ತುಳು ಸುದ್ದಿ

ಹಿಂದೂ ರುದ್ರ ಭೂಮಿ ಸ್ವಾಗತ ಗೋಪುರ ಉದಿಪನ ಮಲ್ತಿನ ಶಾಸಕ ರಘುಪತಿ ಭಟ್

ಮಲ್ಪೆ : ಹಿಂದೂ ರುದ್ರಭೂಮಿದ ಸ್ವಾಗತ ಗೋಪುರ ನಿರ್ಮಾಣಗ್ ಶಾಸಕ ಕೆ. ರಘುಪತಿ ಭಟ್ ಶಿಫಾರಸ್ ದ ಮಿತ್ತ್ ಹಿಂದೂ ಧಾರ್ಮಿಕ ಬೊಕ್ಕ ಧರ್ಮಾದಾಯ ದತ್ತಿ ಇಲಾಖೆರ್ದ್ ರೂ. 5.00 ಲಕ್ಷ ಮಂಜೂರಾಗಿ ಕಾಮಗಾರಿ ಪೂರ್ಣ ಆತುಂಡು , ಶುಕ್ರವಾರದಾನಿ ಶಾಸಕ ಕೆ. ರಘುಪತಿ ಭಟ್ ತುಡರ್ ಅರ್ಲಾವುನ ಮುಖೇನ l ಸಾಗತ ಗೋಪುರನ್ ಉದಿಪನ ಮಲ್ತೆರ್ .

ಒಡಿಪು ನಗರ ಸಭಾಧ್ಯಕ್ಷೆ ಸುಮಿತ್ರಾ ಆರ್ ನಾಯಕ್, ಉಪಾಧ್ಯಕ್ಷೆ ಲಕ್ಷ್ಮೀ ಮಂಜುನಾಥ ಕೊಳ, ಸ್ಥಾಯಿ ಸಮಿತಿ ಗುರ್ಕಾರ್ಲಾಯಿನ ಗಿರೀಶ್ ಅಂಚನ್, ನಗರಸಭಾ ಸದಸ್ಯ ಬಾಲಕೃಷ್ಣ ಶೆಟ್ಟಿ, ನಾಮ ನಿರ್ದೇಶಿತ ಸದಸ್ಯ ವಿಜಯ್ ಕುಂದರ್, ಒಡಿಪು ತಾಲೂಕು ಪಂಚಾಯತ್ ಮಾಜಿ ಒತ್ತು ಗುರ್ಕಾರ್ಲಾಯಿನ ಶರತ್ ಬೈಲಕೆರೆ, ಮಲ್ಪೆ ಹಿಂದೂ ರುದ್ರಭೂಮಿ ಸಮಿತಿದ ಗುರ್ಕಾರ್ಲಾಯಿನ ಪಾಂಡುರಂಗ, ಕಾರ್ಯದರ್ಶಿ ಮಂಜು ಕೊಳ, ಬೊಕ್ಕ ಪದಾಧಿಕಾರಿಲು , ಮಲ್ಪೆ ಮೀನುಗಾರರ ಸಂಘದ ಗುರ್ಕಾರ್ಲಾಯಿನ ದಯಾನಂದ ಸುವರ್ಣ ಬೊಕ್ಕ ಪದಾಧಿಕಾರಿಲು ಪಾಲ್ ಪಡೆದಿತ್ತೆರ್ .

ಕಾಪು ಬಿಜೆಪಿ ಮಹಾ ಶಕ್ತಿಕೇಂದ್ರದ ಪದುಕೆರ್ನ ಸಭೆ

ಕಾಪು : ಬಿಜೆಪಿ ಕಚೇರಿಡ್ ಮಹಾಶಕ್ತಿಕೇಂದ್ರ ಪದುಕೆರ್ನ ಸಭೆ ನಡತುಂಡು .ಗುರ್ಕಾರ್ಮೆನ್ ವಹಿಸಾದ್ ಪಾತೆರಿನ ಮಂಡಲದ ಗುರ್ಕಾರ್ಲಾಯಿನ ಶ್ರೀಕಾಂತ ನಾಯಕ್, ಬಿಜೆಪಿ ಪಕ್ಷಡ್ ಉಪ್ಪುನಾತ್ ಸಂಘಟನಾತ್ಮಕ ವ್ಯವಸ್ಥೆ ಬೇತೆ ಒವ್ವೆ ಪಕ್ಷಡ್ ಇಜ್ಜಿ . ಬೂತ್ ಮಟ್ಟರ್ದ್ ಪತ್ತ್ ದ್ ರಾಷ್ಟ್ರೀಯ ಮಟ್ಟ ಮುಟ ಬಾರಿ ಎಡ್ಡೆ ರೀತಿದ ವ್ಯವಸ್ಥೆ ಉಂಡು .ಐಟ್ ಮಹಾಶಕ್ತಿಕೇಂದ್ರದ ಜವಾಬ್ದಾರಿ ಬಾರಿ ಮಹತ್ತರವಾಯಿನವು . ಮಹಾಶಕ್ತಿಕೇಂದ್ರಲು ಕ್ರಿಯಾತ್ಮಕವಾದ್ ಬೇಲೆ ಮಲ್ತುಂಡ ಸಂಘಟನೆ ಗಟ್ಟಿ ಆಪುಂಡು ಪಂದ್ ಪಂಡೆರ್ .

