ತುಳು ಸುದ್ದಿ

ಆಳ್ವಾಸ್ ದ ರಡ್ಡ್ ಕ್ರೀಡಾಪಟುಲು ಟೋಕಿಯೋ ಒಲಂಪಿಕ್ಸ್ ಗ್ ಆಯ್ಕೆ

ಮೂಡುಬಿದಿರೆ,ಜುಲೈ 15: ಈ ತಿಂಗೊಲ್ ದ 23ರ್ದ್ ಜಪಾನ್ ದ ಟೋಕಿಯೋ ಒಲಿಂಪಿಕ್ಸ್ ಕ್ರೀಡಾಕೂಟಡ್ ಭಾರತನ್ ಪ್ರತಿನಿಧಿಸಾವುನ ಕೂಟಡ್ ಮೂಡುಬಿದಿರೆದ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ರಡ್ಡ್ ಕ್ರೀಡಾ ಜೋಕುಲು ಆಯ್ಕೆ ಆತೆರ್.

ಆಳ್ವಾಸ್‌ದ ಕ್ರೀಡಾ ವಿಭಾಗ ದತ್ತು ಶಿಕ್ಷಣದ ಅಡಿಟ್ ಕಲ್ತೊಂದು ಉಪ್ಪುನ ಧನಲಕ್ಷ್ಮೀ ಬೊಕ್ಕ ಶುಭಾ ಆಯ್ಕೆಯಾತೆರ್ , ಮೆಕುಲು 4×400 ಮಿಕ್ಸೆಡ್ ರಿಲೇಡ್ ದೇಶದ ತಂಡನ್ ಪ್ರತಿನಿಧಿಸಾವೊಂದು ಉಲ್ಲೆರ್ .

ಬಂಟ್ವಾಳ: ಆಮ್ಲಜನಕ ಘಟಕ ಲೋಕಾರ್ಪಣೆ

ಬಂಟ್ವಾಳ, ಜುಲೈ 15: ‘ಬಂಟ್ವಾಳ ಸಾರ್ವಜನಿಕ ಆಸ್ಪತ್ರೆಡ್ ನಿರ್ಮಾಣ ಆಯಿನ ₹ 1.40 ಕೋಟಿ ವೆಚ್ಚದ ಆಮ್ಲಜನಕ ಘಟಕ ಪ್ರತಿ ನಿಮಿಷಗ್ 500 ಲೀಟರ್ ಆಮ್ಲಜನಕ ಉತ್ಪಾದನಾ ಸಾಮರ್ಥ್ಯ ಪಡೆತುಂಡು .ನೆರ್ದಾವರ ಕೈತಲ್ ದ ಆಸ್ಪತ್ರೆಗ್ ಸಾಕಾಯ ಆಯರೇ ಉಂಡು ಪಂದ್ ಕೋಟ ಶ್ರೀನಿವಾಸ ಪೂಜಾರಿ ಪಂಡೆರ್ .

ಬಂಟ್ವಾಳ ಸರ್ಕಾರಿ ಆಸ್ಪತ್ರೆಡ್ ಸಿಎಸ್‌ಆರ್ ಅನುದಾನಡ್ ಅನುಷ್ಠಾನ ಆಯಿನ ಆಮ್ಲಜನಕ ಘಟಕನ್ ಅಂಗಾರೆ ಲೋಕಾರ್ಪಣೆ ಮಲ್ತ್ ಪಾತೆರಿಯೆರ್. ಮಾತನಾಡಿದರು.

ಶಾಸಕ ರಾಜೇಶ್ ನಾಯ್ಕ್ ಉಳಿಪ್ಪಾಡಿಗುತ್ತು, ಸಂಸದ ನಳಿನ್ ಕುಮಾರ್ ಕಟೀಲು ಎಡ್ಡೆಪ್ಪು ಬಯಕಿಯೆರ್.

ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ, ಜಿಲ್ಲಾ ಆರೋಗ್ಯಾಧಿಕಾರಿ ಡಾ.ಕಿಶೋರ್ ಕುಮಾರ್, ತಹಶೀಲ್ದಾರ್ ರಶ್ಮಿ ಎಸ್.ಆರ್., ತಾಲ್ಲೂಕು ಪಂಚಾಯಿತಿ ಇಒ ರಾಜಣ್ಣ, ಆರೋಗ್ಯಾಧಿಕಾರಿ ಡಾ.ದೀಪಾ ಪ್ರಭು, ಆಡಳಿತ ವೈದ್ಯಾಧಿಕಾರಿ ಡಾ.ಪುಷ್ಪಲತಾ, ಡಿವೈಎಸ್ಪಿ ವೆಲೆಂಟೈನ್ ಡಿಸೋಜ, ಬೂಡ ಗುರ್ಕಾರ್ಲಾಯಿನ ಬಿ.ದೇವದಾಸ್ ಶೆಟ್ಟಿ, ಪುರಸಭಾ ಸದಸ್ಯೆರಾಯಿನ ಹರಿಪ್ರಸಾದ್, ರೇಖಾ ಪೈ, ಮೀನಾಕ್ಷಿ ಗೌಡ, ಶಶಿಕಲಾ ಬಿ., ದೇವಕಿ, ಚೈತನ್ಯ, ಜಿಲ್ಲಾ ಪಂಚಾಯಿತಿ ಮಾಜಿ ಸದಸ್ಯೆ ಕಮಲಾಕ್ಷಿ ಕೆ.ಪೂಜಾರಿ, ಜಯಂತಿ, ಬಿಜೆಪಿ ಕ್ಷೇತ್ರಾಧ್ಯಕ್ಷ
ದೇವಪ್ಪ ಪೂಜಾರಿ, ಪ್ರಮುಖೆರಾಯಿನ ಸುಲೋಚನಾ ಜಿ.ಕೆ.ಭಟ್, ರಾಮದಾಸ್ ಬಂಟ್ವಾಳ, ಎ.ಗೋವಿಂದ ಪ್ರಭು, ಮಾಧವ ಎಸ್.ಮಾವೆ, ಸುದರ್ಶನ್ ಬಜ, ಪ್ರಕಾಶ್ ಅಂಚನ್, ರಮಾನಾಥ ರಾಯಿ, ಗಣೇಶ್ ರೈ ಮಾಣಿ, ಡೊಂಬಯ ಅರಳ, ರವೀಶ್ ಶೆಟ್ಟಿ ಕರ್ಕಳ, ಪುರುಷೋತ್ತಮ ಶೆಟ್ಟಿ ವಾಮದಪದವು, ಪ್ರದೀಪ್ ಕುಮಾರ್ ಅಜ್ಜಿಬೆಟ್ಟು, ಯಶವಂತ ನಗ್ರಿ, ಕೇಶವ ದೈಪಲ, ಪುಷ್ಪರಾಜ್ ಚೌಟ, ಚಿದಾನಂದ ರೈ ಕಕ್ಯ, ಯಶೋಧರ ಕರ್ಬೆಟ್ಟು, ಆನಂದ ಶಂಭೂರು, ರೊನಾಲ್ಡ್ ಡಿಸೋಜ ಅಮ್ಟಾಡಿ, ಹರ್ಷಿಣಿ ಪುಷ್ಪಾನಂದ, ಮಹೇಶ್ ಶೆಟ್ಟಿ, ಉಮೇಶ್ ಅರಳ, ಮೋನಪ್ಪ ದೇವಸ್ಯ, ಸುರೇಶ ಕೋಟ್ಯಾನ್, ಸದಾಶಿವ ಶೆಣೈ ಪಾಲ್ ಪಡೆದಿತ್ತೆರ್ .

ಕಾಂಗ್ರೆಸ್ ಅಲ್ಪ ಸಂಖ್ಯಾತೆರ್ನ ಘಟಕದ ಕಾರ್ಯದರ್ಶಿಯಾದ್ ಮೊಹಮ್ಮದ್ ಅಝರುದ್ದೀನ್

ಕುಡ್ಲ ,ಜುಲೈ 15: : ದ.ಕ. ಜಿಲ್ಲಾ ಕಾಂಗ್ರೆಸ್ ಸಮಿತಿದ ಅಲ್ಪಸಂಖ್ಯಾತ ಘಟಕದ ಕಾರ್ಯದರ್ಶಿಯಾದ್ ಕೊಡಿಜಾಲ್‌ದ ಮುಹಮ್ಮದ್ ಅಝರುದ್ದೀನ್ ಮೆರೆನ್ ಅಲ್ಪಸಂಖ್ಯಾತೆರ್ನ ಘಟಕದ ಜಿಲ್ಲಾಧ್ಯಕ್ಷ ಶಾಹುಲ್ ಹಮೀದ್ ನೇಮಕ ಮಲ್ದೆರ್.

