Tue. Nov 17th, 2026

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಬೂತ್ ಗ್ ಪೋದು ವೋಟು ಪಾಡ್ದಿನ ಪ್ರಧಾನಿ ನರೇಂದ್ರ ಮೋದಿ ಮೆರೆನ ಅಪ್ಪೆ

ಗಾಂಧಿನಗರ: ಗುಜರಾತ್ ವಿಧಾನಸಭಾ ವೋಟುದ 2ನೇ ಹಂತೊಡು ಚುನಾವಣೆ ನಡತೊಂದು ಇತ್ತ್‌ದ್, ಪ್ರಧಾನಿ ನರೇಂದ್ರ ಮೋದಿ ಮೆರೆನ ಅಪ್ಪೆ, ಶತಾಯುಷಿ ಹೀರಾಬೆನ್ ಮೇರ್ ವೋಟು ಪಾಡ್ದೆರ್.

ಗಾಂಧೀನಗರ ಕೈತಲ್‌ದ ರೇಸನ್ ಗ್ರಾಮದ ಮತಗಟ್ಟೆಡ್ ಮೋದಿ ಮೆರೆನ ಅಪ್ಪೆ ತನ್ನ ಹಕ್ಕ್‌ನ್ ಪಾಡ್ದೆರ್. ಜೂನ್‌ಡ್ 100 ನೇ ವರ್ಷಗ್ ಕಾರ್ ದೀತಿನ ಪ್ರಧಾನಿ ಮೋದಿ ಮೆರೆನ ಅಪ್ಪೆ, ತನ್ನ ಎಲ್ಯ ಮಗೆ ಪಂಕಜ್ ಮೋದಿ ಮೇರ್‍ನೊಟ್ಟುಗು ಗಾಂಧಿನಗರ ಪೇಂಟೆದ ರೇಸನ್ ಗ್ರಾಮಡ್ ಉಲ್ಲೆರ್.

ತಿಗಲೆ ಬೇನೆಡ್ ಆಸ್ಪತ್ರೆ ಸೇರಿಯೆರ್ ಪುಗರ್ತೆದ ನಟೆ ಮನ್‌ದೀಪ್ ರಾಯ್

ಬೆಂಗ್ಲೂರು: ಸುಮಾರ್ 500 ದೆರ್ದ್ ಎಚ್ಚದ ಪಿಚ್ಚರ್‌ಡ್ ನಟನೆ ಮಲ್ತಿನ ಪುಗರ್ತೆದ ಕಲಾವಿದೆರ್ ಪೆರಿಯ ಕಲಾವಿದೆರ್ ಮನ್‌ದೀಪ್ ರಾಯ್ ಮೆರೆಗ್ ತಿಗಲೆ ಬೇನೆ ಆದಿತ್ತ್‌ದ್ ಬೆಂಗ್ಲೂರ್‌ದ ಶೇಷಾದ್ರಿಪುರಂದ ಖಾಸಗಿ ಆಸ್ಪತ್ರೆಗ್ ದಾಖಲ್ ಆತೆರ್.

ಮೆರೆಗ್ ಚಿತ್ರರಂಗದ ಪುಗರ್ತೆದ ಕಲಾವಿದೆರ್ ಅಂಚನೆ ಮಸ್ತ್ ಗಣ್ಯೆರ್ ಹುಷಾರ್ ಆದ್ ಬರೊಡು ಪಂದ್ ಆಶಿಸಾವೊಂದು ಉಲ್ಲೆರ್.

ಡಿ.17: ಕುಂಪಲ ಶ್ರೀ ಬಾಲಕೃಷ್ಣ ಮಂದಿರದ ಬೊಲ್ಲಿ ಪರ್ಬ ಕುಂಪಲೋಚ್ಚಯ-2022

ಶ್ರೀ ಬಾಲಕೃಷ್ಣ ಮಂದಿರ(ರಿ.) ಕುಂಪಲಡ್ ರಜತ ಪರ್ವ ಕುಂಪಲೋಚ್ಚಯ-2022 ಲೇಸ್ ಡಿ. 17 ಶನಿಯಾರ ನಡಪರೆ ಉಂಡು.


