ಊರ್ದ ಸುದ್ದಿ Regional News

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ತಲಪಾಡಿ: ಟೋಲ್‌ಗೇಟ್ ಸಿಬ್ಬಂದಿರ್ದ್ ಗೂಂಡಾಗಿರಿ ಆರೋಪ

Dec 1, 2023

ಕುಡ್ಲ: ರಾಷ್ಟ್ರೀಯ ಹೆದ್ದಾರಿ ಕೇರಳಗ್ ಸಂಪರ್ಕ ಕೊರ್ಪುನ ತಲಪಾಡಿ ಟೋಲ್‌ಗೇಟ್ ಡ್ ಸಿಬ್ಬಂದಿ ಕಾರ್‌ನ್‌ ಅಡ್ಡಕಟ್ಟ್‌ದ್ ಬೋರ್ಚಾಂದಿನ ಶಬ್ದರ್ದ್‌ ನೆರ್ದ್ ಗೂಂಡಾಗಿರಿ ಮಲ್ತಿನ ಆರೋಪಗ್ ಸಂಬಂಧಿಸಾದ್ ಕಾರು ಡ್ರೈವರ್ ಪೊಲೀಸೆರೆಗ್ ದೂರು ಕೊರ್ತೆರ್.‌

ಟೋಲ್‌ ಗೇಟ್‌ಡ್ ಅಬ್ದುಲ್ ಕರೀಂ ಪನ್ಪುನಾರ್ ಕಾರ್‌ದ ಫಾಸ್ಟಾಗ್‌ರ್ದ್ ಕಾಸ್‌ ಕಟ್ಟ್‌ ಆತ್‌ಂಡ್.‌ ಆಂಡಲ ಸಿಬ್ಬಂದಿ ಗೇಟ್ ದೆಪ್ಪಂದಿನ ಕಾರಣ ಕರೀಂ ಪ್ರಶ್ನೆ ಮಲ್ತ್‌ದೆರ್.‌ ಈ ಬಗ್ಗೆ ಕರೀಂ ಟೋಲ್‌ಗೇಟ್ ಮ್ಯಾನೇಜರ್ ಬೊಕ್ಕ ಸಿಬ್ಬಂದಿನ ವಿರುದ್ಧ ಪೊಲೀಸ್ ಠಾಣೆಡ್ ದೂರು ಕೊರ್ದು ಕೇಸ್‌ ದಾಖಲಾತ್‌ಂಡ್.

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News

ಜನವರಿಡ್‌ ಮೂಜನೇ ವರ್ಷದ ಆಲಂಕಾರು ಪ್ರೀಮಿಯರ್‌ ಲೀಗ್‌ ಸುರು

Nov 30, 2023

ಪುತ್ತೂರು: ಕ್ರಿಕೆಡ್‌ ಗೊಬ್ಬು ಆಯೋಜನೆ ಮಲ್ತ್‌ ಲಾಭಾಂಶನ್‌ ಸಮಾಜಮುಖಿ ಕಾರ್ಯಗ್‌ ಗಲಸುನ ಮೂಲಕ ಮಾತೆರ್ನ ಪ್ರಶಂಸೆಗ್‌ ಪಾತ್ರರಾಯಿನ ಆಲಂಕಾರ್‌ದ ಸೂಪರ್‌ ಸ್ಟ್ರೈಕರ್ಸ್‌ರ್ದ್‌ ದುಂಬುದ ಜನವರಿ ತಿಂಗೊಲುಡು ಮೂಜನೇ ವರ್ಷದ ಆಲಂಕಾರು ಪ್ರೀಮಿಯಂ ಲೀಗ್‌ ಕ್ರಿಕೆಟ್‌ ಗೊಬ್ಬು ನಡಪೆರೆ ಉಂಡು.

