Wed. Nov 18th, 2026

ಊರ್ದ ಸುದ್ದಿ Regional News

ಇಡಿ ಕಚೇರಿ ಮುಟ್ಟಿನ ರಾಹುಲ್ ಗಾಂಧಿ – ನ್ಯಾಷನಲ್ ಹೆರಾಲ್ಡ್ ಕೇಸ್

ಇಡಿ ಕಚೇರಿ ಮುಟ್ಟಿನ ರಾಹುಲ್ ಗಾಂಧಿ – ನ್ಯಾಷನಲ್ ಹೆರಾಲ್ಡ್ ಕೇಸ್

ನವದೆಹಲಿ : ನ್ಯಾಷನಲ್ ಹೆರಾಲ್ಡ್ ಪ್ರಕರಣಗ್ ಸಂಬಂಧಿ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಇನಿ ವಿಚಾರಣೆಗಾದ್ ಇಡಿ ಕಚೇರಿಗ್ ಹಾಜರಾತೆರ್ .

ನ್ಯಾಷನಲ್ ಹೆರಾಲ್ಡ್ ಪ್ರಕರಣಗ್ ಸಂಬಂಧಿ ಜಾರಿ ನಿರ್ದೇಶನಾಲಯ ಕಾಂಗ್ರೆಸ್ ಗುರ್ಕಾರ್ಲಾಯಿನ ಸೋನಿಯಾ ಗಾಂಧಿಗ್ ಈ ದುಂಬು ಜೂ. 8ಗ್ ಬೊಕ್ಕ ರಾಹುಲ್ ಗಾಂಧಿಗ್ ಜೂ. 13ಕ್ಕ್ ಫೆಡರಲ್ ಏಜೆನ್ಸಿದ ಎದುರು ವಿಚಾರಣೆಗ್ ಬರಿಯೆರೆ ಸಮನ್ಸ್ ಕೊರ್ದು ಇತ್ತೆರ್ ಪಂದ್ ವರದಿಯಾತುಂಡು .

ಧನುಷ್ ಮೂಲ್ಕಿ ಮ್ಯೂಸಿಕಲ್ಸ್ ದ “ನಂಬಿ ಸತ್ಯ ಕೊರಗಜ್ಜ” ತುಳು ಭಕ್ತಿ ಸುಗಿಪು ಬುಡುಗಡೆ

ಧನುಷ್ ಮೂಲ್ಕಿ ಮ್ಯೂಸಿಕಲ್ಸ್ ಅರ್ಪಣೆ ಮಲ್ಪುನ “ನಂಬಿ ಸತ್ಯ ಕೊರಗಜ್ಜ” ತುಳು ಭಕ್ತಿ ಸುಗಿಪು ಧನುಷ್ ಮೂಲ್ಕಿ ಮ್ಯೂಸಿಕಲ್ ಪನ್ಪಿನ ಯೂಟ್ಯೂಬ್ ಚಾನೆಲ್ ಡ್ ಜೂನ್ 12 ಬಯ್ಯ 5 ಗಂಟೆಗ್ ಬುಡುಗಡೆ ಆತ್ಂಡ್.

ಧನುಷ್ ಮೂಲ್ಕಿ ಮೆರ್ನ ಪೊರ್ಲ ಕಂಠದ ಸ್ವರಟ್ಟ್ ಈ ಸುಗಿಪು ಮೂಡ್ ದ್ ಬತ್ತಿತ್ತ್ ದ್, ಧನುಷ್ ಮೇರೆ ಈ ಪದನ್ ಕಂಪೋಸ್ ಬೊಕ್ಕ ಮ್ಯೂಸಿಕ್ ದ ಬೇಲೆನ್ ಮಲ್ತ್ ದೆರ್. ಈ ಸುಗಿಪುದ ಸಾಹಿತ್ಯನ್ ಹರ್ಷಿತ್ ಬಾಯರ್ ಮೇರ್ ಬರೆದಿತೆರ್. ಕೊಳಲುನ್ ವಿಜಯ್ ಆಚಾರ್ಯ ಕುಳಾಯಿ ಮೇರ್ ಕೊಳಲುದ ಸೊರ ಕೊರ್ತೆರ್ . ಅಂಚನೆ ದರ್ಶನ್ ದೇವಾಡಿಗ ಮೇರ್ ತಬಲದ ದುನಿಪು ಕೊರ್ತೆರ್.

