ತುಳು ಸುದ್ದಿ

ಪಡುಬಿದ್ರೆ; KSRTC ಬಸ್ ಗುದ್ದುದ್ ನಡತು ಪೊಪುನಾಯೆ ಖಾಲಿ

Sep 9, 2021

ಪಡ್ಡೆರ್, ಸೆ.9: ಮಾರ್ಗ ಕಡಪುನಗ KSRTC ಬಸ್ ತಾಂಟುದ್ ನಡತ್ತೊಂದು ಪೊವೊಂದಿತ್ತುನಾರ್ ಒರಿ ತೀರ್ ಪೊಯಿನ ಘಟನೆ ಪಡುಬಿದ್ರೆ ಡ್ ನಡತುದುಂಡು.

ಪಡುಬಿದ್ರೆ ಬೆಂಗ್ರೆದ ಆನಂದ ದೇವಾಡಿಗ (62) ತೀರ್ ಪೊಯಿನರ್. ಇಂಬೆರ್ ಪೇಂಟೆಡ್ ಮಾರ್ಗ ಕಡಪುನಗ ಕುಡ್ಲದಂಚಿ ಪೊವೊಂದಿತ್ತಿನ KSRTC ಬಸ್ ತಾಂಟುದ್ ತೀರ್ ಪೊಯೆರ್. ಕೂಲಿ ಬೇಲೆ ಮಲ್ತೊಂದಿತ್ತಿನ ಇಂಬೆರೆಗ್ ಮದ್ಮೆ ಆದಿಜಾಂಡು.

ಎಲೆಕ್ಟ್ರಿಕ್ ಗಾಡಿ ದೆತೊಂನಕುಲೆಗ್ ಚೀಪೆ ಸುದ್ದಿ ಕೊರ್ನ ಇಂಧನ ಸಚಿವೆರ್ ಸುನೀಲ್ ಕುಮಾರ್

Sep 9, 2021

ಬೆಂಗ್ಳೂರ್, ಸೆ.9: ಮಸ್ತು ಸಂಖ್ಯೆಡ್ ಎಲೆಕ್ಟ್ರಿಕ್ ಗಾಡಿಲ್ ಬರ್ಪುನೆಡ್ದಾವರ ಎಲೆಕ್ಟ್ರಿಕ್ ರೀಜಾರ್ಜ್ ಸೆಂಟರ್ ಲೆನ್ ನನ ದುಂಬುದ ದಿನೊಟ್ ರಾಜ್ಯಾದ್ಯಂತ ಓಪನ್ ಆಯಾರೆ ಉಂಡು ರಾಜ್ಯದ ಇಂಧನ, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೆರ್ ಆಯಿನ ವಿ. ಸುನೀಲ್ ಕುಮಾರ್ ಪಂಡೆರ್.

ಮಲ್ಲೇಶ್ವರಂ ಬಿಜೆಪಿ ರಾಜ್ಯ ಕಾರ್ಯಾಲಯಡ್ ಪಾತೆರ್ದಿನ ಆರ್, ಎಲೆಕ್ಟ್ರಿಕ್ ಗಾಡಿದ ಸೌಕರ್ಯಗಾದ್ ಮಾತ ಜಿಲ್ಲಾ ಕೇಂದ್ರ, ಪ್ರವಾಸೋದ್ಯಮ ಕೇಂದ್ರಲೆಡ್ ರೀಜಾರ್ಜ್ ಕೇಂದ್ರ ನ್ ಒಪನ್ ಮಲ್ಪರೆ ಎಸ್ಕಾಂದಕುಲೆಗ್ ಪಂತೆರ್. ರಾಜ್ಯದ ಸರಕಾರಿ ಕಛೇರಿಡ್ ಪ್ರೀಪೇಯ್ಡ್ ಕರೆಂಟ್ ದ ಮೀಟರ್ ಲೆನ್ ದಿಯಾರ ಉಂಡು ಪಂದು ಪಂಡೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

ಪುತ್ತೂರ್: ಇಲ್ಲಗ್ ಸಿಸಿ ಕ್ಯಾಮರಾ ಪಾಡಿನೆಕ್ ಮಾಸ್ಟ್ರುನ ಇಲ್ಲದಕುಲ್ನ ಮಿತ್ತ್ ದೌರ್ಜನ್ಯದ ದೂರು

Sep 9, 2021

ಪುತ್ತೂರ್, ಸೆ.9: ಇಲ್ಲ್ ಗ್ ಸಿಸಿ ಕ್ಯಾಮರಾ ಪಾಡಿನೆಕ್ ಇಲ್ಲದಕುಲ್ನ ಮಿತ್ತು ಹಲ್ಲೆ ಮಲ್ತಿನ ಪ್ರಕರಣ ಪುತ್ತೂರ್ ಡ್ ನಡತುದುಂಡು.