ವೈಭವದ ಕಲಾ ಪ್ರಕಾರದ ಶೋಭಾಯಾತ್ರೆ ಬಯ್ಯಗ್ 4:30 ಕ್ ಕುಂಪಲ ಶ್ರೀ ದುರ್ಗಾ ಪರಮೇಶ್ವರಿ ಕ್ಷೇತ್ರರ್ದ್ ಪಿದಡುಂಡು. ಬೊಕ್ಕ ರಜತ ಪರ್ವ ಲೇಸ್ ದ ಸುಧರ್ಮ ಸಭೆ, ಅತ್ಯಾಕರ್ಷಕ ಮನರಂಜನಾ ಲೇಸ್ ನಡಪುಂಡು. ಬೊಕ್ಕ ಶ್ರೀ ಬಾಲಕೃಷ್ಣ ಮಹಿಳಾ ಸಮಿತಿ ಸದಸ್ಯೆರ್ ಅಭಿನಯ ಮಲ್ತಿನ, ವಿದ್ವಾನ್ ಪ್ರಮೋದ್ ಉಳ್ಳಾಲ ಬೊಕ್ಕ ನಾಗರಾಜ್ ಕುಲಾಲ್ ಪೆರ್ಲಂಪಾಡಿ ನಿರ್ದೇಶನದ ಶ್ರೀ ಸತ್ಯನಾಪುರತ ಸಿರಿ ತುಳು ಚಾರಿತ್ರಿಕ ನಾಟಕ, ನಡಪರೆ ಉಂಡು. ಲಯನ್ಸ್ ಕಿಶೋರ್ ಡಿ. ಶೆಟ್ರ್ ನ ನಿರ್ಮಾಣ ಬೊಕ್ಕ ನಿರ್ದೇಶನದ, ಶ್ರೀಲಲಿತೆ ಕಲಾವಿದೆರ್(ರಿ.) ಗೊಬ್ಬುನ ಗರುಡ ಪಂಚೆಮಿ ನಾಟಕ ನಡಪರೆ ಉಂಡು.

ಭಾರತೀಯ ತೀಯಾ ಸಮಾಜ ಉಳ್ಳಾಲ ಕ್ಷೇತ್ರ ಸಮಿತಿ ಮುತಾಲಿಕೆಡ್ ತೀಯಾ ಪ್ರಮುಖರೆನ ಸಮಾಲೋಚನಾ ಸಭೆ

ಭಾರತೀಯ ತೀಯಾ ಸಮಾಜ ಉಳ್ಳಾಲ ಕ್ಷೇತ್ರ ಸಮಿತಿ ಮುತಾಲಿಕೆಡ್ ತೀಯಾ ಪ್ರಮುಖರೆನ ಸಮಾಲೋಚನಾ ಸಭೆ ಉಚ್ಚಿಲ ಸಂಕೊಳಿಗೆ ಶ್ರೀ ಕೃಷ್ಣ ಸಭಾಂಗಣಡ್ ಶುಕ್ರಾರ ಬಯ್ಯಗ್ ನಡತ್ಂಡ್.