Dhanush musicals Mulki bring out a Tulu bakthi geethe series ” Nambi Satya Koragajja”

A bakthi geethe series in Tulu ” “Nambi Satya Koragajja” was released by Danush musicals Mulki on their you tube channel by the same name on June 12th .

The singer of all the songs in the series is Danush Mulki.He has also composed the songs and has provided the music. The lyrics are by Harshith Bayar.Flutist is Vijay Acharya Kulai and the tabala is played by Darshan Devadiga.

ಬೊಲ್ತೆರ್ : ಕಾಂಗ್ರೆಸ್ ಮುಖಂಡ ಬೊಕ್ಕ ಕಾರ್ಯಂತನ ನಡುಟು ಪೆಟ್ಟ್

ಬೊಲ್ತೆರ್ : ಕಾಂಗ್ರೆಸ್ ಮುಖಂಡ ಬೊಕ್ಕ ಕಾರ್ಯಂತನ ನಡುಟು ಪೆಟ್ಟ್

ಬೊಲ್ತೆರ್ : ಕಾಂಗ್ರೆಸ್‌ ಮುಖಂಡ ಬೊಕ್ಕ ಕಾರ್ಯಂತೆನ ನಡುಟು ರಾತ್ರಿ ಪೊರ್ತುಡು ಬೊರ್ಚಾoದಿನ ಪಾತೆರಡ್ ನಿಂದನೆ ಮಲ್ತ್ ಪೆಟ್ಟ್ ಮಲ್ತಿನ ಘಟನೆ ಬೊಲ್ತೆರ್ ದ ಶಿಶಿಲಡ್ ನಡತುಂಡು.

ವೈಯುಕ್ತಿಕ ವಿಷಯಗ್ ರಡ್ಡ್ ಜನಲ ಬೊರ್ಚಾoದಿನ ಪಾತೆರ ಪಾತೆರ್ದೆರ್  ಬೊಕ್ಕ ಲಡಾಯಿ  ಆತುಂಡು. ಈ ವೀಡಿಯೋನು ಅಲ್ಪ ಇತ್ತಿನಕುಲು ವಿಡಿಯೋ ಮಲ್ತ್ ಸಾಮಾಜಿಕ ಜಾಲತಾಣಡ್ ಬುಡ್ತೆರ್ .
ಸದ್ಯ ಈ ವೀಡಿಯೋ ವೈರಲ್‌ ಆತುಂಡು.

ಕುಡ್ಲ: ಬಸ್ ಟ್ಟ್ ದೀತಿನ ಕಲೆಕ್ಷನ್ ದ ಕಾಸ್ ಕಂಡದ್ ಪೋಯಿನ ಕಲ್ವೆ

ಕುಡ್ಲ: ಟ್ರಿಪ್ ಆಯಿಬೊಕ್ಕ ಬಸ್ ಉಂತಾದ್ ಡ್ರೈವರ್ – ಕಂಡೆಕ್ಟರ್ ಅಂಚಿ ಪೋಯಿನ ಪೊರ್ತುಡ್ ಕಲ್ವೆ ಒರಿ ಬಸ್ ಟ್ಟ್ ದೀತಿನ ಕಲೆಕ್ಷನ್ ದ ಕಾಸ್ ನ್ ಕಂಡೊಂದು ಪೋಯಿನ ಘಟನೆ ಕುಡ್ಲ ಪೇಂಟೆದ ಸ್ಟೇಟ್ ಬ್ಯಾಂಕ್ ಡ್ ನಡತ್ ದ್ಂಡ್.

ಏರ್ಲಾ ಇಜ್ಜಂದಿನೆನ್ ತೂದು ಬಸ್ ತ ಮಿತ್ತ್ ಬರ್ತಿನ ಕಲ್ವೆ ಕಂಡೆಕ್ಟರ್ ನ ಪರ್ಸ್ ಡ್ ಇತ್ತಿನ 4,500 ರೂ. ಕಲೆಕ್ಷನ್ ದ ಕಾಸ್ ನ್ ಕಂಡ್ ದ್ ಜಾಗೆ ಕಾಲಿ ಮಲ್ತ್ ದೆ.

