ಪುತ್ತೂರ್ದ ಸುದ್ದಿ | Puttur News

ಬೆಳ್ಳಾರೆಡ್ ಇಲ್ಲಗ್ ತೂ ಪೊತ್ತ್‌ದ್ ತೀರ್ ಪೋಯಿನ ಯಜಮಾನೆ

Sep 7, 2022

ಬೆಳ್ಳಾರೆ: ಆಕಸ್ಮಿಕವಾದ್ ಇಲ್ಲಗ್ ತೂ ಪೊತ್ತ್‌ದಿತ್ತ್ ದ್ ಇಲ್ಲದ ಉಲಾಯಿ ಜೆತ್ತಿತ್ತಿನ ಯಜಮಾನೆ ಜೀವಂತವಾದ್ ಪೊತುದು ಪೋಯಿನ ಘಟನೆ ಬೆಳ್ಳಾರೆ ಠಾಣಾ ವ್ಯಾಪ್ತಿಡ್ ಇನಿ ಕಾಂಡೆ ನಡತ್ಂಡ್.

ಸುಳ್ಯ ತಾಲೂಕ್‌ದ ಐವರ್ನಾಡು ಗ್ರಾಮದ ಪರ್ಲಿಕಜೆ ಸುಧಾಕರ (47) ಘಟನೆಡ್ ತೀರ್ ಪೋಯಿನ ಜನ. ಇನಿ ಕಾಂಡೆ ಸುಧಾಕರ್ ಇಲ್ಲಡ್ ಜೆತ್ತ್‌ದಿತ್ತ್‌ದ್, ಬೋಡೆದಿ ಟ್ಯಾಪಿಂಗ್‌ ಕೆಲಸಗಾದ್ ಪೋದಿತ್ತೆರ್. ಪೊಲೀಸೆರ್, ಅಗ್ನಿಶಾಮಕ ದಳತ್ತಕುಲು ಜಾಗೆಗ್ ಬೈದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಭಾರಿ ಬರ್ಸ ಬರ್ಪಿನ ಅಂದಾಜಿ : ತುಳುನಾಡ್ ಡ್ ಇನಿ ರೆಡ್ ಅಲರ್ಟ್

Sep 7, 2022

ಕುಡ್ಲ: ದಕ್ಷಿಣ ಕನ್ನಡ ಅಂಚೆನೆ ಒಡಿಪು ಜಿಲ್ಲೆಡ್ ಸೆ.7 ಬುಧಾರ ಭಾರೀ ಬರ್ಸ ಬರ್ಪಿನ ಅಂದಾಜಿ ಇತ್ತಿನೆರ್ದಾವರ, ಈ ಬಗೆಟ್ ಹವಾಮಾನ ಇಲಾಖೆ ರೆಡ್ ಅಲರ್ಟ್ ಘೋಷಣೆ ಮಲ್ದ್ಂಡ್.

ಇನಿರ್ದ್ ನನ 5 ದಿನ ಕಾಲ ತುಳುನಾಡ್ ಡ್ ಭಾರೀ ಬರ್ಸ ಬರಿಯರೆ ಉಂಡು. ಇನಿ ರೆಡ್ ಅಲರ್ಟ್ ಆಂಡ ಎಲ್ಲೆರ್ದ್ 3 ದಿನ ಆರೆಂಜ್ ಅಲರ್ಟ್‌ ಘೋಷಣೆ ಆತ್ಂಡ್.

Red alert in Tulunadu

Manglore: Heavy rains are expected in Mangalore and many parts of DK district.Rains are expected in the next five days and red alert has been declared on September 7th and yellow alert for three days thereafter announced the meteorological department.

