ಬಂಟ್ವಾಳ : ನವರಾತ್ರಿದ ಲೆಕ್ಕಡ್ ಮಾಣಿ ಪೆರಾಜೆ ಶ್ರೀರಾಮಚಂದ್ರಾಪುರ ಮಠಕ್ಕ್ ಬತ್ತ್‌ದ್ ಶ್ರೀಮದ್ ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀರಾಘವೇಶ್ವರಭಾರತೀ ಮಹಾಸ್ವಾಮೀಜಿನ್ ಕ್ಯಾಪ್ಟನ್ ಬ್ರಿಜೇಶ್ ಚೌಟ ಭೇಟಿಯಾದ್ ಆಶೀರ್ವಾದ ಪಡೆಯೆರ್. ಈ ಪೊರ್ತುಡು ಜಿಲ್ಲಾ ಪಂಚಾಯತ್ ಮಾಜಿ ಅಧ್ಯಕ್ಷೆರ್ ಶೈಲಜಾ ಭಟ್ ಕೊಂಕೋಡಿ, ಹವ್ಯಕ ಪರಿಷತ್ತ್‌ದ ಶ್ರೀಪ್ರಕಾಶ್ ಕುಕ್ಕಿಲ, ನೇರಳಕಟ್ಟೆ ಸಿಎ ಬ್ಯಾಂಕ್ ಗುರ್ಕಾರೆರ್ ಪುಷ್ಪರಾಜ್ ಚೌಟ ಇತ್ತೆರ್.
ಉಚ್ಚಿಲ ದಸಾರ ಲೇಸ್ ಡ್ ರಂಗ ಸಂಗೀತ ಬೊಕ್ಕ ಜಾನಪದ ಗೀತೆ ಅ.15 ಬಯ್ಯಗ್ ಶ್ರೀ ಕ್ಷೇತ್ರ ಉಚ್ಚಿಲದ ಶ್ರೀಮತಿ ಶಾಲಿನಿ ಡಾ/ ಜಿ ಶಂಕರ್ ಸಭಾಂಗಣಡ್ ನಡತ್ಂಡ್.
ಈ ಲೇಸ್ ಕುಡ್ಲ ಜರ್ನಿ ಥೇಟರ್ ಗ್ರೂಪ್ (ರಿ.) ದ ಲೆಕ್ಕೊಡು ಈ ಲೇಸ್ ನಡತ್ಂಡ್.
ಕಿನ್ನಿಗೋಳಿ: ಕೊಡೆತ್ತೂರು ಶ್ರೀ ಅರಸು ಕುಂಜರಾಯ ದೈವೊಲ್ಯಡ್ ಪೊಸ ದೈವೊಲ್ಯಗ್ ಕೆಸರ್ ಕಲ್ಲ್ ಪಾಡುನ ಲೇಸ್ ನಡತ್ಂಡ್.
ಕೊಡೆತ್ತೂರು ದೇವಸ್ಯಮಠ ವೇದವ್ಯಾಸ ಉಡುಪ ಈ ಲೇಸ್ ದ ಧಾರ್ಮಿಕ ವಿಧಿವಿಧಾನನ್ ಮಲ್ತೆರ್‌.
