ಬೊಂಬೈ: ಫ್ರೆಂಡ್ಸ್ ಸರ್ಕಲ್ ಕಣಂಜಾರ್ ಬೊಂಬೈದ 20ನೇ ವರ್ಷೊದ ಲೆಕ್ಕೊಡು ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ರಚನೆ, ನಿರ್ದೇಶನದ ಮೈತಿದಿ ತುಳು ನಾಟಕ ಅ.13 ಸುಕ್ರಾರ ನಾಲಾಸೋಪಾರ ಹೋಟೆಲ್ ಗ್ಯಾಲಕ್ಸಿ ಸಭಾಂಗಣಡ್ ನಡಪರೆ ಉಂಡು.
ಈ ನಾಟಕನ್ ಶಶಿಧರ ಕೆ. ಶೆಟ್ಟಿ ಇನ್ನಂಜೆ ಮೆರೆನ ಗುರ್ಕಾರ್ಮೆಡ್, ಪ್ರವೀಣ್ ಶೆಟ್ಟಿ ಕಣಂಜಾರ್ ಮೆರೆನ ಮುತಾಲಿಕೆಡ್ ಕಲಾ ಸಂಗಮದ ಕಲಾವಿದೆರೆರ್ದ್, ಸ್ವರಾಜ್ ಶೆಟ್ಟಿ ಅಭಿನಯಡ್ ಈ ನಾಟಕ ನಡಪರೆ ಉಂಡು. ಈ ನಾಟಕಗ್ ಎ.ಕೆ ವಿಜಯ್ (ಕೋಕಿಲಾ) ಮೇರ್ ಸಂಗೀತ ಕೊರ್ತೆರ್.
ಬೊಂಬೈ: ಜೋಗೇಶ್ವರಿ ಶ್ರೀ ಜಗದಂಬಾ ಕಾಲಬೈರವ ದೇವಲ್ಯಡ್ ಅ.15-24 ಮಾರ್ನೆಮಿ ಉಚ್ಚಯ ನಡಪರೆ ಉಂಡು.
ಈ ಲೇಸ್ ದೇವಲ್ಯದ ಪ್ರಧಾನ ಅರ್ಚಕೆರ್ ಪಾದೂರು ನರಹರಿ ತಂತ್ರಿಲೆನ ಪೌರೋಹಿತ್ಯಡ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ಜಗದಂಬೆನ ಕೃಪೆಗ್ ಪಾತ್ರರಾವೊಡು ಪಂದ್ ಬೊಂಬೈ ಶ್ರೀ ಜಗದಂಬಾ ಕಾಲಬೈರವ ದೇವಲ್ಯದ ಗುರ್ಕಾರ್ಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಬೊಂಬೈ ಮೊಗವೀರ ವ್ಯವಸ್ಥಾಪಕ ಮಂಡಳಿದ ಸಾಂಸ್ಕೃತಿಕ ಸಮಿತಿದ ಮುತಾಲಿಕೆಡ್, ಕಲಾ ಸಂಗಮ ಕುಡ್ಲ ಕಲಾವಿದೆರ್ ಅಭಿನಯ ಮಲ್ಪುನ ಶಿವದೂತೆ ಗುಳಿಗೆ ತುಳು ನಾಟಕ ಅ.10 ಸನಿಯಾರ ಬಯ್ಯಗ್ ಬೊಂಬೈದ ಅಂಧೇರಿ ಮೊಗವೀರ ಭವನಡ್ ನಡಪರೆ ಉಂಡು.
ತುಳು ರಂಗಭೂಮಿಡ್ ಇಸೇಸ ಸಂಚಲನ ಮೂಡಿಸಾಯಿನ ಅದ್ಭುತ, ಅಮೋಘ ಬೊಕ್ಕ ಅತ್ಯಾಕರ್ಷಕವಾಯಿನ ಈ ನಾಟಕನ್ ತೂಪುನ ಅವಕಾಶನ್ ಕಳೆವೊನೊರ್ಚಿ ಪಂದ್ ಬೊಂಬೈ ಮೊಗವೀರ ವ್ಯವಸ್ಥಾಪಕ ಮಂಡಳಿದ ಗುರ್ಕಾರೆ ಎಸ್ ಅರುಣ್ ಕುಮಾರ್, ಮಾನಾದಿಗೆದ ಪ್ರಧಾನ ಕಾರ್ಯದರ್ಶಿ ದಿಲೀಪ್ ಕುಮಾರ್ ಮುಲ್ಕಿ, ಮಾನಾದಿಗೆದ ಕೋಶಾಧಿಕಾರಿ ಪ್ರತಾಪ್ ಕುಮಾರ್ ಕರ್ಕೇರ ಲೆಪ್ಪೋಲೆಡ್ ತೆರಿಪಾದೆರ್.
