ಗೌಜಿ ಗಮ್ಮತ್ ದ ಸುದ್ದಿ | Events & Functions

ಬ್ರಾಹ್ಮಣೆರ್ ಒಟ್ಟಾಪುನೆ ಅಗತ್ಯ- ಶ್ರೀಹರಿ ಆಸ್ರಣ್ಣ

Jan 16, 2026

ಶಿವಳ್ಳಿ ಸಮಾಜದ ಕ್ರೀಡೋಚ್ಚಯ 2026 ಸಮಾರೋಪ ಲೇಸ್

ಹಳೆಯಂಗಡಿ: ಸಮಾಜದ ಮಾತ ಸಮಸ್ಯೆಲೆಗ್ ಬ್ರಾಹ್ಮಣೆರ್ ಕಾರಣ ಪಂದ್ ಪನ್ಪುನ ಸರಿ ಅತ್ತ್, ಬ್ರಾಹ್ಮಣೆರ್ ಒಟ್ಟಾಪುನೆರ್ದ್ ದೇಶದ ಸಮಸ್ಯೆಲೆಗ್ ಪರಿಹಾರ ತಿಕ್ಕುಂಡು. ಶಿವಳ್ಳಿ ಬ್ರಾಹ್ಮಣೆರ್ ಕೇರಳ ಮುಟ್ಟ ಉಲ್ಲೆರ್. ಶಿವಳ್ಳಿ ಬ್ರಾಹ್ಮಣೆರೆನ ಸಂಘಟನೆ ಕೇರಳರ್ದ್ ಲ ಸುರು ಆತ್ಂಡ್ ಪಂದ್ ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ಅರ್ಚಕೆರ್ ಹರಿನಾರಾಯಣ ದಾಸ ಅಸ್ರಣ್ಣ ಪಂಡೆರ್.

ಮೇರ್ ಶಿವಳ್ಳಿ ಸಭಾ ಕುಡ್ಲದ ಮುತಾಲಿಕೆಡ್ ಪಾವಂಜೆ ಶಿವಳ್ಳಿ ಸಭಾದ ಒಟ್ಟುಸೇರಿಗೆಡ್ ಸುರತ್ಕಲ್ ವಿದ್ಯಾದಾಯಿನಿ ಶಾಲೆದ ಮೈದಾನಡ್ ನಡತಿನ ಶಿವಳ್ಳಿ ಸಮಾಜದ ಕ್ರೀಡೋಚ್ಚಯ 2026ತ್ತ ಸಮಾರೋಪಡ್ ಐತಾರ ಸಮಾರೋಪ ಭಾಷಣ ಮಲ್ತೆರ್.

ಜಿಲ್ಲಾ ಧಾರ್ಮಿಕ ಪರಿಷತ್ ಸದಸ್ಯೆರ್ ಸುಬ್ರಹ್ಮಣ್ಯ ಪ್ರಸಾದ್ ಕೋರ್ಯಾರು, ಅಗರಿ ಎಂಟರ್ ಪ್ರೈಸಸ್ ಮಾಲಕೆರ್ ಅಗರಿ ರಾಘವೇಂದ್ರ ರಾವ್ ಪಾತೆರಿಯೆರ್.

ಈ ಪೊರ್ತುಡು ಹರಿಕೃಷ್ಣ ಪೆಜತ್ತಾಯ ಎಂಅರ್ ಪಿಎಲ್, ಪ್ರಸಾದ್ ರಾವ್ ಎಂಆರ್ ಪಿಎಲ್, ಕುಡ್ಲ ತಾಲೂಕ್ ಶಿವಳ್ಳಿ ಸಮಾಜದ ಅಧ್ಯಕ್ಷೆರ್ ಬಿ ಉದಯ ಶಂಕರ್ ಭಟ್, ಪಾವಂಜೆ ವಲಯಾಧ್ಯಕ್ಷೆರ್ ಎಸ್ ಎಸ್ ಸತೀಶ್ ಭಟ್, ಎಂಜಿ ರಾಮಚಂದ್ರ ಮುಕ್ಕ, ಪಾವಂಜೆ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಅರ್ಚಕೆರ್ ವಾಸುದೇವ ಭಟ್, ಬಾಲಕೃಷ್ಣ ರಾವ್ ಚೆನ್ನೈ, ಕ್ರೀಡಾ ಕೂಟದ ಸಂಚಾಲಕೆರ್ ಭಾಸ್ಕರ ರಾವ್ ಬಾಳ, ಕೇಂದ್ರ ಕಾರ್ಯದರ್ಶಿ ಭಾಸ್ಕರ್ ಭಟ್ ಪಾಲ್ ಪಡೆದಿತ್ತೆರ್.

ಸುರತ್ಕಲ್ ವಲಯ ಸಮಗ್ರ ಪ್ರಶಸ್ತಿ ಪಡೆತ್ಂಡ್. ಕ್ರಿಕೆಟ್ ಡ್ ಕಟೀಲ್ ವಲಯ ಪಸ್ಟ್, ಪಾವಂಜೆ ಸೆಕೆಂಡ್, ಪೊಂಜೋವುಲೆನ ರಿಲೇಟ್ ಸುರತ್ಕಲ್ ಪಸ್ಟ್, ಬೊಕ್ಕ ಸೆಕೆಂಡ್, ಆನ್ ಜೋವುಲೆನ ರಿಲೇಟ್ ಸುರತ್ಕಲ್ ಪಸ್ಟ್, ಪಾವಂಜೆ ಸೆಕೆಂಡ್, ಪೊಂಜೋವುಲೆನ ತ್ರೋ ಬಾಲ್‌ ಡ್ ಸುರತ್ಕಲ್ ಪಸ್ಟ್, ಮಂಗಳಾದೇವಿ ಸೆಕೆಂಡ್, ಪೊಂಜೋವುಲೆನ ಬಲ್ಲ್ ಒಯಿಪುನೆಟ್ಟ್ ಸುರತ್ಕಲ್ ಪಸ್ಟ್ ಬೊಕ್ಕ ಸೆಕೆಂಡ್, ಆನ್ ಜೋವುಲೆನ ಬಲ್ಲ್ ಒಯಿಪುನೆಟ್ ಪಾವಂಜೆ ಪಸ್ಟ್, ಸುರತ್ಕಲ್ ಸೆಕೆಂಡ್ ಇನಾಮುನ್ ಪಡೆತ್ಂಡ್.

