ರಪಕ್ಕ ಸುದ್ದಿ Flash News

ಬಂಗಾರ್‌ದ ಬಿಲೆ 57000 ರೂಪಾಯಿ!!

ಕೋಡೆ ಒಂತೆ ಕಮ್ಮಿ ಆಯಿನ ಬಂಗಾರ್ ಅಂಚನೆ ಬೊಲ್ಲಿದ ಬಿಲೆ ಇನಿ ಭಾರೀ ಎಚ್ಚ ಆತ್ಂಡ್. ಕರ್ನಾಟಕಡ್ 24 ಕ್ಯಾರೆಟ್ 10 ಗ್ರಾಂ ಬಂಗಾರ್‌ದ ಬಿಲೆ 380 ರೂ ಜಾಸ್ತಿಯಾದ್ 57,160 ರೂ. (ಕೋಡೆ 56,780) ಆತ್ಂಡ್.

ಅಂಚನೆ 22 ಕ್ಯಾರೆಟ್ 10 ಗ್ರಾಂ ಬಂಗಾರ್‌ದ ಬಿಲೆ 350 ರೂ ಎಚ್ಚ ಆದ್ 52,400 ರೂ ಆತ್ಂಡ್. ಬೊಲ್ಲಿದ ಬಿಲೆಟ್ಟ್‌ಲ 1000 ರೂ ಜಾಸ್ತಿ ಆದಿತ್ತ್‌ದ್, ಬೆಂಗ್ಲೂರುಡು ಒಂಜಿ ಕೆಜಿ ಬೊಲ್ಲಿದ ಬಿಲೆ ರೂ 74,500 (ಕೋಡೆ 73,500) ಆತ್ಂಡ್.

Gold prices reach a high of over 57,000/10grams

The gold and silver rates are increasing by the day The price of ten grams of 24 carat gold today is 57,160 rupees.

The rate of 22 carat gold per ten grams is 52,400 rupees. The price of silver per kg is 74,500 rupees.

ಎಲ್ಲೆ “ಕುಡ್ಲ ಕಂಬುಲ”

ಕುಡ್ಲ ಕಂಬಳ ಸಮಿತಿ ಮುತಾಲಿಕೆಡ್ ಬಂಗ್ರ ಕೂಳೂರ್‌ದ ಗೋಲ್ಡ್ ಪಿಂಚ್ ಸಿಟಿ ಮೈದಾನದ ರಾಮ ಲಕ್ಷ್ಮಣ ಜೋಡುಕರೆಟ್ಟ್ ಜ.22 ಕ್ಕ್ 6ನೇ ವರ್ಷದ “ಕುಡ್ಲ ಕಂಬುಲ” ನಡಪರೆ ಉಂಡು ಪಂದ್ ಸಮಿತಿದ ಅಧ್ಯಕ್ಷೆರ್ ಕ್ಯಾಪ್ಟನ್ ಬೃಜೇಶ್ ಚೌಟ ತೆರಿಪಾಯೆರ್.

ಪತ್ರಿಕಾಗೋಷ್ಠಿಡ್ ಸುಕ್ರಾರ ಮಾಹಿತಿ ಕೊರಿನ ಆರ್, ಎಂಆರ್‌ಜಿ ಗ್ರೂಪ್‌ದ ಸಿಎಂಡಿ ಕೆ. ಪ್ರಕಾಶ್ ಶೆಟ್ಟಿ ಮೆರೆನ ಗೌರವ ಅಧ್ಯಕ್ಷತೆಡ್ ಕಂಬುಲ ಐತಾರ ಕಾಂಡೆ 8.15 ಕ್ಕ್ ಉದಿಪನ ಆಯರೆ ಉಂಡು ಪಂದ್ ಪಂಡೆರ್.

150 ರ್ದ್‌ಲ ಎಚ್ಚದ ಇನಾಮು ಪಡೆತಿನ ಚೆನ್ನ ಅಂಚನೆ ಬೊಳ್ಳೆ ಪನ್ಪಿನ ಪುದರ್‌ದ ಎರುಕುಲು ಈ ಕಂಬುಲದ ವಿಶೇಷ ಆಕರ್ಷಣೆಯಾದ್ ಪಾಲ್ ಪಡೆಯರೆ ಉಂಡು.