ನಿಕಟಪೂರ್ವ ಗುರ್ಕಾರ್ಲಾಯಿನ ಪ್ರಕಾಶ್ ಶೆಟ್ಟಿ ಪಾದೆಬೆಟ್ಟು, ರಾಜ್ಯ ಮಹಿಳಾಮೋರ್ಚ ಪ್ರಧಾನ ಕಾರ್ಯದರ್ಶಿ ಶಿಲ್ಪಾಜಿ ಸುವರ್ಣ ಮಂಡಲ ಪ್ರಧಾನ ಕಾರ್ಯದರ್ಶಿ ಅನಿಲ್ ಶೆಟ್ಟಿ, ಗೋಪಾಲಕೃಷ್ಣ ರಾವ್, ಮಂಡಲ ಕಾರ್ಯದರ್ಶಿ ಮಾಲಿನಿ ಶೆಟ್ಟಿ, ಲತಾ ಆಚಾರ್ಯ, ರಾಜೇಶ್ ಕುಂದರ್, ಮಂಡಲ ಒತ್ತು ಗುರ್ಕಾರ್ಲಾಯಿನ ಚಂದ್ರಶೇಖರ್ ಕೋಟ್ಯನ್, ಸುಧಾಮ ಶೆಟ್ಟಿ, ಮಹಾಶಕ್ತಿಕೇಂದ್ರ ಗುರ್ಕಾರ್ಲಾಯಿನ, ಸಂದೀಪ್ ರಾವ್, ಶಿವಪ್ರಸಾದ್ ಶೆಟ್ಟಿ, ಸಂದೀಪ್ ಶೆಟ್ಟಿ, ರವಿ ಕೋಟ್ಯನ್, ಜಿಯಾನಂದ ಹೆಗ್ಡೆ, ವಿಶ್ವನಾಥ ಕುರ್ಕಾಲು ಮಹಾಶಕ್ತಿಕೇಂದ್ರ ಪದುಕೆರ್ , ಪಾಲ್ ಪಡೆದಿತ್ತೆರ್.

ಭಾರತೀಯ ವಿಕಾಸ ಟ್ರಸ್ಟ್ , ಮಣಿಪಾಲ ವತಿರ್ದ್ ವಿಶ್ವ ಉದ್ಯಮ ಶೀಲತಾ ದಿನದ ಲೇಸ್

ಮಣಿಪಾಲ : ಭಾರತೀಯ ವಿಕಾಸ ಟ್ರಸ್ಟ್, ಮಣಿಪಾಲ ವತಿರ್ದ್ ನಡತಿನ “ವಿಶ್ವ ಉದ್ಯಮ ಶೀಲತಾ ದಿನದ” ಲೇಸ್ ದ ಉದಿಪನನ್ ಮಣಿಪಾಲದ ಪವರ್ ಸಂಸ್ಥೆದ ಗುರ್ಕಾರ್ಲಾಯಿನ ತಾರಾ ತಿಮ್ಮಯ್ಯ ನಡಪಾದ್ ಕೊರಿಯೆರ್ .

ಬಳಿಐರ್ದ್ ಬೊಕ್ಕ ಪಾತೆರಿನ ಆರ್ ಜೀವನಡ್ ಕಷ್ಟ ಬತ್ತುಂಡ ಧೃತಿಗೆಡoದೆ ದುಂಬರಿಯೋಡು ಐಟ್ಲಾ ಸ್ವ-ಉದ್ಯೋಗ ಮಲ್ಪುನಗ ಅಡೆತಡೆಲು ಬರ್ಪಿನವು ಸರ್ವೆಸಾಮಾನ್ಯ ಪಂದ್ ಪಂಡೆರ್.