ಲೇಸ್ ಡ್ ಇಸೇಸ ಬಿನ್ನೆರಾದ್ ಪಾಲ್ ಪಡೆಯಿನ ಶಾಸಕೆರ್ ರಾಜ್ಯ ವಿರೋಧ ಪಕ್ಷ ಉಪನಾಯಕೆರ್, ಯು.ಟಿ. ಖಾದರ್ ಮೆರೆಗ್ ತೀಯಾ ಸಮಾಜದ ವತಿರ್ದ್, ಸಮುದಾಯ ಭವನ ಸೇರ್ದ್, 3 ಪ್ರಮುಖ ಬೇಡಿಕೆನ್ ಈಡೇರಿಸುಲೆಕ್ಕ ಬಿನ್ನಾಪುನ್ ಕೊರಿಯೆರ್. ಬಿನ್ನಾಪುಗ್ ಸ್ವಂದಿಸಾದ್, ಪಾತೆರ್ದ್, ಯು. ಟಿ. ಖಾದರ್, ಯಾನ್ ಇನಿ ಶಾಸಕೆಯಾದ್, ಮಂತ್ರಿಯಾದ್, ಮುಂದುವರಿಯೊಡು ಪಂಡಾಂಡ ತೀಯಾ ಸಮಾಜದ ಮಲ್ಲ ಕೊಡುಗೆ ಉಂಡು. ತೀಯಾ ಸಮಾಜಡ್ ಮಾತ ರೀತಿದ ಪ್ರತಿಭಾವಂತೆರ್ ಉಲ್ಲೆರ್. ನಿಕುಲು ಬೇಡಿಕೆ ದೀತರೋ ಅಯಿನ್ ಆಯಿನಾತ್ ಬೇಗ ಈಡೇರಿಸಾವುನ ಬೇಲೆ ಮಾತೆರ್ನೊನೊಟ್ಟಿಗೆ ಸಮಾಲೋಚಿಸಾದ್ ಮಲ್ಪುಗ, ಈಡೇ ಮುಟ್ಟ ದಾದಾದ ಬೇಡಿಕೆ ದೀತರೋ, ಆಯಿಟ್ ಮಸ್ತ್ ಈಡೇರಿಸಾದೆ ಪನ್ಪುನ ವಿಶ್ವಾಸ ಎಂಕ್ ಉಂಡು. ಈ ರಾಜ್ಯದ ಸಂಪತ್ತು, ಅವು, ಒಂಜಿ ರಡ್ಡ್ ಸಮುದಾಯಗ್ ಸೀಮಿತ ಅತ್ತ್, ಅವು ಮಾತ ಸಮುದಾಯ, ಪಂಗಡದಕ್ಲೆಗ್ ಸೇರಿನವು. ಅಂಚನೆ ನಿಕುಲೆನನೇ ಆಯಿನ ಪ್ಯಾರಾ ಮೆಡಿಕಲ್ ಕಾಲೇಜ್ ನ್ ಸುರು ಮಲ್ತ್ ದ್, ಎಲ್ಲೆ ಕಲ್ತಿನ ಬೊಕ್ಕ ಒಲ್ಪ ಪೋಂಡಲ ಕೆಲಸ ತಿಕ್ಕುಲೆಕ್ಕ ಅವೊಡ್, ನಾಮ ಇತ್ತ್ ಮಾತ ಮಲ್ಪುನೇ ನೆಮ್ಮದಿದಿದ ಬದಕ್ ಗಾದ್, ನೆಮ್ಮದಿಗಾದ್ ಸೌಹಾರ್ದತೆ, ಸಹೋದರತೆ ಬೋಡಾದ್, ಮಾತೆರ್ಲ ಒಟ್ಟಾದ್ ಪೋಪುನಂಚಿನ ಸಮಾಜನ್ ದುಂಬುದ ಪೀಳಿಗೆಗ್ ಬುಡ್ದ್ ಪೋವೊಡಾಪುಂಡು ಪಂದ್ ಪಂಡೆರ್. ತೀಯಾ ಸಮಾಜನ್ ಗುರ್ತಿಸಾವುನೆಟ್ಟ್ ನಮ ವಿಫಲರಾತ. ಒವ್ವೇ ಸಮಸ್ಯೆ ಬತ್ತ್ಂಡ ನಮ ಪಕ್ಷ ಭೇದ ಮರೆತ್ತ್‌ದ್ ಒಟ್ಟಾದ್ ಬೇಲೆ ಮಲ್ಪೊಡು. ಯು.