ತುಳು ಸುದ್ದಿ

ಬೆಂಗ್ಳೂರುಡು ಕುಡ ನೈಟ್, ವೀಕೆಂಡ್ ಕರ್ಫ್ಯೂ ಜಾರಿ ಆಪಿನ ಸಾಧ್ಯತೆ

ಬೆಂಗ್ಳೂರು: ರಾಜ್ಯ ರಾಜಧಾನಿ ಬೆಂಗ್ಳೂರುಡು ಕೊರೊನಾ ಪ್ರಕರಣದ ಸಂಖ್ಯೆ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ಕುಡ ನೈಟ್​ ಕರ್ಫ್ಯೂ, ವೀಕೆಂಡ್​ ಕರ್ಫ್ಯೂ ಜಾರಿಯಾಪಿನ ಸಾಧ್ಯತೆ ಉಂಡು . ಕೆಲ ದಿನತ ಪಿರವು ಕೊರೊನಾ ನಿಯಮಾವಳಿನ್ ಬುರ್ದು ಸುಸೂತ್ರ ಓಡಾಟಗ್ ಅನುವು ಮಲ್ತುಂಡಲ ಈಗ ದಿನೇ ದಿನೇ ಸೋಂಕಿತೆರ್ನ ಪ್ರಮಾಣ ಜಾಸ್ತಿ ಆವೊಂದು ಉಪ್ಪುನೆರ್ದಾವರ ಮೂಜನೇ ಅಲೆ ಭೀತಿ ಶುರುವಾತುಂಡು .

ವಿವಿ ಸಂಧ್ಯಾ ಕಾಲೇಜು : ಬೀಳ್ಕೊಡುಗೆ ಲೇಸ್

ಕುಡ್ಲ, ಆಗಸ್ಟ್ 1: ವಿಶ್ವವಿದ್ಯಾನಿಲಯ ಸಂಧ್ಯಾಕಾಲೇಜ್ ಡ್ ಬೇಲೆ ಮಲ್ತೊಂದು ಉಪ್ಪುನ ಜವಾನ ನಾಗೇಶ್ ಮೆರ್ನ ಬೀಳ್ಕೊಡುಗೆ ಸಮಾರಂಭ ಕಾಲೇಜ್ ದ ಶಿವರಾಮ ಕಾರಂತ ಸಭಾಂಗಣಡ್ ನಡತುಂಡು.

ಈ ಪೊರ್ತುಡು ನಾಗೇಶ್ ದಂಪತಿಗ್ ಮಾನದಿಗೆ ಮಲ್ತೆರ್. ಲೇಸ್ ಡ್ ಎಂಬಿಎ-ಎಂಕಾಂನ ಸಂಯೋಜಕ ಡಾ.ಜಗದೀಶ್ ಬಿ., ತುಳು ಸ್ನಾತಕೋತ್ತರ ವಿಭಾಗದ ಸಂಯೋಜಕ ಡಾ. ಮಾಧವ ಎಂ.ಕೆ., ಕೊಂಕಣಿ ಸ್ನಾತಕೋತ್ತರ ವಿಭಾಗದ ಸಂಯೋಜಕ, ಡಾ. ದೇವದಾಸ್ ಪೈ ಅವರ ಸೇವಾ ಮನೋಭಾವನೆನ್ ಪುಗಾರ್ಯೆರ್ .

