ಉತ್ತರಾಖಂಡದ ಸಿಲ್ಕ್ಯಾರ್ ಸುರಂಗೊಡು ತಿಕೊಂದು ಬೂರ್ದಿನ 41 ಜನ ಕಾರ್ಮಿಕೆರೆನ್ ಪದಿನೇಳ್ ದಿನತ್ತ ಬಿರ್ಸಾದಿಗೆದ ರಕ್ಷಣಾ ಕಾರ್ಯಾಚರಣೆಡ್ ಬಚಾವ್ ಮಲ್ದೆರ್.
ಅವೆರ್ದ ಬೊಕ್ಕ ಈ ಕಾರ್ಮಿಕೆರೆನೊಟ್ಟುಗು ಪ್ರಧಾನಿ ನರೇಂದ್ರ ಮೋದಿ ಪಾತೆರಿಯೆರ್. ಸುರಂಗೊರ್ದು ಬಚಾವ್ ಆದ್ ಬತ್ತಿನ ಬೇಲೆದಕ್ಲೆಗ್ ಉತ್ತರಾಖಂಡದ ಮುಖ್ಯಮಂತ್ರಿ ತಲಾ 1 ಲಕ್ಷ ರೂಪಾಯಿ ಸಕಾಯ ಘೋಷಣೆ ಮಲ್ದೆರ್.
ಶಿವಮೊಗ್ಗ : ಗೋಪೂಜೆ ಪೊರ್ತುಡು ಪೂಜೆಗ್ ದೀದ್ ಇತ್ತಿನ ಬಂಗಾರ್ದ ಚೈನ್ನ್ ಪೆತ್ತ ದಿಂಗ್ ದಿತ್ತ್ ದ್ ಪಶುವೈದ್ಯೆರ್ ಶಸ್ತ್ರಚಿಕಿತ್ಸೆ ಮಲ್ತ್ದ್ ಬಂಗಾರ್ದ ಚೈನ್ನ್ ಪಿದಾಯಿ ದೆತ್ತಿನ ಘಟನೆ ಶಿವಮೊಗ್ಗ ಜಿಲ್ಲೆ ಹೊಸನಗರ ತಾಲೂಕ್ದ ಮತ್ತಿಮನೆಟ್ ನಡತ್ಂಡ್. ಪೆತ್ತ ಬಂಗಾರ್ದ ಚೈನ್ನ್ ದಿಂಗಿನ ಬಗ್ಗೆ ತಡವಾದ್ ಗೊತ್ತಾತ್ಂಡ್.
ಗೋಪೂಜೆದ ಪೊರ್ತುಡು ದೀದ್ ಇತ್ತಿನ ಚೈನ್ ನಾಪತ್ತೆ ಆನಗ ಕುಟುಂಬಸ್ಥೆರ್ ನಾಡ್ದೆರ್. ಬೊಕ್ಕ ಪ್ರಸಾದದ ಒಟ್ಟಿಗೆ ಬಂಗಾರ್ದ ಚೈನ್ನ್ ಪೆತ್ತ ದಿಂಗಿನ ಬಗ್ಗೆ ಗೊತ್ತಾತ್ಂಡ್. ವಿಷಯ ತೆರಿನ ಕೂಡ್ಲೆ ಡಾಕ್ಟರ್ಗ್ ಪಂದ್ ಶಸ್ತ್ರಚಿಕಿತ್ಸೆನ್ ಮಲ್ತ್ದೆರ್. ಸದ್ಯಗ್ ಪೆತ್ತ ಹುಷಾರ್ ಆದ್ ಉಂಡು.
ಯುವ ಬ್ರಿಗೇಡ್ ಮೀರಾ ಭಯಂದರ್ ಮುತಾಲಿಕೆಡ್, ತ್ರಿರಂಗ ಸಂಗಮದ ಒಟ್ಟುಸೇರಿಗೆಡ್, ಪಟ್ಲ ಸತೀಶ್ ಶೆಟ್ಟಿ ಮೆರೆನ ಸಾರಥ್ಯಡ್, ಪಾವಂಜೆ ಜ್ಞಾನ ಶಕ್ತಿ ಸುಬ್ರಮಣ್ಯ ಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿದ ಕಲಾವಿದೆರೆರ್ದ್ ಶ್ರೀ ದೇವಿ ಮಹಾತ್ಮೆ ಆಟದ ಯಶಸ್ಸಿಗ್ ಸೇವೆ ಮಲ್ತಿನ ಮತ ಸೇವಕೆರೆಗ್ ಸೊಲ್ಮೆ ಸಂದಾವುನ ಧನ್ಯೋಸ್ಮಿ ಲೇಸ್ ಮೀರಾ ಭಯಂದರ್ ದ ಹೋಟೆಲ್ ಕ್ರೌನ್ ಸಭಾಂಗಣಡ್ ನಡತ್ಂಡ್.
