ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಪುಟ್ಟ ಕಂದ ಜ್ಞಾನೇಶ್ನ ಭವಿಷ್ಯಗ್ ನೆರವಾಲೆ

ಸುಖ ಸಂಸಾರದ ಸಂತೃಪ್ತ ಬದ್ಕ್ ಡ್ ಪೆದ್ದಿ ಜೋಕ್ಲೆನ ಒಟ್ಟುಗು ಸಂತೋಸಡ್ ಜೀವನ ಸಾಗವುನ ಬಯಕೆ ಮಾತಾ ದಂಪತಿಲೆಡ್ ಸಹಜ…ಆಂಡ ಈ ಭಾಗ್ಯ ಕೆಲವೆರೆಗ್ ತಿಕ್ಕುಜಿ. ಕೆಲವೆರೆಗ್ ಒವ್ವಾ ಕಾರಣಡ್ ಜೋಕುಲು ಆವಂದಿನ ಉಪ್ಪು…ಆಂಡ ನಮಕ್ ಜೋಕುಲ್ ಇಜ್ಜಿನ್ದ ದಾನೆ ದತ್ತು ದೆತೊಂದು ಪ್ರೀತಿರ್ದ್ ಸಾಂಕುನ ಜೋಕುಲು ಲಾ ನಮ್ಮ ಜೋಕುಲೆ ಪಂದ್ ಪನ್ಪಿನ ದಂಪತಿಲು ಮಸ್ತ್ ಜನ .!ಅಂದ್, ಪಕ್ಷಿಕೆರೆ ಸುರಗಿರಿ ಕೆಮ್ರಾಲ್’ಡ್ ನಿವಾಸಿಲಾದುಪ್ಪುನ ದಂಪತಿಲಾಯಿನ ಬಾಲಕೃಷ್ಣ-ಸಂಧ್ಯಾ ಶೆಟ್ಟಿಗಾರ್ ಲಾ ಈ ಸಾಲ್ ಡ್ ಸೇರಿನ ದಂಪತಿಲಾದ್ ಉಲ್ಲೆರ್ ..ಜೋಕುಲಿಜ್ಜಿ ಪನ್ಪಿನ ಬೇನೆ ನ್ ಆನುಭವಿಸೊಂದು ಇತ್ತಿನ ಬಾಲಕೃಷ್ಣ ಸಂಧ್ಯಾ ದಂಪತಿಲು ಒಂಜಿ ಆನ್ ಬಾಲೆ ನ್ ದತ್ತು ದೆತೊಂದು ಸುಖವಾದ್ ಜೀವನ ನಡಪಾವೊಂದು ಇತ್ತೆರ್ ಆಂಡ… ವಿಧಿ ಲೀಲೆ ನೇ ಬೇತೆ ಆದಿತ್ತುಂಡು ..ಸುಖ ಸಂತೋಷಡ್ ಜೀವನ ನಡಪಾವೊಂದು ತ್ತಿನ ಈ ಸಂಸಾರಡ್ ಬಿರುಗಾಳಿಯೊಂಜಿ ಬತ್ತಿತ್ತುಂಡು…ಮೂಜಿ ವರ್ಷ ಜಿಂಜಿನ ಮೆಕ್ಲೆನ ಬಾಲೆ ಜ್ಞಾನೇಶ್ ನ ಕೆಕ್ಕಿ ಲ್ ಡ್ ದಪ್ಪದ ಗೋಲಿದಂಚಿನ ಚಿಹ್ನೆ ತೊಜಿದಿತ್ತುಂಡು ..ಬೇತೆ ಬೇತೆ ವೈದ್ಯೆರ್ನ ಕೈತಲ್ ಮರ್ದ್ ಮಲ್ತುಂಡಲಾ ದಾಲ ಪ್ರಯೋಜನ ಆತುಜಿ.