ಕರಿನ ರಡ್ಡ್‌ ವರ್ಷರ್ದ್‌ ಕ್ರಿಕೆಟ್‌ ಗೊಬ್ಬು ಆಯೋಜನೆ ಮಲ್ತ್‌ ಗೊಬ್ಬುಡು ತಿಕ್ಕಿನ ಲಾಬಾಂಶನ್‌ ಬಡಪತ್ತ್ ದಕ್ಲೆಗ್ ಇಲ್ಲ್‌ ಕಟ್ಟೆರೆ, ಕ್ಯಾನ್ಸರ್‌ ಇಂಚಿನ ಅನಾರೋಗ್ಯ ಪೀಡಿತೆರೆಗ್‌ ನೆರವು ಕೊರ್ಪುನ ಸೂಪರ್‌ ಸ್ಟ್ರೈಕರ್ಸ್‌ ಬಳಗದಕುಲು ಈ ಸರ್ತಿ ಮೂಜನೆ ಸೀಸನ್‌ ಎಪಿಎಲ್‌-2023 ಆಯೋಜನೆ ಮಲ್ತ್‌ ಈ ಸರ್ತಿಲ ಬಡಪತ್ತ್ ದಕ್ಲೆಗ್‌ ಆರ್ಥಿಕ ಸಕಾಯ ಮಲ್ಪೆರೆ ಉಲ್ಲೆರ್.‌ ಜನವರಿ 20 ಬೊಕ್ಕ 21 ತಾನಿ ಆಲಂಕಾರು ದುರ್ಗಾಂಬಾ ಸಾರ್ವಜನಿಕ ಮೈದಾನಡ್‌ ಆಜಿ ತಂಡೊಲೆನ ಲೀಗ್‌ ಮಾದರಿದ ಕ್ರಿಕೆಟ್‌ ಗೊಬ್ಬು ನಡಪೆರೆ ಉಂಡು.

ಡಿಸೆಂಬರ್‌ 24 ತಾನಿ ಆಲಂಕಾರು ಸಿ.ಎ ಬ್ಯಾಂಕ್‌ ಕೈತಲ್‌ ಗೊಬ್ಬುನಕ್ಲೆನ ಹರಾಜ್‌ ನಡಪೆರೆ ಉಂಡು. ಗೊಬ್ಬುಡು ಸುರುತ ಇನಾಮು 33 ಸಾವಿರ ಪನವು ಬೊಕ್ಕ ಟ್ರೋಫಿ, ರಡ್ಡನೇ ಇನಾಮು 22 ಸಾವಿರ ಪನವು ಬೊಕ್ಕ ಟ್ರೋಫಿ. ಸಮಾಜಮುಖಿ ಕಾರ್ಯಗಾದ್‌ ನಡಪುನ ಈ ಗೊಬ್ಬು ಪ್ರಯೋಜಕೆರಾಯೆರೆ, ಗೊಬ್ಬುಡು ನೇರ ಪ್ರಸಾರಡ್‌ ಜಾಹೀರಾರು ಕೊರ್ಪುನಕುಲು 8722276957 ಸಂಖ್ಯೆಗ್ ಸಂಪರ್ಕ ಮಲ್ಪೊಲಿ ಪಂದ್‌ ಪ್ರಕಟನೆಡ್‌ ತೆರಿಪಾದೆರ್.‌

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಒಡಿಪು ಜಿಲ್ಲೆದ ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿಯಾದ್ ಪರಮೇಶ್ವರ್ ಅನಂತ್ ಹೆಗ್ಡೆ ನೇಮಕ‌

Nov 30, 2023

ಒಡಿಪು: ಜಿಲ್ಲೆದ ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿಯಾದ್ ಪರಮೇಶ್ವರ್ ಅನಂತ್ ಹೆಗ್ಡೆ ಅರೆನ್ ನೇಮಕ ಮಲ್ತ್ ರಾಜ್ಯ ಸರಕಾರ ಆದೇಶ ಕೊರ್ತುಂಡು.

ನೆರ್ದ್ ದುಂಬು ಪರಮೇಶ್ವರ್ ಅನಂತ್ ಹೆಗ್ಡೆ ಮೇರ್ ಕುಡ್ಲ ಸಿಸಿಬಿ ಘಟಕದ ಡಿವೈಎಸ್ಪಿಯಾದ್ ಸೇವೆ ಮಲ್ತ್‌ದೆರ್. 2021ಟ್ ಪರಮೇಶ್ವರ್ ಅನಂತ್ ಹೆಗ್ಡೆ ಅರೆಗ್ ತನಿಖೆದ ಶ್ರೇಷ್ಠತೆಗಾದ್ ಪದಕನ್ ಕೊರ್ದು ಮಾನಾದಿಗೆ ಮಲ್ತ್‌ದೆರ್.

