ದೇಶಡ್ ನಡಪಿನ ಸುದ್ದಿ | National News

ತುಳು ಭಾಷೆಗ್ ಅಧಿಕೃತ ತಾನೊ ತಿಕ್ಕರೆ ಆನ್‌ಲೈನ್ ಮನವಿ

Oct 18, 2022

ತುಳು ಭಾಷೆಗ್ ಅಧಿಕೃತ ತಾನೊ ತಿಕ್ಕರೆ change.org ಪನ್ಪಿನ ವೆಬ್‌ಸೈಟ್ ಮುಖೇನ ಆನ್‌ಲೈನ್ ಮನವಿ ಪಾಡುನ ಅಭಿಯಾನ ನಡತೊಂದು ಉಂಡು.

ತುಳು ಬೊಕ್ಕ ಕೊಡವ ಭಾಷೆನ್ ಸಂವಿಧಾನದ ಅರ್ಟಿಕಲ್ 345,346,347 ಪ್ರಕಾರ ಕರ್ನಾಟಕದ ನಿರ್ದಿಷ್ಟ ಜಾಗೆಡ್ ಅಧಿಕೃತ ಮಲ್ಪೊಡು ಪಂದ್ ಈ ಅಭಿಯಾನ ನಡತೊಂದು ಉಂಡು. ಮಾತೆರ್‍ಲಾ ಈ ಅಭಿಯಾನೊಡು ಪಾಲ್ ಪಡೆಯೊಡು ಪಂದ್ ಸಾಮಾಜಿಕ ಕಾಯಕರ್ತೆ ಪ್ರತೀಕ್ ಪೊನ್ನನ್ನ ತೆರಿಪಾದೆರ್.
https://www.change.org/p/official-language-status-to-tulu-and-kodava-language

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

ದೀಪಿಕಾ ಪಡುಕೋಣೆಗ್ ವಿಶ್ವದ 9ನೇ ಪೊರ್ಲ ಸುಂದರಿ ಮಾನಾದಿಗೆ

Oct 18, 2022

ಲಂಡನ್: ಪುಗರ್ತೆದ ನಟಿ ದೀಪಿಕಾ ಪಡುಕೋಣೆಗ್ ವಿಶ್ವದ 10 ಸುಂದರಿಯೆರ್ನ ಪಟ್ಟಿಡ್ ತಾನೊ ತಿಕ್ಕ್‌ದ್ಂಡ್.

ಮೇರ್ 9ನೇ ತಾನೊನ್ ಪಡೆತ್ತೆರ್. ಬ್ರಿಟನ್‌ದ ನಟಿ ಜೂಡಿ ಕಮರ್ ಸುರುತ್ತ ತಾನೊಡ್ ಉಲ್ಲೆರ್. ಬಾಲಿವುಡ್ ನಟಿಯೆರ್‍ನ ಪೈಕಿಡ್ ದೀಪಿಕಾ ಪಡುಕೋಣೆ ಮಾತ್ರ ಈ ಪಟ್ಟಿಡ್ ತೋಜಿದೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

ಉತ್ತರ ಪ್ರದೇಶದ ಅಯೋಧ್ಯೆಡ್ ತುಡರ್ ಪರ್ಬಡ್ ಪಾಲ್ ಪಡೆಯರೆ ಉಲ್ಲೆರ್ ಪ್ರಧಾನಿ ಮೋದಿ

Oct 18, 2022

ಅಯೋಧ್ಯೆ: ಪ್ರಧಾನಿ ನರೇಂದ್ರ ಮೋದಿ ಅಕ್ಟೋಬರ್ 23ಕ್ಕ್ ಉತ್ತರ ಪ್ರದೇಶದ ಅಯೋಧ್ಯೆಡ್ ತುಡರ್ ಪರ್ಬಡ್ ಪಾಲ್ ಪಡೆಯರೆ ಉಲ್ಲೆರ್. ಅ.23 ಜೆಡ್ದ್ 3 ದಿನ ಅಯೋಧ್ಯೆಡ್ ತುಡರ್ ಪರ್ಬ ನಡಪರೆ ಉಂಡು.

