Thu. Nov 19th, 2026

ಊರ್ದ ಸುದ್ದಿ Regional News

ಕೋವಿಡ್ ಮರ್ದ್ ದೆತೊನೆರೆ ಏರೆಗ್ಲಾ ಒತ್ತಾಯ ಮಲ್ಪರೆ ಬಲ್ಲಿ :

 

ನವದೆಹಲಿ ಮೇ 03: ದೇಶದ ಒವ್ವೆ ವ್ಯಕ್ತಿಗ್ ಕೊರೊನಾ ಮರ್ದ್ ಪಾಡೆರೆ ಒತ್ತಾಯ ಮಲ್ಪರೆ ಬಲ್ಲಿ ಪಂದ್ ಸುಪ್ರೀಂಕೋರ್ಟ್ ಇನಿ ತೆರಿಪಾದುಂಡು.


ಮರ್ದ್ ದೆತೊನಂದಿನ ಜನಕ್ಲೆಗ್ ಸಾರ್ವಜನಿಕ ಜಾಗೆಗ್ ಪ್ರವೇಶ ಮಲ್ಪಂದಿಲಕ ಕೆಲವು ರಾಜ್ಯ ಸರ್ಕಾರ, ಸಂಸ್ಥೆಲು ಪಾಡ್ದಿನ ಷರತ್ತು ಸರಿಯಾಯಿನವು ಅತ್ತ್ ಬೊಕ್ಕ ಪ್ರಸ್ತುತ ಚಾಲ್ತಿಡ್ ಉಪ್ಪುನ ಪರಿಸ್ಥಿತಿಡ್ ಅವೆನ್ ಪಿರ ದೆತೊನೊಡು ಪಂದ್ ಪಂತೆರ್.

ಕಿನ್ನಿಗೋಳಿಡ್ ನಾಗಬನ ಧ್ವoಸ ಮಲ್ತಿನ ದುಷ್ಕರ್ಮಿಲು

ಕಿನ್ನಿಗೋಳಿ: ಕಟೀಲು ಮಲ್ಲಿಗೆಯಂಗಡಿದ ಪಡುಸಾಂತ್ಯ ಭಂಡಾರಿ ಇಲ್ಲದ ನಾಗಬನಟ್ ಇತ್ತಿನ 6 ನಾಗನ ಕಲ್ಲ್ ನ್ ಬೇತೆ ಬೇತೆ ಕಡೆ ದಕ್ಕ್ ದ್ ವಿಕೃತಿ ಮೆರೆಯಿನ ಘಟನೆ ಕೋಡೆ ನಡತ್oಡ್.

ಸೋಮಾರ ಕಾಂಡೆ ಭಂಡಾರಿ ಇಲ್ಲದ ಗುರ್ಕಾರೆ ನಾಗನ ಕಲ್ಲು ಜಾಲ್ ರ್ದ್ ಪಿದಾಯಿ ಉಪ್ಪುನೆನ್ ತೂನಗ ನಾಗಬನಟ್ ಪ್ರತಿಷ್ಠೆ ಮಲ್ತಿನ ಜಾಗೆರ್ದ್ 6 ನಾಗನ ಕಲ್ಲ್ ದಕ್ಕ್ ದ್ ಬೇತೆ ಜಾಗೆಡ್ ಪಾಡ್ದೆರ್.

ಬಿಜೆಪಿ ನಾಯಕ ಈಶ್ವರ್‌ ಕಟೀಲು ತಪ್ಪಿತಸ್ಥೆರೆನ್ ಪತ್ತೋಡು ಪಂದ್ ಅಗ್ರಹ ಮಲ್ದೆರ್.