ಕ್ರಿಕೆಟ್ ಡ್ ಕಟೀಲ್ ಕೂಟದ ಶ್ರಿನಿಧಿ ಪಂದ್ಯ ಶ್ರೇಷ್ಠ, ಪಾವಂಜೆ ಕೂಟದ ಸುದರ್ಶನ್ ಪೆಜತ್ತಾಯ ಉತ್ತಮ ಎಸೆತಗಾರ, ಮಂಗಳಾದೇವಿ ಕೂಟದ ಹರಿಪ್ರಸಾದ್ ಉತ್ತಮ ದಾಂಡಿಗ, ಪಾವಂಜೆ ಕೂಟದ ಕಿರಣ್ ಸರಣಿ ಶ್ರೇಷ್ಠ ಬಿರುದು ಪಡೆಯೆರ್.

ಈ ಲೇಸ್ ನ್ ವೈಭವಿ, ಚಂದ್ರಿಕಾ ಸುರೇಶ್ ಸುಧಾರಿಕೆ ಮಲ್ತೆರ್.

ಜ.18 ಗ್ ಕುಡ್ಲಡ್ ಜಾಗತಿಕ ಬಿಲ್ಲವರ ಕ್ರೀಡೋತ್ಸವ

Jan 15, 2026

ಡಾ.ಶಿವರಾಜ್ ಕುಮಾರ್ ಬಿನ್ನೆರಾದ್ ಬರ್ಪೆರ್

ಕುಡ್ಲ : ಅಖಿಲ ಭಾರತ ಬಿಲ್ಲವರ ಯೂನಿಯನ್ (ರಿ) ಆಶ್ರಯೊಡು ಉಂದುವೇ ಸುರೂತ್ತ ಸರ್ತಿ ಜಾಗತಿಕ ಬಿಲ್ಲವರ ಕ್ರೀಡಾ ಉಚ್ಚಯ ಜ.18 ಐತಾರ ಕುಡ್ಲದ ನೆಹರೂ ಮೈದಾನಡ್ ನಡಪರೆ ಉಂಡು ಪಂದ್ ಯೂನಿಯನ್ ಬೊಕ್ಕ ಜಾಗತಿಕ ಬಿಲ್ಲವರ ಕ್ರೀಡೋತ್ಸವದ ಅಧ್ಯಕ್ಷೆರ್ ನವೀನ್‌ಚಂದ್ರ ಡಿ ಸುವರ್ಣ ಗುರುವಾರ ಪತ್ರಿಕಾಗೋಷ್ಠಿಡ್ ತೆರಿಪಾಯೆರ್.
ವಾಲಿಬಾಲ್, ಥ್ರೋಬಾಲ್, ಬಲ್ಲ್ ಒಯಿಪುನ ಪಂತ ಇಂಚ ಬೇತೆ ಕ್ರೀಡಾ ಸ್ಪರ್ಧೆ ನಡಪರೆ ಉಂಡು. ತಾರಾ ಆಕರ್ಷಣೆಯಾದ್ ಡಾ. ಶಿವರಾಜ್ ಕುಮಾರ್, ವಿಜಯರಾಘವೇಂದ್ರ, ಅನುಶ್ರೀ ಮಾತ ಬರ್ರೆ ಉಲ್ಲೆರ್. ಸಿಂಗಾಪುರ, ದುಬೈ, ಬೆಂಗಳೂರು, ಬೊಂಬೈ , ಪೂನಾ ಸೇರ್ದ್ ನಾಲ್ ವಿಭಾಗದ ಕ್ರೀಡಾ ಪಂತೊಡು 80 ಟೀಮ್‌ದಕುಲು ಪಾಲ್ ಪಡೆವೆರ್ ಪಂದ್ ಆರ್ ತೆರಿಪಾಯೆರ್.
ಪತ್ರಿಕಾಗೋಷ್ಠಿಡ್ ಕ್ರೀಡೋತ್ಸವದ ಸಂಚಾಲಕೆರ್ ಸದಾನಂದ ಪೂಜಾರಿ, ಪ್ರಧಾನ ಕಾರ್ಯದರ್ಶಿ ಜೀವನ್ ಕುಮಾರ್ ತೊಕ್ಕೊಟ್ಟು, ಕ್ರೀಡಾ ಕೋಶಾಧಿಕಾರಿ ಜಯಪ್ರಕಾಶ್, ಬಿಲ್ಲವ ಮಹಿಳಾ ಸಂಘದ ಅಧ್ಯಕ್ಷೆರ್ ಸುಮಲತಾ ಎನ್ ಸುವರ್ಣ ಪಾಲ್ ಪಡೆದಿತ್ತೆರ್.