ಬಂಟ್ವಾಳರ್ದ್ ತಪ್ಪಾದ್ ಪೋದಿತ್ತಿನ ಜವನೆ, ಜವಾಂದಿ ಕೇರಳಡ್ ಪತ್ತೆ

Nov 30, 2023

ನೆರೆಕರೆತ ಒರಿ ಆನ್ ಬೊಕ್ಕ ಪೊಣ್ಣು ಸಜಿಪಮುನ್ನೂರು ಗ್ರಾಮದಕುಲು ತಪ್ಪಾದ್ ಪೋತೆರ್ ಪನ್ದ್ ಅಕಲೆನ ಇಲ್ಲದಕುಲು ಬೇತೆ ಬೇತೆ ಕಂಪ್ಲೇಂಟ್ ಕೊರ್ದಿತ್ತೆರ್. ಮೊಕಲೆನ್ ಇತ್ತೆ ಕೇರಳಡ್ ನಾಡ್ ಪತ್ತ್ ದೆರ್.

18 ವರ್ಸದ ಆಯಿಷತ್ ರಶ್ಮಾ ಬೊಕ್ಕ 23 ವರ್ಸದ ಮೊಹಮ್ಮದ್ ಸಿನಾನ್ ನವೆಂಬರ್ 23ರ್ದ್ ತಪ್ಪಾದ್ ಪೋತೆರ್ ಪನ್ದ್ ಅಕಲೆನ ಇಲ್ಲದಕುಲು ಪೋಲೀಸ್ ಸ್ಟೇಷನ್‌ಡ್ ಒಯಿಲ್ ಕೊರ್ದಿತ್ತೆರ್. ಮೊಕಲೆನ್ ಪೋಲೀಸೆರ್ ಕೇರಳದ ಕಾಞಂಗಾಡ್‌ಡ್ ನಾಡ್ ಪತ್ತಿಯೆರ್. ಮೊಕಲೆನ್ ಅಲ್ತ್ ಬಂಟ್ವಾಳ ಸ್ಟೇಷನ್‌ಗ್ ಕನತೆರ್, ಮೊಕಲೆಗ್ ಮದಿಮೆ ಆಪಿನ ಮನಸ್ ಇತ್ತಿನವು ತೆರಿದ್ ಬೈದ್ಂಡ್.

ಮೂಜಿ ತಿಂಗೊಲುರ್ದು ಉಂತುದಿನವುಲೇ ಉಂತುದ ಕುಡ್ಲ ಪಾಲಿಕೆದ 100 ಗಾಡಿಲು

Nov 30, 2023

ಕುಡ್ಲ: ಕುಡ್ಲ ಮಹಾನಗರ ಪಾಲಿಕೆದ 60 ವಾರ್ಡ್‌‌ಲೆಡ್ ಕಜವು ಇಲಬರಿ ಮಲ್ತೊಂದಿತ್ತಿನ ಆ್ಯಂಟನಿ ಸಂಸ್ಥೆದ ಪಗತೆಗ್ ಇತ್ತೆ ಮಹಾನಗರ ಪಾಲಿಕೆ ಸ್ವತಃ ಕಜವು ಇಲಬರಿ ಮನ್ಪುನ ಯೋಜನೆ ಪಾಡೊಂದುಂಡು. ಆಂಡ ಕಜವು ಇಲಬರಿ ಗಾಡಿಲೆಗ್ ಚಾಲನೆ ಕೊರ್ದು ಮೂಜಿ ತಿಂಗೊಲಾಂಡಲಾ ಗಾಡಿಲು ಮಾತ್ರ ಉಂತಿನವುಲೇ ಉಲ್ಲ. ಕೇಂದ್ರ ಸರಕಾರೊದ ಸ್ವಚ್ಛ ಭಾರತ್ ಮಿಷನ್‌ದ ಅಡಿಟ್ ಕುಡ್ಲ ಪಾಲಿಕೆ ಗಾಡಿಲೆನ್ ಗೆತೊಂದಿತ್ತ್‌ದ್, 107 ಎಲ್ಯ ವೆಹಿಕಲ್, 30 ಟಿಪ್ಪರ್, 16 ಕಾಂಪ್ಯಾಕ್ಟರ್ ಒಟ್ಟು 153 ಗಾಡಿಲು ಉಲ್ಲ. ಉದಿಪನ ಆಯಿ ಬೊಕ್ಕ ಪಂಡ ಕರಿನ ಮೂಜಿ ತಿಂಗೊಲುರ್ದು ಪೇಂಟೆದ ಮಣ್ಣಗುಡ್ಡೆ ಬೊಕ್ಕ ಬೈಕಂಪಾಡಿಡ್ ಗಾಡಿಲೆನ್ ಉಂತಾದೆರ್.