ಈ ಪೊರ್ತುಡು ಕಟೀಲ್ ಸದಾನಂದ ಆಸ್ರಣ್ಣ, ವಾಸುದೇವ ಶಿಬರಾಯ, ಕೊಡೆತ್ತೂರು ಜಯರಾಮ ಮುಕ್ಕಾಲ್ದಿ, ಶಾಸಕೆರ್ ಉಮಾನಾಥ ಕೋಟ್ಯಾನ್, ಮಾಜಿ ಸಚಿವೆರ್ ನಾಗರಾಜ ಶೆಟ್ಟಿ, ಬ್ರಿಜೇಶ್ ಚೌಟ, ಭುವನಾಭಿರಾಮ ಉಡುಪ, ಉಮೇಶ್ ಗುತ್ತಿನಾರ್, ಶಂಭು ಮುಕಾಲ್ದಿ, ಸೀತಾರಾಮ ಶೆಟ್ಟಿ ದುರ್ಗಾದಯಾ, ರತ್ನಾಕರ ಶೆಟ್ಟಿ ಬಡಕರ ಬಾಳಿಗೆ, ಮುರ ಸದಾಶಿವ ಶೆಟ್ಟಿ, ಈಶ್ವರ್ ಕಟೀಲ್, ತಿಮ್ಮಪ್ಪ ಕೊಟ್ಯಾನ್, ತುಕಾರಾಮ ಶೆಟ್ಟಿ ಪರ್ಲಬೈಲ್, ದೊಡ್ಡಯ್ಯ ಮೂಲ್ಯ ಕಟೀಲ್, ನಿತಿನ್ ಶೆಟ್ಟಿ ದೇವಸ್ಯ ಕೊಡೆತ್ತೂರುಗುತ್ತು, ಶ್ರೀಧರ ಅಳ್ವ ಮಾಗಂದಡಿ, ಗಣೇಶ್ ಶೆಟ್ಟಿ ಮಿತ್ತಬೈಲ್ ಗುತ್ತು, ವಿಜಯ ಶೆಟ್ಟಿ ಅಜಾರ್ ಗುತ್ತು, ಶೋಭಾ ಶೆಟ್ಟಿ ನಡ್ಯೋಡಿಗುತ್ತು, ವಿಶ್ವನಾಥ ಶೆಟ್ಟಿ ಮೂಡುದೇವಸ್ಯ, ರವಿರಾಜ ಶೆಟ್ಟಿ ಮುಚ್ಚಿರಾಲ ಬಾಳಿಕೆ, ಜಯರಾಮ ಶೆಟ್ಟಿ ಕೊಂಡೇಲಗುತ್ತು, ಜಯಂತ ಕರ್ಕೇರ ಅಡ್ಡಣಗುತ್ತು, ಲೋಕಯ್ಯ ಸಾಲಿಯಾನ್ ಕೊಂಡೇಲ, ಪುರುಷೋತ್ತಮ ಶೆಟ್ಟಿ ಕೊಡೆತ್ತೂರು, ಪ್ರಸಾದ್ ಶೆಟ್ಟಿ ಕೊಡೆತ್ತೂರು, ಲೋಕೇಶ್ ಶೆಟ್ಟಿ ಬರ್ಕೆ, ಶೈಲೇಶ್ ಅಂಚನ್, ಕರ್ಣಾಟಕ ಬ್ಯಾಂಕ್ ಪ್ರಬಂಧಕೆರ್ ಶಿವಪ್ರಸಾದ್, ಜಯಪಾಲ ಶೆಟ್ಟಿ ಐಕಳ ಬಾವ, ಸುಬ್ರಮಣ್ಯ ಶಣೈ, ಡಾ.ಸುಧಾಕರ ಶೆಟ್ಟಿ ಗಣಪಯ್ಯ ಬೆನ್ನಿ, ಗಿರೀಶ್ ಶೆಟ್ಟಿ ಕುಡ್ತಿಮಾರ್ ಗುತ್ತು, ಗಂಗಾಧರ ಶೆಟ್ಟಿ ಮೂಡ್ರಗುತ್ತು, ಜಿತೇಂದ್ರ ಶೆಟ್ಟಿ ಕೊರಿಯಾರಗುತ್ತು, ಸಂಜೀವ ಮುಖಾರಿ, ಸದಾಶಿವ ಗಿಡಿಗೆರೆ, ಸತೀಶ್ ಪಂಬದ, ಗುತ್ತಿಗೆದಾರೆ ಅಭಿಲಾಷ್ ಶೆಟ್ಟಿ, ಗೋಪಾಲ ಮೂಲ್ಯ, ಕುಟ್ಟಿ ಮೂಲ್ಯ ಶಿಬರೂರು, ಶಂಕರ ಶೆಟ್ಟಿ ಮೂಡಾಯಿಗುತ್ತು, ಸದಾನಂದ ಶೆಟ್ಟಿ ಕೆರಮ,ಹರೀಶ್ ಶೆಟ್ಟಿ ಎಕ್ಕಾರು, ಕೇಶವ ಶೆಟ್ಟಿ ಅಡುಮನೆ, ಧನಂಜಯ ಶೆಟ್ಟಿಗಾರ್, ಹರಿವೆಕಲ
ಮೊಕುಲು ಮಾತ ಪಾಲ್ ಪಡೆದಿತ್ತೆರ್.
ಬಂಟರೆ ಸಂಘ ಪೂರ್ವ ಆಫ್ರಿಕಾ ನೈರೋಬಿ ಕೀನ್ಯಾದ, ಸುರುತ್ತ ವರ್ಷೊದ ಬಂಟ ಸಂಭ್ರಮ- 2023 ಲೇಸ್ ಅ.28 ಸನಿಯಾರ ಬಯ್ಯಗ್ ಕೀನ್ಯಾ ನೈರೋಬಿ ರೆಡ್ ಜಿಂಜರ್ ಹೋಟೆಲ್ ಡ್ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್ ಲೇಸ್ ನ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.
