ಗೌಜಿ ಗಮ್ಮತ್ ದ ಸುದ್ದಿ | Events & Functions

ಕಂಕನಾಡಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ಮಹಾಶಿವರಾತ್ರಿ ಜಾಗರಣೋತ್ಸವ

ಕಂಕನಾಡಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ಕಂಕನಾಡಿ ಮಹಾಶಿವರಾತ್ರಿದ ಜಾಗರಣೋತ್ಸವ ತಾರೀಖ್ 11-03-202ನೇ ಗುರುವಾರ ಕ್ಷೇತ್ರಡ್ ನಡಪರೆ ಉಂಡು ಪಂದ್ ಪ್ರಕಟಣೆ ಡ್ ತೆರಿಪಾದೆರ್.

ತಾರೀಖ್ 11/3/2021 ನೇ ಗುರುವಾರ ಕಾಂಡೆ 6:42 ಕ್ ಭಜನಾ ಕಾರ್ಯಕ್ರಮ ನಡಪರೆ ಉಂಡು ( ಸೂರ್ಯೋದಯಾರ್ದ್ ಸೂರ್ಯಸ್ತ ಮುಟ )
ಕಾಂಡೆ 8:30 ರ್ದ್ ಅಭಿಷೇಕ ಐರ್ದ್ ಬೊಕ್ಕ ಪೂಜೆ. ಮಧ್ಯಾಹ್ನ 12:30 ಕ್ ಮಹಾಪೂಜೆ ಅಂಚನೇ ರಾತ್ರೆ 12 ಗಂಟೆಗ್ ಮಹಾಪೂಜೆ ನಡಪರೆ ಉಂಡು.

ತಾರೀಖ್ 12/3/2021 ನೇ ಶುಕ್ರವಾರ ಕಾಂಡೆ 6:41 ಕ್ಕ್ ಭಜನಾ ಮಂಗಳ ಮಧ್ಯಾಹ್ನ 12:30 ಕ್ ಮಹಾಪೂಜೆ, ಪ್ರಸಾದ ವಿತರಣೆ ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು.

ನಂದಾವರ ಶ್ರೀ ವಿನಾಯಕ ಶಂಕರನಾರಾಯಣ ದುರ್ಗಾಂಬ ಕ್ಷೇತ್ರ ವಾರ್ಷಿಕ ಜಾತ್ರಾ ಮಹೋತ್ಸವ

ನಂದಾವರ ಶ್ರೀ ವಿನಾಯಕ ಶಂಕರನಾರಾಯಣ ದುರ್ಗಾಂಬ ಕ್ಷೇತ್ರ ನಂದಾವರ ಪಾಣೆ ಮಂಗಳೂರು ದ ವಾರ್ಷಿಕ ಜಾತ್ರಾ ಮಹೋತ್ಸವ ತಾರೀಖ್ 27/2/2021 ನೇ ಶನಿವಾರರ್ದ್ 4/3/2021 ನೇ ಗುರುವಾರ ಮುಟ ನಡಪರೆ ಉಂಡು.

ತಾರೀಖ್ 2/3/2021 ನೇ ಅಂಗಾರೆ ಬೈಯ್ಯ 5 ಗಂಟೆಗ್ ಭಜನೆ ಸಂಕೀರ್ತನೆ ಬೊಕ್ಕ ಡಾಕ್ಟರ್ ರಮಾನಾಥ್ ಆಚಾರ್ ಉಡುಪಿ ಮೆರೆರ್ದ್ ಭಾಗವತ ಪ್ರವಚನ ನಡಪರೆ ಉಂಡು ಅಂಚನೇ ಬೈಯ್ಯ 7:30 ಕ್ ಮಹಾ ರಥೋತ್ಸವ ನಡಪರೆ ಉಂಡು.

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಸರ್ವ ತುಳು ಸಂಘಟನೆ ಬೆಂಗಳೂರು ಒಟ್ಟು ಸೇರಿಗೆಡ್ ಮಾನಾದಿಗೆದ ಮರ್ಯಾದಿ ಬೊಕ್ಕ ಬೂಕುಲೆನ ಇನಾಮು ಪಟ್ಟುನ ಲೇಸ್

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಸರ್ವ ತುಳು ಸಂಘಟನೆಬೆಂಗಳೂರುದ ಒಟ್ಟು ಸೇರಿಗೆಡ್ ಮಾನಾದಿಗೆದ ಮರ್ಯಾದಿ ಬೊಕ್ಕ ಬೂಕುಲೆನ ಇನಾಮು ಪಟ್ಟುನ ಲೇಸ್ ತಾರೀಖ್ : 07-03-2021ನೇ ಐತಾರ ಕಾಂಡೆ 9.00 ಸರಿಯಾದ್ ರವೀಂದ್ರ ಕಲಾಕ್ಷೇತ್ರ, ಬೆಂಗಳೂರು ಡು ನಡಪರೆ ಉಂಡು.