ಕೆಲ ಗಾಡಿಲೆಗ್ ಇತ್ತೆನೇ ಎಲ್ಯ ಮಟ್ಟ್‌ಡ್ ಮಣ್ಣ್ ಪತ್ತ್‌ದ್ಂಡ್. ಗಾಡಿಲೆನ್ ಪಾಲಿಕೆನೇ ಕಾಸ್ ಪಾಡ್ದ್ ಗೆತೊಂದಿತ್ತ್‌ದ್, ಆಂಡ ನೆತ್ತ ಡ್ರೈವರ್, ಲೋಡರ್ ಬೇಲೆ, ವರ್ಕ್‌ಶಾಪ್ ಬೊಕ್ಕ 3 ವರ್ಷೊದ ಮೈಂಟೆನೆನ್ಸ್‌ಗ್ ಟೆಂಡರ್ ಲೆಪ್ಪುಂಡು. ಇತ್ತೆ ಆ್ಯಂಟನಿ ಸಂಸ್ಥೆಡ್ ಬೇಲೆ ಮಲ್ತೊಂದಿತ್ತಿನ ಪೌರಕಾರ್ಮಿಕೆರೆನ್ ನೇಮಕ ಮಲ್ತೊನೊಡು ಒಟ್ಟುಗು ಎಚ್ಚಿನ ಬೇಲೆಲೆಗ್ ಬೋಡಾಪಿನ ಕಾರ್ಮಿಕೆರೆನ್ ನೇಮಕ ಮಲ್ತೊನೊಡಾತೆ. ಈ ಪ್ರಕ್ರಿಯೆಲು ಕಡೆಸ್ಸಿನೆರ್ದಾವರ ನನಲಾ ಆ್ಯಂಟನಿ ಸಂಸ್ಥೆನೇ ಕೋವು ವಿಲೇವಾರಿ ಮಲ್ತೊಂದುಂಡು. ಇಂಚೆನೇ ದುಂಬರಿಂಡ ಮೈದಾನೊಡು ಉಂತುದುಪ್ಪುನ ಕೋಟಿಗಟ್ಲೆ ರೂಪಾಯಿ ಕಾಸ್‌ ಕೊರ್ದು ಗೆತೊಂದಿನ ಕಜವು ಇಲಬರಿ ಗಾಡಿಲು ದೊಂಬು, ಬರ್ಸೊರ್ದಾವರ ಗಲಸೆರಾವಂದಿಲೆಕ ಆಪಿನೆಕ್ ದುಂಬು ಅವೆನ್ ಬೇಲೆಗ್ ಜಪ್ಪಾವೊಡು. ಇಜಿಂಡ ಗಾಡಿಲೆನ ಟಯರ್, ಬ್ಯಾಟರಿ, ಇಂಜಿನ್ ಇಂಚ ಒಂಜೊಂಜೇ ತೆಟ್ಟ್‌ದ್ ಕುಡೊರ ಸರ್ವೀಸ್ ಮನ್ಪಾವುನೆತೊಟ್ಟುಗು ಪಾಲಿಕೆದ ಕುಡ ಒಂತೆ ಕಾಸ್‌ನ್ ಬೊಲ್ಲಗ್ ಬುಡ್ಲೆಕ ಆಪಿನ ಪರಿಸ್ಥಿತಿ ಉಂಡಾವು. ಆಯಿನಾತ್ ಬೇಗ ಉಂತುದಿನ ಗಾಡಿಲೆನ್ ಬೇಲೆಗ್ ಜಪ್ಪಾದ್ ಪಾಲಿಕೆದ ಕಾಸ್ ವ್ಯರ್ಥ ಆವಂದಿಲೆಕ ಕ್ರಮ ಗೆತೊನೊಡು.