ಜ.9-11: ತಣ್ಣೀರುಬಾವಿ ಬೀಚ್‌ಡ್ “ಅಲ್ ಕಾರ್ಗೋ ಮಂಗಳೂರು ಬೀಚ್ ಫೆಸ್ಟಿವಲ್“

Jan 8, 2026

ಕುಡ್ಲ : “ದೇಶದ ಅತ್ಯಂತ ವೈವಿಧ್ಯಮಯ ಕ್ರೀಡಾ, ಅಥ್ಲೆಟಿಕ್ ಬೊಕ್ಕ ಸಾಂಸ್ಕೃತಿಕ ಉತ್ಸವಲೆಡ್ ಒಂಜಾಯಿನ 4ನೇ ಆವೃತ್ತಿದ ಮಂಗಳೂರು ಟ್ರಯಾಥ್ಲಾನ್, ಮಂಗಳೂರು ಬೀಚ್ ಮ್ಯಾರಥಾನ್ ಬೊಕ್ಕ ಅಲ್ ಕಾರ್ಗೋ ಮಂಗಳೂರು ಬೀಚ್ ಫೆಸ್ಟಿವಲ್ ಜ. 9 ರ್ದ್ 11 ಮುಟ್ಟ ನಡಪರೆ ಉಂಡು ಪಂದ್ ತಪಸ್ಯಾ ಫೌಂಡೇಶನ್ ಸಂಸ್ಥಾಪಕೆರ್ ಸಬಿತಾ ಆರ್. ಶೆಟ್ಟಿ ತೆರಿಪಾಯೆರ್.
ಪತ್ರಿಕಾ ಭವನಡ್ ಪತ್ರಿಕಾಗೋಷ್ಠಿಡ್ ಪಾತೆರ್ನ ಆರ್,
ಮಂಗಳೂರು ಟ್ರಯಾಥ್ಲಾನ್ ಬೊಕ್ಕ ಅಲ್ ಕಾರ್ಗೋ ಮಂಗಳೂರು ಬೀಚ್ ಫೆಸ್ಟಿವಲ್ 2026 ಭಾರಿ ಪ್ರಭಾವಶಾಲಿ ಬೊಕ್ಕ ಅಂತಾರಾಷ್ಟ್ರೀಯ ಕಾರ್ಯಕ್ರಮವಾದ್ ಮೂಡ್ದು ಬರ್ರೆ ಉಂಡು. ಈ ಸರ್ತಿ ದೇಶ ವಿದೇಶರ್ದ್ 5000 ರ್ದುಲ ಎಚ್ಚ ಅಥ್ಲೀಟ್ಸ್ ಬರ್ಪಿನ ಅಂದಾಜಿ ಉಂಡು. ಭಾರತೀಯ ಸೈನ್ಯದ 150ರ್ದುಲ ಎಚ್ಚ ಅಥ್ಲೀಟ್ಸ್ ಪಾಲ್ ಪಡರವರೆ ಉಲ್ಲೆರ್. ನೌಕಾದಳದ ಒಂಜಿ ಕ್ಯಾಂಪ್ ಮಲ್ತ್‌ದ್ ಜೋಕುಲೆಗ್ ನೌಕಾದಳದ ಬಗ್ಗೆ ಮಾಹಿತಿ ಕೊರ್ದು ಸೈನ್ಯಗ್ ಸೇರರೆ ಉತ್ತೇಜನ ಕೊರ್ರೆ ಉಂಡು. ಮೂಜಿ ದಿನತ್ತ ಈ ಫೆಸ್ಟಿವಲ್‌ಡ್ ಜೋಕುಲು ಬೊಕ್ಕ ಪೋಷಕೆರ್ ಪಾಲ್ ಪಡೆದ್ ಆಟೋಟ ಸ್ಪರ್ಧೆದ ಒಟ್ಟುಗು ಶಿಕ್ಷಣ ಪಡೆಯರೆ ಹೆಚ್ಚಿನ ಮಹತ್ವ ಕೊರೊಂದುಲ್ಲ. ಅಲ್ ಕಾರ್ಗೋ ಇಮರ್ಜ್ ಸ್ಟಾರ್ಟಪ್ ಕಾನ್ಕ್ಲೇವ್
ಸ್ಟಾರ್ಟಪ್‌ ದ ಪೊಸ ಉತ್ಪನ್ನಲೆನ ಮಾರ್ಗದರ್ಶನ ಮಲ್ತ್‌ದ್, ಅವೆನ್ ವಿಸ್ತರಣೆ ಮಲ್ಪುನ ಅಂಚೆನೆ ಬಂಡವಾಳ ಪಾಡುನಕ್ಲೆನ್ ಆಕರ್ಷಣೆ ಮಲ್ಪುನ ವಿಶಿಷ್ಟ ವೇದಿಕೆ ಆದುಂಡು ಪಂದ್ ಪಂಡೆರ್.
ಆಯೋಜಕೆರ್ ನವೀನ್ ಹೆಗ್ಡೆ ಪಾತೆರ್ದ್, “ಡಿ.9 ಬಯ್ಯಡ್ ಕಾರ್ಯಕ್ರಮ ಉದ್ಘಾಟನೆ ಆದ್ ಡಿ.10 ಕ್ಕ್ ಸೈಕ್ಲಿಂಗ್ ಬೊಕ್ಕ ಡುಯೆತ್ಲಾನ್ ಬೊಕ್ಕ ಡಿ.11 ಕ್ಕ್ ರನ್ನಿಂಗ್, ಸ್ವಿಮ್ಮಿಂಗ್ ಬೊಕ್ಕ ಸೈಕ್ಲಿಂಗ್ ಟ್ರಯಾಥ್ಲಾನ್ ನಡಪರೆ ಉಂಡು. ಕರಿನ ಸರ್ತಿದಂಚ ಈ ಸರ್ತಿಲ ಬೀಚ್ ಕುಸ್ತಿ ಪಂದ್ಯಾಟ ನಡಪರೆ ಉಂಡು. ಅವ್ಚತ್ತಾಂದೆ ವಿಜ್ಞಾನ – ಕಲೆ ಪ್ರದರ್ಶನ – ಐಟಿ ಕ್ವಿಜ್ ನಡಪರೆ ಉಂಡು. ಮಂಗಳೂರು ಬೀಚ್ ಮ್ಯಾರಥಾನ್ ಬೀಚ್‌ಡ್ ನಡಪರೆ ಉಂಡು ಪಂದ್ ಪಂಡೆರ್.
”ಈ ಕಾರ್ಯಕ್ರಮದ ಮೂಲಕ ಶೇ. 100 ಕ್ಯಾನ್ಸರ್ ಪ್ಯಾಲಿಯೇಟಿವ್ ಕೇರ್‌ಗ್ ಸಹಾಯ ಮಲ್ಪುವ. ಸಂಗ್ರಹವಾಗುವ ಪ್ರತಿಯೊಂದು ರೂಪಾಯಿಯೂ ತಪಸ್ಯ ಫೌಂಡೇಶನ್ ‌ದ ಅಂತಿಮ ಹಂತದ ಕ್ಯಾನ್ಸರ್ ರೋಗಿಲೆನ ಉಚಿತ ಆರೈಕೆಗಾದ್ ವಿನಿಯೋಗ ಆಪುಂಡು. ಆತೆ ಅತ್ತಾಂದೆ ಭವಿಷ್ಯದ ಒಲಿಂಪಿಯನ್ಸ್‌ನ್ ತಯಾರ್ ಮಲ್ಪುನು, 10–15 ವರ್ಷ ಪ್ರಾಯದ 40 ಜೋಕುಲೆಗ್ ಟ್ರಯಾಥ್ಲಾನ್ ತರಬೇತಿ ಕೊರೊಂದುಲ್ಲ. ಸ್ಟಾರ್ಟಪ್‌ಲೆಗ್ ಮಾರ್ಗದರ್ಶನ ಬೊಕ್ಜ ವೇದಿಕೆ ಕೊರೊಂದುಲ್ಲ. ಕುಡ್ಲನ್ ಜಾಗತಿಕ ಪ್ರವಾಸೋದ್ಯಮ ನಕ್ಷೆಗ್ ಸೇರ್ಸಾವುನ ಮುಕೇನ ಕುಡ್ಲದ ಸೌಂದರ್ಯ, ಸಂಸ್ಕೃತಿ ಬೊಕ್ಕ ಆತಿಥ್ಯನ್ ಜಗತ್ತ್‌ಗ್ ಪರಿಚಯ ಮಲ್ಪುನು ಉಂದೆತ್ತ ಉದ್ದೇಶ“ ಪಂದ್ ಪಂಡೆರ್ .
ಡುಯಾಥ್ಲಾನ್, 40K ಡ್ರೀಮ್ ಸೈಕ್ಲಿಂಗ್, ಒಲಿಂಪಿಕ್ ಡಿಸ್ಟನ್ಸ್ ಟ್ರಯಾಥ್ಲಾನ್, ಸ್ಪ್ರಿಂಟ್ ಟ್ರಯಾಥ್ಲಾನ್, ಟೀಮ್ ರಿಲೇ ಟ್ರಯಾಥ್ಲಾನ್, 1000 ಮೀ. ಡ್ರೀಮ್ ಸ್ವಿಮ್, 500 ಮೀ. ಫನ್ ಸ್ವಿಮ್, ಅಕ್ವಾಥ್ಲಾನ್, ಫುಲ್ ಮ್ಯಾರಥಾನ್, ಹಾಫ್ ಮ್ಯಾರಥಾನ್, 10K ಡ್ರೀಮ್ ರನ್, 5K ಫನ್ ರನ್ ಜೊತೆಗೆ SFI ನ್ಯಾಷನಲ್ ಓಪನ್ ವಾಟರ್ ಸ್ವಿಮ್ಮಿಂಗ್ ಚಾಂಪಿಯನ್‌ ಶಿಪ್, ಅಗ್ರಿ ಟೆಕ್ ಎಕ್ಸ್‌ಪೋ (20–30 ಸ್ಟಾಲ್ ಮತ್ತು ಕಾನ್ಫರೆನ್ಸ್), ರಾಜ್ಯಮಟ್ಟದ ವಿಜ್ಞಾನ ಮಾದರಿ ಸ್ಪರ್ಧೆ, ಬೈಕ್ ಸ್ಟಂಟ್ ಶೋ, ನೃತ್ಯಾಂತಾರ 2026 – ನೃತ್ಯ ಸ್ಪರ್ಧೆ, ಕಲೆ ಸ್ಪರ್ಧೆ ಬೊಕ್ಕ ಬಹುಮಾನ ವಿತರಣೆ, ಬ್ಯಾಟಲ್ ಆಫ್ ಬ್ಯಾಂಡ್ಸ್, ಫ್ಯಾಷನ್ ಶೋ, ಸ್ವರದಿ ಲೈವ್ ಕಾರ್ಯಕ್ರಮ (ವ್ಯಾಲೆಡಿಕ್ಟರಿ ಆಕ್ಟ್), ಥ್ರೋಬಾಲ್ ಪಂದ್ಯಾಟನ್‌ಲ ಆಯೋಜನೆ ಮಲ್ತ್‌ದ ಪಂದ್ ತೆರಿಪಾದೆರ್.
ಕ್ರೀಡಾ ಸ್ಪರ್ಧೆ, ಸ್ಟಾರ್ಟಪ್ ಇಮರ್ಜ್ ಬೊಕ್ಕ ಸ್ವಯಂಸೇವಕರೆಗಾದ್ ನೊಂದಣಿಗಾದ್ mangalurutriathlon.com ಗೆ ಭೇಟಿ ಕೊರೊಲಿ ಅಥವಾ ನವೀನ್ ಹೆಗ್ಡೆ: 9324051848, ಅರವಿಂದ್ ಕುಮಾರ್: 9844468159 ಮೆರೆನ್ ಸಂಪರ್ಕ ಮಲ್ಪೊಲಿ.
ಪತ್ರಿಕಾಗೋಷ್ಠಿಡ್ ರಿತೇಶ್, ಮುಹಮ್ಮದ್, ನಿತ್ಯಾನಂದ ಶೆಟ್ಟಿ, ಅರವಿಂದ್, ಕರುಣಾಕರ ಮೊಕುಲು ಮಾತ ಇತ್ತೆರ್.