ಪುತ್ತೂರ್‍ದ್ ಕಡಬಗ್ ವರ್ಗಾವಣೆ ಆಯಿನ ತಹಶೀಲ್ದಾರ ರಮೇಶ್ ಬಾಬು

Sep 6, 2022

ಪುತ್ತೂರ್: ಪುತ್ತೂರ್‍ದ್ ವರ್ಗಾವಣೆ ಆಯಿನ ತಹಶೀಲ್ದಾರ ರಮೇಶ್ ಬಾಬು ಮೆರೆನ್ ಕಡಬ ತಾಲೂಕ್‌ಗ್ ವರ್ಗಾವಣೆ ಮಲ್ತ್‌ದೆರ್ ಪಂದ್ ತೆರಿದ್ ಬೈದ್ಂಡ್.

2020ಟ್ ರಮೇಶ್ ಬಾಬು ಮೇರ್ ಮೈಸೂರ್‍ದ್ ದ್ ಪುತ್ತೂರ್ ತಹಶೀಲ್ದಾರ ಆದ್ ಜೂನ್ ತಿಂಗೊಲ್ಡ್ ವರ್ಗಾವಣೆ ಆದಿತ್ತೆರ್. ಇತ್ತೆ ಕಡಬ ತಹಶೀಲ್ದಾರ ಆದ್ ವರ್ಗಾವಣೆ ಆತೆರ್ ಪಂದ್ ತೆರಿದ್ ಬೈದ್ಂಡ್. ಈ ಬಗೆಟ್ ಸರಕಾರದ ಆದೇಶ ಪತ್ರ ಬರಿಯರೆ ಮಾತ್ರ ಬಾಕಿ.

2023ನೇ ವೋಟುಗು ಪುತ್ತೂರ್ ಕ್ಷೇತ್ರರ್ದ್ ಉಂತುನು ಏರ್ ??

Sep 6, 2022

2023ನೇ ಇಸ್ವಿಡ್ ನಡಪರೆ ಉಪ್ಪುನ ವಿಧಾನಸಭಾ ಕ್ಷೇತ್ರದ ವೋಟುಗು ಪುತ್ತೂರ್ ಕ್ಷೇತ್ರರ್ದ್ ಏರ್ ಉಂತುವೆರ್ ಪನ್ಪಿನ ಪ್ರಶ್ನೆ ಮಾತ ಜನಕ್ಲೆನ ಮನಸ್ಸ್‌ಡ್ ಬಲ್ತೊಂದು ಉಂಡು. ಪುತ್ತೂರ್ ವಿಧಾನ ಸಭಾ ಕ್ಷೇತ್ರಡ್ ಬಿಜೆಪಿ ಏಪಲ ಗೆಂದುನ ತಾನೊಡು ಉಂಡು. ಬಿಜೆಪಿದ ಹಾಲಿ ಶಾಸಕೆರ್ ಸಂಜೀವ ಮಠಂದೂರು, ಉದ್ಯಮಿ ಆಶೋಕ್ ರೈ ಅಂಚನೆ ಹಿಂದೂ ಸಂಘಟನೆದ ಮುಖಂಡೆರ್ ಆಯಿನ ಅರುಣ್ ಕುಮಾರ್ ಪುತ್ತಿಲ ಮೊಕ್ಲೆಡ್ ಒರಿ ಏರಡಲ ಈ ಸರ್ತಿ ಬಿಜೆಪಿರ್ದ್ ವೋಟುಗ್ ಉಂತುವೆರ್ ಪನ್ಪಿನ ನಿರೀಕ್ಷೆ ಉಂಡು.

