Sports

ಸಂತೋಷ್ ಫ್ರೆಂಡ್ಸ್ ಕ್ಲಬ್(ರಿ) ಪಾವಳ ವತಿರ್ದ್ ವಾಲಿಬಾಲ್, ಕಬಡ್ಡಿ ಪಂತ

Feb 18, 2026

ಮಂಜೇಶ್ವರ : ಸಂತೋಷ್ ಫ್ರೆಂಡ್ಸ್ ಕ್ಲಬ್(ರಿ) ಪಾವಳ ವರ್ಕಾಡಿ ಬೊಕ್ಕ ಸಂತೋಷ್ ಫ್ರೆಂಡ್ಸ್ ಕ್ಲಬ್ ಲೈಬ್ರೆರಿ(ರಿ) ಪಾವಳ ವರ್ಕಾಡಿ ಮುಕ್ಲೆನ ಒಟ್ಟು ಸೇರಿಗೆಡ್ ದಿ.ರಾಮಚಂದ್ರ ವೇದೋಡಿ ಬೊಕ್ಕ ರತೀಶ್ ಶೆಟ್ಟಿ ಪಾವಳ ಮುಕ್ಲೆನ ನೆಂಪುಗಾದ್ ಉಂದುವೇ ಬರ್ಪುನ ಫೆಬ್ರವರಿ 21 ಶನಿವಾರ ರಾತ್ರೆ 8ಗಂಟೆಗ್ ಮುಕ್ತ ವಾಲಿಬಾಲ್ ಪಂತ ಬೊಕ್ಕ 58ಕೆ.ಜಿ ವಿಭಾಗದ ಕಬಡ್ಡಿ ಪಂತ ಸಂತೋಷ್ ಕ್ರೀಡಾಂಗಣ ಪಾವಳಡ್ ನಡಪರೆ ಉಂಡು.
ಗೆಂದಿನ ಕಬಡ್ಡಿ ಬೊಕ್ಕ ವಾಲಿಬಾಲ್ ತಂಡೊಗು ಸುರೂತ ಇನಾಮು 25000ಬೊಕ್ಕ ಟ್ರೋಫಿ,ರಡ್ಡನೇ ಇನಾಮು 15000ಬೊಕ್ಕ ಟ್ರೋಫಿ,ಮೂಜನೆ ಇನಾಮು 10000ಬೊಕ್ಕ ಟ್ರೋಫಿ,ನಾಲನೆ ಇನಾಮು ಟ್ರೋಫಿ,ಅತ್ತಾಂದೆ ಎಡ್ಡೆ ಗೊಬ್ಬಿನ ಕ್ರೀಡಾಪಟುಲೆಗ್ ಪನವುದ ಮಾನಾದಿಗೆ ಉಂಡು.
ರಾತ್ರೆ 7ಗಂಟೆಗ್ ಸಂಪ್ರೀತಿ ಡ್ಯಾನ್ಸ್ ಟ್ರೂಪ್ ಬೊಕ್ಕ ಪ್ರೀತಿ ಮಹಿಳಾ ಸಮಾಜ ಮುಕ್ಲೆನ ನೃತ್ಯ ವೈವಿಧ್ಯ,8ಗಂಟೆಗ್ ಕ್ರೀಡೋತ್ಸವದ ಉದಿಪನೊದ ಸಬಾಲೇಸ್‌ಡ್ ಕರ್ನಾಟಕ ಸರಕಾರದ ವಿಧಾನಸಭೆತ ಗುರಿಕಾರೆರ್ ಯು.ಟಿ ಖಾದರ್ ಅಂಚೆನೆ ಮಲ್ಲಮಲ್ಲ ಬಿನ್ನೆರ್ ಪಾಲ್ ಪಟ್ಟೊನೆರೆ ಉಲ್ಲೆರ್.ಕ್ರೀಡಾಪ್ರೇಮಿನಕ್ಲ್ ಕ್ರೀಡಾಪಟುಲು ಮಾತೆರ್ಲ ಬತ್ತ್‌ದ್ ಈ ಗೊಬ್ಬುದ ಕಲೊನು ಪೊರ್ಲು ಮಲ್ಪೊಡು ಪನ್ಪಿ ಬಿನ್ನಯ.
ಎಚ್ಚಿನ ಮಾಯಿತಿಗಾದ್
9497611955,7994759403,8971228933