ತಾರೀಖ್ 7-3-2021 ನೇ ಐತಾರ ಕಾಂಡೆ 9:30ರ್ದ್ 11 ಗಂಟೆ ಮುಟ ಸಾಂಸ್ಕೃತಿಕ ಕಾರ್ಯಕ್ರಮ ತುಳುನಾಡ್ಡ ಪದರಂಗಿತ-ನಲಿಕೆ-ತೆಲಿಕೆ-ಯೋಗ ಕಾಂಡೆ 11 ಗಂಟೆರ್ದ್ ಮಧ್ಯಾಹ್ನ 12 ಮುಟ ಉಡಿಪನದ ಲೇಸ್ – ವಿಚಾರ ಗೋಷ್ಠಿ ತುಳು ಅಧಿಕೃತ ರಾಜ್ಯ ಭಾಷೆ – ಸಂವಿಧಾನದ 8ನೇ ಪರಿಚ್ಚೇದಗ್ ಸೇರೊಡು ಪಾಡ್ಡನ-ಗಾಯನ-ನಲಿಕೆ- ಏಪ? ಎಂಚ? ಏರ್? ನಡಪರೆ ಉಂಡು.ಮಧ್ಯಾಹ್ನ 1ಗಂಟೆರ್ದ್ 3 ಗಂಟೆ ಮುಟ ಪಾಡ್ದನ -ಗಾಯನ – ನಲಿಕೆ – ಯೋಗ ಅಂಚನೇ ಮಧ್ಯಾಹ್ನ 3 ಗಂಟೆರ್ದ್ 4 ಗಂಟೆ ಮುಟ ತುಳು ಸಿನೆಮ ಬಂಗಾರ ಪರ್ಬದ ಲೇಸ್(ತುಳು ಸಿನೆಮಾ ಕಲಾವಿದರ ಸಂಗಮ) ಬೈಯ್ಯ 4 ಗಂಟೆರ್ದ್ 6 ಗಂಟೆ ಮುಟ ಪ್ರಶಸ್ತಿ ಪಟ್ಟುನ ಲೇಸ್ ಬೈಯ್ಯ 6 ಗಂಟೆರ್ದ್ ರಾತ್ರೆ 8 ಗಂಟೆ ಮುಟ ತುಳುನಾಡ್‌ದ ಪೆರ್‌ಮೆದ ಕಲಾವಿದೆರ್‌ನ ಒಟ್ಟು ಸೇರಿಗೆಡ್ ತುಳುನಾಡ ವೈವಿಧೋಲು-ತುಳು ಯಕ್ಷಗಾನ
ನಡಪರೆ ಉಂಡು.

ಗತ್ತ್ ಡ್ ನಡತಿನ ತಿರುವೈಲ್ ಗುತ್ತುದ ವೈಭವದ ಕಂಬಳ

ಕುಡ್ಲ , ಫೆ.14: ದ.ಕ. ಜಿಲ್ಲೆಡ್ ಕರಾವಳಿ ಜನಪದ ಕ್ರೀಡೆ ಕಂಬಳಗ್ ಕುಡ ಕಳೆ ಬೈದುಂಡು. ಕುಡ್ಲ ದ ವಾಮಂಜೂರುದ ತಿರುವೈಲ್ ಡ್ ಕಂಬಳ ಬಾರಿ ಗೌಜಿ ಡ್ ನಡತುಂಡು.

ಬಂಟ್ವಾಳ ದ ಹೊಕ್ಕಾಡಿಗೋಳಿದ ‘ವೀರ-ವಿಕ್ರಮ’ ಜೋಡುಕರೆ ಕಂಬಳ, ಐಕಳದ ಕಾಂತಬಾರೆ, ಬೂದಾಬಾರೆ ಕಂಬಳದ ಬೊಕ್ಕ ಇತ್ತೆ ಮೂಜನೇ ಕಂಬಳ ತಿರುವೈಲು ಗುತ್ತುಡು ಸಂಕುಪೂಂಜ- ದೇವುಪೂಂಜ ಪುದರ್ ಡ್ ನಡತುಂಡು.

ವಾಮಂಜೂರು ತಿರುವೈಲು ಶ್ರೀ ಅಮೃತೇಶ್ವರ ದೇವಸ್ಥಾನದ ಎದುರುದ ತಿರುವೈಲು ಗುತ್ತು ಡು 8ನೇ ವರ್ಷದ ಕಂಬಳ ನಡತುಂಡು.

Feb 14 Mangalore: The Managing Director The Coastal Folk Sports Pillar in the district is again lost. Kambala is taking place in the Thiruvaiyil of Wamanjur near Mangalore city. The Thiruvaiil lease has got the gamut of glory.

Hokkadigoli’s ‘Veera-Vikrama’ in Bantwal taluk is now under the name of Sankapunjaya-Devupunja in the third tiravilu after the Kandabare, Boodabare Pillar of Ikala.

