Tue. Nov 17th, 2026

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಒಡಿಪುದ ಸಮೃದ್ದಿ ವಿ. ಶೆಟ್ಟಿ ಮೆರೆಗ್ “ಮಿಸ್ ಕ್ವೀನ್ ಆಫ್ ಇಂಡಿಯಾ” ಕಿರೀಟ

ಮಣಪುರಂ ಫೈನಾನ್ಸ್ ಅಟ್ಟನೆ ಮಲ್ತಿನ “ಮಿಸ್ ಕ್ವೀನ್ ಆಫ್ ಇಂಡಿಯಾ” ಪಂತೊಡು ಸಮೃದ್ದಿ ವಿ ಶೆಟ್ಟಿ “ಮಿಸ್ ಕ್ವೀನ್ ಆಫ್ ಇಂಡಿಯಾ” ಕಿರೀಟ ಗೆಂದ್‌ದೆರ್. ಕೇರಳದ ಕೊಚ್ಚಿಡ್ ನಡತಿನ ಪಂತೊಡು ದೇಶದ 30 ರಾಜ್ಯರ್ದ್ ಸ್ಪರ್ಧಿಲು ಪಾಲ್ ಪಡೆದಿತ್ತೆರ್. ಕಡೆತ್ತ ಸುತ್ತುಡು ಒಡಿಪುದ ಸಮೃದ್ದಿ ವಿ ಶೆಟ್ಟಿ “ಮಿಸ್ ಕ್ವೀನ್ ಆಫ್ ಇಂಡಿಯಾ” ಕಿರೀಟ ಗೆಂದ್‌ದೆರ್.

ಸಮೃದ್ದಿ ಒಡಿಪುದಾರ್ ಆಯಿನ ಬಳ್ಳಾರಿಡ್ ಹೋಟೆಲ್ ಉದ್ಯಮಿ ಆದ್ ಇಪ್ಪುನ ವಿಶ್ವನಾಥ್ ಶೆಟ್ಟಿ ಅಂಚನೆ ಮಮತ ಶೆಟ್ಟಿ ಮೆರೆನ ಮಗಲ್ . ಡೇಟಾ ಇಂಜಿನಿಯರ್ ಆದ್ ಬೇಲೆ ಮಲ್ತೊಂದಿಪ್ಪುನ ಸಮೃದ್ದಿ ಬ್ಯೂಟಿ ಪ್ಯಾಜೆಂಟ್ ಆದ್‌ಲ ತನ್ನ ಪ್ಯಾಶನ್‌ನ್ ಮಲ್ತೊಂದುಲ್ಲೆರ್.

ಪಿಚ್ಚರ್‌ಡ್ ಎಂಟ್ರಿ ಕೊರ್ಪಿನ ಬಗೆಟ್ಟ್ ಪಾತೆರಿನ ಸಮೃದ್ದಿ, ಸದ್ಯಗ್ ಪಿಚ್ಚರ್‌ಡ್ ನಟನೆ ಮಲ್ಪುನ ಬಗೆಟ್ ಯೋಚನೆ ಇಜ್ಜಿ. ಎಡ್ಡೆಂತಿನ ಸ್ಕ್ರಿಫ್ಟ್ ಬತ್ತ್ಂಡ ಖಂಡಿತವಾದ್‌ಲ ನಟನೆ ಮಲ್ಪುವೆ. ಯಾನ್ ಬೇಲೆಲ ಮಲ್ತೊಂದುಲ್ಲೆ. ರಡ್ಡೆನ್‌ಲ ಗೇನಡ್ ದೀವೊಂದು ನಿರ್ಧಾರ ದೆತೊನೊಡಾಪುಂಡು ಪಂದ್ ಪಂಡೆರ್. “ಮಾತ ಮಗಲ್ನನೆ ಎಫರ್ಟ್ ನಮ ಅಲೆಗ್ ಸಪೋರ್ಟ್ ಮಲ್ತ್‌ದ. ಮಗಲ್ ಮಲ್ತಿನ ಸಾಧನೆದ ಬಗೆಟ್ ಪೆರ್ಮೆ ಉಂಡು” ಪಂದ್ ಸಮೃದ್ದಿನ ಪೋಷಕೆರ್ ಪಂಡೆರ್.

