ರಪಕ್ಕ ಸುದ್ದಿ Flash News

Mangaluru: Police commissioner Kuldeep Kumar Jain takes charge ಕುಡ್ಲ ಪೇಂಟೆದ ಪೊಸ ಪೊಲೀಸ್ ಆಯುಕ್ತೆರಾದ್ ಕುಲದೀಪ್ ಕುಮಾರ್ ಜೈನ್ ಅಧಿಕಾರ ಸ್ವೀಕಾರ

ಕುಡ್ಲ ಪೇಂಟೆದ ಪೊಸ ಪೊಲೀಸ್ ಆಯುಕ್ತೆರಾದ್ ಕುಲದೀಪ್ ಕುಮಾರ್ ಜೈನ್ ಸುಕ್ರಾರ ಅಧಿಕಾರ ಸ್ವೀಕಾರ ಮಲ್ತ್‌ದೆರ್.

ನಗರ ಪೊಲೀಸ್ ಆಯುಕ್ತೆರಾದ್ ಶಶಿಕುಮಾರ್ ಮೇರ್ ರೈಲ್ವೆ ಡಿಐಜಿಯಾದ್ ವರ್ಗ ಆತೆರ್. ಪೊಲೀಸ್ ಆಯುಕ್ತೆರ್‍ನ ಕಚೇರಿಡ್ ಅಟ್ಟನೇ ಮಲ್ತಿನ ಲೇಸ್‌ಡ್ ಶಶಿಕುಮಾರ್ ಮೇರ್ ಪೊಸ ಆಯುಕ್ತೆರ್ ಕುಲದೀಪ್ ಕುಮಾರ್ ಜೈನ್ ಮೆರೆಗ್ ಅಧಿಕಾರ ಕೊರಿಯೆರ್.

Mangaluru: Kuldeep Kumar R Jain appointed police commissioner, N Shashi Kumar transferred ಕುಡ್ಲಗ್ ಪೊಸ ಕಮಿಷನರ್ ಕುಲದೀಪ್ ಕುಮಾರ್; ವರ್ಗ ಆಯೆರ್ ಎನ್.ಶಶಿಕುಮಾರ್

ಕುಡ್ಲ ಪೊಲೀಸ್ ಕಮಿಷನರ್ ಎನ್. ಶಶಿಕುಮಾರ್ ಮೆರೆನ್ ರಾಜ್ಯ ಸರ್ಕಾರ ಬೆಂಗಳೂರುಗು ವರ್ಗ ಮಲ್ತ್‌ದ್, ಬೆಂಗ್ಲೂರ್ ಪಶ್ಚಿಮ ಸಂಚಾರ ವಿಭಾಗದ ಡಿಸಿಪಿ ಕುಲದೀಪ್ ಕುಮಾರ್ ಆರ್.ಜೈನ್ ಮೆರೆನ್ ಕುಡ್ಲ ಪೊಲೀಸ್ ಕಮೀಷನರ್ ಆದ್ ನೇಮಕ ಮಲ್ತ್ ದ್ಂಡ್.

ಎನ್. ಶಶಿಕುಮಾರ್ ಮೆರೆನ್ ರೈಲ್ವೇ ಇಲಾಖೆ ಪೊಲೀಸ್ ಡಿಐಜಿಯಾದ್ ವರ್ಗಾವಣೆ ಮಲ್ತ್‌ದ್ ಸರ್ಕಾರ ಆದೇಶ ಮಲ್ದ್ಂಡ್.

ಎ.ಐ.ಸಿ.ಸಿ ಸದಸ್ಯೆರಾದ್ ಅಭಯಚಂದ್ರ

ಅಖಿಲ ಭಾರತ ಕಾಂಗ್ರೆಸ್ ಕಮಿಟಿ ಸದಸ್ಯೆರಾದ್ ಮಾಜಿ ಸಚಿವೆರ್ ಕೆ. ಅಭಯಚಂದ್ರ ಮೇರ್ ಆಯ್ಕೆ ಆತೆರ್.