ಜೋಕ್ಲೆಗಾದ್ ಮೂಜಿ ವಿಭಾಗಡ್ “ಕಲರ್ ಕೂಟ” ಪನ್ಪಿನ ಚಿತ್ರಕಲೆ ಪಂತೊ, ರೀಲ್ಸ್ ಅಂಚನೆ ಫೋಟೋಗ್ರಾಫಿ ಪಂತೊ ಅಟ್ಟನೆ ಮಲ್ತ್‌ದೆರ್. ಬಯ್ಯ 6.30 ಗ್ ಸಭೆ ನಡಪರೆ ಇತ್ತ್‌ದ್, ಪಿಚ್ಚರ್‌ದ ನಟೆ ಅಭಿಷೇಕ್ ಅಂಬರೀಶ್, ನಿರ್ದೇಶಕೆರ್ ನಟೆ ರಾಜ್ ಬಿ ಶೆಟ್ಟಿ, ಬಿಗ್ ಬಾಸ್‌ಡ್ ಗೆಂದಿನ ರೂಪೇಶ್ ಶೆಟ್ಟಿ ಸೇರಿನಂಚನೆ ಮಸ್ತ್ ಬಿನ್ನೆರ್ ಲೇಸ್‌ಡ್ ಪಾಲ್ ಪಡೆಯರೆ ಉಲ್ಲೆರ್.ಜ. 23 ಕ್ಕ್ ಕಾಂಡೆ ಇನಾಮು ಕೊರ್ಪಿನ ಲೇಸ್ ನಡಪರೆ ಉಂಡು.

ಪತ್ರಿಕಾಗೋಷ್ಠಿಡ್ ಪಿ.ಆರ್.ಶೆಟ್ಟಿ ಕುಳೂರು, ಸುಧಾಕರ ಶೆಟ್ಟಿ, ವಿಜಯ ಕುಮಾರ್ ಕಂಗಿನಮನೆ, ಸಂಜಯ್ ಪ್ರಭು, ಈಶ್ವರ ಪ್ರಸಾದ್ ಶೆಟ್ಟಿ, ಸಾಂತ್ಯಗುತ್ತು ಸಚಿನ್ ಶೆಟ್ಟಿ ಇತ್ತೆರ್.

ತುಳುನಾಡ್‌ಡ್ ಬುಡುಗಡೆ ಆಂಡ್ “ಶಕಲಕ ಬೂಂ ಬೂಂ” ತುಳು ಪಿಚ್ಚರ್

ಕುಡ್ಲ: ಯುಎನ್ ಸಿನೆಮಾಸ್ ಬ್ಯಾನರ್ ಅಡಿಟ್ಟ್ ನಿರ್ಮಾಣ ಆಯಿನ ಅಂಚನೆ ಶ್ರೀಶ ನಾಯಕ್ ಎಳ್ಳಾರೆ ನಿರ್ದೇಶನ ಮಲ್ತಿನ “ಶಕಲಕ ಬೂಂ ಬೂಂ” ತುಳು ಪಿಚ್ಚರ್ ಜ.20 ಗ್ ಸುಕ್ರಾರ ಪೇಂಟೆದ ಬಿಗ್ ಸಿನೆಮಾಸ್‌ಡ್ ಬುಡುಗಡೆ ಆಂಡ್.

ಚಿತ್ರರಂಗದ ಪೆರಿಯ ಕಲಾವಿದೆರ್ ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ಲೇಸ್‌ನ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್. ಅಯಿರ್ದ್ ಬೊಕ್ಕ ಪಾತೆರಿನ ಆರ್, “ಇತ್ತೆ ಚಿತ್ರರಂಗಗ್ ಪರ್ವ ಕಾಲ. ಪೊಸ ಪೊಸ ಪಿಚ್ಚರ್‌ಲ್ ಬುಡುಗಡೆ ಆವೊಂದಿಪ್ಪುನವು ಕುಷಿತ್ತ ಇಚಾರ. ಮಾತ ತುಳುವೆರ್ ಬತ್ತ್‌ದ್ ಈ ಪಿಚ್ಚರ್‌ನ್ ತೂಲೆ ಪಂದ್ ಪಂಡೆರ್.