Samruddhi V Shetty from Udupi gets ” Miss Queen of India” crown

In the Miss Queen of India contest organised by Manipurram Finance Samruddhi V Shetty from Udupi bagged the crown.At the program organised at Cochin in Kerala, contestants from over twenty states from all over India participated.

She is the daughter of enterpreneur Vishwanath Shetty who hails from Udupi with hotel business in Bellary. Her mother is Mamatha Shetty. Samruddhi is a data engineer who is also interested in fashion and modelling.

Replying to a question of her intrest in the film industry she said she would consider if the script suited her.Her parents supported her interests and were proud of her achievements they said.

ಮುಲ್ಕಿ ಬೆದ್ರ ಮಂಡಲದ ಬಿಜೆಪಿ ವಿಜಯ ಸಂಕಲ್ಪ ಅಭಿಯಾನ ಉದಿಪನ

ಮುಲ್ಕಿ: ಬಿಜೆಪಿದ ವಿಜಯ ಸಂಕಲ್ಪ ಅಭಿಯಾನಗ್ ಶಾಸಕೆರ್ ಉಮಾನಾಥ ಕೋಟ್ಯಾನ್ ಮೇರ್ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ದ ಎದುರು ಸನಿಯಾರ ಕಾಂಡೆ ಜಾಗಂಟೆ ಬೊಟ್ಟುದು ಚಾಲನೆ ಕೊರಿಯೆರ್.

ಈ ಪೊರ್ತುಡು ಬಿಜೆಪಿ ಜಿಲ್ಲಾಧ್ಯಕ್ಷೆರ್ ಸುದರ್ಶನ್ ಬೆದ್ರ , ಮುಲ್ಕಿ ನಗರ ಪಂಚಾಯತ್ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ, ಉಪಾಧ್ಯಕ್ಷೆರ್ ಸತೀಶ್ ಅಂಚನ್, ಮುಲ್ಕಿ ಬೆದ್ರ ಮಂಡಲ ಅಧ್ಯಕ್ಷೆರ್ ಸುನಿಲ್ ಆಳ್ವ, ಮನೋಹರ ಕೋಟ್ಯಾನ್, ಭುವನಾಭಿರಾಮ ಉಡುಪ, ಈಶ್ವರ ಕಟೀಲ್ , ಕಸ್ತೂರಿ ಪಂಜ, ಲೀಲಾ ಬಂಜನ್, ವಿನೋದ್ ಸಾಲ್ಯಾನ್ ಬೆಳ್ಳಾಯಿರು, ನರಸಿಂಹ ಪೂಜಾರಿ, ಶೈಲೇಶ್ ಶೆಟ್ಟಿ, ರಮಾನಾಥ್ ಪೈ, ಮಹಿಮ್ ಹೆಗ್ಡೆ, ದಿನೇಶ್ ಶೆಟ್ಟಿ ಪಡುಪಣಂಬೂರು, ಹರಿಪ್ರಸಾದ್ ಕೊಲ್ನಾಡು, ವಿನೋದ್ ಬೊಳ್ಳೂರು, ಕೇಶವ್ , ಉದಯ ಅಮೀನ್ ಮಟ್ಟು, ಮೊಕುಲು ಮಾತ ಇತ್ತೆರ್.

ಬಿಜೆಪಿ ಅಭಿಯಾನದ ಜಾಥಾ ಬಪ್ಪನಾಡ್ ರ್ದ್ ಕಾರ್ನಾಡ್ ಗೇರುಕಟ್ಟೆ ಮುಟ್ಟ ಪೋದು ಸಮಾಪನ ಆಂಡ್.

ಜಮ್ಮು ಕಾಶ್ಮೀರಡ್ ಬಸ್ ಗುಂಡಿಗ್ ಬೂರ್ದು 5 ಜನ ತೀರ್ ಪೋಯೆರ್

ಶ್ರೀನಗರ: ಜಮ್ಮು ಕಾಶ್ಮೀರದ ಕಥುವಾ ಕೈತಲ್ ದ ಪರೋಲೆ ಗ್ರಾಮದ ಬಿಲಾವೆರ್ ಡ್ ಮಿನಿ ಬಸ್ ಒಂಜಿ ಮಲ್ಲ ಗುಂಡಿಗ್ ಬೂರ್ದು 5 ಜನ ತೀರ್ ಪೋಯಿನ ಘಟನೆ ನಡತ್ಂಡ್.