ಬೆದ್ರ ವಿಧಾನಸಭಾ ಕ್ಷೇತ್ರದ ಶಾಸಕೆರಾದ್ ನಾಲ್ ಸರ್ತಿ ಆಯ್ಕೆ ಆಯಿನ ಜಿಲ್ಲೆದ ಹಿರಿಯ ಕಾಂಗ್ರೆಸ್‌ದಾರ್ ಆಯಿನ ಮೇರ್ ಸಿದ್ದರಾಮಯ್ಯ ಸರ್ಕಾರಡ್ ಯುವಜನಸೇವೆ ಅಂಚನೆ ಕ್ರೀಡಾ ಸಚಿವೆರ್ ಆದಿತ್ತೆರ್. ಇತ್ತೆ ಕೆಪಿಸಿಸಿ ಉಪಾಧ್ಯಕ್ಷೆರ್ ಆತಿನ ಅಭಯಚಂದ್ರ ಮೇರ್ ಒಡಿಪು ಜಿಲ್ಲಾ ಕಾಂಗ್ರೆಸ್‌ದ ಉಸ್ತುವಾರಿ ಪಕ್ಷದ ಸಂಘಟನೆಡ್ ಉಲ್ಲೆರ್.

Mangaluru: Tulu film ‘Pili’ to release on Feb 24 ಫೆ.24 ಕ್ಕ್ ತುಳುನಾಡ್‌ಡ್ ಬುಡುಗಡೆ ಆಯರೆ ಉಂಡು “ಪಿಲಿ”

ಎನ್.ಎನ್.ಎಮ್ ಪ್ರೊಡಕ್ಷನ್ ಲಾಂಛನಡ್ ಆತ್ಮಾನಂದ ರೈ ನಿರ್ಮಾಣಡ್ ತಯಾರ್ ಆಯಿನ ತುಳು ಪಿಚ್ಚರ್ ಪಿಲಿ ಫೆ.24 ಕ್ಕ್ ತುಳುನಾಡ್‌ಡ್ ಬುಡುಗಡೆ ಆಯರೆ ಉಂಡು ಪಂದ್ ನಿರ್ದೇಶಕೆರ್ ಮಯೂರ್ ಆರ್ ಶೆಟ್ಟಿ ಪಂಡೆರ್.

ಈ ಬಗೆಟ್ ಕುಡ್ಲಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್, ಫೆ.10 ಕ್ಕ್ ಬುಡುಗಡೆ ಆವೊಡಿತ್ತಿನ ಈ ಪಿಚ್ಚರ್ ಕಾರಣಾಂತರರ್ದಾವರ ಬುಡುಗಡೆ ಆತಿಜಿ. ಬಂಗ ಬತ್ತ್‌ದ್ ತುಳು ಭಾಷೆದ ಅಭಿಮಾನರ್ದ್ ಈ ಪಿಚ್ಚರ್‌ನ್ ತಯಾರ್ ಮಲ್ತ್‌ದ. ದುಬೈಡ್ ಇತ್ತೆ ಪಿಚ್ಚರ್‌ದ ಪ್ರೀಮಿಯರ್ ಶೋ ನಡತ್ತ್‌ದಿತ್ತ್‌ದ್ ಜನಕ್ಲೆನ ಪುಗರ್ತೆ ಪಡೆತ್ಂಡ್. ಈ ಪಿಚ್ಚರ್‌ಡ್ ಯುವ ನಟೆ ಭರತ್ ಭಂಡಾರಿ ಕಥೆ ಬರೆದ್ ಸುರುತ್ತ ಸರ್ತಿ ನಾಯಕೆ ನಟೆಯಾದ್ ಅಂಚನೆ ಸ್ವಾತಿ ಶೆಟ್ಟಿ ನಾಯಕಿ ನಟಿಯಾದ್ ನಟನೆ ಮಲ್ತ್‌ದೆರ್ ಪಂದ್ ಪಂಡೆರ್.