ಕುಂದಾಪುರಡ್ ಲಂಚ ದೆತೊನ್ನಗ ತಿಕ್ ದ್‌ ಬೂರ್ನ ಕ್ಲರ್ಕ್.!

Nov 30, 2023

ಕುಂದಾಪುರ: ಕುಂದಾಪುರ ಉಪ ಅರಣ್ಯ ಸಂರಕ್ಷಣಾಧಿಕಾರಿ ಅರೆನ ಕಚೇರಿದ ಮಿತ್ತ್ ಒಡಿಪು ಲೋಕಾಯುಕ್ತ ಇಲಾಖೆ ಬುಧವಾರ ಬಯ್ಯಗ್ ದಾಳಿ ಮಲ್ತ್‌ದೆರ್.‌

ಕುಂದಾಪುರ ಉಪ ವಿಭಾಗದ ಉಪ ಅರಣ್ಯ ಸಂರಕ್ಷಣಾಧಿಕಾರಿನ ಕಚೇರಿಡ್‌ ಬೇಲೆ ಮಲ್ತೊಂದು ಇಪ್ಪುನ ಕ್ಲರ್ಕ್ ಮಂಜು ಪೂಜಾರಿ ಪನ್ಪುನಾರ್ 20,000 ರೂಪಾಯಿ ಲಂಚಕ್ಕೆ ಬೇಡಿಕೆ ದೀದ್‌ ಇತ್ತೆರ್. ಈ ಹಿನ್ನೆಲೆಡ್ ಬುಧವಾರ ಲಂಚ ದೆತೊನ್ನಗ ರೆಡ್‌ ಹ್ಯಾಂಡ್ ಆದ್ ಲೋಕಾಯುಕ್ತ ಪೊಲೀಸೆರೆನ ಬಲೆಕ್ಕ್‌ ಬೂರ್ದೆರ್.

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಭಾರತ್ ಗೌರವ್ ರೈಲ್‌ಡ್ ವಿಷಪೂರಿತ ತಿನಸ್‌ ತಿಂದ್ 90 ಜನ ಪ್ರಯಾಣಿಕೆರ್ ಅಸ್ವಸ್ಥ‌̇

Nov 30, 2023

ಭಾರತ್ ಗೌರವ್ ರೈಲ್‌ಡ್ ವಿಷಪೂರಿತ ತಿನಸ್‌ ತಿಂದ್ 90 ಜನ ಪ್ರಯಾಣಿಕೆರ್ ಆಸ್ಪತ್ರೆಗ್ ದಾಖಲಾಯಿನ ಘಟನೆ ನಡತ್‌ಂಡ್. ಭಾರತ್ ಗೌರವ್ ವಿಶೇಷ ರೈಲ್‌ಡ್ ಚೆನ್ನೈರ್ದ್ ಪ್ರಯಾಣ ಮಲ್ತೊಂದು ಇತ್ತಿನ ಸುಮಾರು 90 ಪ್ರಯಾಣಿಕೆರ್ ಮಧ್ಯರಾತ್ರೆ ಪುಣೆ ರೈಲ್ವೆ ನಿಲ್ದಾಣಗ್‌ ಮುಟ್ಟುನೆರ್ದ್‌ ದುಂಬು ಬಂಜಿ ಬೇನೆ ಬೊಕ್ಕ ಬೇತೆ ಸಮಸ್ಯೆಲ ತೋಜಿದ್‌ ಬೈದ್‌ಂಡ್.

ಮಸ್ತ್ ಪ್ರಯಾಣಿಕೆರ್‌ ಕಕ್ಕುನ ಬೊಕ್ಕ ಭೇದಿಡ್ ಬಳಲೊಂದು ಇತ್ತೆರ್.‌ ರೂಬಿ ಹಾಲ್ ಕ್ಲಿನಿಕ್ ರೈಲ್ವೆ ಆಸ್ಪತ್ರೆ ಬೊಕ್ಕ ಸಾಸೂನ್ ಜನರಲ್ ಆಸ್ಪತ್ರೆದ ಡಾಕ್ಟರ್‌ ನಕುಲು ಒಟ್ಟು 99 ರೋಗಿಲೆನ್ ಪರೀಕ್ಷೆ ಮಲ್ತ್ ಮಾತ ರೋಗಿಲೆನ ಆರೋಗ್ಯ ಸ್ಥಿರ ಆದ್‌ ಉಂಡು ಪಂದ್‌ ತೆರಿಪಾದೆರ್.

