Tue. Nov 17th, 2026

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಕೇರಳ ಸಿ.ಎಂ ಇಲ್ಲ್ ದ ಮಿತ್ತ್ ಗುಂಡುದ ದಾಳಿ

ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಮೆರೆನ ಇಲ್ಲ್ ಕ್ಲಿಫ್ ಹೌಸ್ ದ ಮಿತ್ತ್ ಅಂಗಾರೆ ಕಾಂಡೆ ಗುಂಡುದ ದಾಳಿ ನಡತ್ಂಡ್.

ಕರ್ತವ್ಯಡ್ ಇಪ್ಪುನ ಪೊಲೀಸ್ ಸಿಬ್ಬಂದಿನ ಗನ್ ರ್ದ್ ಗುಂಡು ಪಾಡ್ದೆರ್. ಉಂದು ಆಕಸ್ಮಿಕವಾದ್ ನಡತ್ಂಡ್ ಪನ್ಪುನವು ಪೊಲೀಸೆರ್ ತೆರಿಪಾದೆರ್. ಘಟನೆ ನಡಪುನಾಗ ಮುಖ್ಯಮಂತ್ರಿಲು ಕ್ಲಿಫ್ ಹೌಸ್ ಡ್ ಇತ್ತೆರ್. ಈ ಘಟನೆದ ಬಗೆಟ್ ತನಿಖೆ ನಡತೊಂದು ಉಂಡು. ಹೆಚ್ಚದ ಮಾಹಿತಿ ನನ ಗೊತ್ತಾವೊಡಾತೆ.

ಅಂಡಮಾನ್ ಡ್ ಚಂಡಮಾರುತ, ತುಳುನಾಡ್ ಡ್ ಬರ್ಸ!

ಅಂಡಮಾನ್ ಕಡಲ ಕುದುರುದ ತೆನ್ಕಾಯಿ ಜಾಗೆಡ್ ವಾಯುಭಾರ ಕುಸಿತ ಆದ್, ತೆನ್ಕಾಯಿ ರಾಜ್ಯಲೆಗ್ ಚಂಡಮಾರುತ ಬರ್ಪಿನ ಸಾಧ್ಯತೆ ಉಂಡು.


ಈ ಚಂಡಮಾರುತಗ್ ಮ್ಯಾಂಡಸ್ ಪಂದ್ ಪುದರ್ ದೀತೆರ್. ತಮಿಳುನಾಡ್-ಪುದುಚೇರಿ ಮುಖೇನ ಡಿ.8 ಕ್ ಅವು ಆಂಧ್ರದ ತೆನ್ಕಾಯಿ ಭಾಗೊಗು ಹಾಕುನ ನಿಸಾನಿ ಉಂಡು ಪಂದ್ ಹವಾಮಾನ ಇಲಾಖೆ ಪಂತ್ಂಡ್. ನೆತ್ತ ಪರಿಣಾಮವಾದ್ ತುಳುನಾಡ್ ಸೇರ್ದ್ ಕರ್ನಾಟಕ ದಕ್ಷಿಣ ಒಳನಾಡ್, ಉತ್ತರ ಒಳನಾಡ್ ಜಿಲ್ಲೆಲೆಡ್ ಡಿ.8 ಬೊಕ್ಕ 9 ದಾನಿ ಭಾರೀ ಬರ್ಸ ಬರ್ಪುಂಡು. ಅಂಚಾದ್ ಯೆಲ್ಲೋ ಅಲರ್ಟ್ ಘೋಷಣೆ ಆತ್ಂಡ್.

ನೈಜೀರಿಯಾದ ಡ್ರಗ್ ದಂಧೆದಕ್ಲೆನ್ ಬೆರಿ ಪತ್ ದ್ ಅರೆಸ್ಟ್ ಮಲ್ತಿನ ತುಳುನಾಡ್‌ದ ತಂಕದ ಅಧಿಕಾರಿ ಮಿಶಾಲ್ ಕ್ವೀನಿ ಡಿ’ಕೋಸ್ಟಗ್ “ಶೌರ್ಯ ಪ್ರಶಸ್ತಿ”