ಕಾಂಗ್ರೆಸ್ ಪಕ್ಷದ ಸಿದ್ಧಾಂತ ಬೊಕ್ಕ ಕಾರ್ಯಕ್ರಮದ ಅನುಷ್ಠಾನಡ್ ಸಕ್ರಿಯವಾದ್ ಉಪ್ಪುನ ಪಕ್ಷದ ಸಂಘಟನೆ ಬೊಕ್ಕ ಬಲವರ್ಧನೆಗ್ ಕಾರ್ಯೋನ್ಮುಕೇರಾವೊಡು ಪಂದ್ ಆದೇಶಡ್ ಪಂಡೆರ್.

ಯುವ ಕಾಂಗ್ರೆಸ್ ರ್ದ್ ಕೋವಿಡ್ ವಾರಿಯರ್ಸ್ ಗ್ ಮಾನದಿಗೆ

ಕುಡ್ಲ, ಜುಲೈ 15: ರಾಜ್ಯ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ರಕ್ಷಾ ರಾಮಯ್ಯ ಭೇಟಿ ನೆಲೆಟ್ಟ್ ದ.ಕ.ಜಿಲ್ಲಾ ಯುವ ಕಾಂಗ್ರೆಸ್‌ರ್ದ್ ಕೋವಿಡ್ ವಾರಿಯರ್ಸ್‌ಲೆಗ್ ಮಾನದಿಗೆ ಮಲ್ಪುನ ಲೇಸ್ ನ್ ಕುಡ್ಲದ ಮಲ್ಲಿಕಟ್ಟೆದ ಕಾಂಗ್ರೆಸ್ ಭವನಡ್ ಅಂಗಾರೆ ಅಟ್ಟನೆ ಮಲ್ತೆರ್.

ಈ ಪೊರ್ತು ರಾಜ್ಯ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ರಕ್ಷಾ ರಾಮಯ್ಯ ಮೇರ್ ಕೋವಿಡ್ ಪೊರ್ತುಡು ಬೆಂತಿನ ಯುವ ಕಾಂಗ್ರೆಸ್‌ದ ಕೊರೋನ ವಾರಿಯರ್ಸ್ಲೆಗ್ ಪ್ರಮಾಣ ಪತ್ರ ಕೊರ್ದು ಮಾನದಿಗೆ ಮಲ್ತೆರ್ .

ಲೇಸ್ ಡ್ ದ.ಕ. ಜಿಲ್ಲಾ ಕಾಂಗ್ರೆಸ್ ಗುರ್ಕಾರ್ಲಾಯಿನ ಕೆ.ಹರೀಶ್ ಕುಮಾರ್, ರಾಷ್ಟ್ರೀಯ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿಲಾಯಿನ ಅನಿಲ್ ಕುಮಾರ್ ಯಾದವ್, ಸುರಾಭಿ ದಿವೇದಿ, ರಾಷ್ಟ್ರೀಯ ಯುವ ಕಾಂಗ್ರೆಸ್ ಕಾರ್ಯದರ್ಶಿ ವಿದ್ಯಾ ಬಾಲಕೃಷ್ಣನ್, ಜಿಲ್ಲಾ ಕಾಂಗ್ರೆಸ್ ಅಲ್ಪಸಂಖ್ಯಾತ ಘಟಕಾಧ್ಯಕ್ಷ ಶಾಹುಲ್ ಹಮೀದ್, ರಾಜ್ಯ ಯುವ ಕಾಂಗ್ರೆಸ್ ಉಪಾಧ್ಯಕ್ಷೆ ಭವ್ಯ, ರಾಜ್ಯ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿಲಾಯಿನ ದೀಪಿಕ ರೆಡ್ಡಿ, ಮೆರಿಲ್ ರೇಗೊ, ರಾಜ್ಯ ಯುವ ಕಾಂಗ್ರೆಸ್ ಕಾರ್ಯದರ್ಶಿಲಾಯಿನ ಮನ್ನಾರ್ ಮನ್ನಾನ್, ಆಶಿತ್ ಪಿರೇರಾ, ಸರ್ಫಾಝ್ ನವಾಝ್, ಮಾಜಿ ಜಿಲ್ಲಾ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಮಿಥುನ್ ರೈ, ಬ್ಲಾಕ್ ಯುವ ಕಾಂಗ್ರೆಸ್ ಗುರ್ಕಾರ್ಲು , ಪಾಲ್ ಪಡೆದಿತ್ತೆರ್.

