ತುಳು ಕಬಿತೆ | Tulu Poetry

ಪ್ರತಿಭಾ ಮಂದಾರ : ವೃಂದಾ ಕೊನ್ನಾರ್

“ಸ್ತ್ರೀ ಸಮಾಜದ ಶಕ್ತಿ ” ಪನ್ಪಿನoಚ ಇಲ್ಲಡೊಂಜಿ ಪೊಣ್ಣು ಮಗಲ್ ಇತ್ತ್oಡ ಇಲ್ಲದ ವೃಂದಾವನ ಬೆಳಗ್oಡ್ ಪಂದ್ ಪನ್ಪೆರ್, ಈ ಉಕ್ತಿಗ್ ತಕ್ಕ ಈ ಪೊಣ್ಣನ ಸುನಾಮಧೇಯ ವೃಂದಾ ಕೊನ್ನಾರ್ ಸಾಧನೆನೇ ತನ್ನ ಜೀವಾಳ ಪಂಡೊoದು ತಾನ್ ಪೋಯಿನoಚಿನ ಒವ್ವೆ ಕ್ಷೇತ್ರ ಉಪ್ಪಡ್ ಐಟ್ ತಾನ್ ದಾದಂಡಲಾ ಸಾಧನೆ ಮಲ್ಪೊಡು ಪನ್ಪಿನ ಛಲ ಇತ್ತಿನ ಪೊಣ್ಣು ಮಗಲ್.ಸುಸಂಸ್ಕೃತ ಬೆನ್ನಿ ಬೆನ್ಪಿನಂಚಿನ ಕುಟುಂಬದಕುಲಾಯಿನ ಬೈಕಂಪಾಡಿ ನಿವಾಸಿಲಾಯಿನಂಚಿನ ಬಿ. ಸುಬ್ಬರಾವ್ ಬೊಕ್ಕ ವಿದ್ಯಾ ಎಸ್ ರಾವ್ ದಂಪತಿಲೆನ ಸುಪುತ್ರಿಯಾಯಿನ ವೃಂದಾ ಕೊನ್ನಾರ್ ಮಧ್ಯಮ ವರ್ಗದ ಕುಟುಂಬಡ್ ಪುಟ್ಟುದು,ತನ್ನ ಪ್ರಾಥಮಿಕ ಶಿಕ್ಷಣನ್ ಎನ್ಎಂಪಿಟಿ ಮಹಿಳಾ ಸಮಾಜ ನರ್ಸರಿ ಶಾಲೆ,ಮಾಧ್ಯಮಿಕ ಪ್ರೌಢ ಶಿಕ್ಷಣನ್ ಎನ್ಎಂಪಿಟಿ ಹೈಸ್ಕೂಲ್  ಪಣಂಬೂರು,ಪದವಿಪೂರ್ವ ಅಂಚನೇ ಬಿಕಾಂ ಪದವಿ ಶಿಕ್ಷಣನ್ ಸುರತ್ಕಲ್ ದ ಗೋವಿಂದ ದಾಸ ಕಾಲೇಜ್ಡ್ ಮಲ್ತ್ ದ್,ಪ್ರಸ್ತುತ ಸಿಎ ಬಿ. ಸುದೇಶ್ ಕುಮಾರ್ ಮೆರೆಡ ಚಾರ್ಟೆಡ್ ಅಕೌಂಟೆಂಟ್ ವೃತ್ತಿ ಶಿಕ್ಷಣ ಪಡೆಯೊಂದೆರ್.ಶೈಕ್ಷಣಿಕ ಕ್ಷೇತ್ರ ಮಾತ್ರ ಅತ್ತoದೆ, ಕಲಾಕ್ಷೇತ್ರಡ್ಲಾ ತನ್ನ ಅಪಾರ ಕೊಡುಗೆಲೆನ್ ಕೊರ್ತಿನ ವೃಂದಾ ತನ್ನ ಪ್ರಾಥಮಿಕ ಶಿಕ್ಷಣಡ್ ಕಲಾಸಕ್ತಿಗ್ ವಿಶೇಷ ಕೊಡುಗೆ ಕೊರಿಯೆರ್. 2013ನೇ ಸಾಲ್ದ ಎಸೆಸೆಲ್ಸಿ ಪರೀಕ್ಷೆಡ್ ಶೇಕಡ 98. 24% ಅಂಕ ಪಡೆದ್ ರಾಜ್ಯಗ್ 9ನೇ ಸ್ಥಾನ ಕಂತಿನ ಪುಗಾರ್ತೆ ಮೆರೆನವು. 2015 ನೇ ಸಾಲ್ದ ಪಿಯುಸಿ ಪರೀಕ್ಷೆಡ್ ವಾಣಿಜ್ಯ ವಿಭಾಗಡ್ ಶೇಕಡ 98.17% ಪಡೆದ್ ರಾಜ್ಯಗ್ 5ನೇ ಸ್ಥಾನ ಕಂದೆರ್. ಸಿ ಎ, ಸಿ ಪಿ ಟಿ, ಐಪಿಸಿಸಿ ಪರೀಕ್ಷೆಡ್ಲಾ ಅತ್ಯುತ್ತಮ ಶ್ರೇಣಿಡ್ ಅಂಕ ಪಡೆತೆರ್.

