ಗೌಜಿ ಗಮ್ಮತ್ ದ ಸುದ್ದಿ | Events & Functions

ಜೈ ಜವಾನ್ ಫ್ರೆಂಡ್ಸ್ ಕ್ಲಬ್ (ರಿ.) ಸುವರ್ಣ ಮಹೋತ್ಸವದ ಪ್ರಯುಕ್ತ ಸತ್ಯನಾರಾಯಣ ಪೂಜೆ

ಜೈ ಜವಾನ್ ಫ್ರೆಂಡ್ಸ್ ಕ್ಲಬ್ (ರಿ.) ಸುವರ್ಣ ಮಹೋತ್ಸವದ ಪ್ರಯುಕ್ತ ತಾರೀಖ್ 28/3/2021 ನೇ ಐತಾರ ದಾನಿ ಕಾಂಡೆ 10:30 ಗಂಟೆಗ್ ಜೈ ಜವಾನ್ ಫ್ರೆಂಡ್ಸ್ ಕ್ಲಬ್ (ರಿ.) ಕುಲಶೇಖರ ಚೌಕಿ ವಠಾರಡ್ ಕಾವೂರು ಮನೋಜ್ ಶಾಂತಿ ಮೆರ್ನ ಮುತಾಲಿಕೆಡ್ ಸತ್ಯನಾರಾಯಣ ಪೂಜೆ ನಡಪರೆ ಉಂಡು. ಐರ್ದ್ ಬೊಕ್ಕ ಮಧ್ಯಾಹ್ನ 12:30 ಕ್ ಅನ್ನಸಂತರ್ಪಣೆ ನಡಪರೆ ಉಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಅವ್ವೆ ದಿನ ಬೈಯ್ಯ 6 ಗಂಟೆಗ್ ಕೈತಲ್ ದ ಪ್ರತಿಭೆ ಲೆರ್ದ್ ಸಾಂಸ್ಕೃತಿಕ ಕಾರ್ಯಕ್ರಮ ಬೊಕ್ಕ 7 ಗಂಟೆಗ್ ಸಭಾ ಕಾರ್ಯಕ್ರಮ,8:30 ಕ್ ಸರಿಯಾದ್ ಲಹರಿ ಕೂಟ ಕುಡ್ಲ ಮೆಕ್ಲೆನೆರ್ದ್ ತುಳು ಹಾಸ್ಯಮಯ ನಾಟಕ ಪುದರ್ ಬೊರ್ಚಿ ಊರು ಬೊರ್ಚಿ ನಾಟಕ ನಡಪರೆ ಉಂಡು.

ಕಟೀಲು ಶ್ರೀ ದುರ್ಗಾ ಪರಮೇಶ್ವರಿ ದೇವಸ್ಥಾನಡ್ ಸಂಪ್ರದಾಯ ಪ್ರಕಾರ ನಡತಿನ ರಾಶಿಪೂಜೆ

ಕಟೀಲು: ಶ್ರೀ ದುರ್ಗಾ ಪರಮೇಶ್ವರಿ ದೇಗುಲಡ್ ವರ್ಷಂಪ್ರತಿದ ಸಂಪ್ರದಾಯದ ಪ್ರಕಾರ ಐತಾರ ಮೀನ ಸಂಕ್ರಾಂತಿದಾನಿ ರಾಶಿಪೂಜೆ ನಡತುಂಡು .

ಕಾಂಡೆ ದೇವೆರೆಗ್ 12 ರಾಶಿ ಕಲಶದ ಅಭಿಷೇಕ, ಪುಣ್ಯಾಹನಾಂದಿ ಸಮಾರಾಧನೆ ಬೊಕ್ಕ ರಾಶಿಚಕ್ರದ ಮಂಡಲದಡ್ 12 ರಾಶಿ ಆವಾಹನೆ ಮಲ್ತಿ ಬೊಕ್ಕ ಊರ ವಿಪ್ರರರೆರ್ದ್ ಹರಿನಾಮ ಸಂಕೀರ್ತನೆ ನಡತುಂಡು . ಮಧ್ಯಾಹ್ನ ಆಜಿ ಬೊಕ್ಕ ರಾತ್ರಿ ಆಜಿ ರಾಶಿಲೆಗ್ ದೇವಸ್ಥಾನದ ಉಲಯಿ ವಿಶೇಷ ಪೂಜೆ ನಡತ್oಡ್ .