ಕಡಬ ತಾಲ್ಲೂಕ್ ದ ಕಾಣಿಯೂರ್ ದ ಶಿವರಾಮ ಗೌಡ ಬೊಕ್ಕ ಬೇಬಿ ಶಿಕ್ಷಕೆರ್ ಅಕುಲ್ನ ಇಲ್ಲದ ಸುರಕ್ಷತೆಗಾದ್ ವರ್ಷದ ಪಿರವು ಇಲ್ಲಗ್ ಸಿಸಿ ಕ್ಯಾಮಾರ ಪಾಡ್ದಿತ್ತೆರ್.

ಅಕುಲ್ ಇತ್ತಿನ ಇಲ್ಲದ ಕೈತಲ್ ಪೊಯ್ಯೆನ್ ಕಂಡುದು ಸಾಗಾಟ ಮಲ್ತೊಂದಿತ್ತೆರ್. ಇಂಚಾದ್ ದಂಧೆ ಕೋರಿಲ್ ಕ್ಯಾಮರ ದೆಪ್ಪೊಡ್ ಪಂದು ಪಂದಿತ್ತೆರ್. ಕ್ಯಾಮಾರ ದೆಪ್ಪಂದಿನ ಕಾರಣಗ್ ಇಲ್ಲಗ್ ಪೊಗ್ಗುದ್ ಹಲ್ಲೆ ಮಲ್ತುದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಕುಡ್ಲ ವಿಶ್ವ ವಿದ್ಯಾನಿಲಯದ 6 ನೇ ಸೆಮಿಸ್ಟರ್ ಪರೀಕ್ಷೆ ಆವಾಂದೆ 40 ಸಾರ ಜೋಕುಲ್ ಕಷ್ಟಡ್

Sep 9, 2021

ಕುಡ್ಲ, ಸೆ.9: ಕುಡ್ಲ ವಿಶ್ವ ವಿದ್ಯಾನಿಲಯ ವ್ಯಾಪ್ತಿದ 6ನೇ ಸೆಮಿಸ್ಟರ್ ಪರೀಕ್ಷೆ ನನಲ ಅವಂದಿನ ಕಾರಣ ಸುಮಾರು 40 ಸಾರ ಜೋಕುಲ್ ಕಷ್ಟಗ್ ತಿಕ್ಕುದು ಬೂರ್ದೆರ್. ಬೇತೆ ಕೋರ್ಸುಗ್ ಸೇರುಗ ಪನ್ನಗ 6 ನೇ ಸೆಮಿಸ್ಟರ್ ದ ಅಂಕಪಟ್ಟಿನ್ ಕೇನುನೆಡ್ದಾವರ ಜೋಕುಲೆಗ್ ದಿಕ್ಕು ತೊಜಾಂದಿಲೆಕ ಆತುಂಡು.

ಜೋಕುಲ್ನ ಭವಿಷ್ಯದ ದೃಷ್ಟಿಡ್ದು 6 ನೇ ಸೆಮಿಸ್ಟರ್ ಡ್ ಬಾಕಿ ಇತ್ತಿನ ತರಗತಿಲೆನ್ ಆಯಿನಾತು ಬೇಗ ಮುಗಿಪಾದ್ ಪರೀಕ್ಷೆಲೆನ್ ಬೇಗ ಮಲ್ಪಾಯೆರ ವಿ.ವಿ ಚಿಂತನೆ ಮಲ್ತೊಂದು ಉಂಡು.