ಕಡೆಕ್ ತಜ್ಞ ವೈದ್ಯೆರ್ ಒರಿ ಬಯೋಸ್ಪಿ ಮಲ್ಪರೆ ಪಂತೆರ್ ಐತ ಪ್ರಕಾರ ಬಯೋಸ್ಪಿ ಮಲ್ಪಾದ್ , ರಿಪೋರ್ಟ್ ಬನ್ನಗ ಈ ಸಂಸಾಗ್ ತೆಡಿಲ್ ಹಾಕಿಲಕ ಆಂಡ್.. ಬಾಲೆದ ಭವಿಷ್ಯದ ಬಗ್ಗೆ ಅವ್ವೆತೋ ಕನ ಕಟ್ಟ್ ದಿನ ದಂಪತಿಲೆನ ಬದ್ಕ್ ಡ್ ಬಾಲೆ ಜ್ಞಾನೇಶ್ ಕ್ಯಾನ್ಸರ್ ರೋಗಡ್ ನರಳೊಂದು ಉಲ್ಲೆ ಪಂದ್ ತೆರಿನಗ ಆಕಾಶನೇ ತರೆತ ಮಿತ್ತ್ ಬೂರ್ಲಕ ಆಂಡ್.
ಬಾಲಕೃಷ್ಣ ಸಂಧ್ಯಾ ದಂಪತಿಲು ಬಡ ಕುಟುಂಬದಕುಲಾಯೀನೇರ್ದಾವರ ಬಾಲೆದ ಮರ್ದ್ ಗ್ ಸುಮಾರ್ ಐನ್ ಲಕ್ಷ ಒಟ್ಟು ಮಲ್ಪರೆ ಆವೊಂದು ಇಜ್ಜಿ.
ಈ ಬಡ ಕುಟುಂಬಡ್ ನನೂರ ಸಂತೋಷನ್ ತೂಯರೇ ನಮ ಮಾತಾ ಬೆರಿ ಸಹಾಯ ಕೊರೊಡು ಬಂಧುಲೇ

ನಮ್ಮ ಕೊರಗಜ್ಜ ಸಹಾಯನಿಧಿ ಬೊಕ್ಕ ಕೊರಗಜ್ಜನ ಮಹಿಮೆ ಫೇಸ್ಬುಕ್ ಪೇಜ್ ತಂಡದ ಮುಖೇನ ಬಡ ಕುಟುಂಬಲೆಗ್ ಇಂಚಿನ ಪರಿಸ್ಥಿತಿ ಡ್ ಸಹಾಯ ಮಲ್ತ್ ದ್ ಕುಟುಂಬಡ್ ಎಲ್ಯ ಖುಷಿ ಮೂಡಾದ… ಈ ಮಣ್ಣ್ ದ ಗುಣ ನೇ ಅಂಚಿನವು ನಾನೊರಿಯನ ಕಷ್ಟ . ಅಸಹಾಯಕತೆಲೆಗ್ ಸ್ಪಂದಿಸಾವುನ ಮನಸ್ಥಿತಿ ದ ಮಾನವ ಕುಲ ನಮ್ಮ. ಇತ್ತೆ ನನೂರ ತುರ್ತಾದ್ ಈ ಕುಟುಂಬದ ಸಹಾಯಗ್ ಉಂತೊಡು.

ಪ್ರಕಟನೆ:
ಕೊರಗಜ್ಜ ಸಹಾಯನಿಧಿ

Name : Abhijith Karkera

Account Number : 6324101002278

IFSC Code : CNRB0006324

MICR Code : 574015018

Bank : Canara Bank

Branch : Kaup

Phonepay / GooglePay / Paytm – 9844959490

Send payment screenshot to above number..We will add u to our Sahayanidhi Group.

