ಪ್ರಧಾನಿ ನರೇಂದ್ರ ಮೋದಿ ಪ್ರಧಾನಿ ಆದ್ 9 ವರ್ಷ ಆತ್ಂಡ್. ಈ ದೀರ್ಘಾವಧಿಡ್ ಮೇರ್ ಒಂಜಿ ರಜೆಲ ಪಾರ್ದಿಜೆರ್ ಪಂದ್ ಮಾಹಿತಿ ಹಕ್ಕು ಕಾಯ್ದೆದ ಅಡಿಟ್ ಕೇನ್ನ ಪ್ರಶ್ನೆಗ್ ಪ್ರಧಾನಮಂತ್ರಿ ಕಚೇರಿ ಈ ಉತ್ತರನ್ ಕೊರ್ತುಂಡು.
ಆರ್ ಟಿಐ ಡ್ ಕೇನ್ನ ಪ್ರಶ್ನೆಗ್ ಪ್ರಧಾಮಮಂತ್ರಿ ಕಚೇರಿ 2018 ಮೇ ತಿಂಗೊಲುಡು ನರೇಂದ್ರ ಮೋದಿ ಪ್ರಧಾನಿಯಾದ್ ಪ್ರಮಾಣ
ವಚನ ಸ್ವೀಕಾರ ಮಲ್ತಿನ ಬೊಕ್ಕ ಇಡೆ ಮುಟ 3,000 ಲೇಸ್ ಡ್ ಪಾಲ್ ಪಡೆದ್ ಇತ್ತೆರ್ ಪಂದ್ ಉಲ್ಲೇಖ ಮಲ್ತ್ ದೆರ್.
ಬೋಲ್ತೆರ್: ಕರ್ನಾಟಕ ಸರಕಾರ, ಶಾಲಾ ಶಿಕ್ಷಣ ಬೊಕ್ಕ ಸಾಕ್ಷರತಾ ಇಲಾಖೆ, ಶಿಕ್ಷಣಾಧಿಕಾರಿ ಕಚೇರಿ ಬೋಲ್ತೆರ್ ಬೊಕ್ಕ ಸ.ಉ.ಪ್ರಾ.ಶಾಲೆ ಮಾಲಾಡಿ ನೆತ್ತ ಒಟ್ಟು ಸೇರಿಗೆಡ್ ಗುರುವಾಯನಕೆರೆ ಬೊಕ್ಕ ಪುಂಜಾಲಕಟ್ಟೆ ವಲಯ ಮಟ್ಟದ ಪ್ರಾಥಮಿಕ ಶಾಲಾ ಆಂಜೊಕುಲ್ ಬೊಕ್ಕ ಪೊಂಜೊಕುಲ್ ನ ಕಬಡ್ಡಿ ಪಂದ್ಯಾಟ ಸೆ.4 ಸೋಮವಾರ ದಾನಿ ನಡತ್ಂಡ್.
ಈ ಗೊಬ್ಬುಡು ಮನ್ ಶರ್ ವಿದ್ಯಾಸಂಸ್ಥೆ ಗೇರುಕಟ್ಟೆದ ಪ್ರಾಥಮಿಕ ಆಂಗ್ಲ ಮಾಧ್ಯಮ ಶಾಲೆದ ಆಂಜೊಕುಲ್ ನ ತಂಡ ಸುರುತ ಇನಾಮು ಪಡೆತೆರ್. ಗೊಬ್ಬುಡು ನಿಹಾಲ್ ಬೆಸ್ಟ್ ಕ್ಯಾಚರ್ ಆದ್, ಶಾಹಿಲ್ ಬೆಸ್ಟ್ ಆಲ್ ರೌಂಡರ್ ಇನಾಮು ಗೆಂದಿಯೆರ್.