Sports ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ಬೊಂಬಾಯಿದ ಸುದ್ದಿ | Mumbai News

ಕರಾಟೆ ಪಂತೊಡು ಯಶಸ್ಸ್ ಸಾಧಿಸಾಯಿನ ‘ಪ್ರಹಾರ್ ಮಾರ್ಷಲ್ ಆರ್ಟ್ಸ್’ ದ ವಿದ್ಯಾರ್ಥಿಲು

Dec 26, 2025

ಠಾಣೆ (ಮಹಾರಾಷ್ಟ್ರ): ಪಿಂಪರಿ-ಚಿಂಚವಾಡ್ ದ ಮೀನಾತಾಯಿ ಠಾಕ್ರೆ ಸಭಾಗೃಹಡ್ ಡಿ.14 ಕ್ಕ್ ಆಯೋಜನೆ ಮಲ್ತಿನ ರಾಜ್ಯಮಟ್ಟದ ಕರಾಟೆ ಪಂತೊಡು
ಪ್ರಹಾರ್ ಮಾರ್ಷಲ್ ಆರ್ಟ್ಸ್ ಸ್ಪೋರ್ಟ್ಸ್ ಅಸೋಸಿಯೇಷನ್‌ (ಜೆ.ಎಸ್.ಕೆ.ಎ. ಭಾರತ ಸಂಯೋಜಿತ) ವಿದ್ಯಾರ್ಥಿಲು ಕಾತಾ ಬೊಕ್ಕ ಕುಮಿತೆ ವಿಭಾಗಡ್ ಯಶಸ್ಸ್ ಸಾಧಿಸಾದೆರ್.

ಕಲ್ಯಾಣ ಪಶ್ಚಿಮ (ಬೊಂಬೈ), ಕಲ್ಯಾಣ ಪೂರ್ವ (ಬೊಂಬೈ), ಬೊಕ್ಕ ಠಾಕುರ್ಳಿ (ಬೊಂಬೈ) ಶಾಖೆದ ಒಟ್ಟು 29 ವಿದ್ಯಾರ್ಥಿಲು ಪಂತೊಡು ಪಾಲ್ ಪಡೆದ್ 33 ಪದಕನ್ ಗೆಂದ್ ದೆರ್.

ಬೊಂಬೈ ಕಲ್ಯಾಣ ಪೂರ್ವದ ಸಿದ್ಧಿ ಕೊಟಿಯನ್ ಮೇರ್ ಕುಮಿತೆ ವಿಭಾಗಡ್ ಕಂಚ್ ದ ಪದಕನ್ ಗೆಂದ್ ದೆರ್.

ಅಂಚೆನೆ ಅಪೂರ್ವ ಧನಶೆಟ್ಟಿ ಬಂಗಾರ್ ದ ಪದಕ (ಕುಮಿತೆ), ಬೊಳ್ಳಿದ ಪದಕ (ಕಾತಾ), ಅರ್ಣವ್ ಬೋನ್ಹಾಡೆ ಬಂಗಾರ್ ದ ಪದಕ (ಕುಮಿತೆ), ಆಯುಷ್ ಏಟಂ ಬಂಗಾರ್ ದ ಪದಕ (ಕುಮಿತೆ), ವಾರಾ ಭಂಡಾರಿ ಬಂಗಾರ್ ಪದಕ (ಕಾತಾ), ಕಂಚ್ ದ ಪದಕ (ಕುಮಿತೆ), ಆದಿತ್ಯ ಖಾಟಿಂಗ್ ಬಂಗಾರ್ ದ ಪದಕ (ಕಾತಾ), ಸಾಯಿ ಕೆನೆ ಬಂಗಾರ್ ದ ಪದಕ (ಕಾತಾ), ಮಹಕ್ ಮಲ್ಬಾರಿ ಬಂಗಾರ್ ದ ಪದಕ (ಕಾತಾ), ಕಂಚ್ ದ ಪದಕ (ಕುಮಿತೆ), ವಾರಾ ಅನಿಲ್ ಭಂಡಾರಿ ಬಂಗಾರ್ ದ ಪದಕ (ಕಾತಾ), ಕಂಚ್ ದ ಪದಕ (ಕುಮಿತೆ), ಸಮೃದ್ಧಿ ಶೆಲಾರ್ ಬೊಳ್ಳಿದ ಪದಕ (ಕುಮಿತೆ), ಕಂಚ್ ದ ಪದಕ (ಕಾತಾ), ಗೆಂದ್ ದೆರ್.