ಈ ಬಗೆಟ್ಟ್ ಕುಡ್ಲ ಪೇಂಟೆದ ಸ್ಟೇಶನ್ ಡ್ ಕೇಸ್ ದಾಖಲಾದಿತ್ತ್ ದ್, ಕಲ್ವೆ ಅಂಚಿ ಇಂಚಿ ಪೋವೊಂದಿಪ್ಪುನವು ಸಿಸಿಟಿವಿಡ್ ದಾಖಲಾತ್ಂಡ್.

Mangalore: Person takes off with the collection box kept in the bus

Mangalore: A person takes off with the collection box of a bus after the bus driver and conductor gets down after a trip .This has been reported from the State Bank area in Mangalore.

Noticing the empty bus the culprit took away about 4,500 rupees kept in the collection box by the conductor.A case has been registered in this connection.A person moving around has been caught on CCTV.

ನಟಿ ಅನುಷ್ಕಾ ಶೆಟ್ಟಿ ಮೆಗ್ಯನ ಕೆರ್ರೆ ಪ್ಲ್ಯಾನ್ : ದೂರು ದಾಖಲ್

ಬೆಂಗ್ಳೂರ್: ಪುಗರ್ತೆದ ಸಿನಿಮಾ ನಟಿ ಅನುಷ್ಕಾ ಶೆಟ್ಟಿ ಮೆರ್ನ ಮೆಗ್ಯೆ ಗುಣರಂಜನ್ ಶೆಟ್ರೆನ್ ಕೆರ್ರೆ ಸ್ಕೆಚ್ ಪಾಡ್ದೆರ್ ಪಂದ್ ಆರೋಪಿಸಾದ್ ಜಯ ಕರ್ನಾಟಕ ಸಂಘಟನೆದಕುಲು ಗೃಹ ಸಚಿವೆರ್ ಅರಗ ಜ್ಞಾನೇಂದ್ರ ಮೇರ್ನ ಬೆಂಗ್ಳೂರ್ದ ಇಲ್ಲಗ್ ಪೋದು ದೂರು ಕೊರ್ತೆರ್.

ದೂರುಡ್ ಮುತ್ತಪ್ಪ ರೈ ಮೆರ್ನ ಸಂಬಂಧಿಕೆರ್ ಮನ್ಮಿತ್ ರೈ ಕೆರ್ರೆಗ್ ಸಂಚು ಪಾಡ್ದೆರ್ ಪಂದ್ ಆರೋಪಿಸಾದೆರ್. ಆಂಡ ಆ ಆರೋಪನ್ ಮನ್ಮಿತ್ ರೈ ಅತ್ತ್ ಪನ್ತೆರ್. ಯಾನ್ ಬ್ಯುಸಿನೆಸ್ ಇಚಾರಡ್ ಪಿದಯಿ ದೇಶಡ್ ಉಲ್ಲೆ. ಈ ಆರೋಪ ಏತ್ ಸತ್ಯ ಪಂದ್ ಪೊಲೀಸೆರ್ ತನಿಖೆ ಮಲ್ಪುವೆರ್. ಯನ್ನ ಮಿತ್ತ್ ಈಡೆ ಮುಟ್ಟ ಒವ್ವೆ ಕ್ರಿಮಿನಲ್ ಪ್ರಕರಣ ಇಜ್ಜಿ. ಒವ್ ಸ್ಟೇಷನ್ ಡ್ಲಾ ಎಫ್ಐಆರ್ ದಾಖಲ್ ಆತಿಜಿ. ಈ ಇಚಾರಡ್ ಯನ್ನ ಪುದರ್ ದಾಯೆ ಬರೊಂದ್ಂಡು ಪಂದ್ ಗೊತ್ತುಜಿ ಪಂದ್ ಪಂತೆರ್.

ಗುಣರಂಜನ್ ಶೆಟ್ಟಿ ಬೊಕ್ಕ ಮನ್ಮಿತ್ ರಡ್ಡ್ ಜನಲ ಮುತ್ತಪ್ಪ ರೈ ನೊಟ್ಟುಗ್ ಇತ್ತಿನಕುಲು. ಆಯಿಬೊಕ್ಕ ಮುತ್ತಪ್ಪ ರೈ ಮೇರೆರ್ದ್ ಮನ್ಮಿತ್ ರೈ ಪಿದಯಿ ಬತ್ತ್ ದೆರ್ ಪಂದ್ ತೆರಿದ್ ಬೈದ್ಂಡ್.