ಬೊಂಬಾಯಿಡ್ ನೈಜೀರಿಯಾ ಮೂಲದ ಡ್ರಗ್ ದಂಧೆದಕ್ಲೆನ್ ಬೆರಿ ಪತ್ತ್‌ದ್ ಭಾರಿ ತಾಕತ್ತ್ ತೋಜಾಯಿನ ತುಳುವೆದಿ, ಬೊಂಬಾಯಿದ ಕಸ್ಟಮ್ಸ್‌ ನೇರ ತೆರಿಗೆ ವಿಭಾಗದ ಉಪ ನಿರ್ದೇಶಕಿ ಡಿಆರ್‌ಐ ಮಿಶಾಲ್ ಕ್ವೀನಿ ಡಿ’ಕೋಸ್ಟ ಮೆರೆಗ್ ಕೇಂದ್ರದ ಪನವುದ ಸಚಿವೆರ್ ನಿರ್ಮಲಾ ಸೀತಾರಾಮನ್ ಶೌರ್ಯ ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ತ್‌ದೆರ್.

2015 ನೇ ಸಾಲ್‌ದ ಯುಪಿಎಸ್ಸಿ ಪರೀಕ್ಷೆಡ್ ಕುಡ್ಲದ ನಿಡ್ಡೋಡಿ ಗ್ರಾಮದ ನೀರುಡೆದ ಮಿಶಾಲ್ ಕ್ವೀನಿ ಡಿ’ಕೋಸ್ಟ 387 ನೇ ರ್‍ಯಾಂಕ್ ಪಡೆದಿತ್ತೆರ್. ಮೇರ್ ಲಾಜರಸ್ ಡಿ’ಕೋಸ್ಟ-ನ್ಯಾನ್ಸಿ ಡಿ’ಕೋಸ್ಟ ದಂಪತಿಲೆನ ರಡ್ಡನೇ ಮಗಲ್ .

ಕೊಲಂಬಿಯಾಡ್ ಜೋರು ಬರ್ಸೊಡು ಗುಡ್ಡೆ ಜರಿದ್ 34 ಜನ ತೀರ್ ಪೋಯೆರ್

ಕೊಲಂಬಿಯಾಡ್ ಭಾರೀ ಬರ್ಸ ಬತ್ತ್ ದ್ ಗುಡ್ಡೆ ಜರಿದ್ 34 ಜನ ತೀರ್ ಪೋಯೆರ್.

ವಾಯುವ್ಯ ಪ್ರಾಂತ್ಯದ ರಿಸಾರಾಲ್ಡಾಡ್ ಗುಡ್ಡೆ ಜರಿದ್ ಬಸ್ ಬೊಕ್ಕ ಕೆಲವು ಗಾಡಿಲು ಮಣ್ಣ್ ಡ್ ತಿಕ್ಕೊಂದುಂಡು. ಪೊಲೀಸೆರ್ ಬೊಕ್ಕ ಅಗ್ನಿಶಾಮಕ ದಳತ ಸಿಬ್ಬಂದಿ ರಕ್ಷಣಾ ಕಾರ್ಯಾಚರಣೆ ಮಲ್ತೊಂದುಲ್ಲೆರ್. ಹುಷಾರ್ ಇಜ್ಜಂದೆ ಆಯಿನಕುಲೆನ್ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಮಣ್ಣ್ ದಡಿಟ್ಟ್ ಕೆಲವು ಜನ ತಿಕ್ಕೊಂದೆರ್ ಪನ್ಪಿನ ಸಂಸಯಲ ಉಂಡು. ಕೊಲಂಬಿಯಾ 40 ವರ್ಷರ್ದ್ ಇಂಚಿನ ಬರ್ಸದ ಸಮಸ್ಯೆನ್ ಎದುರ್ಸಾವೊಂದು ಉಂಡು.

