Thu. Nov 19th, 2026

ಊರ್ದ ಸುದ್ದಿ Regional News

ಧಾರ್ಮಿಕ ಸಂಘರ್ಷದ ನಡುಟುಲಾ ಮಸೀದಿಗ್ ಭೇಟಿ ಕೊರಿನ ತುಲುವೆರ್ನ ಆರಾಧ್ಯ ದೈವೊಲು : ಜಾತ್ರೋಚ್ಚಯಗ್ ಲೆಪ್ಪೋಲೆ

ಕುಡ್ಲ : ತುಲುನಾಡ್ ಡ್ ಧಾರ್ಮಿಕ ಸಂಘರ್ಷದ ನಡುಟುಲಾ ತುಳುವೆರ್ನ ಆರಾಧ್ಯ ದೈವೊಲು ಮಸೀದಿಗ್ ಭೇಟಿ ಕೊರ್ದು ಮುಸ್ಲಿಂ ಬಾಂಧವೆರೆನ್ ಸಾಂಪ್ರದಾಯಿಕವಾದ್ ಜಾತ್ರೋಚ್ಚಯಗ್ ಲೆಪ್ಪೋಲೆ ಕೊರ್ತುಂಡು .

ತುಳುನಾಡ್ ದ ಗಡಿನಾಡ್ ಡ್ ಸಾಂಪ್ರದಾಯಿಕ ಆಚರಣೆಡ್ ಯಥಾಸ್ಥಿತಿ ಕಾತ್ ಕುಲ್ದೆರ್ . ಕುಡ್ಲದ ಕರ್ನಾಟಕ-ಕೇರಳ ಗಡಿ ಭಾಗದ ಉದ್ಯಾವರ ಅರಸು ಮಂಜಿಷ್ಣಾರ್‌ ಕ್ಷೇತ್ರದ ಜಾತ್ರೆದ ಪೂರ್ವಭಾವಿಯಾದ್ ಉದ್ಯಾವರ ಸಾವಿರ ಜಮಾಅತ್‌ ಮಸೀದಿಗ್ ದೈವದ ಭೇಟಿ ಆಪಿನವು ವಾಡಿಕೆ
ಹಿಂದೂ ಮುಸ್ಲಿಂ ಭಾವೈಕ್ಯದ ಸಂಕೇತದ ಒಟ್ಟುಗು ಕರಿನ 800 ವರ್ಷರ್ದ್ ವಾಡಿಕೆಡ್ ಉಪ್ಪುನ ಸಂಪ್ರದಾಯದಲಕ ಅರಸು ದೈವ ಪಾತ್ರಿಲು ಬೊಕ್ಕ ದೇವಸ್ಥಾನದ ಪ್ರತಿನಿಧಿನಕುಲು ಅಂಚನೆ ವ್ಯವಸ್ಥಾಪನ ಸಮಿತಿ ಪದುಕೆರ್, ಉತ್ಸವ ಸಮಿತಿ ಪದುಕೆರ್, ಮಸೀದಿದ ಆಡಳಿತ ಸಮಿತಿ ಪ್ರತಿನಿಧಿನಕುಲು ಬೊಕ್ಕ ಅವ್ವೆತೋ ಮುಸ್ಲಿಂ ಬಾಂಧವೆರ್ ಪರಂಪರಾಗತ ನೆಲೆಟ್ಟ್ ಉದ್ಯಾವರ ಅರಸು ದೈವ ಪಾತ್ರಿಲೆನ್ ಆರ್ತಿ ಪಿರ್ತಿಡ್ ಎದುಕೊಂಡೆರ್.