ಸೌಜನ್ಯ ಕೇಸ್ ದ ಪಿರ ತನಿಖೆಗ್ ರಾಜ್ಯ ಸರಕಾರಗ್ ಒತ್ತಾಯ ಮಲ್ಪರೆ ನೆರ್ದ್ ದುಂಬು ತುಳುನಾಡ್ ದ ಶಾಸಕೆರೆನ ಗುಂಪು ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಮೆರೆನ ಮುತಾಲಿಕೆಡ್ ರಾಜ್ಯಪಾಲೆರೆನ್ ಭೇಟಿ ಮಲ್ತ್ ದ್ ಇತ್ತ್ಂಡ್. ಬೊಕ್ಕ ತುಳುನಾಡ್ ದ ಶಾಸಕೆರ್ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೆರೆನ್ ಭೇಟಿ ಆತೆರ್. ಅಪಗ ಮೇರ್ ಸೌಜನ್ಯ ಕೇಸ್ ನ್ (Soujanya murder case) ತನಿಖೆ ನಡಪಾವೊಡು ಪಂದ್ ಬಿನ್ನಾಪು ಪತ್ರ ಸಂದಾದ್ ರಾಜ್ಯ ಸರ್ಕಾರಗ್ ಒತ್ತಾಯ ಮಲ್ದ್ಂಡ್.
ಈ ಪೊರ್ತುಡು ಸಿಎಂ ಸಿದ್ದರಾಮಯ್ಯ ಪಾತೆರ್ದ್, ಕೇಸ್ ನ್ ಪಿರ ತನಿಖೆ ಮಲ್ಪರೆ ಕಾನೂನುಡ್ ಅವಕಾಶ ಇಜ್ಜಿ. ಈ ವಿಷಯನ್ ಸೌಜನ್ಯನ ಪೋಷಕೆರೆಗ್ ಯಾನ್ ತೆರಿಪಾದೆ. ಈ ಬಗೆಟ್ಟ್ ಇತ್ತೆನೆ ಕಾನೂನು ಸಲಹೆನ್ ಯಾನ್ ಪಡೆತೆ. ಸೌಜನ್ಯನ ಪೋಷಕೆರ್ ಮೇಲ್ಮನವಿ ಸಂದಾವೊಲಿ. ಅತ್ತಂಡ ಕೇಂದ್ರಿಯ ತನಿಖಾ ಸಂಸ್ಥೆ ಸಿಬಿಐಗ್ ಮೇಲ್ಮನವಿ ಸಂದಾಯೆರೆ ಅವಕಾಶ ಇಪ್ಪುಂಡು ಪಂದ್ ಮುಖ್ಯಮಂತ್ರಿ ಸಿದ್ಧರಾಮಯ್ಯ ಮೇರ್ ತೆರಿಪಾದೆರ್ ಪಂದ್ ನಿಯೋಗಡ್ ಇತ್ತಿನ ಬಿಜೆಪಿ ಶಾಸಕೆರ್ ಸೋಷಿಯಲ್ ಮೀಡಿಯಾಡ್ ಪೋಸ್ಟ್ ಪಾಡ್ದೆರ್.
ಬೊಲ್ತೇರ್ ಡ್ ಆ.27 ಕ್ಕ್ ತುಳುನಾಡ್ ದ ಬಿಜೆಪಿ ಶಾಸಕೆರ್ ಸೌಜನ್ಯನ ನ್ಯಾಯಗ್ ಒತ್ತಾಯ ಮಲ್ತ್ ದ್ ಪ್ರತಿಭಟನೆ ಸಭೆ ನಡಪಾದೆರ್. ಆ ಸಭೆಟ್ಟ್ ಮುಖ್ಯಮಂತ್ರಿಲೆನಡೆ ಪೋದು ಕುಡ ತನಿಖೆಗ್ ಒತ್ತಾಯ ಮಲ್ಪುವ ಪಂದ್ ಆಗ್ರಹ ಮಲ್ತ್ ದ್ ಇತ್ತೆರ್.
ಕುಡ್ಲ: ಪೇಂಟೆದ ಪೊಸ ಪೊಲೀಸ್ ಆಯುಕ್ತೆರಾದ್ ಐಪಿಎಸ್ ಅಧಿಕಾರಿ ಅನುಪಮ್ ಅಗರ್ವಾಲ್ ಮೇರ್ ನೇಮಕ ಆತೆರ್.