ಈ ಪ್ರಯುಕ್ತ ಚಂಡಿಕಾಹೋಮ, ಮಧ್ಯಾಹ್ನ ದೇವೆರ್ನ ಮಹಾಪೂಜೆ ಬೊಕ್ಕ ಪಲ್ಲಪೂಜೆ ನಡತ್oಡ್ ಐರ್ದ್ ಬೊಕ್ಕ ಮಾರಿ ಗಿಡಪುನ ಕ್ರಮ, ಆರಾಧನೆ, ರಾತ್ರಿ ಮಹಾರಂಗಪೂಜೆ (ಭೂತಬಲಿ ರಂಗಪೂಜೆ), ಉತ್ಸವ ಬಲಿ, ದೇವೆರೆಗ್ ಚಂದ್ರಮಂಡಲ ರಥೋತ್ಸವ ನಡತoಡ್ .

ಮೊಕ್ತೇಸರ ವಾಸುದೇವ ಆಸ್ರಣ್ಣ, ಕೊಡೆತ್ತೂರುಗುತ್ತು ಸನತ್‌ ಕುಮಾರ ಶೆಟ್ಟಿ, ಅರ್ಚಕ ಅನಂತ ಆಸ್ರಣ್ಣ, ವೆಂಕಟರಮಣ ಆಸ್ರಣ್ಣ, ಪ್ರಸಾದ ಆಸ್ರಣ್ಣ, ಶ್ರೀಹರಿ ಆಸ್ರಣ್ಣ, ಅತ್ತೂರುಬೈಲು ವೆಂಕಟರಾಜ ಉಡುಪ, ವೇದವ್ಯಾಸ ತಂತ್ರಿ, ಕೃಷ್ಣರಾಜ ತಂತ್ರಿ ಪಾಲ್ ಪಡೆದ್ ಇತ್ತೆರ್.

ಭಗವಾನ್ ಶ್ರೀ ಬಬ್ಬುಸ್ವಾಮಿ ಕ್ಷೇತ್ರ (ರಿ.) ಅತ್ತಾವರ ಬಾಬುಗುಡ್ಡ: ಕ್ಷೇತ್ರಪತಿ ಶ್ರೀ ಬಬ್ಬುಸ್ವಾಮಿ ಬೊಕ್ಕ ಪರಿವಾರ ದೈವದ ವರ್ಷಾವಧಿ ನೇಮೋಚ್ಚಯ

ತಾರೀಖ್ 13-03-2021ನೇ ಶನಿವಾರರ್ದ್ ತಾರೀಖ್ 16-03-2021ನೆ ಅಂಗಾರೆ ಮುಟ ಭಗವಾನ್ ಶ್ರೀ ಬಬ್ಬುಸ್ವಾಮಿ ಕ್ಷೇತ್ರ (ರಿ.) ಅತ್ತಾವರ ಬಾಬುಗುಡ್ಡ ಕುಡ್ಲ. ಕ್ಷೇತ್ರಪತಿ ಶ್ರೀ ಬಬ್ಬುಸ್ವಾಮಿ ಬೊಕ್ಕ ಪರಿವಾರ ದೈವದ ವರ್ಷಾವಧಿ ನೇಮೋಚ್ಚಯ ನಡಪರೆ ಉಂಡು.

ತಾರೀಖ್ 13/3/2021 ನೇ ಶನಿವಾರ ಕಾಂಡೆ 7 ಗಂಟೆಗ್ ಗಣಹೋಮ, ಸ್ಥಳಶುದ್ದಿ, ಐರ್ದ್ ಬೊಕ್ಕ ಶ್ರೀ ದೈವದ ಭಂಡಾರ ಏರಿಕೆ. ಕಾಂಡೆ 10 ಗಂಟೆಗ್ ಕ್ಷೇತ್ರಪಾಲ ಕೋಟೆದ ಗುಳಿಗ ದೈವದ ನೇಮೋಚ್ಚಯ.ಅವ್ವೆ ದಿನ ರಾತ್ರೆ 10:30 ಕ್ ಶ್ರೀ ಬಬ್ಬುಸ್ವಾಮಿ ಬೊಕ್ಕ ತನ್ನಿಮಾನಿಗ ದೈವದ ನೇಮೋಚ್ಚಯ ನಡಪರೆ ಉಂಡು .

ತಾರೀಖ್ 14-03-2021ನೇ ಐತಾರ ರಾತ್ರಿ ಗಂಟೆ 9-30 ಕ್ ಪಂಪಂಜುರ್ಲಿ ದೈವದ ನೇಮೋಚ್ಚಯ ನಡಪರೆ ಉಂಡು.