 

ಗೌರವ ಡಾಕ್ಟರೇಟ್ ಪಡೆಯಿನ ಹೇಮಾವತಿ. ವಿ. ಹೆಗ್ಗಡೆ, ದೇವದಾಸ್ ಕಾಪಿಕಾಡ್ ಬೊಕ್ಕ ಹರಿಕೃಷ್ಣ ಪುನರೂರು

ಕುಡ್ಲ : ಶ್ರೀ ಕ್ಷೇತ್ರ ಧರ್ಮಸ್ಥಳದ ಜ್ಞಾನ ವಿಕಾಸ ಯೋಜನೆದ ಅಧ್ಯಕ್ಷೆ ಹೇಮಾವತಿ ವಿ. ಹೆಗ್ಗಡೆ, ಸಾಮಾಜಿಕ ಕಾರ್ಯಂತೆರಾಯಿನ ಹರಿಕೃಷ್ಣ ಪುನರೂರು, ರಂಗಕರ್ಮಿ ದೇವದಾಸ್ ಕಾಪಿಕಾಡ್ ಮೆಕ್ಲೆಗ್ ಕುಡ್ಲ ವಿಶ್ವವಿದ್ಯಾಲಯ ಗೌರವ ಡಾಕ್ಟರೇಟ್ ಪ್ರಕಟ ಮಲ್ದುಂಡು .

ಏ.23ಕ್ಕ್ ನಡಪರೆ ಉಪ್ಪುನ ವಿಶ್ವವಿದ್ಯಾಲಯದ 40ನೇ ಘಟಿಕೋಚ್ಚಯಡ್ ರಾಜ್ಯಪಾಲೆರಾಯಿನ ಥಾವರಚಂದ್ ಗೆಹ್ಲೊಟ್ ಮೇರ್ ಈ ಮೂಜಿ ಜನಕ್ ಡಿ.ಲಿಟ್. ಬೊಕ್ಕ ವೈದ್ಯಕೀಯ ಕ್ಷೇತ್ರದ ಸೇವೆಗಾದ್ ಶಿವಾನಂದ ನಾಯಕ್ ಮೆರೆಗ್ ಡಿ.ಎಸ್ಸಿ ಪದವಿ ಪ್ರದಾನ ಮಲ್ಪರೆ ಉಲ್ಲೆರ್ ಪಂದ್ ಕುಲಪತಿ ಪ್ರೊ. ಪಿ.ಎಸ್.ಯಡಪಡಿತ್ತಾಯ ಪಂಡೆರ್.

ಅಮೇರಿಕಾದ ಅರಿಜೋನಾ ಹರಿ ಜೋನ್ ಆವಡ್ : ಪುತ್ತಿಗೆ ಶ್ರೀ ಆಶಯ

ಫಿನಿಕ್ಸ್, : ಲೋಕ ಕಲ್ಯಾಣಾರ್ಥವಾದ್ ಅಮೆರಿಕಾದ ಫಿನಿಕ್ಸ್ ಪೇಂಟೆದ ಪುತ್ತಿಗೆ ಮಠಟ್ ಎ.11 ಕ್ಕ್ ಸುರು ಆಯಿನ ಶತ ಚಂಡಿಕಾಯಾ ಎ. 16 ಕ್ಕ್ ಪೂರ್ಣಾಹುತಿ ಮುಖೇನ ಸಂಪನ್ನ ಆಂಡ್.

.

ಪುತ್ತಿಗೆ ಮಠದ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದರ ಸಂಕಲ್ಪ ನಡತಿನ ಈ ವಿಶಿಷ್ಟ ಧಾರ್ಮಿಕ ಲೇಸ್ಡ್ ಭಕ್ತೆರ್ ಪಾಲ್ ಪಡೆದಿತ್ತೆರ್ .

10 ಋತ್ವಿಜರೆರ್ದ್ 100 ಪಾರಾಯಣ, ಒಂಜಿ ಲಕ್ಷ ನವಾಕ್ಷರಿ ಮಂತ್ರ ಜಪ, ಪತ್ತ್ ಸಾರ ಆಜ್ಯ ಹೋಮ ಮೂಲಕ ಶತಚಂಡಿಕಾಯಾಗ ನಡತ್oಡ್.

ಪುಗರ್ತೆದ ಬೆನ್ನಿದಾರ್ ರಿಚ್ಚೊರ್ಬುಲು ನನ ನೆಂಪು ಮಾತ್ರ..!