ದುಬೈ,ಶಾರ್ಜಾ, ಅಬುದಾಬಿಡ್ 6 ಥಿಯೇಟರ್ ಡ್ ಬುಡುಗಡೆ ಆಯರೆ ಉಂಡು ಭೋಜರಾಜ್ ಎಂ.ಬಿ.ಬಿ.ಎಸ್

ಕುಡ್ಲ : ತುಳುನಾಡ್ ಡ್ 50 ದಿನರ್ದ್ ಬಲ್ತಿನ ಈ ವರ್ಷದ ಸೂಪರ್ ಹಿಟ್ ತುಳು ಪಿಚ್ಚರ್ ಭೋಜರಾಜ್ ಎಂ.ಬಿ.ಬಿ.ಎಸ್ ಮೇ 6 ರ್ದ್ ದುಬೈ, ಶಾರ್ಜಾ, ಅಬುದಾಬಿ ಡ್ ಒಟ್ಟು 6 ಥಿಯೇಟರ್ ಡ್ ಬುಡುಗಡೆ ಆಯರೇ ಉಂಡು, ಮೇ 20 ರ್ದ್ ಕತಾರ್,ಕುವೈತ್, ಬೆಹರೈನ್, ಒಮನ್,ಸೌದಿ ಅರೇಬಿಯಾಡ್ ಬುಡುಗಡೆ ಆಯರೆ ಉಂಡು ಪಂದ್ ಚಿತ್ರದ ನಿರ್ದೇಶಕ ಇಸ್ಮಾಯಿಲ್ ಮೂಡುಶೆಡ್ಡೆ ಪತ್ರಿಕಾ ಗೋಷ್ಠಿಡ್ ಪಂಡೆರ್ .

ಪಿಚ್ಚರ್ ಬುಡುಗಡೆ ಆಯಿನ ಮಾತಾ ಕಡೆಟ್ ಲಾ ಜನಕ್ಲೆನೆರ್ದ್ ಎಡ್ಡೆ ಪ್ರತಿಕ್ರಿಯೆ ಬೈದುಂಡು , ಚಿತ್ರದ ಕತೆ,ಬೊಕ್ಕ ಹಾಸ್ಯ,ಪದ ಬೊಕ್ಕ ಎಡ್ಡೆ ಸಂದೇಶ ಉಂಡು , ಸುರುತ ಸಲ ಬೋಜರಾಜ್ ವಾಮಂಜೂರು ನಾಯಕ ನಟೆ ಆದ್ ತೋಜಿದೆರ್ ,ಅರವಿಂದ್ ಬೋಳಾರ್, ದೇವದಾಸ್ ಕಾಪಿಕಾಡ್, ವಿಜಯಕುಮಾರ್ ಕೊಡಿಯಾಲ್ ಬೈಲ್ ,ಉಮೇಶ್ ಮಿಜಾರ್,ರವಿ ರಾಮಕುಂಜ, ಶೀತಲ್ ನಾಯಕ್, ನವ್ಯಪೂಜಾರಿ ಈ ಪಿಚ್ಚರ್ ಡ್ ಪಾಲ್ ಪಡೆತೆರ್ ,ದರ್ಬಾರ್ ಸಿನೆಮಾಸ್ ಡ್ ರಫೀಕ್ ದರ್ಬಾರ್ ನಿರ್ಮಾಣದ ಈ ಚಿತ್ರನ್ ಶ್ರೀಮತಿ ಪ್ರಭಾ ಸುವರ್ಣ ಬೊಕ್ಕ ನಾರಾಯಣ ಪಿ ಸುವರ್ಣ ಅರ್ಪಣೆ ಮಲ್ದೆರ್ .