ಈ ಪೊರ್ತುಡು ಅರುಣ್ ಶೆಟ್ಟಿ ಪಣಿಯೂರು, ಸಚ್ಚಿದಾನಂದ ಶೆಟ್ಟಿ ಮುನ್ನಲಾಯಿ ಗುತ್ತು, ಭಾಸ್ಕರ್ ಶೆಟ್ಟಿ, ಉದಯ್ ಶೆಟ್ಟಿ ಪೆಲತ್ತೂರು, ಅರುಣೋದಯ ರೈ, ರಮೇಶ್ ಶೆಟ್ಟಿ ಸಿದ್ದಕಟ್ಟೆ, ಶಿವರಾಮ್ ಶೆಟ್ಟಿ ಡೆಲ್ಟ, ದಿನೇಶ್ ಶೆಟ್ಟಿ, ಸುರೇಶ್ ಶೆಟ್ಟಿ ಗಂಧರ್ವ ಪಾಲ್ ಪಡೆದಿತ್ತೆರ್.
ಕಳೆಂಜ ಮುಲ್ಪದ ಶಿಬರಾಜೆ ಅಂಗನವಾಡಿ ಕೇಂದ್ರಡ್ ನ.27 ತಾನಿ ಜೋಕ್ಲೆನ ದಿನಾಚರಣೆ ಕಾರ್ಯಕ್ರಮ ನಡತ್ಂಡ್. ಕಾರ್ಯಕ್ರಮ ಗ್ರಾಮಾಭ್ಯುದಯ ಅನುಷ್ಠಾನ ಸಮಿತಿ ಶಿಬರಾಜೆ, ಪಾದೆ ಕಚೇರಿದ ಎದುರುಡು ನಡತ್ಂಡ್. ಲೇಸ್ ದ ಗುರ್ಕಾರ್ಮೆನ್ ಅಂಗನವಾಡಿದ ಬಾಲೆ ವೈಷ್ಣವಿ ವಹಿಸ್ ದ್ ಇತ್ತೆರ್. ಜೋಕುಲು ತುಡರ್ ಅರ್ಲಾದ್ ಲೇಸ್ ದ ಉದಿಪನ ಮಲ್ತೆರ್.
ಕಳೆಂಜ ಗ್ರಾ.ಪಂ ಸದಸ್ಯೆರ್ ಟಿ.ಎಸ್ ನಿತ್ಯಾನಂದ ರೈ, ಪ್ರೇಮಾ ಬಿ.ಎಸ್, ಗ್ರಾಮಾಭ್ಯುದಯ ಕಾರ್ಯಕ್ರಮ ಅನುಷ್ಠಾನ ಸಮಿತಿದ ಗುರ್ಕಾರ್ಲು ಪಿ.ಟಿ ಸೆಬಾಸ್ಟಿನ್, ಶಾಲೆತ್ತಡ್ಕ ಶಾಲೆದ ಹೆಚ್.ಎಮ್ ರತ್ನಾ, ನಿಖಿತಾ ಸಿ.ಹೆಚ್.ಓ, ಮಾಜಿ ಅಂಗನವಾಡಿ ಕಾರ್ಯಕರ್ತೆ ಪಿ.ಟಿ ಏಲಿಯಮ್ಮ, ಬಾಲವಿಕಾಸ ಸಮಿತಿದ ಗುರ್ಕಾರ್ದಿ ಪ್ರತಿಮಾ ಈ ಪೊರ್ತುಡು ಇತ್ತೆರ್. ಹರೀಶ್ ಒಳಗುಡ್ಡೆ ಅಂಗನವಾಡಿಗ್ ಪೂತ ದೈ ಕೊಡುಗೆಯಾದ್ ಕೊರಿಯೆರ್. ಜೋಕ್ಲೆನ ಆಟೋಟ, ಸಾಂಸ್ಕೃತಿಕ ಚಟುವಟಿಕೆದ ಇನಾಮುನು ಈ ಪೊರ್ತುಡು ವಿತರಣೆ ಮಲ್ತೆರ್.
