ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಬೋಳೂರು ಕ್ರಿಯೇಶನ್ಸ್ : ತೆಂಕುತಿಟ್ಟು ಯಕ್ಷಗಾನ ನಾಟ್ಯ ತರಬೇತಿ ಉದಿಪನ

ಕುಡ್ಲ, ಎಪ್ರಿಲ್ 22: ಬೋಳೂರು ಕ್ರಿಯೇಶನ್ಸ್ ಮಾಲಾಡಿ ಕ್ರಾಸ್ ಕುಡ್ಲ ನೆತ್ತ ವತಿರ್ದ್ ತಾರೀಖ್ 11-04-2021 ನೇ ಐತಾರ ತೆಂಕುತಿಟ್ಟು ಯಕ್ಷಗಾನ ನಾಟ್ಯ ತರಬೇತಿ ಉದಿಪನದ ಲೇಸ್ ಶ್ರೀರಾಮಾಂಜನೇಯ ಯುವಕ ಮಂಡಲ (ರಿ) ಚಿಲಿಂಬಿ ಗುಡ್ಡೆಡ್ ನಡತ್oಡ್.

ಲೇಸ್ ದ ಗುರ್ಕಾರ್ಮೆನ್ ಈಶ್ವರ್ ಕೋಡಿಕಲ್ ವಯಿಸೊಂಡೆರ್. ಮಲ್ಲ ಬಿನ್ನೆರ್ ಆದ್ ರೋಹಿತ್ ಕೃಷ್ಣಾಪುರ, ಶ್ರೀ ಸುಶಾಂತ್ ಅಂಚನೇ ಯುವಕ ಮಂಡಲದ ಗುರ್ಕಾರ್ಲು , ಮಹಿಳಾ ಒತ್ತುಗುರ್ಕಾರ್ಲು ಅಂಚನೇ ಗೌರವಧ್ಯಕ್ಶೆರ್ ಪಾಲ್ ಪಡೆದಿತ್ತೆರ್ ಲ್. ರವೀಶ್.ಕೆ ಲೇಸ್ ನಡಪಾದ್ ಕೊರಿಯೆರ್.

ಒಡಿಪುದ ಶಿರೂರು ಮಠದ ಉತ್ತರಾಧಿಕಾರಿಯಾದ್ ಅನಿರುದ್ಧ ಸರಳತ್ತಾಯ

ಒಡಿಪು , ಎ.22: ಒಡಿಪುದ 16 ವರ್ಷ ಪ್ರಾಯದ ಆಣ್ ಅನಿರುದ್ಧ ಸರಳತ್ತಾಯ, ಶ್ರೀಲಕ್ಷ್ಮೀವರತೀರ್ಥೆರ್ನ ನಿಧನದ ತೆರವಾದಿಪ್ಪುನ ಒಡಿಪುದ ಅಷ್ಟಮಠಟ್ ಒಂಜಾಯಿನ ಶಿರೂರು ಮಠದ ಉತ್ತರಾಧಿಕಾರಿಯಾದ್ ಘೋಷಣೆ ಮಲ್ದೆರ್ .

ಹಿರಿಯಡ್ಕಡ್ ಉಪ್ಪುನ ಶಿರೂರು ಮೂಲಮಠಟ್ ಶ್ರೀರಾಮ ನವಮಿ ಸಂಬಂಧ ಬುಧವಾರ ನಡತಿನ ಲೇಸ್ ದ ಕಡೆಕ್ ಶಿರೂರು ಮಠದ ದ್ವಂದ್ವ ಮಠವಾಯಿನ ಸೋದೆ ವಾದಿರಾಜ ಮಠದ ಶ್ರೀವಿಶ್ವವಲ್ಲಭ ತೀರ್ಥೆರ್ ಈ ಘೋಷಣೆ ಮಲ್ತೆರ್ .

ಶ್ರೀಮಧ್ವಾಚಾರ್ಯೆರ್ 800 ವರ್ಷದ ಪಿರವು ಸ್ಥಾಪನೆ ಮಲ್ದಿನ ಒಡಿಪು ಶ್ರೀಕೃಷ್ಣ ಮಠದ ಅಷ್ಟಮಠದ ಪೈಕಿ ಒಂಜಾಯಿನ ಶಿರೂರು ಮಠದ 30ನೇ ಯತಿಲಾಯಿನ ಶ್ರೀಲಕ್ಷ್ಮೀವರ ತೀರ್ಥೆರ್ 2018ರ ಜು.31 ತಾರೀಖ್ ಗ್ ಅಸೌಖ್ಯರ್ದ್ ತೀರ್ ಪೋದಿತ್ತೆರ್. ಐರ್ದ್ ಬೊಕ್ಕ ಈ ಪೀಠ ಖಾಲಿಯಾದಿತ್ತುಂಡು .ದ್ವಂದ್ವ ಮಠದ ಸೋದೆ ಮಠದ ಶ್ರೀಲು ನೆತ್ತ ಮುತಾಲಿಕೆ ವಯಿಸ್ದಿತ್ತೆರ್.

ಒಡಿಪು ಸುಲ್ತಾನ್ ಡೈಮಂಡ್ಸ್ ಆಯಂಡ್ ಗೋಲ್ಡ್‌ : ಲಕ್ಕಿ ಡ್ರಾ

ಒಡಿಪು, ಎಪ್ರಿಲ್ 22: ಒಡಿಪು ಸುಲ್ತಾನ್ ಡೈಮಂಡ್ಸ್ ಆಯಂಡ್ ಗೋಲ್ಡ್‌ಡ್ ಅಟ್ಟನೆ ಮಲ್ದಿನ ಲಕ್ಕಿ ಡ್ರಾದ ಬಂಪರ್ ವಿಜೇತೆರಾಯಿನ ಕಾಪುದ ರಹೀಮ ರಫೀಕ್ ಮೆರೆಗ್ ಟಿವಿಎಸ್ ಸ್ಕೂಟಿದ ಕೀ ನ್ ಉದ್ಯಮಿ ಸುಹಾಸ್ ಹೆಗ್ಡೆ ನಂದಳಿಕೆ ಎ.20 ತಾರೀಖ್ ಗ್ ಹಸ್ತಾಂತರ ಮಲ್ತೆರ್.

ಈ ಪೊರ್ತುಡು ಸುಲ್ತಾನ್ ಗೋಲ್ಡ್‌ದ ಒಡಿಪು ಬ್ರಾಂಚ್ ಮೆನೇಜರ್ ಮುಹಮ್ಮದ್ ಅಜ್ಮಲ್, ಫ್ಲೋರ್ ಮೆನೇಜರ್ ಸಿದ್ಧೀಕ್ ಹಸನ್, ಪಿಆರ್‌ಓ ಮಂಜುನಾಥ್ ಅಮೀನ್, ಅಸಿಸ್ಟೆಂಟ್ ಸೇಲ್ಸ್ ಮೆನೇಜರ್‌ ಆಯಿನ ಶಮಿಲ್ ಅಬ್ದುಲ್ ಖಾದರ್, ನಝೀರ್ ಅಡ್ಡೂರ್ ಬೊಕ್ಕ ಸಿಬ್ಬಂದಿ ಪಾಲ್ ಪಡೆದ್ ಇತ್ತೆರ್ .