ಕುಡ್ಲ ಸಾಂಸ್ಕೃತಿಕ ಪ್ರತಿಷ್ಠಾನದ ದುಂಬಾತ್ತಿಗೆಡ್, ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಮೆರೆನ ಮಾರ್ಗದರ್ಶನಡ್, ಶಾಸಕೆರ್ ಡಿ.ವೇದವ್ಯಾಸ್ ಕಾಮತ್ ಮೆರೆನ ಮುತಾಲಿಕೆಡ್ ನಡಪರೆ ಇಪ್ಪುನ ರಡ್ಡನೇ ವರ್ಷೊದ “ಕುಡ್ಲದ ಪಿಲಿ ಪರ್ಬ-2023” ತ್ತ ದೊಂಪ ಪಾಡುನ ಮೂರ್ತ ಲೇಸ್ ಕುಡ್ಲದ ಕೇಂದ್ರ ಮೈದಾನಡ್ ಐತಾರ ಬೊಲ್ಪುಗು ನಡತ್ಂಡ್.
ಈ ಲೇಸ್ ಡ್ ಶಾಸಕೆರ್ ವೇದವ್ಯಾಸ್ ಕಾಮತ್ ಪಾತೆರ್ದ್, ತುಳುನಾಡ್ ದ ಭಾಗಡ್ ದಸರಾ ಪಂಡ ಅಲ್ಪ ಪಿಲಿಏಸ ಇತ್ತೆ ಇಪ್ಪುಂಡು. ಇತ್ತೆ ಈ ಕಲೆ ತುಳುನಾಡ್ ಮಾತ್ರ ಅತ್ತಂದೆ ದೇಶ-ವಿದೇಶಡ್ ಪುಗರ್ತೆ ಪಡೆಯಿನ ಪೆರ್ಮೆದ ಸಂಗತಿ ಆತ್ಂಡ್. ಈ ಪುಗರ್ತೆದೊಟ್ಟಿಗೆ ಈ ಕಲೆಕ್ಕ್ ನನಾತ್ ಪೊರ್ಲು ಕೊರ್ಪುನ ದಿಟ್ಟಿಡ್ ಕುಡ್ಲ ಸಾಂಸ್ಕೃತಿಕ ಪ್ರತಿಷ್ಠಾನದ ದುಂಬಾತ್ತಿಗೆಡ್ ಉಂದುವೇ ಅ.21 ಸನಿಯಾರ ನಡಪರೆ ಇಪ್ಪುನ ರಡ್ಡನೇ ವರ್ಷೊದ ಪಿಲಿಪರ್ಬ ತುಳುನಾಡ್ ದ ಗತವೈಭವದ ಪರಂಪರೆನ್ ನೆಂಪು ಮಲ್ಪುನ ಬೊಕ್ಕ ನನದ ಪೀಳಿಗೆಗ್ ಪರಿಚಯ ಮಲ್ಪುನ ಪ್ರಯತ್ನ ಆತ್ಂಡ್. ಪಂತೊಡು ಪಾಲ್ ಪಡೆಯೆರೆ ಇಪ್ಪುನ ಮಾತ 15 ಪಿಲಿಏಸ ಕೂಟಲೆಗ್ ಎಡ್ಡೆಪ್ಪು ಬಯಕಿಯೆರ್.
ಈ ಪೊರ್ತುಡು ಮೇಯರ್ ಸುಧೀರ್ ಶೆಟ್ಟಿ ಕಣ್ಣೂರು, ಕುಡ್ಲ ಸಾಂಸ್ಕೃತಿಕ ಪ್ರತಿಷ್ಠಾನದ ಮಾನಾದಿಗೆದ ಗುರ್ಕಾರೆ ಗಿರಿಧರ್ ಶೆಟ್ಟಿ, ಗುರ್ಕಾರೆ ದಿವಾಕರ್ ಪಾಂಡೇಶ್ವರ, ಮ. ನ. ಪಾ. ಸದಸ್ಯೆರ್ ಶಕೀಲಾ ಕಾವ, ಜಯಲಕ್ಷ್ಮಿ, ಭರತ್ ಸೂಟರ್ ಪೇಟೆ, ನರೇಶ್ ಶೆಣೈ, ಉದಯ ಪೂಜಾರಿ, ಅಶ್ವಿತ್ ಕೊಟ್ಟಾರಿ, ಲಲಿತ್ ರಾಜ್ ಮೆಂಡನ್, ಕಮಲಾಕ್ಷ ಬಜಿಲಕೇರಿ, ಮೋಹನ್ ಪೂಜಾರಿ, ಜಗದೀಶ್ ಕದ್ರಿ, ಚೇತನ್ ಕಾಮತ್, ಸೂರಜ್ ಕಾಮತ್ ಪಾಲ್ ಪಡೆದಿತ್ತೆರ್.