ಅಂಗನವಾಡಿ ಜೋಕ್ಲೆರ್ದ್ ಸಾಂಸ್ಕೃತಿಕ ಕಾರ್ಯಕ್ರಮ ನಡತ್ಂಡ್. ಅಂಗನವಾಡಿ ಕಾರ್ಯಕರ್ತೆ ಪ್ರಿಯಾ ಲೇಸ್ ದ ಸುದಾರಿಕೆ ಮಲ್ತೆರ್, ಸಹಾಯಕಿ ಅನ್ಸಿಲ್ಲಾ ಸೊಲ್ಮೆ ಸಂದಾಯ ಮಲ್ತೆರ್.
ಕಳೆಂಜ ಮುಲ್ಪದ ಶಿಬರಾಜೆ ಅಂಗನವಾಡಿ ಕೇಂದ್ರಡ್ ನ.27 ತಾನಿ ಜೋಕ್ಲೆನ ದಿನಾಚರಣೆ ಕಾರ್ಯಕ್ರಮ ನಡತ್ಂಡ್. ಕಾರ್ಯಕ್ರಮ ಗ್ರಾಮಾಭ್ಯುದಯ ಅನುಷ್ಠಾನ ಸಮಿತಿ ಶಿಬರಾಜೆ, ಪಾದೆ ಕಚೇರಿದ ಎದುರುಡು ನಡತ್ಂಡ್. ಲೇಸ್ ದ ಗುರ್ಕಾರ್ಮೆನ್ ಅಂಗನವಾಡಿದ ಬಾಲೆ ವೈಷ್ಣವಿ ವಹಿಸ್ ದ್ ಇತ್ತೆರ್.
ಜೋಕುಲು ತುಡರ್ ಅರ್ಲಾದ್ ಲೇಸ್ ದ ಉದಿಪನ ಮಲ್ತೆರ್. ಕಳೆಂಜ ಗ್ರಾ.ಪಂ ಸದಸ್ಯೆರ್ ಟಿ.ಎಸ್ ನಿತ್ಯಾನಂದ ರೈ, ಪ್ರೇಮಾ ಬಿ.ಎಸ್, ಗ್ರಾಮಾಭ್ಯುದಯ ಕಾರ್ಯಕ್ರಮ ಅನುಷ್ಠಾನ ಸಮಿತಿದ ಗುರ್ಕಾರ್ಲು ಪಿ.ಟಿ ಸೆಬಾಸ್ಟಿನ್, ಶಾಲೆತ್ತಡ್ಕ ಶಾಲೆದ ಹೆಚ್.ಎಮ್ ರತ್ನಾ, ನಿಖಿತಾ ಸಿ.ಹೆಚ್.ಓ, ಮಾಜಿ ಅಂಗನವಾಡಿ ಕಾರ್ಯಕರ್ತೆ ಪಿ.ಟಿ ಏಲಿಯಮ್ಮ, ಬಾಲವಿಕಾಸ ಸಮಿತಿದ ಗುರ್ಕಾರ್ದಿ ಪ್ರತಿಮಾ ಈ ಪೊರ್ತುಡು ಇತ್ತೆರ್.
ಹರೀಶ್ ಒಳಗುಡ್ಡೆ ಅಂಗನವಾಡಿಗ್ ಪೂತ ದೈ ಕೊಡುಗೆಯಾದ್ ಕೊರಿಯೆರ್. ಜೋಕ್ಲೆನ ಆಟೋಟ, ಸಾಂಸ್ಕೃತಿಕ ಚಟುವಟಿಕೆದ ಇನಾಮುನು ಈ ಪೊರ್ತುಡು ವಿತರಣೆ ಮಲ್ತೆರ್. ಅಂಗನವಾಡಿ ಜೋಕ್ಲೆರ್ದ್ ಸಾಂಸ್ಕೃತಿಕ ಕಾರ್ಯಕ್ರಮ ನಡತ್ಂಡ್. ಅಂಗನವಾಡಿ ಕಾರ್ಯಕರ್ತೆ ಪ್ರಿಯಾ ಲೇಸ್ ದ ಸುದಾರಿಕೆ ಮಲ್ತೆರ್, ಸಹಾಯಕಿ ಅನ್ಸಿಲ್ಲಾ ಸೊಲ್ಮೆ ಸಂದಾಯ ಮಲ್ತೆರ್.