ತುಳುನಾಡ್‌ದ ಸಂಸ್ಕೃತಿ, ಆಚರಣೆ ಬೊಕ್ಕ ನಂಬಿಕೆಡ್ ಒಂಜಾಯಿನ ಪಿಲಿ ನಲಿಕೆದ ಕಥೆ ಇಪ್ಪುನ ಪಿಚ್ಚರ್ ಪಿಲಿ. ತುಳುನಾಡ್‌ಡ್ ಪಿಲಿನಲಿಕೆಗ್ ಅಯ್ತನೆ ಆಯಿನ ಗೌರವ ಅಂಚನೆ ಪರಪೋಕು ಉಂಡು. ಆ ಗೌರವಗ್ ಧಕ್ಕೆ ಬನ್ನಗ ಆಚರಣೆಡ್ ಆಪುನ ಲೋಪ-ದೋಷ ಅಂಚನೆ ಪರಿಣಾಮನ್ ಎದುರಿಸಾವೊಡು ಪನ್ಪಿನವು ಈ ಪಿಚ್ಚರ್‌ದ ಕಥೆ ಆತ್ಂಡ್.

ಈ ಪಿಚ್ಚರ್‌ಡ್ ತುಳುನಾಡ್‌ದ ಪುಗರ್ತೆದ ಕಲಾವಿದೆರ್ ಆಯಿನ ನವೀನ್ ಡಿ.ಪಡೀಲ್, ಅರವಿಂದ ಬೋಳಾರ್, ಭೋಜರಾಜ ವಾಮಂಜೂರು, ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್, ತ್ರಿಷಾ ಶೆಟ್ಟಿ, ಕೃತಿ ಶೆಟ್ಟಿ, ವಿಸ್ಮಯ ವಿನಾಯಕ್, ಸ್ವರಾಜ್ ಶೆಟ್ಟಿ, ಸಂತೋಷ್ ಶೆಟ್ಟಿ, ರೂಪ ಡಿ ಶೆಟ್ಟಿ, ಉಮೇಶ್ ಮಿಜಾರ್, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ದೀಪಕ್ ರೈ ಪಾಣಾಜೆ, ಚೇತನ್ ರೈ ಮಾಣಿ ಸೇರಿನಂಚನೆ ಮಸ್ತ್ ಕಲಾವಿದೆರ್ ಬೇತೆ ಬೇತೆ ರೀತಿದ ಪಾತ್ರಡ್ ನಟನೆ ಮಲ್ತ್‌ದೆರ್.

ಪಿಚ್ಚರ್‌ದ ನಾಯಕೆ ನಟೆ ಭರತ್ ಭಂಡಾರಿ, ತುಳುನಾಡ ರಕ್ಷಣಾ ವೇದಿಕೆದ ಯೋಗಿಶ್ ಶೆಟ್ಟಿ ಜೆಪ್ಪು, ಸಹ ನಿರ್ದೇಶಕೆರ್ ಸತೀಶ್ ಪತ್ರಿಕಾಗೋಷ್ಠಿಡ್ ಇತ್ತೆರ್.

March 3 rd – 9 th: Annual Jatra at Ira Sri Somanatheswara temple ಮಾರ್ಚ್ 3-9: ಇರಾ ಶ್ರೀ ಸೋಮನಾಥೇಶ್ವರ ದೇವಲ್ಯಡ್ ವರ್ಷಾವಧಿ ಜಾತ್ರೆ

ಉಳ್ಳಾಲ: ಇರಾ ಶ್ರೀ ಸೋಮನಾಥೇಶ್ವರ ದೇವಲ್ಯಡ್ ಮಾರ್ಚ್ 3-9 ಮುಟ್ಟ ವರ್ಷಾವಧಿ ಜಾತ್ರೆ ನಡಪರೆ ಉಂಡು.

