ಪುತ್ತೂರ್ದ ಸುದ್ದಿ | Puttur News

ಪ್ರಕಾಶ್ ಪಡುಕೋಣೆಗ್ ಕೋವಿಡ್ ಪಾಸಿಟಿವ್

ಬೆಂಗ್ಳುರು, ಮೇ 04: ಬಾಲಿವುಡ್ ಸ್ಟಾರ್ ದೀಪಿಕಾ ಪಡುಕೋಣೆ ಮೆರೆನ ಅಮ್ಮೆರ್, ಮಾಜಿ ಬ್ಯಾಡ್ಮಿಂಟನ್ ಪ್ಲೇಯರ್ ಪ್ರಕಾಶ್ ಪಡುಕೋಣೆ ಮೇರ್ ಕೋವಿಡ್ ಪಾಸಿಟಿವ್ ಬತ್ತ್ದ್ ಆಸ್ಪತ್ರೆ ಸೇರ್ದ್ ಇತ್ತೆ ಹುಷಾರ್ ಆವೊಂದುಲ್ಲೆರ್. ಸುಮಾರ್ ೧೦ ದಿನ ಪಿರವುಡು ಪ್ರಕಾಶ್ ಪಡುಕೋಣೆ, ಅರೆ lನ ಬುಡದಿ, ಅಂಚನೆ ರಡ್ಡನೆ ಮಗಲೆಗ್ ಕೋವಿಡ್ ಲಕ್ಷಣ ಇತ್ತಿನೆರ್ದಾವರ ಪರೀಕ್ಷೆ ಮಲ್ಪಾನಗ ಪಾಸಿಟಿವ್ ಬತ್ತ್ಂಡ್. ಅಪಗನೇ ಅಕುಲು ಇಲ್ಲಡ್ ಐಸೊಲೇಟ್ ಆದ್ ಚಿಕಿತ್ಸೆ ದೆತೊನೊಂದು ಇತ್ತೆರ್.ಆಂಡ ಪ್ರಕಾಶ್ ಪಡುಕೋಣೆ ಮೆರೆಗ್ ಜ್ವರ ಕಮ್ಮಿ ಆವಂದಿನೆಕ್ಕ್ ಕರಿನ ಶನಿಯಾರ ಆಸ್ಪತ್ರೆ ಸೇರ್ಯೆರ್ ಪಂಡ್‌ದ್ ಪ್ರಕಾಶ್ ಮೆರೆನ ಸ್ನೇಹಿತೆರ್, ಪ್ರಕಾಶ್ ಪಡುಕೋಣೆ ಬ್ಯಾಡ್ಮಿಂಟನ್ ಅಕಾಡೆಮಿದ ನಿರ್ದೇಶಕಿ ವಿಮಲ್ ಕುಮಾರ್ ಪಿಟಿಐಗ್ ತೆರಿಪಾದೆರ್.

ಇತ್ತೆ ಆರ್ ಹುಷಾರ್ ಉಲ್ಲೆರ್ , ಅರೆನ ಬುಡೆದಿ ಬೊಕ್ಕ ಮಗಲ್ ಇಲ್ಲಡ್ ಹುಷಾರುಲ್ಲೆರ್, ಪ್ರಕಾಶ್ ಸರ್ ೨-೩ ದಿನೊಟ್ಟು ಬುಡುಗಡೆ ಆವರೆ ಉಲ್ಲೆರ್ ಪಂಡ್‌ದ್ ಆರ್ ಪಂಡೆರ್ , ಪ್ರಕಾಶ್ ಪಡುಕೋಣೆ ಮೆರ್ನ ಮಗಲ್ ದೀಪಿಕಾ ಪಡುಕೋಣೆ ಇಂಚೋಡು ಇನ್‌ಸ್ಟಗ್ರಾಮ್‌ಡ್, ಕೋವಿಡ್ ಜಾಸ್ತಿ ಆವೊಂದಿಟ್ಟಿನ ಪೊರ್ತುಡು ನಮ ಮಾತೆರ್ಲ ಮಾನಸಿಕವಾದ್ ಗಟ್ಟಿ ಉಪ್ಪೊಡು ಪನ್ಪಿನ ವಿಚಾರೊಡು ತೆರಿಪಾದ್ ಇತ್ತೆರ್ , ಪ್ರಕಾಶ್ ಪಡುಕೋಣೆ ೧೯೮೩ ನೇ ಇಸ್ವಿಡ್ ಬ್ಯಾಡ್ಮಿಂಟನ್ ಫೆರ್ಲ್ಡ್ ಚಾಂಪಿಯನ್‌ಶಿಪ್‌ಡ್ ಭಾರತೊಗು ಸುರುತ್ತಾ ಪದಕ (ಕಂಚಿ) ಕನದಿನಾರ್‌, ೧೯೭೦-೮೦ ಡ್‌ ಭಾರತದ ಕ್ರೀಡೆಡ್ ರೋಲ್ ಮೋಡೆಲ್ ಆದ್ ಮಿಂಚ್‌ದೆರ್.