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News

ಬೋಲ್ತೆರ್:‌ ತಾಲೂಕು ಆಡಳಿತ ಸೌಧಡ್ ಕನಕದಾಸ ಜಯಂತಿ ಆಚರಣೆ‌

Nov 30, 2023

ಬೋಲ್ತೆರ್:‌ ದಾಸವರೇಣ್ಯ ಕನಕದಾಸ ಜಯಂತಿನ್ ತಾಲೂಕು ಆಡಳಿತ ಸೌಧ ಸಭಾಂಗಣಡ್ ನ.30 ತಾನಿ ಆಚರಣೆ ಮಲ್ತೆರ್. ವಿಧಾನ ಪರಿಷತ್ ಶಾಸಕೆರ್ ಪ್ರತಾಪ್ ಸಿಂಹ ನಾಯಕ್ ಕಾರ್ಯಕ್ರಮದ ಉದಿಪನ ಮಲ್ತ್, ಭಾರತದ ಆತ್ಮವೇ ಆಧ್ಯಾತ್ಮ, ದಾಸ ಸಾಹಿತ್ಯದ ಮೂಲಕ ಸಮಾಜಗ್ ಆಧ್ಯಾತ್ಮದ ಸಂದೇಶ ಕೊರ್ನ ಕನಕದಾಸೆರ್ ದಾಸ ಪರಂಪರೆಡ್ ಶ್ರೇಷ್ಠ ಆತೆರ್‌ ಪಂದ್‌ ಪಂಡೆರ್.

ಕಂದಾಯ ನಿರೀಕ್ಷಕೆರ್ ಪವಾಡಪ್ಪ ಕನಕದಾಸರ ಜೀವನದ ಬಗ್ಗೆ ಪಾತೆರಿಯೆರ್.‌ ತಹಶೀಲ್ದಾರ್ ಪೃಥ್ವಿ ಸಾನಿಕಮ್ ಗುರ್ಕಾರ್ಮೆನ್‌ ವಹಿಸಾದ್‌ ಕನಕದಾಸರ ಸಾಹಿತ್ಯ ಸಮಾಜ ಸುಧಾರಣೆಗ್ ಮಾರ್ಗದರ್ಶನ ಆತ್‌ಂಡ್‌ ಪಂದ್‌ ಪಂಡೆರ್. ತಾ.ಪಂ. ಕಾರ್ಯನಿರ್ವಹಣಾಧಿಕಾರಿ ಕುಸುಮಾಧರ್ ಈ ಪೊರ್ತುಡು ಇತ್ತೆರ್. ತಾಲೂಕು ಪಂಚಾಯತ್ ಸಂಯೋಜಕೆರ್ ಜಯಾನಂದ ಲಾಯಿಲ ಬತ್ತಿನ ಬಿನ್ನೆರೆನ್‌ ಎದ್ಕೊಂದು, ಸೊಲ್ಮೆ ಸಂದಾಯ ಮಲ್ತೆರ್.

ಪುತ್ತೂರು: ಪೊಂಜೊವುಗು ಗಂಗಸರ ಪರ್ಪಾದ್ ಅತ್ಯಾಚಾರ: ಆರೋಪಿ ಅರೆಸ್ಟ್

Nov 30, 2023

ನವೆಂಬರ್ 24ತ ರಾತ್ರೆ ಪುತ್ತೂರು ಬಸ್‌ ಉಂತಡೆಡ್ ಇತ್ತಿನ ಸಂತ್ರಸ್ತೆದಿ ಪೊಂಜೊವುಗು ಪರ್ಪಿ ನೀರ್‌ಗ್ ಗಂಗಸರ ಪಾಡ್ದ್ ಕೊರ್ತಿನ ಆರೋಪಿ, ಆಲೆನ್ ಏರ್ಲಾ ಇಜ್ಜಂದಿನ ಜಾಗೆಗ್ ಲೆತೊಂದು ಪೋದು ಅತ್ಯಾಚಾರ ಮಲ್ತ್‌ದೆ ಪಂದ್ ಒಯಿಲ್ ದಾಕಲಾದಿತ್ತ್ಂಡ್.

