ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ನನ ರಡ್ಡ್ ದಿನಟ್ ಎಸೆಸೆಲ್ಸಿ ವೇಳಾಪಟ್ಟಿ

ಕುಡ್ಲ : ಎಸೆಸೆಲ್ಸಿ ಪರೀಕ್ಷೆಗ್ ಸಿದ್ಧತೆ ನಡತುಂಡು , ಅಂತಿಮ ವೇಳಾಪಟ್ಟಿ 2 ದಿನತ ಉಲಯಿ ಪ್ರಕಟ ಆಯರೇ ಉಂಡು ಪಂದ್ ಪ್ರಾಥಮಿಕ ಬೊಕ್ಕ ಪ್ರೌಢ ಶಿಕ್ಷಣ ಸಚಿವ ಎಸ್‌. ಸುರೇಶ್‌ ಕುಮಾರ್‌ ಪಂಡೆರ್.

ಜಿಲ್ಲಾಡಳಿತ, ಜಿ. ಪಂಚಾಯತ್‌ ಬೊಕ್ಕ ಸಾರ್ವಜನಿಕ ಶಿಕ್ಷಣ ಇಲಾಖೆ ವತಿರ್ದ್ ಕುದ್ಮಲ್ ರಂಗರಾವ್‌ ಪುರಭವನಡ್ ಶನಿವಾರ ನಡತಿನ ಪ್ರೌಢಶಾಲಾ ಶಿಕ್ಷಕೆರ್ನೊಟ್ಟಿಗೆ ಸಂವಾದ, 2020ನೇ ಸಾಲ್ ದ ಎಸೆಸಲ್ಸಿ ಡ್ ಜಾಸ್ತಿ ಅಂಕ ಪಡೆಯಿನ ಜೋಕ್ಲೆಗ್ ಪನವುದ ಮಾನದಿಗೆ ಬೊಕ್ಕ ಸರಕಾರಿ ಪ್ರೌಢ ಶಾಲಾ 10ನೇ ತರಗತಿ ಜೋಕ್ಲೆಗ್ ಉಚಿತ ಟ್ಯಾಬ್‌ ವಿತರಣೆ ಲೇಸ್ ಡ್ ಮೇರ್ ಪಾತೆರಿಯೆರ್.

ಸಾಮಾಜಿಕ ಜಾಲತಾಣ ಪ್ರಕೋಷ್ಠ ಜಿಲ್ಲಾ ಮಟ್ಟದ ಕಾರ್ಯಾಗಾರ

ಕುಡ್ಲ , ಫೆ. 28. ಬಿಜೆಪಿ ದಕ್ಷಿಣ ಕನ್ನಡ ಸಾಮಾಜಿಕ ಜಾಲತಾಣ ಪ್ರಕೋಷ್ಠ ಜಿಲ್ಲಾ ಮಟ್ಟದ ಕಾರ್ಯಾಗಾರ ಫೆ.28 ತಾರೀಖ್ ಗ್ ಕುಡ್ಲದ ಶಾರದಾ ವಿದ್ಯಾಲಯಡ್ ಕಾಂಡೆ 9 ಗಂಟೆರ್ದ್ ನಡಪರೆ ಉಂಡು.

ಕಾರ್ಯಗಾರನ್ ಬಿಜೆಪಿ ದ.ಕ ಜಿಲ್ಲಾಧ್ಯಕ್ಷ ಸುದರ್ಶನ ಎಂ ಉದಿಪನ ಮಲ್ಪರೇ ಉಲ್ಲೆರ್ , ಜಿಲ್ಲಾ ಪ್ರಧಾನ ಕಾರ್ಯದರ್ಶಿಲಾಯಿನ ಕಸ್ತೂರಿ ಪಂಜ,ರಾಮದಾಸ್ ಬಂಟ್ವಾಳ್,ಸುಧೀರ್ ಶೆಟ್ಟಿ ಕಣ್ಣೂರು ಪಾಲ್ ಪಡೆಯರೆ ಉಲ್ಲೆರ್ . ಕಾರ್ಯಾಗಾರಡ್ ಸಂಘಟನೆ ಬೊಕ್ಕ ಸಾಮಾಜಿಕ ಜಾಲತಾಣ ವಿಷಯದ ಬಗ್ಗೆ ಜಿಲ್ಲಾ ಸಂಘಟನಾ ಕಾರ್ಯದರ್ಶಿ ಪ್ರಸಾದ್ ಕುಮಾರ್ ಪಾತೆರ್ರೆ ಉಲ್ಲೆರ್ .