ಬೊಂಬೈದ ಗೋರೆಗಾಂವ್ ಡ್ ಇಪ್ಪುನ 7 ಮಾಳಿಗೆದ ಕಟ್ವಾನಡ್ ನಡುರಾತ್ರೆ ತೂ ಪೊತ್ತ್ ದ್ 6 ಜನ ತೀರ್ ಪೋಯೆರ್.
ಅತ್ತಂದೆ ಈ ಘಟನೆಡ್ 45 ಜನಕ್ಕ್ ಮಸ್ತ್ ಪೆಟ್ಟಾತ್ಂಡ್. 2 ಜನತ್ತ ಸ್ಥಿತಿ ಗಂಭೀರ ಉಂಡು. ಸುರುಕು ಪಾರ್ಕಿಂಗ್ ಜಾಗೆಡ್ ಸುರು ಆಯಿನ ತೂ ಕ್ರಮೇಣ ಒಂಜೊಂಜೇ ಮಾಳಿಗೆಗ್ ಪಸೆರ್ಂಡ್. ಪಾರ್ಕಿಂಗ್ ಜಾಗೆಗ್ ಉಂತಾದ್ ಇತ್ತಿನ 4 ಕಾರ್ ಬೊಕ್ಕ 30 ಬೈಕ್ ತೂಟ್ಟ್ ಪೊತ್ತ್ ದ್ಂಡ್.
ಬೊಂಬೈ: ಮಹಾರಾಷ್ಟ್ರದ ಮಣ್ಣ್ ಡ್ ಬಿಲ್ಲವ ಸಮಾಜದ ಪ್ರತಿಷ್ಠೆದ ಬ್ಯಾಂಕ್, ತುಳುವೆರೆನ ಪೆರ್ಮೆದ ಭಾರತ್ ಬ್ಯಾಂಕ್ ದ ಆಡಳಿತ ಮಂಡಳಿದ ಓಟುಡು ಬಿಲ್ಲವ ಭವನದ ರೂವಾರಿ ದಿ. ಜಯ ಸುವರ್ಣ ಮೆರೆನ ಕೂಟದಕುಲು ಗೆಂದ್ ದೆರ್.
ಪ್ರತಿಷ್ಠಿತ ಭಾರತ್ ಬ್ಯಾಂಕ್ ಗ್ ಅ.2 ಕ್ಕ್ ಓಟು ನಡತ್ ದ್ ಅ.4 ಕ್ಕ್ ರಿಸಲ್ಟ್ ಬೈದ್ಂಡ್. ಬೊಲ್ಪುರ್ದ್ ರಾತ್ರೆ ಮುಟ್ಟ ಒಟ್ಟು 5 ಸುತ್ತುಡು ಓಟು ಗೆನ್ಪುನ ಬೇಲೆ ನಡತ್ಂಡ್. ಸುರುತ್ತ ಸುತ್ತುಡು ಜಯ ಸುವರ್ಣ ಪ್ಯಾನೆಲ್ ದ ಮಾತ ಅಭ್ಯರ್ಥಿಲು ಮಸ್ತ್ ಓಟುರ್ದ್ ದುಂಬು ಇತ್ತೆರ್. ಅಕೇರಿದ ಸುತ್ತುದ ಓಟುದ ಲೆಕ್ಕ ಮುಗಿನಗ ಜಯ ಸುವರ್ಣ ಪ್ಯಾನೆಲ್ ದ ಎಚ್ಚದ ಅಭ್ಯರ್ಥಿಲು 1500 ರ್ದ್ ಎಚ್ಚ ಓಟುದ ಅಂತರಡ್ ಗೆಂದಿಯೆರ್.
