾನಂದ ಹೆಗಡೆ ಸುಗ್ಗೋಣಿ, ಬ್ರಹ್ಮಶ್ರೀ ನಾರಾಯಣ ಗುರು ಸಂಘದ ಗುರ್ಕಾರ್ಲಾಯಿನ ಕುಮಾರ್ ಪೂಜಾರಿ, ಹಳೆ ವಿದ್ಯಾರ್ಥಿ ಸಂಘದ ಗುರ್ಕಾರ್ಲಾಯಿನ ನಾರಾಯಣ ದೇವಾಡಿಗ, ಶಾಲಾಭಿವೃದ್ಧಿ ಸಮಿತಿ ಗುರ್ಕಾರ್ಲಾಯಿನ ಶೇಖರ್ ಪೂಜಾರಿ, ಶಾಲಾ ಮುಖ್ಯೋಪಾಧ್ಯಾಯಿನಿ ಕುಶಲ ಬೊಕ್ಕ ಜೋಕುಲು , , ಶಿಕ್ಷಕ ವೃಂದ ಸೇರಿನoಚ ಮಸ್ತ್ ಜನ ಪಾಲ್ ಪಡೆದಿತ್ತೆರ್ .

ಶಾಲಾ ಶತಮಾನೋತ್ಸವ ಸಮಿತಿದ ಗುರ್ಕಾರ್ಲು ಬೊಕ್ಕ ಮೆಸ್ಕಾಂದ ಸಹಾಯಕ ಕಾರ್ಯನಿರ್ವಾಹಕ ಇಂಜಿನಿಯರ್ ಮೋಹನ್ ಟಿ ಎದುಕೊಂಡೆರ್ , ಆರ್. ಜೆ ಪ್ರಸನ್ನ ಲೇಸ್ ನಡಪಾದ್ ಕೊರಿಯೆರ್ ಸತೀಶ್ ತಂಗಿಲ ಸೊಲ್ಮೆ ಸಂದೈತ ಮಲ್ತೆರ್ .

ಕಾರ್ಲ : ಮೂಜೂರು ಗ್ರಾಮದ ಬಿ. ಎಂ. ಹಿ. ಪ್ರಾ. ಶಾಲೆಡ್ ಜೋಕ್ಲೆಗ್ ಬೂಕು ಪಟ್ಟುನ ಲೇಸ್

ಕಾರ್ಲ : ಮೂಜೂರು ಗ್ರಾಮದ ಬಿ. ಎಂ. ಹಿ. ಪ್ರಾ. ಶಾಲೆಡ್ ಜೋಕ್ಲೆಗ್ ಬೂಕು ಪಟ್ಟುನ ಲೇಸ್

ಕಾರ್ಲ : ಮೂಜೂರು ಗ್ರಾಮದ ಬಿ. ಎಂ. ಹಿ. ಪ್ರಾ. ಶಾಲೆ ಉಂದು ಶಾಲೆಗ್ 125 ವರ್ಸೊದ ಇತಿಹಾಸ ಉಂಡು, ಅಂಚ ಈ ಶಾಲೆಡ್ ಅವ್ ಏತೋ ಕಲ್ಪಾರ್ತಿಲು ಕಲ್ತುದು ಮಲ್ಲ ಮಟ್ಟ್’ದ ಬೇಲೆ ಮಲ್ತೊಂದು ಇಪ್ಪುನ ವಿಷಯ ನಮ್ಮ ಕಣ್ಣೆದುರು ಉಂಡು…. ಈ ಒಂಜಿ ಅಭಿವೃದ್ಧಿದ ಸಾದಿಡ್ ನಡೆತ್ತೊಂದು ಉಂದು ರಾಜ್ಯ ರಸ್ತೆದ ಬರಿಟ್ ತರೆ ದೆರ್ತ್ ಉಂತುದುಂಡು ಈ ಶಾಲೆ ಇನಿ-ಎಲ್ಲೆ ಬೂರುನ ಸ್ಥಿತಿಟ್ ಇತ್ತಿನೈನ್ ಇನಿಕ್ ಬಾರಿ ಪೊರ್ಲುದ ಶಾಲೆ ಪಂದ್ ಬದಲ್ ಮಲ್ತುದು ನನಲಾತ್ ಹೆಚ್ಚ ಕಲ್ಪಾರ್ತಿಲೆಗ್ ಕಲ್ಪೊಡು ಪಂದ್ ಸಂಕಲ್ಪ ಮಲ್ತುದೆರ್ ಊರುದ-ಪರ ಊರುದ ಅಂಚೆನೆ ಶಾಲೆದ ಪರ ಕಲ್ಪಾರ್ತಿಲೆನ ಕನ…