2018 ನೇ ಇಸ್ವಿಡ್ ನ್ಯಾಯಯುತ ವಾದ್ ಟಿಕೆಟ್ ತಿಕ್ಕೊಡಾಯಿನವ್ ಅರುಣ್ ಕುಮಾರ್ ಪುತ್ತಿಲ ಮೆರೆಗ್. ದಾಯೆ ಪಂಡ ಹಿಂದೂ ಸಂಘಟನೆಡ್ ದುಂಬುರ್ದ್ ಲ ಬೇಲೆನ್ ಮಲ್ತೊಂದು ಬೈದಿನಾರ್. ಆಂಡ ಅವ್ ಸಂಜೀವ ಮಠಂದೂರು ಮೆರೆನ ಪಾಲ್‌ಗ್ ಒಲಿದಿತ್ತ್ಂಡ್. ಅರುಣ್ ಮೇರ್ ಇತ್ತೆಲ ಹಿಂದೂ ಸಂಘಟನೆದ ಕೊಡಿನ್ ಪತ್ತೊಂದು ಸಂಘಟನೆದ ಪರವಾಯಿನ ಬೇಲೆಡ್ ಪಾಲ್ ಪಡೆಯೊಂದು ಉಲ್ಲೆರ್. ಈ ಸರ್ತಿಯಾಂಡಲ ಅರೆಗ್ ಟಿಕೆಟ್ ತಿಕ್ಕು ಪನ್ಪಿನ ನಿರೀಕ್ಷೆಡ್ ಉಲ್ಲೆರ್.

ನನ ಕಾಂಗ್ರೆಸ್ ಡ್ ಮಾಜಿ ಶಾಸಕಿ ಶಕುಂತಲ ಶೆಟ್ಟಿ, ಕಾಂಗ್ರೆಸ್ ಮುಖಂಡೆರ್ ಕಾವು ಹೇಮನಾಥ್ ಶೆಟ್ಟಿ, ಕಾಂಗ್ರೆಸ್ ನಾಯಕಿ ದಿವ್ಯಪ್ರಭಾ ಚಿಲ್ತಡ್ಕ ವೋಟುಗ್ ಟಿಕೆಟ್ ತಿಕ್ಕುನ ನಿರೀಕ್ಷೆ ಉಂಡು.

ಪ್ರವೀಣ್ ನೆಟ್ಟಾರುನು ಕೆರ್ತಿನ ಕೇಸ್; ಪುತ್ತೂರು ಸುಳ್ಯ ತಾಲೂಕ್ ದ ಮಸ್ತ್ ಕಡೆಟ್ ಎನ್‌ಐಎ ರೈಡ್

Sep 6, 2022

ಕುಡ್ಲ: ನೆಟ್ಟಾರು ಪ್ರವೀಣ್ ನ್ ಕೆರ್ತಿನ ಕೇಸ್ ಗ್ ಸಂಬಂಧಿಸಾದ್ ತನಿಖೆ ಮಲ್ತೊಂದಿಪ್ಪುನ ಎನ್‌ಐಎ ಅಧಿಕಾರಿಲು ಪುತ್ತೂರ್, ಸುಳ್ಯ, ಬೆಳ್ಳಾರೆ, ಉಬಾರ್ ಸೇರಿನಂಚನೆ ಒಟ್ಟು 32 ಕಡೆಟ್ ದಾಳಿ ಮಲ್ತ್‌ದೆರ್.

ಎನ್‌ಐಎ ಕೂಟದಕುಲು ಪಿಎಫ್‌ಐ ಬೊಕ್ಕ ಎಸ್.ಡಿ.ಪಿ.ಐ ಮುಖಂಡೆರ್ ಆಯಿನ ಜಾಬೀರ್ ಅರಿಯಡ್ಕ, ಇಕ್ಬಾಲ್ ಬೆಳ್ಳಾರೆ, ಶಾಹುಲ್ ಸಾಲ್ಮರ ಸೇರಿನಂಚನೆ ಮಸ್ತ್ ನಾಯಕೆರ್‍ನ ಇಲ್ಲದ ಮಿತ್ತ್ ದಾಳಿ ಮಲ್ತ್‌ದೆರ್.