ಡಿ.17: ಹಿಂದೂ ಯುವ ಸೇನೆ ಬಾಬುಗುಡ್ಡೆ ಶಾಖೆದ ಮುತಾಲಿಕೆಡ್ ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ

ಕುಡ್ಲ: ಅತ್ತಾವರದ ಹಿಂದೂ ಯುವ ಸೇನೆ ಬಾಬುಗುಡ್ಡೆ ಶಾಖೆದ ಲೆಕ್ಕೊಡು ಡಿ. 17 ತಾರೀಕ್ ಸನಿವಾರ ಬಯ್ಯ 6.30 ಗಂಟೆಗ್ 18ನೇ ವರ್ಷದ ಸಲುವಾದ್ ಎಂ. ಗಿರಿಧರ ಭಟ್ (ಶ್ರೀ ರಾಧಾಕೃಷ್ಣ ದೇವಲ್ಯ, ಶರವು) ಮೆರೆನ ಮುತಾಲಿಕೆಡ್ ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ ಅತ್ತಾವರ ಬಾಬುಗುಡ್ಡೆ ಗ್ರಾಮ ಸಂಘದ ಕೈತಲ್ ನಡಪರೆ ಉಂಡು.

ಈ ಪುಣ್ಯಕಾರ್ಯಡ್ ಮಾತ ಭಕ್ತೆರ್ ಬತ್ತ್‌ದ್ ಶ್ರೀ ದೇವೆರೆನ ಪ್ರಸಾದನ್ ಸ್ವೀಕಾರ ಮಲ್ತ್‌ದ್, ಲೇಸ್‌ನ್ ಎಡ್ಡೆ ಮಲ್ತ್‌ದ್ ಕೊರೋಡು ಪಂದ್ ಹಿಂದೂ ಯುವ ಸೇನೆ ಬಾಬುಗುಡ್ಡೆದ ಅಧ್ಯಕ್ಷೆರ್ ಅಂಚನೆ ಸರ್ವ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಡಿ.19:ಗ್ರಾಮ ಪಂಚಾಯತ್ ನೌಕರೆರ್ನ ರಾಜ್ಯ ಮಟ್ಟದ ಪೊರ್ಂಬಾಟ

ಸಿ ಬೊಕ್ಕ ಡಿ ದರ್ಜೆ ಸ್ಥಾನಮಾನೊಗಾದ್ ಬೊಕ್ಕ ಬೇತೆ ಬೇತೆ ಮೂಲಭೂತ ಬೇಡಿಕೆಗಾದ್ ಗ್ರಾಮ ಪಂಚಾಯತ್ ನೌಕರೆರ್ನ ರಾಜ್ಯ ಮಟ್ಟದ ಬೃಹತ್ ಪೊರ್ಂಬಾಟ ಬೊಕ್ಕ ಮುಷ್ಕರ ಡಿ.19 ಗು ಬೆಳಗಾವಿ ಸುವರ್ಣ ವಿಧಾನ ಸೌಧದ ಎದುರು ನಡಪರೆ ಉಂಡು.