ಬೊಂಬೈ: 2028ಗ್ ಅಮೇರಿಕಾ ಲಾಸ್‌ ಏಂಜಲಿಸ್‌ಡ್ ನಡಪುನ ಜಾಗತಿಕ ಕ್ರೀಡಾಪರ್ಬ ಒಲಿಂಪಿಕ್ಸ್ಗ್ ಕ್ರಿಕೆಟ್‌ ಸೇರ್ಪಡೆ ಆತ್ಂಡ್. ಅಂತಾರಾಷ್ಟ್ರೀಯ ಒಲಿಂಪಿಕ್ಸ್ ಸಮಿತಿ ನಿರ್ವಾಹಕೆರ್ ಒಲಿಂಪಿಕ್ಸ್ ಕ್ರೀಡೆಡ್ ಕ್ರಿಕೆಟ್‌ ಸೇರ್ಪಡೆ ಮಲ್ಪುವ ಪಂದ್ ಘೋಷಣೆ ಮಲ್ತ್‌ದೆರ್.
ಅಂತಾರಾಷ್ಟ್ರೀಯ ಒಲಿಂಪಿಕ್ಸ್ ಸಮಿತಿದ ಗುರ್ಕಾರ್ಲು ಥಾಮಸ್ ಬಾಚ್ ಪಾತೆರ್ದ್, ಬೇಸ್‌ಬಾಲ್/ಸಾಫ್ಟ್‌ಬಾಲ್, ಫ್ಲ್ಯಾಗ್ ಫುಟ್‌ಬಾಲ್‌ದ ಒಟ್ಟಿಗೆ 5 ಪೊಸ ಕ್ರೀಡೆನ್ ಒಲಿಂಪಿಕ್ಸ್ಗ್ ಸೇರ್ಪಡೆ ಮಲ್ತ್‌ದೆರ್. ನೆಟ್ಟ್ ಕ್ರಿಕೆಟ್‌ಲ ಒಂಜಿ ಪಂದ್ ತೆರಿಪಾದೆರ್.
ಪಿರೊಂಜಿ ಸುತ್ತುದ ಬುಲೆ ಸಮೀಕ್ಷೆ ಮಲ್ತ್ ಕುಡ 22 ತಾಲೂಕುಲೆನ್ ಬರ ಪೀಡಿತ ಪಂದ್ ಸರಕಾರ ಘೋಷಣೆ ಮಲ್ತ್‌ದೆರ್. ಈ ಪೈಕಿ ಡ್ 11 ತಾಲೂಕು ತೀವ್ರ ಬರ ಪೀಡಿತ ಆದುಲ್ಲ.
ಬೆಂಗಳೂರು ಬಡಕಾಯಿ, ಗುಂಡ್ಲುಪೇಟೆ, ಹನೂರು, ಬೇಲೂರು, ಚನ್ನರಾಯಪಟ್ಟಣ, ಹೊಳೆನರಸೀಪುರ, ಸೋಮವಾರಪೇಟೆ, ಮಾಲೂರು, ದೇವದುರ್ಗ, ಮಸ್ಕಿ ಬೊಕ್ಕ ತುಮಕೂರು ತಾಲೂಕು ತೀವ್ರ ಬರಪೀಡಿತ; ಕುಡ್ಲ, ಬೆದ್ರ, ಬ್ರಹ್ಮಾವರ, ಕೊಳ್ಳೆಗಾಲ, ಕೊಪ್ಪ, ನರಸಿಂಹರಾಜಪುರ, ಶೃಂಗೇರಿ, ಸಕಲೇಶಪುರ, ಚನ್ನಪಟ್ಟಣ, ಮಾಗಡಿ ಬೊಕ್ಕ ಕಾರವಾರ ತಾಲೂಕುಲು ಸಾಧಾರಣ ಬರಪೀಡಿತ ಪಂದ್ ಗುರ್ತ ಮಲ್ತ್‌ದೆರ್.