ರಾಜ್ಯ ಸರ್ಕಾರ ಹಾಲಿ ಕುಡ್ಲ ಪೊಲೀಸ್ ಕಮೀಷನರಾದಿಪ್ಪುನ ಕುಲದೀಪ್ ಕುಮಾರ್ ಆರ್ ಜೈನ್ ಮೇರ್ ಸೇರಿನಂಚೆನೆ 35 ಐಪಿಎಸ್ ಅಧಿಕಾರಿಲೆನ್ ವರ್ಗಾವಣೆ ಮಲ್ದ್ಂಡ್.
ಪೊಸ ಆಯುಕ್ತೆರಾಯಿನ ಅನುಪಮ್ ಅಗರ್ವಾಲ್ 2008-ಬ್ಯಾಚ್ IPS ಅಧಿಕಾರಿ ಆದಿತ್ತೆರ್. ಮೇರ್ ಮೂಲತಃ ರಾಜಸ್ಥಾನದ ಜೋಧ್‌ಪುರದಾರ್. ನೆರ್ದ್ ದುಂಬು ಕರ್ನಾಟಕ ಪೊಲೀಸ್ ಅಕಾಡೆಮಿದ ನಿರ್ದೇಶಕೆರಾದ್ ಸೇವೆ ಸಂದಾದೆರ್. ದಾವಣಗೆರೆಟ್ಟ್ ಸಹಾಯಕ ಪೊಲೀಸ್ ವರಿಷ್ಠಾಧಿಕಾರಿಯಾದ್, ಬೆಳಗಾವಿಡ್ ಉಪ ಪೊಲೀಸ್ ಆಯುಕ್ತೆರಾದ್, ರಾಮನಗರ ಬೊಕ್ಕ ವಿಜಯಪುರಟ್ಟ್ ಪೊಲೀಸ್ ವರಿಷ್ಠಾಧಿಕಾರಿಯಾದ್ ಬೊಕ್ಕ ಯುವ ಸಬಲೀಕರಣ, ಕ್ರೀಡಾ ಇಲಾಖೆದ ನಿರ್ದೇಶಕೆರಾದ್ ಸೇವೆ ಸಂದಾದೆರ್.
ಮಸ್ಕತ್ ದ ಪ್ರವೀಣ್ ಶೆಟ್ಟಿ ಪಿಲಾರ್ ಮೇಗಿನ ಮನೆ ಮೆರೆನ ಪನವುದ ಸಕಾಯದ ಮುಕೇನ ಸುಮಾರ್ 75 ಸಾರ ರೂ. ಕರ್ಚಿಡ್ ಸಾಯಿ ಪರಿವಾರ್ ಗುರುತಿಸಾಯಿನ 100 ಅರ್ಹ ಕುಟುಂಬಗ್ ತೊಕ್ಕೊಟ್ಟು ಶ್ರೀ ಸಾಯಿ ಪರಿವಾರ್ ಟ್ರಸ್ಟ್ (ರಿ) ದ ಮುತಾಲಿಕೆಡ್ ಶ್ರೀ ಸಾಯಿ ದಾನ ಅಷ್ಟಮಿ ಆಹಾರ ಕಿಟ್ ಪಟ್ಟುನ ಲೇಸ್ ಗಟ್ಟಿ ಸಮಾಜ ಭವನಡ್ ನಡತ್ಂಡ್.
ಸಾಯಿ ಪರಿವಾರ್ ದ ಮಾರ್ಗದರ್ಶಕೆರ್ ಪ್ರವೀಣ್ ಶೆಟ್ಟಿ ಪಿಲಾರ್ ಮೇಗಿನ ಮನೆ, ಉಳ್ಳಾಲ ಆರಕ್ಷಕ ಠಾಣೆದ ಠಾಣಾಧಿಕಾರಿ ಸಂತೋಷ್, ಬಿಜೆಪಿ ಕುಡ್ಲ ಕ್ಷೇತ್ರಾಧ್ಯಕ್ಷೆರ್ ಚಂದ್ರಹಾಸ್ ಪಂಡಿತ್ ಹೌಸ್, ಚೀರುಂಭ ಭಗವತಿ ಕ್ಷೇತ್ರದ ಪ್ರಧಾನ ಅರ್ಚಕೆರ್ ಮಂಜಪ್ಪ ಕಾರ್ನವರ್, ಶಂಭೂರು ಶಿರಡಿ ಸಾಯಿ ಮಂದಿರದ ಸೂರಜ್ ಮೊಕುಲು ಈ ಸೇವಾ ಕಾರ್ಯಗ್ ಎಡ್ಡೆಪ್ಪು ಬಯಕಿಯೆರ್.