ಒಡಿಪು ವಕೀಲೆರ್ನ ಸಂಘರ್ದ್ ವನಮಹೋತ್ಸವ

ಒಡಿಪು, ಜುಲೈ 15: ಜಿಲ್ಲಾ ಕಾನೂನು ಸೇವೆದ ಪ್ರಾಧಿಕಾರ, ಅರಣ್ಯ ಇಲಾಖೆ ಒಡಿಪು ವಲಯ ಬೊಕ್ಕ ವಕೀಲೆರ್ನ ಸಂಘ ಒಡಿಪು ನೆತ್ತ ಸಂಯುಕ್ತ ಆಶ್ರಯಡ್ ಅಂಗಾರೆ ಜಿಲ್ಲಾ ನ್ಯಾಯಾಲಯದ ಆವರಣಡ್ ವನ ಮಹೋತ್ಸವದ ಪರವಾದ್ ನಡತಿನ ದೈ ನಡ್ಪಿನ ಲೇಸ್ ಗ್ ಜಿಲ್ಲಾ ಬೊಕ್ಕ ಸತ್ರ ನ್ಯಾಯಾಧೀಶ ಸುಬ್ರಹ್ಮಣ್ಯ ಜೆ.ಎನ್ ಚಾಲನೆ ಕೊರಿಯೆರ್ .

ಈ ಪೊರ್ತುಡು ಜಿಲ್ಲಾ ಕಾನೂನು ಸೇವೆದ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ ಶರ್ಮಿಳಾ ಎಸ್., ವಕೀಲರ ಸಂಘದ ಜಿಲ್ಲಾ ಗುರ್ಕಾರ್ಲಾಯಿನ ದಿವಾಕರ ಎಂ. ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ರೊನಾಲ್ಡ್ ಪ್ರವೀಣ್ ಕುಮಾರ್, ಒಡಿಪು ವಲಯದ ಉಪವಲಯ ಅರಣ್ಯಾಧಿಕಾರಿ ಗುರುರಾಜ ಕಾವ್ರಾಡಿ ಪಾಲ್ ಪಡೆದಿತ್ತೆರ್.

ಮುಲ್ಕಿ ರೋಟರಿ ಕ್ಲಬ್ ಬೊಳ್ಳಿ ಪರ್ಬದ ವರ್ಷದ ಪದಾಧಿಕಾರಿಲೆನ ಪದಗ್ರಹಣದ ಲೇಸ್

ಮುಲ್ಕಿ : ಬೊಳ್ಳಿ ಪರ್ಬದ ವರ್ಷದ ಕುಸಿಟ್ಟ್ ಉಪ್ಪುನ ಮುಲ್ಕಿ ರೋಟರಿ ಕ್ಲಬ್ ದ 2021-22 ಗುರ್ಕಾರ್ಲು ಶಿವರಾಮ್ ಜಿ ಅಮೀನ್ ಮುತಾಲಿಕೆದ ಪದಾಧಿಕಾರಿಲೆನ ಜಬದಾರಿ ಒಯಿಸೊನ್ನ ಲೇಸ್ (ಪದಗ್ರಹಣ) ಬುಧಾರದಾನಿ ಕಾರ್ನಾಡ್ ದ ರೋಟರಿ ಶತಾಬ್ಧ ಭವನೊಡು ನಡತ್ಂಡ್.