ಪದವಿ ಶಿಕ್ಷಣ ಬಿಕಾಂಡ್ 94.8 4% ಪಡೆದ್ ವಿಶ್ವವಿದ್ಯಾಲಯಗ್ ರಡ್ಡನೇ ಸ್ಥಾನ ಕಂತಿನ ಪುಗಾರ್ತೆ ಮೆರೆನವು.ಶೈಕ್ಷಣಿಕ ಕ್ಷೇತ್ರ ಮಾತ್ರ ಅತ್ತoದೆ ಚಿತ್ರಕಲಾ ಕ್ಷೇತ್ರಡ್ ಸೀನಿಯರ್ ಡ್ರಾಯಿಂಗ್ ಗ್ರೇಡ್ ಪರೀಕ್ಷೆಡ್ ಕುಡ್ಲಡ್ ಸುರುತ್ತಾ ಸ್ಥಾನ ವಿಜಯಕರ್ನಾಟಕ ಪತ್ರಿಕೆ ಅಟ್ಟನೆ ಮಲ್ತಿನ ರಾಜ್ಯ ಮಟ್ಟದ ಚಿತ್ರಕಲಾ ಪಂಥೋಡು 6000 ಪಂತಾರ್ತಿಲೆನ ನಡುಟು ಪತ್ತ್ ಸ್ಥಾನಡ್ ವೃಂದಾ ಲಾ ಒರ್ತಿ.ಶಾಲಾ-ಕಾಲೇಜುದ ಕಂಬಲೆಡ್,ಗೋಡೆಡ್ ಅಂಚನೇ ಫ್ಲೈ ಓವರ್ಡ್ ವರ್ಲಿ ಆರ್ಟ್ ಮಲ್ದೆರ್.

ಈತ್ ಮಾತ್ರ ಅತ್ತoದೆ ಯಕ್ಷಗಾನ ಕ್ಷೇತ್ರಡ್ ವಿಶೇಷ ಪೊಲಬುನು ಪುಟ್ಟಾಯಿನ ಮೇರ್ ಕನ್ನಡ,ಇಂಗ್ಲಿಷ್,ತುಳು ಅಂಚನೇ ಸಂಸ್ಕೃತ ಭಾಷೆಡ್ಲಾ ಯಕ್ಷಗಾನ ಪ್ರದರ್ಶನ ಕೊರ್ದು, ಸಾತ್ವಿಕ, ರೌದ್ರ,ಪುಂಡುವೇಷ, ಸ್ತ್ರೀವೇಷ ಅಂಚನೇ ಒವ್ವೆ ವೇಷ ಕೊರ್ನ್ಡಲ ಅವೆನ್ ನಿಭಾಯಿಸಾವುನ ತಾಕತ್ತ್ ಮೆರೆಗ್ ಉಂಡು,ಯಕ್ಷಗಾನ ತಾಳಮದ್ದಳೆನ್ ಬಾರಿ ಪೊರ್ಲುಡೆ ನಡಪಾದ್ ಕೊರ್ಪೆರ್.ಪಣಂಬೂರು ಮಕ್ಕಳ ಮೇಳ, ಶಾರದ ಯಕ್ಷಕಲಾ ಕೇಂದ್ರ,ಸನಾತನ ಯಕ್ಷಾಲಯ ಕುಡ್ಲ,: ಮಹಿಳಾ ಬೊಕ್ಕ ಮಕ್ಕಳ ಯಕ್ಷಗಾನ ಸಂಘ ಬಾಳ,ಯಕ್ಷಾರಾಧನ ಕಲಾಕೇಂದ್ರ ಉರ್ವಸ್ಟೋರ್ ಇಂಚ ಬೇತೆ ಬೇತೆ ಕೂಟ ದೊಟ್ಟುಗುಕಡೆಗಳಲ್ಲಿ
ವೇಷ ಮಲ್ದೆರ್.ಕಿನ್ಯ ಪ್ರಾಯೋಡೇ -ಸಂಸ್ಕೃತಿಗ್ ಆಕರ್ಷಿತೆಯಾಯಿನ ವೃಂದಾ , ತನ್ನ ಪ್ರಾಥಮಿಕ ತರಗತಿರ್ದ್ಲಾ ಕಲೆಟ್ ತಾನ್ ತೊಡಗಾವೊನ್ದಿನಾಲ್.