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಗೌಜಿ ಗಮ್ಮತ್ ದ ಸುದ್ದಿ | Events & Functions ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ಬಂಟ್ವಾಳ ಸುದ್ದಿ

ಜ.14-22: ವಿಟ್ಲ ಮಹತೋಭಾರ ಶ್ರೀ ಪಂಚಲಿಂಗೇಶ್ವರ ದೇವಸ್ಥಾನಡ್ ಕಾಲಾವಧಿ ಜಾತ್ರೆ

Dec 30, 2025

ಬಂಟ್ವಾಳ: ವಿಟ್ಲ ಮಹತೋಭಾರ ಶ್ರೀ ಪಂಚಲಿಂಗೇಶ್ವರ ದೇವಸ್ಥಾನಡ್ ಕಾಲಾವಧಿ ಜಾತ್ರೆ ಜ.14-22 ಮುಟ್ಟ ನಡಪರೆ ಉಂಡು.

ಜ.2 ಸುಕ್ರಾರ ಬೊಲ್ಪುಗು ಕೈಲ್ ಕಡ್ಪುಂಡು.

ಜ.14 ಬುದಾರ ಬೊಲ್ಪುಗು ಕೊಡಿ ಏರುಂಡು.‌ ಬಯ್ಯಗ್ ಅರಸು ಮುಂಡಲ್ತಾಯ ದೈವೊದ ಭಂಡಾರ ಕ್ಷೇತ್ರಗ್ ಬರ್ಪುಂಡು.‌ ರಾತ್ರೆ ಲಕ್ಷದೀಪೋತ್ಸವ, ಉಚ್ಚಯ ಬಲಿ, ಕಟ್ಟೆ ಪೂಜೆದ ಬೊಕ್ಕ ಬಟ್ಟಲ್ ಕಾಣಿಕೆ ನಡಪರೆ ಉಂಡು.

ಜ.15-17 ಮುಟ್ಟ ಬಯ್ಯಗ್ ನಿತ್ಯೋತ್ಸವ ನಡಪರೆ ಉಂಡು.

ಜ.18 ಐತಾರ ಬೊಲ್ಪುಗು ಶ್ರೀ ಪಂಚಲಿಂಗೇಶ್ವರ ದೇವೆರೆನ ಪ್ರತಿಷ್ಠಾ ಉಚ್ಚಯದ ಲೆಕ್ಕೊಡು ರುದ್ರಯಾಗ ರಾತ್ರೆ ಕೇಪುರ್ದ್ ಶ್ರೀ ಮಲರಾಯ ದೈವೊದ ಭಂಡಾರ ಬರ್ಪುಂಡು. ಬೊಕ್ಕ ಬಯ್ಯದ ಬಲಿ ಉಚ್ಚಯ ಸುರು ಆಪುಂಡು.

ಜ.19 ಸೋಮಾರ ಬೊಲ್ಪುಗು ದರ್ಶನ ಬಲಿ, ಬಟ್ಟಲ್ ಕಾಣಿಕೆ, ರಾತ್ರೆ ನಡುದೀಪೋಚ್ಚಯ ಆದ್ ತೆಪ್ಪೋಚ್ಚಯ (ಕೆರೆ ಆಯನ) ನಡಪರೆ ಉಂಡು.