ಸೆಪ್ಟೆಂಬರ್ ಅಕೇರಿಗ್ ಪರೀಕ್ಷೆ ಸುರು ಆಂಡ, ಬೊಕ್ಕ 10 ದಿನತ್ತೊಲಾಯಿ ಮುಗಿಪಾದ್, ಆಯಿಬೊಕ್ಕ 15 ದಿನತ್ತ ಉಲಾಯಿ ಮೌಲ್ಯಮಾಪನನ್ ಮುಗಿಪಾದ್ ಅಕ್ಟೋಬರ್ ನಡುಟ್ ಫಲಿತಾಂಶನ್ ಪ್ರಕಟನೆ ಮಲ್ಪುವೆರ್ ಪಂದು ವಿ.ವಿ.ಚಿಂತನೆ ಮಲ್ತುದುಂಡು.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಜೆಸಿಐ ಜೋಡುಮಾರ್ಗದ ಗುರ್ಕಾದಿ, ನ್ಯಾಯವಾಧಿ ಶೈಲಜಾ ರಾಜೇಶ್ ಪೂಜಾರಿ ಮೆರೆನ ಅಪ್ಪೆ ನೆನೆಪು ಮಾತ್ರ

Sep 9, 2021

ಬುಡೋಳಿ ಅಂತರ ಪೊಸ ಇಲ್ಲ್ ಕೃಷ್ಣ ಪೂಜಾರಿ ಅರೆನ ಬೊಡೆದಿ ಗಿರಿಜಾ ಇಂಬೆರ್ ಸೆಪ್ಟೆಂಬರ್ 4 ತಾರೀಕ್ ದಾನಿ ದೇವೆರ ಪಾದ ಸೇರಿಯೆರ್. ಇಂಬೆರ್ ಬಂಟ್ವಾಳ ಜೆಸಿಐ ದ ಗುರ್ಕಾದಿ ಅಂಚನೆ ನ್ಯಾಯವಾದಿ, ವಾತ್ಸಲ್ಯಮಯಿ ಮಹಿಳಾ ಅಭಿವೃದ್ಧಿ ಬೊಕ್ಕ ಸಂಶೋಧನಾ ಸಂಸ್ಥೆ (ರಿ.) ಬಾಳ್ತಿಲ ಉಂದೆತ್ತ ಗುರ್ಕಾದಿಯಾದಿತ್ತಿನ ಶೈಲಜಾ ರಾಜೇಶ್ ಪೂಜಾರಿನ ಅಮ್ಮ. ಗಿರಿಜಾ ಇಂಬೆರೆಗ್ ಶಶಿಧರ್, ರಾಜೇಶ್, ಅನ್ನಪೂರ್ಣ ಪನ್ಪಿನ ನನ 3 ಜೋಕುಲ್ ಇತ್ತುದು ಮರ್ಮಾಯ, ಮರ್ಮಾರ್ಲು ಅಂಚನೆ ಕುಟುಂಬದಕುಲ್ ಪೂರ ಕಣ್ಣನಿರ ಪನಿತರ್ಪನ ಅರ್ಪಿಸಾದೆರ್.

ದೇವಸ್ಥಾನಗ್ ಪಾಡಿನ ನಿರ್ಬಂಧ, ಆದೇಶನ್ ಜಿಲ್ಲಾಡಳಿತ ಪಿರ ದೆತ್ತುಂಡು

Sep 9, 2021

ಕುಡ್ಲ, ಸೆ.9: ಕೊರೊನಾ ಸೀಕುನ್ ತಡೆಗಟ್ಟುನ ಹಿನ್ನಲೆಡ್ ತುಳುನಾಡುದ ಪ್ರಮುಖ ದೇವಸ್ಥಾನಲೆಗ್ ಈ ಪಿರವು ದೀತಿನ ನಿರ್ಬಂಧ, ಮಾರ್ಗಸೂಚಿಲೆನ್ ಪಿರ ದೆತೊಂಡು ಪೊಸ ಆದೇಶನ್ ದಿಯೆರ್.

ಶ್ರೀ ಕ್ಷೇತ್ರ ಧರ್ಮಸ್ಥಳ ಬೊಕ್ಕ ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನಡ್ ಬೊಲ್ ಲ್ಪುಗು 7 ಗಂಟೆಡ್ದು ಬಯ್ಯ 7 ಗಂಟೆ ಮುಟ್ಟ ಮಾತ್ರ ಒಪನ್ ಆದ್ ಇಪ್ಪುಂಡು. ಭಕ್ತಾದಿಲೆಗ್ ದೇವೆರೆನ್ ತೂಯರೆ, ತೀರ್ಥ ಪ್ರಸಾದ, ನುಪ್ಪು ಸೇವೆ ಇಂದೆಟ್ ಪೂರ ಪಾಲ್ ಪಡೆಯೋಲಿ. ವಾರ ಅಕೇರಿದ ಕರ್ಫ್ಯೂ ಡ್ ಭಕ್ತಾದಿಲೆಗ್ ದೇವೆರ್ನ ದರ್ಶನಗ್ ಅವಕಾಶ ಇಪ್ಪುಜಿ.