ಬಸ್ ಟ್ ಪ್ರಯಾಣ ಮಲ್ತೊಂದು ಇತ್ತಿನ 15 ಜನಕ್ ಪೆಟ್ಟಾತ್ಂಡ್. ಮೊಕ್ಲೆನ್ ಕೈತಲ್ ದ ಆಸ್ಪತ್ರೆಗ್ ದಾಖಲ್ ಮಲ್ದ್ಂಡ್. ಹಿರಿಯ ಅಧಿಕಾರಿಲು ಘಟನೆದ ಜಾಗೆಗ್ ಬತ್ತ್ ದ್ ಪೆಟ್ಟಾಯಿನಕ್ಲೆಗ್ ಸರಿಯಾಯಿನ ಚಿಕಿತ್ಸೆ ಕೊರೊಡು ಪಂದ್ ಸೂಚನೆ ಕೊರ್ತೆರ್.

ಬ್ರಿಟನ್ ದ ಪ್ರಧಾನಿ ರಿಷಿ ಸುನಾಕ್ ಗ್ ದಂಡ!!

ಸೀಟ್ ಬೆಲ್ಟ್ ಪಾಡಂದಿನೆಕ್ಕ್ ಬ್ರಿಟನ್ ಪ್ರಧಾನಿ ರಿಷಿ ಸುನಾಕ್ ಮೆರೆಗ್ ಆ ದೇಶದ ಪೊಲೀಸೆರ್ 100 ಪೌಂಡ್ ದಂಡ ಪಾಡ್ದೆರ್.

ಮೇರ್ ವಿಡಿಯೋಗಾದ್ ಕೆಲವು ಪೊರ್ತು ಸೀಟ್ ಬೆಲ್ಟ್ ನ್ ದೈದೆರ್. ಅವ್ವತ್ತಂದೆ ಈ ಬಗೆಟ್ ಮೇರ್ ಕ್ಷಮೆಲ ಕೇನ್ ದೆರ್. ಯೋಜನೆಲೆಗ್ ಕಾಸ್ ಕೊರಿಯೆರೆ ಈ ವೀಡಿಯೋನ್ ಶೂಟ್ ಮಲ್ದೆರ್ ಪಂದ್ ಅಧಿಕಾರಿಲು ತೆರಿಪಾದೆರ್.

British police fine the British PM

The British PM Rishi Sunak was fined by the British police for not wearing seat belts .

He was fined 100 pounds for not wearing seat belts while shooting for a promotional video. He has also rendered a public apology in this regard.

ಟ್ವಿಟರ್ ಪಕ್ಕಿದ ನಿಸಾನಿನ್ 8.13 ಕೋಟಿ ರೂ.ಗ್ ವಾರ್

ವಾಷಿಂಗ್ಟನ್: ಟ್ವಿಟರ್ ಸಂಸ್ಥೆದ ಮಾಲಿಕೆ ಎಲಾನ್ ಮಸ್ಕ್ ಸ್ಯಾನ್ ಫ್ರಾನಿಸ್ಕೋಡ್ ಇಪ್ಪುನ ಮುಖ್ಯ ಕಚೇರಿಡ್ ಕೆಲವು ಸೊತ್ತುಲೆನ್ ಆನ್ ಲೈನ್ ಮುಖೇನ ವಾರ್ ಲೆಪ್ಪುನಗ ಟ್ವಿಟರ್ ಪಕ್ಕಿದ ನಿಸಾನಿನ್ ಲ ಮಲ್ದೆರ್.

ಈ ಪಕ್ಕಿ 8.13 ಕೋಟಿ ರೂಪಾಯಿಗ್ ಮಾರಾಟ ಆತ್ಂಡ್.ಅತ್ತಂದೆ ಮೇರ್ ವಾರ್ ಲೆಪ್ಪುನಗ ಪೀಠೋಪಕರಣಲೆನ್, ಅಲಂಕಾರಿಕ ಸೊತ್ತುಲೆನ್ ಲ ಮಲ್ದೆರ್.