ಈ ಪೊರ್ತುಡು ಸಾಯಿ ಪರಿವಾರ್ ಟ್ರಸ್ಟ್ ದ ಗಣೇಶ್ ಅಂಚನ್, ಗೀತೇಶ್ ಕುತ್ತಾರ್, ಪುರುಷೋತ್ತಮ ಕಲ್ಲಾಪು, ಧೀರಜ್ ಗಟ್ಟಿ ಕೊಲ್ಯ, ರಾಜೇಶ್ ಕಾಪಿಕಾಡ್, ಮಟನ್ ರಾಜಾ, ಪ್ರವೀಣ್ ಎಸ್ ಕುಂಪಲ, ಸಂಪತ್ ಪಿಲಾರ್, ಅಶೋಕ್ ಉಚ್ಚಿಲ್, ಮಾಧವ ಉಳ್ಳಾಲ್, ಹಿತೇಶ್ ಉಳ್ಳಾಲಬೈಲ್, ರಘುನಾಥ್ ಕುಲಾಲ್, ಪ್ರವೀಣ್ ಮೆಸ್ಕಾಂ, ಶವಿತ್ ಉಚ್ಚಿಲ್, ಶೈಲೇಶ್ ಸೇವಂತಿಗುಡ್ಡೆ, ಶಿವರಾಮ ಗಟ್ಟಿ ಎಕ್ಕೂರು, ರತ್ನಕಾರ ಉಳ್ಳಾಲ್, ಗಣೇಶ್ ಪಂಡಿತ್, ಸಂತೋಷ್ ಅಂಬ್ಲಮೊಗರು, ಹರ್ಷರಾಜ್ ಕುಂಪಲ, ತಾರಾನಾಥ್ ತೊಕ್ಕೊಟ್ಟು, ಉಮೇಶ್ ಕುತ್ತಾರ್, ಚರಣ್ ಕುಂಪಲ, ಪ್ರವೀಣ್ ಕೊಲ್ಯ ಪಾಲ್ ಪಡೆದಿತ್ತೆರ್. ಕೃಷ್ಣ ಪೊನ್ನತ್ತೋಡು ಸೊಲ್ಮೆ ಸಂದಾಯೆರ್.
ಮೈಸೂರ್: ಹೆಚ್.ಡಿ.ಕೋಟೆ ತಾಲೂಕ್ ದ ಸಿದ್ಧಾಪುರದ ಕಲ್ಲಹಟ್ಟಿಡ್ ಪಿಲಿತ್ತ ದಾಳಿಗ್ 7 ವರ್ಷೊದ ಆನ್ ತೀರ್ ಪೋಯಿನ ಘಟನೆ ನಡತ್ಂಡ್.
ಕಲ್ಲಹಟ್ಟಿ ಗ್ರಾಮದ ಚರಣ್ (7) ತೀರ್ ಪೋಯಿನ ಆನ್. ಚರಣ್ ತನ್ನ ಪೋಷಕೆರೆನೊಟ್ಟಿಗೆ ಜಮೀನ್ ಗ್ ಪೋಯಿನ ಪೊರ್ತುಡು ಮರತ್ತ ಅಡಿಟ್ಟ್ ಕುಲ್ಲುದು ಇತ್ತೆ. ಈ ಪೊರ್ತುಡು ಪಿಲಿ ದಾಳಿ ಮಲ್ದ್ಂಡ್ ಪಂದ್ ತೆರಿದ್ ಬೈದ್ಂಡ್. ಆಂಡ ಈ ರೀತಿದ ಘಟನೆ ನಡತ್ತ್ಂಡಲ ಅರಣ್ಯ ಇಲಾಖೆದ ಸಿಬ್ಬಂದಿ ಜಾಗೆಗ್ ಬೈಜೆರ್ ಪಂದ್ ಗ್ರಾಮಸ್ಥೆರ್ ಬೆಚ್ಚ ಆತೆರ್.