ಜಿಲ್ಲಾ ಮಟ್ಟದ ಕಬಡ್ಡಿ: ವಿವೇಕಾನಂದ ಆಂಗ್ಲ ಮಾಧ್ಯಮ ಶಾಲೆದ ಆಣ್ ಜೋಕ್ಲೆನ ಕೂಟೊಗು ರಡ್ಡನೇ ಇನಾಮು

Sep 1, 2022

ವಿದ್ಯಾಭಾರತಿ ಕರ್ನಾಟಕ, ದ.ಕ.ಜಿಲ್ಲೆ ಅಂಚನೆ ಶ್ರೀರಾಮ ವಿದ್ಯಾಕೇಂದ್ರ ಕಲ್ಲಡ್ಕ ಮೊಕ್ಲೆನ ಒಟ್ಟು ಸೇರಿಗೆಡ್ ಆಗಸ್ಟ್ 24 ಕ್ಕ್ ತಾರೀಕ್ ಗ್ ಜಿಲ್ಲಾ ಮಟ್ಟದ ಕಬಡ್ಡಿ ಪಂತೊ ನಡತ್oಡ್.

ಉಂದೆಟ್ ವಿವೇಕಾನಂದ ಆಂಗ್ಲ ಮಾಧ್ಯಮ ಶಾಲೆದ 14 ವರ್ಸ ಪ್ರಾಯದ ಬೊಕ್ಕ 17ತ್ತ ವರ್ಸ ಪ್ರಾಯದ ಆಣುಲೆನ ಕೂಟ ರಡ್ಡನೆ ಇನಾಮು ಪಡೆತ್oಡ್.

8ನೇ ಕ್ಲಾಸ್ ದ ಮನ್ವಿತ್ ನೆಕ್ಕರೆ, ಪ್ರಣಾಮ್.ಪಿ.ಶೆಟ್ಟಿ, ಸವಂತ್‌ ರೈ.ಎಂ, ಆರ್ಯನ್.ಜೆ, 7ನೇ ಕ್ಲಾಸ್ ದ ಮೋಕ್ಷಿತ್, ಪ್ರೀತಮ್, ಪ್ರಣಾಮ್, ದನ್ವಿತ್, ತ್ರಿಜಲ್, ವೈಶಾಖ್ ಬೊಕ್ಕ 6ನೇ ಕ್ಲಾಸ್ ದ ಚಿನ್ಮಯಿ, ರಿತೇಶ್ ಅಂಚನೆ 10ನೇ ಕ್ಲಾಸ್ ದ ಶರಣ್.ಎಸ್.ರೈ, ಮೊಹಮ್ಮದ್‌ ಅನಸ್, ಲಿಖಿತ್‌ ಗೌಡ, ಯಶಸ್ವಿನ್.ಡಿ, ಕಿಶನ್.ಬಿ, ಶಶಾಂಕ್.ಎಂ, ಪ್ರಧಾನ್.ಕೆ, ಜೀವಿತ್.ಡಿ, ತ್ರಿಶೂಲ್‌ರಾಜ್.ಕೆ.ಎಲ್ ಬೊಕ್ಕ 9ನೇ ಕ್ಲಾಸ್ ದ ಧ್ಯಾನ್, ಚವನ್, 10ನೇ ಕ್ಲಾಸ್ ದ ನಿಶಾಂತ್ ಮುಕುಲು ಪಾಲ್ ಪಡೆದ್ ರಡ್ಡನೆ ಇನಾಮು ಪಡೆತೆರ್ ಪಂದ್ ಮುಖ್ಯೋಪಾಧ್ಯಾಯೆರ್ ಪ್ರಕಟಣೆಡ್ ತೆರಿಪಾದೆರ್.

Second place for Vivekananda English medium boy’s school in district level Kabbadi

Vidya Bharati Karnataka, DK district, and Sri Rama Vidya Kendra , Kalladka came together to host a district level Kabbadi compitition on the 24 th of August.

Students from Vivekananda English medium school secured the second place in under14 years and under 17 years catogery said the headmaster of the school.