ಭಾರತ್ ಬ್ಯಾಂಕ್ ದ ಆಡಳಿತ ಮಂಡಳಿ ಓಟುಡು ಈ ಸರ್ತಿ ಜಯ ಸುವರ್ಣ ಬೊಕ್ಕ ಬೊಂಬೈ ಬಿಲ್ಲವರ ಅಸೋಸಿಯೇಷನ್ ದ ಅಧ್ಯಕ್ಷೆರ್ ಹರೀಶ್ ಅಮೀನ್ ಮೆರೆನ ಪ್ಯಾನೆಲ್ ದ ನಡುಟ್ಟ್ ನೇರ ಫೈಟ್ ಇತ್ತ್ ದ್, ಭಾರಿ ಕುತೂಹಲ ಇತ್ತ್ಂಡ್.
ಓಟುದ ಫಲಿತಾಂಶ ಘೋಷಣೆ ಆಯಿನಂಚೆನೆ, ಜಯ ಸುವರ್ಣ ಅಭಿಮಾನಿ ಬಳಗ, ಹಿತೈಷಿಲು, ಸಮಾಜ ಬಾಂಧವೆರ್ ಜಯ ಸುವರ್ಣ ಪ್ಯಾನೆಲ್ ದ ನಾಯಕೆ ಸೂರ್ಯಕಾಂತ ಜಯ ಸುವರ್ಣ ಬೊಕ್ಕ ಗೆಂದಿನ ಮಾತ ಅಭ್ಯರ್ಥಿಲೆಗ್ ಅಭಿನಂದನೆ ಸಂದಾದೆರ್.
ಜಾಗತಿಕ ಬಂಟರ ಸಂಘ ಒಕ್ಕೂಟದ ಮುತಾಲಿಕೆಡ್ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಮೆರೆನ ಸಾರಥ್ಯಡ್ ವಿಶ್ವ ಬಂಟರ ಸಮ್ಮೇಳನದ ನಿಲೆಟ್ಟ್ ನಡಪರೆ ಉಪ್ಪುನ “ವಿಶ್ವ ಬಂಟರ ಕ್ರೀಡಾ ಕೂಟ” ಬೊಕ್ಕ “ವಿಶ್ವ ಬಂಟರ ಸಾಂಸ್ಕೃತಿಕ ವೈಭವ” ಕಾರ್ಯಕ್ರಮದ ಬಗೆಟ್ ಏಳನೇ ಪೂರ್ವಭಾವಿ ಸಭೆ ಬಂಟರ ಸಂಘ ಬೊಂಬಾಯಿಡ್ ನಡತ್ಂಡ್.
ಈ ಸಭೆಟ್ಟ್ ಜಾಗತಿಕ ಬಂಟರ ಸಂಘ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ, ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ಟಿ, ಕೋಶಾಧಿಕಾರಿ ಉಳ್ತೂರು ಮೋಹನದಾಸ್ ಶೆಟ್ಟಿ, ಒಕ್ಕೂಟದ ವಿಶೇಷ ಮಹಾ ನಿರ್ದೇಶಕೆರ್ ಪ್ರವೀಣ್ ಭೋಜ ಶೆಟ್ಟಿ, ನಿರ್ದೇಶಕೆರ್ ಡಾ. ಆರ್.ಕೆ. ಶೆಟ್ಟಿ, ಜಯ ಎ. ಶೆಟ್ಟಿ, ಒಕ್ಕೂಟದ ಪೋಷಕ ಸದಸ್ಯೆರ್ ಅಂಚನೆ ಕ್ರೀಡಾ ಸಮಿತಿದ ಸಂಚಾಲಕೆರ್ ಗಿರೀಶ್ ಶೆಟ್ಟಿ ತೆಳ್ಳರ್, ಪ್ರವೀಣ್ ಶೆಟ್ಟಿ ವರಂಗ ಪಾಲ್ ಪಡೆದ್ ಇತ್ತೆರ್.