ಪರ್ವೇಜ್ ಬೆಳ್ಳಾರೆ ,ಶರಣ್ ರಾಜ್ ಕಾಸರಗೋಡು ಸಹ ನಿರ್ಮಾಣದ ಈ ಪಿಚ್ಚರ್ ಗ್ ಇಸ್ಮಾಯಿಲ್ ಮೂಡುಶೆಡ್ಡ ಆಕ್ಷನ್ ಕಟ್ ಪಂತೆರ್ , ಸುರುತ ಸಲ ತುಳು ನಾಟಕ ಬೊಕ್ಕ ಚಿತ್ರರಂಗದ ದಿಗ್ಗಜರ್ ಪಂದ್ ಪುದರ್ ಪಡೆಯಿನ ದೇವದಾಸ್ ಕಾಪಿಕಾಡ್ ಬೊಕ್ಕ ವಿಜಯ ಕುಮಾರ್ ಕೊಡಿಯಾಲ್ ಬೈಲ್ ಸುರುತ ಸಲ ಒಟ್ಟುಗು ರ್ ಪಿಚ್ಚರ್ ಡ್ ತೊಜೀದ್ ಬೈದೆರ್ .ತುಳು ನಾಡ ಮಾಣಿಕ್ಯ ಅರವಿಂದ್ ಬೋಳಾರ್ ಮೂಜಿ ವಿಭಿನ್ನ ಹಾಸ್ಯ ಪಾತ್ರಡ್ ತೋಜಿದೆರ್ , ಈ ಪಿಚ್ಚರ್ ನ್ ಗಲ್ಫ್ ಕಂಟ್ರಿ ಡ್ ಸೆಂಥಿಲ್ ಬೆಂಗಳೂರು ಬುಡುಗಡೆ ಮಲ್ಪರೆ ಉಲ್ಲೆರ್.

ರಷ್ಯಾದ ದೋಣಿನ್ ಆಕ್ ದ್ ಬೂರಾಯಿನ ಉಕ್ರೆನ್ ಡ್ರೋನ್

ರಷ್ಯಾ : ರಷ್ಯಾದ ಯುದ್ದನೌಕೆಡ್ ಇತ್ತಿನ ಸಿಬಂದಿ ಶರಣಾಯೆರೆ ಒಪ್ಪಂದಿನ ನೆಲೆಟ್ಟ್ ಅಕುಲ್ ಇತ್ತಿನ ದೋಣಿ ನ್ ನಾಶ ಮಲ್ದೆರ್ . ನೆಕ್ಕ್ ಸಂಬಂದಿ ಮಿಲಿಟರಿ ಓಡದ ಮಿತ್ತ್ ಸ್ಫೋಟ ಆಯಿನ ಕಪ್ಪು ಬೊಕ್ಕ ಬೊಲ್ದು ಏರಿಯಲ್ ಬೊಲ್ಪುನು ಸಚಿವಾಲಯ ಬುಡುಗಡೆ ಮಲ್ದುಂಡು .

ಸಾಮಾನ್ಯವಾದ್ ಇಂಚಿನ ಓಡಡ್ ಗರಿಷ್ಠ 20 ಜನನ ಲೆತೊಂದು ಪೋಯೆರೆ ಸಾಧ್ಯ. ವಿಚಕ್ಷಣ ಅತ್ತ್ ಡ ಲ್ಯಾಂಡಿಂಗ್ ಕಾರ್ಯಾಚರಣೆಡ್ ಇಂಚಿನ ಓಡ ಗಲಸುವೆರ್ ಪಂದ್ ವರದಿಡ್ ತೆರಿಪಾದೆರ್.

ಗೆಜ್ಜೆಗಿರಿಟ್ ನಡತ್oಡ್ ಬಿರ್ದ್ ದ ಕಂಬುಲ ಪಿಚ್ಚರ್ ಶೂಟಿಂಗ್

ಪುತ್ತೂರು : ತಾರೀಕ್ 26.4.2022 ನೇ ಅಂಗಾರೆ ಬಿರ್ದುದ ಕಂಬುಲ ತುಳು ಬೊಕ್ಕ ಕನ್ನಡ ಸಿನಿಮಾದ ಶೂಟಿಂಗ್ ಗೆಜ್ಜೆಗಿರಿಟ್ ನಡತ್oಡ್. ಚಿತ್ರದ ಯಶಸ್ವಿಗಾದ್ ವಿಶೇಷ ಪ್ರಾರ್ಥನೆ ಮಲ್ತೆರ್.