ಕಬಕ : ಪೋವೊಂದಿತ್ತಿನ ರೈಲ್‌ಡ್ 8 ಲಕ್ಷ ಬಿಲೆತ್ತ ಸೊತ್ತುಲೆನ್ ಕಂಡಿನ ಕಲ್ವೆ

Aug 30, 2022

ಪುತ್ತೂರ್: ಪೋವೊಂದಿತ್ತಿನ ರೈಲ್ ರ್ದ್ ಪೊಂಜೊವು ಒರ್ತಿನ ಲಕ್ಷಾಂತರ ರೂಪಾಯಿದ ಬಂಗಾರ್ ಬೊಕ್ಕ ಕಾಸ್ ಇತ್ತಿನ ವ್ಯಾನಿಟಿ ಬ್ಯಾಗ್ ನ್ ಕಂಡ್ ದ್ ಆರೋಪಿ ಪದ್ರಾಡ್ ಆಯಿನ ಘಟನೆ ಕಬಕದ ಪುತ್ತೂರ್ ರೈಲ್ವೇ ಸ್ಟೇಷನ್‌ಡ್ ನಡತ್‌ದ್ಂಡ್.

ಕಬಕ ಪುತ್ತೂರ್ ರೈಲ್ವೇ ಸ್ಟೇಷನ್ ದ ಕೈತಲ್ 1.ಕಿ.ಮೀ. ದೂರದ ಹಾರಾಡಿ, ಸಿಟಿ ಗುಡ್ಡೆ ನಡುಟ್ ಬೆಂಗ್ಲೂರ್ದು ಕಾರವಾರಗ್ ಪೋವೊಂದಿತ್ತಿನ ರೈಲ್ ಡ್ ಈ ಘಟನೆ ನಡತ್‌ದ್ಂಡ್. ರಮೇಶ್ ಬೊಕ್ಕ ನಿರ್ಮಲಾ ಮೆರೆನ 40 ಸಾರ ಕಾಸ್ ಬೊಕ್ಕ ಬಂಗಾರ್ ಸೇರ್ದ್ ಒಟ್ಟು 8 ಲಕ್ಷ ಬಿಲೆತ್ತ ಸೊತ್ತುಲೆನ್ ಕಲ್ವೆ ಕಂಡೊಂದ್ ಪೋತೆ. ಈ ಬಗೆಟ್ ಕುಡ್ಲ ರೈಲ್ವೆ ಪೊಲೀಸೆರ್ ಕೇಸ್ ದಾಖಲ್ ಮಲ್ತ್‌ದೆರ್.

ಸೆ. 2ಕ್ಕ್ ಮೋದಿ ಭೇಟಿದ ನಿಲೆಟ್ಟ್ ಕುಡ್ಲ ಪೇಂಟೆದ ಶಾಲಾ, ಕಾಲೇಜ್ ಗ್ ರಜೆ ಘೋಷಣೆ ಮಲ್ತಿನ ಡಿಸಿ

Aug 30, 2022

ಸೆಪ್ಟೆಂಬರ್ 2ಕ್ಕ್ ಪ್ರಧಾನಿ ನರೇಂದ್ರ ಮೋದಿ ಕುಡ್ಲಗ್ ಬರ್ಪಿನೆಡ್ದಾವರ ಕುಡ್ಲ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿದ ಮಾತ ಶಾಲಾ-ಕಾಲೇಜ್ ಗ್ ರಜೆ ಘೋಷಣೆ ಮಲ್ತ್ ದ ಪಂದ್ ಜಿಲ್ಲಾಧಿಕಾರಿ ಡಾ. ಕೆ.ವಿ. ರಾಜೇಂದ್ರ ಆದೇಶ ಮಲ್ತ್ ದೆರ್.

ಕುಡ್ಲ ಪೇಂಟೆದ ಅಂಗನವಾಡಿ, ಪ್ರಾಥಮಿಕ, ಪ್ರೌಡ ಶಾಲೆ, ಪದವಿ ಪೂರ್ವ, ಪದವಿ ಅಂಚನೆ ಸ್ನಾತಕೋತ್ತರ ಕಾಲೇಜ್ ಗ್ ರಜೆ ಘೋಷಣೆ ಮಲ್ತ್ ದೆರ್.