ಸಭೆಟ್ಟ್ ವಿಶ್ವ ಬಂಟರ ಸಮ್ಮೇಳನದ ಪ್ರಯುಕ್ತ ನಡಪರೆ ಇಪ್ಪುನ ಕಾರ್ಯಕ್ರಮದ ಬಗೆಟ್ಟ್ ಚರ್ಚೆ ಮಲ್ತೆರ್.
ಬೊಂಬೈ: ಮೀರಾ ಭಾಯಿಂದರ್ ಮೂವಿಮ್ಯಾಕ್ಸ್ PVR ಕನಕಿಡ್ ಅ.1 ಐತಾರ ಬೊಲ್ಪುಗು 11.30 ಕ್ಕ್ “ಪುಳಿ ಮುಂಚಿ” ತುಳು ಪಿಕ್ಚರ್ ದ ಬೊಂಬೈ ಪ್ರೀಮಿಯರ್ ಶೋ ನಡತ್ಂಡ್.
ಈ ಶೋ ತ್ತ ಎಚ್ಚದ ಪೊಲಬುಗಾದ್ ಸಂತು ಶೆಟ್ಟಿ – 9987830194 ಸತೀಶ್ ಶೆಟ್ಟಿ – 7021631406 ಸೀತಾರಾಮ ಶೆಟ್ಟಿ – 8369544002 ಮೊಕ್ಲೆನ್ ಸಂಪರ್ಕ ಮಲ್ಪೊಲಿ ಪಂದ್ ಲೇಸ್ ದ ವ್ಯವಸ್ಥಾಪಕೆರ್ ಶ್ರೇಯಸ್ ಶೆಟ್ಟಿ ನೆರೊಲ್ ತೆರಿಪಾದೆರ್.
ನವಿಬೊಂಬೈ: ಬೊಂಬೈ ಕುಲಾಲ ಸಂಘದ ನವಿಬೊಂಬೈ ಸ್ಥಳೀಯ ಸಮಿತಿದ ವಾರ್ಷಿಕ ಸ್ನೇಹ ಸಮ್ಮಿಲನ ಲೇಸ್ ಸಂಘದ ಗುರ್ಕಾರೆ ರಾಘು ಎ ಮೂಲ್ಯ ಮೆರೆನ ಗುರ್ಕಾರ್ಮೆಡ್ ಬೊಕ್ಕ ಮಾನಾದಿಗೆದ ಗುರ್ಕಾರೆ ದೇವದಾಸ್ ಕುಲಾಲ್ ಮೆರೆನ ಉಪಸ್ಥಿತಿಡ್ ಅ.1 ಕ್ಕ್ ನವಿಬೊಂಬೈ ಕನ್ನಡ ಸಂಘದ ವಾಶಿ ಬಸ್ ಡಿಪೋ ಕೈತಲ್ ನಡತ್ಂಡ್.
ಈ ಲೇಸ್ ಡ್ ಸಂಘದ ಸದಸ್ಯೆರ್ ಬೊಕ್ಕ ಸಮಾಜ ಕಾರ್ಯಕರ್ತೆರ್ ದಿನಕರ್ ಬಂಗೇರ ಥಾಣೆ ಬೊಕ್ಕ ಬಿ ಜಿ ಅಂಚನ್, ಲಲಿತಾ ದಂಪತಿಲು ತನ್ನ 50ನೇ ವರ್ಷೊದ ವೈವಾಹಿಕ ಜೀವನದ ಲೆಕ್ಕೊಡು ಇಸೇಸವಾದ್ ಸನ್ಮಾನ ಮಲ್ತೆರ್. ಬೊಕ್ಕ ಸಂಘದ ಸ್ಥಳೀಯ ಸಮಿತಿದ ಸದಸ್ಯೆರ್ದ್ ಬೊಕ್ಕ ಜೋಕುಲೆರ್ದ್ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ಬೊಲ್ಪುಗು ನಡತ್ಂಡ್. ಅತ್ತಂದೆ ನವಿಬೊಂಬೈ ಕೈತಲ್ ದ ಸಮಿತಿದ ಸದಸ್ಯೆರೆರ್ದ್ ಧನಂಜಯ ಮೂಳೂರು ನಿರ್ದೇಶನದ, ಸತೀಶ್ ಏರ್ಮಾಳ್ ಬರೆತಿನ “ಬುಡ್ದು ಪೋವೊಚ್ಚಿ” ತುಳು ಸಾಮಾಜಿಕ ಹಾಸ್ಯ ನಾಟಕ ಸಮಿತಿದ ಸದಸ್ಯೆರೆರ್ದ್ ಪ್ರದರ್ಶನ ಆಂಡ್.