ಒಡಿಪುದ ಐಟಿ ಉದ್ಯೋಗಿ ಕೋವಿಡ್ ಸೋಂಕುಗು ಬಲಿ

ಒಡಿಪು, ಮೇ 04: ಲಾಕ್ ಡೌನ್ ಕಾರಣ ಬೆಂಗಳೂರುರ್ದ್ ಒಡಿಪು ಗು ಬತ್ತಿನ ಐಟಿ ಉದ್ಯೋಗಿಯೊರಿ ಕೋವಿಡ್ ಸೋಂಕುಗು ಬಲಿಯಾಯಿನ ಘಟನೆ ಒಡಿಪುದ ಖಾಸಗಿ ಆಸ್ಪತ್ರೆಡ್ ನಡತುದುಂಡು .ಮರ್ದ್ ಫಲಕಾರಿಯಾವoದೆ ತೀರ್ ಪೋಯಿನ ದುರ್ದೈವಿ ಅಂಬಾಗಿಲು ಪುತ್ತೂರುದ ಅನಂತ ಆಚಾರ್ (38) ಪಂದ್ ತೆರಿದ್ ಬೈದುಂಡು.

ಕರಿನ ಒಂಜಿ ತಿಂಗೊಲುರ್ದು ಇಲ್ಲಡೆ ಬೇಲೆ ಮಲ್ತೊಂದು ಇತ್ತಿನ ಆನಂತ್ ಕೆಲವು ದಿನರ್ದ್ ಹುಷಾರ್ ಇಜ್ಜಂದೆ ಆಸ್ಪತ್ರೆಡ್ ಇತ್ತೆರ್,ಸೋಮವಾರ ಮಧ್ಯಾಹ್ನ ಮರ್ದ್ ಫಲಕಾರಿಯಾವಂದೇ ತೀರ್ ಪೋತೆರ್.ಪುತ್ತೂರುದ ಪಿ, ಶ್ರೀಕಾಂತ ಆಚಾರ್ಯೆರ್ನ ಮಗೆ ಆಯಿನ ಮೇರ್ , ಪತ್ನಿ, ಅಂಚನೇ ರಡ್ಡ್ ಪೊಣ್ಣು ಜೋಕ್ಲೆನ್ ಪಡೆಯೊಂದೆರ್.

ನಿಟ್ಟೂರು ಪ್ರೌಢಶಾಲೆದ ಹಳೆವಿದ್ಯಾರ್ಥಿಯಾಯಿನ ಮೆರ್ನ ನಿಧನಗ್ ನಿಟ್ಟೂರು ಎಜುಕೇಶನಲ್ ಸೊಸೈಟಿದ ಗುರ್ಕಾರ್ಲು , ಶಾಸಕೆರಾಯಿನ ಕೆ. ರಘುಪತಿ ಭಟ್‌, ಕಾರ್ಯದರ್ಶಿ ಮುರಲಿ ಕಡೆಕಾರ್, ಮುಖ್ಯ ಶಿಕ್ಷಕಿ ಅನಸೂಯಾ, ಹಳೆವಿದ್ಯಾರ್ಥಿ ಸಂಘದ ಗುರ್ಕಾರ್ಲಾಯಿನ ಯೋಗಿಶ್ ಚಂದ್ರಾಧರ್‌ ಬೊಕ್ಕ ಶಾಲೆದ ಇಡೀ ಸಮೂಹ ಕಣ್ಣ ನೀರ ಪನಿತರ್ಪಣ ಮಲ್ತೆರ್.

ಸುಳ್ಯಡ್ 86 ಜನಕ್ ಕೋವಿಡ್ ಪಾಸಿಟಿವ್

ಸುಳ್ಯ, ಮೇ 04 : ಸುಳ್ಯಡ್ 86 ಜನಕ್ ಕೋವಿಡ್ ಪಾಸಿಟಿವ್ ಬೈದುಂಡು . ಸುಳ್ಯ ನಗರ ಪಂ. ವ್ಯಾಪ್ತಿಡ್ ಬಾರಿ ಸಂಖ್ಯೆಡ್ ಪಾಸಿಟಿವ್ ಪ್ರಕರಣ ತೊಜಿದ್ ಬೈದುಂಡು.

ಸುಳ್ಯ ಪೇಂಟೆಡ್ ಕೋಡೆ 52 ಜನಕ್ ಕೋವಿಡ್ ಸೋಂಕು ದೃಢ ಆತುಂಡು . ನನ ಸಂಪಾಜೆ ಗ್ರಾಮಡ್ 7 ಜನಕ್ ಪಾಸಿಟಿವ್, ಅಜ್ಜಾವರ-4, ಜಾಲ್ಸೂರುಡು 3, ತೊಡಿಕಾನ-3, ದೇವಚಳ್ಳ -1, ಅಮರಮುಡ್ನೂರು 1, ಗುತ್ತಿಗಾರು-2, ಉಬರಡ್ಕ ಮಿತ್ತೂರು 2, ಪಂಜ-4, ಮಡಪ್ಪಾಡಿ-3, ಅಮರಪಡ್ನೂರು-3, ಎಡಮಂಗಲ-1,ಸುಳ್ಯ ತಾಲೂಕುಡು ಒಟ್ಟು 358 ಸಕ್ರೀಯ ಪ್ರಕರಣ ಉಂಡು .