ಸರ್ಕಾರದ ಗಮನಗ್ ಕನವೊಡಾಯಿನ ಗ್ರಾಮ ಪಂಚಾಯತಿ ನೌಕರೆರೆನ ವಿಷಯ ದಾದ ಪಂಡ, ಗ್ರಾಮ ಪಂಚಾಯತಿ ನೌಕರೆರ್ ಬೇಲೆಗ್ ತಕ್ಕ ಸಿ ಬೊಕ್ಕ ಡಿ ದರ್ಜೆ ಸ್ಥಾನಮಾನ ಕೊರ್ತೆರಾ? ಇಜ್ಜಿಂಡ ಸರಕಾರ ನೌಕರೆರೆಗ್ ಸಿ ಬೊಕ್ಕ ಡಿ ದರ್ಜೆ ಸ್ಥಾನಮಾನ ಕೊರ್ಪುನ ಬಗೆಟ್ ಕ್ರಮ ದೆತೊಂದುಂಡು. ಗ್ರಾಮ ಪಂಚಾಯತಿ ನೌಕರೆರೆಗ್ ಕನಿಷ್ಠ ಸಂಬಳದ ಬದಲ್ ಸಂಬಳ ಶ್ರೇಣಿ ನಿಗದಿ ಮಲ್ಪೆರೆ ಆತ್ಂಡ? ಇಜ್ಜಿಂಡ ಗ್ರಾಮ ಪಂಚಾಯತಿ ನೌಕರೆರೆಗ್ ಸಂಬಳ ಶ್ರೇಣಿ ನಿಗದಿ ಮಲ್ಪುನ ಬಗೆಟ್ ಸರ್ಕಾರ ಒವು ಕ್ರಮ ದೆತ್ತೊಂದುಂಡು?.ಗ್ರಾಮ ಪಂಚಾಯತಿ ನೌಕರೆರೆಗ್ ಕನಿಷ್ಠ ಸಂಬಳ ನಿಗದಿ ಮಲ್ಪಂದಿನೇರ್ದಾವೆರ 10 ವರ್ಷ ನೌಕರೆರೆಗ್ ಬೊಕ್ಕ ಇಂಚಿಪ್ಪ ಸೇರ್ನ ನೌಕರೆರೆಗ್ ಒಂಜೇ ರೀತಿದ ಸಂಬಳ ತಿಕ್ಕೊಂದು ಇಪ್ಪುನವು ಸರ್ಕಾರದ ಗಮನಗ್ ಬೈದ್ಂಡ? ಇಜ್ಜಿಂಡ ಸೇವಾ ಹಿರಿತನಡ್ ಬೆಂದೊಂದು ಇಪ್ಪುನ ನೌಕರೆರೆಗ್ ಆವೊಂದು ಇಪ್ಪುನ ಅನ್ಯಾಯ ಸರಿ ಮಲ್ಪುನ ಬಗೆಟ್ ಸರ್ಕಾರ ದಾದ ಕ್ರಮ ದೆತೊಂದುಂಡು. ಗ್ರಾಮ ಪಂಚಾಯತಿ ನೌಕರೆರೆಗ್ 2008ಕ್ಕ್ ಭವಿಷ್ಯ ನಿಧಿ ಆದೇಶ ಅನುಷ್ಠಾನ ಆವೊಂದು ಉಂಡಾ? ಇಜ್ಜಿಂಡ ಭವಿಷ್ಯ ನಿಧಿ ಆದೇಶ ಕೊರ್ದು 14 ವರ್ಷ ಕರಿಂಡಲ ಇಡೇ ಮುಟ್ಟ ಅನುಷ್ಠಾನ ಆವಂದೆ, ಪಂಚಾಯತ್ ನೌಕರೆರೆಗ್ ಅನ್ಯಾಯ ಸರಿ ಮಲ್ಪುನ ಸರ್ಕಾರ ಒವೋ ಕ್ರಮ ದೆತೊಂದುಂಡು. ಗ್ರಾಮ ಪಂಚಾಯತಿ ನೌಕರೆರೆಗ್ ಇಎಸ್ ಐ ವೈದ್ಯಕೀಯ ಸೌಲಭ್ಯ ಉಂಡಾ? ಇಜ್ಜಿಂಡ ಗ್ರಾಮ ಪಂಚಾಯತಿ ನೌಕರೆರೆಗ್ ಇಎಸ್ ಐ ವೈದ್ಯಕೀಯ ಸೌಲಭ್ಯ ಒದಗಿಸಾವುನ ನಿಟ್ಟ್ ಡ್ ಸರ್ಕಾರ ಒವೋ ಕ್ರಮ ದೆತೊಂದುಂಡು ಪಂದ್ ತೆರಿಪಾಯೆರೆ ಬೇಡಿಕೆಲೆನ್ ದೀತ್ಂಡ್.‌ ನ.31ತ ದುಂಬು ಸೇರಿನ ಪಂಚಾಯತ್ ನೌಕರೆರೆಗ್ ಇಎಫ್ ಎಮ್ ಎಸ್ ಮುಖೇನ ಸೇರ್ಪಡೆಯಾದ್, ಪಾವತಿ ಮಲ್ತಿನ ಸಂಬಳನ್ ಲೆಕ್ಕಪರಿಶೋಧನೆಡ್ ಸದ್ರಿ ನೌಕರೆರೆಗ್ ಜಿಲ್ಲಾ ಪಂಚಾಯತ್ ಅನುಮೋದನೆ ಅದಿಪ್ಪುಜಿ ಪನ್ಪುನ ಕಾರಣ ಕೊರ್ದು ಅಕ್ಷೇಪಣೆ ದೀಯೆರೆ ಆತ್ಂಡ್, ಆಕ್ಷೇಪಣೆಲೆನ್ ಕೈಬುಡೊಡು ಪಂದ್ ಡಿ.19 ಕ್ ಗ್ರಾಮ ಪಂಚಾಯತಿ ನೌಕರೆರೆನ ಮುಷ್ಕರ ನಡಪುಂಡು.

