ವಿಶ್ವ ಬಂಟರ ಸಮ್ಮೇಳನದ” ಲೆಪ್ಪೋಲೆ ಬುಡುಗಡೆ
ಒಡಿಪುಡು ಅ.28 ,29 ದಾನಿ ನಡಪುನ “ವಿಶ್ವ ಬಂಟರ ಸಮ್ಮೇಳನ”ದ ಲೆಪ್ಪೋಲೆ ಬುಡುಗಡೆ ಲೇಸ್ ಬೆಳ್ತಂಗಡಿ ಬಂಟರ ಯಾನೆ ನಾಡವರ ಸಂಘಡ್ ನಡತ್ಂಡ್. ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಮೆರೆನ ಮುತಾಲಿಕೆಡ್ ವಿಶ್ವ ಬಂಟರ ಸಮ್ಮೇಳನದ ಪ್ರಯುಕ್ತ ಅ.28 ದಾನಿ ಒಡಿಪುದ ಅಜ್ಜರಕಾಡು ಮೈದಾನಡ್ ನಳಿನ ಭೋಜ ಶೆಟ್ಟಿ ಚಾವಡಿಡ್ “ವಿಶ್ವ ಬಂಟರ ಕ್ರೀಡಾಕೂಟ” ನಡಪೆರೆ ಉಂಡು.
ಅ.29 ದಾನಿ ಒಡಿಪುದ ಶ್ರೀಮತಿ ಅಮ್ಮಣ್ಣಿ ರಾಮಣ್ಣ ಶೆಟ್ಟಿ ಸಭಾಭವನದ ವಠಾರಡ್ ಶ್ರೀ ಕನ್ಯಾನ ಸದಾಶಿವ ಶೆಟ್ಟಿ ವೇದಿಕೆಡ್ “ವಿಶ್ವ ಬಂಟರ ಸಾಂಸ್ಕೃತಿಕ ವೈಭವ” ನಡಪೆರೆ ಉಂಡು. ಈ ಕಾರ್ಯಕ್ರಮಡ್ ಬೋಲ್ತೆರ್ ತಾಲೂಕುದ ಬೇತೆ ಬೇತೆ ವಲಯ ಸಂಘದ ಅಧ್ಯಕ್ಷೆರ್, ಮಹಿಳಾ ವಿಭಾಗ ಯುವ ವಿಭಾಗ ಪದಾಧಿಕಾರಿಲು ಬೊಕ್ಕ ಕಾರ್ಯಕಾರಿ ಸಮಿತಿ ಸದಸ್ಯೆರ್ ಪಾಲ್ ಪಡೆದಿತ್ತೆರ್.
500 ಕ್ಕ್ ಎಚ್ಚ ಪುಟತ್ತ ಈ ಬೂಕು ಕರಿನ ವರ್ಷ ಪ್ರಕಟ ಆದ್, ಮುಂಬೈ ಬಂಟರ ಸಂಘದ ಕನ್ನಡ ವಿಭಾಗ ಮುಂಬೈ ವಿಶ್ವವಿದ್ಯಾಲಯ ಆಯೋಜನೆ ಮಲ್ತಿನ “ಮುಂಬೈ ಪತ್ರಕರ್ತೆರ್ನ ಸಮಾಗಮ” ಸಂಭ್ರಮಡ್ ಬಿಡುಗಡೆ ಆದ್ ಇತ್ತ್ಂಡ್. ಕೃತಿ ಮುಂಬೈ ಕನ್ನಡ ಪತ್ರಿಕೋದ್ಯಮದ ನೂತ್ತೈವ ಅಧಿಕ ವರ್ಷದ ಇತಿಹಾಸನ್ ಹೊಂದುದ್, ಹಿರಿಯ ವಿಮರ್ಶಕೆರ್ನ ಮೆಚ್ಚುಗೆಗ್ ಪಾತ್ರ ಆತ್ಂಡ್.
ಈ ವರ್ಷ ಡಾ. ದಿನೇಶ್ ಶೆಟ್ಟಿ ರೆಂಜಾಳ, ಡಾ. ಶ್ಯಾಮಲಾ ಪ್ರಕಾಶ್ ಬೊಕ್ಕ ಅಮಿತಾ ಭಾಗ್ವತ್ ಅರೆನ ಕೃತಿ ಆಯ್ಕೆಯಾತ್ಂಡ್. ಪ್ರಶಸ್ತಿ ನಗದು ಪುರಸ್ಕಾರ, ಗೌರವ ಗ್ರಂಥ, ಪ್ರಶಸ್ತಿ ಪತ್ರನ್ ಕೊರ್ದು ಮಾನಾದಿಗೆ ಮಲ್ಪೆರೆ ಉಲ್ಲೆರ್. ಪ್ರಶಸ್ತಿ ಪ್ರದಾನ ಸಮಾರಂಭ ಡಿ. 23ದಾನಿ ಅಂದೇರಿಡ್ ನಡಪೆರೆ ಉಂಡು ಪಂದ್ ಪ್ರತಿಷ್ಠಾನದ ಪ್ರಕಟನೆ ತೆರಿಪಾದ್ಂಡ್.