ತಾರೀಖ್ 15-03-2021ನೇ ಸೋಮಾವಾರ ಕಾಂಡೆ ರಾಜಂದ ಗುಳಿಗ ಬೊಕ್ಕ ರಾಹುಗುಳಿಗ ದೈವದ ನೇಮೋಚ್ಚಯ ರಾತ್ರೆ 7 ಗಂಟೆಗ್ ಸುಬ್ಬಿ ಗುಳಿಗ ದೈವದನೇಮೋಚ್ಚಯ ಅವ್ವೆ ದಿನ ರಾತ್ರೆ 9:30 ಕ್ ಸುಬ್ಬಿಯಮ್ಮ ದೈವದ ನೇಮೋಚ್ಚಯ ನಡಪರೆ ಉಂಡು.

ತಾರೀಖ್ 16-03-2021ನೇ ಅಂಗಾರೆ ಕಾಂಡೆ 9 ಗಂಟೆಗ್ ಧರ್ಮದೈವದ ನೇಮೋಚ್ಚಯ
ಮಧ್ಯಾಹ್ನ 12 ಗಂಟೆಗ್ ಸಂಸಂಕೊಳಿಗೆ ಗುಳಿಗ ದೈವದ ನೇಮೋತ್ಸವ ಬೊಕ್ಕ ಭಂಡಾರ ಜತ್ತ್ ದ್ ಪ್ರಸಾದ ವಿತರಣೆ ಕಾರ್ಯಕ್ರಮ ನಡಪರೆ ಉಂಡು

ಈ ಲೇಸ್ ಗ್ ಮೋಕೆಡ್ ಎದುಕೊನುನ ಶ್ರೀ ಬಿ. ಆರ್., ದಯಾಕರ್ ಗುರ್ಕಾರ್ಲು,
ಶ್ರೀ ಎಚ್, ರತೀಂದ್ರನಾಥ್
ಗುರ್ಕಾರ್ಲು ಜೀರ್ಣೋದ್ದಾರ ಸಮಿತಿ, ಪಾಂಡುರಂಗ ಶೆಟ್ಟಿ ಗುತ್ತು ಮನೆತನದಾರ್ ಅಂಚನೇ ಜೀರ್ಣೋದ್ದಾರ ಸಮಿತಿದ ಸರ್ವ ಸದಸ್ಯೆರ್.

ಕಂಬಳ ಸ್ವಾಭಿಮಾನದ ಸಂಸ್ಕೃತಿ ಸಂಕೇತ: ವಿನಯ್‌ ಗುರೂಜಿ

ಕುಡ್ಲ :ಜಗತ್ತ್ ಗ್ ಜ್ಞಾನದ ಬೊಲ್ಪುನು ಕೊರ್ತಿನವು ದಕ್ಷಿಣ ದಿಕ್ಕ್ . ಸಂಸ್ಕೃತಿ, ಪರಂಪರೆ, ಶೌರ್ಯದ ಅಪ್ರತಿಮ ನಿದರ್ಶನ ನ್ ತೋಜಾದ್ ಕೊರ್ತಿನವು ಕರಾವಳಿ. ಸ್ವಾಭಿಮಾನರ್ದ್ ಸಂಸ್ಕೃತಿ, ಸಂಸ್ಕಾರನ್ ಕೊರ್ಪಿನ ಶಕ್ತಿ ಕಂಬಳಗ್ ಉಂಡು ಪಂದ್ ಎಂದು ಮಹಾತ್ಮ ಗಾಂಧಿ ಪ್ರತಿಷ್ಠಾನದ ವಿನಯ್‌ ಗುರೂಜಿ ಪಂಡೆರ್ .

ಬಂಗ್ರ ಕೂಳೂರುದ ಗೋಲ್ಡ್ ಫಿಂಚ್ ಸಿಟಿಟ್ ಶನಿವಾರ ನಡತಿನ ರಾಮ-ಲಕ್ಷ್ಮಣ ಜೋಡುಕರೆ ಕಂಬಳೋತ್ಸವಡ್ ಪಾತೆರಿಯೆರ್.

ಯಕ್ಷಗಾನ, ಬ್ರಹ್ಮಕಲಶ, ಕಂಬಳದಂಚಿನ ಸಾಂಸ್ಕೃತಿಕ ಪರಂಪರೆನ್ ಒರಿಪಾದ್ ಬುಳೆಪಾವುನಲ್ಪ ಇಂಚಿನ ಲೇಸ್ ಲು ಮಾದರಿಯಾದುಂಡು ಪಂದ್ ಪಂಡೆರ್.