Schools and colleges in Mangalore city to be closed on September 2nd on account of the PM’s visit to the city-DC

The DC K V Rajendra has announced that all schools and colleges under the Manglore City police commissionerate will be closed on September 2 nd on account of the vist of PM Narendra Modi.

100ನೇ ದಿನತ್ತ ಆಚರಣೆಡ್ ಉಂಡು “ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್” ತುಳು ಪಿಚ್ಚರ್

Aug 27, 2022

ಒಂದು ಮೊಟ್ಟೆಯ ಕಥೆ ಪಿಚ್ಚರ್ ಪುಗರ್ತೆದ ವೈಭವ್ ಪ್ರಿಕ್ಸ್ ಅಡಿಟ್, ಮ್ಯಾಂಗೋ ಪಿಕಲ್ ಬ್ಯಾನರ್ ಸಹಭಾಗಿತ್ವಡ್ ರಾಹುಲ್ ಅಮೀನ್ ನಿರ್ದೇಶನ ಮಲ್ತಿನ “ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್” ತುಳು ಪಿಚ್ಚರ್ ತುಳುನಾಡ್ ಡ್ ಬುಡುಗಡೆ ಆದಿತ್ತ್ ದ್ ಇತ್ತೆ 100ನೇ ದಿನತ್ತ ಆಚರಣೆಡ್ ಉಂಡು.

ಮೇ 20 ತಾರೀಕ್ ಗ್ ತುಳುನಾಡ್ ಡ್ ಬುಡುಗಡೆ ಆದಿತ್ತಿನ ಈ ಪಿಚ್ಚರ್ ಫ್ಯಾಮಿಲಿ ಎಂಟರ್ಟೈ ನ್ಮೆಂಟ್ ಆದ್ ಉಂಡು. ಜನಕ್ಲೆನ ಇಷ್ಟದ ಸಿನಿಮಾ ಉಂದಾದಿತ್ತ್ ದ್ ತುಳು ಚಿತ್ರರಂಗಡ್ ಇತಿಹಾಸನ್ ಸೃಷ್ಟಿ ಮಲ್ತ್ ದ್ಂಡ್.

ಈ ಪಿಚ್ಚರ್ ನ್ ಆನಂದ್ ಎಂ ನಿರ್ಮಾಣ ಮಲ್ತ್ ದಿತ್ತ್ ದ್, ಬಿ.ಅಶೋಕ್ ಕುಮಾರ್, ಸೀತಾರಾಮ್ ಶೆಟ್ಟಿ, ಅಜಯ್ ಬಾಳಿಗಾ, ಸುಹಾನ್ ಪ್ರಸಾದ್, ಪವನ್ ಕುಮಾರ್, ನಿತಿನ್ ರಾಜ್ ಶೆಟ್ಟಿ ಬೊಕ್ಕ ಅರ್ಪಿತ್ ಅಡ್ಯಾರ್ ಸಹ ನಿರ್ಮಾಪಕೆರಾತೆರ್.

ನಾಯಕೆ ನಟೆ ವಿ.ಜೆ.ವಿನೀತ್ ಪಿಚ್ಚರ್ ಗ್ ಕಥೆ, ಚಿತ್ರಕಥೆನ್ ಬರೆತೆರ್. ಜೇಕಬ್ ಜಾನ್ಸನ್ ಸಾಕಾರನ್ ಮಲ್ತೆರ್. ಗಿರ್ಗಿಟ್ ಪುಗರ್ತೆದ ಪ್ರಸನ್ನ ಶೆಟ್ಟಿ ಬೈಲೂರು ಸಂಭಾಷಣೆ ಬರೆದಿತ್ತೆರ್. ಸೃಜನ್ ಕುಮಾರ್ ತೋನ್ಸೆ ಪದ್ಯ ಸಂಯೋಜನೆ ಮಲ್ತೆರ್.