ಕುಡ್ಲ: ಕಟೀಲೇಶ್ವರಿ ಫೈನಾನ್ಸ್ ದ ಧಣಿ, ಪಾಂಡೇಶ್ವರ ನಿವಾಸಿ ದೇವುದಾಸ್ ಇನಿ ಬೊಲ್ಪುಗು ಹಾರ್ಟ್ ಅಟ್ಯಾಕ್ ಡ್ ದೇವೆರೆ ಪಾದ ಸೇರಿಯೆರ್.
ಮೇರ್ ನಿರ್ಮಾಪಕೆರಾದಿತ್ತಿನ “ರಂಗ್” ತುಳು ಪಿಚ್ಚರ್ ಯಶಸ್ವಿ ಪ್ರದರ್ಶನ ಆದಿತ್ತ್ಂಡ್. ಕದ್ರಿ ದೇವಳ್ಯದ ಆಡಳಿತ ಸಮಿತಿದ ಸದಸ್ಯೆರಾದ್, ಸಮಾಜ ಸೇವಕೆರಾದ್, ಸಂಘ ಸಂಸ್ಥೆಡ್ ಸಕ್ರಿಯವಾದ್ ಸೇವೆ ಸಲ್ಲಿಸಾವೊಂದು ಇತ್ತೆರ್.
ಬೋಲ್ತೆರ್: 2023 ನೇ ಸಾಲ್ ದ ದ.ಕ ಜಿಲ್ಲಾ ಮಟ್ಟದ ಉತ್ತಮ ಶಿಕ್ಷಕ ಪ್ರಶಸ್ತಿಗ್ ಬೋಲ್ತೆರ್ ದ ಮೂಜಿ ಜನ ಶಿಕ್ಷಕೆರ್ ಆಯ್ಕೆಯಾತೆರ್.
ಪ್ರೌಢಶಾಲಾ ವಿಭಾಗಡ್ ಬೆಳಾಲು ಶ್ರೀ ಧ.ಮ.ಪ್ರೌಢ ಶಾಲೆದ ಮುಖ್ಯ ಶಿಕ್ಷಕೆರ್, ಸಾಹಿತಿ ರಾಮಕೃಷ್ಣ ಭಟ್ ಹಿರಿಯ ಪ್ರಾಥಮಿಕ ಶಾಲಾ ವಿಭಾಗದ ಸರಕಾರಿ ಉನ್ನತೀಕರಿಸಿದ ಹಿರಿಯ ಪ್ರಾಥಮಿಕ ಶಾಲೆ ಬಂದಾರ್ ದ ದೈಹಿಕ ಶಿಕ್ಷಣ ಶಿಕ್ಷಕ ಪ್ರಶಾಂತ್ ಸುವರ್ಣ, ಕಿರಿಯ ಪ್ರಾಥಮಿಕ ಶಾಲಾ ವಿಭಾಗಡ್ ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆ ಮುಂಡೂರುದ ಮುಖ್ಯ ಶಿಕ್ಷಕೆರ್ ಕಲ್ಲೇಶಪ್ಪ ಬಿ ಆಯ್ಕೆ ಆತೆರ್.
ಕುಡ್ಲ : ದ.ಕ.ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪಡೆದಿನ ಸಮಾಜ ಸೇವಾ ಸಂಸ್ಥೆ ಕದ್ರಿ ಕ್ರಿಕೆಟರ್ಸ್ (ರಿ) ಮುತಾಲಿಕೆಡ್ ಸೆ.7 ತಾರೀಕ್ ಗ್ ರಾತ್ರೆ 7 ಗಂಟೆಗ್ ಕದ್ರಿ ಮೈದಾನಡ್ ಮೊಸರು ಕುಡಿಕೆ ಉಚ್ಚಯದ ಅಂಗವಾದ್ 14 ನೇ ವರ್ಷದ ಕದ್ರಿ ಸ್ಟಾರ್ ನೈಟ್ ಸಂಗೀತ ರಸ ಸಂಜೆ ಕಾರ್ಯಕ್ರಮ ನಡಪರೆ ಉಂಡು ಪಂದ್ ಸಂಸ್ಥೆದ ಅಧ್ಯಕ್ಷೆರ್ ಕದ್ರಿ ಮನೋಹರ ಶೆಟ್ರ್ ತೆರಿಪಾಯೆರ್.