ಹಳೆಯಂಗಡಿ: ಪಡುಪಣಂಬೂರು ಮುಲ್ಕಿ ಅರಮನೆ ವೆಲ್ಪೇರ್ ಬೊಕ್ಕ ಚಾರಿಟೇಬಲ್ ಟ್ರಸ್ಟ್ (ರಿ.) ಬೊಕ್ಕ ಹಳೆಯಂಗಡಿ ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿದ ಒಟ್ಟುಸೇರಿಗೆಡ್ ಮುಲ್ಕಿ ಸೀಮೆ ಅರಸು ಕಂಬುಲದ ಪೊರ್ತುಡು ಅರಸು ಪ್ರಶಸ್ತಿ ಪ್ರಧಾನ ಲೇಸ್ ಡಿ.24 ಕ್ಕ್ ನಡಪರೆ ಉಂಡು.
ಈ ಲೇಸ್ ದ ಗುರ್ಕಾರ್ಮೆನ್ ಮುಲ್ಕಿ ಸೀಮೆದ ಅರಸು ಎಂ. ದುಗ್ಗಣ್ಣ ಸಾವಂತೆರ್ ಒಯಿಸೊನ್ವೆರ್. ಮೈಸೂರ್ ಸಂಸ್ಥಾನದ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ಪ್ರಶಸ್ತಿ ಪ್ರಧಾನ ಮಲ್ಪೆರೆ ಉಲ್ಲೆರ್.
ಸುಬ್ರಮಣ್ಯ: ನ .28. ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ಲಯನ್ಸ್ ಕ್ಲಬ್ ವತಿರ್ದ್ ಇಂಚಿಪ್ಪಗ್ ಕುಕ್ಕೆ ಶ್ರೀ ಸುಬ್ರಹ್ಮಣ್ಯೇಶ್ವರ ಕಾಲೇಜ್ ಡ್ ನಡತ್ತಿನ ಕುಡ್ಲ ವಿಶ್ವವಿದ್ಯಾಲಯ ಮಟ್ಟದ ಗುಡ್ಡಗಾಡು ಓಟದ ಪಂತೋಡು ಆಂಜೊಕ್ಲೆನ ಬೊಕ್ಕ ಪೊಂಜೊಕ್ಲೆನ ವಿಭಾಗಡ್ ಕೆ.ಎಸ್. ಎಸ್. ಕಾಲೇಜ್ ದ ಆಂಜೊಕ್ಲೆನ ಬೊಕ್ಕ ಪೊಂಜೊಕ್ಲೆನ ತಂಡ ಮೂಜನೇ ಇನಾಮು ಪಡೆತೆರ್.
ಆ ನಿಟ್ಟ್ ಡ್ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ಲಯನ್ಸ್ ಕ್ಲಬ್ ದಕುಲು ನ.28 ತಾನಿ ಸುಬ್ರಹ್ಮಣ್ಯ ಗ್ರಾಮ ಪಂಚಾಯತ್ ಸಭಾಂಗಣಡ್ ಇನಾಮು ಗೆಂದಿನ ಮಾತ ವಿದ್ಯಾರ್ಥಿ ವಿದ್ಯಾರ್ಥಿನಿಯರೆಗ್ ಮಾನಾದಿಗೆ ಮಲ್ತೆರ್.
ಇನಾಮು ಗೆಂದಿನ ಆಂಜೊಕ್ಲೆನ ವಿಭಾಗಡ್ ಸುಮಂತ್ 1 ಬಿಎ ,ಜೀವನ್ 1 ಬಿ ಕಾಮ್, ವರುಣ್ 1ಬಿ ಕಾಂ, ದಿಶಾಂತ್ 2 ಬಿಎ, ರಕ್ಷಿತ್ 3ಬಿಕಾಂ ,ವಿಜಯ್ ಕುಮಾರ್ 3 ಬಿಕಾಂ, ಪೊಂಜೊಕ್ಲೆನ ವಿಭಾಗಡ್ ಅರ್ಚನಾ 1ಬಿಕಾಂ, ಪುನೀತ 1 ಬಿಕಾಂ ,ಪ್ರತಿಕ್ಷ 1 ಬಿ ಕಾಂ, ಪ್ರಗತಿ 2 ಬಿ ಕಾಮ್, ದೀಕ್ಷಾ3 ಬಿ ಎ ,ಹಾಗೂ ಹಂಪಿಕಂ 3 ಬಿಕಾಂ ಇನಾಮುನ್ ಪಡೆಯೊಂದಿನಕುಲು.