ರಾಜಣ್ಣನ ಮಗೆ ರಿಶಿ ಒರಿ ಈವೆಂಟ್ ಮ್ಯಾನೇಜರ್. ಯಾನ್ ಒರಿ ಮಲ್ಲ ವ್ಯಕ್ತಿಯಾವೊಡ್ ಪನ್ಪಿನ ಬಗೆಟ್ಟ್ ಮಸ್ತ್ ಪೊರ್ಂಬಾಟ ಮಲ್ತೊಂದಿಪ್ಪುವೆ. ಒಂಜಿ ಮಲ್ಲ ಲೇಸ್ ನ್ ಆಯೋಜನೆ ಮಲ್ತ್ ದ್ ಆಯಿಟ್ಟ್ ಆಯೇ ಯಶಸ್ವಿಯಾಯೆನ ಇಜ್ಜೆನ ಪನ್ಪಿನವ್ ಈ ಚಿತ್ರದ ಕಥೆಯಾತ್ಂಡ್.

ಪಿಚ್ಚರ್ ಡ್ ತುಳುನಾಡ್ ದ ಕಾಮಿಡಿ ಕಿಂಗ್ ಅರವಿಂದ್ ಬೋಳಾರ್, ನವರಸ ನಾಯಕೆ ಬೋಜರಾಜ್ ವಾಮಂಜೂರು ಅಂಚನೆ ನವೀನ್ ಡಿ ಪಡೀಲ್ ಅಂಚನೆ ಮಸ್ತ್ ತುಳುನಾಡ್ ದ ಪುಗರ್ತೆದ ಕಲಾವಿದೆರ್ ನಟನೆ ಮಲ್ತ್ ದೆರ್.

Tulu movie “Raj Sounds and lights celebrates 100 days show

Raj Sounds and lights movie released under the Mango Pickle banner directed by Rahul Amin has been running successfully in Tulunadu for 100 days now.

A thorough entertainer it was released on May 29th and had the audience running to the theatres to watch it.

ಪ್ರಧಾನಿಲೆನ ಕಾರ್ಯಕ್ರಮಗ್ ಪುತ್ತೂರುರ್ದು 15 ಸಾರ ಕಾರ್ಯಕರ್ತೆರ್ : ಸಂಜೀವ ಮಠಂದೂರು

Aug 26, 2022

ಪುತ್ತೂರ್: ಕುಡ್ಲದ ಕೂಳೂರ್ ಡ್ ಸೆ. 2ಕ್ಕ್ ನಡಪುನ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಮೆರೆನ ಕಾರ್ಯಕ್ರಮಡ್ ಪುತ್ತೂರು ವಿಧಾನ ಸಭಾ ಕ್ಷೇತ್ರರ್ದ್ ಸುಮಾರು 10 ಸಾರ ಫಲಾನುಭವಿಲು ಅಂಚನೆ 15 ಸಾರ ಸಾರ್ವಜನಿಕೆರ್ ಬೊಕ್ಕ ಕಾರ್ಯಕರ್ತೆರ್ ಪಾಲ್ ಪಡೆಯರೆ ಉಲ್ಲೆರ್ ಪಂದ್ ಶಾಸಕೆರ ಆಯಿನ ಸಂಜೀವ ಮಠಂದೂರು ಪಂಡೆರ್.