ತಾನ್ ರಡ್ಡನೇ ತರಗತಿಡ್ ಉಪ್ಪುನಗನೇ ಆಜನೇ ಅಂತರಾಷ್ಟ್ರೀಯ ಮಟ್ಟದ ವಿಜ್ಞಾನ ಪ್ರತಿಭಾನ್ವೇಷಣಾ ಪರೀಕ್ಷೆಡ್ , ಇಡೀ ರಾಜ್ಯಗ್ 8ನೇ ಸ್ಥಾನ ಕೊರ್ದು, 2005ಟ್ಟ್ ಗಣಿತ ಪ್ರತಿಭಾ ಪರೀಕ್ಷೆಡ್ ಸುರುತ್ತ ರ್ಯಾoಕ್ ಪಡೆಯಿನ ಪೆರ್ಮೆ ಮೆರೆಗ್ ಉಂಡು.2013ನೇ ಸಾಲ್ ದ ಶಾರದಾ ಜ್ಞಾನ ಸುಧಾ ರಸಪ್ರಶ್ನೆ ಪಂಥೋಡು ಇನಾಮು ಪಡೆದ್ , 2017ರ ಆಲ್ ಇಂಡಿಯಾ ಪ್ರಬಂಧ ಪಂಥಡ್  ಕರ್ನಾಟಕ ರಾಜ್ಯಗ್ ಆಜನೇ ಸ್ಥಾನ ಬೈದೆರ್, ಜ್ಞಾನ ಮಂದಾರ ಶೈಕ್ಷಣಿಕ ಬೊಕ್ಕ ಸಾಂಸ್ಕೃತಿಕ ಅಕಾಡೆಮಿರ್ದ್ ಕರ್ನಾಟಕ ಚೇತನ ರಾಜ್ಯಪ್ರಶಸ್ತಿ , ಕುಡ್ಲ ಕಲಾಸಂಗಮ ವೇದಿಕೆರ್ದ್ ಕಲಾಸಂಗಮ ಪುರಸ್ಕಾರ, ಮೂಡುಬಿದ್ರೆಡ್ ನಡತಿನ ಬೆಳದಿಂಗಳ ಸಾಹಿತ್ಯ ಸಮ್ಮೇಳನಡ್ ಕರ್ನಾಟಕ ಪ್ರತಿಭಾ ರತ್ನ ಪುರಸ್ಕಾರ, 2017ಟ್ಟ್ ರೋಟರ್ಯಾಕ್ಟ್ ಯೂತ್ ಲೀಡರ್ ಶಿಪ್ ಅವಾರ್ಡ್‌ಡ್ ಬೆಸ್ಟ್ ಔಟ್ ಸ್ಟಾಂಡಿಂಗ್ ಪರ್ಫಾರ್ಮರ್ ಅವಾರ್ಡ್ , ದಿವ್ಯಾಸ್ ಬೆಸ್ಟ್ ಸ್ಟುಡೆಂಟ್ ಆಫ್ ದ ಯಿಯರ್ -2017-18 ರಾಜ್ಯಪ್ರಶಸ್ತಿ, ವಿಶ್ವವಿದ್ಯಾಲಯ ಮಟ್ಟದ ನಿರೂಪಣೆ ಪಂಥಡ್ ಸುರುತ್ತ ಇನಾಮು, ಶಾಂತಿವನ ಟ್ರಸ್ಟ್ ಪ್ರಶಸ್ತಿ, 2005ಟ್ಟ್ ‘ಹೀರಾಕ್ ಪಂಚ್ ಪ್ರಶಸ್ತಿ, ಯಕ್ಷಪ್ರತಿಭಾ ಪ್ರಶಸ್ತಿ, ಬೆಸ್ಟ್ ಔಟ್ ಗೊಯಿಂಗ್ ಸ್ಟುಡೆಂಟ್ – 2015 ಬೊಕ್ಕ ಬೆಸ್ಟ್ ಔಟ್ ಗೊಯಿಂಗ್ ಸ್ಪೂಡೆಂಟ್ -2018,2019 ಡ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ವತಿರ್ದ್ ಬಂಗಾರ್ದ ಪದಕ, ದ ಇನ್ಸ್ಟಿಟ್ಯೂಟ್ ಆಫ್ ಚಾರ್ಟೆಡ್ ಅಕೌಂಟೆಂಟ್ಸ್ ಆಫ್ ಇಂಡಿಯಾ (ICAI) ವತಿರ್ದ್ ಕುಡ್ಲ ಯೂನಿವರ್ಸಿಟಿ ಡ್ ರಡ್ಡನೇ ರ್ಯಾoಕ್ ಪಡೆಯಿನೆಕ್ಕ್ ಬಂಗಾರ್ದ ಪದಕ ಆತೆ ಅತ್ತoದೆ 600ರ್ದ್ ಲಾ ಜಾಸ್ತಿ ಇನಾಮು ಪಡೆಯಿನ ಮೆರ್ನ ಸಾಧನೆ ಪ್ರಸಂಶನೀಯ. ದೇಶಾದ್ಯಂತ ಅವ್ವೆತೋ ಮತ್ತರ್ಮೆಡ್ ಗ್ಲೋ ಆರ್ಟ್, ಚಿತ್ರಕಲೆ, ನಾಟಕ ಇಂಚ ತನ್ನ ಪ್ರತಿಭೆನ್ ತೋಜಾದ್ ತುಳುನಾಡ ಪೆರ್ಮೆನ್ ನನಾತ್ ಬಾನೆತ್ತರಗ್ ಏರಾಯಿನ ಈ ಪ್ರತಿಭೆ ತಾನ್ ಈತ್ ಪೂರ ಸಾಧನೆ ಮಲ್ಪೊಡು ಪಂದ್ ಆಂಡ ನೆಕ್ಕ್ ಪೂರ ಸಕಾಯ ಕೊರ್ಪುನಾರ್ ತರ್ಕ್ ತಟ್ಟ್ ದ್ ಭೂಮಿದ ಬೊಲ್ಪು ತೋಜಾಯಿನ ಅಪ್ಪ ಅಮ್ಮ ಪಂದ್ ಆರ್ನ ಉಡಲ್ ಜಿಂಜಿನ ಮಲ್ಲ ಪಾತೆರ ಪನ್ಪೆರ್. ಅಂಚನೇ ಚಿತ್ರಕಲೆತ ಗುರುಕುಲಾಯಿನ ಉಮೇಶ್ ಎಸ್ ಜೆ. ಯಕ್ಷಗಾನ ಗುರುಕುಲಾಯಿನ ಶಂಕರ್‌ ನಾರಾಯಣ ಮೈರ್ಪಾಡಿ, ಶಿವರಾಮ್ ಪಣಂಬೂರು, ರಾಕೇಶ್ ರೈ ಅಡ್ಕ ಬೊಕ್ಕ ನಾಟಕ ಗುರುಕುಲಾಯಿನ ವಿನೋದ್‌ ಶೆಟ್ಟಿ ಕೃಷ್ಣಾಪುರ ಬೊಕ್ಕ ಕ್ಲೇ ಮಾಡೆಲಿಂಗ್ ಗುರುಕುಲಾಯಿನ ವೆಂಕಿ ಪಲಿಮಾರ್ ಅಂಚನೇ ತನ್ನ ಶೈಕ್ಷಣಿಕ ಅಭಿವೃದ್ಧಿ ಗ್ ಪ್ರೋತ್ಸಾಹ ಕೊರಿನ ತನ್ನ ಗುರುಕುಲೆನ್ ಏಪಲಾ ನೆಂಪು ದೀಯೋನುವಲ್.

ತುಳುವಪ್ಪೆ ಮಟ್ಟೆಲ್ ಇಂಚಿನ ಮಹಾನ್ ಕಲಾಸಿರಿ ತಾನ್ ಮಹಾನ್ ಸಾಧಕಿಯಾಪಿನ ಭರವಸೆನ್ ಮೂಡಾದಿನ ಈ ಪ್ರತಿಭೆಗ್ , ತುಳುವಪ್ಪೆ ಜೋಕ್ಲೆನ ಆಶೀರ್ವಾದ ಇಂಚನೇ ಉಪ್ಪಡ್, ಮೆರೆನ ಕೀರ್ತಿಶಿಖರ ಬಾನೆತ್ತರಗ್ ಮುಟ್ಟಡ್ ಪಂದ್ ಟೈಮ್ಸ್ ಆಫ್ ಕುಡ್ಲ ಪತ್ರಿಕೆದ ಆಶಯ.

✍️ಶ್ರೀನಿಧಿ ಶೆಟ್ಟಿ