ಜ.20 ಅಂಗಾರೆ ಬೊಲ್ಪುಗು ದರ್ಶನ ಬಲಿ, ಬಟ್ಟಲ್ ಕಾಣಿಕೆ, ರಾತ್ರೆ ಉಚ್ಚಯದ ಬೊಕ್ಕ ಪೂತೇರ್ ನಡಪರೆ ಉಂಡು.

ಜ.21 ಬುಧಾರ ಬೊಲ್ಪುಗು ದರ್ಶನ ಬಲಿ, ರಾಜಾಂಗಣದ ಬಟ್ಟಲ್ ಕಾಣಿಕೆ, ಬಯ್ಯಗ್ ಕಡಂಬುರ್ದ್ ಕೊಡಮಣಿತ್ತಾಯ ದೈವೊದ ಭಂಡಾರ ಕ್ಷೇತ್ರಗ್ ಬರ್ಪುಂಡು. ರಾತ್ರೆ ಮಲ್ಲ ತೇರ್ ಉಚ್ಚಯದ ಮೆರವಣಿಗೆ ನಡಪರೆ ಉಂಡು.

ಜ.22 ಗುರುವಾರ ಬೊಲ್ಪುಗು ಮಹಾಪೂಜೆ, ಕಾಲಾವಧಿ ಬಟ್ಟಲ್ ಕಾಣಿಕೆ, ತುಲಾಭಾರ ಸೇವೆ ರಾತ್ರೆ ಓಕುಳಿಕಟ್ಟೆಡ್ ಕಟ್ಟೆಪೂಜೆದ ಬೊಕ್ಕ ಶ್ರೀ ದೇವೆರೆಗ್ ಅಷ್ಟಾವಧಾನ ಸೇವೆ ಆದ್ ಕೊಡಂಗಾಯಿಗ್ ಸವಾರಿ ಪೋಯೆರೆ ಉಂಡು. ಬೊಕ್ಕ ಕೊಡಿ ಜಪುಂಡು.

ಜ.24 ಸನಿವಾರ ಮಧ್ಯಾಹ್ನ ಅರಸು ಮಂಡತ್ತಾಯ, ಮಲರಾಯ ದೈವ, ಕೊಡಮಣಿತ್ತಾಯ ಪಿಲಿಚಾಮುಂಡಿ ದೈವೊಗ್ ದೇವಸ್ಥಾನದ ಎದುರುಡು ನೇಮ ನಡಪರೆ ಉಂಡು.

ಜ.25 ಐತಾರ ಅರಮನೆಟ್ಟ್ ಶ್ರೀ ಮಲರಾಯ ದೈವೊಗ್ ನೇಮ ಆದ್ ಕೇಪುಗು ಭಂಡಾರ ಪಿದಾಡುಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಗಂಧ ಪ್ರಸಾದ ದೆತೊಂದು ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ವಿಟ್ಲ ಶ್ರೀ ಪಂಚಲಿಂಗೇಶ್ವರ ದೇವಸ್ಥಾನದ ಅನುವಂಶೀಯ ಮೊಕ್ತೇಸರೆರ್ ಬಂಗಾರು ಅರಸೆರ್, ಜೀರ್ಣೋದ್ಧಾರ ಸಮಿತಿದಕುಲು, ಸೀಮೆದ ಗುರಿಕಾರೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಶಿಮಂತೂರು ಬಾವಡ್ ಕಂಬುಲ

Dec 15, 2025

ಮುಲ್ಕಿ: ಸೀಮೆದ ಒರುಂಭ ಮಾಗಣೆದ ಶಿಮಂತೂರು ಬಾವ ಕಂಬುಲ ಶಿಮಂತೂರು ಭಾವದ ಕಂಡಡ್ ನಡತ್ಂಡ್
ಶಿಮಂತೂರು ಭಾವದ ನಾಗರಾಜ ಶೆಟ್ರ್ ಪಾತೆರ್ದ್ ಸುಮಾರು 350 ವರ್ಸ ಇತಿಹಾಸ ಇಪ್ಪುನ ಶಿಮಂತೂರು ಬಾವ ಕಂಬುಲ ಆನಿದ ಜೈನ ಮನೆತನದ ಅರಸುಲು ಸುಪರ್ದಿಡ್ ನಡತೊಂದು ಇತ್ತ್ಂಡ್. ಬೊಕ್ಕ ಶಿಮಂತೂರು ಭಾವದ ಮನೆತನದಕ್ಲು ಸಾಂಪ್ರದಾಯಕವಾದ್ ಕಂಬುಲ ನಡಪಾವೊಂದು ಇತ್ತೆರ್ ಪಾರಂಪರಿಕವಾದ್ ಕಂಬುಲದ ದೈವ ದೇವರಿಗೆ ಸಮರ್ಪಣೆ ಆಪುನ ರೀತಿಡ್ ಗ್ರಾಮಸ್ಥೆರೆನ ಸಾಕರಡ್ ಕಂಬುಲ ನಡತೊಂದು ಉಂಡು ಪಂಡೆರ್.
ಕಂಬುಲ ನಡತಿ ಬೊಕ್ಕ ಎರು ಕೋಣ ಗಿಡಪುನಕ್ಲೆಗ್ ಶಿಮಂತೂರು ಭಾವದ ಇಲ್ಲಡ್ ಗೌರವ ಮಲ್ತೆರ್.
ಈ ಪೊರ್ತುಡು ಶಿಮಂತೂರು ದೇವಸ್ಥಾನದ ಆಡಳಿತ ಮುಕ್ತೇಸೆರೆರ್ ಉದಯ ಕುಮಾರ್ ಶೆಟ್ಟಿ , ,ಮಾಜೀ ಮುಕ್ತೇಸೆರೆರ್ ಚಂದ್ರಹಾಸ್ ಶೆಟ್ಟಿ,
ಉದ್ಯಮಿ ಶಿವರಾಮ ಶೆಟ್ಟಿ ಅಜೆಕಾರು, ಜಯಕರ ಶೆಟ್ಟಿ, ಹೇಮನಾಥ ಶೆಟ್ಟಿ, ರವೀಂದ್ರ ಶೆಟ್ಟಿ, ಲೀಲೇಶ್ ಶೆಟ್ಟಿ, ಶಶಿಧರ ಶೆಟ್ಟಿ, ಸುರೇಶ್ ಶೆಟ್ಟಿ, ಬಾಲಕೃಷ್ಣ ಶೆಟ್ಟಿ ,ಪದ್ಮಿನಿ ವಿಜಯ್ ಕುಮಾರ್ ಶೆಟ್ಟಿ ಶಿಮಂತೂರು ಬಾವ ಶಾಂತರಾಮ ಶೆಟ್ಟಿ ತೆಂಗಾಳಿ, ಶಂಕರ್ ಮಾಸ್ಟರ್, ಅರುಣ್ ಶೆಟ್ಟಿ ಕಟ್ಟಪುಣಿ, ಶಂಕರ್ ಶೆಟ್ಟಿ, ಸುರೇಶ್ ಶೆಟ್ಟಿ ಜಲಕದಹಿತ್ಲು ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.
ಕಿರಣ್ ಶೆಟ್ಟಿ ನಿರೂಪಣೆ ಮಲ್ತೆರ್.