ಪ್ರಕಾಶ್ ಪಾಂಡೇಶ್ವರ ಪಾತೆರ್ದ್ “ಶಕಲಕ ಬೂಂ ಬೂಂ” ಪಿಚ್ಚರ್‌ದ ಟೈಟಲ್ ಭಾರೀ ಪೊರ್ಲಾದಿತ್ತ್‌ದ್ ತೂಯರೆ ವಿಭಿನ್ನವಾದ್ ಉಂಡು. ಅಂಚಾದ್ ಈ ಚಿತ್ರರಂಗಗ್ ಜನಕ್ಲೆನ ಒಯ್ಪುನಲ್ಪ ಒವ್ವೇ ಸಂಶಯ ಇಜ್ಜಿ. ಮಾತೆರ್ಲಾ ಪಿಚ್ಚರ್ ತೂದ್ ಸಾಕಾರ ಕೊರ್ಲೆ ಪಂದ್ ಪಂಡೆರ್.

ಈ ಪಿಚ್ಚರ್‌ಡ್ ರೂಪಶ್ರೀ ವರ್ಕಾಡಿ, ಮನೋಹರ್ ಶೆಟ್ಟಿ ನಂದಳಿಕೆ, ವಸಂತ್ ಮುನಿಯಾಲ್, ಹರೀಶ್ ಗಾಳಿಪಟ, ಸುನಿಲ್ ಕಡ್ತಲ, ಯತೀಶ್ ಪೂಜಾರಿ, ಯಶವಂತ್, ಪ್ರವೀಣ್ ಆಚಾರ್ಯ, ಕಾಮಿಡಿ ಕಿಲಾಡಿ ಪುಗರ್ತೆದ ರಾಧೇಶ್, ಕಾಮಿಡಿ ಗ್ಯಾಂಗ್ ಪುಗರ್ತೆದ ರಾಜೇಶ್ ದಾನಶಾಲೆ, ಲಂಚುಲಾಲ್, ರಾಜೇಶ್ವರಿ ಕುಲಾಲ್, ಧೀರಜ್, ಶಿವಾನಂದ, ಯಜ್ಞೇಶ್ ಶೆಟ್ಟಿ ನಟನೆ ಮಲ್ತ್‌ದೆರ್.

ಜನಕ್ಲೆನ್ ಮೋಸ ಮಲ್ತೊಂದು ಬದ್‌ಕ್‌ನಕುಲು ಸಂಪತ್ತ್‌ದ್ ಆಸೆರ್ದ್ ಒಂಜಿ ಪಾಳ್ ಬೂರ್ದಿನ ಇಲ್ಲಡ್ ಬತ್ತ್‌ದ್ ಬೂರುವೆರ್. ಆ ಇಲ್ಲದ ರಹಸ್ಯ ದಾದ ? ಈ ಪಿರವು ಆ ಇಲ್ಲಡ್ ದಾದ ಆದಿತ್ತ್ಂಡ್ ? ನ್ಯಾಯ ಗೆಂದುಂಡಾ ? ಸತ್ಯಗ್ ಜಯ ಉಂಡಾ ? ಪನ್ಪಿನ ಸಾರಾಂಶ ಇಪ್ಪುನ ವಿಶಿಷ್ಟವಾಯಿನ ಪಿಚ್ಚರ್ ಉಂದು ಆತ್ಂಡ್.

ಈ ಪೊರ್ತುಡು ಪಿಚ್ಚರ್‌ದ ನಟಿ ಲಕ್ಷ್ಯ ಶೆಟ್ಟಿ, ಮಿಮಿಕ್ರಿ ಶರಣ್, ತ್ರಿಶೂಲ್, ಚೈತ್ರಾ ಶೆಟ್ಟಿ ಇತ್ತೆರ್. ಯತೀಶ್ ಲೇಸ್ ಸುಧಾರಿಕೆ ಮಲ್ತೆರ್.

Much awaited ” Shakalaka Boom Boom” movie released

Mangalore: The much awaited Tulu movie Shakalaka Boom Boom movie produced under the US cinemas banner; produced by Nityananda Nayak Narsinghe, directed by Srisha Nayak Yellare the release function of which was held at Bharat Mall Big Cinemas today.

It is the season of Tulu movies now. Many new Tulu movies are being produced and well taken by the Tulu speaking audience. Please encourage Tulu cinama” said renowned director Vijay Kumar Kodiakbail at the release function today.

Prakash Pandeshwar speaking on the occasion said that the name of the movie Shakalaka Boom Boom was unique and was sure to draw the people to the theatres. He requested the people to encourage Tulu movies.