ನೀಲ ಪಾಂಡ್ಯ, ಆರ್ಯನ್ ಮಾಳಿ, ಮಿತಾಂಶ್ ಡೊಂಗ್ರೆ, ಸ್ವರಾ ಮಸ್ಕೆ, ರೋಷನ್ ಪಿಳ್ಳೈ, ರೋಹಿತ್ ಪಿಳ್ಳೈ ಬೊಳ್ಳಿದ ಪದಕ (ಕುಮಿತೆ) ಗೆಂದ್ ದೆರ್.

ಸೃಷ್ಟಿ ದಳವಿ, ಸೋಹಮ್ ಗಾಯಕವಾಡ, ಲಾವಣ್ಯ ಪಾಟೀಲ್, ಮೈರಾ ಮಿಶ್ರಾ, ಅನಯಾ ಕಾರ್ಕರ್, ಸೌಮ್ಯ ಹ್ಯಾಲಿಜ್, ವೈಷ್ಣವಿ ಶೆಲಾರ್, ದಿಶಾ ಶೆಲಾರ್, ಖುಷ್ ಪುಜಾರಾ, ದರ್ಶನ್ ಬಿರಾಜ್ದಾರ್, ಜ್ಞಾನೇಶ್ವರ ಸೊನಾವಣೆ, ರುಶ್ವಿ ಸೊನಾವಣೆ, ನಿತ್ಯಾ ಜೈಸ್ವಾಲ್, ಕಸ್ತೂರಿ ನಿಕಮ್ ಕಂಚ್ ದ ಪದಕ (ಕುಮಿತೆ) ಗೆಂದ್ ದೆರ್.

ಈ ಮಾತ ವಿದ್ಯಾರ್ಥಿಲೆಗ್
ಕೋಚ್ ಬೊಕ್ಕ ಅಧ್ಯಕ್ಷೆರಾಯಿನ ಶಿಹಾನ್ ಭಂಡಾರಿ, ಸೆನ್ಪೈ ಸವಿತಾ ಭಂಡಾರಿ, ಸೆನ್ಪೈ ಶ್ರೇಯಾ ವಾಘ್ ಬೊಕ್ಕ ಸೆನ್ಪೈ ಕಮಲ್ ವಿಶ್ವಕರ್ಮಾ ಮೊಕುಲು ಮಾರ್ಗದರ್ಶನ ಕೊರ್ತೆರ್.

Sports ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ

ನ. 14-16: ಮೂಲ್ಕಿಡ್ “ಮಿಥುನ್ ರೈ ಟ್ರೋಫಿ-2025” ರಾಷ್ಟ್ರ ಮಟ್ಟದ ಕ್ರಿಕೆಟ್

Nov 13, 2025

ಮೂಲ್ಕಿದ ವಿಜಯಾ ಕಾಲೇಜು ಮೈದಾನಡ್ ನಡಪರೆನ "ಮಿಥುನ್ ರೈ ಟ್ರೋಫಿ–2025" ರಾಷ್ಟ್ರಮಟ್ಟದ ಟೆನಿಸ್ಬಾಲ್ ಓವರ್ ಆರ್ಮ್ ಕ್ರಿಕೆಟ್ ಪಂದ್ಯಾಟದ ಪ್ರಕಟಣೆ. ಈಗಲ್ ಮೆರೈನ್ ಕೂಟದ ಆಶ್ರಯೊಡು ಯುವ ನಾಯಕೆ ರಕ್ಷಿತ್ ಪೂಜಾರಿ ಕೊಳಚಿಕಂಬಳ ನೇತೃತ್ವಡ್ ನವೆಂಬರ್ 14 ಮುಟ್ಟ 16 ತನಕ ನಡಪರಿಪುನ ಕ್ರೀಡಾ ಕೂಟದಬಗೆ ವಿವರ ನೀಡಿನ ಸುದ್ದಿಗೋಷ್ಠಿ ದೃಶ್ಯ — **“ಮಿಥುನ್ ರೈ ಟ್ರೋಫಿ-2025” ರಾಷ್ಟ್ರ ಮಟ್ಟದ ಕ್ರಿಕೆಟ್**