ಮುಕ್ಕ ಸೀಫುಡ್ ಇಂಡಸ್ಟ್ರೀಸ್ ವಿರುದ್ಧ ಮಲ್ದಿನ ಆರೋಪ ಸರಿಯತ್ತ್ ಪಂಡೆರ್ ಕೈತಲ್ದದ ನಿವಾಸಿಲು

ಸುರತ್ಕಲ್ : ಕರಿನ ಅಜಿಪತ್ತೈನ್ ವರ್ಸೊರ್ದಿಂಚಿ ಕೈತಲ್ದಕ್ಲೆಗ್ ಉದ್ಯೋಗ ಕೊರ್ದು ಮಸ್ತ್ ಕುಟುಂಬೊಲೆಗ್ ಆಧಾರವಾದುಪ್ಪುನ ಮುಕ್ಕ ಸೀಫುಡ್ ಇಂಡಸ್ಟ್ರೀಸ್ ದ ವಿರುದ್ಧ ಕೆಲವೆರ್ ಮಲ್ದಿನ ಆರೋಪ ನಿರಾಧಾರ ಆದುಂಡು. ಅಂಚಾದ್ ಅವೆನ್ ಎಂಕುಲು ಖಂಡಿಸಾವ ಪಂಡ್ ದ್ ಕೈತಲ್ದ ನಿವಾಸಿಲೆನ ಪರವಾದ್ ಮಿತ್ರಪಟ್ಣ ಮೀನುಗಾರೆರ್ನ ಸಹಕಾರ ಸಂಘದ ಅಧ್ಯಕ್ಷೆರ್ ವಸಂತ್ ಸುವರ್ಣ ಪಂಡೆರ್.
ಈ ಕಂಪನಿದ ಫಲಾನುಭವಿಲು ಬೊಕ್ಕ ಸುತ್ತಮುತ್ತ ಉಪ್ಪುನ ನಾಗರಿಕೆರ್ ಆಯಿನ ಎಂಕುಲು ವಾಸ್ತವ ಸ್ಥಿತಿನ್ ಪನೊಂದುಲ್ಲ ಅತ್ತಾಂದೆ ಕಂಪನಿದ ಪರವಾದ್ ಪಾತೆರುನ್ ಅತ್ತ್ ಪಂಡ್ ದ್ ಆರ್ ಸುರತ್ಕಲ್ ಡ್ ಶನಿಯಾರ ನಡತಿನ ಸುದ್ದಿಗೋಷ್ಠಿಡ್ ಪಂಡೆರ್.
ಮೀನ್ದ ಫ್ಯಾಕ್ಟರಿ ಪಂಡ ವಾಸನೆ ಉಪ್ಪುನು ಸಹಜ. ಆಂಡ ದೂರು ಕೊರ್ತಿನಕುಲು ಆರೋಪ ಮಲ್ದಿನಂಚ ಅವು ಆರೋಗ್ಯ ಗು ಅಪಾಯಕಾರಿ ಅತ್ತ್. ಪ್ರತಿ ತಿಂಗೊಲು ಪರಿಸರ ತಜ್ಞೆರ್, ಇಲಾಖೆದ ಅಧಿಕಾರಿಲು ಇಡೆಗ್ ಭೇಟಿ ಕೊರ್ದು ತಪಾಸಣೆ ಮಲ್ಪುವೆರ್ ಪಂಡ್ ದ್ ಮೀನುಗಾರೆರ್ನ ನಾಯಕೆರ್, ಸಮಾಜಸೇವಕೆರ್ ಅನಿಲ್ ಕುಮಾರ್ ಸಸಿಹಿತ್ಲು ಪಂಡೆರ್.