Chitra Shetty, Mimicry Sharan, Trishul Shetty, Lakshya Shetty, Music director Dalwin Kolalagiri , the producer and director of the movie were present on the occasion.

The movie has been released all over in the theatres of the coastal districts of DK and Udupi .The cinematography is by Prajwal Suvarna and camera is by Arun Rai Puttur.

The cast includes Arvind Bolar, Umesh Mijar, Praveen Markamay, Mimikry Sharan and others including Godwin Sparkle and Lakshya Shetty in the leading roles.

ದೇವೆರ್ ಕೊರ್ಪಿನ ಸೊತ್ತುನು ದೇವೆರೆಗೇ ಸಮರ್ಪಣೆ ಮಲ್ಪೊಡು : ಶ್ರೀ ವಿದ್ಯಾಪ್ರಸನ್ನ ಸ್ವಾಮೀಜಿ, ಪಾವಂಜೆ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್ ಬ್ರಹ್ಮಕಲಶ ಉಚ್ಚಯದ ಉಗ್ರಾಣ ಮೂರ್ತ

ಹಳೆಯಂಗಡಿ: ದೇವಸ್ಥಾನದ ಅಭಿವೃದ್ಧಿ ಆಂಡ ಗ್ರಾಮದ ಅಭಿವೃದ್ಧಿ ಆಪುಂಡು. ಪ್ರಕೃತಿಡ್ ತಿಕ್ಕುನ ಒವ್ವೇ ವಸ್ತುಲ ಆವಡ್, ಅವು ನಮಕ್ಕ್ ದೇವೆರ್ ಕೊರ್ತಿನವು. ಅವೆನ್ ಅರೆಗೇ ಸಮರ್ಪಣೆ ಮಲ್ತ್ಂಡ ನಮ್ಮ ಬದ್ ಕ್ ಸಾರ್ತಕ ಆಪುಂಡು. ಅಯಿಟ್ಟ್ ದೇವೆರ್ನ ಅನುಗ್ರಹ ತಿಕ್ಕುಂಡು ಪಂದ್ ಶ್ರೀ ಕ್ಷೇತ್ರ ಸುಬ್ರಹ್ಮಣ್ಯ ಮಠದ ಶ್ರೀ ವಿದ್ಯಾ ಪ್ರಸನ್ನ ತೀರ್ಥ ಸ್ವಾಮೀಜಿ ಪಂಡೆರ್.

ಆರ್ ಪಾವಂಜೆ ಶ್ರೀ ಮಹಾಲಿಂಗೇಶ್ವರ ಮಹಾ ಗಣಪತಿ ದೇವಸ್ಥಾನಡ್ ಜ.28ಗು ನಡಪುನ ಅಷ್ಟ ಬಂಧ ಬ್ರಹ್ಮಕಲಶ ಉಚ್ಚಯದ ನಿಲೆಟ್ಟ್ ದೇವಸ್ಥಾನಡ್ ಉಗ್ರಾಣ ಮೂರ್ತಗ್ ಚಾಲನೆ ಕೊರ್ದು ಪಾತೆರಿಯೆರ್.

ದೇವಲ್ಯದ ತಂತ್ರಿಲಾಯಿನ ವೇ.ಮೂ ರಾಧಾಕೃಷ್ಣ ಉಪಾಧ್ಯಾಯೆರ್ನ ಮುತಾಲಿಕೆಡ್ ಮಹಾಪೂಜೆ, ಸಾಮೂಹಿಕ ಪ್ರಾರ್ತನೆ ನಡತ್ಂಡ್. ಅವೆರ್ದ್ ಬೊಕ್ಕ ತೋರಣ ಪ್ರತಿಷ್ಠೆ, ಪುಣ್ಯಾಹ ಪಂಚಗವ್ಯ, ದೇವ ನಾಂದಿ, ಕಂಕಣ ಕಟ್ಟುನ, ಅರಣಿ ಮಥನ, ಭದ್ರ ದೀಪ, ಪ್ರತಿಷ್ಠೆ, ಗವ್ಯ ಯಾಗ, ಗೋಪೂಜೆ ನಡತ್ಂಡ್.