ಕೃಷಿ ಮಲ್ಪುನೆಟ್ಟ್ ಬಿರ್ಸೆ ಕೃಷಿತ್ತ ಬಗೆಟ್ಟ್ ಎಚ್ಚದ ಮಾಹಿತಿ ತೆರಿದಿತ್ತಿನ ತುಳುನಾಡ್ ದ ಪೆರ್ಮೆದ ಕೃಷಿಕೆ ರಿಚ್ಚೊರ್ಬುಲು (ಎವರೆಸ್ಟ್ ಸಲ್ಡಾನ್ಹಾ) (58) ಮೇರ್ ಕೊಡೆ ತೀರ್ ಪೋಯೆರ್.

ಮೆರೆನ ಬೊಡೆದಿ ಮೇರಿ ಅಪೋಲಿಯನ್ ಸಲ್ಡಾನ್ಹಾ ದುಬೈಡ್ ಬೇಲೆಡ್ ಇತ್ತ್ ದ್, ಪೊರ್ಬುಲೆನ ಕಡೆತ್ತ ಪೂಜೆಗೋಸ್ಕರ ಪಿರ ಬೈದೆರ್. ಮೆರೆನ ಮಲ್ಲ ಮಗೆ ರೊನ್ಸನ್ ರಿವಿಯನ್ ಸಲ್ಡಾನ್ಹಾ ಅಂಚನೆ ಎಲ್ಯ ಮಗೆ ರಿಸ್ಟನ್ ರಾಕೇಶ್ ಸಲ್ಡಾನ್ಹಾ, ಮರ್ಮಲ್ ಮೆಲ್ರಿಟಾ ಜಾಸ್ಮಿನ್ ಫೆರ್ನಾಂಡಿಸ್ ಮುಕುಲು ಕಣ್ಣ ನೀರ್ದ ಪನಿ ಜಪುಡಾಯೆರ್.

ಸೀಕ್ ಬರಂದಿಲಕ ಮುನ್ನೆಚ್ಚರಿಕೆ ಕ್ರಮ ದೆತೊನೊಡು : ಜಿಲ್ಲಾಧಿಕಾರಿ ಕೂರ್ಮಾರಾವ್ ಎಂ

ಒಡಿಪು ,: ಒವ್ವೆ ಸೀಕ್ ಬತ್ತ್ ದ್ ಮರ್ದ್ ದೆತೊನುನ ಬದಲ್ ಸೀಕ್ ಬರಂದಿಲಕ ತೂಪಿನ ಅಗತ್ಯ ಮುನ್ನೆಚ್ಚರಿಕೆ ಕ್ರಮ ದೆತೊನೊಡು, ದೆತೊoಡ ಸೀಕ್ ರ್ದ್ ದೂರ ಉಪ್ಪre ಸಾಧ್ಯ ಪಂದ್ ಜಿಲ್ಲಾಧಿಕಾರಿ ಕೂರ್ಮಾರಾವ್ ಎಂ ಪಂಡೆರ್ .

ಮೇರ್ ಕೋಡೆ ಪೇಂಟೆದ ಜಿಲ್ಲಾ ಪಂಚಾಯತ್‌ ದ ಡಾ. ವಿ.ಎಸ್. ಆಚಾರ್ಯ ಚಾವಡಿಡ್ ನಡತಿನ
ಜಿಲ್ಲಾ ಮಟ್ಟದ ಡೆಂಗ್ಯೂ ಬೊಕ್ಕ ಮಲೇರಿಯಾ ಸಮನ್ವಯ ಸಮಿತಿ ಸಭೆತ ಗುರ್ಕಾರ್ಮೆ ವಹಿಸ್ ದ್ ಪಾತೆರಿಯೆರ್ ಅಧ್ಯಕ್ಷತೆ ವಹಿಸಿ .