ಚೌತಿ ಪರ್ಬಗ್ ರಾಜ್ಯ ಸರ್ಕಾರದ ದಾದ ನಿಯಮ ಉಂಡು ಅವ್ವೆ ಕುಡ್ಲಡ್ ಲ ಇಪ್ಪುಂಡು; ಡಾ. ರಾಜೇಂದ್ರ ಕೆ.ವಿ

Sep 9, 2021

ಕುಡ್ಲ, ಸೆ.9: ಸಾರ್ವಜನಿಕ ಗಣೇಶೋತ್ಸವಗ್ ರಾಜ್ಯ ಸರ್ಕಾರದ ದಾದ ನಿಯಮ ಉಂಡು ಅವ್ವೆ ಕುಡ್ಲ ಡ್ ಲ ಇಪ್ಪುಂಡು. ಬೇತೆ ಒವ್ವೆ ರೀತಿದ ನಿಯಮಲ್ ಇಪ್ಪುಜ ಪಂದು ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ ತೆರಿಪಾಯೆರ್.

ರಾಜ್ಯ ಸರ್ಕಾರ ಪಂತಿನ ಆದೇಶದಂಚೆ ಒರಕ್ 20 ಜನ ಮಾತ್ರ ಇಪ್ಪೊಡ್. ಆಯಿಡ್ದು ಜನ ಸೇರ್ರ ಬಲ್ಲಿ. ಒವ್ವೆ ರೀತಿದ ಗೌಜಿ ಇಜ್ಜಂದೆ ಇಲ್ಲ್, ದೇವಸ್ಥಾನ ಅಂಚನೆ ಸಾರ್ವಜನಿಕ ಸ್ಥಳಟ್ ಕಮ್ಮಿ ಜನಕುಲ್ ನೊಟ್ಟುಗ್ 5 ದಿನ ಮಾತ್ರ ಚೌತಿ ಪರ್ಬನ್ ಆಚರಣೆ ಮಲ್ಪೊಡು ಪಂದು ಪಂಡೆರ್.

ಇನಿ ಕುಡ್ಲಡ್ ಮಸ್ತು ಕಡೆಟ್ ಕರೆಂಟ್ ದ ತಾಪತ್ರೆ

Sep 9, 2021

ಕುಡ್ಲ ಸೆ.9: ನಗರದ ನೆಹರೂ ಮೈದಾನ ಉಪಕೇಂದ್ರಡ್ ದು ಪಿದಡುನ ಸೌತ್ ವಾರ್ಫ್ ಫೀಡರ್ ಡು ಮಸ್ತು ಬದಲಾವಣೆ ಆಯರೆ ಉಂಡು. ಅಂಚನೆ ಜೆಒಎಸ್ ದುರಸ್ತಿ ಕಾಮಗಾರಿದ ಬೇಲೆಲ್ ಇಪ್ಪುನೆಡ್ದಾವರ ಸೆ.9 ಗ್ ಬೊಲ್ಪುಗು 10 ತೆಡ್ದು ಬಯ್ಯ 5 ಗಂಟೆ ಮುಟ್ಟ ನಗರೊದ ಹ್ಯಾಮಿಲ್ಟನ್ ಸರ್ಕಲ್, ಡಿ.ಸಿ.ಆಫೀಸ್, ಸೈoಟ್ ಆನ್ಸ್, ನೀರೇಶ್ವಾಲ್ಯ ರೋಡ್, ಗೂಡ್ ಶೇಡ್ ಮಾರ್ಗ, ಬದ್ರಿಯಾ ಮಾರ್ಗ, ಬಂದರ್, ದಕ್ಕೆ ಅಂಚನೆ ಮುಲ್ಪದ ಕೈತಲ್ ದ ಪ್ರದೇಶಡ್ ಇನಿ ಕರೆಂಟ್ ಇಪ್ಪುಜಿ ಪಂದು ಮೆಸ್ಕಾಂ ಪ್ರಕಟನೆಡ್ ತೆರಿಪಾದೆರ್.

