[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]
ಅಯೋಧ್ಯೆಡ್ ಶ್ರೀರಾಮ ಮಂದಿರ ನಿರ್ಮಾಣ ಮಲ್ತ್ಂಡ ಯಾವಂದ್, ನಮ್ಮ ಇಡೀ ದೇಶನೇ ರಾಮರಾಜ್ಯ ಆವೊಡು ಪಂದ್ ಅಯೋಧ್ಯೆ ಶ್ರೀ ರಾಮ ಜನ್ಮಭೂಮಿ ತೀರ್ಥಕ್ಷೇತ್ರ ಟ್ರಸ್ಟ್ ದ ಟ್ರಸ್ಟಿ, ಪೇಜಾವರ ಅಧೋಕ್ಷಜ ಮಠತ್ತ ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ ಪಂಡೆರ್.
ಆರ್ ಪಾವಂಜೆ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನ ದ ಬ್ರಹ್ಮಕಲಶ ಉಚ್ಚಯದಾನಿ ಸನಿವಾರ ನಡತಿನ ಧರ್ಮ ಸಭೆಟ್ಟ್ ಆಶೀರ್ವಚನ ಕೊರ್ದು ಪಾತೆರಿಯೆರ್.
ಪಾವಂಜೆ ತುಳುನಾಡ್ ಜಿಲ್ಲೆದ ಕೈಲಾಸ. ಈ ಕ್ಷೇತ್ರಡ್ ರುದ್ರ ದೇವೆರ್ ಎತ್ತರದ ಜಾಗೆಡ್ ಕುಲ್ದು ಮಾತ ಭಕ್ತೆರ್ನ ಕಷ್ಟ ಸುಖ ತೂವೊಂದು ಅನುಗ್ರಹ ಮಲ್ತೊಂದುಲ್ಲೆರ್ ಪಂದ್ ಆರ್ ಪಂಡೆರ್.
ಒಡಿಪು ಪುತ್ತಿಗೆ ಮಠತ್ತ ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮೀಜಿ ಆಶೀರ್ವಚನ ಮಲ್ತ್ ದ್ , ದೇವಸ್ಥಾನ, ಮಠ ಮಂದಿರೊನ್ ಸ್ವಾಯತ್ತ ಮಲ್ತ್ ದ್ ಅಯಿತ ಜಬದಾರಿನ್ ಭಕ್ತೆರೆನ ಕೈಟ್ ಕೊರೊಡು ಪಂಡೆರ್. ಅಂಚೆನೆ ನಮ್ಮ ಮನಸ್ ಏಪಲ ದೇವೆರ್ನ ಕಡೆಕ್ಕ್ ಉಪ್ಪುಲೆಕ ಮಲ್ಪುಲೆ ಪಂದ್ ನಮ ರುದ್ರ ದೇವೆರೆಡ್ ಪ್ರಾರ್ತನೆ ಮಲ್ಪೊಡು. ಪಾವಂಜೆ ಕ್ಷೇತ್ರಡ್ ನಿರಂತರ ಸತ್ಕರ್ಮ ನಡಪೊಡು. ಧಾರ್ಮಿಕ ಪ್ರಜ್ಞೆ ನಮಡ ಉಪ್ಪೊಡ್ಡ ರುದ್ರ ದೇವೆರ್ನ ಅನುಗ್ರಹ ಉಪ್ಪೊಡು ಪಂದ್
ಪಂಡೆರ್.
ಪಾವಂಜೆ ಕ್ಷೇತ್ರದಂಚಿನ ದೇವಸ್ಥಾನಲೆಗ್ ಭಕ್ತೆರ್ ಪ್ರತಿ ಸೋಮಾರಲ ಬರ್ಪಿಲೆಕ ಆವೊಡು.ಅಂಚೆನೆ ಜೋಕುಲೆನ್ ದೇವಸ್ಥಾನಗ್ ಲೆತೊಂದು ಬರೊಡು. ಸಂಸ್ಕಾರ ಒರಿಪೊಡು ಪಂದ್ ಪಡುಕುತ್ಯಾರು ಶ್ರೀ ಮದ್ ಜಗದ್ಗುರು ಆನೆಗುಂದಿ ಮಹಾಸಂಸ್ಥಾನದ ಅನಂತ ಶ್ರೀ ವಿಭೂಷಿತ ಕಾಳಹಸ್ತೇಂದ್ರ ಸ್ವಾಮೀಜಿ ಪಂಡೆರ್.
ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ಕ್ಷೇತ್ರದ ಅನುವಂಶಿಕ ಅರ್ಚಕೆರ್ ವೇ.ಮೂರ್ತಿ ಲಕ್ಷೀನಾರಾಯಣ ಅಸ್ರಣ್ಣೆರ್ ಆಶೀರ್ವಚನ ಮಲ್ತೆರ್.