ಪ್ರಾಧ್ಯಾಪಕಿಗ್ ಕಿರಿಕಿರಿ ಮಲ್ತಿನ ನೆಲೆಟ್ಟ್ ಮೂಜಿ ಜನನ್ ಪತ್ತಿನ ಪೋಲಿಸೆರ್

ಕುಡ್ಲ : ಪ್ರಾಧ್ಯಾಪಕಿಯೊರ್ತಿನ ಬಗ್ಗೆ ಮಾನಹಾನಿಕರ ಪೋಸ್ಟರ್‌ ಬರೆದ್ ಸಾರ್ವಜನಿಕ ಜಾಗೆಡ್ ಅಂಟಾದ್ ಕಿರುಕುಳ ಕೊರೊಂದು ಇತ್ತಿನ ಘಟನೆಗ್ ಸಂಬಂಧಿ ಮೂಜಿ ಜನನ್ ನಗರ ಅಪರಾಧ ಪತ್ತೆದಳದ (ಸಿಸಿಬಿ) ಪೊಲೀಸೆರ್ ಪತ್ತ್ದೆರ್ .

ಪತ್ರಿಕಾಗೋಷ್ಠಿಡ್ ಬುಧಾರ ಪಾತೆರಿನ ನಗರ ಪೊಲೀಸ್‌ ಕಮಿಷನರ್‌ ಎನ್‌.ಶಶಿಕುಮಾರ್‌, ‘ಬಂಟ್ವಾಳ ಖಾಸಗಿ ಶಿಕ್ಷಣ ಸಂಸ್ಥೆದ ಸಂಚಾಲಕ, ಲಾಯ್ಲ ನಿವಾಸಿ ಪ್ರಕಾಶ್ ಶೆಣೈ, ಉಂದುವೇ ಕಾಲೇಜ್ ದ ಅರ್ಥಶಾಸ್ತ್ರ ಉಪನ್ಯಾಸಕ, ಸಿದ್ಧಕಟ್ಟೆ ನಿವಾಸಿ ಪ್ರದೀಪ್ ಪೂಜಾರಿ, ಹೆಬ್ರಿ ತಾಲ್ಲೂಕಿನ ನಾಡ್ಪಾಲು ನಿವಾಸಿ, ದೈಹಿಕ ಶಿಕ್ಷಣ ಶಿಕ್ಷಕ ತಾರಾನಾಥ ಶೆಟ್ಟಿ ಬಂಧಿತ ಆರೋಪಿಲು . ಮೆಕ್ಲೆನ ಬೇಲೆಗ್ ಸಾಕಾರ ಕೊರಿನ ನನ ಮೂಜಿ ಜನನ್ ನಾಡೊಂದು ಉಲ್ಲಾ ಪಂದ್ ಪಂಡೆರ್.

ಮೇ 8 ಗ್ ಕಚ್ಚೂರು ಶ್ರೀ ನಾಗೇಶ್ವರ ದೇವಲ್ಯಡ್ ವಾರ್ಷಿಕ ಪ್ರತಿಷ್ಠಾ ದಿನತ್ತ ಉಚ್ಚಯ

 

ಒಡಿಪು ಜಿಲ್ಲೆ ಬಾರ್ಕೂರ್ ದ ಕಚ್ಚೂರು ಶ್ರೀ ನಾಗೇಶ್ವರ ದೇವಲ್ಯಡ್ ಮೇ 8 ಐತಾರದಾನಿ ವಾರ್ಷಿಕ ಉಚ್ಚಯ ಸಮಿತಿ 2022 ಒಡಿಪು ಕುಂದಾಪುರ ಬೈಂದೂರು ವಲಯ ಉಂದೆತ್ತ ಉಸ್ತುವಾರಿಡ್ ವಾರ್ಷಿಕ ಪ್ರತಿಷ್ಠಾ ದಿನತ್ತ ಉಚ್ಚಯ ಬ್ರಹ್ಮಶ್ರೀ ವೇದಮೂರ್ತಿ ಶ್ರೀ ಶ್ರೀಕಾಂತ ಸಾಮಗೆರ್ನ ಮುತಾಲಿಕೆಡ್ ಬೊಕ್ಕ ದೇವಲ್ಯದ ಅರ್ಚಕ ಶ್ರೀ ಹರೀಶ್ ಭಟ್ ಮೆರ್ನ ಸಾಕಾರಡ್ ನಡಪರೆ ಉಂಡು.ಪುಲ್ಯ ಕಾಂಡೆ ಸುರು ಆದ್ ರಾತ್ರಿ 8 ಗಂಟೆ ಮುಟ್ಟ ಧಾರ್ಮಿಕ ವಿಧಿ ವಿಧಾನಲು ನಡಪರೆ ಉಂಡು.