.ಈ ಪೊರ್ತುಡು ಕ್ಷೇತ್ರಾಡಳಿತ ಸಮಿತಿ ಗುರ್ಕಾರ್ಲಾಯಿನ ಪೀತಾಂಬರ ಹೆರಾಜೆ, ಗೌರವ ಗುರ್ಕಾರ್ಲಾಯಿನ ಡಾ. ರಾಜಶೇಖರ್ ಕೋಟ್ಯಾನ್. ಜಯಂತ ನಡುಬೈಲ್, ಒತ್ತು ಗುರ್ಕಾರ್ಲಾಯಿನ ರವಿಪೂಜಾರಿ ಚಿಲಿಂಬಿ, ಪ್ರಧಾನ ಕಾರ್ಯದರ್ಶಿ ಉಲ್ಲಾಸ್ ಕೋಟ್ಯಾನ್, ಕೋಶಾಧಿಕಾರಿ ದೀಪಕ್ ಕೋಟ್ಯಾನ್, ಕಾರ್ಯದರ್ಶಿ ಮೋಹನ್ ದಾಸ್ ವಾಮಂಜೂರು, ಸಂತೋಷ್ ಕೋಟ್ಯಾನ್ ಉಗ್ಗೆಲ್ ಬೆಟ್ಟು. ರಾಜೇಂದ್ರ ಚಿಲಿಂಬಿ. ಹರೀಶ್ ಪೂಜಾರಿ. ಜಯರಾಮ ಬಂಗೇರ,ನಾರಾಯಣ ಮಚ್ಚಿನ, ಕನ್ನಡ ಬೊಕ್ಕ ತುಳು ಸಿನೆಮಾದ ಖ್ಯಾತ ನಿರ್ದೇಶಕೆರಾಯಿನ ರಾಜೇಂದ್ರ ಸಿಂಗ್ ಬಾಬು, ನಾಯಕ ನಟೆ ಆಯಿನ ಆದಿತ್ಯ, ಸ್ವರಾಜ್ ಶೆಟ್ಟಿ,ನವೀನ್ ಪಡೀಲ್, ಗೋಪಿನಾಥ್ ಭಟ್,ಶ್ರೀರಾಮಕೃಷ್ಣ ಚಿತ್ರದ ನಿರ್ಮಾಪಕೆರಾಯಿನ,ಅರುಣ್ ರೈ ತೋಡಾರ್ ಮೆರೆನ್ ಕ್ಷೇತ್ರದ ವತಿರ್ದ್ ಮಾನದಿಗೆ ಮಲ್ತೆರ್ . ಡಾ ರಾಜಶೇಖರ ಕೋಟ್ಯಾನ್ ಈ ಪಿಚ್ಚರ್ ಡ್ ವಿಶೇಷ ಪಾತ್ರಡ್ ತೋಜೆರೆ ಉಲ್ಲೆರ್.

ಮಾನವೀಯತೆ ಪನ್ಪಿನ ಪದೊಕ್ಕು ಪುನೀತ್ ರಾಜ್ ಕುಮಾರ್ ಉದಾರ್ಮೆ: ಡಾ. ಶಿವರಾಜ್ ಕುಮಾರ್

ಕುಡ್ಲ, ಮೇ 3: ಪುಟ್ಟ್ ನಗನೇ ಸೂಪರ್ ಸ್ಟಾರ್ ಆಯಿನ ಪುನೀತ್ ರಾಜ್ ಕುಮಾರ್ ಏಪಲ ಯಂಕುಲ್ನೊಟ್ಟುಗೇ ಇಪ್ಪುವೇ. ತೀರ್ ಪೋದ್ 6 ತಿಂಗೊಲ್ ಆಂಡಲಾ ಆಯೆ ದೂರ ಆಯಿನ ನೆಂಪು ಮಾತ್ರ ಮದಪರೆ ಆಪುಜಿ. ಮಾನವೀಯತೆ ಪನ್ಪಿನ ಪದಕ್ಕ್ ಪುನೀತ್ ರಾಜ್ ಕುಮಾರ್ ಉದಾರ್ಮೆ ಪಂದ್ ಹ್ಯಾಟ್ರಿಕ್ ಹೀರೋ ಪುಗರ್ತೆದ ನಟೆ ಡಾ. ಶಿವರಾಜ್ ಕುಮಾರ್ ಕುಡ್ಲಡ್ ಪಂಡೆರ್.