ಲೇಸ್ ದ ಗುರ್ಕಾರ್ಮೆನ್ ನ್ ಕುಕ್ಕೆ ಸುಬ್ರಹ್ಮಣ್ಯ ಲಯನ್ಸ್ ಕ್ಲಬ್ ದ ಗುರ್ಕಾರ್ಲು ರಾಮಚಂದ್ರ ಪಳಂಗಾಯ ವಹಿಸ್ ದ್ ಇತ್ತೆರ್. ಕುಕ್ಕೆ ಸುಬ್ರಮಣ್ಯ ಲಯನ್ಸ್ ಕ್ಲಬ್ ದ ಸ್ಥಾಪಕ ಗುರ್ಕಾರ್ಲು ಪ್ರೊ. ರಂಗಯ್ಯ ಶೆಟ್ಟಿಗಾರ್, ಎಸ್ .ಎಸ್. ಕಾಲೇಜಿನ ದೈಹಿಕ ಶಿಕ್ಷಣ ನಿರ್ದೇಶಕೆರ್ ಡಾl ದಿನೇಶ್, ಲಯನ್ಸ್ ಕ್ಲಬ್ ಖಜಾಂಜಿ ಚಂದ್ರಶೇಖರ ಪಾಣೆತ್ತಿಲ್, ಲಯನ್ಸ್ ಕ್ಲಬ್ ದ ಸದಸ್ಯೆರಾಯಿನ ಪ್ರಕಾಶ್ ಶೆಟ್ಟಿ ,ಕೃಷ್ಣಕುಮಾರ್ ಬಾಳುಗೋಡು, ದಿನೇಶ್ ಎಂಪಿ, ಮೋಹನ್ದಾಸ್ ರೈ ಈ ಪೊರ್ತುಡು ಇತ್ತೆರ್.
ಕ್ಲಬ್ ದ ಸದಸ್ಯೆರ್ ಪವನ್ ಪ್ರಾರ್ಥನೆ ಮಲ್ತೆರ್. ಕ್ಲಬ್ ದ ಕಾರ್ಯದರ್ಶಿ ಸತೀಶ ಕೂಜುಗೂಡು ಬಿನ್ನೆರೆನ್ ಎದ್ಕೊಂಡೆರ್. ಕ್ಲಬ್ ದ ಸದಸ್ಯೆ ವಿಮಲ ರಂಗಯ್ಯ ಲೇಸ್ ದ ಸುದಾರಿಕೆ ಮಲ್ತೆರ್. ಕ್ಲಬ್ ದ ಉಪಾಧ್ಯಕ್ಷೆರ್ ಅಶೋಕ್ ಮೂಲೆ ಮಜಲು ಸೊಲ್ಮೆ ಸಂದಾಯ ಮಲ್ತೆರ್.
ಸುಬ್ರಹ್ಮಣ್ಯ: ಕಾರ್ತಿಕ ಪುಣ್ಣಮೆದ ದಿನ ಕುಲ್ಕುಂದ ಜಾನುವಾರು ಜಾತ್ರೆದ ಪ್ರಯುಕ್ತ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ಸಹಕಾರದೊಟ್ಟಿಗೆ ಕುಲ್ಕುಂದ ಶ್ರೀ ಬಸವೇಶ್ವರ ದೇವಸ್ಥಾನಡ್ ಗೋ ಪೂಜೆ ಸಾಂಕೇತಿಕವಾದ್ ನಡತ್ಂಡ್.