ಅಂಚೆನೆ ಇತ್ತೆದ ಶಾಲೆದ ಗುರಿಕಾರ್ಲು ಆದ್ ಶ್ರೀಯುತ ಚೇತನ್ ಕುಮಾರ್ ಶೆಟ್ಟಿ ಮೆರ್ನ ಮುತಾಲಿಕೆಡ್ ಅಶೋಕ್ ನಾಯಕ್ ಮೆರ್ನ ಮಾರ್ಗದರ್ಶನೊಡು ಅಂಚೆನೆ ಸಿರಿಯಣ್ಣ ಶೆಟ್ರು, ಬಾಬಣ್ಣ ವಾಗ್ಳೆ, ಕಡಂಬಗುತ್ತು ಸುಲೋಚನಾ ಸುಂದರಿ ಕಡಂಬತಿ, ಪರೋಳಿ ಸದಾಶಿವ ಗುಲಾಬಿ ಶೆಟ್ಟಿ, ನಿವೃತ್ತ ಮುಖ್ಯ ಗುರುಕುಲು ಆಯಿನ ಎಂ. ರತ್ನಾಕರ್ ರಾವ್, ಅಂಚೆನೆ ಅಪಗದ ಶಾಲಾಭಿವೃದ್ಧಿ ಸಮಿತಿದ ಗುರ್ಕಾರ್ಲು ಆಯಿನ ಕೆ.ಪಿ.ಉದಯ ಕುಮಾರ್, ಸರ್ವ ಸದಸ್ಯೆರ್, ಪರ ಕಲ್ಪಾರ್ತಿಲೆನ ಸಂಘದ ಅಧ್ಯಕ್ಷೆರ್ ಉಪೇಂದ್ರ ನಾಯಕ್ ಬೊಕ್ಕ ಕಾರ್ಯದರ್ಶಿ ಕೆ.ಪಿ.ಪದ್ಮಾವತಿ ಬೊಕ್ಕ ಕಲ್ಪಾರ್ತಿಲೆನ ಪಾಲಕೆರ್ನ ವಿಶೇಷ ಮುತುವರ್ಜಿಡ್ ಬಾರಿ ಅಂಚೆನೆ ಶಾಲಾಭಿವೃದ್ಧಿ ಸಮಿತಿದ ಶ್ರೀಯುತ ಮಹಾವೀರ ಕಟ್ಟಡ, ಕಲ್ಪಾರ್ತಿಲೆನ ಪಾಲಕೆರ್, ಎಂ.ಎಂ.ಸಿ ಕ್ರಿಕೆಟರ್ಸ್, ಊರು ಪರ ಊರುದ ದಾನಿಲೆನ ಬೆರಿಸಾಯೊಡು ಅತೀ ಮುಖ್ಯವಾದ್ ಶಾಲೆಗ್ ನೀರ್’ದ ಸಮಸ್ಯೆ ನಿವಾರಣೆ ಆಂಡ್… ಅಂಚೆನೆ ಪ್ರತಿವರ್ಷ ಶಾಲೆದ ಕಲ್ಪಾರ್ತಿಲೆಗ್ ಐ.ಡಿ ಕಾರ್ಡ್ ಗ್ ಕಡಂಬಗುತ್ತು ಸುಲೋಚನಾ ಸುಂದರಿ ಕಂಡಬತಿ ಮೆರ್ನ ಸಹಕಾರ, ಶಾಲೆಡ್ ಶಿಸ್ತ್ ಬೊಕ್ಕ ಕಲಿಕೆಗ್ ವಿಶೇಷ ಮುತುವರ್ಜಿಗ್ ಗಮನ ಕೊರ್ನ್ಯ ಶಾಲೆದ ಮುಖ್ಯ ಗುರುಕುಲು ಆಶಾ ಕ್ಲೇರಾ ವಾಜ್, ಅಂಚೆನೆ ಶಾಲೆದ ಕಲ್ಪಾರ್ತಿಲೆಡ ಗೊಬ್ಬುಲೆನ್ ಕಲ್ಪಾದ್ ತಾಲೂಕು ಮಟ್ಟೊಡು, ಜಿಲ್ಲಾ ಮಟ್ಟೊಡು ಅಂಚೆನೆ ರಾಜ್ಯ ಮಟ್ಟೊಡು ಪುದರ್ ಕನತಿನ ಕೀರ್ತಿ ಶ್ರೀಯುತ ಅಣ್ಣಪ್ಪ ಮಾಸ್ಟೆರೆಗ್ ಸಂದುಂಡು… ಈ ಶಾಲೆಡ್ ಕೋಡೆದ ದಿನ ಒಟ್ಟು 179 ಕಲ್ಪಾರ್ತಿಲೆಗ್
ಊರುದ ಪರ ಊರುದ ದಾನಿಲು ಕೊರ್ನ್ಯ ಬೂಕು ಅಂಚೆನೆ ಸರಕಾರದ ಪಠ್ಯ ಬೂಕು ವಿತರಣೆ ಕಾರ್ಯಕ್ರಮ ಕೋಡೆ 03.06.2022 ನಮ್ಮ ಶಾಲೆಡ್ ನಡೆತ್ತುಂಡ್. ಸುಮಾರು 33,000/- ದ ಬೂಕುಲೆನ್ ಕೊರ್ನ್ಯ ನಮ್ಮ ಊರುದ ದಾನಿಲಾಯಿನ ಶ್ರೀ ಸಿರಿಯಣ್ಣ ಶೆಟ್ಟಿ, ಶ್ರೀ ಅಶೋಕ್ ನಾಯಕ್ ಬೊಕ್ಕ ಶ್ರೀ ಚೇತನ್ ಕುಮಾರ್ ಶೆಟ್ಟಿ ಅಂಚೆನೆ ಪ್ರತಿ ತರಗತಿಲೆಗ್ English Dictionary ನ್ ಕೊರ್ನ್ಯ ಶಾಲೆದ ಹಳೆ ವಿದ್ಯಾರ್ಥಿ ಸಂಘದ ಕಾರ್ಯದರ್ಶಿ ಆದಿಪ್ಪುನ ಶ್ರೀಮತಿ ಕೆ ಪಿ ಪದ್ಮಾವತಿ ಮೊಕ್ಲೆಗ್ ಮಾತೆರೆಗ್ಲಾ ಶಾಲಾ ಪರವಾದ್ ಅಂಚೆನೆ ಮಾತ ಕಲ್ಪಾರ್ತಿಲೆನ ಪರವಾದ್ ಉಡಲ್ದಿಂಜಿನ ಮೋಕೆದ ಸೊಲ್ಮೆಲು.