Twitter Bird logo statue fetches 8.13 crores in an online auction.

Washington: Elon Musk CEO of Twitter put up some some articles on on online bid including the bird logo statue of Twitter.

The bird logo statue fetched 8.13 crore rupees.He had put up some other articles of its HQ office at San Francisco for auction including furniture, decorative items and equipment.

ಬಂಗಾರ್‌ದ ಬಿಲೆ 57000 ರೂಪಾಯಿ!!

ಕೋಡೆ ಒಂತೆ ಕಮ್ಮಿ ಆಯಿನ ಬಂಗಾರ್ ಅಂಚನೆ ಬೊಲ್ಲಿದ ಬಿಲೆ ಇನಿ ಭಾರೀ ಎಚ್ಚ ಆತ್ಂಡ್. ಕರ್ನಾಟಕಡ್ 24 ಕ್ಯಾರೆಟ್ 10 ಗ್ರಾಂ ಬಂಗಾರ್‌ದ ಬಿಲೆ 380 ರೂ ಜಾಸ್ತಿಯಾದ್ 57,160 ರೂ. (ಕೋಡೆ 56,780) ಆತ್ಂಡ್.

ಅಂಚನೆ 22 ಕ್ಯಾರೆಟ್ 10 ಗ್ರಾಂ ಬಂಗಾರ್‌ದ ಬಿಲೆ 350 ರೂ ಎಚ್ಚ ಆದ್ 52,400 ರೂ ಆತ್ಂಡ್. ಬೊಲ್ಲಿದ ಬಿಲೆಟ್ಟ್‌ಲ 1000 ರೂ ಜಾಸ್ತಿ ಆದಿತ್ತ್‌ದ್, ಬೆಂಗ್ಲೂರುಡು ಒಂಜಿ ಕೆಜಿ ಬೊಲ್ಲಿದ ಬಿಲೆ ರೂ 74,500 (ಕೋಡೆ 73,500) ಆತ್ಂಡ್.

Gold prices reach a high of over 57,000/10grams

The gold and silver rates are increasing by the day The price of ten grams of 24 carat gold today is 57,160 rupees.

The rate of 22 carat gold per ten grams is 52,400 rupees. The price of silver per kg is 74,500 rupees.

ಎಲ್ಲೆ “ಕುಡ್ಲ ಕಂಬುಲ”

ಕುಡ್ಲ ಕಂಬಳ ಸಮಿತಿ ಮುತಾಲಿಕೆಡ್ ಬಂಗ್ರ ಕೂಳೂರ್‌ದ ಗೋಲ್ಡ್ ಪಿಂಚ್ ಸಿಟಿ ಮೈದಾನದ ರಾಮ ಲಕ್ಷ್ಮಣ ಜೋಡುಕರೆಟ್ಟ್ ಜ.22 ಕ್ಕ್ 6ನೇ ವರ್ಷದ “ಕುಡ್ಲ ಕಂಬುಲ” ನಡಪರೆ ಉಂಡು ಪಂದ್ ಸಮಿತಿದ ಅಧ್ಯಕ್ಷೆರ್ ಕ್ಯಾಪ್ಟನ್ ಬೃಜೇಶ್ ಚೌಟ ತೆರಿಪಾಯೆರ್.

ಪತ್ರಿಕಾಗೋಷ್ಠಿಡ್ ಸುಕ್ರಾರ ಮಾಹಿತಿ ಕೊರಿನ ಆರ್, ಎಂಆರ್‌ಜಿ ಗ್ರೂಪ್‌ದ ಸಿಎಂಡಿ ಕೆ. ಪ್ರಕಾಶ್ ಶೆಟ್ಟಿ ಮೆರೆನ ಗೌರವ ಅಧ್ಯಕ್ಷತೆಡ್ ಕಂಬುಲ ಐತಾರ ಕಾಂಡೆ 8.15 ಕ್ಕ್ ಉದಿಪನ ಆಯರೆ ಉಂಡು ಪಂದ್ ಪಂಡೆರ್.