ಕುಡ್ಲದ ನಗರ ಪೊಲೀಸ್ ಘಟಕದ ಅಧಿಕಾರಿ ಬೊಕ್ಕ ಸಿಬ್ಬಂದಿನಕಲ್ನೊಟ್ಟುಗ್ ನಡತಿನ ಸಂವಾದ ಲೇಸ್ ಡ್ ಪುನೀತ್ ರಾಜ್ ಕುಮಾರ್ ಮೇರ್ನ ಭಾವಚಿತ್ರಗ್ ಪೂ ಪಾಡ್ದ್ ಆಯಿಬೊಕ್ಕ ಆರ್ ಪಾತೆರ್ಯೆರ್.

ಪುಟ್ಟುನಗನೇ ಪ್ರೇಮದ ಕಾಣಿಕೆ ಪಿಚ್ಚರ್ ಡ್ ಅಭಿನಯ ಮಲ್ತ್ ದ್ ಸೂಪರ್ ಸ್ಟಾರ್ ಆದಿತ್ತೆ. ಕೆಲವು ವರ್ಷ ನಮ ಹೀರೋ ಆಂಡಲಾ ಬೊಕ್ಕ ಆಯೆನೇ ಹೀರೋ ಆದಿತ್ತೆ. ಆಯೆ ಮಾನವೀಯ ದೃಷ್ಟಿಡ್ ಮಲ್ತಿನ ಬೇಲೆದ ಬಗ್ಗೆ ಯಂಕ್ ಲ ಗೊತ್ತಿಜ್ಜಾಂಡ್. ಅಂಚನೆ ಪುನೀತ್ ರಾಜ್ ಕುಮಾರ್ ನ ಬಗ್ಗೆ ಪೆರ್ಮೆ ಆವೊಂದ್ಂಡು. ಆಯಿನ ಬೇನೆನ್ ನೆಂಪು ಮಲ್ಪುನೆನ್ ಬುಡ್ದ್ ಖುಷಿ ಪಡೆಕ್ಕ ಪಂದ್ ಪಂಡೆರ್.

ಕುಡ್ಲ ಯಂಕ್ ಇಷ್ಟವಾಯಿನ ಊರು ಪಂಡಿನ ಡಾ. ಶಿವರಾಜ್ ಕುಮಾರ್ ಅಪ್ಪಾಜಿನ್ ಬುಡ್ದು ನಮ್ಮ ಕುಟಂಬದಕುಲ್ ಮುಲ್ಪ ಮಸ್ತ್ ಪಿಚ್ಚರ್ ದ ಶೂಟಿಂಗ್ ಮಲ್ತ್ ದ. ಯಂಕುಲ ಪೊಲೀಸ್ ನಕ್ಲೆಗ್ ಲ ಮಸ್ತ್ ನಂಟು ಉಂಡು. ಯಾನ್ ಪೊಲೀಸ್ ಪಾತ್ರಡ್ ನಟನೆ ಮಲ್ತಿನ ಪಿಚ್ಚರ್ ಲು ಮಸ್ತ್ ಯಶಸ್ಸ್ ನ್ ಪಡೆತ್ಂಡ್. ಪೊಲೀಸ್ ಪಂಡನೇ ಪವರ್ ಪಂದ್ ಪೊಲೀಸ್ ನಕ್ಲೆನ ಬಗ್ಗೆಟ್ ಪೆರ್ಮೆನ್ ವ್ಯಕ್ತಪಡಿಸಾಯೆರ್.

ಲೇಸ್ ಡ್ ಕುಡ್ಲ ನಗರ ಪೊಲೀಸ್ ನಕ್ಲೆನ ಮುತಾಲಿಕೆಡ್ ಡಾ. ಶಿವರಾಜ್ ಕುಮಾರ್ ಬೊಕ್ಕ ಆರ್ನ ಬೊಡೆದಿ ಗೀತಾ ಶಿವರಾಜ್ ಕುಮಾರ್ ಮೇರೆಗ್ ಮಾನಾದಿಗೆ ಮಲ್ತೆರ್.