ಚಾರ್ಮಾಡಿ ಘಾಟಿನ್ 490 ಕೋಟಿ ರೂ. ಕರ್ಚ್ ಮಲ್ತ್ ಅಭಿವೃದ್ಧಿ ಮಲ್ಪರೆ ಕೇಂದ್ರ ಒತ್ತೊಂದುಂಡ್. ಚಾರ್ಮಾಡಿ ಘಾಟಿ ಚಿಕ್ಕಮಗಳೂರು ವಿಭಾಗೊಡು 25 ಕಿಮೀ ಅಂಚೆನೆ ಕುಡ್ಲ ವಿಭಾಗೊಡು 11.20 ಕಿಮೀ ತಾದಿ ಅಭಿವೃದ್ಧಿ ❌ಆವರೆ ಉಂಡು.
ಉಂದೆಕ್ ಚಾರ್ಮಾಡಿ ಪಲ್ಲರ್ದ್ ಘಾಟಿದ 11ನೇ ತೆಲವು ಮುಟ್ಟ 11.2 ಕಿಮೀ ವ್ಯಾಪ್ತಿದ ತಾದಿಗ್ ಡಿಪಿಆರ್ ವರದಿ ಕೊರಿಯರೆ ಸೂಚನೆ ಮಲ್ತ್‌ದೆರ್. 2019ದ ಬರ್ಸೊಗು ಗುಡ್ಡೆ ಮಗ್‌ರ್‌ದ್ ಅಲ್ಪ ಗಾಡಿ ಕೊನೊವರೆ ಆವಂದಿನ ಪರಿಸ್ಥಿತಿ ಇತ್ತ್ಂಡ್. ಅವೆರ್ದ್ ಬೊಕ್ಕ ಕೆಲವು ತಿಂಗೊಲು ಗಾಡಿಗ್ ಪೋವಂದಿಲೆಕ್ಕ ನಿರ್ಬಂಧ ಇತ್ತ್ಂಡ್. ಅವೆರ್ದ್ ಬೊಕ್ಕ ಸುಮಾರ್ ಬುಲೆಚ್ಚಿಲ್ ಆಂಡಲ ಮಲ್ಲ ಗಾಡಿಲು ಇತ್ತೆಲಾ ಸಮಗಟ್ಟ್ ಪೋವರೆ ಆಪುಜಿ. ಈ ಸಲ ಕುಡ್ಲರ್ದ್ ಚಾರ್ಮಾಡಿ ಘಾಟಿ ಮುಟ್ಟ 90 ಕಿಮೀ ತಾದಿ ಪತ್ತ ಅಭಿವೃದ್ದಿ ಆಪಿನ ನಿರೀಕ್ಷೆ ಉಂಡು.
ಬಂಟ್ವಾಳ: ಕರಿನ ಐನ್‌ ವರ್ಷರ್ದ್‌ ಕೋರ್ಟ್‌ಗ್‌ ಹಾಜರ್‌ ಆವಂದೆ ದೆಂಗ್‌ದ್‌ ಕುಲ್ದ್‌ ಇತ್ತಿನ ಒಟ್ಟು ಆಜಿ ಜನ ಆರೋಪಿಲೆನ್ ಬಂಟ್ವಾಳ ಗ್ರಾಮಾಂತರ ಪೋಲೀಸೆರ್ನ ತಂಡ ಅರೆಸ್ಟ್ ಮಲ್ತ್‌ದ್‌ ಕೋರ್ಟ್‌ಗ್‌ ಹಾಜರ್‌ ಪಡಿಸಾದೆರ್.
ಬಬುಲು ಸಹಾನಿ, ರಾಮ್ ಗೋವಿಂದ ಸಹಾನಿ, ಅಮಿತ್ ಕುಮಾರ್, ಸತ್ಯೇಂದ್ರ ಸಹಾನಿ, ಸೈದಾನ್ ಸಹಾನಿ, ಅಭಯ್ ನಾರಾಯಣ್ ಅರೆಸ್ಟ್ ಆಯಿನ ಆರೋಪಿಲು. ಪರಂಗಿಪೇಟೆದ ಅಕ್ರಮ ಮರಳು ಗಾರಿಕೆ ಕೇಸ್‌ಗ್‌ ಸಂಬಂಧ ಪಟ್ಟಿನಂಚ ಉತ್ತರ ಪ್ರದೇಶ ಮೂಲದ ಆಜಿ ಜನತ ಮಿತ್ತ್ ಬಂಟ್ವಾಳ ಗ್ರಾಮಾಂತರ ಪೋಲೀಸ್ ಠಾಣೆಡ್ 2017ಟ್‌ ಕೇಸ್ ದಾಖಲಾದ್‌ ಇತ್ತ್ಂಡ್.