ಬಸವೇಶ್ವರ ದೇವಸ್ಥಾನದ ಆಡಳಿತ ಮಂಡಳಿದ ಗುರ್ಕಾರ್ಲು ಗಿರಿಧರ ಸ್ಕಂದ, ಬಸವೇಶ್ವರ ದೇವಸ್ಥಾನದ ಅರ್ಚಕೆರ್ ಗಣೇಶ್ ದೀಕ್ಷಿತ್, ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ಅರ್ಚಕೆರ್, ಕುಕ್ಕೆ ಶ್ರೀ ಸುಬ್ರಮಣ್ಯ ದೇವಸ್ಥಾನದ ವ್ಯವಸ್ಥಾಪನ ಸಮಿತಿ ಸದಸ್ಯೆರ್ ವನಜ ಭಟ್, ಶೋಭಾ ಗಿರಿಧರ ,ಮನೋಜ್, ಶ್ರೀಕುಮಾರ್, ರವಿ ಶೆಟ್ಟಿ ಕುಲ್ಕುಂದ ,ರಾಜೇಶ್ ಕುಲ್ಕುಂದ,ಬಸವೇಶ್ವರ ದೇವಸ್ಥಾನದ ಆಡಳಿತ ಮಂಡಳಿದ ಕಾರ್ಯದರ್ಶಿ ಚಂದ್ರ ಶೇಖರ, ಕಿರಣ್ ಟೈಲರ್, ಲೋಕೇಶ್, ಗಿರೀಶ್ ಆಚಾರ್ಯ,ಗುಡ್ಡಪ್ಪ ಗೌಡ, ವಿಕಾಸ್ ,ಆಡಳಿತ ಮಂಡಳಿದ ಸದಸ್ಯೆರ್, ಊರುದ ಭಕ್ತೆರ್ ಇತ್ತೆರ್.
ಡೆಹ್ರಾಡೂನ್: ಉತ್ತರಾಖಂಡದ ಉತ್ತರಕಾಶಿ ಸುರಂಗಡ್ 17 ದಿನರ್ದ್ ತಿಕೊಂದಿನ 41 ಕಾರ್ಮಿಕೆರೆನ ರಕ್ಷಣಾ ಕಾರ್ಯ ಅಂತಿಮ ಘಟ್ಟಗ್ ಬೈದ್, ಎನ್ಡಿಆರ್ಎಫ್ ತಂಡ ತಿಕ್ಕೊನ್ನ ಕಾರ್ಮಿಕೆರೆನ್ ಮುಟ್ಟುದು ಅಕ್ಲೆನ್ ಲೆತೊಂದು ಪೋಯೆರೆ ಚಿನುಕೂ ಹೆಲಿಕಾಫ್ಟರ್ ಏರ್ ಲಿಫ್ಟ್ ಗ್ ರೆಡಿ ಆದ್ ಕಾರ್ಮಿಕೆರೆನ್ ಪಿದೈ ದೆಪ್ಪೆರೆ ಸುರುಕು ವೈದ್ಯಕೀಯ ತಪಾಸಣೆಗಾದ್ ಸುರಂಗದ ಉಲಾಯಿ ತಾತ್ಕಾಲಿಕ ಆಸ್ಪತ್ರೆ ನಿರ್ಮಾಣ ಮಲ್ತ್ ದೆರ್.
ರಕ್ಷಣಾ ಕಾರ್ಯದ ಪೊರ್ತುಡು ಮಿಷನ್ ಮಾತ ಕೈ ಕೊರ್ನೆದಾತ್ರ ಕಾರ್ಯಾಚರಣೆಡ್ ವಿಳಂಬ ಆತ್ಂಡ್, ಲಾಸ್ಟ್ ಗ್ ರ್ಯಾಟ್ ಹೋಲ್ ಮೈನಿಂಗ್ ಮುಖೆನ 41 ಜನಕ್ಲೆನ್ ರಕ್ಷಣೆ ಮಲ್ಪುನ ಕಾರ್ಯ ಮುಂದುವರಿತ್ಂಡ್
ನನ 41 ಕಾರ್ಮಿಕೆರ್ ಸುಮಾರ್ 17 ದಿನರ್ದ್ ಸುರಂಗಡ್ ಇತ್ತ್ ದ್ , ಆನಿರ್ದ್ ಇನಿ ಮುಟ್ಟ ದಿನಾಲ ರಕ್ಷಣಾ ಕಾರ್ಯ ನಡತೊಂದೆ ಉಂಡು.