ಉತ್ತರ ಪ್ರದೇಶಡ್ ಬಿಜೆಪಿ ಪಟ್ಟಗ್ ಬತ್ತಿಬೊಕ್ಕ ಯೋಗಿ ಆದಿತ್ಯನಾಥ್ ಸರ್ಕಾರ ಭಾರೀ ಗೌಜಿಡ್ ದೀಪೋಚ್ಚಯನ್ ಅಟ್ಟನೆ ಮಲ್ತೊಂದುಲ್ಲೆರ್. ಈ ವರ್ಷ ಶ್ರೀ ರಾಮನ ನಾಡ್‌ಡ್ 15 ಲಕ್ಷ ತುಡರ್‌ಡ್ ಬೊಲ್ಪು ತೋಜರೆ ಉಂಡು.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಗುಜರಾತ್: ಬಸ್ ಬೊಕ್ಕ ಟ್ರಕ್ ಗುದ್ದುದು 6 ಜನ ತೀರ್ ಪೋಯೆರ್

Oct 18, 2022

ಗುಜರಾತ್‌ದ ವಡೋದರಾ ಪೇಂಟೆಡ್ ಇಪ್ಪುನ ಅಹಮದಾಬಾದ್-ಬೊಂಬಾಯಿ ರಾಷ್ಟ್ರೀಯ ಮಾರ್ಗಡ್ ಕಾಂಡೆ ಬಸ್ ಬೊಕ್ಕ ಟ್ರಕ್ ಗುದ್ದಿನ ಕಾರಣ 6 ಜನ ತೀರ್ ಪೋತಿನ ಘಟನೆ ನಡತ್ಂಡ್.

15 ಜನಕ್ಕ್ ಮಸ್ತ್ ಪೆಟ್ಟಾದಿತ್ತ್‌ದ್ ಅಕಲೆನ್ ಕೈತಲ್‌ದ ಆಸ್ಪತ್ರೆಗ್ ದಾಖಲ್ ಮಲ್ತ್‌ದೆರ್. ಸಂಕದ ಮಿತ್ತ್ ಟ್ರಕ್‌ ಪಿರ ದೆಪ್ಪುನಗ ಬಸ್ ಪಿರವುರ್ದ್ ಬತ್ತ್‌ದ್ ತಾಂಟ್‌ದ್ಂಡ್.

ಕೇದಾರನಾಥಡ್ ಹೆಲಿಕಾಪ್ಟರ್ ಬೂರ್ದು 6 ಜನ ತೀರ್ ಪೋಯೆರ್

Oct 18, 2022

ಉತ್ತರಾಖಂಡದ ಕೇದಾರನಾಥಡ್ ಹೆಲಿಕಾಪ್ಟರ್ ಬೂರ್ದು 6 ಜನ ತೀರ್ ಪೋತಿನ ಬಗೆಟ್ ವರದಿಯಾತ್ಂಡ್.

ಕೇದಾರನಾಥರ್ದ್ 2 ಕಿಮೀ ದೂರಡ್ ಇಪ್ಪುನ ಗರುಡಚಟ್ಟಿಡ್ ಈ ಘಟನೆ ನಡತ್ಂಡ್. ಎಚ್ಚದ ಮಾಹಿತಿ ನನಾತೆ ತೆರಿಯೊಡಾತೆ.

ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ತುಡರ್ ಪರ್ಬಗ್ ತನ್ನ ಬೇಲೆದಕ್ಲೆಗ್ ಕಾರ್, ಬೈಕ್ ಗಿಫ್ಟ್ ಕೊರಿನ ಬಂಗಾರ್‌ದ ಅಂಗಡಿದ ಧಣಿ

Oct 17, 2022

ಚೆನ್ನೈ: ಎಚ್ಚದ ಕಂಪೆನಿಲೆಡ್ ತುಡರ್ ಪರ್ಬಗ್ ಕಾಸ್‌ದ ರೂಪಡ್ ಬೋನಸ್ ಕೊರ್ಪೆರ್. ಆಂಡ ಚೆನ್ನೈದ ಚಲಾನಿ ಜ್ಯುವೆಲರ್ಸ್ ಮಾಲೀಕೆರ್ ಸಿಬ್ಬಂದಿನಕ್ಲೆಗ್ ಕಾರ್ ಬೊಕ್ಕ ಬೈಕ್ ಕೊರ್ದು ಸರ್‌ಪ್ರೈಸ್ ಕೊರ್ತೆರ್. ಉಂದೆಕ್ಕಾದ್ 1.2 ಕೋಟಿ ಖರ್ಚು ಮಲ್ತ್‌ದೆರ್.

“ಯನ್ನ ಬಂಗಾರ್‌ದ ಅಂಗಡಿದ ಬೇಲೆದಕುಲು ಯನ್ನ ಕುಟುಂಬ ಇತ್ತಿಲೆಕ್ಕ. ಯನ್ನ ಕಷ್ಟ ಸುಖಟ್ಟ್ ಪಾಲ್ ಪಡೆತೊನ್ವೆರ್. ಇಂಚಾದ್ 10 ಜನಕ್ಕ್ ಕಾರ್ ಬೊಕ್ಕ 20 ಜನಕ್ಕ್ ಬೈಕ್‌ನ್ ಉಡುಗಿರ ಕೊರ್ತೆ. ಉಂದೆರ್ದ್ ಯಂಕ್ ಕುಷಿ ಉಂಡು” ಪಂದ್ ಮಾಲೀಕೆರ್ ಪಂಡೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

ರಾಹುಲ್ “ಭಾರತ್ ಜೋಡೋ ಯಾತ್ರೆ” ಉಂತಾವೊಡು ಪಂಡೆರ್ ಕಾಂಗ್ರೆಸ್ ಸಂಸದೆರ್

Oct 17, 2022

ಗೋವಾ: ದುಂಬು ಬರ್ಪಿನ ದಿನಟ್ಟ್ ಗುಜರಾತ್ ಬೊಕ್ಕ ಹಿಮಾಚಲ ಪ್ರದೇಶದ ವೋಟುದ ಪ್ರಚಾರಡ್ ಬೇಲೆ ಮಲ್ಪೊಡು ಅಂಚಾದ್ ಕಾಂಗ್ರೆಸ್ ನಾಯಕೆರ್ ರಾಹುಲ್ ಗಾಂಧಿ ಭಾರತ್ ಜೋಡೋ ಯಾತ್ರೆನ್ ಉಂತಾವೊಡ್ ಪಂದ್ ಗೋವಾದ ಮಾಜಿ ಸಿಎಂ ಅಂಚನೆ ಕಾಂಗ್ರೆಸ್ ಸಂಸದೆರ್ ಫ್ರಾನ್ಸಿಸ್ಕೊ ಸರ್ಡಿನಾ ಪಂಡೆರ್.

ಸುದ್ದಿಗಾರೆರ್‍ನೊಟ್ಟುಗು ಸೋಮಾರ ಪಾತೆರ್ದಿನ ಆರ್ ಬಿಜೆಪಿನ್ ಸೋಪಾಯರೆ ಕಾಂಗ್ರೆಸ್‌ರ್ದ್ ಮಾತ್ರ ಸಾಧ್ಯ. ಇಂಚಾದ್ ಹಿಮಾಚಲ ಪ್ರದೇಶ ಬೊಕ್ಕ ಗುಜರಾತ್‌ಡ್ ವೋಟುದ ಪ್ರಚಾರ ಅಗತ್ಯ ಉಂಡು. ಭಾರತ್ ಜೋಡೋ ಯಾತ್ರೆ ಉಂತಾದ್ ಈ 2 ರಾಜ್ಯಲೆಗ್ ಪೋದು ರಾಹುಲ್ ಗಾಂಧಿ ವೋಟುದ ಪ್ರಚಾರ ಮಲ್ಪೊಡು ಪಂದ್ ಪಂಡೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಬೆನ್ನಿದಕ್ಲೆನ ಅಕೌಂಟ್ ಗ್ 12ನೇ ಕಂತ್‌ದ ಪಿಎಂ ಕಿಸಾನ್ ಸಮ್ಮಾನ್ ದ ದುಡ್ಡು ಬುಡುಗಡೆ