ಟಿ.ಖಾದರ್ ಬೇತೆ ಬೇತೆ ಕಡೆಟ್ಟ್ ನಮಕ್ಕ್ ಸಮುದಾಯ ಭವನ ನಿರ್ಮಾಣ ಮಲ್ಪರೆ ಸಕಾಯ ಮಲ್ತೆರ್. ಅಂಚಾದ್ ಮುಲ್ಪಲ ಸಮುದಾಯ ಭವನ ನಿರ್ಮಾಣಗ್ ಸಕಾಯ ಬೋಡು ಪಂದ್ ಕಾರ್ಯಕ್ರಮದ ಗುರ್ಕಾರ್ಮೆ ವಹಿಸೊನಿನ ಭಾರತೀಯ ತೀಯಾ ಸಮಾಜದ ಅಧ್ಯಕ್ಷೆರ್ ಸದಾಶಿವ ಉಳ್ಳಾಲ್ ಪಂಡೆರ್. ಸಮಾಜಗ್ ದಾದಂಡಲ ಬೋಡಾಂಡ ನಮ ಮಾತ ಒಟ್ಟಾಪ ಪನ್ಪಿನೆಕ್ಕ್ ಈ ಸಭೆನೇ ಸಾಕ್ಷಿ. ಮುಲ್ಪ ಮಾತ ಪಕ್ಷದಕುಲು ಒಟ್ಟಾಪೆರ್ ಉಳ್ಳಾಲ ಶ್ರೀ ಚೀರುಂಭ ಭಗವತೀ ಕ್ಷೇತ್ರದ ತೀಯಾ ಸಮುದಾಯ ಭವನಗ್ ಸಾಕಾರ ಕೊರ್ತರ್. ನಮನ ಬೇಡಿಕೆನ್ ಈಡೇರಿಸಾವ ಪನ್ಪಿನ ಭರವಸೆದೊಟ್ಟುಗು ನಮ ನಿಕ್ಲೆನೊಟ್ಟುಗು ಉಲ್ಲ ಪಂದ್ ಶ್ರೀ ಚೀರುಂಭ ಭಗವತೀ ಕ್ಷೇತ್ರದ ಅಧ್ಯಕ್ಷೆರ್ ಚಂದ್ರಹಾಸ ಉಳ್ಳಾಲ್ ಪಂಡೆರ್. ಜಿಲ್ಲಾ ರಾಜ್ಯೋತ್ಸವ ಪುರಸ್ಕೃತೆರ್ ನಾಟಿವೈದ್ಯ ಗಣೇಶ್ ಪಂಡಿತ್, ಕೊ.ಆಪರೇಟಿವ್ ರಾಜ್ಯ ಮಟ್ಟದ ಪರೀಕ್ಷೆ ಹೆಚ್‌ಡಿಎಂಸಿ ಡ್ ಸುರುತ್ತ ರ್‍ಯಾಂಕ್ ಪಡೆಯಿನ ಯಶವಂತಿ ಜಪ್ಪು ಅಂಚನೆ ಹೈಜಂಪ್ ಡ್ ರಾಜ್ಯನ್ ಗುರ್ತಿಸಾಯಿನ ಸೃಜನ್ ಜನಾರ್ಧನ್ ಮೊಕಲೆನ್ ಈ ಪೊರ್ತುಡು ಮಾನಾದಿಗೆ ಮಲ್ತೆರ್. ಮಲ್ಲ ಬಿನ್ನೆರಾದ್ ತೋನ್ಸೆ ಪುಷ್ಕಳ್ ಕುಮಾರ್, ಸುರೇಶ್ ಭಟ್ನಗರ್, ಯಶವಂತ ಉಚ್ಚಿಲ್, ಸವಿತಾ ತಲಪಾಡಿ, ಉಮೇಶ್ ಬೆಂಜನಪದವು ಲೇಸ್‌ಡ್ ಇತ್ತೆರ್. ಯಶವಂತಿ ಜೆ. ಪ್ರಾರ್ಥನೆ ಮಲ್ತೆರ್. ದಿನೇಶ್ ಕುಂಪಲ ಬತ್ತಿನ ಬಿನ್ನೆರೆನ್ ಎದ್ಕೊನಿಯೆರ್. ಸತೀಶ್ ಪುಂಡಿಕಾಯಿ ಲೇಸ್ ಸುಧಾರಿಕೆ ಮಲ್ತ್‌ದ್ ಸೊಲ್ಮೆ ಸಂದೈತ ಮಲ್ತೆರ್.