ರೊಟೇರಿಯನ್ ಪಿಎಚ್ಎಫ್ ಪ್ರಕಾಶ್ ಕಾರಂತ ಪ್ರಮಾಣ ವಚನ ಮಲ್ಪಾಯೆರ್.
ಅಸಿಸ್ಟೆಂಟ್ ಗವರ್ನರ್ ರೊ.ಅರುಣ್ ಭಂಡಾರಿ, ಝೋನಲ್ ಲೆಫ್ಟಿನೆಂಟ್ ರೊ.ಅಶೋಕ್ ಕುಮಾರ್ ಶೆಟ್ರ್ ಮಲ್ಲ ಬಿನ್ನೆರಾದ್ ಬತ್ತಿತ್ತೆರ್.
ಕರಿನ ವರ್ಷದ ಕಾರ್ಯಂತೆರ್ ವೈ.ಎನ್ ಸಾಲ್ಯಾನ್ ವರದಿ ಓದಿಯೆರ್.ಪೊಸ ವರ್ಷದ ಕಾರ್ಯಂತೆರ್ ರವಿಚಂದ್ರ ಇತ್ತೆರ್.ಉಂದುವೇ ಪೊರ್ತುಡು ಅನಾರೋಗ್ಯದ ಚಿಕಿತ್ಸೆ ಗ್ ಪಣವುದ ಸಾಕಾರ ಬೊಕ್ಕ ಪ್ರತಿಭಾವಂತ ವಿದ್ಯಾರ್ಥಿ ಲೆಗ್ ಪಣವುದ ಸಕಾಯ ಪಟ್ಟಿಯೆರ್.ಅಂಚೆನೇ ಕೊರೊನಾ ವಾರಿಯರ್ಸ್ ಆದ್ ಸೇವೆ ಮಲ್ಪುನ ಡಾ. ಚಿತ್ರಾ, ಡಾ. ಕೃಷ್ಣ ಬೊಕ್ಕ ಎಸ್ಐ ವಿನಾಯಕ ತೋರಗಲ್ ಮೊಕಲೆನ ಮಾನಾದಿಗೆ ನಡತ್ಂಡ್.
ರೊ. ನರೇಂದ್ರ ಕೆರೆಕಾಡು ಮುತಾಲಿಕೆದ “ನಮನ ತುಳುವ ನಲಿಕೆ” ಪಂಥೊದ ಪೋಸ್ಟರ್ ಬುಡುಗಡೆ ನಡತ್ಂಡ್.ರೊ. ನಾರಾಯಣ್ ಬಿನ್ನೆರೆನ ಪರಿಚಯ ಮಲ್ತೆರ್ .ಮುಲ್ಕಿ, ಬಜ್ಪೆ, ಬೆದ್ರ ವಲಯದ ಸದಸ್ಯೆರ್ ಲೇಸ್ ಡ್ ಪಾಲ್ ಪಡರದಿತ್ತೆರ್.ಜಿನರಾಜ್ ಸಾಲ್ಯಾನ್, ರಾಜಾ ಪತ್ರಾವೊ ಲೇಸ್ ನಡಪಾದ್ ಕೊರಿಯೆರ್.
ಪೊಸ ಕಾರ್ಯಂತೆರ್, ರೊ. ರವಿಚಂದ್ರ ಸೊಲ್ಮೆ ಸಂದಾಯೆರ್.

ಕೇರಳಡ್ ಝೀಕಾ ವೈರಸ್ ಪತ್ತೆ : ಒಡಿಪು ಬೊಕ ಕುಡ್ಲಡ್ ಜಾಗ್ರತೆ ಮಲ್ಪರೆ ಆರೋಗ್ಯ ಇಲಾಖೆ ಸೂಚನೆ

ಕುಡ್ಲ ,ಜುಲೈ 14: : ಕೇರಳಡ್ ಈಡಿಸ್‌ ಉಮಿಲ್ ರ್ದ್ ಪರಡುನ ಝೀಕಾ ವೈರಸ್ ಪತ್ತೆಯಾಯಿನ ನೆಲೆಟ್ಟ್ ಗಡಿ ಜಿಲ್ಲೆಲಾಯಿನ ಚಾಮರಾಜನಗರ, ದ.ಕ. ಬೊಕ್ಕ ಒಡಿಪುಡು ಜಾಸ್ತಿ ಜಾಗ್ರತೆ ಮಲ್ಪೋಡು ಪಂದ್ ರಾಜ್ಯ ಆರೋಗ್ಯ ಇಲಾಖೆದ ಆಯುಕ್ತೆರ್ ಸೂಚನೆ ಕೊರ್ತೆರ್ .

ದ.ಕ. ಜಿಲ್ಲೆಡ್ ಈಡಿಸ್‌ ರೋಗವಾಹಕ ಉಮಿಲ್ ದ ನಿಯಂತ್ರಣಗ್ ನಿಗಾ ವಹಿಸೆರೆ ಆರೋಗ್ಯ ಇಲಾಖೆಗ್ ಸೂಚನೆ ಕೊರ್ತುಂಡು ಪಂದ್ ದ.ಕ. ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ. ಪಂಡೆರ್ .