ವೈದಿಕ ಕಾರ್ಯಕ್ರಮಲು

ಪುಲ್ಯ ಕಾಂಡೆ 4 ಗಂಟೆಗ್ ಶ್ರೀ ನಾಗೇಶ್ವರ ದೇವೆರೆಗ್ ಬೊಕ್ಕ ಪರಿವಾರ ದೇವತೆಲೆಗ್ ಸೀಯಾಳಾಭಿಷೇಕ. ಕಾಂಡೆ 7 ಗಂಟೆಗ್ ಶ್ರೀ ರುದ್ರ ದೇವೆರೆಗ್ ಫಲನ್ಯಾಸ ತೋರಣ, ಪ್ರತಿಷ್ಠಾ ಪುಣ್ಯಾಹ ಶುದ್ಧಿ, 49 ಕಲಶಾಧಿವಾಸದೊಟ್ಟುಗ್ ಅಧಿವಾಸ ಹೋಮ, ಶತರುದ್ರಾಭಿಷೇಕ, ಪ್ರಸನ್ನ ಪೂಜಾ ಆರಾಧನೆ.

ಕಾಂಡೆ 8 ಗಂಟೆಗ್ ಶ್ರೀ ಮಹಾಗಣಪತಿ ದೇವೆರೆಗ್ ನವಕ ಕಲಶ, 12 ನಾಳಿಕೇರ ಗಣಯಾಗ, ಪೂರ್ವಕ ಪ್ರಸನ್ನ ಪೂಜೆ, ಶ್ರೀ ಅನ್ನಪೂರ್ಣ ದೇವಿಗ್ ನವಕ ಕಲಶ, ದುರ್ಗಾ ಹೋಮ, ಪ್ರಸನ್ನ ಪೂಜೆ, ಕಾಂಡೆ 10 ಗಂಟೆಗ್ ಶ್ರೀ ನಾಗದೇವೆರ್ನ ಸನ್ನಿಧಿಡ್ ಪಂಚಾಮೃತಾಭಿಷೇಕ, ಪೂರ್ವಕ ಪ್ರಾಯಶ್ಚಿತ್ತ, ಆಶ್ಲೇಷಾ ಬಲಿಸೇವೆ, ಪ್ರಸನ್ನ ಪೂಜೆ.

ಮಧ್ಯಾಹ್ನ 12 ಗಂಟೆಗ್ ಶ್ರೀ ನಾಗೇಶ್ವರ ದೇವೆರೆಗ್ ವಿಶೇಷ ಪೂಜೆ, ಮಹಾಮಂಗಳಾರತಿ, ತೀರ್ಥ ಪ್ರಸಾದ ಪಟ್ಟುನ ಲೇಸ್, 12.30 ಗ್ ನುಪ್ಪು ಸೇವೆ, ರಾತ್ರಿ 7 ಗಂಟೆಗ್ ರಂಗಪೂಜೆ, ದೀಪಾರಾಧನೆ, ಪ್ರಸನ್ನ ಪೂಜೆ, ಮಹಾ ಮಂತ್ರಾಕ್ಷತೆ, ಪ್ರಸಾದ ಪಟ್ಟುನ ಲೇಸ್.