ಶಾಲೆಲೆಗ್ ಸರ್ಕಾರರ್ದೆ ಬಸ್ ಸೌಲಭ್ಯ: ಸಿಎಂ ಬಸವರಾಜ್ ಬೊಮ್ಮಾಯಿ

ಬೆಂಗ್ಲೂರು: ರಾಜ್ಯಡ್ ಶಾಲೆಗ್ ಪೋಪುನ ಜೋಕ್ಲೆಗ್ ಸಕಾಯ ಆವೊಡು ಪಂದ್ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಶಾಲೆಲೆಗ್ ಬಸ್ ಸೌಲಭ್ಯ ಮಲ್ಪುನ ಯೋಜನೆನ್ ಕನಯರೆ ಉಲ್ಲೆರ್ ಪಂದ್ ತೆರಿಪಾದೆರ್.

ಶಾಲೆ ಸುರು ಆಪಿನೆರ್ದ್ ದುಂಬು ಅಂಚನೆ ಮುಗಿಪುನ ಪೊರ್ತುಡು ಪೊರ್ತುಗು ಸರಿಯಾದ್ ಶಿಕ್ಷಕೆರ್ ಅಂಚನೆ ಕಲ್ಪಾರ್ಥಿಲೆಗ್ ಸಕಾಯ ಆವೊಡು ಪಂದ್ ಬಸ್ ಕಡಪಾವುನ ಕ್ರಮ ದೆತೊನರೆ ಉಂಡು ಪಂದ್ ಸಿಎಂ ಬೊಮ್ಮಾಯಿ ಪಂತೆರ್.

ಕೋಡೆ ನಡತಿನ ಸ್ವಕ್ಷೇತ್ರ ಹಾವೇರಿ ಜಿಲ್ಲೆದ ಶಿಗ್ಗಾಂವಿಡ್ ಮಸ್ತ್ ಲೇಸ್‌ಡ್ ಪಾಲ್ ಪಡೆದಿತ್ತೆರ್. ಈ ಪೊರ್ತುಡು ಶಾಲೆಲೆಗ್ ಬಸ್ ಸುರು ಮಲ್ಪುನ ಬಗೆಟ್ಟ್ ಪಾತೆರಿಯೆರ್.

ತಡಂಬೈಲ್ ವೀರ ಕೇಸರಿ‌ ಸಂಸ್ಥೆದ ಮುತಾಲಿಕೆಡ್ ವಾಲಿಬಾಲ್ ಪಂತೊದ ಲೆಪ್ಪೋಲೆ ಬುಡುಗಡೆ

ಸುರತ್ಕಲ್: ವೀರಕೇಸರಿ (ರಿ.) ತಡಂಬೈಲ್ ಸುರತ್ಕಲ್ ನೆತ್ತ ಮುತಾಲಿಕೆಡ್ ಡಿಸೆಂಬರ್ 10 ಶನಿಯಾರದಾನಿ ಬಂಟರ ಭವನದ ಸುಭಾಷಿತ ನಗರಡ್ ನಡಪುನ ವಾಲಿಬಾಲ್ ಪಂತೊದ ಲೆಪ್ಪೋಲೆ ಬುಡುಗಡೆ ಲೇಸ್ ತಡಂಬೈಲ್ ಮಾರಿಗುಡಿಡ್ ಇಪ್ಪುನ ವೀರ ಕೇಸರಿ ಸಂಸ್ಥೆದ ಕಚೇರಿಡ್ ನಡತ್ಂಡ್.