ಸಮಾಜಸೇವಕೆ ಗಿರೀಶ್ ಮೆಂಡನ್ ರೆಗ್ ಹೊಸ ಅಂಗಣದ ಮಾನಾದಿಗೆ

ಮುಲ್ಕಿ : ಸಮಾಜ ಸೇವಕೆರ್, ಧಾರ್ಮಿಕ ಕ್ಷೇತ್ರೊಡು ಪುದರ್ ಪಡೆಯಿನ ಗಿರೀಶ್ ಮೆಂಡನ್ ಮೆರೆಗ್ ಹೊಸ ಅಂಗಣ ಪತ್ರಿಕೆದ ತಿಂಗಳ ಬೆಳಕು ಕಾರ್ಯಕ್ರಮೊಡು ಮಾನಾದಿಗೆ ನಡತ್ಂಡ್.
ಮುಲ್ಕಿ ಸ್ವಾಗತ ಹೋಟೆಲ್ ದ ಸಭಾಂಗಣೊಡು ಧರ್ಮದರ್ಶಿ ಹರಿಕೃಷ್ಣ ಪುನರೂರು ಮೆರೆನ ಗುರ್ಕಾರ್ಮೆಡ್ ಐತಾರ ಕಾಂಡೆ ಹೊಸ ಅಂಗಣ ಪತ್ರಿಕೆದ 72 ನೇ ಸಂಚಿಕೆ ಬುಡುಗಡೆದ ಲೇಸ್ ಡ್ ಈ ಮಾನಾದಿಗೆ ನಡತ್ಂಡ್.ಬಿನ್ನೆರಾದ್ ಮುಲ್ಕಿ ನಾಗರಿಕ ಸಮಿತಿದ ಅಧ್ಯಕ್ಷೆರ್ ಹರೀಶ್ ಪುತ್ರನ್, ಐಎಂಎ ದಕ ಜಿಲ್ಲಾದ್ಯಕ್ಷೆರ್ ಡಾ.ಅಚ್ಯುತ ಕುಡ್ವ, ಮುಲ್ಕಿ ರೋಟರಿ ಕ್ಲಬ್ ಅಧ್ಯಕ್ಷೆರ್ ಜಿ.ಶಿವರಾಮ್ ಅಮೀನ್ ಮಿತ್ತರ್ಮೆಡ್ ಇತ್ತೆರ್.
ಮುಲ್ಕಿ ರೋಟರಿ ಮಾಜಿ ಅಧ್ಯಕ್ಷೆರ್ ಅಶೋಕ್ ಕುಮಾರ್ ಶೆಟ್ಟಿ, ವಾಸು ಪೂಜಾರಿ ಚಿತ್ರಾಪು, ಅಬ್ದುಲ್ ರಜಾಕ್, ಪುರಂದರ, ರಾಘು ಸುವರ್ಣ ಇತ್ತೆರ್.

ಹೊಸ ಅಂಗಣ ಸಂಪಾದಕೆರ್ ಪಿ.ಹರಿಶ್ಚಂದ್ರ ಸಾಲ್ಯಾನ್ ಸ್ವಾಗತ ಮಲ್ತೆರ್. ಮುಲ್ಕಿ ರೋಟರಿ ಕಾರ್ಯದರ್ಶಿ ರವಿಚಂದ್ರ ಲೇಸ್ ಸುಧಾರಿಕೆ ಮಲ್ತೆರ್.ವಾಮನ ಕೋಟ್ಯಾನ್ ನಡಿಕುದ್ರು ಸೊಲ್ಮೆ ಸಂದಾಯೆರ್.

ಎನ್ಮ ಜಿಲ್ಲೆದ ಅಧಿಕಾರಿಲ್ನೊಟ್ಟುಗು ಸಿಎಂ ವಿಡಿಯೋ ಸಂವಾದ : ಕೋವಿಡ್ ಕ್ರಮತ ಬಗೆಟ್ ಪರಾಮರ್ಶೆ

ಬೆಂಗ್ಳೂರು: ರಾಜ್ಯಡ್ ಕೋವಿಡ್-19 ನಿಯಂತ್ರಣಗ್ ಸಂಬಂಧ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಕೋಡೆ ಗೃಹ ಕಚೇರಿ ಕೃಷ್ಣಾಡ್ ಎನ್ಮ ಜಿಲ್ಲೆದ ಉನ್ನತ ಅಧಿಕಾರಿಲ್ ನೊಟ್ಟುಗಿ ವಿಡಿಯೋ ಸಂವಾದ ನಡಪಾಯೆರ್ .