ಪುತ್ತೂರು ಆರ್ಯಾಪು ಗ್ರಾಮೊದ ಸಂಶುದ್ದೀನ್ ಆಸ್ಗರ್ ಅಲಿ (23) ಕೈದಾತಿನ ಆರೋಪಿ. ಪ್ರಕರಣೊದ ಜಡ್ತೆ ಮಲ್ತ್‌ದ್, ಆರೋಪಿನ್ ಅಂಗಾರೆ ಅರೆಸ್ಟ್ ಮಲ್ತ್‌ದ್, ಬುಧವಾರ ಕೋರ್ಟ್‌ಗ್ ಹಾಜಿರ್ ಮಲ್ತ್‌ದ ಪಂದ್ ಪೊಲೀಸೆರ್ ತೆರಿಪಾದೆರ್.

ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಐಕಳಡ್ ಗ್ರಾಮೀಣ ಮಟ್ಟದ ವಾಲಿಬಾಲ್ ಪಂತೊ

Nov 29, 2023

ಮುಲ್ಕಿ: ಕಿನ್ನಿಗೋಳಿ ಐಕಳದ ಕಾಂತಾ ಬಾರೆ-ಬೂದಾಬಾರೆ ಫ್ರೆಂಡ್ಸ್ ಕ್ಲಬ್ ಆಶ್ರಯಡ್ ಸಾಮಾಜಿಕ ಸೇವಾ ಚಟುವಟಿಕೆದ ಸಹಾಯಾರ್ಥವಾದ್ ಗ್ರಾಮೀಣ ಮಟ್ಟದ ವಾಲಿಬಾಲ್ ಪಂದ್ಯಾಟ 2023 ಕಾರ್ಯಕ್ರಮ ಐಕಳ ಕಂಬುಲದ ಮಂಜೊಟ್ಟಿ ಕಂಡದ ಕೈತಲ್ ದ ಗ್ರೌಂಡ್ ಡ್ ನಡತ್ಂಡ್.

ಮುಲ್ಕಿ ಬಂಟರ ಸಂಘದ ಗುರ್ಕಾರ್ಲು ಅಶೋಕ್ ಕುಮಾರ್ ಶೆಟ್ಟಿ ಲೇಸ್ ದ ಉದಿಪನ ಮಲ್ತ್ ಪಾತೆರ್ನ ಆರ್ ಗ್ರಾಮೀಣ ಪ್ರದೇಶಡ್ ಕ್ರೀಡೆಗ್ ಪ್ರೋತ್ಸಾಹ ಕೊರ್ಪುನ ಒಟ್ಟಿಗೆ ಸಾಮಾಜಿಕ ಚಟುವಟಿಕೆದ ಮೂಲಕ ಸಮಾಜದ ಕಟ್ಟ ಕಡೆತ ವ್ಯಕ್ತಿಗ್ ಸಹಾಯ ಹಸ್ತ ಕೊರೊಂದು ಇಪ್ಪುನ ಸೇವಾ ಸಂಸ್ಥೆದ ಬೇಲೆ ಬಾರಿ ಎಡ್ಡೆ ಪಂದ್ ಪಂಡೆರ್.