ಮುಕ್ಕ ಸೀಫುಡ್ ಕಂಪನಿದ ಸುಮಾರ್ ೨೦೦ ಕೆಲಸದಕಲ್ನ ಪೈಕಿ ಶೇ.೮೦ ದಾತ್ ಸ್ಥಳೀಯೆರೇ ಉಲ್ಲೆರ್. ಕೈತಲ್ದ ಪೂರ ಮೀನುಗಾರೆರ್ ಕಡಲಡ್ ಪತಿನ ಮೀನ್ ಲೆಡ್ ತಿನರೆ ಆವಂದಿನೆನ್ ಈ ಕಂಪನಿದಕುಲೇ ಮಾರ್ಕೆಟ್ ರೇಟ್ ಡ್ ಖರೀದಿ ಮಲ್ತ್ ದ್ ಮೀನುಗಾರೆರೆಗ್ ಪ್ರೋತ್ಸಾಹ ಕೊರೊಂದುಂಡು. ಕಂಪನಿಗ್ ಸಮಸ್ಯೆ ಆಂಡ ಮಾತಾ ಮೀನುಗಾರೆರ್ಲ ಪ್ರತಿಭಟನೆ ಮಲ್ಪರೆ ಲಾ ತಯಾರುಲ್ಲ ಪಂಡೆರ್ ಹಿರಿಯೆರಾಯಿನ ವಿಠಲ ಶ್ರೀ ಯಾನ್.
ಮುಕ್ಕ ಸೀ ಫುಡ್ ಕಂಪನಿ ಪರಿಸರ ಇಲಾಖೆ ಬೊಕ್ಕ ಜಿಲ್ಲಾಡಳಿತ ದ ನಿಯಮದಂಚೆನೆ ನಿರ್ವಹಣೆ ಮಲ್ತೊಂದುಂಡು. ರಾಷ್ಟ್ರ ಪುರಸ್ಕಾರ ಅಂಚೆನೇ ಬೇತೆ ಪ್ರಶಸ್ತಿಲು ತಿಕ್ ದ್ಂಡ್. ಸಮಾಜ ಸೇವೆ ಗ್ ಮಲ್ಲ ಕೊಡುಗೆ ಕೊರೊಂದುಂಡು. ೬೫ ವರ್ಷ ದಿಂಚಿ ಇತ್ತಿನ ಕಂಪನಿಗ್ ದಾಂತಿನ ಆಕ್ಷೇಪ ಇತ್ತೆ ದಾಯೆ ಬತ್ತ್ಂಡ್. ಇಂಚೊಗು ಸುರತ್ಕಲ್ ಪೊಲೀಸ್ದಕುಲು ಭೇಟಿ ಕೊರ್ದು ತಪಾಸಣೆ ಮಲ್ದೆರ್. ಶಬ್ದ ಮಾಲಿನ್ಯ ಬೊಕ್ಕ ಕಪ್ಪು ಪುಗೆತ್ತ ಬಗ್ಗೆ ತಪ್ಪು ಕಲ್ಪನೆಗ್ ಇಲಾಖೆದ ಮೂಲಕ ಉತ್ತರ ಕೊರ್ತ ಪಂಡೆರ್ ಕಂಪೆನಿದ ಮ್ಯಾನೇಜರ್ ಜಗನ್ನಾಥ್ ಕೋಟ್ಯಾನ್.