ಮೂಲ್ಕಿ : ಈಗಲ್ ಮೆರೈನ್ ಕೂಟದ ಆಶ್ರಯೊಡು ಯುವ ನಾಯಕೆ ರಕ್ಷಿತ್ ಪೂಜಾರಿ ಕೊಳಚಿಕಂಬಳ ನೇತೃತ್ವಡ್ ಮೂಲ್ಕಿದ ವಿಜಯಾ ಕಾಲೇಜು ಮೈದಾನಡ್ ನವೆಂಬರ್ 14,15 ಬೊಕ್ಕ 16 ತಾರೀಕ್ ಮುಟ್ಟ ರಾಷ್ಟ್ರಮಟ್ಟದ ಟೆನಿಸ್‌ಬಾಲ್ ಓವರ್ ಆರ್ಮ್ ಕ್ರಿಕೆಟ್ ಪಂದ್ಯಾಟ “ಎಮ್.ಮಿಥುನ್ ರೈ ಟ್ರೋಫಿ-2025” ನಡಪರೆ ಉಂಡು ಪಂದ್
ಮೂಲ್ಕಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಮೋಹನ್ ಕೋಟ್ಯಾನ್ ತೆರಿಪಾಯೆರ್.
ಆರ್ ಮೂಲ್ಕಿ ಹೋಟೆಲ್ ಅಧಿಧನ್ ಸಭಾಭವನಡ್ ಬುಧವಾರ ನಡತಿನ ಸುದ್ದಿಗೋಷ್ಠಿಡ್ ಪಂದ್ಯಾಟದ ಮಾಹಿತಿ ಕೊರಿಯೆರ್.
ನ.14 ಶುಕ್ರವಾರ ಕಾಂಡೆ 11 ಗಂಟೆಗೆ ಮೂಲ್ಕಿ ವಿಜಯಾ ಕಾಲೇಜು ಪ್ರಿನ್ಸಿಪಾಲ್ ಪ್ರೊ.ವೆಂಕಟೇಶ್ ಭಟ್ ಪಂದ್ಯಾಟಗ್ ಚಾಲನೆ ಕೊರ್ಪೆರ್.ನ.15 ಶನಿವಾರ ಬಯ್ಯಡ್ 6 ಗಂಟೆಗ್ ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಎಮ್.ಮಿಥುನ್ ರೈ ಅಧ್ಯಕ್ಷತೆಡ್ ಮಾಜಿ ಸಚಿವೆರಾಯಿನ ಅಭಯಚಂದ್ರ ಜೈನ್, ರಮಾನಾಥ ರೈ, ಶಾಸಕೆರ್ ಮಂಜುನಾಥ ಭಂಡಾರಿ, ಐವನ್ ಡಿಸೋಜಾ, ಅಶೋಕ್ ಕುಮಾರ್ ರೈ, ಮೆಸ್ಕಾಂ ಅಧ್ಯಕ್ಷೆರ್ ಹರೀಶ್ ಕುಮಾರ್, ಪದ್ಮರಾಜ್ ಪೂಜಾರಿ, ಇನಾಯತ್ ಆಲಿ, ರಕ್ಷಿತ್ ಶಿವರಾಮ್ ,ಜೆ.ಆರ್.ಲೋಬೊ,
ಶಾಲೆಟ್ ಪಿಂಟೋ ,ಪ್ರತಿಭಾ ಕುಳಾಯಿ, ಧನಂಜಯ ಮಟು, ಇಬ್ರಾಹಿಂ ನವಾಝ್ , ಗಿರೀಶ್ ಆಳ್ವ , ಅನಿಲ್ ಪೂಜಾರಿ, ಪ್ರಸಾದ್ ಮಲ್ಲಿ , ಮಂಜುನಾಥ್ ಬಿ.ಎಸ್ ಮುಲ್ಕಿ ಪೋಲಿಸ್ ನಿರೀಕ್ಷಕೆರ್, ಶರತ್ ಶೆಟ್ಟಿ ಪಡುಬಿದ್ರಿ ಗೌರವಾಧ್ಯಕ್ಷೆರ್ ಬಿ.ಸಿ.ಎ ಉಡುಪಿ, ಗೌತಮ್ ಶೆಟ್ಟಿ ಅಧ್ಯಕ್ಷೆರ್, ಬಿ.ಸಿ.ಎ ಉಡುಪಿ, ಪ್ರವೀಣ್ ಪಿತ್ರೋಡಿ ಕೋಶಾಧಿಕಾರಿ, ಬಿ.ಸಿ.ಎ ಉಡುಪಿ,