A plot to murder brother of star Anushka Shetty : A complaint registered

The Jai Karnataka Association members have registered a complaint with the home minister Arag Gyanendra that a plot has been set to murder Gunaranjan Shetty brother of star Anushka Shetty.

A relative of the late don Muttapppa Rai, Manmith Rai has been named as the person who has set up the plot to murder the brother of the mega star .

Manmith Rai has vehemently denied the allegations and said that he was out of the country at present and the police need to investigate into the truth of the matter.He added that there wasn’t any case against him in any police station.

Gunaranjan Shetty and Manmith Rai were close associates of Muthappa Rai before parting ways.

ಟಿಕೆಟ್ ಇಜ್ಜಂದೆ ಪೋವೊಂದು ಇತ್ತಿನಾಯೆನ ಕೈಟ್ ಇತ್ತ್oಡ್ 2 ಕೋಟಿ ಕಾಸ್ !

ಟಿಕೆಟ್ ಇಜ್ಜಂದೆ ಪೋವೊಂದು ಇತ್ತಿನಾಯೆನ ಕೈಟ್ ಇತ್ತ್oಡ್ 2 ಕೋಟಿ ಕಾಸ್ !

ಕರವಾರ : ಟಿಕೆಟ್ ಇಜ್ಜಂದೆ ಪೋವೊಂದು ಇತ್ತಿನ ಒರಿಯರ್ದ್ 2 ಕೋಟಿ ರೂ. ಕಾಸ್ ನ್ ರೈಲ್ವೆ ಪೊಲೀಸೆರ್ ಕಾರವಾರ ರೈಲು ನಿಲ್ದಾಣಡ್ ವಶಕ್ ದೆತೊನ್ದೆರ್ . ಅತ್ತoದೆ ಆ ಕಲ್ವೆನ್ ಪೊಲಿಸೆರ್ ಪತ್ತ್ ದೆರ್ .

ರೈಲು ಸಂಖ್ಯೆ.12133 (CSMT-ಕುಡ್ಲ ಜೆಎನ್‌ಎಕ್ಸ್‌ಪ್ರೆಸ್) ಡ್ ಟಿಕೆಟ್ ಇಜ್ಜಂದೆ ಪೋವೊಂದು ಇತ್ತಿನ ಒರಿಯನ್ ರಡ್ಡ್ ಕೋಟಿ ರೂ.ಭಾರತೀಯ ಕರೆನ್ಸಿ ನೋಟುನು ವಶಕ್ ದೆತೊನ್ದೆರ್ ಪಂದ್ ಕೊಂಕಣ ರೈಲ್ವೆ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಸುಧಾ ಕೃಷ್ಣಮೂರ್ತಿ ಪಂಡೆರ್ .

ಕಾಸ್ ಕೊನೊವೊಂದು ಇತ್ತಿನ ಕಲ್ವನ್ ರಾಜಸ್ಥಾನದ ಚೆನ್ ಸಿಂಗ್ ಯಾನೆ ಮನೋಹರ್ ಹೇಮ ಸಿಂಗ್ ( 22 ವರ್ಷ) ಪಂದ್ ಗುರ್ತಿಸಾದೆರ್.

.
A ticket less traveller caught with rupees two crores in his pocket !!

A person caught for ticketless travel by the railway police at Karwar railway station ; had rupees two crore in his pocket!!

The person was caught for travelling without a ticket in train number 12133 ( CSMT–Mangalore JN express) .He had rupees two crore with him in Indian currency; said Konkan railway public relations officer Sudha Krishnamurthy.

He has been identified as Chan Singh alias Manohar Singh (22 years) from Rajasthan.

ತುಳು ಬಾಸೆದ ತಾಂತ್ರಿಕ ದೋಷ ಕಲೆದ್ ರಾಜ್ಯ ಬಾಸೆದ ಮಾನಾದಿಗೆ ತಿಕ್ಕರೆ ಕುದ್ರೋಳಿ ಶ್ರೀ ಗೋಕರ್ಣನಾಥೇಶ್ವರ ದೇವಲ್ಯೊಡು ಜೈ ತುಳುನಾಡ್ (ರಿ.) ಸಂಘಟನೆದ ವತಿರ್ದ್ ಸುಗಿಪು