ಸಾಂಸ್ಕೃತಿಕ ಕಾರ್ಯಕ್ರಮಲು

ಕಾಂಡೆ 9-11 ಗಂಟೆ ಮುಟ್ಟ ಭಂಡಾರಿ ಸಮಾಜ ಬಂಧುಲೆಡ್ದ್ ಬೇತೆ ಬೇತೆ ರೀತಿದ ಸಾಂಸ್ಕೃತಿಕ ಅಂಚನೆ ಮನೋರಂಜನಾ ಕಾರ್ಯಕ್ರಮ ಬೊಕ್ಕ ಮಾನಾದಿಗೆ ಕಾರ್ಯಕ್ರಮ. ಕಾಂಡೆ 11 ಗಂಟೆಗ್ ಧಾರ್ಮಿಕ ಸಭಾ ಕಾರ್ಯಕ್ರಮ, ಮಧ್ಯಾಹ್ನ 1- 4 ಗಂಟೆ ಮುಟ್ಟ ಭಂಡಾರಿ ಸಮಾಜ ಬಂಧುಲೆಡ್ದ್ ಸಾಂಸ್ಕೃತಿಕ ವೈಭವ ಬೊಕ್ಕ ಮಾನಾದಿಗೆ ಲೇಸ್, ಬಯ್ಯಗ್ 4-5 ಗಂಟೆ ಮುಟ್ಟ ಸ್ವಾಗತ ಭಂಡಾರಿ ಪೊಂಜೊವ್ ಲೆನ ಕೂಟರ್ದ್ ತುಳು ನಾಟಕ “ಸತ್ಯ ಸುಳ್ಳಾವಂದ್”, ಬಯ್ಯಗ್ 5-7 ಗಂಟೆ ಮುಟ್ಟ ಸಮಾಜದ ಬಂಧುಲೆಡ್ದ್ ನಿತ್ಯಾನಂದ ಶೆಟ್ಟಿಗಾರ್ ಕುಕ್ಕಿಕಟ್ಟೆ ನಿರ್ದೇಶನ ಮಲ್ತಿನ “ಶಿವ ಪಂಚಾಕ್ಷರಿ ಮಹಿಮೆ” ಪನ್ಪಿನ ಯಕ್ಷಗಾನ ನಡಪರೆ ಉಂಡು.

ಹುಷಾರ್ ಇಜ್ಜಂದೆ ಆಸ್ಪತ್ರೆ ಸೇರಿನ ನಟ ಶಿವರಾಜ್ ಕುಮಾರ್

ಮೈಸೂರು: ಡಾಕ್ಟರ್ ಶಿವರಾಜ್​ ಕುಮಾರ್​ಗ್ ಹುಷಾರ್ ಇಜ್ಜಂದೆ , ಮೈಸೂರುದ ಖಾಸಗಿ ಆಸ್ಪತ್ರೆಡ್ ಮರ್ದ್ ಪಡೆಯೊಂದು ಉಲ್ಲೆರ್.

ವೇದಾ ಶೂಟಿಂಗ್ ಆನಗ ಜ್ವರ ಬತ್ತಿನ ನೆಲೆಟ್ಟ್ ಜಿಎಸ್​ಎಸ್​ ಆಸ್ಪತ್ರೆಗ್ ಪೋದಿತ್ತೆರ್ .ಜನರಲ್ ಚೆಕಪ್ ಆಯಿಬೊಕ್ಕ ಕುಡ ವೇದಾ ಶೂಟಿಂಗ್​ಗ್ ಪೋತೆರ್.

ಮೊಬೈಲ್ ಗ್ ಡೇಟಾ ಪ್ಯಾಕ್ ರೀಚಾರ್ಜ್ ಮಲ್ಪಂದಿನೆಕ್ಕ್ ಬಲ್ಲ್ ಪಾಡೊಂದಿನ ಮಗೆ

ಮಧ್ಯ ಪ್ರದೇಶ : ಗೇಮ್ ಗೊಬ್ಬೆರೆ ಮೊಬೈಲ್ ಗ್ ಡೇಟಾ ಪ್ಯಾಕ್ ರೀಚಾರ್ಜ್ ಮಲ್ಪಂದಿನಿಕ್ಕ್ ಅಮ್ಮೆರ್ದ್ ಮಗೆ ಆತ್ಮಹತ್ಯೆ ಮಲ್ತಿನ ಘಟನೆ ಮಧ್ಯಪ್ರದೇಶದ ಜಬಲ್‌ಪುರ್ ಜಿಲ್ಲೆಡ್ ನಡತ್oಡ್ .ತನ್ನ ಅಮ್ಮೆರ್ ತನ್ನ ಮೊಬೈಲ್ ಫೋನ್ ಡೇಟಾ ಪ್ಯಾಕ್ ನ್ ರೀಚಾರ್ಜ್ ಮಲ್ಪಂದಿನೆಕ್ಕ್ 14 ವರ್ಷದ ಬಾಲಕ ಆತ್ಮಹತ್ಯೆ ಮಲ್ದೆ .

