ಪುತ್ತೂರು: ಯಾನ್ ವಿಧಾನಸಭೆಟ್ ತುಳುಟ್ ಪಾತೆರ್ನಗ ಎಂಕ್ ಬೆಂಬಲ ಕೊರ್ನ ಸಚಿವೆರ್ ಜಮೀರ್ ಅಹ್ಮದ್. ಯಾನ್ ಅದಿವೇಶನಡ್ ಲಕ್ಕುದು ಉಂತುದು ಪಾತೆರ್ನಗ ಕೆಲವೆರ್ ಆಕ್ಷೇಪ ಮಲ್ತೆರ್. ಆ ಪೊರ್ತುಡು “ಪಾತರ್ಲೆ ಅಶೋಕೆರೆ ಪಾತರ್ಲೆ” ಪಂದ್ ಎಂಕ್ ಬೆಂಬಲ ಕೊರ್ತೆರ್. ನೆಕ್ಕಾದ್ ಇನಿ ತುಳುನಾಡುದ ಜನತೆದ ಪರವಾದ್ ಸೊಲ್ಮೆ ಸಂದಾವೆ ಪಂದ್ ಶಾಸಕೆರ್ ಅಶೋಕ್ ರೈ ಪಂಡೆರ್.
ಮೆರ್ ಮಿತ್ತೂರು ದಾರುಲ್ ಇರ್ಷಾದ್ ಶಾಲೆಡ್ ಪ್ರಧಾನಮಂತ್ರಿ ಜನ ವಿಕಾಸ ಯೋಜನೆಯಡಿಟ್ ನಿರ್ಮಾಣ ಆಯಿನ ಪ್ರೌಢಶಾಲೆದ ಕಟ್ವಾನದ ಉದಿಪನ ಲೇಸ್ ಡ್ ಗುರ್ಕಾಮೆನ್ ವಹಿಸಾದ್ ಪಾತೆರಿಯೆರ್.
ತುಳುನು ಎನ್ಮನೇ ಪರಿಚ್ಚೇದ ಬೊಕ್ಕ ರಾಜ್ಯದ ರಡ್ಡನೇ ಭಾಷೆಯಾದ್ ಪರಿಗಣನೆ ಮಲ್ಪೊಡು ಪನ್ಪುನ ಕಾರಣಗ್ ಯಾನ್ ತುಳುಟು ಅಧಿವೇಶನಟ್ ಪಾತೆರ್ದೆ ಈ ಪೊರ್ತುಡು ಎಂಕ್ ಸಚಿವೆರ್ ಕೊರ್ನ ಪ್ರೋತ್ಸಾಹನ್ ಏಪಗ್ಲಾ ಮರಪೆರೆ ಸಾಧ್ಯ ಇಜ್ಜಿ ಪಂದ್ ಶಾಸಕೆರ್ ಪಂಡೆರ್.
ರಾಜ್ಯಡ್ ಕಾಂಗ್ರೆಸ್ ಸರಕಾರ ಅಧಿಕಾರಗ್ ಬತ್ತಿನ ಬೊಕ್ಕ ಜನಕ್ಕುಲು ನೆಮ್ಮದಿಡ್ ಉಲ್ಲೆರ್. ಐನ್ ಗ್ಯಾರಂಟಿಲು ಜನಕ್ಲೆಗ್ ಬದ್ಕ್ ಕೊರ್ತುಂಡು. ಶಕ್ತಿ ಯೋಜನೆ, ಅನ್ನಭಾಗ್ಯ, ಗೃಹಜ್ಯೋತಿ, ಬೊಕ್ಕ ಗೃಹಲಕ್ಷಿö್ಮÃ ಯೋಜನೆಲು ಮಾತಾ ಇಲ್ಲಲ್ ಬೆಳಗೊಂಡು. ಯೋಜನೆನ್ ಅಪಹಾಸ್ಯ ಮಲ್ತಿನಕುಲು ಅಕ್ಲೆನ ಖಾತೆಗ್ ಕಾಸ್ ಬೂರ್ನಗ ಮನಿಪಂದೆ ಕುಲ್ದೆರ್. ಇಲ್ಲಲ್ ಫ್ರೀ ಕರೆಂಟ್ ಪೊತ್ತುನಗ ಮಕ್ಕರ್ ಮಲ್ತೊಂದು ಇತ್ತಿನಕ್ಲೆನ ನಂಜಿ ಉಂತುದುAಡು. ರಾಜ್ಯದ ಮಾತಾ ಜನಕ್ಲೆಗ್ ಸಮಾನ ಅವಕಾಶನ್ ಕೊರ್ಪುನ ಮುಖೇನ ಮುಖ್ಯಮಂತ್ರಿ ಸಿದ್ದರಾಮಯ್ಯ ರಾಜಧರ್ಮ ಪಾಲನೆ ಮಲ್ತೊಂದು ಉಲ್ಲೆರ್ ಪಂದ್ ಪಂಡೆರ್.