ತುಳು ಬಾಸೆದ ತಾಂತ್ರಿಕ ದೋಷ ಕಲೆದ್ ರಾಜ್ಯ ಬಾಸೆದ ಮಾನಾದಿಗೆ ತಿಕ್ಕರೆ ಕುದ್ರೋಳಿ ಶ್ರೀ ಗೋಕರ್ಣನಾಥೇಶ್ವರ ದೇವಲ್ಯೊಡು ಜೈ ತುಳುನಾಡ್ (ರಿ.) ಸಂಘಟನೆದ ವತಿರ್ದ್ ಸುಗಿಪು

ಕುಡ್ಲ : ಕುದ್ರೋಳಿ ಶ್ರೀ ಗೋಕರ್ಣನಾಥೇಶ್ವರ ದೇವಲ್ಯಡ್ ಜೈ ತುಳುನಾಡ್ (ರಿ.) ಸಂಘಟನೆದ ವತಿರ್ದ್ ದೇವಾಯೊಡು ತುಳು ಭಾಷೆಗ್ ಅಧಿಕೃತ ತಾನ ಮಾನೋ ಕೊರಿಯೆರೆ ಅಡ್ಡಿಯಾಯಿನ ತಾಂತ್ರಿಕ ದೋಷ ನಿವಾರಣೆ ಆವಡ್ ಪಂದ್ ಭಿನ್ನಪು ಮಲ್ತ್ ಪೂಜೆ ಮಲ್ತೆರ್ . ದೇವಾಲ್ಯೋದ ಪ್ರಧಾನ ಅರ್ಚಕೆರ್ ತಾಂತ್ರಿಕ ನಿವಾರಣೆಯಾಯೆರೆ ಪ್ರಾರ್ಥನೆ ಮಲ್ತೆರ್ ಈ ಪೊರ್ತುಡು ಸಂಘದ ಪ್ರಧಾನ ಕಾರ್ಯದರ್ಶಿಯಾಯಿನ ಅವಿನಾಶ್ ಮುಕ್ಕ, ಕೋಶಾಧಿಕಾರಿಯಾಯಿನ ರಕ್ಷಿತ್ ಕೋಟ್ಯಾನ್, ತುಳು ಪ್ರಚಾರ ಸಮಿತಿದ ಮೇಲುಸ್ತುವಾರಿ ವಿನಯ್ ಕುಡ್ಲ, ತುಳು ಭಾಷೆ ಬೊಕ್ಕ ಸಾಹಿತ್ಯ ಸಮಿತಿದ ಜೊತೆ ಮೇಲುಸ್ತುವಾರಿಯಾಯಿನ ಗೀತಾ ಲಕ್ಷ್ಮೀಶ್, ಸ್ಥಾಪಕ ಸಮಿತಿದ ಕಿರಣ್ ತುಳುವೆ ಸಹಿತ ಸಂಘದ ಸದಸ್ಯೆರ್ ಪಾಲ್ ಪಡೆದಿತ್ತೆರ್ .

ತನ್ನ ಇಲ್ಲಡ್ ಪುನ ಆದ್ ತಿಕ್ಕಿಯೆರ್ ಪುಗಾರ್ತೆದ ಸೆಲೆಬ್ರಿಟಿ ಡಿಸೈನರ್ ಪ್ರತ್ಯೂಷಾ ಗರಿಮೆಲ್ಲಾ

ತನ್ನ ಇಲ್ಲಡ್ ಪುನ ಆದ್ ತಿಕ್ಕಿಯೆರ್ ಪುಗಾರ್ತೆದ ಸೆಲೆಬ್ರಿಟಿ ಡಿಸೈನರ್ ಪ್ರತ್ಯೂಷಾ ಗರಿಮೆಲ್ಲಾ

ತೆಲಂಗಾಣ : ಪ್ರಖ್ಯಾತ ಸೆಲೆಬ್ರಿಟಿ ಡಿಸೈನರ್ ಪ್ರತ್ಯೂಷಾ ಗರಿಮೆಲ್ಲಾ ಅನುಮಾನಾಸ್ಪದವಾದ್ ತೀರ್ ಪೋತೆರ್ .