ಕರ್ನಾಟಕ ಮಾಧ್ಯಮ ಅಕಾಡೆಮಿದ ಸದಸ್ಯೆರ್ ಜಗನ್ನಾಥ ಶೆಟ್ಟಿ ಬಾಳ ಲೆಪ್ಪೋಲೆನ್ ಬುಡುಗಡೆ ಮಲ್ತೆರ್. ವೀರ ಕೇಸರಿ ಸಂಸ್ಥೆ, ಕ್ರೀಡೆ, ಸಾಂಸ್ಕೃತಿಕ ಬೊಕ್ಕ ಸಾಮಾಜಿಕ ಚಟುವಟಿಕೆಲೆಡ್ ನಿರಂತರವಾದ್ ಸಮಾಜಮುಖಿ ಬೇಲೆಲೆನ್ ಮಲ್ದ್ಂಡ್.ಡಿಸೆಂಬರ್ 10 ಕ್ ನಡಪುನ ವೀರ ಕೇಸರಿ ಟ್ರೋಫಿ ವಾಲಿಬಾಲ್ ಪಂತೊ ಯಶಸ್ವಿ ಅವಡ್ ಪಂದ್ ಮೇರ್ ಎಡ್ಡೆಪ್ಪು ಬಯಕಿಯೆರ್. ಈ ಲೇಸ್ ದ ಅಧ್ಯಕ್ಷತೆನ್ ವೀರಕೇಸರಿ ಸಂಸ್ಥೆದ ಸಂಚಾಲಕೆರ್ ಮಹಾಬಲ ಪೂಜಾರಿ ಕಡಂಬೋಡಿ ಒಯಿಸೊನ್ವೆರ್. ಅಂಚನೆ ಈ ಪೊರ್ತುಡು ಗೌರವಾಧ್ಯಕ್ಷೆರ್ ಸುಧಾಕರ ಸುರತ್ಕಲ್, ಅಧ್ಯಕ್ಷೆರ್ ಕೈಲಾಸ್ ಟಿ. ತಡಂಬೈಲ್, ರಾಘವೇಂದ್ರ ಶೆಟ್ಟಿ ತಡಂಬೈಲ್, ಜಯಂತ ಶೆಟ್ಟಿ, ಪದ್ಮನಾಭ ಕರ್ಕೇರ, ರವಿರಾಜ ದೇವಾಡಿಗ, ತುಳಸಿರಾಜ್, ಕಿರಣ್ ಕುಮಾರ್, ಜಯ ದೇವಾಡಿಗ, ರಂಜಿತ್ ದೇವಾಡಿಗ, ಚೇತನ್ ಶೆಟ್ಟಿಗಾರ್, ಯಾದವ ಕರ್ಕೇರ ಇತ್ತೆರ್. ಡಿಸೆಂಬರ್ 10 ಶನಿಯಾರ ಬಯ್ಯಗ್ 4 ಗಂಟೆಗ್ ಸುರತ್ಕಲ್ ಸುಭಾಷಿತ ನಗರಡ್ ಇಪ್ಪುನ ಬಂಟರ ಭವನದ ಕೈತಲ್ ವಾಲಿಬಾಲ್ ಪಂತೊ ವೀರ ಕೇಸರಿ 2022 ನಡಪರೆ ಉಂಡು. ಪುರುಷೆರ್ ಮುಕ್ತ ಆಹ್ವಾನಿತ ತಂಡಲೆನ ಹೊನಲು ಬೆಳಕಿನ ಪಂತೊಡ್ ಸುರುತ ಇನಾಮ್ 33,333, ರಡ್ಡನೇ ಇನಾಮ್ 22,222, ಮೂಜಿನೇ 11,111 ಬೊಕ್ಕ ನಾಲ್ ನೇ ಇನಾಮು 5,555 ರೂಪಾಯಿ ನಗದು ಬೊಕ್ಕ ವೀರಕೇಸರಿ ಟ್ರೋಫಿ ಕೊರಿಯೆರೆ ಉಂಡು ಪಂದ್ ಸಂಸ್ಥೆದ ಸಂಚಾಲಕೆರ್ ಮಹಾಬಲ ಪೂಜಾರಿ ಕಡಂಬೋಡಿ ತೆರಿಪಾಯೆರ್.