ಪ್ರಕರಣ ಜಾಸ್ತಿ ಆಯಿನ ಬೆಂಗಳೂರು ನಗರ, ಚಿಕ್ಕಮಗಳೂರು, ದಕ್ಷಿಣ ಕನ್ನಡ, ಕೊಡಗು, ಮೈಸೂರು, ಶಿವಮೊಗ್ಗ, ಒಡಿಪು ಬೊಕ್ಕ ಚಾಮರಾಜನಗರ ಜಿಲ್ಲೆದ ಜಿಲ್ಲಾಧಿಕಾರಿ, ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಬೊಕ್ಕ ಆರೋಗ್ಯ ಇಲಾಖೆ ಅಧಿಕಾರಿನೊಟ್ಟುಗು ಸಭೆ ನಡಪಾಯಿನ ಮುಖ್ಯಮಂತ್ರಿ, ಕೋವಿಡ್-19 ಪರಿಸ್ಥಿತಿ ಬಗ್ಗೆ ಪರಾಮರ್ಶೆ ನಡಪಾಯೆರ್ .

ಮುಲ್ಕಿ ನಗರ ಪಂಚಾಯ್ತಿಡ್ 86 ಲಕ್ಷ ರೂಪಾಯಿದ ಕ್ರಿಯಾ ಯೋಜನೆಗ್ ಅನುಮೋದನೆ

ಮುಲ್ಕಿ : ಮುಲ್ಕಿ ನಗರ ಪಂಚಾಯತಿದ ವ್ಯಾಪ್ತಿಡ್ 2021-22 ನೇ ವರ್ಷೊಗು 15 ನೇ ಹಣಕಾಸು ಯೋಜನೆದ 86 ಲಕ್ಷ ರೂ. ಅನುದಾನದ ಕ್ರಿಯಾ ಯೋಜನೆಗ್ ಒಪ್ಪಿಗೆ ತಿಕ್ ದ್ಂಡ್.
ಮುಲ್ಕಿ ನಗರ ಪಂಚಾಯ್ತಿ ಗುರ್ಕಾರ್ಲು ಸುಭಾಷ್ ಶೆಟ್ರೆನ ಗುರ್ಕಾರ್ಮೆಡ್ ಶನಿಯಾರ ನಡತಿನ ಸಾಮಾನ್ಯ ಸಭೆಟ್ಟ್ ಕ್ರಿಯಾ ಯೋಜನೆಗ್ ಅನುಮೋದನೆ ತಿಕ್ಂಡ್.

ಉಂದುವೇ ಪೊರ್ತುಡು ಕರಿನ ವರ್ಷದ 15 ನೇ ಹಣಕಾಸು ಅನುದಾನೊಡು ಒರಿನ ಅನುದಾನದ 15.18 ಲಕ್ಷ ರೂ. ದ ಕ್ರಿಯಾ ಯೋಜನೆಗ್ ಲ ಅನುಮೋದನೆ ಕೊರಿಯೆರ್.
ಪ್ರಧಾನ ಮಂತ್ರಿ ಆವಾಸ್ ಯೋಜನೆ ದ ಫಲಾನುಭವಿಲೆಗ್ ಆಜಿ ವರ್ಷ ಆಂಡಲಾ ಸಬ್ಸಿಡಿದ ದುಡ್ಡು ನನಲಾ ಬೈದಿಜಿ ಪಂಡ್ ದ್ ನಗರಸಭೆ ಸದಸ್ಯೆರಾಯಿನ ಯೋಗೀಶ್ ಕೋಟ್ಯಾನ್, ಇಂದಿರಾ ಪೂಜಾರಿ ಬೊಕ್ಕ ಪುತ್ತು ಬಾವ ಪಂಡೆರ್.
ಪೊಲೀಸ್ ಇಲಾಖೆದ ಪರವಾದ್ ಸುರೇಶ್ ಕುಂದರ್ , ನಗರ ಮೂಲಸೌಕರ್ಯ ಬೊಕ್ಕ ಹಣಕಾಸು ನಿಯಮಿತದ ರವಿಕುಮಾರ್ ಬತ್ತಿತ್ತೆರ್.
ನಗರ ಪಂಚಾಯ್ತಿ ಒತ್ತು ಗುರ್ಕಾರ್ಲು ಸತೀಶ್ ಅಂಚನ್, ಸ್ಥಾಯಿ ಸಮಿತಿದ ಗುರ್ಕಾರೆ ಶೈಲೇಶ್, ಮುಖ್ಯಾಧಿಕಾರಿ ಚಂದ್ರ ಪೂಜಾರಿ ಮೊಕುಲು ಸಭೆಟ್ಟ್ ಇತ್ತೆರ್.
ಸದಸ್ಯೆರಾಯಿನ ಪುತ್ತು ಬಾವ, ಯೋಗೀಶ್ ಕೋಟ್ಯಾನ್, ವಿಮಲಾ ಪೂಜಾರಿ, ಬಾಲಚಂದ್ರ ಕಾಮತ್, ದಯಾವತಿ ಅಂಚನ್, ರಾಧಿಕಾ ಯಾದವ ಕೋಟ್ಯಾನ್, ಸಂದೀಪ್ ಕುಮಾರ್, ಶಾಂತ ಕಿರೋಡಿಯನ್, ಲಕ್ಷ್ಮಿ, ವಹೀದಾ ಬಾನು, ದಾವೂದ್ ಹಕೀಂ, ಮಂಜುನಾಥ ಕಂಬಾರ ಮೊಕುಲು ಸಭೆಟ್ಟ್ ಪಾಲ್ ಪಡೆದಿತ್ತೆರ್.