ತೆಲಂಗಾಣದ ಬಂಜಾರಾ ಹಿಲ್ಸ್‌ಡ್ ಉಪ್ಪುನ ತನ್ನ ಇಲ್ಲಡ್ ಪುನ ಆದ್ ಪತ್ತೆ ಆತೆರ್ ಪಂದ್ ಪೊಲೀಸೆರ್ ಪಂತೆರ್ . ಬಂಜಾರಾ ಹಿಲ್ಸ್‌ಡ್ ತಮ್ಮ ಇಲ್ಲಡ್ ಶನಿವಾರ ಪುನ ತಿಕ್ಕ್ ದುಂಡು . ತಮ್ಮ ಇಲ್ಲಡ್ ಹಬೆತ ಒಟ್ಟುಗು ಕಾರ್ಬನ್ ಮಾನಾಕ್ಸೈಡ್ ಸೇವನೆ ಮಲ್ತಿನೆರ್ದವರ ತೀರ್ ಪೋತೆರ್.

ಆರ್ ಜೆಪ್ಪುನ ಕೋಣೆಡ್ ಇತ್ತಿನ ಕಾರ್ಬನ್ ಮಾನಾಕ್ಸೈಡ್ ಸಿಲಿಂಡರ್ ನ್ ಪೊಲೀಸೆರ್ ವಶಕ್ ದೆತೊನ್ದೆರ್.

Celebrity designer Pratyusha Garimella found dead in her home .

Telangana: Famous celebrity designer Pratyusha Garimella has been found dead in her Banjara hills apartment .Police suspect suicide due to inhalation of carbon monoxide ; as a carbon monoxide canister was found in her bedroom by the cops.

 

ಜೂ. 20-25 ದ ಉಲಾಯಿ ಪಿಯುಸಿ ರಿಸಲ್ಟ್

ಬೆಂಗ್ಲೂರು : ಜೂನ್ 20 – 25 ತಾರೀಕ್ ದ ಉಲಾಯಿ ಕರ್ನಾಟಕ ದ್ವಿತೀಯ ಪಿಯುಸಿ ಪರೀಕ್ಷೆದ ರಿಸಲ್ಟ್ ಪ್ರಕಟ ಆಯರೆ ಉಂಡು ಪಂದ್ ಶಿಕ್ಷಣ ಇಲಾಖೆ ತೆರಿಪಾದ್ಂಡ್.

ಮೇ 18 ಗ್ ದ್ವಿತೀಯ ಪಿಯುಸಿ ಪರೀಕ್ಷೆ ಕರ್ನಾಟಕಡ್ ಮುಗಿದಿತ್ತ್ಂಡ್. ಸುರುಟ್ಟ್ ಜೂನ್ 15 ಗ್ ರಿಸಲ್ಟ್ ಪ್ರಕಟ ಆಪಿನ ನಿರೀಕ್ಷೆ ಇತ್ತ್ಂಡ್. ಇತ್ತೆ ಜೂನ್ 20-25 ದ ಉಲಾಯಿ ದ್ವಿತೀಯ ಪಿಯುಸಿ ಪರೀಕ್ಷೆದ ರಿಸಲ್ಟ್ ಪ್ರಕಟ ಆಯರೆ ಉಂಡು ಪಂದ್ ಶಿಕ್ಷಣ ಇಲಾಖೆ ತೆರಿಪಾದ್ಂಡ್.

PUC results to be announced around 20th-25th of June

Bangalore: The PUC examination results will be announced around 20-25th of this month said sources from the state education department.The PUC examination of Karnataka state ended on the 18th of May.

ಒಡಿಪು ಜಿಲ್ಲಾ ಕಾಂಗ್ರೆಸ್ ವತಿರ್ದ್ ಜೂ.15 ಕ್ಕ್ ನವ ಸಂಕಲ್ಪ ಚಿಂತನ ಶಿಬಿರ

ಒಡಿಪು ಜಿಲ್ಲಾ ಕಾಂಗ್ರೆಸ್ ವತಿರ್ದ್ ಜೂ.15 ಕ್ಕ್ ನವ ಸಂಕಲ್ಪ ಚಿಂತನ ಶಿಬಿರ

ಒಡಿಪು : ಜಿಲ್ಲಾ ಕಾಂಗ್ರೆಸ್ ಮಟ್ಟಡ್ ನವ ಸಂಕಲ್ಪ ಚಿಂತನ ಶಿಬಿರನ್ ಮಲ್ಪರೆ ನಿರ್ಧಾರ ಮಲ್ದೆರ್ , ಜೂ.೧೫ಕ್ಕ್ ಒಡಿಪುಡು ಶಿಬಿರನ್ ಮಲ್ಪುನ ಬಗ್ಗೆ ಒಡಿಪು ಜಿಲ್ಲಾ ಕಾಂಗ್ರೆಸ್ ಗುರ್ಕಾರ್ಲಾಯಿನ ಅಶೋಕ್ ಕುಮಾರ್ ಕೊಡವೂರು ಮಾಹಿತಿ ಕೊರಿಯೆರ್ .


