ಕಾರ್ಲದ ಸುದ್ದಿ Karkala News

ಆ. 28ಗ್ ತುಳುನಾಡ ಜವನೆರ್ ಬೆಂಗ್ಲೂರ್ (ರಿ) ಉಂದೆತ್ತ ಮುತಾಲಿಕೆಡ್ ಅಸ್ಟೆಮಿದ ಐಸಿರ ಮೊಸರು ಕುಡಿಕೆ ಉಚ್ಚಯ 2022

ಬೆಂಗ್ಲೂರ್: ತುಳುನಾಡ ಜವನೆರ್ ಬೆಂಗ್ಲೂರ್ (ರಿ) ಉಂದೆತ್ತ ಮುತಾಲಿಕೆಡ್ ಅಸ್ಟೆಮಿದ ಐಸಿರ ಮೊಸರು ಕುಡಿಕೆ ಉಚ್ಚಯ 2022 ಉಂದುವೇ ಬರ್ಪಿನ ಆಗೋಸ್ಟ್ 28ಗ್ ನಡಪರೆ ಉಂದು ಪಂದ್ ಪ್ರಕಟಣೆ ತೆರಿಪಾದ್ಂಡ್.

ಕಾಂಡೆ 9 ಗಂಟೆರ್ದ್ ರಾತ್ರೆ 9 ಗಂಟೆ ಮುಟ್ಟ ಬೆಂಗ್ಲೂರ್ ದ ಬಂಟರ ಸಂಘ ವಿಜಯನಗರಡ್ ಲೇಸ್ ನಡಪರೆ ಉಂಡು.

ಅಸ್ಟೆಮಿದ ಐಸಿರ ಲೇಸ್ ಡ್ ಕಾಂಡೆ

8.30-9.30 ಮುಟ್ಟ ಭಜನಾ ಸಂಕೀರ್ತನೆ
9.30-10.00 ಗಂಟೆ ಮುಟ್ಟ ಪಿಲಿವೇಷ, ಕಂಗಿಲು ನಲಿಕೆ, ಚೆಂಡೆ ನೃತ್ಯ
10.00-10.30 ಲೇಸ್ ದ ಉದಿಪನ
10.30-2.30 ಮುಟ್ಟ ನರಕಾಸುರ ಮೋಕ್ಷ ತುಳು ಯಕ್ಷಗಾನ ಬಯಲಾಟ
12.30 ಗ್ ವನಸ್ ನಡಪರೆ ಉಂಡು.

ಮಧ್ಯಾಹ್ನ 1.30-3.30 ಐಸಿರದ ಫ್ಯಾಶನ್ ಶೋ
3.30-4.30 ಮೊಸರು ಕುಡಿಕೆ ಉತ್ಸವ
4.30-6.30 ಸಭೆ, ಮಾನಾದಿಗೆ
6.30-7.00 ಮಹಿಷಮರ್ದಿನಿ ರೂಪಕ
7.00-9.00 ತುಳು ನಾಟಕ “ನಿತ್ಯೆ ಬನ್ನಗ”
9 ಗಂಟೆಗ್ ವನಸ್ ನಡಪರೆ ಉಂಡು.

ಮಕರ ಶ್ರೀ ಭಜನಾ ಮಂಡಲ ವಿಜಯನಗರ, ಶ್ರೀ ವಿನಾಯಕ ಭಜನಾ ಮಂಡಳಿ ದಾಸರಹಳ್ಳಿ ಮುಕುಲೆಡ್ದ್ ಭಜನಾ ಸಂಕೀರ್ತನೆ ನಡಪರೆ ಉಂಡು.

ಉದಿಪನದ ಲೇಸ್ ಡ್ ಬಾಲಾಜಿ ಅಯ್ಯಪ್ಪ ಶಿಬಿರ ಕಾರ್ಲದ ಬಾಲಕೃಷ್ಣ ಹೆಗ್ಡೆ , ಬಂಟರ ಸಂಘ ಬೆಂಗ್ಲೂರ್ ದ ಅಧ್ಯಕ್ಷೆರ್ ಮುರಳೀಧರ ಹೆಗ್ಡೆ, ಬೆಂಗ್ಲೂರ್ ದ ಸಹಾಯಕ ಪೊಲೀಸ್ ಕಮಿಷನರ್ ಲೀನಾ ಸುವರ್ಣ, ಪುಸಾದ್ ಫಾರ್ಮ್ ದ ಉದ್ಯಮಿ ಜಯಪ್ರಸಾದ್ ಶೆಟ್ಟಿ, ಇರ್ಮಾಡಿ, ತುಳು ಸಂಘಟಕೆರ್ ಬೆಂಗ್ಲೂರ್ ದ
ಆರ್ ಕೆ ಭಟ್, ಗೋವಿಂದ ಬಾಬು ಪೂಜಾರಿ, ಪುರುಷೋತ್ತಮ ಚೇಂಡ್ಲ, ದೀಪಕ್ ಶೆಟ್ಟಿ ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್.