 

ಸೋಮಾರ ಆಣ್ ತನ್ನ ಇಲ್ಲಡ್ ಫ್ಯಾನ್‌ಗ್ ಬಲ್ಲ್ ಪಾಡೊಂದು ತೀರ್ ಪೋಯೆರ್ ತನಿಖೆಡ್ ಕುಟುಂಬ ಕೂಲಿ ಬೇಲೆ ಮಲ್ಪುನ ಬೊಕ್ಕ ಆರ್ಥಿಕ ಸಮಸ್ಯೆ ಉಂಡು ಅಂಚಾದ್ ಅಮ್ಮೆ ಮೊಬೈಲ್ ಫೋನ್ ಡೇಟಾ ಪ್ಯಾಕ್ ನ್ ರೀಚಾರ್ಜ್ ಮಲ್ಪರೆ ಸಾಧ್ಯ ಆವಂದಿನೇರ್ದಾವರಕಾರಣ
ಈ ನಿರ್ಧಾರ ದೆತೊಂದೆ ಪಂದ್ ನಗರ ಪೊಲೀಸ್ ಅಧಿಕಾರಿ ಅಲೋಕ್ ಶರ್ಮಾ ಪಂಡೆರ್ .

ತೆಂಕನಿಡಿಯೂರು ಕಾಲೇಜ್ : 6 ರಾಂಕ್ , 5 ಬಂಗಾರ್ದ ಪದಕ, 10 ಸಾರ ಪಣವುದ ಸಾಕಾರ

ಒಡಿಪು : ಸರಕಾರಿ ಪ್ರಥಮ ದರ್ಜೆ ಕಾಲೇಜು ಬೊಕ್ಕ ಸ್ನಾತಕೋತ್ತರ ಅಧ್ಯಯನ ಕೇಂದ್ರ ತೆಂಕನಿಡಿಯೂರು ಕುಡ್ಲ ವಿಶ್ವವಿದ್ಯಾನಿಲಯ ನಡಪಾಯಿನ ಸ್ನಾತಕೋತ್ತರ ಪರೀಕ್ಷೆಡ್ 6 ರಾಂಕ್ ಪಡೆತುಂಡು .

ಕನ್ನಡ ವಿಭಾಗ ಕು. ರಜನಿ ಕನ್ನಡ ಎಂ.ಎ.ಡ್ ಸುರುತ ಇನಾಮು, ಇತಿಹಾಸ ವಿಭಾಗಡ್ ರಕ್ಷಿತಾ ಇತಿಹಾಸ ಎಂ.ಎ. ಪ್ರಥಮ ಬ್ಯಾಂಕು, ದೀಪಿಕಾ ಸಮಾಜಶಾಸ್ತ್ರ, ಎಂ.ಎ. ಡ್ ಸುರುತ ರಾಂಕ್ ಪಡೆತೆರ್. ವಾಣಿಜ್ಯಶಾಸ್ತ್ರ ಭಾಗದಡ್ ಕಾವ್ಯ ಕೆ.ಬಿ. 5ನೇ ರಾಂಕ್ ಪಡೆತೆರ್.

5 gold medals, 6 ranks, 10,000 monetary aid – Tenkanidiyoor college

Udupi: The government first grade college and post graduation centre ; Tenkanidiyoor has bagged 6 ranks in the post graduate examination conducted by Mangalore University.

Rajani from the Kannada department got the first rank; Rakshita from the history department got the first rank; Deepika from the sociology department got the first rank Kavya from the commerce department got the 5th rank.