ಸುಭಾಸ್ ಕಾಮತ್ ಪದಾಧಿಕಾರಿಲು ಬಿ.ಸಿ.ಎ ಉಡುಪಿ ಸಹಿತ ಗಣ್ಯೆರ್ನ ಉಪಸ್ಥಿತಿಟ್ ಪಂದ್ಯಾಟದ ಅಧಿಕೃತ ಉದ್ಘಾಟನೆ ಲೇಸ್ ನಡಪರೆ ಉಂಡು ಪಂದ್ ಪಂಡೆರ್.
ನ.16 ಐತಾರ ರಾತ್ರಿ 10 ಗಂಟೆಗ್ ಮುಗಿತಲದ ಲೇದ್‌ಡ್ ಕರ್ನಾಟಕ ವಿಧಾನಸಭೆ ಅಧ್ಯಕ್ಷೆರ್ ಯು.ಟಿ.ಖಾದರ್, ಮಾಜಿ ಸಚಿವೆರ್ ವಿನಯಕುಮಾರ್ ಸೊರಕೆ, ರಾಷ್ಟ್ರೀಯ ಬಿಲ್ಲವ ಮಹಾಮಂಡಲದ ಅಧ್ಯಕ್ಷೆರ್ ಸೂರ್ಯಕಾಂತ್ ಜೆ.ಸುವರ್ಣ, ಜಾಗತಿಕ ಬಂಟರ ಸಂಘದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ,ಕೆಪಿಸಿಸಿ ಸದಸ್ಯ ಎಚ್.ವಸಂತ ಬೆರ್ನಾಡ್, ಮೂಲ್ಕಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಮೋಹನ್ ಕೋಟ್ಯಾನ್ ಸಹಿತ ಬಿನ್ನೆರ್ ಪಾಲ್ ಪಡೆವೆರ್.
ಗೆಂದಿನಕ್ಲೆಗ್ ಸುರುತ್ತ ಇನಾಮು ರೂ.3 ಲಕ್ಷ, ರಡ್ಡನೇ ಇನಾಮು 1.50 ಲಕ್ಷ, ಸರಣಿ ಶ್ರೇಷ್ಠಗ್ ರೂ.10 ಸಾವಿರ, ಅತ್ಯುತ್ತಮ ಬ್ಯಾಟ್ಸ್‌ಮೆನ್, ಕೀಪರ್ ಬೊಕ್ಕ ಬೌಲರ್‌ಗ್ ತಲಾ ರೂ.5 ಸಾವಿರ ಪ್ರಶಸ್ತಿ ಉಂಡು. ಪ್ರತೀ ಪಂದ್ಯಾಟಡ್ ಬೊಳ್ಳಿದ ಪಾವೊಲಿ ಟಾಸ್ ಪಾಡ್ದ್ ಅಕೇರಿದ ಮ್ಯಾಚ್‌ಗ್ ಬಂಗಾರ್ದ ಪಾವೊಲಿ ಟಾಸ್ ಪಾಡರೆ ಉಂಡು ಪಂದ್ ಪಂಡೆರ್.
ಸುದ್ದಿಗೋಷ್ಠಿಡ್ ಯುವ ಕಾಂಗ್ರೆಸ್ ಅಧ್ಯಕ್ಷೆರ್ ರಕ್ಷಿತ್ ಪೂಜಾರಿ, ಮಾಜಿ ಅಧ್ಯಕ್ಷೆರ್ ಅಶೋಕ್ ಪೂಜಾರ್, ಮೂಲ್ಕಿ ನಪಂ ಸದಸ್ಯೆರ್ ಮಂಜುನಾಥ ಕಂಬಾರ ಇತ್ತೆರ್.