ಈ ಪೊರ್ತುಡು ಕುಡ್ಲ ನಗರ ಪೊಲೀಸ್ ಆಯುಕ್ತೆರ್ ಆಯಿನ ಎನ್. ಶಶಿಕುಮಾರ್, ಗೀತಾಶಿವರಾಜ್ ಕುಮಾರ್, ಡಿಸಿಪಿ ಹರಿರಾಂ ಶಂಕರ್, ರಾಜೇಶ್ ಭಟ್, ಮೇಘರಾಜ್, ರಾಜೇಂದ್ರ ಕುಮಾರ್ ಇತ್ತೆರ್.

ಕರೆಂಟ್ ದ ಕಂಬಗ್ ಡಿಕ್ಕಿ ಆಂಡ್ ಕಾರ್ಲರ್ದ್ ಬೊಲ್ತೆರ್ ಗ್ ಪೋವೊಂದು ಇತ್ತಿನ ಬಸ್

ಕಾರ್ಲ : ಕಾರ್ಲರ್ದ್ ಬೊಲ್ತೆರ್ಗ್ ಪೋವೊಂದು ಇತ್ತಿನ ಬಸ್ ನಾರಾವಿದ ಕೈತಲ್ ಕರೆಂಟ್ ದ ಕಂಬಗ್ ಡಿಕ್ಕಿ ಆಕಿನ ಘಟನೆ ವರದಿ ಆತುಂಡು .ಘಟನೆಡ್ ಏರೆಗ್ಲಾ ಪೆಟ್ಟ್ ಅತಿಜಿ ಪಂದ್ ಮಾಹಿತಿ ತೆರಿದ್ ಬೈದುಂಡು.

A bus crashes into a light pole.

Karkala: A bus plying from Karkala to Beltangady crashed into a light pole near Naravi.
Luckily no one was hurt in the incident.

ಪ್ರಚಾರದ ಅಂಗ್ ದಾಂತೆ ಸಮಾಜ ಸೇವೆ ಮಲ್ಪುನ ಬೊಂಬೈದ ಉದ್ಯಮಿ ಭಾಸ್ಕರ ಶೆಟ್ರ್

ತಲಪಾಡಿ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯದ ಮಹಾದ್ವಾರ ನಿರ್ಮಾಣದ ಮಾಮಲ್ಲ ದಾನಿ

ಕುಡ್ಲ: ತಲಪಾಡಿ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯದ ರಾಷ್ಟ್ರೀಯ ಹೆದ್ದಾರಿ 66ರ್ದ್ ಸಂಪರ್ಕಡ್ ಇಪ್ಪುನ ದೇವಿಪುರ ಮಾರ್ಗಡ್ ಶ್ರೀ ರಾಮ ಭಜನಾ ಮಂದಿರದ ಕೈತಲ್ ಶ್ರೀ ದೇವಿಗ್ ನಿರ್ಮಾಣ ಮಲ್ತಿನ ಪೊಸ ಶಿಲಾಮಯ ಮಹಾದ್ವಾರ ಸಮರ್ಪಣಾ ಲೇಸ್ ಮೇ 8 ತಾರೀಕ್ ಐತಾರದಾನಿ ಬೇತೆ ಬೇತೆ ಧಾರ್ಮಿಕ, ಸಾಂಸ್ಕೃತಿಕ ಕಾರ್ಯಕ್ರಮದ ಒರುಟ್ಟು ನಡಪರೆ ಉಂಡು.