ಮೀನ್ ದ ವಾಸನೆನ್ ಶೇ.೯೫ ಭಾಗ ಕಡಿಮೆ ಮಲ್ಪುನ ಬೊಕ್ಕ ಕಪ್ಪು ಪುಗೆನ್ ಪರಿಸರೊಗು ಪೋವಂದಿಲೆಕ್ಕ ತಡೆಪುನ ತಂತ್ರಜ್ಞಾನದ ದ ಇಸಯೊಡು ಇಂಜಿನಿಯರ್ ಕಂಪನಿದ ಸುಮನ್ ಶೆಟ್ಟಿ ತೆರಿಪಾಯೆರ್.
ಸುದ್ದಿಗೋಷ್ಠಿಡ್ ಪ್ರಶಾಂತ್ ಸುವರ್ಣ ಮಿತ್ರಪಟ್ಣ , ವಿನೋದ್ ಸಾಲ್ಯಾನ್ ಸಸಿಹಿತ್ಲು, ಕಿಶೋರ್, ಹೇಮನಾಥ ಸಾಲ್ಯಾನ್, ರೂಪೇಶ್ ಸಾಲ್ಯಾನ್ ಸಸಿಹಿತ್ಲು ಇತ್ತೆರ್.

ಪದವಿನಂಗಡಿ ಜೋಕ್ಲೆನ ಅಪಹರಣ ಆರೋಪಿಲೆನ ಪತ್ತೆ

ಕುಡ್ಲ ವ್ಯಾಪ್ತಿದ ಪದವಿನಂಗಡಿ ಮಹಾಲಸ ದೇವಸ್ಥಾನದ ಕೈತಲ್ ಅಪರಿಚಿತ 3 ಜನ ಆಣುಲು ರಡ್ಡ್ ಚಕ್ರ ದ ಗಾಡಿಡ್ ಬತ್ದ್ ಜೋಕ್ಲೆನ ಮಿತ್ತ್ ಗೋಣಿಚೀಲನ್ ಪಾರ್ದ್ , ಜೋಕ್ಲೆನ್ ಅಪಹರಣ ಮಲ್ಪರೆ ಪ್ರಯತ್ನ ಮಲ್ದೆರ್. ನೆರ್ದ್ ಜೋಕುಲು ತಪ್ಪಾದೆರ್.

ಈ ಬಗ್ಗೆ ಪ್ರಶಾಂತ್ ಕೇಶವ್ ಪನ್ಪಿನರ್ ಕಂಕನಾಡಿ ನಗರ ಪೊಲೀಸ್ ಠಾಣೆಗ್ ಕೊರ್ತಿನ ದೂರುದ ಪ್ರಕಾರ ಠಾಣೆದ ಮೊ.ನಂ 5/2021 ಕಲಂ 363. 511 ಒಟ್ಟುಗು 34 ಭಾ.ದಂ.ಸಂ ದ ಪ್ರಕಾರ ಪ್ರಕರಣ ದಾಖಲಾತುಂಡು ತನಿಖೆ ಲ ಸುರು ಆದಿತ್ತುಂಡು .

ಪ್ರಕರಣದ ತನಿಖಾ ಪೊರ್ತುಡು ಆರೋಪಿಲೆನ ಪತ್ತೆ ಕಾರ್ಯ ನಡಪಾದ್ , ಆರೋಪಿಲಾಯಿನ , ರಕ್ಷಕ್ ಶೆಟ್ಟಿ ಪ್ರಾಯ 22 ವರ್ಷ, ತಂದೆ: ತಾರನಾಥ ಶೆಟ್ಟಿ, ಕಾವೂರು, ಕುಡ್ಲ , ಅಲಿಸ್ಟರ್ ತಾವ್ರೂ ಪ್ರಾಯ 21 ವರ್ಷ ತಂದೆ: ಅಸ್ಟ್ರಿನ್ ತಾವ್ರೋ ಬೊಂದೆಲ್, ಕುಡ್ಲ , ರಾಹುಲ್ ಪ್ರಾಯ 21 ವರ್ಷ, ತಂದೆ : ರಾಬಿನ್ ಸಿನ್ವ ಕ್ವಾಟ್ರಸ್ ಕಾವೂರು,ಕುಡ್ಲ ಪನ್ಪಿನಕ್ಲೆನ್ ವಶಕ್ ದೆತೊಂದು ವಿಚಾರಣೆ ನಡಪಾನಗ ಅಕುಲು ಅಕ್ಲೆನ ತಪ್ಪುನು ಒತ್ತೊಂದೆರ್. ಆರೋಪಿಲೆನ್ ಮಾನ್ಯ ನ್ಯಾಯಾಲಯಗ್ ಹಾಜರುಪಡಿಸಾದ್ ಎಚ್ಚದ ತನಿಖೆ ವಿಚಾರ ಪೋಲೀಸ್ ಕಸ್ಟಡಿಗ್ ದೆತೊನ್ದೆರ್ .