ಆನೆಗುಡ್ಡೆ ವಿನಾಯಕ ದೇವಲ್ಯಗ್ ಭೇಟಿ ಕೊರಿನ ರಿಷಭ್ ಶೆಟ್ಟಿ ಕುಟುಮ

ತೆಕ್ಕಟ್ಟೆ: ಕಾಂತಾರ ಪಿಚ್ಚರ್ ದ ನಿರ್ದೇಶಕೆರ್, ನಟೆ ರಿಷಬ್ ಶೆಟ್ಟಿ ಆನೆಗುಡ್ಡೆ ವಿನಾಯಕ ದೇವಲ್ಯಗ್ ಇನಿ (ಡಿ.೫) ಭೇಟಿ ಕೊರಿಯೆರ್.

ರಿಷಭ್ ಕುಟುಮ ಸಮೇತರಾದ್ ದೇವಲ್ಯಗ್ ಬತ್ತ್‌ದ್ ಶ್ರೀ ದೇವೆರೆಗ್ ವಿಶೇಷ ಪೂಜೆ ಸಂದಾಯೆರ್. ದೇವಲ್ಯದ ಮುತಾಲಿಕೆಡ್ ಅಕ್ಲೆನ್ ಮೋಕೆಡ್ ಎದ್ಕೊಂದು ಮಾನಾದಿಗೆ ಮಲ್ತೆರ್.

ಕುಂಪಲ ಶ್ರೀ ಬಾಲಕೃಷ್ಣ ಮಂದಿರದ ರಜತ ಪರ್ವ ಕುಂಪಲೋಚ್ಚಯ-2022 ಲೆಪ್ಪೋಲೆ ಬುಡುಗಡೆ

ಕುಂಪಲ ಶ್ರೀ ಬಾಲಕೃಷ್ಣ ಮಂದಿರದ ರಜತ ಪರ್ವದ ಸಮಾರೋಪದ ಅಂಗವಾದ್ ಡಿ.17 ಶನಿವಾರ ನಡಪರೆ ಇಪ್ಪುನ ಕುಂಪಲೋಚ್ವಯ 2022 ನೆತ್ತ ಲೆಪ್ಪೋಲೆನ್ ಬಾಲಕೃಷ್ಣ ಮಂದಿರದ ಅಧ್ಯಕ್ಷೆರಾಯಿನ ಸತೀಶ್ ಕುಂಪಲ ಬುಡುಗಡೆ ಮಲ್ತೆರ್.

ಈ ಪೊರ್ತುಡು ಮಂದಿರದ ಪದಾಧಿಕಾರಿಲಾಯಿನ ರವೀಂದ್ರ ಕುಂಪಲ, ಮಾಧವ ಬಂಗೇರ, ಸೋಮಶೇಖರ್ ಜಗತಾಪ್, ಚಂದ್ರಶೇಖರ್ ಬಿಜೆ, ಪ್ರವೀಣ್ ಎಸ್ ಕುಂಪಲ, ಜಗದೀಶ್ ಆಚಾರ್ಯ, ವೆಂಕಟೇಶ್ ಕುಂಪಲ, ಗಣೇಶ್ ಅಂಚನ್, ಸತೀಶ್ ಚಿತ್ರಾಂಜಲಿನಗರ, ಪ್ರದೀಪ್ ಚಂದ್ರ ಜಾದವ್, ಅಶ್ಬಿತ್ ರಾವ್, ಗೋಪಾಲಕೃಷ್ಣ ರಾವ್, ಶಿವಾನಂದ ಟೈಲರ್, ಸುದೀಪ್ ಕೆ, ಪ್ರಜ್ವಲ್ ಮೂರುಕಟ್ಟ, ಗಣೇಶ್ ಶೆಟ್ಟಿ, ಮಹಿಳಾ ಸಮಿತಿ ಅಧ್ಯಕ್ಷೆರ್ ಸುಶೀಲ ಕೆ, ಕಾರ್ಯದರ್ಶಿ ಶಾಲಿನಿ ಗಣೇಶ್, ಬೊಕ್ಕ ಸದಸ್ಯೆರ್, ಬಾಲಕೃಷ್ಣ ಬಾಲಗೋಕುಲದ ಜೋಕುಲು ಇತ್ತೆರ್.