ಭಾರತೀಯ ವಿಕಾಸ ಟ್ರಸ್ಟಟ್ ಮುಖ್ಯ ಲೇಸ್ದ ಸಂಯೋಜಕಿ ಎ.ಲಕ್ಷ್ಮೀಬಾಯಿ ಗುರ್ಕಾರ್ಲೆನ ಸ್ಥಾನರ್ದ್ ಪಾತೆರ್ದ್ ಭಾರತೀಯ ವಿಕಾಸ ಟ್ರಸ್ಟ್ ಸಂಸ್ಥೆದ ಮುಖೇನ ಯುವ ಉದ್ಯಮಿಲೆಗ್ ಮಾರ್ಗದರ್ಶನ, ಸಾಕಾರ ಸದಾ ಉಂಡು ಪಂದ್ ಪಂಡೆರ್ .

ಸಂತ ಮೇರಿ ಮಹಾವಿದ್ಯಾಲಯಡ್ ಸ್ವಚ್ಛಸರ್ವೇಕ್ಷಣ ಜನಾಂದೋಲನ 2021

ಶಿರ್ವ: ಗ್ರಾಮೀಣ ನೈರ್ಮಲ್ಯನ್ ಸುಧಾರಣೆ ಮಲ್ಪುನ ನೆಲೆಟ್ಟ್ ಕೇಂದ್ರ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಮಂತ್ರಾಲಯ ‘ಸ್ವಚ್ಛ ಸರ್ವೆಕ್ಷಣ ಗ್ರಾಮಿಣ-2021’ ಜನಾಂದೋಲನ ಲೇಸ್ ಗ್ ಸ್ವಚ್ಛ ಭಾರತ್ ಅಭಿಯಾನದಡಿ ಗ್ರಾಮೀಣ ಸಮುದಾಯಡ್ ಸ್ವಚ್ಛತೆ, ಸುಚಿತ್ವ ಬೊಕ್ಕ ನೈರ್ಮಲ್ಯದ ಮಹತ್ವದ ಬಗ್ಗೆ ಅರಿವು ಮೂಡಾವುನ ನೆಲೆಟ್ಟ್ ರಾಷ್ಟ್ರ ವ್ಯಾಪಿ ಚಾಲನೆ ಕೊರಿಯೆರ್ .

ನೆತ್ತ ಪ್ರಯುಕ್ತ ಶಿರ್ವ ಸಂತ ಮೇರಿ ಮಹಾವಿದ್ಯಾಲಯದ ಎನ್.ಸಿ.ಸಿ, ಎನ್.ಎಸ್.ಎಸ್, ಬೊಕ್ಕ ರೋವರ್ಸ್ ಅಂಚನೇ ರೇಂಜರ್ಸ್ ಘಟಕದ ವತಿರ್ದ್ ಜೋಕ್ಲೆಗ್ ಸ್ವಚ್ಛತೆ ಬೊಕ್ಕ ಅವೆನ್ ಸಮರ್ಪಕವಾದ್ ತಮ್ಮ ಕೈತಲ್ ದ ಇಲ್ಲ್ , ಪರಿಸರಗಗ್ ಅನ್ವಯವಾಪಿಲಕ ಕಾರ್ಯರೂಪ ಮಲ್ಪುನಲ್ಪ ಸ್ವಚ್ಚತಾ ಸರ್ವೇಕ್ಷಣ ಪ್ರತಿಜ್ಞಾವಿಧಾನನ್ ಪ್ರಾಂಶುಪಾಲ ಡಾ. ಹೆರಾಲ್ಡ್ ಐವನ್ ಮೋನಿಸ್ ನಡಪಾದ್ ಕೊರಿಯೆರ್ .

ಎನ್.ಸಿ.ಸಿ ಕ್ಯಾಡೆಟ್ ಸೀನಿಯರ್ ಅಂಡರ್ ಆಫೀಸರ್ ಭಟ್ ರಾಮದಾಸ್ ಸತೀಶ್, ಕ್ಯಾಡೆಟ್ ಜೂನಿಯರ್ ಆಫೀಸರ್ ಪ್ರವಿತ ಆಚಾರ್ಯ, ರಿಯಾನ್ ರಿಷಿ ಆಲೋನ್ನೋ, ಕಂಪನಿ ಸಾರ್ಜೆಂಟ್ ಮೇಜರ್ ಪ್ರತಿಮ, ಕ್ವಾರ್ಟರ್ ಮಾಸ್ಟರ್ ರೈನ್ ಅಂದ್ರಾದೆ,ಎನ್ ಎಸ್ ಎಸ್ ಘಟಕದ ವಿದ್ಯಾರ್ಥಿ ನಾಯಕೆರಾಯಿನ ಅಕ್ಷಯ್, ಸುರೇಖಾ, ವೈಷ್ಣವಿ, ಅಪೇಕ್ಷಾ,ರೋವರ್ಸ್ ಪಾಲ್ ಪಡೆದಿತ್ತೆರ್.