ಕರ್ನಾಟಕ ಬಾಲವಿಕಾಸ ಅಕಾಡೆಮಿದ ಗೌರವ ಪ್ರಶಸ್ತಿ ಪ್ರಧಾನ

ಧಾರವಾಡ : ಕರ್ನಾಟಕ ಬಾಲವಿಕಾಸ ಅಕಾಡೆಮಿದ 2017-18, 2018-19ನೇ ಸಾಲ್ ದ ಅಕಾಡೆಮಿ ಗೌರವ ಪ್ರಶಸ್ತಿ, 2017 ಬೊಕ್ಕ 2018ನೇ ಸಾಲ್ ದ ಮಕ್ಕಳ ಚಂದಿರ ಪುಸ್ತಕ ಪ್ರಶಸ್ತಿ ಅಂಚನೇ 2021ನೇ ಸಾಲ್ ದ ಬಾಲಗೌರವ ಪ್ರಶಸ್ತಿ ಪುರಸ್ಕೃತೆರ್ನ ಪುದರ್ ಪ್ರಕಟ ಮಲ್ದೆರ್ , ಪೇಂಟೆದ ಡಾ| ಮಲ್ಲಿಕಾರ್ಜುನ ಮನ್ಸೂರ ಕಲಾಭವನಡ್ ಫೆ.28 ತಾರೀಖ್ ಗ್ ಕಾಂಡೆ 11 ಗಂಟೆಗ್ ಪ್ರಶಸ್ತಿ ಪ್ರದಾನ ನಡಪರೆ ಉಂಡು ಅಕಾಡೆಮಿ ಗುರ್ಲಾಯಿನ ಈರಣ್ಣ ಜಡಿ ಪಂಡೆರ್.

ಗೌರವ ಪ್ರಶಸ್ತಿ ದ ಒಟ್ಟುಗು 25 ಸಾ. ರೂ ಪನವುದ ಇನಾಮು ಜೋಕ್ಲೆನ ಚಂದಿರ ಪುಸ್ತಕ ಪ್ರಶಸ್ತಿ ಒಟ್ಟುಗು ತಲಾ 15 ಸಾರ ರೂ. ಅಂಚನೇ 2021ನೇ ಸಾಲ್ ದ ಬಾಲಗೌರವ ಪ್ರಶಸ್ತಿ ದ ಒಟ್ಟುಗು 10 ಸಾರ ಪನವುದ ಇನಾಮು ಮಾನದಿಗೆ ಮಲ್ಪರೆ ಉಲ್ಲೆರ್.

ಮಂಗಳೂರು ವಿಶ್ವವಿದ್ಯಾನಿಲಯ ಪಿ ಹೆಚ್ ಡಿ ನಿಯಮದ ಪರಿಷ್ಕರಣೆ

ಕುಡ್ಲ , ಫೆ. 27: ಕುಡ್ಲ ವಿಶ್ವವಿದ್ಯಾನಿಲಯದ 2021ನೇ ಸಾಲ್ ಡ್ ಪರಿಷ್ಕೃತ ಪಿಎಚ್ ಡಿ ನಿಯಮಗ್ ಶೈಕ್ಷಣಿಕ ಮಂಡಳಿ ಅನುಮೋದನೆ ಕೊರ್ತುಂಡು.

ಕುಡ್ಲ ವಿಶ್ವ ವಿದ್ಯಾನಿಲಯದ ಕುಲಪತಿ ಪ್ರೊ.ಪಿ.ಎಸ್.ಎಡಪಡಿತ್ತಾಯ ಮೇರ್ನ ಗುರ್ಕಾರ್ಮೆಡ್ ಕುಡ್ಲ ವಿಶ್ವವಿದ್ಯಾಲಯದ ಆಡಳಿತ ಸೌಧ ರಾಣಿ ಅಬ್ಬಕ್ಕ ಸಭಾಂಗಣಡ್ ವಿಶ್ವ ವಿದ್ಯಾಲಯದ ಶೈಕ್ಷಣಿಕ ಮಂಡಳಿದ 2020-21ನೇ ಸಾಲ್ ದ ತ್ರತೀಯ ಸಾಮಾನ್ಯ ಸಭೆ ನಡತುಂಡು.

ಪೊಸ ಪಿಎಚ್ ಡಿ ನಿಯಮಾವಳಿ ಪ್ರಕಾರ 2021 ನೆ ಸಾಲ್ ರ್ದ್ ಮಾತಾ ಖಾಲಿ ಸೀಟ್ ಲೆನ್ ಸುರುತ್ತ ಸಲ ಪೊಸತಾದ್ ಪರಿಗಣಿಸಾಯರೇ ನಿರ್ಧಾರ ಮಲ್ದೆರ್ . ಐನ್ ವರ್ಷದ ಪಿಎಚ್ ಡಿ ಅವಧಿನ್ ಬ್ಲಾಕ್ ಅವಧಿ ಪಂದ್ ಪರಿಗಣಿಸಾಯರೇ ನಿರ್ಧಾರ ಮಲ್ದೆರ್.