ಸಭಾ ಕಾರ್ಯಕ್ರಮದ ಸಭಾಧ್ಯಕ್ಷತೆನ್ MRG ಗ್ರೂಪ್ ದ ಬಂಜಾರ ಪ್ರಕಾಶ್ ಶೆಟ್ಟಿ ವಹಿಸೊನರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಸಚಿವೆರ್ ಸುನಿಲ್ ಕುಮಾರ್, ಶಾಸಕೆರ್ ರಾಜೇಶ್ ನಾಯ್ಕ ಉಳಿಪ್ಪಾಡಿಗುತ್ತು, ಶಾಸಕೆರ್ ಹರೀಶ್ ಪೂಂಜಾ, BBMP ನಿಕಟಪೂರ್ವ ಸದಸ್ಯೆರ್ ಉಮೇಶ್ ಶೆಟ್ಟಿ, ಉದ್ಯಮಿ, ತುಳುಕೂಟ ಗುಜರಾತ್‌ ದ ಅಧ್ಯಕ್ಷೆರ್ ಬರೋಡ ಶಶಿಧರ್ ಶೆಟ್ಟಿ, ಟಿವಿ ವಿಕ್ರಮದ ಮುಖ್ಯಸ್ಥೆರ್ ಮಹೇಶ್ ವಿಕ್ರಮ್ ಹೆಗ್ಡೆ, ಉದ್ಯಮಿ ಸಮಾಜ ಸೇವಕೆರ್ ಗುರ್ಮೆ ಸುರೇಶ್ ಶೆಟ್ಟಿ, ಉತ್ಸವ ಸಮಿತಿದ ಗೌರವಾಧ್ಯಕ್ಷೆರ್ ಉತ್ತಮ್ ಶೆಟ್ಟ ಬೇಂಗದಡಿ ಬರಿಯರೆ ಉಲ್ಲೆರ್. ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರ್ ಅಂಚನೆ ವಾಗ್ಮಿ ಡಾ. ಅರುಣ್ ಉಳ್ಳಾಲ್ ಭಾಷಣ ಮಲ್ಪರೆ ಉಲ್ಲೆರ್.

ಈ ಪೊರ್ತುಡು ತುಳುನಾಡ ಐಸಿರ ಮಾನಾದಿಗೆ ನಡಪರೆ ಉಂಡು. ಪದ್ಮಶ್ರೀ ಹರೇಕಳ ಹಾಜಬ್ಬ (ಶಿಕ್ಷಣ ಕ್ಷೇತ್ರ), ಪದ್ಮಶ್ರೀ ಮಹಾಲಿಂಗ ನಾಯ್ಕ (ಕೃಷಿ ಕ್ಷೇತ್ರ), ಶಾರದಾ ಮೊಗವೀರ ಮಲ್ಪೆ (ಸಮಾಜಸೇವಾ ಕ್ಷೇತ್ರ), ಮಮತಾ ಪೂಜಾರಿ (ಕ್ರೀಡಾ ಕ್ಷೇತ್ರ), ಕಲ್ಚಾರ್ ಲಕ್ಷ್ಮೀ ನಾರಾಯಣ ಭಟ್ (ಕಲಾ ಕ್ಷೇತ್ರ) ಮುಕುಲು ಮಾನಾದಿಗೆ ದೆತೊನರೆ ಉಲ್ಲೆರ್. ಈ ಪೊರ್ತುಡು ಬೇತೆ ಬೇತೆ ರೀತಿದ ಪಂತೊಲು ನಡಪರೆ ಉಂಡು.

Tulunadu Javaner (R) Bangalore organise Astami Isira Mosaru Kudekay festival 2022 .

Bangalore: Tulunadu Javaner (R) have organised Astami Isira Mosaru Kudekay celebrations 2022 on August 28th.

The functions will be from Morning 8a.m to evening 8p.m at Bantara Sangha, Vijayanagar.

Various programmes have been arranged through out the day.
The inauguration will be in the presence of the president of Bantara Sangha Bangalore Murlidhar Hegde, Balakrishna Hegde, Assistant Police Commissioner of Bangalore Leena Suvarna and many others.
At the stage program B Prakash Shetty of MRG group will preside.The guests of honour will be minister Sunil Kumar, MLA Harish Poonja, Rajesh Naik including many others.