ಅ.15-25: ಕುಡ್ಲ ಮಂಗಳಾದೇವಿಡ್ ಮಾರ್ನೆಮಿ ಉಚ್ಚಯ
ಕುಡ್ಲ: ಶ್ರೀ ಮಂಗಳಾದೇವಿ ದೇವಲ್ಯಡ್ ಅ.15-25 ಮುಟ್ಟ ಮಂಗಳಾದೇವಿ ಮಾರ್ನೆಮಿ ಉಚ್ಚಯ ಬ್ರಹ್ಮಶ್ರೀ ಉಚ್ಚಿಲತ್ತಾಯ ನೀಲೇಶ್ವರ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು.
ಅ.15 ಐತಾರ ಬೊಲ್ಪುಗು ಗಣಪತಿ ಪ್ರಾರ್ತನೆ, ಬೊಕ್ಕ ಮಾರ್ನೆಮಿ ಉಚ್ಚಯದ ಉದಿಪನನ್ ವಿದ್ವಾನ್ ಪಂಜ ಭಾಸ್ಕರ್ ಭಟ್ ಮಲ್ಪರೆ ಉಲ್ಲೆರ್. ಅ.19 ಗುರುವಾರ ಶ್ರೀ ಲಲಿತಾ ಪಂಚಮಿ ಅ.20 ಸುಕ್ರಾರ ಮೂಲನಕ್ಷತ್ರ, ರಾತ್ರೆ ಬಲಿ ಉಚ್ಚಯ, ಸೀರೆ ಏಲಂ ನಡಪರೆ ಉಂಡು. ಅಂಚೆನೆ ಅ.21 ಸನಿಯಾರ ಬೊಲ್ಪುರ್ದೆ ಸೀರೆ ಏಲಂ ಸುರು ಆಪುಂಡು. ಅ.23 ಸೋಮಾರ ಮಹಾನವಮಿ, ಚಂಡಿಕಾ ಹೋಮ, ರಾತ್ರೆ ಮಲ್ಲ ರಂಗಪೂಜೆ, ಎಲ್ಯ ರಥೋತ್ಸವ, ಅ.24 ಅಂಗಾರೆ ವಿಜಯ ದಶಮಿಗ್ ಬೊಲ್ಪುಗು ವಿದ್ಯಾರಂಭ ಬೊಕ್ಕ ತುಲಾಭಾರ, ಮಧ್ಯಾಹ್ನ ದೇವೆರ್ ತೇರ್ ಗಾವರೆ, ಬಯ್ಯಗ್ ರಥೋತ್ಸವ, ಅ. 25 ಬುಧಾರ ಜಲಕ ಮಂಗಳ ಸ್ನಾನ, ಅ.26 ಗುರುವಾರ ಸಂಪ್ರೋಕ್ಷಣೆ, ಬಯ್ಯಗ್ ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ ನಡಪರೆ ಉಂಡು. ಅಂಚೆನೆ ಪ್ರತಿ ದಿನ ಬಯ್ಯಗ್ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.
ಅ.24 ದಾನಿ ಶ್ರೀ ಶಾರದಾ ದೇವಿಯ ಭವ್ಯ ಶೋಭಾಯಾತ್ರೆ ನಡಪೆರೆ ಉಂಡು. ಕಾರ್ಯಕ್ರಮನ್ ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಉದಿಪನ ಮಲ್ಪೆರೆ ಉಲ್ಲೆರ್. ಶೋಭಾಯಾತ್ರೆದ ಸಂಚಾಲಕೆರಾಯಿನ ಸೀತಾರಾಮ ರೈ ಕೆದಂಬಾಡಿಗುತ್ತು ನೇತೃತ್ವಡ್ ಬೊಳ್ವಾರು ಸರ್ಕಲ್‌ರ್ದ್ ವೇದಘೋಷ, ಚೆಂಡೆಮೇಳ, ವಾದ್ಯವೃಂದ, ಕುಣಿತ ಭಜನೆದೊಟ್ಟಿಗೆ ಶ್ರೀ ದೇವಿನ ಭವ್ಯ ಶೋಭಾಯಾತ್ರೆ ನಡಪೆರೆ ಉಂಡು.