ನಂದಾವರ ಶ್ರೀ ವಿನಾಯಕ ಶಂಕರನಾರಾಯಣ ದುರ್ಗಾಂಬಾ ಕ್ಷೇತ್ರ : ಚೌತಿ ಉಚ್ಚಯ

Sep 9, 2021

ನಂದಾವರ : ನಂದಾವರ ಶ್ರೀ ವಿನಾಯಕ ಶಂಕರನಾರಾಯಣ ದುರ್ಗಾಂಬಾ ಕ್ಷೇತ್ರ ಡ್ ತಾ. 10-09-2021 ಕ್ಕ್ ಗಣೇಶ ಚತುರ್ಥಿದ ಪ್ರಯುಕ್ತ,ಚೌತಿ ಉಚ್ಚಯ ನಡಪರೆ ಉಂಡು.ಅವ್ವೆ ದಿನ ಕಾಂಡೆ 6 ಗಂಟೆಗ್ ಗಣಪತಿ ಹೋಮ, ಬೆ.7:30ಕ್ , ಪೂರ್ಣಾಹುತಿ, ಬೊಕ್ಕ ಧಾನ್ಯ ಲಕ್ಷ್ಮಿನ ಪೂಜೆ, ಕುರಲ್ ಪರ್ಬ , ಮಧ್ಯಾಹ್ನ ಮೂಜಿ ದೇವೆರೆಗ್ ಮಹಾಪೂಜೆ, ಭಗವದ್ಭಕ್ತೆರೆಗ್ ಮಹಾ ಪ್ರಸಾದ ಭೋಜನ, ಬೊಕ್ಕ ಭಗವದ್ಭಕ್ತೆರೆಗ್ ಕಾಂಡೆ 7:30 ಕ್ ಕುರಲ್ ಪಟ್ಟುನ ಲೇಸ್ ನಡಪರೆ ಉಂಡು .

ಈ ಉಚ್ಚಯಡ್ ಮಾಗಣೆದ ಬೊಕ್ಕ ಕ್ಷೇತ್ರದ ಸಮಸ್ತ ಭಗವದ್ಭಕ್ತೆರ್ ಈ ಪುಣ್ಯ ಕಾರ್ಯಡ್ ಪಾಲ್ ಪಡೆಯೋಡು ಪಂದ್ ಶ್ರೀಕ್ಷೇತ್ರ, ನಂದಾವರದ ಗುರ್ಕಾರ್ಲು ಬೊಕ್ಕ ಸರ್ವ ಸದಸ್ಯೆರ್ ಬಿನ್ನಾಪು ಮಲ್ದೆರ್.

ನಿಷೇಧಿತ ಪ್ರದೇಶಡ್ ತಂಬಾಕು ಮಾರಾಟ ಮಲ್ತುಂಡ ಪ್ರಕರಣ ದಾಖಲ್ ತಹಶೀಲ್ದಾರ್ ಸೂಚನೆ

Sep 8, 2021

ಕುಡ್ಲ:- ಪೇಂಟೆದ ನಿಷೇಧಿತ ಪ್ರದೇಶಡ್ ತಂಬಾಕು ಪದಾರ್ಥನ್ ಮಾರಾಟ ಮಲ್ಪುನ ತೊಜಿದ್ ಬತ್ತುಂಡ ತಾಲೂಕು ಮಟ್ಟದ ಅಧಿಕಾರಿಲು ಕಾರ್ಯಾಚರಣೆ ಮಲ್ತ್ , ಪ್ರಕರಣ ದಾಖಲ್ ಮಲ್ಪೊಡು ಪಂದ್ ಕುಡ್ಲ ತಹಶೀಲ್ದಾರ್ ಗುರುಪ್ರಸಾದ್ ಪಂಡೆರ್ .

ಮೇರ್ ಸೆಪ್ಟೆಂಬರ್ 7 ತಾರೀಖ್ ದ ಕುಡ್ಲ ಪೇಂಟೆದ ಕಂದಾಯ ಕಚೇರಿಡ್ ಅಟ್ಟನೆ ಮಲ್ತಿನ ತಂಬಾಕು ನಿಯಂತ್ರಣ ಸಮನ್ವಯ ಸಮಿತಿ ಸಭೆಟ್ ಗುರ್ಕಾರ್ಮೆ ವಹಿಸಾದ್ ಪಾತೆರಿಯೆರ್ .