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಗೌಜಿ ಗಮ್ಮತ್ ದ ಸುದ್ದಿ | Events & Functions ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಡಿ.15-19: ಶಿರ್ವ ಮಹತೋಭಾರ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನಡ್ ವರ್ಷೊದ ಉಚ್ಚಯ

Dec 11, 2025

ಒಡಿಪು: ಶಿರ್ವ ಮಹತೋಭಾರ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನಡ್ ವರ್ಷೊದ ಉಚ್ಚಯ ಡಿ.15-19 ಮುಟ್ಟ ನಡಪರೆ ಉಂಡು.

ಈ ಲೇಸ್ ತಂತ್ರಿಲಾಯಿನ ಶ್ರೀ ವಿಷ್ಣು ಐತಾಳ್ ರೆನ ಮುತಾಲಿಕೆಡ್ ನಡಪರೆ ಉಂಡು.

ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್ ಶ್ರೀ ದೇವೆರೆನ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಸ್ಥಾನದ ಮೊಕ್ತೇಸರೆರ್, ಅಧ್ಯಕ್ಷೆರ್, ಸಮಿತಿದ ಸರ್ವಸದಸ್ಯೆರ್ ಬೊಕ್ಕ ಊರುದ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಡಿ.19-21 : ಸುರತ್ಕಲ್ ಬಂಟರ ಭವನಡ್ “ಪರ್ವ 2025” ಸೀರೆ ಮೇಳ, ಫುಡ್ ಫೆಸ್ಟಿವಲ್

Dec 8, 2025

ಸುರತ್ಕಲ್: ಮಹಿಳಾ ವೇದಿಕೆ ಬಂಟರ ಸಂಘ ಸುರತ್ಕಲ್ ಮೊಕ್ಲೆನ ಮುತಾಲಿಕೆಡ್

ಡಿ.19, 20 ಬೊಕ್ಕ 21 ಕ್ಕ್ ಸುರತ್ಕಲ್ ಬಂಟರ ಭವನದ ಜಾಲ್‌ಡ್ “ಪರ್ವ 2025” ಸೀರೆ ಮೇಳ, ಲೈಫ್ ಸ್ಟೈಲ್ ಬೊಕ್ಕ ಫುಢ್ ಫೆಸ್ಟಿವೆಲ್ ನಡಪರೆ ಉಂಡು.
ಡಿ. 20 ರಂದು ಶನಿವಾರ ಬಯ್ಯಡ್ ಚಂದ್ರಕಲಾ ಸದಾನಂದ ರೈ ಸಾರಥ್ಯದ ಪೆರ್ಮೆದ ಕಲಾವಿದೆರ್ ಚೇಳಾರ್ ಕೂಟದಕ್ಲೆರ್ದ್ ರಾಮಚಂದ್ರ ಶೆಟ್ಟಿ ತಡಂಬೈಲ್ ಮೆರೆನ ಕಥೆ, ಸುಕೇಶ್ ಶೆಟ್ಟಿ ಖಂಡಿಗೆ ನಿರ್ದೇಶನದ “ಎನ್ನಿಲೆಕ್ಕ ಇಜ್ಜೆರ್” ತುಳು ಹಾಸ್ಯ ನಾಟಕ ಪ್ರದರ್ಶನ ಆವರೆ ಉಂಡು.ಡಿ. 21 ಬಯ್ಯಡ್ ವಿಶ್ವಾಸ್ ಮ್ಯೂಸಿಕಲ್ ಮಂಗಳೂರು ಕೂಟದಕ್ಲೆರ್ದ್ “ಸಂಗೀತ ರಸ ಮಂಜರಿ”, ಬೊಕ್ಕ ಉಮೇಶ್ ಮಿಜಾರ್ ಸಾರಥ್ಯದ ನಮ್ಮ ಕಲಾವಿದೆರ್ ಬೆದ್ರ ಕೂಟದಕ್ಲೆರ್ದ್ “ವೈರಲ್ ವೈಶಾಲಿ” ನಾಟಕ ಪ್ರದರ್ಶನ ಆವರೆ ಉಂಡು.
ಡಿ. 20 ಬೊಕ್ಕ 21 ಕ್ಕ್ ಬಯ್ಯಡ್ 4 ಗಂಟೆರ್ದ್ ಫುಡ್ ಫೆಸ್ಟಿವಲ್ ನಡಪರೆ ಉಂಡು.
ಸೀರೆ ಮೇಳ: ಮೂಜಿ ದಿನ ಸುರತ್ಕಲ್ ಬಂಟರ ಭವನಡ್ ವಿವಿಧ ಮಳಿಗೆಗಳ ಸೀರೆ ಮಾರಾಟ ಮೇಳಲ ನಡಪರೆ ಉಂಡು ಪಂದ್ ಮಹಿಳಾ ವೇದಿಕೆದಕುಲು ತೆರಿಪಾದೆರ್.

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಗೌಜಿ ಗಮ್ಮತ್ ದ ಸುದ್ದಿ | Events & Functions ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ಮುಲ್ಕಿ