ಈ ಲೇಸ್ ಗ್ ಮಾತ ಸಮಾಜ ಬಾಂಧವೆರ್ ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್, ಈ ಲೇಸ್ ನ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಕುಲಾಲ ಸಂಘದ ಪರವಾದ್ ಉಪಾಧ್ಯಕ್ಷೆರ್ ಡಿ ಐ ಮೂಲ್ಯ, ಗೌರವ ಪ್ರಧಾನ ಕಾರ್ಯದರ್ಶಿ ಕರುಣಾಕರ್ ಬಿ ಸಾಲಿಯಾನ್, ಕೋಶಾಧಿಕಾರಿ ಜಯ ಅಂಚನ್, ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆ ಮಮತಾ ಎಸ್ ಗುಜರನ್, ಬೊಕ್ಕ ನವಿಬೊಂಬೈ ಪ್ರಾದೇಶಿಕ ಸಮಿತಿದ ಪರವಾದ್ ಕಾರ್ಯಾಧ್ಯಕ್ಷೆರ್ ವಾಸು ಏಸ್ ಬಂಗೇರ, ಉಪ ಕಾರ್ಯಾಧ್ಯಕ್ಷೆರ್ ಸದಾನಂದ ಕುಲಾಲ್, ಕಾರ್ಯದರ್ಶಿ ಎಲ್ ಆರ್ ಮೂಲ್ಯ ಕೆಂಜಾರು, ಕೋಶಾಧಿಕಾರಿ ಸೂರಜ್ ಏಸ್ ಕುಲಾಲ್, ಜತೆ ಕಾರ್ಯದರ್ಶಿ ಕ್ರಪೇಶ್ ಕುಲಾಲ್, ಜತೆ ಕೋಶಾಧಿಕಾರಿ ಆನಂದ್ ಮೂಲ್ಯ ಖಾಮೋಟೆ, ಕ್ರೀಡೆ ಬೊಕ್ಕ ಸಾಂಸ್ಕೃತಿಕ ಸಂಚಾಲಕೆರ್ ಪ್ರಸಾದ್ ಎಸ್ ಮೂಲ್ಯ ಬೊಕ್ಕ ಸದಸ್ಯೆರ್, ಪ್ರಾದೇಶಿಕ ಸಮಿತಿದ ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆರ್ ಮಮತಾ ಏಸ್ ಕುಲಾಲ್, ಉಪ ಕಾರ್ಯಾಧ್ಯಕ್ಷೆರ್ ದೇವಕಿ ಸುನಿಲ್ ಸಾಲಿಯಾನ್, ಕಾರ್ಯದರ್ಶಿ ಬೇಬಿ ವಿ ಬಂಗೇರ, ಕೋಶಾಧಿಕಾರಿ ಉಷಾ ಆರ್ ಮೂಲ್ಯ, ಉಪ ಕಾರ್ಯದರ್ಶಿ ಶೋಭಾ ಏನ್ ಬಂಗೇರ, ಉಪ ಕೋಶಾಧಿಕಾರಿ ಸುಶೀಲಾ ಪಿ ಬಂಗೇರ, ಸಾಂಸ್ಕೃತಿಕ ಬೊಕ್ಕ ಕ್ರೀಡೆ ಪ್ರೇಮ ಎಲ್ ಮೂಲ್ಯ, ನವಿಬೊಂಬೈ ಗುರುವಂದನಾ ಭಜನಾ ಮಂಡಳಿದ ಸಂಚಾಲಕೆರ್ ಮಲ್ಲಿಕಾ ಡಿ ಕುಲಾಲ್ ಬೊಕ್ಕ ಮತ ಸದಸ್ಯೆರ್ ಪಾಲ್ ಪಡೆದಿತ್ತೆರ್.