ಮಸೀದಿ ಆಡಳಿತಡ್ ಎಡ್ಡೆ ಬಾಂಧವ್ಯ
ಜಿಲ್ಲೆಡ್ ಪುತ್ತೂರು ಬೊಕ್ಕ ಉಳ್ಳಾಲ ಬುಡ್ದು ಬೇತೆ ಕಡೆ ಕಾಂಗ್ರೆಸ್ ಅಲ್ಪಮತರ್ದ್ ಸೋತುದುಂಡು. ವಿನಾ ಕಾರಣ ಕಾಂಗ್ರೆಸ್ ಗ್ ಹಾನಿ ಆತಿಜಿ. ಜಿಲ್ಲೆಡ್ ಕಾಂಗ್ರೆಸ್ ಗಟ್ಟಿಯಾದ್ ದುಂಬುದ ದಿನಟ್ ಜನ ಕಾಂಗ್ರೆಸ್ ಗ್ ಬೆಂಬಲ ಕೊರ್ಪೆರ್. ಕಾಂಗ್ರೆಸ್ ಅಧಿಕಾರಗ್ ಬತ್ತಿ ಬೊಕ್ಕ ಜನಕುಲು ಖುಷಿಟ್ ಉಲ್ಲೆರ್. ಸಿದ್ದರಾಮಯ್ಯೆರ್ ಸಿಎಂ ಆಯಿ ಬೊಕ್ಕ ರಾಜ್ಯಡ್ ಶಾಂತಿದ ವಾತಾವರಣ ನಿರ್ಮಾಣ ಆತ್ಂಡ್. ಕೋಮುವಾದ ಮಲ್ಪುನಕ್ಲೆನ ಹೆಡೆಮುರಿ ಕಟ್ಟುನಲ್ಪ ಸರಕಾರ ಸಫಲ ಆತ್ಂಡ್ ಪಂಡಿನ ಶಾಸಕೆರ್ ಮಸೀದಿದ ಆಡಳಿತ ಕಮಿಟಿದಕುಲು ಸಮಾಜಡ್ ಸೌಹಾರ್ದ ವಾತಾವರಣಡ್ ಇಪ್ಪುನ ಪೆರ್ಮೆದ ವಿಷಯ ಆತ್ಂಡ್. ಅಲ್ಪಸಂಖ್ಯಾತ ಇಲಾಖೆರ್ದ್ ತಿಕ್ಕುನ ಮಾತಾ ಸವಲತ್ತುಲೆನ್ ಜನಕ್ಲೆಗ್ ಮುಟ್ಟಾವುಲುಕ ಮಲ್ಪುವೆ, ನನಲ ಕೆಲವು ಬೇಡಿಕೆಲು ಉಂಡು ಅವೆನ್ ಇರ್ನ ಎದುರು ಕನಪೆ ಈರ್ ಸಹಕಾರ ಕೊರೊಡು ಪಂದ್ ಸಚಿವೆರಾಯಿನ ಜಮೀರ್ ಅಹ್ಮದ್ ಗ್ ಬಿನ್ನಾಪು ಮಲ್ತೆರ್.
ತುಳುಟೆ ಪಾತೆರ ಸುರು ಮಲ್ತಿನ ಜಮೀರ್ ಅಹ್ಮದ್
ಸಚಿವೆರಾಯಿನ ಜಮೀರ್ ಅಹ್ಮದ್ ತುಳುಟೆ ತನ್ನ ಪಾತೆರನ್ ಶುರು ಮಲ್ತ್ “ಎಂಕ್ ತುಳು ಬರ್ ಪುಂಡು ಆಂಡ ಜಾಸ್ತಿ ಗೊತ್ತಿಜ್ಜಿ” ಪನ್ಪುನ ಮುಖೇನ ತುಳುನಾಡ್ ದ ಭಾಷೆಗ್ ಗೌರವ ಕೊರಿಯೆರ್.