Sports ಊರ್ದ ಸುದ್ದಿ Regional News ಜೋಕುಲೆ ಚಾವಡಿ | Children's Corner ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ

ಶಾಲೆ ಜೋಕುಲೆನ ಭವಿಷ್ಯ ಕಟ್ಟುನ ಅಪ್ಪೆ ಇಲ್ಲ್ :- ನಾಗರಾಜ್ ಶೆಟ್ಟಿಗಾರ

Nov 11, 2025

ಜೋಕುಲೆಗ್ ಗೊಬ್ಬುನವೇ ಪಾಠ, ಗೊಬ್ಬುನೆಟ್ಟೆ ವಿದ್ಯೆ ಇಂಚಿನ ಕ್ರೀಡಾ ಸೌಲಭ್ಯಲು ಜೋಕುಲೆನ ಬೌದ್ಧಿಕ, ದೈಹಿಕ ಬೊಕ್ಕ ಸಾಮಾಜಿಕ ಬುಲೆಚ್ಚಿಲ್ ಗ್ ಮಸ್ತ್ ಅವಶ್ಯಕ.
ಶಾಲೆ ಜೋಕುಲೆನ ಭವಿಷ್ಯ ಕಟ್ಟುನ ಅಪ್ಪೆ ಇಲ್ಲ್ . ಈ ಕ್ರೀಡಾಪಾರ್ಕ್‌ದ ಒರುಟು, ಪ್ರತಿ ಬಾಲೆದ ತೆಲಿಕೆ, ಕುಸಿ ಬೊಕ್ಕ ಪೊಸತ್ ಕಲ್ಪರೆ ಅವಕಾಶ ಕೊರ್ಪುಂಡು. ಈ ಮಹತ್ವದ ಕಜ್ಜಗ್ ಕೈಜೋಡಾಯಿನೆಕ್ಕ್ ನಮಕ್ ಪೆರ್ಮೆ ಉಂಡು ಪಂದ್ ಮಣಿಪಾಲ್ ಡಾಟ್ ನೆಟ್ ಪ್ರೈ. ಲೀ. ಮಣಿಪಾಲದ ಒತ್ತು ಗುರ್ಕಾರ್ಲು ಅಂಚೆನೆ ಶ್ರೀ ಶಾರದಾ ಹೈಸ್ಕೂಲ್ ದ ಹಿರಿಯ ವಿದ್ಯಾರ್ಥಿ ನಾಗರಾಜ್ ಶೆಟ್ಟಿಗಾರ ತೆರಿಪಾಯೆರ್.
ಆರ್ ಶ್ರೀ ಶಾರದಾ ಸೆಂಟ್ರಲ್ ಸ್ಕೂಲ್, ಶಿಮಂತೂರುದ ಮಣಿಪಾಲ್ ಡಾಟ್ ನೆಟ್ ಪ್ರೈ. ಲೀ. ಕೊಡುಗೆಯಾದ್ ಕೊರ್ನ ಒನ್ ಗುಡ್ ಸ್ಟೆಪ್ ಬೆಂಗಳೂರು ಕಾರ್ಯಗತ ಮಲ್ತಿನ ಪೊಸತ್ ಎಲ್ಯ ಜೋಕುಲೆನ ಕ್ರೀಡಾ ಪಾರ್ಕ್ ದ ಉದಿಪನಡ್ ಪಾಲ್ ಪಡೆದ್ ಕಾರ್ಯಕ್ರಮಗ್ ಎಡ್ಡೆಪ್ಪುಲು ಬಯಕಿಯೆರ್.