ಸೋಮನಾಥ ಗೇಮ್ಸ್ ಟೀಮ್ ಸೋಮನಾಥ ಉಳಿಯ ಕುತ್ತಾರ್ ನೆತ್ತ ಮುತಾಲಿಕೆಡ್ ಎಸ್. ಜಿ. ಟಿ ಟ್ರೋಫಿ – 2022 ಕ್ರಿಕೆಟ್ ಪಂತೊದ ಉದಿಪನ ಲೇಸ್

ಸೋಮನಾಥ ಗೇಮ್ಸ್ ಟೀಮ್ ಸೋಮನಾಥ ಉಳಿಯ ಕುತ್ತಾರ್ ನೆತ್ತ ಮುತಾಲಿಕೆಡ್ ಎಸ್ ಜಿ ಟಿ ಟ್ರೋಪಿ – 2022 ಕ್ರಿಕೆಟ್ ಪಂತೊದ ಉದಿಪನ ಲೇಸ್ ಡ್ ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್ ಮಾಜಿ ಉಪಾಧ್ಯಕ್ಷೆರಾಯಿನ ಸತೀಶ್ ಕುಂಪಲ ಮೇರ್ ಪಾಲ್ ಪಡೆದ್, ಬ್ಯಾಟಿಂಗ್ ಮಲ್ಪುನ ಮುಖೇನ ಲೇಸ್ ನ್ ಉದಿಪನ ಮಲ್ತ್ ದ್, ಎಡ್ಡೆಪ್ಪು ಬಯಕಿಯೆರ್.

ಈ ಪೊರ್ತುಡು ಶ್ರೀ ಸೋಮೇಶ್ವರಿ ದೇವಲ್ಯದ ಕಾರ್ಯದರ್ಶಿ ಆಯಿನ ದಯಾನಂದ ನಾಯ್ಕ್, ಸೋಮನಾಥ ಗೇಮ್ಸ್ ಟೀಮ್ ಅಧ್ಯಕ್ಷೆರಾಯಿನ ವಿಶಾಲ್ ಕೊಲ್ಯ, ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರ್ ಬೊಕ್ಕ ಮಾಧ್ಯಮ ವರದಿಗಾರೆರಾಯಿನ ವೆಂಕಟ್ ಬಂಟ್ವಾಳ, ಸೇವಾ ಸಮಿತಿ ಅಧ್ಯಕ್ಷೆರಾಯಿನ ಶಿವಾನಂದ ನಾಯ್ಕ್ ಬೊಕ್ಕ ದಯಾನಂದ ತೊಕ್ಕೊಟ್ಟು ಇತ್ತೆರ್.

SSLC ವೇಳಾಪಟ್ಟಿ ಪ್ರಕಟ

SSLC ಪರೀಕ್ಷೆದ ಕಡೆತ್ತ ವೇಳಾಪಟ್ಟಿ ಪ್ರಕಟ ಆತ್ಂಡ್. 2023 ತ್ತ ಮಾರ್ಚ್ 31 ಜೆಡ್ದ್ ಎಪ್ರಿಲ್ 15 ಮುಟ್ಟ ಪರೀಕ್ಷೆಲು ನಡಪರೆ ಉಂಡು.

ಮಾ.31 ಕ್ಕ್ ಕನ್ನಡ, ತೆಲುಗು, ಹಿಂದಿ, ಮರಾಠಿ, ತಮಿಳ್, ಉರ್ದು, ಎ. 4 ಕ್ಕ್ ಗಣಿತ ಬೊಕ್ಕ ಸಮಾಜಶಾಸ್ತ್ರ, ಎ. 6 ಕ್ಕ್ ಇಂಗ್ಲೀಷ್, ಎ.10 ಕ್ಕ್ ವಿಜ್ಞಾನ, ರಾಜ್ಯಶಾಸ್ತ್ರ, ಹಿಂದೂಸ್ತಾನಿ ಸಂಗೀತ, ಕರ್ನಾಟಕ ಸಂಗೀತ, ಎ.12 ಕ್ಕ್ ಹಿಂದಿ, ಉರ್ದು, ಎ.15 ಕ್ಕ್ ಸಮಾಜ ವಿಜ್ಞಾನ ಪರೀಕ್ಷೆಲು ನಡಪರೆ ಉಂಡು.