ಧಾರವಾಡ ಶಾಸಕ ಅರವಿಂದ ಬೆಲ್ಲದ ಪಾತೆರ್ದ್ , ಸವಾಲ್ದ ನಡುಟುಲಾ ಕಂಬಳಗ್ ಪೊಸ ರೂಪ ಕೊರ್ತೆರ್ . ನಮ್ಮ ಭಾಗದ ಚಕ್ಕಡಿ ಓಟಗ್ ಪೊಸತನ ಕೊರ್ಪಿನ ನೆಲೆಟ್ಟ್ ಉಂದು ಮಾದರಿ ಆತುಂಡು ಪಂದ್ ಪಂಡೆರ್.

ಮಹಾರಾಷ್ಟ್ರದ ಕಾಳಿಚರಣ ಸ್ವಾಮೀಜಿ, ಕಿಯೋನಿಕ್ಸ್‌ ಗುರ್ಕಾರ್ಲಾಯಿನ ಹರಿಕೃಷ್ಣ ಬಂಟ್ವಾಳ, ಯುವ ಕಾಂಗ್ರೆಸ್‌ ಜಿಲ್ಲಾ ಘಟಕದ ಗುರ್ಕಾರ್ಲಾಯಿನ ಮಿಥುನ್‌ ರೈ, ಪ್ರೊ.ಎಂ.ಬಿ. ಪುರಾಣಿಕ್‌, ಕಂಬಳ ಸಮಿತಿ ಗುರ್ಕಾರ್ಲಾಯಿನ ಕ್ಯಾ. ಬೃಜೇಶ್‌ ಚೌಟ ಪಾಲ್ ಪಡೆದಿತ್ತೆರ್.ಅಂಚನೇ ಕದ್ರಿ ಮಠದ ರಾಜಯೋಗಿ ನಿರ್ಮಲಾನಾಥ್ ಮಹಾರಾಜ್, ರಾಮಕೃಷ್ಣ ಮಠದ ಏಕಗಮ್ಯಾನಂದ ಸ್ವಾಮೀಜಿ, ವಜ್ರ ಕರ್ಣಾಂತಾಯ ಬಲ್ಲಾಳ್, ಜಯರಾಮ ಶೆಟ್ಟಿ ಕುಡುಂಬೂರು, ಮಾಜಿ ಶಾಸಕ ಮೋನಪ್ಪ ಭಂಡಾರಿ, ಸಾಹಿತ್ಯ ಪರಿಷತ್‌ ಜಿಲ್ಲಾ ಘಟಕದ ಗುರ್ಕಾರ್ಲಾಯಿನ ಪ್ರದೀಪ್ ಕುಮಾರ್ ಕಲ್ಕೂರ, ಪಾಲಿಕೆ ಸದಸ್ಯ ಅನಿಲ್ ಕುಮಾರ್, ಅರಸು ಕುಂಜಜರಾಯ ದೈವಸ್ಥಾನದ ಗುರ್ಕಾರ್ಲಾಯಿನ ದೇವಿಪ್ರಸಾದ್ ಶೆಟ್ಟಿ, ಮುಕ್ಕಾಲ್ದಿ ಜಯರಾಮ, ಖಾಸಗಿ ಬಸ್ ಮಾಲೀಕರ ಸಂಘದ ಗುರ್ಕಾರ್ಲಾಯಿನ ದಿಲ್‌ರಾಜ್ ಆಳ್ವ, ಕಂಬಳ ಸಮಿತಿಯ ಸಂಚಾಲಕೆರಾಯಿನ ಕಿಶೋರ್ ಕುಮಾರ್ ಪುತ್ತೂರು, ಸಲಹೆಗಾರೆರಾಯಿನ ಪ್ರೊ.ಗುಣಪಾಲ ಕಡಂಬ, ಪಿ.ಆರ್.ಶೆಟ್ಟಿ, ವಿಜಯಕುಮಾರ್ ಕಂಗಿನ ಮನೆ ಪಾಲ್ ಪಡೆದಿತ್ತೆರ್ . ಕಂಬಳ ಸಮಿತಿದ ಗುರ್ಕಾರ್ಲಾಯಿನ ಕ್ಯಾ.ಬ್ರಿಜೇಶ್ ಚೌಟ ಎದುಕೊಂಡೆರ್ . ಪ್ರಧಾನ ಕಾರ್ಯದರ್ಶಿ ಸುಜಿತ್ ಪ್ರತಾಪ್ ಸೊಲ್ಮೆ ಸಂದೈತ ಮಲ್ತೆರ್ .

ಚಿತ್ರ ಕೃಪೆ : ಅತುಲ್ ಎಸ್.ಕೆ, ಅಪುಲ್ ಆಳ್ವ