ಸೋಮಾರ ಪತ್ರಿಕಾಗೋಷ್ಠಿಡ್ ಪಾತೆರ್ನ ಆರ್, ಈ ಸ್ಟಾರ್ ನೈಟ್ ಲೇಸ್ ಡ್ ಪುಗರ್ತೆದ ಹಿನ್ನೆಲೆ ಗಾಯಕೆರ್ ಕುನಾಲ್ ಗಾಂಜವಾಲಾ, ಸ್ಟಾರ್ ಚಿತ್ರನಟೆ ರಿಷಭ್ ಶೆಟ್ಟಿ, ನಟಿ ರುಕ್ಮಿಣಿ ವಸಂತ,ನಿರ್ದೇಶಕೆರ್ ಹೇಮಂತ ರಾವ್, ರಾಜ್ಯ ಪ್ರಶಸ್ತಿ ವಿಜೇತ ಹಿನ್ನೆಲೆ ಗಾಯಕೆರ್ ಅನುಪ್ ಸಿಲಿನ್, ಮಣಿಕಾಂತ್ ಕದ್ರಿ, ಡಾ.ಕಿರಣ್ ತೊಟ್ಟಂಬೈಲ್, ಗಾಯಕೆರಾಯಿನ ವಸುಶ್ರೀ ಹಳೆಮನೆ, ಕರಿಬಸವ ತಡಕಲ್, ತನುಶ್ರೀ ಮೊಕುಲು ಮಾತ ಪಾಲ್ ಪಡೆವರೆ ಉಲ್ಲೆರ್. ಈ ಲೇಸ್ ಡ್ ನಾಲ್ ಜನ ನಿವೃತ್ತ ಸೈನಿಕೆರ್ ಬೊಕ್ಕ ಯಕ್ಷಗಾನ ಭಾಗವತೆರ್ ಪುತ್ತಿಗೆ ರಘುರಾಮ ಹೊಳ್ಳ ಮೆರೆನ್ ಮಾನಾದಿಗೆ ಮಲ್ಪರೆ ಉಂಡು ಪಂದ್ ಪಂಡೆರ್.
ಮಲ್ಲ ಬಿನ್ನೆರಾದ್ ಸಂಸದೆರ್ ನಳಿನ್ ಕುಮಾರ್ ಕಟೀಲ್, ಶಾಸಕೆರ್ ಬೊಕ್ಕ ವಿಧಾನ ಪರಿಷತ್ ಸದಸ್ಯೆರ್, ಪೊಲೀಸ್ ಕಮಿಷನರ್, ಪಾಲಿಕೆ ಕಮಿಷನರ್ ಮಾತ ಬೊಕ್ಕ ಸಾರ್ವಜನಿಕೆರ್ ಮಲ್ಲ ಸಂಖ್ಯೆಡ್ ಪಾಲ್ ಪಡೆವರೆ ಉಲ್ಲೆರ್ ಪಂಡೆರ್.
ಸುದ್ದಿಗೋಷ್ಠಿಡ್ ಸಂಸ್ಥೆದ ಕಾರ್ಯದರ್ಶಿ ರಾಘವೇಂದ್ರ ಬರ್ವತ್ತಾಯ,ಉಪಾಧ್ಯಕ್ಷೆರ್ ಹೇಮಾನಂದ ಕೊಡಿಯಾಲ್ ಬೈಲ್, ಸದಸ್ಯೆರಾಯಿನಚೇತನ್ ಶಶಾಂಕ್, ತಾರಾನಾಥ್ ಶೆಟ್ಟಿ, ಜಗದೀಶ್ ಕದ್ರಿ, ಸಹನ್ ಕದ್ರಿ, ಸಚಿನ್ ಕದ್ರಿ, ಶರಣ್, ಸುಜಿತ್ ಸಾಲ್ಯಾನ್, ಅವಿನಾಶ್ ರೈ ಇತ್ತೆರ್.