150 ರ್ದ್‌ಲ ಎಚ್ಚದ ಇನಾಮು ಪಡೆತಿನ ಚೆನ್ನ ಅಂಚನೆ ಬೊಳ್ಳೆ ಪನ್ಪಿನ ಪುದರ್‌ದ ಎರುಕುಲು ಈ ಕಂಬುಲದ ವಿಶೇಷ ಆಕರ್ಷಣೆಯಾದ್ ಪಾಲ್ ಪಡೆಯರೆ ಉಂಡು.

ಜೋಕ್ಲೆಗಾದ್ ಮೂಜಿ ವಿಭಾಗಡ್ “ಕಲರ್ ಕೂಟ” ಪನ್ಪಿನ ಚಿತ್ರಕಲೆ ಪಂತೊ, ರೀಲ್ಸ್ ಅಂಚನೆ ಫೋಟೋಗ್ರಾಫಿ ಪಂತೊ ಅಟ್ಟನೆ ಮಲ್ತ್‌ದೆರ್. ಬಯ್ಯ 6.30 ಗ್ ಸಭೆ ನಡಪರೆ ಇತ್ತ್‌ದ್, ಪಿಚ್ಚರ್‌ದ ನಟೆ ಅಭಿಷೇಕ್ ಅಂಬರೀಶ್, ನಿರ್ದೇಶಕೆರ್ ನಟೆ ರಾಜ್ ಬಿ ಶೆಟ್ಟಿ, ಬಿಗ್ ಬಾಸ್‌ಡ್ ಗೆಂದಿನ ರೂಪೇಶ್ ಶೆಟ್ಟಿ ಸೇರಿನಂಚನೆ ಮಸ್ತ್ ಬಿನ್ನೆರ್ ಲೇಸ್‌ಡ್ ಪಾಲ್ ಪಡೆಯರೆ ಉಲ್ಲೆರ್.ಜ. 23 ಕ್ಕ್ ಕಾಂಡೆ ಇನಾಮು ಕೊರ್ಪಿನ ಲೇಸ್ ನಡಪರೆ ಉಂಡು.

ಪತ್ರಿಕಾಗೋಷ್ಠಿಡ್ ಪಿ.ಆರ್.ಶೆಟ್ಟಿ ಕುಳೂರು, ಸುಧಾಕರ ಶೆಟ್ಟಿ, ವಿಜಯ ಕುಮಾರ್ ಕಂಗಿನಮನೆ, ಸಂಜಯ್ ಪ್ರಭು, ಈಶ್ವರ ಪ್ರಸಾದ್ ಶೆಟ್ಟಿ, ಸಾಂತ್ಯಗುತ್ತು ಸಚಿನ್ ಶೆಟ್ಟಿ ಇತ್ತೆರ್.

ಶಾಲೆ, ಕಾಲೇಜಿದ ಪೊಣ್ಣುಲೆಗ್ ಪಿದಯಿದ ವಾರದ ರಜೆ ಘೋಷಣೆ ಮಲ್ತಿನ ಕೇರಳ ಸರ್ಕಾರ

ತಿರುವನಂತಪುರ: ಶಾಲೆ, ಕಾಲೇಜಿದ ಪೊಣ್ಣು ಜೋಕುಲೆಗ್ ಪಿದಯಿ ಆಪಿನ ದಿನತ್ತ ರಜೆನ್ ಕೇರಳ ಸರ್ಕಾರ ಘೋಷಣೆ ಮಲ್ದ್ಂಡ್. ಅಂಚೆನೆ 18 ವರ್ಷ ಕರಿನ ಕಲ್ಪಾರ್ಥಿಲೆಗ್ 60 ದಿನತ್ತ ಪೆದ್ದುನ ರಜೆನ್ಲ ಸರ್ಕಾರ ಘೋಷಣೆ ಮಲ್ತ್‌ದ್ಂಡ್ ಪಂದ್ ಉನ್ನತ ಶಿಕ್ಷಣ ಸಚಿವೆರ್ ಆರ್. ಬಿಂದು ತೆರಿಪಾಯೆರ್.