ಬ್ರಹ್ಮಗಿರಿಟ್ ಉಪ್ಪುನ ಜಿಲ್ಲಾ ಕಾಂಗ್ರೆಸ್ ಭವನಡ್ ಕೊಡೆ ನಡತಿನ ಜಿಲ್ಲಾ ಕಾಂಗ್ರೆಸ್ ಕಾರ್ಯಕಾರಿ ಸಮಿತಿ ಬೊಕ್ಕ ಮುಂಚೂಣಿ ಘಟಕದ ಸಭೆಟ್ ಪಾತೆರಿಯೆರ್.

ಎಐಸಿಸಿ ಬೊಕ್ಕ ಕೆಪಿಸಿಸಿ ನವಸಂಕಲ್ಪ ಚಿಂತನ ಶಿಬಿರದ ಮಾದರಿಡೇ ಈ ಶಿಬಿರ ನಡಪೆರೆ ಉಂಡು , ಪಕ್ಷದ ಬುಲೆಚ್ಚಿಲ್ ದ ಬಗ್ಗೆ 10 ಅಂಶದ ಕ್ರಿಯಾಯೋಜನೆನ್ ಕಾರ್ಯಗತ ಮಲ್ಪುನ ಬಗ್ಗೆ ಚರ್ಚೆ ನಡಪೆರೆ ಉಂಡು ಪಂದ್ ಪಂಡೆರ್ .

ಸಭೆಟ್ ಮಾಜಿ ಶಾಸಕ ಯು.ಆರ್.ಸಭಾಪತಿ, ಬ್ಲಾಕ್ ಗುರ್ಕಾರ್ಲಾಯಿನ ಶಂಕರ್ ಕುಂದರ್, ಮಂಜುನಾಥ ಪೂಜಾರಿ, ಹರಿಪ್ರಸಾದ್ ಶೆಟ್ಟಿ, ರಮೇಶ್ ಕಾಂಚನ್, ನವೀನ್‌ಚಂದ್ರ ಸುವರ್ಣ, ಪ್ರದೀಪ್‌ಕುಮಾರ್ ಶೆಟ್ಟಿ ವಂಡ್ಸೆ, ದಿನಕರ ಹೇರೂರು, ಸಂತೋಷ್ ಕುಲಾಲ್, ಸದಾಶಿವ ದೇವಾಡಿಗ, ಮದನ್ ಕುಮಾರ್, ಮುಖಂಡರಾದ ಮಲ್ಯಾಡಿ ಶಿವರಾಮ ಶೆಟ್ಟಿ, ಪ್ರಸಾದ್‌ರಾಜ್ ಕಾಂಚನ್, ರಾಜು ಪೂಜಾರಿ, ಗೀತಾ ವಾಗ್ಳೆ, ಹರೀಶ್ ಕಿಣಿ, ಪ್ರಖ್ಯಾತ ಶೆಟ್ಟಿ, ಹಿರಿಯಣ್ಣ, ಭಾಸ್ಕರ ರಾವ್ ಕಿದಿಯೂರು, ನೀರೆ ಕೃಷ್ಣ ಶೆಟ್ಟಿ, ಸರಸು ಬಂಗೇರ, ರೋಶನ್ ಒಲಿವೆರಾ, ಭುಜಂಗ ಶೆಟ್ಟಿ, ಬಿಪಿನ್ ಚಂದ್ರಪಾಲ್ ನಕ್ರೆ, ಉದ್ಯಾವರ ನಾಗೇಶ್ ಕುಮಾರ್, ಶಶಿಧರ್ ಶೆಟ್ಟಿ ಎಲ್ಲೂರು, ಅಬೀಬ್ ಅಲಿ, ಕೃಷ್ಣಮೂರ್ತಿ ಆಚಾರ್ಯ, ನಿತ್ಯಾನಂದ ಶೆಟ್ಟಿ ಹಾರಾಡಿ ಪಾಲ್ ಪಡೆದಿತ್ತೆರ್.