ಕಿನ್ನಿಗೋಳಿ: ರಾಜರತ್ನಪುರದ ಯಕ್ಷ ಕೌಸ್ತುಭ ಯಕ್ಷಗಾನ ತರಬೇತಿ ಕೇಂದ್ರದ ನಾಲನೇ ವರ್ಷದ ವಾರ್ಷಿಕೋತ್ಸವದ ಅಂಗವಾದ್ ಅ.15 ದಾನಿ ಕಾಂಡೆ 9 ರ್ದ್ ರಾಜರತ್ನಪುರದ ಸರಾಫ್ ಅಣ್ಣಯ್ಯಾಚಾರ್ಯ ಸಭಾಭವನಡ್ ಬಣ್ಣದ ಮನೆ ಪನ್ಪಿನ ಶೀರ್ಷಿಕೆೆಡ್ ಉಚಿತ ತೆಂಕುತಿಟ್ಟು ಯಕ್ಷಗಾನ ಬಣ್ಣಗಾರಿಕೆ ತರಬೇತಿ ಶಿಬಿರದ ಉದಿಪನ ನಡಪರೆ ಉಂಡು.
ಶ್ರೀ ಕ್ಷೇತ್ರ ಕಟೀಲ್ ಪ್ರಧಾನ ಅರ್ಚಕೆರ್ ಕೆ. ಲಕ್ಷ್ಮೀ ನಾರಾಯಣ ಅಸ್ರಣ್ಣೆರ್ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಕಿನ್ನಿಗೋಳಿದ ಯುಗಪುರುಷದ ಕೆ. ಭುವನಾಭಿರಾಮ ಉಡುಪ, ಉದ್ಯಮಿ ಪೃಥ್ವಿರಾಜ್ ಆಚಾರ್ಯ, ಯಕ್ಷಗಾನ ಕಲಾವಿದೆರ್ ಗಣೇಶ್ ಚಂದ್ರಮಂಡಲ, ಕಿನ್ನಿಗೋಳಿ ಮೋಹಿನಿ ಕಲಾ ಸಂಪದದ ಗಂಗಾಧರ ಡಿ ಶೆಟ್ಟಿಗಾರ್, ಯಕ್ಷಗಾನ ಕಲಾವಿದೆರ್ ಬಾಲಕೃಷ್ಣ ಮಿಜಾರ್, ಶಶಿಧರ್ ಪಂಜ, ದುರ್ಗಾಪ್ರಸಾದ್ ಕಟೀಲ್ ಪಾಲ್ ಪಡೆಯೆರೆ ಉಲ್ಲೆರ್. ಸಾಂಸ್ಕೃತಿಕ ಕಾರ್ಯಕ್ರಮ ಅಂಗವಾದ್ ಯಕ್ಷಮಿತ್ರರು ಪಂಜಿನಡ್ಕ ಬೊಕ್ಕ ಜಿಲ್ಲೆದ ಪುಗಾರ್ತೆದ ಅತಿಥಿ ಕಲಾವಿದೆರ್ನ ಕೂಡುವಳಿಕೆಡ್ ಯಕ್ಷ ನಾಟ್ಯ ಹಾಸ್ಯ ವೈಭವ ನಡಪರೆ ಉಂಡು. ಕನ್ನಡಿ, ಬಣ್ಣ ಒರೆಸುನ ಕುಂಟು ಶಿಬಿರಾರ್ಥಿಲು ಕನವೊಡ್. ಒರಿನ ಮಾತ ವಸ್ತ್ ಲೆನ್ ಸಂಸ್ಥೆ ವತಿರ್ದ್ ಕೊರ್ಪೆರ್.
ಬೊಕ್ಕಾತ್ ಮಾಹಿತಿಗಾದ್: 8105673707, 9353564063 ಕಾಲ್ ಮಲ್ಪೊಲಿ ಪಂದ್ ಪ್ರಕಟನೆಡ್ ತೆರಿಪಾದೆರ್.