ಬಪ್ಪನಾಡ್ ದೇವಸ್ಥಾನಡ್ ಲಕ್ಷ ದೀಪೋತ್ಸವದ ಗೌಜಿ

Nov 20, 2025

ಮುಲ್ಕಿ ಸೀಮೆ ಒರ್ಂಬ ಮಾಗಣೆದ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನಡ್ ಮಾಗಣೆದ ಮಾತಾ ಭಕ್ತೆರ್ನ ಒಟ್ಟುಸೇರಿಗೆಡ್ ನ.19 ಬುಧವಾರ ಕಾಂಡೆರ್ದ್ ರಾತ್ರೆ ಮುಟ್ಟ ಬೇತೆ ಬೇತೆ ಧಾರ್ಮಿಕ ಕಾರ್ಯಕ್ರಮದ ಒಟ್ಟುಗು ಲಕ್ಷ ದೀಪೋತ್ಸವ ಭಾರಿ ಶ್ರದ್ಧಾ ಭಕ್ತಿಡ್ ನಡತ್ಂಡ್.
ಧಾರ್ಮಿಕ ಕಾರ್ಯಕ್ರಮದ ಅಂಗವಾದ್ ಕ್ಷೇತ್ರದ ತಂತ್ರಿಲಾಯಿನ ಶಿಬರೂರು ಗೋಪಾಲಕೃಷ್ಣ ತಂತ್ರಿಲು, ಅರ್ಚಕೆರಾಯಿನ ಶ್ರೀಪತಿ ಉಪಾಧ್ಯಾಯ ಬೊಕ್ಕ ನರಸಿಂಹ ಭಟ್ ನೇತೃತ್ವಡ್ ವಿಶೇಷ ಪ್ರಾರ್ಥನೆ ಮಲ್ತ್‌ದ್ ಮನ್ಯು ಸೂಕ್ತ ಹೊಮ, ಲಕ್ಷ ಕುಂಕುಮಾರ್ಚನೆ ಮಧ್ಯಾಹ್ನ ಮಹಾಪೂಜೆ, ಅನ್ನ ಸಂತರ್ಪಣೆ ನಡತ್ಂಡ್.
ಬಯ್ಯಡ್ 5 ಗಂಟೆರ್ದ್ ಸಾಮೂಹಿಕ ದುರ್ಗಾ ನಮಸ್ಕಾರ,ಲಲಿತಾ ಸಹಸ್ರನಾಮ ಪಾರಾಯಣ, ರಾತ್ರಿ 7.30ಕ್ಕ್ ಮಹಾ ಪೂಜೆ , ಲಕ್ಷ ದೀಪ ಬಲಿ ಉತ್ಸವ, ಯಕ್ಷಗಾನ, ಭರತನಾಟ್ಯ ಸಹಿತ ಅಷ್ಟಾವಧಾನ ಸೇವೆ ನಡತ್ಂಡ್.
ಈ ಪೊರ್ತುಡು ವೇದಮೂರ್ತಿ ವಾದಿರಾಜ ಉಪಾಧ್ಯಾಯೆರ್ ಕೊಲಕಾಡಿ,ಶಾಸಕೆರ್ ಉಮಾನಾಥ ಕೋಟ್ಯಾನ್, ದಾರ್ಮಿಕ ಪರಿಷತ್ ಸದಸ್ಯೆ ಮಲ್ಲಿಕಾ ಪಕ್ಕಳ,
ದೇವಸ್ಥಾನದ ಅನುವಂಶಿಕ ಮೊಕ್ತೇಸರೆರ್ ದುಗ್ಗಣ್ಣ ಸಾವಂತ ಅರಸೆರ್, ಕಾರ್ಯನಿರ್ವಹಣಾಧಿಕಾರಿ ಶ್ವೇತಾ ಪಳ್ಳಿ,
ಮಾಜೀ ಮೊಕ್ತೇಸರೆರ್ ಧರ್ಮದರ್ಶಿ ಡಾ ಹರಿಕೃಷ್ಣ ಪುನರೂರು,ಕಟೀಲು ಕ್ಷೇತ್ರದ ಅರ್ಚಕೆರ್ ಹರಿನಾರಾಯಣ ದಾಸ ಆಸ್ರಣ್ಣೆರ್, ಡಾ. ಶ್ರೀವತ್ಸ ಭಟ್ ಕೊಲಕಾಡಿ ಬೊಕ್ಕ ಮಸ್ತ್ ಜನ ಭಕ್ತೆರ್ ಪಾಲ್ ಪಡೆದಿತ್ತೆರ್.

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಗೌಜಿ ಗಮ್ಮತ್ ದ ಸುದ್ದಿ | Events & Functions ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ

ಪಂಚಮಹಾಲ್ ಶ್ರೀ ಸದಾಶಿವ ದೇವಸ್ಥಾನಡ್ ವಿಜೃಂಭಣೆದ ದೀಪೋತ್ಸವ

Nov 19, 2025

ಶ್ರೀ ಸದಾಶಿವ ದೇವಸ್ಥಾನಡ್ ವಿಜೃಂಭಣೆದ ದೀಪೋತ್ಸವ

ಮುಲ್ಕಿ: ಪಂಚಮಹಾಲ್ ಶ್ರೀ ಸದಾಶಿವ ದೇವಸ್ಥಾನಡ್ ಕಾರ್ತಿಕ ಮಾಸದ ದೀಪೋತ್ಸವ ವಿಜೃಂಭಣೆಡ್ ನಡತ್ಂಡ್.
ಧಾರ್ಮಿಕ ಕಾರ್ಯಕ್ರಮದ ಅಂಗವಾದ್ ಕ್ಷೇತ್ರದ ಅರ್ಚಕೆರ್ ಶ್ರೀನಾಥ್ ಭಟ್ ಮುತಾಲಿಕೆಡ್ ಕಾಂಡೆ ಪುಣ್ಯಾಹ, ಸಂಕಲ್ಪ ದೇವತಾ ಪ್ರಾರ್ಥನೆ, ಶ್ರೀ ದೇವೆರೆಗ್ ಕ್ಷೀರಾಭಿಷೇಕ, ಬಿಲ್ವಾರ್ಚನೆ, ರುದ್ರ ಪಾರಾಯಣ, ಏಕಾದಶ ರುದ್ರಾಭಿಷೇಕ, ಕಲ್ಪೋಕ್ತ ಪೂಜೆ, ಮಧ್ಯಾಹ್ನ ಮಹಾಪೂಜೆ, ಅನ್ನ ಸಂತರ್ಪಣೆ ನಡತ್ಂಡ್
ಬಯ್ಯ ಭಜನಾ ಕಾರ್ಯಕ್ರಮಗ್ ಜೀರ್ಣೋದ್ಧಾರ ಸಮಿತಿದ ಗೌರವಾಧ್ಯಕ್ಷೆರ್ ಧರ್ಮದರ್ಶಿ ಡಾ. ಹರಿಕೃಷ್ಣ ಪುನರೂರು ಚಾಲನೆ ಕೊರಿಯೆರ್
ಈ ಪೊರ್ತುಡು ಮಾಜೀ ಧಾರ್ಮಿಕ ಪರಿಷತ್ ಸದಸ್ಯ ಭುವನಾಭಿರಾಮ ಉಡುಪ, ಸಮಿತಿ ಸದಸ್ಯರಾಯಿನ ದೊಡ್ಡಣ್ಣ ಮೊಯ್ಲಿ, ರಾಮದಾಸ ಕಾಮತ್,ಸತೀಶ್ ಭಂಡಾರಿ,ರಾಘವೇಂದ್ರ ಭಟ್,
,ಚಂದ್ರಶೇಖರ ಸುವರ್ಣ,ತಾರಾನಾಥ ದೇವಾಡಿಗ,ಹರೀಶ್ ದೇವಾಡಿಗ,ಹರೀಶ್ ಅಮೀನ್,ಗಾಯತ್ರಿ,
ವಿನೋದ ಹರೀಶ್,ಸಾರಿಕಾ
ಉಪಸ್ಥಿತರಿತ್ತೆರ್.
ರಾತ್ರೆ ಶ್ರೀ ದೇವೆರೆಗ್ ಪುಷ್ಪಾಲಂಕಾರ ,ಪೂತ ಪೂಜೆ, ರಂಗ ಪೂಜೆ, ಪ್ರಸಾದ ವಿತರಣೆ ನಡತ್ಂಡ್.