18 ವರ್ಷ ಕರಿನ ಕಲ್ಪಾರ್ಥಿಲೆಗ್ ಪೆದ್ದುನ ರಜೆ ಕೊರಿಯರೆ ಉಲ್ಲೆರ್. ಅಕಲೆಗ್ ಶಾಲೆಡ್ ಶೇ.73 ದಾತ್ ಹಾಜರಿ ಇತ್ತ್ಂಡ ಯಾರು ಅಕುಲು ಪರೀಕ್ಷೆ ಬರೆಯೊಲಿ. ಅಂಚನೆ ಮಾಸಿಕ ಋತುಚಕ್ರದ ರಜೆಟ್ಟ್‌ಲ ಉಂದುವೇ ನಿಯಮ ಉಂಡು. ಉಂದೆರ್ದ್ ದುಂಬು ಜೋಕುಲೆಗ್ ಶೇ 75 ದಾತ್ ರಜೆ ಇತ್ತ್ಂಡ್. ಇತ್ತೆ ಅವೆನ್ ಶೇ. 73 ಕ್ಕ್ ಮಲ್ತ್‌ದೆರ್ ಪಂದ್ ಆರ್ ಪಂಡೆರ್.

Girls in schools and colleges to get leave during their monthly periods- Announcement by Kerala government

Thiruvananthapuram: The Kerala government has decided to grant leave to girls studying in schools and colleges during their monthly periods.

The education minister of Kerala R Bindu has also announced 60 days leave to lady students above 18 years of age maternity leave.

They can appear for exams with 73% attendance.With leave during monthly periods,the students can appear for exams with 73% attendance. 75% compulsory attendance was the norm till now.

ಕಾಂಗೋಡ್ ದೋಣಿ ಮುರ್ಕುದು 145 ಜನ ತೀರ್ ಪೋಯೆರ್

ರಿಪಬ್ಲಿಕ್ ಆಫ್ ಕಾಂಗೋದ ಲುಲೋಂಗಾ ತುದೆಟ್ 200 ಜನ ಪ್ರಯಾಣಿಕೆರ್ ಇತ್ತಿನ ಮೋಟಾರ್ ಬೋಟ್ ಮುರ್ಕುದುಂಡು.

ಈ ಘಟನೆಡ್ 145 ಜನ ತೀರ್ ಪೋಯೆರ್ ಪಂದ್ ಅಧಿಕಾರಿಲು ತೆರಿಪಾದೆರ್. 55 ಜನ ಬದುಕ್ ದೆರ್ ಪಂದ್ ತೆರಿದ್ ಬೈದ್ಂಡ್.

ಜಗತ್ತ್ ಡೇ ಮಲ್ಲ ಕಪ್ಪೆ ಆಸ್ಟ್ರೇಲಿಯಾಡ್ ಪತ್ತೆ

ಆಸ್ಟ್ರೇಲಿಯಾದ ಕಾನ್ವೇ ರಾಷ್ಟ್ರೀಯ ಉದ್ಯಾನಡ್ ವಿಶ್ವದ ಮಲ್ಲ ಕಪ್ಪೆ ಪತ್ತೆ ಆತ್ಂಡ್.

ಈ ಕಪ್ಪೆ ಕೇನ್ ಟೋಡ್ ಜಾತಿಗ್ ಸೇರ್ದ್ ದ್ಂಡ್. ನೆತ್ತ ತೂಕ 2.7 ಕೆಜಿ. ಉಂದು ಮಸ್ತ್ ಗಾತ್ರ ಇಪ್ಪುನ ಕಾರಣ ಮಾನ್ಸ್ಟರ್ ಕೇನ್ ಟೋಡ್ ಪಂದ್ ಲೆಪ್ಪುವೆರ್. ಈ ಕಪ್ಪೆ ಪರಿಸರಗ್ ಹಾನಿಕಾರಕ ಪಂದ್ ಪನ್ಪೆರ್. ಇಂಚಾದ್ ರೇಂಜರ್ ನಕುಲು ಅವೆನ್ ಕೆರ್ಪೆರ್. ನೇರ್ದ್ ಪಿರವು ಗಿನ್ನೆಸ್‌ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್ ಡ್ ದಾಖಲಾಯಿನ ಕಪ್ಪೆದ ತೂಕ 1.65 ಕೆಜಿ‌. ನೆನ್ 1997 ಟ್ ಪತ್ತೆ ಮಲ್ದೆರ್.

You Missed