ಸುರೂತ್ತ ಸರ್ತಿ ಸಾರ್ವಜನಿಕ ಗಣೇಶೋತ್ಸವ
ಕದ್ರಿ ಕ್ರಿಕೆಟರ್ಸ್ ಮುತಾಲಿಕೆಡ್ ಉಂದುವೇ ಸುರೂತ್ತ ಸರ್ತಿ ಸಾರ್ವಜನಿಕ ಗಣೇಶೋತ್ಸವ ಮಲ್ಪರೆ ನಿರ್ಧಾರ ಮಲ್ತ್ ದ. ಸಾರ್ವಜನಿಕೆರ್ನ ಇಚ್ಚೆದ ಪ್ರಕಾರ ಈ ನಿರ್ಧಾರ ಆತ್ಂಡ್. ಕಿರೀಟ ಬುಡ್ದು ದೇವೆರೆಗ್ ಬೋಡುತ್ತಿನ ಬೊಳ್ಳಿದ ಆಭರಣಲ ತಯಾರಾತ್ಂಡ್.
ಸೆ.19 ಗು ಕದ್ರಿ ಮೈದಾನಡ್ ಗಣಪತಿ ದೇವೆರ್ನ ಪ್ರತಿಷ್ಠಾಪನೆ, ಭಜನೆ, ಪೂಜೆ ಆದ್ ಸೆ.20 ಗು ಬಯ್ಯಗ್ ಶೋಭಾಯಾತ್ರೆ ನಡತ್ ದ್ ಕದ್ರಿಕಂಬಳ ಕೆರೆಟ್ಟ್ ಮೂರ್ತಿ ವಿಸರ್ಜನೆ ಆವರೆ ಉಂಡು ಪಂದ್ ಕದ್ರಿ ಮನೋಹರ ಶೆಟ್ರ್ ತೆರಿಪಾಯೆರ್.
ಬೋಲ್ತೆರ್: ಬೋಲ್ತೆರ್ ತಾಲೂಕುದ ಸೌಜನ್ಯ ಪ್ರಕರಣದ ಪಿರ ತನಿಖೆಗ್ ಆದೇಶ ಕೊರಿಯೆರೆ ರಾಜ್ಯಪಾಲರೆನ್ ಬಿಜೆಪಿ ನಿಯೋಗ ಮನವಿ ಮಲ್ತ್ಂಡ್.
ಬಿಜೆಪಿ ರಾಜ್ಯಾಧ್ಯಕ್ಷೆರಾಯಿನ ನಳಿನ್ ಕುಮಾರ್ ಕಟೀಲ್ ಮೇರ್ ನ ಮುತಾಲಿಕೆದ ಕೂಟ ಇನಿ ಮನವಿ ಸಲ್ಲಿಸಾಯೆರ್.
ಈ ಪೊರ್ತುಡು ದ.ಕ ಬೊಕ್ಕ ಒಡಿಪು ಜಿಲ್ಲೆದ ಶಾಸಕೆರ್ ಇತ್ತೆರ್. ಬಿಜೆಪಿ ರಾಜ್ಯ ಪ್ರಧಾನ ಕಾರ್ಯದರ್ಶಿ ಅಶ್ವಥ್ ನಾರಾಯಣ್, ಮಾಜಿ ಸಚಿವೆರ್ ಸುನಿಲ್ ಕುಮಾರ್, ಶಾಸಕೆರಾಯಿನ ಭಾಗೀರಥಿ ಮುರಳ್ಯ, ವೇದವ್ಯಾಸ ಕಾಮತ್, ಡಾ. ವೈ. ಭರತ್ ಶೆಟ್ಟಿ, ಹರೀಶ್ ಪೂಂಜ, ಗುರ್ಮೆ ಸುರೇಶ್ ಶೆಟ್ಟಿ ಈ ಪೊರ್ತುಡು ಇತ್ತೆರ್.
