ಬೊಲ್ತೆರ್ ಸುದ್ದಿ | Belthangady News

ಬಂಟ್ವಾಳ ತಾಲೂಕು ವೀರಕಂಭ ಗ್ರಾಮದ ಶ್ರೀ ಗಿಲ್ಕಿ0ಜತಾಯಿ ದೇವೆರೆ ಜಾತ್ರಾ ಉಚ್ಚಯ

ಬಂಟ್ವಾಳ, ಎಪ್ರಿಲ್ 11: ಬಂಟ್ವಾಳ ತಾಲೂಕು ವೀರಕಂಭ ಗ್ರಾಮದ ಗ್ರಾಮ ದೈವ ಶ್ರೀ ಗಿಲ್ಕಿ0ಜತಾಯಿ ದೇವೆರೆ ಜಾತ್ರಾ ಉಚ್ಚಯ ತಾರೀಖ್ 8-4- 2021ನೇ ಗುರುವಾರ ಸರಕಾರದ ಆದೇಶದ ಅನುಸಾರ ಕೋವಿಡ್ ನೀತಿ ನಿಯಮಲೆನ್ ಪಾಲಿಸಾದ್ ದೈವದ ನೆಮೋಚ್ಚಯ ನಡತ್oಡ್ .

ಈ ಪೊರ್ತುಡು ಪ್ರತಿವರ್ಷಲಾ ಜಾತ್ರಾ ಪೊರ್ತುಡು ಅನ್ನದಾನದ ವ್ಯವಸ್ಥೆನ್ ಮಲ್ತೊಂದು ಉಪ್ಪುನ ಯುವಶಕ್ತಿ ಫ್ರೆಂಡ್ಸ್ ಸಂಘ ಪತ್ತ್ ವರ್ಷ ಪೂರೈಸಿನ ನೆಲೆಟ್ಟ್ ದೈವಗ್ ಬಂಗಾರದ ಪೂ ಕಾಣಿಕೆನ್ ಅರ್ಪಣೆ ಮಲ್ತೆರ್.

ದೇವೆರ್ನ ಪಾದ ಸೇರಿಯೆರ್ ನಿಸ್ವಾರ್ಥ ಸಮಾಜಸೇವಕೆ ಪಂಜದಗುತ್ತು ಶಾಂತಾರಾಮ ಶೆಟ್ರ್

ಹಳೆಯಂಗಡಿ,ಎಪ್ರಿಲ್ 7: ಬೇತೆ ಬೇತೆ ಕ್ಷೇತ್ರೋಲೆಡ್ ಸೇವಾರ್ಥಿಯಾದ್ ಗುರ್ತಿಸಾವೊಂದು , ಸಮಾಜ ಸೇವಕೆಯಾದ್,ಉದ್ಯಮಿಯಾದಿತ್ತಿನ ಪಂಜದಗುತ್ತು ಶಾಂತಾರಾಮ ಶೆಟ್ಟಿ (79) ಮೇರ್ ಎ.6 ತಾರೀಖ್ ಗ್ ಕುಡ್ಲದ ಆಸ್ಪತ್ರೆಡ್ ತೀರ್ ಪೋಯೆರ್.ಮೃತೆರ್ ಬೊಡೆದಿ ರಡ್ಡ್ ಆಣ್ ಜೋಕುಲು ಅಂಚೆನೇ ರಡ್ಡ್ ಜನ ಪೊಣ್ಣು ಜೋಕ್ಲೆನೆರ್ದ್ ದೂರ ಆತೆರ್.

ಮೇರ್ ಪಂಜದ ಗ್ರಾಮಡ್ ಬೀಡಿ ಉದ್ಯಮ ಸುರು ಮಲ್ತ್ ದ್ ಅವ್ವೆತೋ ಕುಟುಂಬಗ್ ಆಸರೆಯಾತೆರ್ , ಪಾವಂಜೆ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನ, ಮೂಲ್ಕಿ ಸೀಮೆ ಅರಸು ಕಂಬಳ ಸಮಿತಿ, ಹಳೆಯಂಗಡಿ, ಪಕ್ಷಿಕೆರೆ ಸಾರ್ವಜನಿಕ ಗಣೇಶೋತ್ಸವ ಸಮಿತಿ, ಪಂಜ ವಿಠೋಬ ಭಜನಾ ಮಂದಿರ, ಮೂಲ್ಕಿ ಅರಮನೆ ಬೊಕ್ಕ ಬಸದಿದ ನವ ನಿರ್ಮಾಣಡ್ ವಿಶೇಷ ಸಾಕಾರ ಕೊರ್ತೆರ್ , ತನ್ನ ಊರುಡೆ ಕೆಮ್ರಾಲ್ ಫ್ರೌಢಶಾಲೆನ್ ಕಟ್ಟಿನೆರ್ದಾವರ ಸರಕಾರವು ಆರ್ನ ಪುದರ್ ಡೇ ಶಾಲೆಗ್ ಪುದರ್ ದೀದ್ ಗೌರವ ಕೊರ್ತೆರ್ .

ಮೇರ್ ತೀರ್ ಪೋಯಿನ ಸುದ್ದಿ ತೆರಿದ್ ಮಾಜಿ ಮುಖ್ಯಮಂತ್ರಿ ಎಂ.ವೀರಪ್ಪ ಮೊಯಿಲಿ, ಸಂಸದೆ ನಳಿನ್‌ಕುಮಾರ್ ಕಟೀಲು, ಶಾಸಕ ಉಮಾನಾಥ ಕೋಟ್ಯಾನ್, ಮಾಜಿ ಕೇಂದ್ರ ಸಚಿವ ಆಸ್ಕರ್ ಫೆರ್ನಾಂಡೀಸ್, ಮಾಜಿ ರಾಜ್ಯ ಸಚಿವ ಕೆ.ಅಭಯಚಂದ್ರ, ಮೂಲ್ಕಿ ಸೀಮೆಯ ಅರಸೆರಾಯಿನ ಎಂ.ದುಗ್ಗಣ್ಣ ಸಾವಂತರು, ಕಾಂಗ್ರೆಸ್‌ದ ಯುವ ನಾಯಕ ಮಿಥುನ್ ರೈ, ಕೆಪಿಸಿಸಿ ಕೋ ಆರ್ಡಿನೇಟರ್ ಎಚ್.ವಸಂತ ಬೆರ್ನಾಡ್, ಮೂಲ್ಕಿ ಅರಮನೆತ ಗೌತಮ್ ಜೈನ್ ಕಣ್ಣ ನೀರ ಪನಿತರ್ಪಣ ಮಲ್ದೆರ್.