ಬೋಲ್ತೆರ್: ಉಜಿರೆ ಎಸ್ಡಿಎಂ ಕಾಲೇಜ್ ದ ವಿದ್ಯಾರ್ಥಿನಿ ಕು.ಸೌಜನ್ಯನ್ ಅತ್ಯಾಚಾರಬಮಮಲ್ದಿನ ಬೊಕ್ಕ ಕೆರ್ನ ಕೇಸ್ ದ ಮರು ತನಿಖೆಗೆ ಆಗ್ರಹಿಸಾದ್ ನೆತ್ತೆರ್ ಡ್ ಸಹಿ ಪಾಡ್ದ್ ಪ್ರಧಾನಮಂತ್ರಿ ಬೊಕ್ಕ ಮುಖ್ಯಮಂತ್ರಿಗ್ ಮನವಿ ಸಲ್ಲಿಸಾವುನ ಸಲುವಾದ್ ರಾಷ್ಟ್ರೀಯ ಹಿಂದೂ ಜಾಗರಣ ವೇದಿಕೆ ಬೊಕ್ಕ ಪ್ರಜಾಪ್ರಭುತ್ವ ವೇದಿಕೆ ವತಿರ್ದ್ ಮಹೇಶ್ ಶೆಟ್ಟಿ ತಿಮರೋಡಿ ಮೆರೆನ ಮುತಾಲಿಕೆಡ್ ಉಜಿರೆ ಜಿಲ್ಲಾ ಪಂಚಾಯತ್ ವ್ಯಾಪ್ತಿದ ಜನಾಂದೋಲನ ಸಭೆ ಡಿಸೆಂಬರ್ 3 ತಾನಿ ಮಧ್ಯಾಹ್ನ 2:30ಕ್ಕ್ ಉಜಿರೆ ಚಾರ್ಮಾಡಿ ರೋಡ್ ದ ಅನುಗ್ರಹ ಶಾಲೆದ ಕೈತಲ್ ನಡಪೆರೆ ಉಂಡು ಪಂದ್ ರಾಷ್ಟ್ರೀಯ ಹಿಂದೂ ಜಾಗರಣ ವೇದಿಕೆದ ತಾಲೂಕು ಗುರ್ಕಾರ್ಲು ಅನಿಲ್ ಅಂತರ ಪಂಡೆರ್.
ಸಭೆಕ್ಕ್ ಸುಮಾರು 15 ಸಾರ ಜನ ಸೇರುನ ನೀರಿಕ್ಷೆ ಉಂಡು ಪಂದ್ ಪಂಡೆರ್. ಜನಾಂದೋಲನ ಸಭೆಟ್ ರಾಷ್ಟ್ರೀಯ ಹಿಂದೂ ಜಾಗರಣ ವೇದಿಕೆದ ಸ್ಥಾಪಕೆರ್ ಮಹೇಶ್ ಶೆಟ್ಟಿ ತಿಮರೋಡಿ, ನಿವೃತ್ತ ಪೊಲೀಸ್ ಅಧಿಕಾರಿ ಗಿರೀಶ್ ಮಟ್ಟಣ್ಣನವರ್, ತುಳುನಾಡ ದೈವರಾಧನೆ ವಿಮರ್ಶಕೆರ್ ತಮ್ಮಣ್ಣ ಶೆಟ್ಟಿ, ಸಾಮಾಜಿಕ ಹೋರಾಟಗಾರ್ತಿ ಪ್ರಸನ್ನರವಿ, ಸೌಜನ್ಯನ ಅಪ್ಪೆ ಕುಸುಮಾವತಿ ಚಂದಪ್ಪ ಗೌಡ, ಹೈಕೋರ್ಟ್ ವಕೀಲೆರ್ ಮೋಹಿತ್ ಕುಮಾರ್, ಒಡನಾಡಿ ಸೇವಾ ಸಂಸ್ಥೆದ ಎಂ.ಎಲ್.ಪರಶುರಾಮ್ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಪಂಡೆರ್. ಪತ್ರಿಕಾಗೋಷ್ಠಿಡ್ ಗೌರವಾಧ್ಯಕ್ಷೆರ್ ಹರೀಶ್ ಕುಮಾರ್ ಬರಮೇಲು, ತಾಲೂಕು ಸಂಚಾಲಕೆರ್ ಮನೋಜ್ ಕುಂಜರ್ಪ ಬೊಕ್ಕ ಪ್ರಜ್ವಲ್ ಇತ್ತೆರ್.