ಉಡುಪಿದ ಸುದ್ದಿ | Udupi News ಗೌಜಿ ಗಮ್ಮತ್ ದ ಸುದ್ದಿ | Events & Functions ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಶ್ರೀ ಜಯದುರ್ಗಾಪರಮೇಶ್ವರಿ ದೇವಸ್ಥಾನ : ಕನ್ನರ್ಪಾಡಿ ಶ್ರೀ ಜಯದುರ್ಗಾ ಅಪ್ಪೆನ ಬ್ರಹ್ಮಕುಂಭಾಭಿಷೇಕ

Mar 22, 2022

ಒಡಿಪು : ತಾರೀಖ್ 2/4/2022 ನೇ ಸೋಮಾರರ್ದ್ 10/4/2022 ನೇ ಐತಾರ ಮುಟ ಇತಿಹಾಸ ಪ್ರಸಿದ್ಧ ಶ್ರೀ ಜಯದುರ್ಗಾಪರಮೇಶ್ವರಿ ದೇವೆರೆಗ್ “ಅಷ್ಟಬಂಧ ಬ್ರಹ್ಮಕುಂಭಾಭಿಷೇಕ ” ನಡಪರೆ ಉಂಡು.

ಈ ನೆಲೆಟ್ಟ್ ಎ.2 ಕ್ಕ್ ಋತ್ವಿಜರ ಸ್ವಾಗತ, ಸಾಮೂಹಿಕ ಪ್ರಾರ್ಥನೆ, ತೋರಣ ಮುಹೂರ್ತ, ಪುಣ್ಯಾಹ ವಾಚನ, ಉಗ್ರಾಣ ಮುಹೂರ್ತ,
ನಾಂದೀ, ಕಂಕಣಬಂಧ, ಅರಣಿಮಥನ, ಬ್ರಹ್ಮಕೂರ್ಚಹೋಮ, 12ಕಾಯಿ ಗಣಹೋಮ, ಮೂಲ ಮಂತ್ರ ಹೋಮ,ಸಪ್ತಶುದ್ಧಿ, ಗೋಪೂಜೆ, ಪ್ರಾಸಾದಶುದ್ಧಿ, ರಾಹೋಮ, ವಾಸ್ತುಹೋಮ, ಸುಬ್ರಹ್ಮಣ್ಯ ಬಿಂಬಾಧಿವಾಸ ನಡಪರೆ ಉಂಡು.

ಎ.3 ನೇ ಐತಾರ ಕಾಂಡೆ ಆದ್ಯಗಣಹೋಮ, ದುರ್ಗಾಶಾಂತಿ ಹೋಮ, ದೇವೀ ಪುನಃ ಪ್ರತಿಷ್ಠೆ, ಅಷ್ಟಬಂಧ, ಸುಬ್ರಹ್ಮಣ್ಯ ಪ್ರತಿಷ್ಠೆ, ಶಕ್ತಿಯಾಗ, ಪೀಠಿಕಾಯಾಗ, ಪ್ರತಿಷ್ಠಾಹೋಮ,ಆಶ್ಲೇಷಾಬಲಿ, ನವಕಪಧಾನಹೋಮ, ಸುಬ್ರಹ್ಮಣ್ಯ ಕಲಶಾಧಿವಾಸ ಹೋಮ ಭೂವರಾಹ ಮಂತ್ರಹೋಮ, ಶಕ್ತಿದಂಡಕ ಪೂಜೆ, ದೀಪ ನಮಸ್ಕಾರ, ಕಲ್ಕುಡ, ರಕ್ತೇಶ್ವರಿ , ನಂದಿಗೋಣ, ಕ್ಷೇತ್ರಪಾಲ ದೈವೊಲೆಗ್ ನವಕ ಪ್ರಧಾನ ಹೋಮ ನಡಪರೆ ಉಂಡು.

ಎ.4ನೇ ಸೋಮಾರ ದಾನಿ
ಅದ್ಯಗಣಹೋಮ, ದುರ್ಗಾಪ್ರಾಯಶ್ಚಿತ್ತ ಹೋಮ, ಮಹಾಮೃತ್ಯುಂಜಯ ಹೋಮ, ಶ್ರೀ ಸೂಕ್ತ ಪುರುಷಸೂಕ್ತ ಹೋಮ, ನವಗ್ರಹ ಹೋಮ ಮಹಾಸುದರ್ಶನ ಹೋಮ, ಆಘೋರ ಹೋಮ, ವನದುರ್ಗಾಹೋಮ ನಡಪರೆ ಉಂಡು.

ಎ.5 ಕ್ಕ್ ಅಂಗಾರೆ ದಾನಿ
ಆದ್ಯಗಣಹೋಮ, ಮೂಲಮಂತಹೋಮ, ದುರ್ಗಾಹೋಮ, ಗಣಪತಿ ಕುಶಾಧಿವಾಸ ಹೋಮ, ತತ್ತಹೋಮ,ಮಂಟಪಸಂಸ್ಕಾರ
ವಾಸ್ತುಪೂಜೆ, ಮಂಡಲ ರಚನೆ, ಗೋಪುರ ಶಿಖರ ಪ್ರತಿಷ್ಠ ನಡಪರೆ ಉಂಡು.

ಎ.6ಕ್ಕ್ ಬುದಾರ ದಾನಿ ಕಾಂಡೆ,ಅದ್ಯಗಣಹೋಮ, ಮೂಲಮಂತ್ರಹೋಮ,ಕಾಂಡೆ ಗಂಟೆ 9.10ಕ್ ಬರ್ಪಿನ ವೃಷಭಲಗ್ನ ಸುಮುಹೂರ್ತಡ್ ಬ್ರಹ್ಮಕುಂಭಾಭಿಷೇಕ, ಪಲ್ಲಪೂಜೆ,ಸಾರ್ವಜನಿಕ ಅನ್ನಸಂತರ್ಪಣೆ ಉತ್ಸವ, ರಂಗಪೂಜೆ, ಭೂತಬಲಿ ನಡಪರೆ ಉಂಡು.ಎ.7 ಕ್ಕ್ ಗುರುವಾರದಾನಿ ಕಾಂಡೆ ಸಂಕ್ಷಣೆ, ನವಚಂಡಿಕಾಯಾಗ ನಡಪೆರೆ ಉಂಡು.