Vamanjur Thiruvalu Lamp Lighting Sankapunjaya – Devupunja Jodukare Plains Kambala The green room competition is going on.

The 8th year of Kambala is being held in the Tiruvaiyulu lease opposite the Sri Amriteshwara Temple.

ಮುಲ್ಕಿ ಅರಸು ಕಂಬುಲ ಮುಗಿತಲದ ಲೇಸ್- ಪಯ್ಯೊಟ್ಟುದ ಎರ್ಲೆಗ್ ಸುರೂತ್ತ ಇನಾಮು

ಮುಲ್ಕಿ : ಅರಸುಲೆನ ಮದಿಪುಡು ನಡಪುನ ಮುಲ್ಕಿ ಅರಸು ಕಂಬುಲದ ಮುಗಿತಲದ ಲೇಸ್ ಐತಾರ ಬಯ್ಯಡ್ ನಡತ್ಂಡ್.
ಮುಲ್ಕಿ ಸೀಮೆದ ಅರಸುಲು ದುಗ್ಗಣ್ಣ ಸಾವಂತೆರ್ ಗೆಂದಿನ ಎರ್ಲೆನ ಯಜಮಾನೆರ್ನಕಲೆಗ್ ಸಂಪ್ರದಾಯದಂಚ ಬಚ್ಚಿರೆ ಬೊಕ್ಕ ಲಿಂಬೆಪುಳಿ ಕೊರ್ದು ಮಾನಾದಿಗೆ ಮಲ್ತೆರ್.

ಒಟ್ಟುಗು 47 ಜತೆ ಎರ್ಲು ಕಂಬುಲೊಡು ಪಾಲ್ ಪಡೆದಿತ್ತ.ಬಲ್ಲ್ ದ ಎಲ್ಯ ಎರ್ಲೆನ ವಿಭಾಗೊಡು ಪಯ್ಯೊಟ್ಟು ಸದಾಶಿವ ಸಾಲ್ಯಾನ್ ರೆನ ಎರ್ಲು ಸುರೂತ್ತ ಇನಾಮು ಗೆಂದಿಯ. ಈ ಎರ್ಲೆನ್
ವಾಲ್ಪಾಡಿ ಶಂಕರ್ ಗಿಡತ್ ದೆರ್. ರಡ್ಡನೇ ಇನಾಮುನು ಜಪ್ಪು ಮುನ್ಕುತೋಟ ಗುತ್ತು ಸಾಚಿ ಅನಿಲ್ ಶೆಟ್ರೆನ ಎರ್ಲು ಗೆಂದಿಯ. ಉಂದೆನ್ ಹಿರೇಬೆಟ್ಟು ಆಕಾಶ್ ಗಿಡದೆರ್.
ನುಗತ್ತ ಎಲ್ಯ ಎರ್ಲೆನ ವಿಭಾಗೊಡು ಕೊಂಬೆಲ್ ಗುತ್ತು ಪ್ರಶಾಂತ್ ಪೂಜಾರ್ಲೆನ ಎರ್ಲು ಗೆಂದಿಯ. ಉಂದೆನ್ ಕೊರಿಂಜ ಹೊಸಮನೆ ಅರುಣ್ ಕುಮಾರ್ ಗಿಡದೆರ್.ರಡ್ಡನೇ ಇನಾಮುನು ಬೆಲ್ಮ ಕಣಕೂರು ಇಬ್ರಾಹಿಂ ಸಾಯಿಬೆರ್ನ ಎರ್ಲು ಗೆಂದಿಯ. ಉಂದೆನ್ ಬೈಂದೂರು ವಿಶ್ವನಾಥ್ ಗಿಡತ್ ದಿತ್ತೆರ್.ಮೊಕಲೆಗ್ ಇನಾಮು ಪಟ್ಟುನ ಲೇಸ್ ನಡತ್ಂಡ್.ಕಂಬಳ ಸಮಿತಿದ ಗುರ್ಕಾರ್ಲು ರಾಮಚಂದ್ರ ನಾಯಕ್, ಕೊಲ್ನಾಡುಗುತ್ತು, ಪದುಕೆರ್ ಆಯಿನ ಶಶೀಂದ್ರ ಸಾಲ್ಯಾನ್ ಪಯ್ಯೊಟ್ಟು, ಗೌತಮ್ ಜೈನ್, ಚಂದ್ರಶೇಖರ ನಾನಿಲ್, ವಕೀಲ ಚಂದ್ರಶೇಖರ್, ದಿನೇಶ್ ಸುವರ್ಣ, ಉಮೇಶ್ ಪಡುಪಣಂಬೂರು,ಶ್ಯಾಮ್ ಪಡುಪಣಂಬೂರು ಮೊಕುಲು ಮಾತ ಇತ್ತೆರ್.
ನವೀನ್ ಎಡ್ಮೆಮಾರ್ ಲೇಸ್ ಸುದಾರಿಕೆ ಮಲ್ತೆರ್.