Oct 17, 2022

ಪ್ರಧಾನಿ ನರೇಂದ್ರ ಮೋದಿ ಮೇರ್ ಇನಿ ದೇಶದ ಕೋಟ್ಯಾಂತರ ಬೆನ್ಪಿ ಬೆನ್ಪುನಕ್ಲೆನ ಬ್ಯಾಂಕ್ ಖಾತೆಗ್ ಪಿಎಂ ಕಿಸಾನ್ ಸಮ್ಮಾನ್ ನಿಧಿತ್ತ 12ನೇ ಕಂತ್‌ದ 2000 ರೂ.ನ್ ಪಾಡ್ದೆರ್.

ಪಿಎಂ ಕಿಸಾನ್ ಸಮ್ಮಾನ್ ಸಮ್ಮೇಳನಡ್ ಬರೋಬ್ಬರಿ 16 ಸಾರ ಕೋಟಿ ರೂ.ನ್ ರೈತೆರ್‍ನ ಖಾತೆಗ್ ಪಾಡ್ದೆರ್. ಪಿಎಂ ಕಿಸಾನ್ ಯೋಜನೆದಡಿಟ್ಟ್ ವಾರ್ಷಿಕ 6 ಸಾರ ರೂ.ನ್ ತಲಾ 2 ಸಾರ ಲೆಕ್ಕ 3 ಕಂತ್‌ದ್ ಪಾಡ್ದೆರ್. ಕುಡ್ಲಗ್ 28 ಕೋ.ರೂ. ಬೊಕ್ಕ ಒಡಿಪು ಜಿಲ್ಲೆಗ್ 28.12 ಕೋ.ರೂ. ಪಾಡ್ದೆರ್.

ನೈಜೀರಿಯಾಡ್ ಬೊಲ್ಲ ಬತ್ತ್‌ದ್ 600 ಜನ ತೀರ್ ಪೋಯೆರ್

Oct 17, 2022

ನೈಜೀರಿಯಾಡ್ ಬತ್ತಿನ ಭಾರೀ ಬೊಲ್ಲಗ್ ಮುಲ್ಪುದ ಹಳ್ಳಿಲು ಅಂಚನೆ ಮೂಲು ಇತ್ತಿನ ಕಟ್ವಾನೊಲು ನೆಲಸಮ ಆದ್, 600 ದೆರ್ದ್ ಎಚ್ಚದ ಜನ ಇನಿ ತೀರ್ ಪೋತೆರ್.

ಸರ್ಕಾರ ಸುಮಾರ್ 13 ಲಕ್ಷ ಜನಕ್ಲೆನ್ ಅಕ್ಲೆನ ಇಲ್ಲರ್ದ್ ಬೇತೆ ಸೇಫ್ ಜಾಗೆಗ್ ಕಡಪಾದೆರ್. ಸುಮಾರ್ 2.72 ಲಕ್ಷ ಎಕರೆ ಬೆನ್ನಿದ ಭೂಮಿ ಲಗಾಡಿ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್. ಇಂಚನೇ ಈ ಬೊಲ್ಲಡ್ ಮಾತೆನ್ಲಾ ಕಳೆಯಿನಕುಲು ಸರಕಾರದ ಸಕಾಯಗಾದ್ ಕಾತೊಂದುಲ್ಲೆರ್.

More than 600 feared dead in devastating floods in Nigeria

Devastating floods in Nigeria has wrecked havoc destroying buildings, crops and villages with with more than 600 people feared dead.

More than 13 lakh people have been evacuated to safer places.More than 2.72 lakh hectares of crops have been destroyed.Refugees are waiting for help from the government.