ಬಂಟ್ವಾಳ: ಲಾರಿದ ಅಡಿಕ್ಕ್ ಬೂರ್ದು ತೀರ್ ಪೋಯಿನ ಪೊಂಜೋವು

ಬಂಟ್ವಾಳ: ಲಾರಿದ ಅಡಿಕ್ಕ್ ಬೂರ್ದು ಪೊಂಜೊವು ಒರ್ತಿ ಜಾಗೆಡೇ ತೀರ್ ಪೋಯಿನ ಘಟನೆ ಬಿ.ಸಿ.ರೋಡ್‌ದ ಮೊಡಂಕಾಪು ಪನ್ಪಿನಲ್ಪ ಸೋಮಾರ ಮಧ್ಯಾಹ್ನ ನಡತ್ಂಡ್.

ಬೆಂಜನಪದವುದ ಕರಾವಳಿ ಸೈಟ್‌ದ ಉಷಾ(32) ತೀರ್ ಪೋಯಿನಾರ್. ಮೊಡಂಕಾಪು ತಾರಾಯಿದ ಎಣ್ಣೆದ ಮಿಲ್ ಕೈತಲ್ ಪೊಂಜೋವು ನಡತೊಂದು ಪೋವೊಂದಿಪ್ಪುನಗ ರಡ್ಡ್ ಚಕ್ರದ ಗಾಡಿ ಗುದ್ದುದು ಮಾರ್ಗಗ್ ಬೂರ್ದೆರ್.ಅಪಗನೆ ಅರೆನ ಮೈತ್ತ ಮಿತ್ತ್ ಲಾರಿ ಪೋದು ಜಾಗೆಡೇ ತೀರ್ ಪೋತೆರ್.

ಲಾರಿ ಲಾರಿದ ಗುದ್ದುದು ರಡ್ಡ್ ಡ್ರೈವರ್‌ನಕುಲ್ ತೀರ್ ಪೋಯೆರ್

ಕುಡ್ಲ: ಲಾರಿ ಲಾರಿ ಗುದ್ದುದು ಆದ್ ರಡ್ಡ್ ಜನ ಡ್ರೈವರ್‌ನಕುಲ್‌ಲ ತೀರ್ ಪೋಯಿನ ಘಟನೆ ಕುಡ್ಲದ ಗುರುಪುರ ಕೈಕಂಬ ಕೈತಲ್ ನಡತ್ಂಡ್.

ಬೆದ್ರರ್ದ್ ಪೊಯ್ಯೆ ಲೋಡ್ ಮಲ್ತೊಂದು ಬರೊಂದಿತ್ತಿನ ಲಾರಿ ಅಂಚನೆ ಗುರುಪುರ ಕಡೆಕ್ಕ್ ಪೋವೊಂದಿತ್ತಿನ ಲಾರಿದ ನಡುಟ್ಟ್ ಈ ಘಟನೆ ನಡತ್ಂಡ್. ರಡ್ಡ್ ಲಾರಿಲ ನಕ್ಕೆ ಆದ್ ಪೋತ್ಂಡು. ಮಾರ್ಗದ ಬರಿತ್ತ ಗುಂಡಿಡ್ ಜಕಂ ಆತಿನೆಡ್ದಾವರ ಡ್ರೈವರ್‌ನಕ್ಲೆನ್ ಪಿದಯಿ ದೆಪ್ಪರೆ ಭಾರಿ ಸಾಹಸ ಮಲ್ಪೊಡಾಂಡ್.

You Missed