ಶಾಸಕೆರ್ ಉಮಾನಾಥ ಕೋಟ್ಯಾನ್ ಲೇಸ್ ದ ಗುರ್ಕಾರ್ಮೆ ಒಯಿಸ್ ದಿತ್ತೆರ್. ತೋಕೂರು ಶ್ರೀ ಸುಬ್ರಹ್ಮಣ್ಯ ಕ್ಷೇತ್ರದ ಆಡಳಿತ ಮೊಕ್ತೇಸರೆರ್ ಹರಿದಾಸ್ ಭಟ್, ಮುಲ್ಕಿ ಸೀಮೆ ಅರಸೆರ್ ದುಗ್ಗಣ್ಣ ಸಾವಂತೆರ್, ಪಾವಂಜೆ ಶ್ರೀ ಜ್ಞಾನಶಕ್ತಿ ದೇವಸ್ಥಾನ ದ ಆಡಳಿತ ಮೊಕ್ತೇಸರೆರ್ ಶಶೀಂದ್ರ ಕುಮಾರ್, ಸಸಿಹಿತ್ಲು ಶ್ರೀ ಭಗವತಿ ಕ್ಷೇತ್ರದ ಪ್ರಧಾನ ಅರ್ಚಕೆರ್ ಶ್ರೀನಿವಾಸ ಯಾನ್ ಅಪ್ಪು ಪೂಜಾರಿ, ಕ್ಷೇತ್ರದ ತಂತ್ರಿಲಾಯಿನ ರಾಧಾಕೃಷ್ಣ ಉಪಾಧ್ಯಾಯೆರ್, ಮಾಜಿ ಮೊಕ್ತೇಸರೆರ್ ವೇ.ಮೂ.
ಪಾವಂಜೆ ಕೃಷ್ಣ ಭಟ್, ಸಾಹುಕಾರ್ ಪಿ.ಎನ್ ಶ್ರೀನಿವಾಸ್ ಭಟ್, ಬಿ.ಚಂದ್ರಕುಮಾರ್ ಬೊಳ್ಳೂರು, ಉದ್ಯಮಿ ರಾಮ್ ಪ್ರಸಾದ್ ಚೆನ್ನೈ, ಹಳೆಯಂಗಡಿ ಗ್ರಾಪಂ ಅಧ್ಯಕ್ಷೆರ್ ಪೂರ್ಣಿಮಾ, ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಣೇತ್ರದ ಶೇಖರ ಪೂಜಾರಿ, ಎಚ್. ತಿಮ್ಮಪ್ಪ ಅಮೀನ್ ನಾನಿಲ್ , ಪಾವಂಜೆ ಜೀರ್ಣೋದ್ಧಾರ ಬೊಕ್ಕ ಬ್ರಹ್ಮಕಲಶ ಸಮಿತಿದ ಅಧ್ಯಕ್ಷೆರ್ ಪ್ರಕಾಶ್ ಎಂ.ಶೆಟ್ಟಿ, ವ್ಯವಸ್ಥಾಪನ ಸಮಿತಿದ ಅಧ್ಯಕ್ಷೆರ್ ಬಿ. ಸೂರ್ಯಕುಮಾರ್, ಉದ್ಯಮಿ ಡಾ.ಎಸ್. ವಿ. ಸತೀಶ್ ಅಂಚನ್ ಗೋಳಿದಡಿ, ಮೋಹನ್ ಪ್ರಸಾದ್ ಭಟ್ ಚೆನ್ನೈ, ಪ್ರತಾಪ್ ಸಿಂಹ ನಾಯಕ್ ಇತ್ತೆರ್.
ಈ ಪೊರ್ತುಡು ಸದಾಶಿವ ಕುಡ್ವ ಮೇರ್ ಸೂರ್ಯಕುಮಾರ್ ಮೆರೆಗ್ ಬಂಗಾರ್ದ ಪದಕದ ಗೌರವ ಮಲ್ತೆರ್.
ಸಾಂಸ್ಕೃತಿಕ ವಿಭಾಗದ ಸಂಚಾಲಕೆರ್ ಜನಾರ್ದನ ಪಡುಪಣಂಬೂರು ಬಿನ್ನೆರೆನ್ ಎದ್ಕೊಂಡೆರ್.
ನವೀನ್ ಎಡ್ಮೆಮಾರ್ ಬೊಕ್ಕ ಯಾದವ ದೇವಾಡಿಗ ಮೊಕುಲು ಸಭೆ ಸುಧಾರಿಕೆ ಮಲ್ತೆರ್.ಸಮಿತಿದ ಪ್ರಧಾನ ಕಾರ್ಯದರ್ಶಿ ಚಂದ್ರಶೇಖರ್ ನಾನಿಲ್ ಸೊಲ್ಮೆ ಸಂದಾಯೆರ್.
With the building of Ram mandir in Ayodhya the whole nation must be like Ayodhya – Sri Vishwaprassana Swamiji
Pavanje Brahmakalasha celebration
The whole nation must become a Rama Rajya with the building of the Ram mandir at Ayodhya said trustee of Ayodhya Sri Rama janmabhoomi Kshetra trust, Sri Vishwaprassana Thirtha Swamiji.
He was speaking at a program organised on the occasion of the Brahmakalasha celebration of Pavanje Sri Mahalingeshwara temple.
He added that Pavanje Kshetra is like Kailasa and Rudradev was here to look into the problems of his devotees.
Many other dignitaries including Lakshminarayan Asranna of Kateel, MLA Umanath Kotian,Haridas Bhat from Subramanya Kshetra were present on the occasion.