ಪಕ್ಷದ ಕಚೇರಿಡ್ ಪತ್ರಿಕಾಗೋಷ್ಡಿಡ್ ಪಾತೆರಿನ ಆರ್, ನರೇಂದ್ರ ಮೋದಿ ರಡ್ಡನೇ ಸರ್ತಿ ಪ್ರಧಾನ ಮಂತ್ರಿ ಆಯಿಬೊಕ್ಕ ಸುರುತ್ತ ಸರ್ತಿ ನಮ್ಮ ಜಿಲ್ಲೆಗ್ ಬರೊಂದುಲ್ಲೆರ್. ಈ ಲೇಸ್ ಗ್ ಪೋಪಿನ ಫಲನುಭವಿಲೆಗ್ ಗಾಡಿದ ವ್ಯವಸ್ಥೆ ಅಂಚನೆ ಜಿಲ್ಲಾಡಳಿತ ರ್ದ್ ಮಾತ ವ್ಯವಸ್ಥೆನ್ ಮಲ್ಪಾದ್ ಕೊರಿಯರೆ ಉಲ್ಲ. ಪಕ್ಷದ ಕಾರ್ಯಕರ್ತೆರೆಗ್ ಅಂಚನೆ ಸಾರ್ವಜನಿಕೆರೆಗ್ ಪೋಯರೆ ಪಕ್ಷದ ಮುತಾಲಿಕೆಡ್ ಸೌಲಭ್ಯನ್ ಮಲ್ಪಾದ್ ಕೊರಿಯರೆ ಉಲ್ಲ ಪಂಡೆರ್.

ಪುತ್ತೂರ್ದ ಸುದ್ದಿ | Puttur News

ಬೆಳ್ಳಾರೆಡ್ ಇಲ್ಲಗ್ ತೂ ಪೊತ್ತ್‌ದ್ ತೀರ್ ಪೋಯಿನ ಯಜಮಾನೆ

ಭಾರಿ ಬರ್ಸ ಬರ್ಪಿನ ಅಂದಾಜಿ : ತುಳುನಾಡ್ ಡ್ ಇನಿ ರೆಡ್ ಅಲರ್ಟ್

ಪುತ್ತೂರ್‍ದ್ ಕಡಬಗ್ ವರ್ಗಾವಣೆ ಆಯಿನ ತಹಶೀಲ್ದಾರ ರಮೇಶ್ ಬಾಬು

2023ನೇ ವೋಟುಗು ಪುತ್ತೂರ್ ಕ್ಷೇತ್ರರ್ದ್ ಉಂತುನು ಏರ್ ??

ಪ್ರವೀಣ್ ನೆಟ್ಟಾರುನು ಕೆರ್ತಿನ ಕೇಸ್; ಪುತ್ತೂರು ಸುಳ್ಯ ತಾಲೂಕ್ ದ ಮಸ್ತ್ ಕಡೆಟ್ ಎನ್‌ಐಎ ರೈಡ್

ಜಿಲ್ಲಾ ಮಟ್ಟದ ಕಬಡ್ಡಿ: ವಿವೇಕಾನಂದ ಆಂಗ್ಲ ಮಾಧ್ಯಮ ಶಾಲೆದ ಆಣ್ ಜೋಕ್ಲೆನ ಕೂಟೊಗು ರಡ್ಡನೇ ಇನಾಮು

ಕಬಕ : ಪೋವೊಂದಿತ್ತಿನ ರೈಲ್‌ಡ್ 8 ಲಕ್ಷ ಬಿಲೆತ್ತ ಸೊತ್ತುಲೆನ್ ಕಂಡಿನ ಕಲ್ವೆ

ಸೆ. 2ಕ್ಕ್ ಮೋದಿ ಭೇಟಿದ ನಿಲೆಟ್ಟ್ ಕುಡ್ಲ ಪೇಂಟೆದ ಶಾಲಾ, ಕಾಲೇಜ್ ಗ್ ರಜೆ ಘೋಷಣೆ ಮಲ್ತಿನ ಡಿಸಿ

100ನೇ ದಿನತ್ತ ಆಚರಣೆಡ್ ಉಂಡು “ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್” ತುಳು ಪಿಚ್ಚರ್

ಪ್ರಧಾನಿಲೆನ ಕಾರ್ಯಕ್ರಮಗ್ ಪುತ್ತೂರುರ್ದು 15 ಸಾರ ಕಾರ್ಯಕರ್ತೆರ್ : ಸಂಜೀವ ಮಠಂದೂರು

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