ಕುಡ್ಲರ್ದ್ ಕಾಸ್ರೋಡುಗು ಬಸ್ ಸಂಚಾರ ಸ್ಥಗಿತ : ನಳಿನ್ ಕುಮಾರ್ ಕಟೀಲ್

ಕುಡ್ಲ , ಜು.31: ಕೈತಲ್ ದ ಕೇರಳಡ್ ಕೋವಿಡ್ ಸೋಂಕುದ ಪ್ರಕರಣ ಜಾಸ್ತಿ ಆಯಿನ ನೆಲೆಟ್ಟ್ ದ.ಕ. ಜಿಲ್ಲೆರ್ದ್ ಕಾಸರಗೋಡುಗು ಪೋಪಿನ ಸರಕಾರಿ ಬೊಕ್ಕ ಖಾಸಗಿ ಬಸ್‌ಲೆನ್ ಆ.1ರ್ದ್ ಒಂಜಿ ವಾರ ಬಸ್ ಇಜ್ಜಿ ಪಂದ್ ಸಂಸದ ನಳಿನ್ ಕುಮಾರ್ ಕಟೀಲು ಪಂಡೆರ್ .

ನಗರದ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣಡ್ ಶನಿವಾರ ಅಟ್ಟನೆ ಮಲ್ದಿನ ಕೋವಿಡ್-19 ಸೋಂಕು ನಿಯಂತ್ರಣಗ್ ಸಂಬಂಧಿ ಜಿಲ್ಲಾ ವಿಪತ್ತು ನಿರ್ವಹಣಾ ಪ್ರಾಧಿಕಾರದ ಸಭೆಟ್ ಗುರ್ಕಾರ್ಮೆ ವಹಿಸ್ ದ್ ಪಾತೆರಿಯೆರ್.

ಕೊರೋನ ಪಾಸಿಟಿವಿಟಿ ಪ್ರಕರಣ ಕರಿನ ಕೆಲವು ದಿನರ್ದ್ ಜಿಲ್ಲೆಡ್ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ಜಿಲ್ಲೆದ ಗಡಿಭಾಗಡ್ ಕಟ್ಟುನಿಟ್ಟ್ ದ ಕ್ರಮ ದೆತೊಂದು ಕೊರೋನ ಸೋಂಕು ಪಸರಂದೆ ಸೂಕ್ತ ಕ್ರಮ ದೆತೊನುನೆತ್ತ ಒಟ್ಟುಗು ಕೋವಿಡ್ ನಿಯಮಲೆನ್ ಕಡ್ಡಾಯವಾದ್ ಪಾಲಿಸಾವೊಡು ಪಂದ್ ಪಂಡೆರ್ .