ಹುಷಾರ್‌ದಾಂತೆ ಆಸ್ಪತ್ರೆಗ್ ದಾಖಲ್ ಆಯಿನ ಜೆಇ ಲಸಿಕೆ ಪಡೆಯಿನ ಜೋಕುಲು

ಮಧುಗಿರಿ: ಮೆದುಳು ಜ್ವರ ನಿಯಂತ್ರಣಕ್ಕಾದ್ ಕೊರ್ಪಿನ ಜೆಇ ಲಸಿಕೆನ್ ಪಡೆಯಿನ ಜೋಕುಲು ತರೆ ತಿರ್ಗ್‌ದ್ ಆಸ್ಪತ್ರೆಗ್ ದಾಖಲ್ ಆತಿನ ಘಟನೆ ಮಧುಗಿರಿಟ್ಟ್ ನಡತ್ಂಡ್.

ಪೇಂಟೆದ ಶಾಲೆದ 9 ಜೋಕುಲು ತರೆ ತಿರ್ಗ್‌ದ್ ಆಸ್ಪತ್ರೆಗ್ ಸೇರ್ದೆರ್ ಪಂದ್ ತೆರಿದ್ ಬೈದ್ಂಡ್. ಈ ವಿಚಾರ ತೆರಿನ ಡಿಹೆಚ್‌ಓ ಡಾ. ರಮೇಶ್ ಬಾಬು ತನ್ನ ಗಾಡಿಡೇ ಜೋಕ್ಲೆನ್ ಆಸ್ಪತ್ರೆಗ್ ಲೆತೊಂದು ಪೋತೆರ್.

ನನ ದುಂಬುಗು ಬೈಕ್‌ಡ್ ಪೋಪುನಕುಲು ಐಎಸ್‌ಐ ಮುದ್ರೆ ಇತ್ತಿನ ಹೆಲ್ಮೆಟ್ ಪಾಡೋಡು

ಬೈಕ್‌ಡ್ ಪೋಪಿನಕುಲು ಹಲ್ಮೆಟ್ ಸರಿಯಾದ್ ಪಾಡಂದೆ ಮಸ್ತ್ ರೀತಿದ ಅಪಾಯ ಆವೊಂದುಂಡು. ಅಂಚಾದ್ ಬೈಕ್ ಬುಡ್ಪುನಕ್ಲೆಗ್ ಬೆಂಗ್ಲೂರ್‌ದ ಸಂಚಾರಿ ಪೊಲೀಸೆರ್ ಮಹತ್ವದ ಸೂಚನೆ ಕೊರ್ದಿತ್ತ್‌ದ್, ಟೊಪ್ಪಿ ಮಾದರಿದ ಅರ್ಧ ಹೆಲ್ಮೆಟ್ ಅತ್ತ್ಂಡ ಐಎಸ್‌ಐ ಮುದ್ರೆ ಇಜ್ಜಂದಿನ ಹೆಲ್ಮೆಟ್ ಪಾಡ್ಂಡ ದಂಡ ಪಾಡಿಯೆರ ನಿರ್ಧಾರ ಮಲ್ತ್‌ದೆರ್.

ಮೋಟಾರು ವಾಹನ ನಿಯಮದ 1989ನೇ ನಿಯಮ 230(1) ತಿದ್ದುಪಡಿಟ್ಟ್ ರಾಜ್ಯಡ್ ಬೈಕ್ ಬುಡ್ಪುನಕುಲು ಬೊಕ್ಕ ಸವಾರಿ ಮಲ್ಪುನಕುಲು ಐಎಸ್‌ಐ ಹೆಲ್ಮೆಟ್ ಪಾಡೊಡು ಪಂದ್ ಸರ್ಕಾರ ಅಧಿಸೂಚನೆ ಕೊರ್ತೆರ್.

You Missed