ಬೊಂಬೈ ಶ್ರೀ ಸಿದ್ಧಿವಿನಾಯಕ ಯಕ್ಷಗಾನ ಮಂಡಳಿ 18ನೇ ಶನೀಶ್ವರ ಮಂದಿರ ನೆರೂಲ್ ದ ಮುತಾಲಿಕೆಡ್ ಅ.10 ಬಯ್ಯಗ್ ನೆರುಲ್ ಶನೀಶ್ವರ ಮಂದಿರದ ಸಭಾಗೃಹಡ್ ಶನೀಶ್ವರ ಮಹಾತ್ಮೆ ಆಟ ನಡಪರೆ ಉಂಡು.
ಕೈತಲ್ ದ ಸಂಘ ಸಂಸ್ಥೆ ಕಲಾಪೋಷಕೆರೆನ ಸಹಕಾರಡ್, ಧರ್ಮದರ್ಶಿಲು ರಮೇಶ್ ಪೂಜಾರಿ ಮೆರೆನ ಎಡ್ಡೆಪ್ಪುದೊಟ್ಟಿಗೆ, ಶ್ರೀ ಶನೀಶ್ವರ ಮಂದಿರ ನೆರೂಲ್ ನವಿ ಬೊಂಬೈದ ಪ್ರೋತ್ಸಾಹಡ್ ನಡಪರೆ ಉಂಡು.
ಈ ಲೇಸ್ ನ್ ರಂಗಕಲಾವಿದೆರ್ ಬಾಲಕೃಷ್ಣ ಶೆಟ್ಟಿ ಅದ್ಯಪಾಡಿ ಒಯಿಸೊನ್ವೆರ್ ಪಂದ್ ನವಿಬೊಂಬೈದ ನೆರುಲ್ ಶ್ರೀ ಶನೀಶ್ವರ ಮಂದಿರದ ವಿಶ್ವಸ್ಥೆರ್, ಮಿತ್ರ ಬಳಗದ ರಾಜೇಶ್ ಗೌಡ ಸಿಂಧೂರ್, ಶ್ರೀ ಸಿದ್ದಿವಿನಾಯಕ ಯಕ್ಷಗಾನ ಮಂಡಳಿದ ಸಂಚಾಲಕೆರ್ ಸುರೇಶ್ ಬರ್ಕಲ್ ಮಕ್ಕಿ ಲೆಪ್ಪೋಲೆಡ್ ತೆರಿಪಾದೆರ್.
ಸಂತೋಷ್ ಜಿ.ಶೆಟ್ಟಿ ಮೆರೆನ ಸಂಪೂರ್ಣ ಸಹಕಾರಡ್, ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ನಿರ್ದೇಶನ ಮಲ್ತಿನ ತುಳು ನಾಟಕ ಮೈತಿದಿ ಅ.10 ಅಂಗಾರೆ ಮಧ್ಯಾಹ್ನ ಪನ್ಪೇಲ್ ದ ಆದ್ಯ ಕ್ರಾಂತಿವೀರ್ ವಾಸುದೇವ್ ಬಲ್ವಂತ್ ಫಡ್ಕೆ ಆಡಿಟೋರಿಯಮ್ ನಡಪರೆ ಉಂಡು.
ಈ ನಾಟಕ ತುಳು ರಂಗಭೂಮಿಡ್ ಸಂಚಲನ ಮೂಡಿಸಾಯಿನ ಶಿವದೂತೆ ಗುಳಿಗೆ ನಾಟಕದ ಕಲಾವಿದೆರೆರ್ದ್, ತುಳುನಾಡ ಐಸಿರಿ ರೂಪಶ್ರೀ ವರ್ಕಾಡಿ ಬೊಕ್ಕ ಚಲನಚಿತ್ರ ನಟೆ ಸ್ವರಾಜ್ ಶೆಟ್ಟಿ ಅಭಿನಯಡ್ ನಡಪರೆ ಉಂಡು. ನೆಕ್ಕ್ ಎ.ಕೆ ವಿಜಯ್ (ಕೋಕಿಲಾ) ಸಂಗೀತ ಕೊರ್ತೆರ್.