ಬಡಾಜೆ ಬೂಡು ಶ್ರೀ ಗೋಪಾಲಕೃಷ್ಣ ತಂತ್ರಿಲೆನ ಮುತಾಲಿಕೆಡ್ ಈ ಲೇಸ್‌ದ ವೈದಿಕ ವಿಧಿ ವಿಧಾನ ನಡಪರೆ ಉಂಡು. ಮಾರ್ಚ್ 3 ಕ್ಕ್ ಬೊಲ್ಪುಗು ಪ್ರಾರ್ಥನೆ, ಗಣ ಹೋಮ, ಶತರುದ್ರಾಭಿಷೇಕ, ಮಹಾಪೂಜೆ ಆದ್ ಮಧ್ಯಾಹ್ನ ಅನ್ನ ಸಂತರ್ಪಣೆ ನಡಪರೆ ಉಂಡು. ಅಂಚನೆ ರಾತ್ರೆಡ್ ಸಾಂಸ್ಕೃತಿಕ ಕಾರ್ಯಕ್ರಮ ನಡಪರೆ ಉಂಡು. ಈ ಲೇಸ್‌ಗ್ ಮಾತೆರ್ಲಾ ಬತ್ತ್‌ದ್ ಶ್ರೀ ದೇವೆರ್ ಬೊಕ್ಕ ದೈವದ ಕೃಪೆಗ್ ಪಾತ್ರರಾವೊಡು ಪಂದ್ ಆಡಳಿತ ಮೊಕ್ತೇಸರೆರ್ ಕಲ್ಲಾಡಿ ದೇವಿಪ್ರಸಾದ್ ಶೆಟ್ಟಿ, ಅರ್ಚಕೆರ್ ಅಂಚನೆ ಮೊಕ್ತೇಸರೆರ್ ಆಯಿನ ಶಿವಾನಂದ ಮಯ್ಯ ಕುಂಡಾವು, ಇರಾ ಶ್ರೀ ಸೋಮನಾಥೇಶ್ವರ ದೇವಲ್ಯದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Koti Chennaya Tulu Yakshagana organised on February 24th by Bahrain Billavas, Guru Seva Samiti ಫೆ.24 ಕ್ಕ್ ಬೆಹರಿನ್ ಬಿಲ್ಲವಾಸ್ ಗುರು ಸೇವಾ ಸಮಿತಿ ಮುತಾಲಿಕೆಡ್ ಕೋಟಿ-ಚೆನ್ನಯ ತುಳು ಯಕ್ಷಗಾನ

ಬೆಹರಿನ್ ಬಿಲ್ಲವಾಸ್ ಗುರು ಸೇವಾ ಸಮಿತಿ ಮುತಾಲಿಕೆಡ್ ಬೆಹರಿನ್‌ದ ಯಕ್ಷಗಾನ ಕಲಾವಿದೆರ್ ಬೊಕ್ಕ ಅತಿಥಿ ಕಲಾವಿದೆರೆರ್ದ್ ಕೋಟಿ-ಚೆನ್ನಯ ಪನ್ಪಿನ ತುಳು ಯಕ್ಷಗಾನ ಫೆ.24 ಕ್ಕ್ ಬಯ್ಯ 5 ಗಂಟೆಗ್ ಬೆಹರಿನ್‌ದ ದಿ ಇಂಡಿಯನ್ ಕ್ಲಬ್ ಆಡಿಟೋರಿಯಂಡ್ ನಡಪರೆ ಉಂಡು.

ಈ ಯಕ್ಷಗಾನದ ನಿರ್ದೇಶನನ್ ದೀಪಕ್ ರಾವ್ ಪೇಜಾವರ ಮಲ್ತ್‌ದೆರ್. ಅತಿಥಿ ಕಲಾವಿದೆರಾದ್ ಭಾಗವತೆರ್ ಆಯಿನ ದಯಾನಂದ ಕೋಡಿಕಲ್, ರೋಷನ್ ಎಸ್. ಕೋಟ್ಯಾನ್ ಅಂಚನೆ ಹಿಮ್ಮೇಳಗ್ ಮಧುಸೂದನ್ ಪಾಲನ್ ಪಾಲ್ ಪಡೆಯರೆ ಉಲ್ಲೆರ್.

Koti Chennaya Tulu Yakshagana organised on February 24th by Bahrain Billavas, Guru Seva Samiti

A Tulu Yakshagana Koti Chennaya will be played at Indian club, Bahrain on February 24 th that has been organised by the Bahrain Billavas .The Yakshagana is directed by Deepak Rao pejawar that will have artists and guest artists.