ಈ ಮಹಾದ್ವಾರದ ಸಂಪೂರ್ಣ ಖರ್ಚಿನ್ ತೂವೊಂದಿಪ್ಪುನಾರ್ ಬೊಂಬೈದ ಭಾಸ್ಕರ್ ಶೆಟ್ರ್, ಬೊಡೆದಿ ಉಷಾ ಬಿ ಶೆಟ್ಟಿ ಬೊಕ್ಕ ಜೋಕುಲ್. ತಲಪಾಡಿದ ನಾರ್ಲ ಹೊಸಮನೆಡ್ ಇಪ್ಪುನ ಮುಕುಲ್ ಇತ್ತೆ ಬೊಂಬೈಡ್ ಡಿ.ಎನ್.ರಬ್ಬರ್ ಇಂಡಸ್ಟ್ರೀಸ್ ದ ಧಣಿ ಮೇರ್.

ಶ್ರೀ ದೇವಿಗ್ ನಿರ್ಮಾಣ ಮಲ್ತಿನ ದ್ವಾರಗ್ ಮಸ್ತ್ ಖರ್ಚ್ ಆದಿತ್ತ್ ದ್, ಭಾಸ್ಕರ್ ಶೆಟ್ಟಿ ಮೇರ್ ಒರಿಯೇ ಈ ಖರ್ಚ್ ನ್ ತೂವೊಂದುಲ್ಲೆರ್. ವಿಶೇಷ ಪಂಡ ಇಡೇ ಮುಟ್ಟ ಒವ್ವೆ ರೀತಿದ ಪ್ರಚಾರ ಬಯಸಂದೇ ಶ್ರೀ ದೇವಿನ ಸೇವೆ ಮಲ್ತೊಂದುಲ್ಲೆರ್. “ದೇವೆರ್ ನ ಮಿತ್ತ್ ಯಂಕ್ ಭಕ್ತಿ ಉಂಡು. ಅಂಚಾದ್ ಯಾನ್ ಈ ಬೇಲೆನ್ ಮಲ್ತೊಂದುಲ್ಲೆ. ಯಂಕ್ ಒವ್ವೆ ರೀತಿದ ಪ್ರಚಾರ ಬೊಡ್ಚಿ ಪಂದ್ ಭಾಸ್ಕರ್ ಶೆಟ್ರ್ ಪನ್ಪೆರ್”.

ಲಿಪ್ ಸಿಂಕ್ ಮಾಸ್ಟರ್ ಕಿಲಿ ಪೌಲ್ ನ ಮಿತ್ತ್ ಹಲ್ಲೆ ಮಲ್ತಿನ ದುಷ್ಕರ್ಮಿಲು

ತಂಜಾನಿಯ: ಸಾಮಾಜಿಕ ಜಾಲತಾಣಡ್ ಲಿಪ್‌ ಸಿಂಕ್‌ ವಿಡಿಯೋರ್ದು
ಜನಪ್ರಿಯತೆ ಪಡೆಯಿನ ತಾಂಜೇನಿಯಾದ ಕಿಲಿ ಪೌಲ್ ಮಿತ್ತ್ ಅಪರಿಚಿತ ದುಷ್ಕರ್ಮಿಲು ಗಂಭೀರ ಹಲ್ಲೆ ಮಲ್ದೆರ್ .ಆಫ್ರಿಕಾದ ತಾಂಜೇನಿಯಾದ ಕಲಾವಿದೇರಾಯಿನ ಕಿಲಿ ಪೌಲ್ ಭಾರತೀಯ ಪದಕ್ ರೀಲ್ಸ್ ಬೊಕ್ಕ ಲಿಪ್ ಸಿಂಕ್ ಮಲ್ಪುನ ಮುಖೇನ ಫೇಮಸ್ ಆಯಿನಾರ್ .