ಆರೋಪಿತೆರ್ ಇತ್ತೆ ಈ ತಿರ್ತ್ ತೆರಿಪಾದಿನ ಪ್ರಕರಣಡ್ ಭಾಗಿಯಾತೆರ್.
1. ರಕ್ಷಕ್ ಶೆಟ್ಟಿ :
ಮಂಗಳೂರು ಪೂರ್ವ ಪೊಲೀಸ್ ಠಾಣೆ ಮೊ.ನಂ 251/2018 ಕಲಂ 4, 47, 504, 323, 506. 149 ಭಾ.ದಂ.ಸಂ.

2. ಅಲಿಸ್ಟರ್ :
ಕಾವೂರು ಪೊಲೀಸ್ ಠಾಣೆ ಮೊ.ನಂ 173/2017 ಕಲಂ 27 ಬಿ. ಎಸ್. ಡಿ. ಪಿ. ಎಸ್ ಕಾಯ್ದೆ

ಕಾವೂರು ಮೊ೨೬ಸ್ ಠಾಣೆ ಮೊ.ನಂ 104/2019 ಕಲಂ 8ಸಿ, 20(೨) (2)(1)(A) ಎನ್.ಡಿ.ಪಿ.ಎಸ್ ಕಾಯ್ದೆ

ಕಾವೂರು ಪೊಲೀಸ್ ಠಾಣೆ ಮೊ.ನಂ 75/2020 ಕಲಂ 27(1) ಎನ್.ಡಿ.ಪಿ.ಎಸ್ ಕಾಯ್ದೆ

3. ರಾಹುಲ್ ಸಿನ್ಹ :

ಕಾವೂರು ಪೋಲೀಸ್ ಠಾಣೆ ಮೊ.ನಲ 105/2020 ಕಾಲಂ 27(ಬಿ ) ಎನ್.ಡಿ.ಪಿ.ಎಸ್ ಕಾಯ್ದೆ

ಈ ಪತ್ತೆ ಕಾರ್ಯನ್ ಕುಡ್ಲ ನಗರ ಪೊಲೀಸ್ ಆಯುಕ್ತರಾಯಿನ ಶ್ರೀ ಎನ್. ಶಶಿಕುಮಾರ್ ಐ.ಪಿ.ಎಸ್ ಮೆರ್ನ ಮಾರ್ಗದರ್ಶನದ ಒಟ್ಟುಗು ಉಪ ಚೋಕಸ್ ಒಟ್ಟುಗು ಶ್ರೀ ಹರಿಲಾಲ ಶಂಕರ್ ಐ.ಪಿ.ಎಸ್ ಮತ್ತು ಶ್ರೀ ವಿನಯ್ ಎ ಗಾವ್ಕಾರ್ ಮೆಕ್ಲೆನ ನಿರ್ದೇಶನಡ್ ಶ್ರೀ ರಂಜಿತ್ ಕುಮಾರ್ ಬಂಡಾರು ಐ.ಪಿ.ಎಸ್ ಸಹಾಯಕ ಪೊಲೀಸ್ ಆಯುಕ್ತೆರ್ನ
ನೇತೃತ್ವಡ್ ಕಂಕನಾಡಿ ನಗರ ಠಾಣಾ ಪೊಲೀಸ್ ನಿರೀಕ್ಷರಾಯಿನ ಶ್ರೀ ಅಶೋಕ್ ಪಿ ಮತ್ತು ಉಪ ನಿರೀಕ್ಷಕರಾಯಿನ ಶ್ರೀ ಕೃಷ್ಣ ಜ. ಶ್ರೀ ಲಘು ನಾಯಕ್ ಮೆರ್ನ ತಂಡ ಪ್ರಕರಣನ್ ನಾಡ್ ಪತ್ತುನಲ್ಪ ಯಶಸ್ವಿಯಾತೆರ್.