ಈ ಲೇಸ್ ದ ಗುರ್ಕಾರ್ಮೆನ್ ಶಿಮಂತೂರುದ ಶ್ರೀ ಶಾರದಾ ಸೊಸೈಟಿಯ ಗುರ್ಕಾರ್ಲು ಧರ್ಮದರ್ಶಿ ಡಾ. ಹರಿಕೃಷ್ಣ ಪುನರೂರು ವಹಿಸೊಂದು, ಇತ್ತೆದ ಜೋಕುಲು ಎಲ್ಯ ಪ್ರಾಯನ್ ರಂಗ್ ಮಲ್ಪುನ ನಮ್ಮ ಜವಾಬ್ದಾರಿ. ಮೊಬೈಲ್ ಬೊಕ್ಕ ಟೆಕ್ನಾಲಜಿದ ಜಗತ್ತ್ ಡ್ ಜೋಕುಲು ಪಿದಾಯಿ ಗೊಬ್ಬು ಗೊಬ್ಬುಲೆರ್ದ್ ದೂರ ಆಪುನ ಪೊರ್ತುಡು ಇಂಚಿನ ಉಪಕ್ರಮಲು ಜೋಕುಲೆನ್ ಪ್ರಕೃತಿದೊಟ್ಟು ಸೇರಾವುಂಡು ಪಂಡೆರ್.
ಕಾರ್ಯಕ್ರಮಡ್ ಒನ್ ಗುಡ್ ಸ್ಟೆಪ್ ಬೆಂಗಳೂರುದ ನಿರ್ದೇಶೆಕೆರ್ ಭಾಸ್ಕರ್ ಸಿಎನ್, ಯೋಜನಾ ನಿರ್ದೇಶಕಿ ಕು. ಅಲ್ಕ ಪೈ, ಶ್ರೀ ಶಾರದಾ ಸೊಸೈಟಿದ ಕೋಶಾಧಿಕಾರಿ ಭುವನಾಭಿರಾಮ ಉಡುಪ ಕೆ, ನಿರ್ದೇಶೆಕೆರ್ ಸುರೇಶ್ ರಾವ್ ನೀರಳಿಕೆ, ಶಿಕ್ಷಕರಕ್ಷಕ ಸಂಘದ ಅಧ್ಯಕ್ಷೆರ್ ಸುಮನ ಉಪಸ್ಥಿತರಿತ್ತೆರ್.
ಶಾಲಾ ಸಂಚಾಲಕೆರ್ ದೇವಪ್ರಸಾದ್ ಪುನರೂರು ಪ್ರಾಸ್ತಾವಿಕ ಪಾತೆರದೊಟ್ಟು ಎದ್ಕೊಂಡೆರ್, ಪ್ರಾಚಾರ್ಯ ಜಿತೇಂದ್ರ ವಿ ರಾವ್ ಹೆಜಮಾಡಿ ಸೊಲ್ಮೆ ಸಂದಾಯ ಮಲ್ತೆರ್, ಸಹ ಶಿಕ್ಷಕಿ ಅಮಿತಾ ಕುಮಾರಿ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.