ಕಾರ್ಯಕ್ರಮದ ಗುರ್ಕಾರ್ಮೆನ್ ಉದ್ಯಮಿ ಪುರುಷೋತ್ತಮ ಶೆಟ್ಟಿ ಕಿನ್ನಿಗೋಳಿ ವಹಿಸ್ ದ್ ಇತ್ತೆರ್. ಕಾರ್ಯಕ್ರಮಡ್ ಶ್ರೀ ಕ್ಷೇತ್ರ ಏಳಿಂಜೆದ ಪ್ರಧಾನ ಅರ್ಚಕೆರ್ ಗಣೇಶ್ ಭಟ್ ಆಶಿರ್ವಚನ ಕೊರಿಯೆರ್. ಚಾವಡಿಡ್ ಮಲ್ಲ ಬಿನ್ನೆರಾದ್ ಉಪನ್ಯಾಸಕೆರ್ ಸಾಯಿನಾಥ ಶೆಟ್ಟಿ , ಐಕಳ ಗ್ರಾ. ಪಂ.ಮಾಜಿ ಅಧ್ಯಕ್ಷೆ ಸುಗುಣ ಪೂಜಾರಿ, ಕಿನ್ನಿಗೋಳಿ ಲಯನ್ಸ್ ಕ್ಲಬ್ ಅಧ್ಯಕ್ಷೆ ಹಿಲ್ಡಾ ಡಿಸೋಜ, ನಿಡ್ಡೋಡಿ ಬಂಟರ ಸಂಘದ ಗುರ್ಕಾರ್ಲು ಬಿ. ಆರ್. ಪ್ರಸಾದ್, ದಯಾನಂದ ಶೆಟ್ಟಿ, ಐಕಳಬಾವ ಹೊಸಮನೆ, ಕೃಷ್ಣ ಮಾರ್ಲ, ಹರೀಶ್ ಶೆಟ್ಟಿ ತಾಮಣಿಗುತ್ತು, ದೇವಿಪ್ರಸಾದ್ ಶೆಟ್ಟಿ ಏಳಿಂಜೆ ,ಫ್ರೆಂಡ್ಸ್ ಕ್ಲಬ್ ದ ಗುರ್ಕಾರ್ಲು ತಾರಾನಾಥ ಶೆಟ್ಟಿ ಇತ್ತೆರ್. ದೇವಿದಾಸ ಶೆಟ್ಟಿ ಬಿನ್ನೆರೆನ್ ಎದ್ಕೊಂದು, ಶ್ರೀಶ ಐಕಳ ಲೇಸ್ ದ ಸುದಾರಿಕೆ ಮಲ್ತೆರ್. ಅವೆರ್ದ್ ಬೊಕ್ಕ ವಾಲಿಬಾಲ್ ಗೊಬ್ಬು ನಡತ್ಂಡ್.

ಊರ್ದ ಸುದ್ದಿ Regional News

ತಲಪಾಡಿ: ಟೋಲ್‌ಗೇಟ್ ಸಿಬ್ಬಂದಿರ್ದ್ ಗೂಂಡಾಗಿರಿ ಆರೋಪ

ಜನವರಿಡ್‌ ಮೂಜನೇ ವರ್ಷದ ಆಲಂಕಾರು ಪ್ರೀಮಿಯರ್‌ ಲೀಗ್‌ ಸುರು

ಒಡಿಪು ಜಿಲ್ಲೆದ ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿಯಾದ್ ಪರಮೇಶ್ವರ್ ಅನಂತ್ ಹೆಗ್ಡೆ ನೇಮಕ‌

ಬಂಟ್ವಾಳರ್ದ್ ತಪ್ಪಾದ್ ಪೋದಿತ್ತಿನ ಜವನೆ, ಜವಾಂದಿ ಕೇರಳಡ್ ಪತ್ತೆ

ಮೂಜಿ ತಿಂಗೊಲುರ್ದು ಉಂತುದಿನವುಲೇ ಉಂತುದ ಕುಡ್ಲ ಪಾಲಿಕೆದ 100 ಗಾಡಿಲು

ಕುಂದಾಪುರಡ್ ಲಂಚ ದೆತೊನ್ನಗ ತಿಕ್ ದ್‌ ಬೂರ್ನ ಕ್ಲರ್ಕ್.!

ಭಾರತ್ ಗೌರವ್ ರೈಲ್‌ಡ್ ವಿಷಪೂರಿತ ತಿನಸ್‌ ತಿಂದ್ 90 ಜನ ಪ್ರಯಾಣಿಕೆರ್ ಅಸ್ವಸ್ಥ‌̇

ಬೋಲ್ತೆರ್:‌ ತಾಲೂಕು ಆಡಳಿತ ಸೌಧಡ್ ಕನಕದಾಸ ಜಯಂತಿ ಆಚರಣೆ‌

ಪುತ್ತೂರು: ಪೊಂಜೊವುಗು ಗಂಗಸರ ಪರ್ಪಾದ್ ಅತ್ಯಾಚಾರ: ಆರೋಪಿ ಅರೆಸ್ಟ್

ಐಕಳಡ್ ಗ್ರಾಮೀಣ ಮಟ್ಟದ ವಾಲಿಬಾಲ್ ಪಂತೊ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