M	T	W	T	F	S	S
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

ತುಳು ಸುದ್ದಿ

ಪಡುಬಿದ್ರೆ; KSRTC ಬಸ್ ಗುದ್ದುದ್ ನಡತು ಪೊಪುನಾಯೆ ಖಾಲಿ

ಎಲೆಕ್ಟ್ರಿಕ್ ಗಾಡಿ ದೆತೊಂನಕುಲೆಗ್ ಚೀಪೆ ಸುದ್ದಿ ಕೊರ್ನ ಇಂಧನ ಸಚಿವೆರ್ ಸುನೀಲ್ ಕುಮಾರ್

ಪುತ್ತೂರ್: ಇಲ್ಲಗ್ ಸಿಸಿ ಕ್ಯಾಮರಾ ಪಾಡಿನೆಕ್ ಮಾಸ್ಟ್ರುನ ಇಲ್ಲದಕುಲ್ನ ಮಿತ್ತ್ ದೌರ್ಜನ್ಯದ ದೂರು

ಕುಡ್ಲ ವಿಶ್ವ ವಿದ್ಯಾನಿಲಯದ 6 ನೇ ಸೆಮಿಸ್ಟರ್ ಪರೀಕ್ಷೆ ಆವಾಂದೆ 40 ಸಾರ ಜೋಕುಲ್ ಕಷ್ಟಡ್

ಜೆಸಿಐ ಜೋಡುಮಾರ್ಗದ ಗುರ್ಕಾದಿ, ನ್ಯಾಯವಾಧಿ ಶೈಲಜಾ ರಾಜೇಶ್ ಪೂಜಾರಿ ಮೆರೆನ ಅಪ್ಪೆ ನೆನೆಪು ಮಾತ್ರ

ದೇವಸ್ಥಾನಗ್ ಪಾಡಿನ ನಿರ್ಬಂಧ, ಆದೇಶನ್ ಜಿಲ್ಲಾಡಳಿತ ಪಿರ ದೆತ್ತುಂಡು

ಚೌತಿ ಪರ್ಬಗ್ ರಾಜ್ಯ ಸರ್ಕಾರದ ದಾದ ನಿಯಮ ಉಂಡು ಅವ್ವೆ ಕುಡ್ಲಡ್ ಲ ಇಪ್ಪುಂಡು; ಡಾ. ರಾಜೇಂದ್ರ ಕೆ.ವಿ

ಇನಿ ಕುಡ್ಲಡ್ ಮಸ್ತು ಕಡೆಟ್ ಕರೆಂಟ್ ದ ತಾಪತ್ರೆ

ನಂದಾವರ ಶ್ರೀ ವಿನಾಯಕ ಶಂಕರನಾರಾಯಣ ದುರ್ಗಾಂಬಾ ಕ್ಷೇತ್ರ : ಚೌತಿ ಉಚ್ಚಯ

ನಿಷೇಧಿತ ಪ್ರದೇಶಡ್ ತಂಬಾಕು ಮಾರಾಟ ಮಲ್ತುಂಡ ಪ್ರಕರಣ ದಾಖಲ್ ತಹಶೀಲ್ದಾರ್ ಸೂಚನೆ

You Missed

ಅ.11-21: ಬೆಳ್ಮಣ್ಣು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನಡ್ ಮಾರ್ನೆಮಿದ ಉಚ್ಚಯ

ಕಷ್ಟೊಡಿತ್ತಿನ ಕುಟುಂಬೊಗು ಇಲ್ಲ್ ಕಟ್‌ದ್ ಕೊರಿಯೆರೆ ದುಂಬಾತಿನ ಸಿದ್ದಕಟ್ಟೆ ಕುಲಾಲ ಸಂಘ

ತುಳು ಭಾಷೆಗ್ ಕರ್ನಾಟಕ ರಾಜ್ಯದ ಅಧಿಕೃತ ಭಾಷೆಯಾದ್ ಮಾನ್ಯತೆ; ಒಡಿಪುಡು ಗೌಜಿದ ತುಳುವೆರೆ ದಿಬ್ಬಣ

ನಂದಳಿಕೆ ಅಬ್ಬನಡ್ಕ ಶ್ರೀ ದುರ್ಗಾಪರಮೇಶ್ವರಿ ಫ್ರೆಂಡ್ಸ್ ಕ್ಲಬ್ : 27ನೇ ವರ್ಷದ ನೂತನ ಪದಾಧಿಕಾರಿಲೆನ ಆಯ್ಕೆ