ಜೀರ್ಣೋದ್ಧಾರದ ಅಂಗವಾದ್ ಭಕ್ತಾದಿಲು ಸೇವಾ ರೂಪಡ್ ಕೊರ್ತಿನ ಬೇತೆ ಬೇತೆ ಕೊಡುಗೆಲೆನ ಲೋಕಾರ್ಪಣೆ ಕಾರ್ಯಕ್ರಮ ನಡತ್ಂಡ್.

ಈ ಪೊರ್ತುಡು ಜ್ಯೋತಿಷಿ ಯಚ್ ಶಿವರಾಯ ಪ್ರಭು ಮೇರ್ ಬರೆತಿನ ಶ್ರೀ ಕ್ಷೇತ್ರದ ಇತಿಹಾಸ ಸಂಚಿನ್ ಸ್ವಾಮಿಲು ಬುಡುಗಡೆ ಮಲ್ತೆರ್.

ಕಟೀಲು ಕ್ಷೇತ್ರದ ಅನುವಂಶಿಕ ಮೊಕ್ತೇಸರೆರ್ ವಾಸುದೇವ ಅಸ್ರಣ್ಣ, ಮುಲ್ಕಿ ಸೀಮೆ ಅರಸೆರ್ ದುಗ್ಗಣ್ಣ ಸಾವಂತರು, ಮಲ್ಲ ವಿದ್ವಾಂಸೆರ್ ವೇ.ಮೂ. ಕೃಷ್ಣ ಭಟ್ ಪಾವಂಜೆ, ಪ್ರಧಾನ ಅರ್ಚಕೆರ್ ವಾಸುದೇವ ಭಟ್, ಪವಿತ್ರ ಪಾಣಿ ಪಿ. ಗಣೇಶ್ ಭಟ್ , ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಸೂರ್ಯ ಕುಮಾರ್, ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಪ್ರಕಾಶ್ ಎನ್ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ, ಚಂದ್ರಶೇಖರ ನಾನಿಲ್ , ಜೊತೆ ಕಾರ್ಯದರ್ಶಿ ರಾಮದಾಸ್ ಪಾವಂಜೆ, ಹಳೆಯಂಗಡಿ ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಪೂರ್ಣಿಮಾ, ಕೆಮ್ರಾಲ್ ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಲೀಲಾ ಕೃಷ್ಣಪ್ಪ, ಪಡುಪಣಂಬೂರು ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಮಂಜುಳಾ, ಅದಿತ್ಯ ಮುಕಾಲ್ದಿ ಖಂಡಿಗೆ ಬೂಡು, ಹಳೆಯಂಗಡಿ ಬಿಲ್ಲವ ಸಂಘದ ಗೌರವಾಧ್ಯಕ್ಷೆರ್ ಗಣೇಶ್ ಬಂಗೇರ, ಶಶೀಂದ್ರ ಸಾಲಿಯಾನ್, ಕಸ್ತೂರಿ ಪಂಜ, ವಿನೋದ್ ಬೊಳ್ಳೂರು, ಜೀವನ್ ಪ್ರಕಾಶ್ ಕಾಮೆರೊಟ್ಟು, ದಿನೇಶ್ ಹರಿಪಾದೆ, ಸುಕೇಶ್ ಪಾವಂಜೆ, ಪ್ರವೀಣ್ ಬೊಳ್ಳೂರು, ಕೃಷ್ಣ ಹೆಬ್ಬಾರ್, ಅಶ್ವಿನಿ ದೇವಾಡಿಗ, ಪ್ರೇಮಲತಾ ಯೋಗೀಶ್, ಅರುಣಾ ಮುಕ್ಕ, ಗೌತಮ್ ಜೈನ್ ಮುಲ್ಕಿ ಅರಮನೆ,ಎಸ್ ಕೆ ಪಿ ಎ ನ ಮೋಹನ್ ರಾವ್, ಸುಧಾಕರ ಅಮೀನ್ ಹಳೆಯಂಗಡಿ, ಜ್ಯೋತಿ ರಾಮಚಂದ್ರ, ಸುಲೋಚನಾ , ರಾಘು ದೇವಾಡಿಗ, ಸುಕುಮಾರ್ ವ್ಯವಸ್ಥಾಪನಾ, ಜೀರ್ಣೋದ್ಧಾರ ಸಮಿತಿದ ಸದಸ್ಯೆರ್ ಬೊಕ್ಕ ಚೌಕ ಗ್ರಾಮಸ್ಥೆರ್ ಇತ್ತೆರ್.