Sports ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

IPL 2024 | RCB vs PBKS: RCB Win Toss, Elect To Bowl Against Punjab Kings

Mar 25, 2024

ಮಾರ್ಚ್ 25ಕ್ಕ್ ಬೆಂಗಳೂರುದ ಎಂ ಚಿನ್ನಸ್ವಾಮಿ ಸ್ಟೇಡಿಯಂಡ್ 2024ತ್ತಾ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್)ಡ್ ಶಿಖರ್ ಧವನ್ ಅರೆನ ಪಂಜಾಬ್ ಕಿಂಗ್ಸ್ (ಪಿಬಿಕೆಎಸ್) ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ನಾಯಕ ಫಾಫ್ ಡು ಪ್ಲೆಸಿಸ್ ಟಾಸ್ ಗೆಂದ್‌ದ್ ಸುರುಟ್ಟು ಬೌಲಿಂಗ್ ಆಯ್ಕೆ ಮಲ್ತೆರ್.

Bengaluru: Royal Challengers Bengaluru (RCB) captain Faf du Plessis won the toss and elected to bowl first against Shikhar Dhawan’s Punjab Kings (PBKS) in the 2024 Indian Premier League (IPL) at the unforgiving M Chinnaswamy Stadium in Bengaluru on March 25.

RCB Team: Faf du Plessis (captain), Virat Kohli, Rajat Patidar, Glenn Maxwell, Cameron Green, Dinesh Karthik, Anuj Rawat, Alwari Joseph, Mayank Dagar, Mohammad Siraj, Yash Dayal

Punjab Kings Team: Shikhar Dhawan, Liam Livingstone, Johnny Best, Harpreet Braw, Shashank Singh, Harshal Patel, Kagiso Rabada, Rahul Chaha, Sam Karan, Jitesh Sharma, Simran Singh

Sports ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

Lakshya Sen storms into All England semi-final after beating former champion Lee Zii

Mar 16, 2024

ಬರ್ಮಿಂಗ್‌ಹ್ಯಾಮ್:ಲಕ್ಷ್ಯ ಸೇನ್ ಆರ್ ಆಲ್ ಇಂಗ್ಲೆಂಡ್ ಬ್ಯಾಡ್ಮಿಂಟನ್ ಚಾಂಪಿಯನ್‌ಶಿಪ್‌ದ ಪುರುಷೆರ್ ನ ಸಿಂಗಲ್ಸ್ ಸೆಮಿಫೈನಲ್ ಪ್ರವೇಶ ಆಯೆರ್

Birmingham: India’s Lakshya Sen has entered the men’s singles semi-finals of the All England Badminton Championship on Friday, March 15.

The 22-year-old Lakshya Sen defeated former champion Lee Zii Jia of Malaysia 20-22, 21-16, 21-19 in a thrilling come-from-behind win in a match that spanned for an hour and 10 minutes at the United Arena in Birmingham.

CThe 22-year-old lost the first game 20-22 despite making a valiant comeback towards the end. He bounced back in the second game, with a commanding 21-16 win win and tied the match.

In the nail-biting decider, Lakshya held his nerves to seal a 21-19 win and book his place in the All England Open semi-final for the second time in his career. He will face Indonesia’s Jonatan Christie in the semi-final on March 16 at 3:30 PM IST.

Lakshya, watched on by his mentor Prakash Padukone, put on a gutsy show against former champion Lee to keep India’s hopes of producing an All England Open champion for the first time in 23 years alive. Only Padukone (1981) and Pullela Gopichand (2001) have won All England crowns for India in the past.

Lakshya Sen is the only Indian left in the fray in the All England Open after a shocking second-round exit for World No. 1 doubles pairing of Satwiksairaj Rankireddy and Chirag Shetty. Two-time Olympic medallist PV Sindhu went down in straight games against top seed An Se Young in the women’s singles second round on Thursday.

Sports ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಇನಿರ್ದ್ ಫಿಫಾ ವಿಶ್ವಕಪ್ ಫುಟ್‌ಬಾಲ್‌ ಕ್ವಾರ್ಟರ್ ಫೈನಲ್

Dec 9, 2022

ದೋಹಾ: ಇನಿರ್ದ್ ಫಿಫಾ ವಿಶ್ವಕಪ್ ಫುಟ್‌ಬಾಲ್‌ ಕ್ವಾರ್ಟರ್ ಫೈನಲ್ ಪಂತೊ ನಡಪರೆ ಉಂಡು. ಜಗತ್ತ್‌ದ್ 8 ಟೀಮ್ ಕಪ್ ಗಾದ್ ಕಾತೊಂದುಂಡು.

ಸುಕ್ರಾರದ ಸುರುತ್ತ ಕ್ವಾರ್ಟರ್ ಫೈನಲ್ ಪಂತೊಡು ಬ್ರೆಝಿಲ್ ಕೂಟ ಕ್ರೊವೇಷ್ಯಾನ್ ಅಂಚನೆ ನೆದರ್ಲೆಂಡ್ಸ್ ಕೂಟ ಅರ್ಜೆಂಟೀನನ್ ಎದುರಿಸಾಯರೆ ಉಂಡು. ಸನಿವಾರದ ರಡ್ಡ್ ಪಂತೊಡು ಮೆರೊಕ್ಕೊ ಕೂಟ ಪೋರ್ಚುಗಲ್ ಅಂಚನೆ ಹಾಲಿ ಚಾಂಪಿಯನ್ ಫ್ರಾನ್ಸ್ ಕೂಟ ಇಂಗ್ಲೆಂಡ್‌ ದ ಎದುರು ಗೊಬ್ಬರೆ ಉಂಡು.