ಏಕಾಏಕಿ ದಾಳಿ ಮಲ್ತಿನ ಅಪರಿಚಿತ ವ್ಯಕ್ತಿನಕುಲು ಬಿಸತ್ತಿ ಬೊಕ್ಕ ದೊಣ್ಣೆರ್ದ್ ಪೆಟ್ಟ್ ಕೊರ್ತೆರ್ . ಈ ಪೊರ್ತುಡು ಆರ್ ತನನ್ ರಕ್ಷಣೆ ಮಲ್ಪರೆ ಪ್ರತಿಹೋರಾಟ ಮಲ್ಪುನಗ ದುಷ್ಕರ್ಮಿಲು ಜಾಗೆರ್ದ್ ಬಲ್ತ್ ದೆರ್. ಈ
ಬಗ್ಗೆ ಇನ್‌ಸ್ಟಾಗ್ರಾಮ್ ಡ್ ಪೋಸ್ಟ್ ಮಲ್ತಿನ ಕಿಲಿ ಘಟನೆದ ಬಗ್ಗೆ ವಿವರಣೆ ಕೊರ್ತೆರ್.

ಕನ್ನಡದ ಕೆಜಿಎಫ್ 2, ಕಚ್ಚಾ ಬಾದಾಮ್, ಪ್ರಸಿದ್ಧ ಬಾಲಿವುಡ್‌ ಪದಕ್ ಮೇರ್ ಲಿಪ್‌ ಸಿಂಗ್‌ ಮಲ್ತಿನ ವಿಡಿಯೋ ಭಾರತಡ್ ಫೇಮಸ್‌ ಆತುಂಡು .

Lip sync master Kelly Paul assulted.

Tanzania: Kelly Paul who shot to fame by lip syncing in social media videos was seriously hurt in an assault on him by unknown assailants.
He was an artiste from Tanzania and was well known even in India for lip syncing songs for Indian songs .
He has posted about the incident on his instagram handle.
He has lip synced for KGF-2 ; the now viral kaccha badam song and many others.

.

ಇನಿ ಬೆಂಗ್ಳೂರುಗು ಬರಿಯೆರೆ ಉಲ್ಲೆರ್ ಕೇಂದ್ರ ಸಚಿವ ಅಮಿತ್ ಶಾ

ಇನಿ ಬೆಂಗ್ಳೂರುಗು ಬರಿಯೆರೆ ಉಲ್ಲೆರ್ ಕೇಂದ್ರ ಸಚಿವ ಅಮಿತ್ ಶಾ

ಬೆಂಗ್ಳೂರು: ಕೇಂದ್ರ ಸಚಿವ ಅಮಿತ್ ಶಾ ಇನಿ ರಾತ್ರಿ ಬೆಂಗ್ಳೂರುಗು ಬರಿಯೆರೆ ಉಲ್ಲೆರ್ .

ಎಲ್ಲೆ ಮಧ್ಯಾಹ್ನ ಮಧ್ಯಾಹ್ನ ಸಿಎಂ ಅಧಿಕೃತ ಇಲ್ಲಡ್ ರಾಜ್ಯ ಬಿಜೆಪಿ ಕೋರ್ ಕಮಿಟಿ ಸದಸ್ಯೇರ್ನ ಒಟ್ಟುಗು ಅಮಿತ್ ಶಾ ಸಭೆ ನಡಪಾಯೆರೆ ಉಲ್ಲೆರ್ ಪಂದ್ ಮಾಹಿತಿ ತೆರಿದ್ ಬೈದುಂಡು .

ಕೇಂದ್ರ ಸಚಿವೆರ್ನ ಬೆಂಗ್ಳೂರು ಭೇಟಿದ ಬಗ್ಗೆ ಪ್ರತಿಕ್ರಿಯೆಕೊರಿನ ಬಿ.ಎಸ್ ಯಡಿಯೂರಪ್ಪ”ಇನಿ ಬಯ್ಯಗ್ ಕೇಂದ್ರ ಸಚಿವ ಅಮಿತ್ ಶಾ ರಾಜ್ಯಗ್ ಬರಿಯೆರೆ ಉಲ್ಲೆರ್ ಪಂದ್ ಪಂಡೆರ್.

Amith Shah is in Bangalore today.

Bangalore: Central minister Amit Shah will be in Bangalore this evening.
He will hold a meeting at the CM’s official residence tomorrow with the BJP’s core committee members said sources.
B S Yediurappa also confirmed the visit of the central minister to Bangalore.