ಕುಡ್ಲ ಸೇರಿನoಚ ಗಡಿಭಾಗದ ಜಿಲ್ಲೆಡ್ ರೆಡ್ ಅಲರ್ಟ್ : ಮುಖ್ಯಮಂತ್ರಿ ಬೊಮ್ಮಾಯಿ

ಹೊಸದಿಲ್ಲಿ,ಜುಲೈ 31: ಕೇರಳಡ್ ಕೋವಿಡ್ ಪ್ರಕರಣ ಕುಡ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ದಕ್ಷಿಣ ಕನ್ನಡ, ಮೈಸೂರು, ಚಾಮರಾಜನಗರ ಬೊಕ್ಕ ಕೊಡಗು ಜಿಲ್ಲೆದ ಗಡಿ ಭಾಗಡ್ ಕೋವಿಡ್ ಪರೀಕ್ಷೆ, ಲಸಿಕೆ, ತಪಾಸಣೆ ವಿಚಾರಡ್ ನನಾತ್ ಬಿಗಿಯಾಯಿನ ಕ್ರಮನ್ ದೆತೊನೊಡು ಪಂದ್ ನಾಲ್ ಜಿಲ್ಲೆದ ಜಿಲ್ಲಾಧಿಕಾರಿಲೆಗ್ ಸೂಚನೆ ಕೊರ್ತೆ ಪಂದ್ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಪಂಡೆರ್ .

ಶುಕ್ರವಾರ ಹೊಸದಿಲ್ಲಿಡ್ ಪತ್ರಿಕಾ ಪ್ರಕಟಣೆಡ್ ಪಂಡಿನ ಆರ್., ಗಡಿಭಾಗದ ಜಿಲ್ಲೆಡ್ ನಮ ಕಾಲಿ ಮಾರ್ಗ ತಪಾಸಣೆ ಮಲ್ತೊಂದು ಇತ್ತ . ನನ ದುಂಬುಗೂ ರೈಲ್ವೆ ನಿಲ್ದಾಣಡ್ ಲಾ ಕಟ್ಟುನಿಟ್ಟ್ ದ ತಪಾಸಣೆ ನಡಪಾಯರೇ ಜಿಲ್ಲಾಧಿಕಾರಿಲು ಬೊಕ್ಕ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಲೆಗ್ ಸೂಚನೆ ಕೊರ್ತೆ ಪಂದ್ ಪಂಡೆರ್.

ಕೇರಳ ಗಡಿಕ್ ನನ ರಡ್ಡ್ ದಿನಟ್ ಪೊಸ ಮಾರ್ಗಸೂಚಿ : ಡಾ. ರಾಜೇಂದ್ರ

ಉಳ್ಳಾಲ, ಜುಲೈ 31: ‘ಕೇರಳಡ್ ಕೋವಿಡ್-19 ಪ್ರಕರಣ ಜಾಸ್ತಿ ಆವೊಂದು ಉಂಡು ಅಂಚಾದ್ ಜಿಲ್ಲೆಡ್ ಸೋಂಕು ನಿಯಂತ್ರಣಗ್ ಕಟ್ಟುನಿಟ್ಟ್ ದ ಕ್ರಮಕ್ಲೆನ್ ಜಾರಿ ಮಲ್ದ ‘ ಪಂದ್ ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ಪಂಡೆರ್ .

ಗಡಿಭಾಗದ ತಲಪಾಡಿ ಚೆಕ್‌ಪೋಸ್ಟ್‌ಡ್ ಶುಕ್ರವಾರ ಕೋವಿಡ್-19 ತಪಾಸಣಾ ಕಾರ್ಯದ ಪ್ರಕ್ರಿಯೆನ್ ಪರಿಶೀಲನೆ ಮಲ್ತಿನ ಮೇರ್ ಸುದ್ದಿಗಾರೆರ್ನ ಒಟ್ಟುಗು ಪಾರಿಯೆರ್.